Türkmenistanyň Prezidenti Gurbanguly Berdimuhamedow Hytaý Halk Respublikasynyň Başlygy Si Szinpin bilen duşuşyk geçirdi

Pekin — Aşgabat, 5-nji fewral (TDH). Şu gün hormatly Prezidentimiz Gurbanguly Berdimuhamedowyň Hytaý Halk Respublikasyna iş sapary tamamlandy. Ozal habar berlişi ýaly, düýn milli Liderimiz HHR-iň Başlygynyň çakylygy boýunça Pekinde geçirilýän XXIV gyşky Olimpiýa oýunlarynyň açylyş dabarasyna hormatly myhman hökmünde gatnaşdy.

Şu gün döwlet Baştutanymyz Hytaýyň Halk ýygnaklar öýüne geldi. Bu ýerde hormatly Prezidentimiz Gurbanguly Berdimuhamedowy Hytaý Halk Respublikasynyň Başlygy Si Szinpin mähirli garşylady.

Iki ýurduň Liderleri Türkmenistanyň we HHR-iň Döwlet baýdaklarynyň öňünde surata düşdüler.

Si Szinpin XXIV gyşky Olimpiýa oýunlarynyň açylyş dabarasyna gatnaşmak üçin Pekine gelip görmäge iberilen çakylygy kabul edendigi üçin hormatly Prezidentimiz Gurbanguly Berdimuhamedowa hoşallyk bildirip, dürli ugurlarda ägirt uly mümkinçilikleri bolan türkmen-hytaý hyzmatdaşlygynyň sazlaşykly ösdürilýändigini nygtady.

Milli Liderimiz bildirilen myhmansöýerlik hem-de Türkmenistanyň wekiliýetiniň Hytaýa saparynyň guramaçylyk derejesine hemmetaraplaýyn goldaw berlendigi üçin tüýs ýürekden minnetdarlyk bildirip, şu günki duşuşygyň Hytaýyň täze ýylynyň ilkinji günlerinde geçýändigine örän şatdygyny belledi.

Hormatly Prezidentimiz Gurbanguly Berdimuhamedow XXIV gyşky Olimpiýa oýunlarynyň açylyş dabarasyna gatnaşmak üçin Pekine gelip görmäge çakylygy üçin HHR-iň Başlygyna minnetdarlyk bildirip, bu gezekki saparyň hem-de şu günki geçirilen gepleşikleriň netijeleriniň ösüşiň täze ugurlaryny kesgitlemäge, ikitaraplaýyn gatnaşyklaryň mundan beýläk-de ösdürilmegine täze itergi berjekdigine ynam bildirdi.

Döwlet Baştutanymyzyň belleýşi ýaly, häzir dünýäde sport halkara hyzmatdaşlygyň möhüm bölegi bolmak bilen, ynanyşmak, hormat goýmak we özara düşünişmek ýagdaýynyň kemala gelmeginde möhüm goşant bolup durýar. Şunuň bilen baglylykda, Olimpiýa oýunlary örän wajyp halkara sport çäresidir. Pekiniň taryhda ilkinji gezek hem tomusky, hem gyşky Olimpiýa oýunlarynyň geçirilen şäheri bolandygyny bellemek gerek.

Pursatdan peýdalanyp, milli Liderimiz Hytaý Halk Respublikasyna bu ýaryşlary geçirmekde, hytaýly türgenlere bolsa sport äleminde üstünlikleri arzuw etdi.

Söhbetdeşligiň dowamynda hormatly Prezidentimiz Gurbanguly Berdimuhamedow hem-de Başlyk Si Szinpin strategik döwletara gatnaşyklaryň ähmiýetli ugurlaryna üns berdiler we häzirki döwrüň ýagdaýlaryny hem-de geljekki ugurlary nazara alyp, onuň mundan beýläk-de ösdürilmegine taraplaryň taýýardyklaryny tassykladylar.

Deňhukuklylyk, özara bähbitlilik, birek-birege hormat goýmak we ynanyşmak ýörelgelerine esaslanýan dostlukly türkmen-hytaý hyzmatdaşlygynyň hem-de özara bähbitli gatnaşyklaryň halklaryň abadançylygynyň bähbidine ähli ugurlar boýunça ösdürilýändigi we yzygiderli dowam edýändigi bellenildi.

Hormatly Prezidentimiz Gurbanguly Berdimuhamedowyň belleýşi ýaly, biziň ýurtlarymyz ykdysadyýetiň ähli ugurlarynda diýen ýaly netijeli hyzmatdaşlygy ýola goýdular. Köp ýyllaryň dowamynda Hytaý Türkmenistanyň söwda boýunça iri hyzmatdaşlarynyň biridir.

Duşuşygyň barşynda nebitgaz pudagynyň ikitaraplaýyn ykdysady gatnaşyklaryň ileri tutulýan ugurlarynyň biri we möhüm bölegi bolup durýandygy bellenildi. Türkmen gazynyň Hytaýa ugradylmagyny üpjün edýän gaz geçirijiniň gurluşygy özara bähbitli gatnaşyklaryň üstünliklere beslenýändigini aňladýar.

XXI asyryň ägirt uly taslamasynyň üstünlikli durmuşa geçirilmegi oňa gatnaşyjylaryň, hususan-da, önüm öndürijileriň, üstaşyr geçirijileriň we sarp edijileriň bähbitlerine esaslanýan uzak möhletleýin netijeli gatnaşyklaryň anyk mysalydyr. Şol bir wagtyň özünde bu taslama sebit we ählumumy energiýa howpsuzlygynyň pugtalandyrylmagyna mynasyp goşantdyr.

Şunuň bilen birlikde, iki tarapyň mümkinçilikleriniň heniz doly açylmandygy hem-de özara bähbitli hyzmatdaşlygyň täze ugurlaryny bilelikde işläp taýýarlamagyň zerurdygy bellenildi.

Türkmenistanyň gaz geçirijiniň dördünji şahasyny gurmak arkaly Hytaýa ugradylýan tebigy gazyň möçberini artdyrmak bilen baglanyşykly meseleleri jikme-jik ara alyp maslahatlaşmak üçin taýýardygy tassyklanyldy.

Hormatly Prezidentimiz Gurbanguly Berdimuhamedow bu barada aýtmak bilen, türkmen tebigy gazynyň HHR-e ugradylmagy meýilleşdirilýän mukdaryny kesgitlemegiň zerurdygyny nygtady.

Döwlet Baştutanymyz “Galkynyş” gaz käniniň ikinji tapgyryny döwrebaplaşdyrmagyň mümkinçilikleriniň seljerilmelidigini aýtdy. Bu dördünji (D) şaha boýunça Hytaýa tebigy gazy ugratmak üçin esasy serişde binýadyna öwrülmelidir.

Ýurdumyzyň çäginde türkmen tebigy gazynyň dördünji şaha boýunça Hytaýa ugradylmagyny üpjün edýän önümçilik, gaz ugradyş düzüminiň döredilmegi çözgüdi talap edilýän esasy meseleleriň biridir.

Şunuň bilen baglylykda, milli Liderimiz iki ýurduň hünärmenleriniň ýakyn wagtda gazy kükürtden arassalamak boýunça kärhanalaryň, kompressor stansiýalarynyň, “Galkynyş” gaz käninden Türkmenistanyň goňşy döwlet bilen çägine çenli gaz geçirijini gurmak meseleleri boýunça netijeli gepleşikleri geçirjekdiklerine ynam bildirdi.

Dördünji şahanyň gurluşygynyň taslamasyny durmuşa geçirmek boýunça geljekde bilelikde ýerine ýetiriljek işleriň çäklerinde, tebigy gazyň nyrh meselesini ara alyp maslahatlaşmaga girişmek zerurdyr. Hormatly Prezidentimiz Gurbanguly Berdimuhamedow bu mesele boýunça alnyp baryljak bilelikdäki işleriň dowamynda türkmen we hytaý hünärmenleriniň turba geçiriji boýunça geçýän harytlyk gazyň bahasyny kesgitlemekde dünýä tejribesinden ugur aljakdyklaryna bil baglaýandygyny belledi.

Türkmen tarapy ikitaraplaýyn ylalaşyklar gazanylandan soňra, hytaý kompaniýasynyň “Galkynyş” gaz käniniň ikinji tapgyryny HHR-iň göni maýa goýum serişdeleriniň hasabyna işläp taýýarlamaga gatnaşmak hakyndaky meselelere seredip biler. Şunda hytaý tarapynyň gönükdiren maýa serişdeleri ugradylýan türkmen gazynyň hasabyna yzyna gaýtarylar diýip, döwlet Baştutanymyz aýtdy.

Gepleşikleriň dowamynda taraplar Türkmenistan — Hytaý gaz geçirijisiniň 4-nji şahasynyň gurluşygynyň taslamasy boýunça ylalaşyk gazandylar hem-de Hyzmatdaşlyk boýunça türkmen-hytaý we hytaý-türkmen komitetlerine bu ugurda bilelikdäki degişli işleri geçirmek tabşyryldy.

Duşuşygyň dowamynda ikitaraplaýyn hyzmatdaşlygyň geljekki ugurlary boýunça gyzyklanma bildirilýän pikir alyşmalar boldy. Şunda söwda-ykdysady hyzmatdaşlyk bilen bir hatarda, ynsanperwer ugurdaky gatnaşyklaryň ösdürilmegine möhüm üns berilýär.

Türkmenistan we Hytaý baý gadymy taryhy we özboluşly medeni mirasy bolan ýurtlardyr. Iki halkyň arasyndaky gatnaşyklaryň taryhy asyrlaryň jümmüşine uzap gidýär.

Ylym we bilim, medeniýet hem-de sungat ugurlaryndaky ýola goýlan netijeli gatnaşyklar türkmen-hytaý hyzmatdaşlygynyň pugtalandyrylmagyny we täze mazmun bilen baýlaşdyrylmagyny şertlendirýär.

Şunuň bilen birlikde, sport ulgamynda özara gatnaşyklar üçin giň mümkinçilikleriň bardygyny bellemek gerek. Hytaýly türgenleriň 2017-nji ýylyň sentýabr aýynda Aşgabatda geçirilen Ýapyk binalarda we söweş sungaty boýunça V Aziýa oýunlaryna gatnaşmagy şunuň aýdyň mysalydyr. Şu gezekki gyşky Olimpiada hem iki ýurduň arasyndaky sport hyzmatdaşlygyny ösdürmek üçin oňat mümkinçilikdir.

Häzirki ýagdaýy nazara alanyňda, saglygy goraýyş ulgamyndaky gatnaşyklar hyzmatdaşlygyň möhüm ugurlarynyň biri bolup durýar. Şunuň bilen baglylykda, türkmen Lideriniň oňyn başlangyçlary, şol sanda lukmançylyk diplomatiýasyny durmuşa geçirmek boýunça öňe sürýän teklipleri aýratyn möhüm häsiýete eýe bolýar. Hytaý tarapynyň Türkmenistana koronawirus ýokanjyna garşy Hytaýda öndürilen waksinanyň 5 million sanysyny ugratmak baradaky çözgüdi dostlukly gatnaşyklaryň nobatdaky nyşany boldy.

Ikitaraplaýyn türkmen-hytaý gatnaşyklary BMG-niň we beýleki abraýly halkara düzümleriň çäklerinde ýola goýulýan gatnaşyklaryň üstüni ýetirýär. Türkmenistanyň we Hytaýyň sebit we ählumumy meseleler boýunça garaýyşlarynyň ýakyndygyny ýa-da doly gabat gelýändigini bellemek gerek. Munuň özi, ilkinji nobatda, tutuş dünýäde parahatçylygyň, howpsuzlygyň we durnukly ösüşiň pugtalandyrylmagy bilen baglanyşyklydyr. Bu bolsa iki ýurda dünýä giňişliginde üstünlikli hyzmatdaşlyk etmäge, birek-birege goldaw bermäge mümkinçilik berýär. Iki döwletiň we halklaryň bähbidine kybap gelýän, birek-birege ynanyşmak esasynda ýola goýulýan gatnaşyklar Ýewraziýa yklymynda hem-de tutuş dünýäde oňyn hereketleriň ösdürilmegine ýardam edýär.

Gysgaça aýdylanda, türkmen-hytaý gatnaşyklary giň ugurlar, şol sanda syýasy-diplomatik, söwda-ykdysady, energetika, ulag-kommunikasiýa, logistika, tehnologiýa, medeni-ynsanperwer we beýleki geljegi uly ugurlar boýunça netijeli hyzmatdaşlygy ösdürmek üçin köptaraply mümkinçiliklere eýedir.

Ikitaraplaýyn hyzmatdaşlygyň möhüm ugurlary ara alnyp maslahatlaşylan gepleşikleriň ahyrynda taraplaryň döwletara gatnaşyklaryny hil taýdan täze derejä çykarmak üçin mundan beýläk-de zerur tagallalary etmäge taýýardygy tassyklanyldy.

Hormatly Prezidentimiz Gurbanguly Berdimuhamedow Başlyk Si Szinpine türkmen-hytaý gatnaşyklaryny pugtalandyrmaga we hemmetaraplaýyn hyzmatdaşlygy mundan beýläk-de ösdürmäge goşandy hem-de oňa goldaw berýändigi üçin minnetdarlyk bildirdi.

Milli Liderimiz bilelikdäki tagallalaryň iki ýurduň we halklaryň özara gatnaşyklarynyň ýyl ýazgysyna täze sahypalary ýazjakdygyna ynam bildirip, HHR-iň Baştutanyny özi üçin amatly wagtda Türkmenistana gelip görmäge çagyrdy.

Türkmenistanyň Prezidenti Gurbanguly Berdimuhamedow we HHR-iň Başlygy Si Szinpin birek-birege hem-de iki ýurduň halklaryna iň gowy arzuwlaryny beýan edip, dostlugyň, hoşniýetli hyzmatdaşlygyň berk binýadyna esaslanýan netijeli türkmen-hytaý gatnaşyklarynyň mundan beýläk-de üstünlikli ösdüriljekdigine ynam bildirdiler.

Soňra döwlet Baştutanymyz ýurdumyzyň wekiliýetiniň agzalary bilen iş maslahatyny geçirdi. Oňa gatnaşyjylar milli Liderimiziň HHR bilen özara bähbitli gatnaşyklaryň möhüm ugurlary boýunça beren tabşyryklarynyň ýerine ýetirilişi, şeýle hem saparyň dowamynda hytaýly kärdeşleri bilen geçiren ikitaraplaýyn duşuşyklarynyň netijeleri barada hasabat berdiler.

Hormatly Prezidentimiz Gurbanguly Berdimuhamedow hasabatlary diňläp, türkmen-hytaý hyzmatdaşlygynyň ägirt uly kuwwata eýedigini, onuň üstünlikli durmuşa geçirilmeginiň ikitaraplaýyn bähbitlere bolşy ýaly, sebitde we dünýäde abadançylygyň baş maksatlaryna kybap gelýändigini belledi.

Döwlet Baştutanymyz HHR bilen BMG-niň we beýleki abraýly halkara hem-de sebit guramalarynyň, düzümleriniň çäklerinde ýola goýulýan netijeli hyzmatdaşlygy dowam etmegiň, şeýle hem “Merkezi Aziýa — Hytaý” hyzmatdaşlygynyň mümkinçiliklerini netijeli peýdalanmagyň örän uly ähmiýetiniň bardygyny belledi.

Milli Liderimiz aýdylanlary jemläp, özara bähbitli türkmen-hytaý gatnaşyklaryny mundan beýläk-de ösdürmek we ikitaraplaýyn ylalaşyklary durmuşa geçirmek babatda degişli ýolbaşçylara anyk tabşyryklary berdi.

Döwlet Baştutanymyzyň şanly waka — XXIV gyşky Olimpiýa oýunlarynyň açylyş dabarasy mynasybetli guralan çärelere gatnaşmagy Bitarap Türkmenistanyň sport ulgamynda halkara hyzmatdaşlygyň ösdürilmegine aýratyn ähmiýet berýändiginiň aýdyň beýanyna öwrüldi.

Sport diplomatiýasy, bu ulgamda netijeli gatnaşyklaryň ösdürilmegini şertlendirýän möhüm ýörelgeleriň durmuşa geçirilmegi, ägirt uly ynsanperwer, dörediji we parahatçylyk söýüji ähmiýeti bolan Olimpiýa hereketine hemmetaraplaýyn goldaw bermek mähriban Watanymyzyň daşary syýasatynyň ileri tutulýan ugurlarynyň biridir.

Şu gün XXIV gyşky Olimpiýa oýunlarynyň açylyş dabarasyna gatnaşmaga Hytaýa gelen daşary ýurtlaryň wekiliýetleriniň Baştutanlary üçin Hytaý Halk Respublikasynyň Başlygynyň adyndan resmi günortanlyk nahar berildi. Günortanlyk naharynyň öňüsyrasynda bilelikde surata düşmek dabarasy boldy.

HHR-iň Baştutany belent mertebeli myhmanlary ýene-de bir gezek mübärekläp, hemmelere gyşky Olimpiadanyň açylyşy mynasybetli guralan dabaralara gatnaşandyklary üçin hoşallyk bildirdi. Şeýle hem ol adamzadyň möhüm gymmatlygy, ýurtlaryň we halklaryň arasyndaky dostluk, hyzmatdaşlyk gatnaşyklaryny berkitmekde, dünýäde parahatçylygy hem-de durnukly ösüşi pugtalandyrmakda möhüm orny eýeleýän Olimpiýa hereketiniň ähmiýetini nygtady.

Dabara tamamlanandan soň, hormatly Prezidentimiz Gurbanguly Berdimuhamedow Hytaýyň Halk ýygnaklar öýünden Pekiniň Halkara howa menziline geldi. Bu ýerden döwlet Baştutanymyz Watanymyza ugrady.

Birnäçe sagat uçuşdan soň döwlet Baştutanymyzyň uçary Aşgabadyň Halkara howa menziline gelip gondy.

Mälim bolşy ýaly, Türkmenistanyň wekiliýetiniň agzalary arassaçylyk kadalaryny berjaý etmek maksady bilen, Hytaýa sapardan gaýdyp gelenlerinden soňra, 3 günlük hökmany karantinde bolarlar.

Hormatly Prezidentimiz Gurbanguly Berdimuhamedow Pekinde XXIV gyşky Olimpiýa oýunlarynyň açylyş dabarasyna gatnaşdy

Pekin, 4-nji fewral (TDH). HHR-iň Başlygy Si Szinpiniň çakylygy boýunça Hytaý Halk Respublikasyna iş sapary bilen baran hormatly Prezidentimiz Gurbanguly Berdimuhamedow şu gün Pekinde XXIV gyşky Olimpiýa oýunlarynyň açylyş dabarasynyň hormatly myhmany boldy.

Döwlet Baştutanymyzyň “ak” Olimpiadanyň — Ýer ýüzüniň dürli künjeklerinden köp sanly türgenleri bir ýere jemlän örän uly sport baýramçylygynyň açylyş dabarasyna gatnaşmagy ýurdumyzda sporty ösdürmäge we wagyz etmäge, bu ulgamda netijeli halkara hyzmatdaşlygy pugtalandyrmaga ägirt uly üns berilýändiginiň nobatdaky subutnamasydyr.

Şunuň bilen baglylykda, hormatly Prezidentimiz Gurbanguly Berdimuhamedowyň hormatly myhman hökmünde 2008-nji ýylda Hytaýyň paýtagtynda geçirilen XXIX tomusky Olimpiýa oýunlarynyň hem-de 2014-nji ýylda Russiýa Federasiýasynyň Soçi şäherinde geçirilen XXII gyşky Olimpiýa oýunlarynyň açylmagy mynasybetli dabaralara gatnaşandygyny hem ýatlamak ýerlikli bolar.

Milli Liderimiziň giň gerimli tagallalary netijesinde ýurdumyzyň sporty hil taýdan täze sepgitlere çykdy. Diýarymyzda ugurdaş düzümler yzygiderli kämilleşdirilýär we giňeldilýär, türgenler hem-de olaryň tälimçileri üçin hemme şertler döredilýär. Ýurdumyz sebit we dünýä derejesindäki sport merkezleriniň biri hökmünde eýeleýän ornuny ynamly berkidýär. Ýokary üstünlikler sportuny höweslendirmek bilen bir hatarda, uzak möhletli umumymilli maksatnamanyň häsiýetine we görlüp-eşidilmedik giň gerime eýe bolan milli bedenterbiýe-sagaldyş hereketiniň işjeňleşdirilmegine uly ähmiýet berilýär.

Döwlet Baştutanymyzyň nygtaýşy ýaly, sport güýjüň, gözelligiň, sagdynlygyň, kuwwatyň hem-de ruhuň ösüşiniň belentliklerine ymtylmanyň aýdyň ýüze çykmasydyr. Hormatly Prezidentimiz Gurbanguly Berdimuhamedow işiniň örän köpdügine garamazdan, bedenterbiýe we sport bilen meşgullanmaga yzygiderli üns berip, ajaýyp beden taýýarlygyny hem-de ussatlygyň ýokary derejesini görkezmek bilen watandaşlarymyza nusgalyk görelde bolýar.

Sport ugrunda hyzmatdaşlyk etmek baradaky meseleler milli Liderimiz tarapyndan daşary ýurtlara amala aşyrylýan saparlaryň maksatnamasyna, ýokary derejedäki gepleşikleriň we duşuşyklaryň gün tertibine hemişe goşulýar. Türkmenistan dünýäde parahatçylygyň hem-de durnuklylygyň pugtalandyrylmagyna ýardam berýän mizemez ynsanperwer gymmatlyklaryň töweregine adamlary jemleýän halkara sport we Olimpiýa hereketiniň ösdürilmegine anyk goşandyny goşýar. Munuň aýdyň mysaly hökmünde Aşgabatda 2017-nji ýylda köpugurly Olimpiýa şäherçesiniň sport desgalarynda üstünlikli geçirilen Ýapyk binalarda we söweş sungaty boýunça V Aziýa oýunlaryny görkezmek bolar. 2018-nji ýylda bolsa Türkmenistan uly üstünlige beslenen agyr atletika boýunça dünýä çempionatyny hem-de “Amul — Hazar” halkara awtorallini kabul etdi. 2009-njy ýylda hormatly Prezidentimiz Gurbanguly Berdimuhamedowyň “Ýüpek ýoly” ralli ýaryşynyň geçirilmeginiň başyny başlandygy hem bellärliklidir, onuň ýoly Türkmenistanyň, Gazagystanyň we Russiýanyň çäklerinden geçdi.

2014-nji ýylda “Awaza” milli syýahatçylyk zolagynda windsýorfing boýunça dünýä kubogy ugrundaky ýaryşyň tapgyrynyň geçirilendigini hem bellemek gerek, şonuň bilen ýurdumyz ilkinji gezek ýelkenli sport boýunça halkara ýaryşlaryň senenamasyna girdi. Şeýlelikde, bu gün Türkmenistan sebit we dünýä derejesindäki iri ýaryşlary guramak hem-de geçirmek üçin uly tejribä, mümkinçilige eýedir.

Halkara ýaryşlara işjeň gatnaşýan türkmen türgenleriniň gazanýan ajaýyp üstünlikleri we ýeňişleri bu ulgamda döwlet Baştutanymyzyň ýolbaşçylygynda durmuşa geçirilýän öňdengörüjilikli strategiýanyň üstünliginiň aýdyň netijeleridir. Bularyň ählisi Türkmenistanyň dünýä derejesinde abraýynyň has-da artmagyna, sport döwleti hökmünde Watanymyzyň mertebesiniň ýokarlanmagyna ýardam edýär.

Ýeri gelende aýtsak, ýurdumyzda ýerli howa ýagdaýy göz öňünde tutulanda, ozallar adaty bolmadyk sportuň gyşky görnüşleri hem ösdürilýär. Hususan-da, ýaş türkmenistanlylaryň bu gün höwes bilen özleşdirýän sportuň hokkeý hem-de buzda figuralaýyn typmak görnüşlerine uly üns berilýär. Sportuň bu görnüşleri boýunça geçirilýän türgenleşikler barha kämilleşýär. Türkmen hokkeýçileri we figuraçylary milli derejedäki ýaryşlar bilen bir hatarda sebit we halkara ýaryşlara hem gatnaşýarlar. Munuň özi olaryň peýdaly tejribe toplamagyna ýardam edýär, sport ussatlygyny kämilleşdirmäge, ýokary görkezijileri gazanmaga iterýär.

Mundan başga-da sportuň buzdaky beýleki şüweleňli görnüşleri bilen meşgullanmak üçin hem mümkinçilikler bar. Hususan-da, konkide ylgamak sporty hem-de onuň şort-trek, kýorling ýaly köp dürli görnüşleri-de dünýäde giň meşhurlykdan peýdalanýar, şolar hem olimpiýa maksatnamasyna girýär. Bularyň ählisi geljekde biziň türgenlerimiziň iri halkara ýaryşlarda sportuň dürli gyşky görnüşleri boýunça Watanymyza mynasyp wekilçilik edip bilmegi üçin oňaýly şertleri döredýär.

...Hormatly Prezidentimiziň uçary Pekine çenli uçuşy amala aşyryp, HHR-iň paýtagtynyň Halkara howa menziline gondy. Bu ýerde Türkmenistanyň Baştutanyny resmi adamlar garşyladylar.

Milli Liderimiz Gurbanguly Berdimuhamedow howa menzilinden sapar wagtynda özi üçin bellenen kabulhanasyna tarap ugrady...

Türkmenistan bilen Hytaý Halk Respublikasynyň arasyndaky gatnaşyklar barada aýdylanda, bu gatnaşyklaryň ilkibaşdan dostlukly, özara hormat goýmak hem-de uzak möhletleýinlik häsiýetine eýedigini nygtamak zerurdyr. Häzirki döwürde strategik hyzmatdaşlyk ýörelgelerinde ýola goýulýan döwletara gatnaşyklar syýasy-diplomatik, söwda-ykdysady we medeni-ynsanperwer ulgamlarda depginli ösdürilýär. Şeýle hem Türkmenistan HHR bilen köptaraplaýyn esasda, abraýly halkara hem-de sebit guramalarynyň we düzümleriniň ugry boýunça üstünlikli hyzmatdaşlyk edýär.

Mälim bolşy ýaly, şu ýylyň ýanwar aýynda sanly ulgam arkaly HHR bilen sebitiň ýurtlarynyň arasynda diplomatik gatnaşyklaryň ýola goýulmagynyň 30 ýyllygyna bagyşlanyp, “Merkezi Aziýa — Hytaý” sammiti geçirildi. Milli Liderimiz ýokary derejedäki bu duşuşykda eden çykyşynda ileri tutulýan ugurlarda özara bähbitli hyzmatdaşlygy has-da ösdürmek boýunça oňyn pikirlerini we tekliplerini beýan etdi.

Ozal habar berlişi ýaly, hormatly Prezidentimiz Gurbanguly Berdimuhamedow saparynyň öň ýanynda HHR-iň birnäçe teleýaýlymlarynyň hem-de abraýly neşirleriniň wekilleriniň sowallaryna jogabynda Türkmenistan üçin Hytaýyň diňe bir beýik döwlet, dünýä derejesindäki kuwwatly ykdysady we senagat merkezi, giň gerimli hem-de geljegi uly bazar bolman, wagtyň synagyndan geçen ygtybarly dostdugyny nygtady. Türkmen-hytaý gatnaşyklary döwrüň synagyndan geçip, öz netijeliligini subut etdi hem-de häzir Ýewraziýa giňişliginde durnuklylygyň we ösüşiň möhüm şerti bolup durýar.

HHR-iň paýtagtynda 4 — 20-nji fewral aralygynda geçiriljek XXIV gyşky Olimpiýa oýunlarynyň açylyş dabarasyna hormatly Prezidentimiz Gurbanguly Berdimuhamedowyň çagyrylmagy döwletara gatnaşyklaryň ýokary derejesiniň subutnamasyna öwrüldi. “Olimpiýa oýunlary hemişe halklaryň arasynda parahatçylygyň we dostlugyň pugtalandyrylmagyny, duşmançylygyň hem-de uruşlaryň bes edilmegini, dürli milletleriň, dürli syýasy ynama eýerýän adamlaryň jebisleşmegini, olaryň Olimpiýa hereketiniň belent ýörelgelerine ygrarlylygyny alamatlandyrýar. Bu oýunlar halklaryň we döwletleriň arasynda özara düşünişmäge, açyklyga hem-de birek-birege hormat goýmaga ýardam berýär” diýip, milli Liderimiz Hytaýyň köpçülikleýin habar beriş serişdeleriniň wekilleriniň sowallaryna jogabynda belledi. “Men öz içeri we daşary syýasatynda hut şu ýörelgelere eýerýän ýurduň — Türkmenistanyň Prezidenti hökmünde Hytaý Halk Respublikasynyň çuňňur hormatlanylýan Başlygynyň çakylygyny minnetdarlyk bilen kabul etdim” diýip, döwlet Baştutanymyz aýtdy.

...Günüň ikinji ýarymynda hormatly Prezidentimiz Pekiniň Milli stadionyna ugrady. Özboluşly bezeg aýratynlygy boýunça “Guş höwürtgesi” diýen at bilen meşhur bolan bu köpugurly toplum XXIV gyşky Olimpiýa oýunlarynyň açylyş dabarasynyň geçiriljek ýeri hökmünde saýlanyp alyndy.

Hytaýyň paýtagtynyň soňky ýyllarda ikinji gezek dünýä derejesindäki iri sport ýaryşyny kabul edýändigi bellärliklidir. Ýokarda bellenilip geçilişi ýaly, 14 ýyl mundan ozal Pekinde tomusky Olimpiada geçirildi. Şeýlelikde, HHR-iň paýtagty taryhda hem tomusky, hem gyşky Olimpiýa oýunlary geçirilen ilkinji şäher bolýar.

Häzirki gyşky Olimpiýa oýunlaryna Milli olimpiýa komitetleriniň 91-sine wekilçilik edýän milli ýygyndy toparlar gatnaşýarlar. Ýaryşlaryň geçiriljek sport desgalary hem-de türgenleriň ýaşamagyna niýetlenilen Olimpiýa şäherçeleri Pekinde, Çžanszýakouda we Ýansinde ýerleşdirildi.

XXIV gyşky Olimpiýa oýunlarynyň tumary Bin Dun Dun atly şadyýan we göwnaçyk panda boldy. Onuň geýnen kosmiki egin-eşigi ýatladýan, jadyly buzdan lybasy mümkinçilikleri çäksiz bolan täze tehnologiýalary hem-de geljek bilen arabaglanyşygy aňladýar. Olimpiadanyň tumary hökmünde pandanyň saýlanyp alynmagy geň däldir, çünki bu jandar Hytaýyň milli nyşanydyr.

2022-nji ýylyň gyşky Olimpiýa oýunlarynyň resmi nyşany “Gyş arzuwy” diýen ada eýe boldy. Onuň esasynda Hytaýyň “gyş” diýen harpy — iýeroglif goýuldy. Nyşan Hytaýyň milli we häzirki zaman medeniýetiniň däplerini, özboluşly reňk öwüşginlerini utgaşdyrýar hem-de sportuň gyşky görnüşlerine söýgini beýan edýär.

Olimpiýa alawy her bir Olimpiadanyň hökmany şertidir. Şu ýyl geçirilýän gyşky Olimpiýa oýunlarynyň alawy “Uçup barýan” diýlip atlandyrylýar. Ol galgap duran lentany ýatladýan spiral gurluşly bolup, ynsanyň ýagtylyga, parahatçylyga we kämillige tarap ýadawsyz ymtylmasyny alamatlandyrýar. Alawyň uglerodly süýüm serişdelerinden taýýarlanylandygy gyzyklydyr. Ol ýeňil, gyzgyna durnukly hem-de howany hapalaýan galyndylary bolmadyk wodorodda işleýär.

Gyşky Olimpiýa oýunlary — 2022-niň medallary “Tong Ksin” diýen ada eýe boldy, ol “Bilelikde bir bitewi ýaly” diýmegi aňladýar. Olaryň dizaýny jemlenen töwerekleri nefritden ýasalan gadymy Hytaý şaý-sepine esaslanandyr. Altyn, kümüş we bürünç medallar nusgawy görnüşde bolup, 2008-nji ýylyň tomusky Oýunlarynyň sylaglaryny ýatladýar. Medallary hem-de alawy döredijiler olaryň reňk çözgütlerini, görnüşlerini hem-de bezeg böleklerini saýlap alanlarynda, HHR-iň paýtagtynyň Olimpiýa mirasyna sarpa goýmakdan ugur aldylar.

“Umumy geljek üçin bilelikde” 2022-nji ýylyň gyşky Olimpiýa, şeýle hem paralimpiýa oýunlarynyň resmi şygarydyr. Ol adamzadyň bagtyýar geljeginiň bähbidine hem-de ählumumy meseleleri ýeňip geçmegiň hatyrasyna hyzmatdaşlyk etmegiň zerurdygyny aňladýar. Bu koronawirus pandemiýasy zerarly ýüze çykan kynçylyklar bilen baglylykda aýratyn ähmiýete eýedir. Şygar Olimpiýa hereketiniň esasy taglymlaryny hem-de gymmatlyklaryny, şonuň ýaly-da agzybirlige, parahatçylyga we rowaçlyga çagyryşy özünde jemleýär.

Hormatly Prezidentimiz Gurbanguly Berdimuhamedow Pekiniň Milli stadionyna geldi we hormatly myhmanlar üçin bellenen ýere bardy. Oýunlaryň açylyş dabarasyna çagyrylan beýleki döwletleriň, şeýle hem abraýly halkara guramalaryň ýolbaşçylary, şol sanda Birleşen Milletler Guramasynyň Baş sekretary hem-de BMG-niň Baş Assambleýasynyň 76-njy mejlisiniň başlygy bu ýere gelipdirler. Stadiona ýygnananlaryň ählisini HHR-iň Başlygy Si Szinpin mähirli garşylady.

Şunuň bilen baglylykda, häzirki “ak” Olimpiadany dünýäde dowam edýän koronawirus pandemiýasy sebäpli oýunlary guraýjylaryň göz öňünde tutan arassaçylyk kadalaryny, düzgünlerini, çäklendiriji çäreleri berk berjaý etmek ýagdaýynyň tapawutlandyrýandygyny bellemek ýerlikli bolar. Bu çäreler ýaryşlaryň howpsuz geçirilmegine ýardam etmäge gönükdirilendir.

...Şol bir wagtyň özünde, Pekiniň Milli stadionynda ägirt uly sport baýramçylygyna badalga berjek pursatlaryň golaýlaýandygyny aňladýan hasaplama dowam edýär. Bu ýerde baýramçylyk dabarasy höküm sürýär. Ony taýýarlamak boýunça ägirt uly işler amala aşyryldy.

HHR-iň Döwlet senasynyň mukamy astynda stadionda gyşky Olimpiada — 2022-ni geçirýän ýurduň — Hytaý Halk Respublikasynyň Döwlet baýdagy galdyrylýar.

Stadionyň meýdançasynda täsirli çykyşlar — ýurduň gadymy döwürlerden biziň günlerimize çenli taryhyna özboluşly syýahat hem-de onuň geljegine nazarlama ýaýbaňlanýar. Häzirki zaman tehnologiýalaryny ulanmak we stadionyň ýagty diodly yşyklar bilen örtülmegi arkaly döredilýän haýran galdyryjy şekiller bolup geçýän wakalara aýratyn öwüşgin çaýýar.

Olimpiadanyň açylyş senesi Aý senenamasy boýunça Hytaýyň Täze ýyly bilen gabat gelip, baharyň başlanmagyny alamatlandyrýar, bu hem baýramçylyk şüweleňinde beýanyny tapdy.

Ekologiýa, bütin dünýäde parahatçylyk hem-de Olimpiýa hereketiniň binýatlaýyn ýörelgeleri dabaranyň baş mowzugy boldy, adamzadyň bitewi ykbaly bolsa onuň baş taglymydyr. Şeýlelikde, bu ajaýyp çykyşlar Oýunlaryň “Umumy geljek üçin bilelikde” şygarynyň özboluşly şöhlelenmesi boldy.

Soňra dabaranyň resmi bölegi başlanýar. Stadionyň meýdançasynda Olimpiadanyň baş gahrymanlary — türgenler peýda bolýar. Däbe görä, olimpiýaçylaryň ýörişini Olimpiýa oýunlarynyň watany hasaplanylýan Gresiýanyň ýygyndy topary açýar. Soňra meýdança 2022-nji ýylyň gyşky Olimpiýa oýunlaryna gatnaşyjy ýurtlaryň toparlary çykýar. Ýörişi Hytaý Halk Respublikasynyň olimpiýa ýygyndysyna wekilçilik edýän türgenler tamamlaýarlar.

Olimpiada gatnaşyjylary hem-de myhmanlary XXIV gyşky Olimpiýa oýunlarynyň guramaçylyk toparynyň başlygy Saý Si hem-de Halkara Olimpiýa komitetiniň Prezidenti Tomas Bah gutlaýarlar.

Hytaý Halk Respublikasynyň Başlygy Si Szinpin dabaraly ýagdaýda Oýunlary açyk diýip yglan edýär.

Dürli ýyllaryň iň gowy hytaýly türgenleri stadiona Olimpiýa baýdagyny alyp gelýärler. Olimpiýa senasynyň owazy astynda çagalar horunyň ýerine ýetirmeginde biri-biri bilen bagly bäş sany tegelek halkaly ak baýdak belende galdyrylýar. 2022-nji ýylyň gyşky Olimpiýa oýunlaryna gatnaşyjylaryň — türgenleriň, eminleriň hem-de resmi adamlaryň adyndan Olimpiýa kasamy aýdylýar.

Tolgundyryjy pursat gelip ýetýär. Stadionda Olimpiýa alawy peýda bolýar. Bu ýerde onuň ýörişi tamamlanýar. Asylly däbe görä, 2022-nji ýylyň gyşky Olimpiýa oýunlary üçin alaw Gün şöhlelerini jemleýän paraboliki aýnanyň kömegi bilen Gresiýanyň Gadymy Olimpinde ýakyldy. Ine, agşamky asmanda stadionda asmana galýan ägirt uly gar tozgajygynyň merkezinde XXIV gyşky Olimpiýa oýunlarynyň alawy töwerege şugla saçýar. Birnäçe pursatdan soň bolsa, münberleriň ýokarsynda baýramçylyk dabaralaryny jemleýän dürli öwüşginli, haýran galdyryjy feýerwerkler agşamky asmany bezedi.

“Ak” Olimpiada badalga beren ajaýyp çykyşlar tamamlanýar. Ýöne öňde çekeleşikli bäsleşikler bar. Olarda dünýäniň dürli yklymlarynda ýerleşýän döwletleriň türgenleri sylaglaryň 109 toplumy (jemi 327 medal) ugrunda bäsleşerler. 2022-nji ýylyň gyşky Olimpiýa oýunlarynyň maksatnamasyna sportuň 15 görnüşi boýunça ýaryşlar girizildi. Olar lyžaly bäsleşikler, lyžaly iki görnüşli sport ýaryşy, biatlon, dag lyžasy sporty, tramplinden lyžaly bökmek, fristaýl, snoubord, figuraly typmak, şaýbaly hokkeý, bobsleý, sani sporty, skeleton, konkili typma sporty, şort-trek, kýorling görnüşleridir. Bütin dünýäde millionlarça tomaşaçylar, şol sanda türkmenistanlylar hem telewideniýäniň hem-de onlaýn alyp görkezmeleriň kömegi bilen ýaryşlaryň geçişine syn ederler. Oýunlaryň ýapylyş dabarasy 20-nji fewralda Pekiniň “Guş höwürtgesi” stadionynda geçiriler.

XXIV gyşky Olimpiýa oýunlaryny guraýjylar onuň “ýaşyl” hem-de ýokary tehnologiýaly bolmagyny özleriniň ilkinji nobatdaky wezipeleri hökmünde kesgitlediler. Şunuň bilen baglylykda, hytaýly hyzmatdaşlaryň innowasion işläp düzmeleri Türkmenistan üçin uly gyzyklanma döredýär. Ýurdumyzda ekologiýa, daşky gurşawy goramak hem-de öňdebaryjy ylmy tutumly tehnologiýalary ornaşdyrmak döwlet syýasatynyň ileri tutulýan ugurlarynyň hatarynda durýar. Hormatly Prezidentimiz Gurbanguly Berdimuhamedowyň öňe sürýän netijeli başlangyçlary, şol sanda pes uglerodly, hususan-da, wodorod energetikasyna degişli başlangyçlary bu ulgamda sebit hem-de dünýä derejesinde netijeli hyzmatdaşlygy giňeltmäge gönükdirilendir.

Ýeri gelende döwlet Baştutanymyzyň geçen aýyň ahyrynda Türkmenistanyň wodorod energiýasy babatda halkara hyzmatdaşlygy ösdürmek boýunça 2022-2023-nji ýyllar üçin «Ýol kartasyny» tassyklamak baradaky Karara gol çekendigini bellemek gerek. Onuň iş ýüzünde durmuşa geçirilmegi häzirki döwrüň ekologik meseleleri hem-de howanyň üýtgemegi bilen baglanyşykly möhüm meseleleriň çözgüdini işläp taýýarlamakda tagallalary birleşdirmäge ýardam etmäge gönükdirilendir.

Sport baradaky gürrüňimize dolanyp, Türkmenistanyň Halkara Olimpiýa komitetiniň hem-de Aziýanyň Olimpiýa geňeşiniň agzasy bolmak bilen, bu ugurdaky özara bähbitli hyzmatdaşlygy ösdürmäge we ählumumy parahatçylygy, dostlugy, hoşniýetli goňşuçylygy pugtalandyrmagyň möhüm şerti hökmünde Olimpiýa hereketini goldamaga gönükdirilen anyk teklipler bilen yzygiderli çykyş edýändigini bellemek gerek. Milli Liderimiziň bu başlangyçlarynyň dünýä bileleşigi tarapyndan giňden makullanýandygy hem-de ykrar edilýändigi olaryň möhümdiginiň subutnamasydyr.

Türkmenistan öz daşary syýasatynyň aýrylmaz bölegi bolan sport diplomatiýasyny yzygiderli öňe sürýär hem-de iş ýüzünde durmuşa geçirýär. Hormatly Prezidentimiziň durmuşa geçirýän oňyn Bitaraplyk hem-de “Açyk gapylar” ýörelgelerine esaslanýan parahatçylyk söýüjilikli daşary syýasy strategiýasy netijesinde häzirki döwürde ýurdumyzda sport kuwwatly ösüşe eýe boldy hem-de sporty saýlap alýanlaryň sany barha köpelýär.

Döwlet Baştutanymyzyň baştutanlygynda jemgyýetde sagdyn durmuş ýörelgesini wagyz etmek hem-de ornaşdyrmak, ilaty beden terbiýesi hem-de sport bilen yzygiderli meşgullanmaga höweslendirmek babatynda toplumlaýyn işler durmuşa geçirilýär. Bu bolsa özüniň anyk netijelerini berýär.

Hormatly Prezidentimiz Gurbanguly Berdimuhamedowyň nygtaýşy ýaly, biziň ilkinji nobatdaky wezipämiz sport hem-de Olimpiýa hereketini ösdürmek we hemmetaraplaýyn goldamak, oňa ýaşlary giňden çekmek bolup durýar. 2008-nji ýylda Pekinde, 2012-nji ýylda Londonda, 2016-njy ýylda Rio-de-Žaneýroda, 2021-nji ýylda Tokioda geçirilen tomusky Olimpiýa oýunlaryna gatnaşmagy türkmen türgenleri üçin möhüm wakalar boldy. Mälim bolşy ýaly, Ýaponiýanyň paýtagtynda geçirilen XXXII tomusky Olimpiadada ildeşimiz — agyr atletika boýunça ýaryşda 59 kilograma çenli agram derejesinde çykyş eden Polina Gurýewa türkmen sportunyň taryhynda ilkinji gezek Olimpiýa oýunlarynyň kümüş medalyny gazandy.

Soňky ýyllarda Türkmenistanda hem-de paýtagtymyzda iri halkara ýaryşlaryň, şol sanda ýokarda bellenip geçilen Aziada — 2017-niň geçirilmegi türgenlerimiz üçin ussatlygy ýokarlandyrmak hem-de täze ýeňişlere ýetmek ýolunda möhüm tapgyr boldy. Şeýle derejedäki hem-de giň gerimdäki çäreleri kabul etmek uly jogapkärçilikdir. Aşgabat parahatçylyk dörediji şäher, halklaryň hem-de medeniýetleriň dialogynyň merkezi hökmündäki wezipesini mynasyp ýerine ýetirip, bu wezipäniň üstünlik bilen hötdesinden geldi.

Şeýlelikde, hormatly Prezidentimiz Gurbanguly Berdimuhamedowyň Pekindäki XXIV gyşky Olimpiýa oýunlarynyň açylyş dabarasyna gatnaşmagy Türkmenistanyň sport dünýäsine netijeli halkara hyzmatdaşlyk meselelerindäki başlangyçlary öňe sürýän ornunyň hem-de mundan beýläk-de umumadamzat ynsanperwer gymmatlyklaryna esaslanýan Olimpiýa hereketini ösdürmäge netijeli goşant goşmagynyň nobatdaky aýdyň tassyklanmasy boldy.

Döwlet Baştutanymyz dabaralar tamamlanandan soň, özi üçin bellenilen kabulhana ugrady.

Hormatly Prezidentimiziň Hytaý Halk Respublikasyna iş sapary dowam edýär.

***

Şu gün türkmen wekiliýetiniň agzalary milli Liderimiz Gurbanguly Berdimuhamedowyň tabşyrmagy boýunça Hytaý Halk Respublikasyna iş saparynyň çäklerinde hytaýly kärdeşleri bilen ikitaraplaýyn duşuşyklaryň birnäçesini geçirdiler. Şolaryň dowamynda soňky ýyllarda taraplaryň özara tagallalary netijesinde strategik hyzmatdaşlyk derejesine eýe bolan döwletara gatnaşyklaryň möhüm meseleleri ara alnyp maslahatlaşyldy.

Pekinde Ministrler Kabinetiniň Başlygynyň orunbasary, daşary işler ministri R.Meredowyň Hytaý Halk Respublikasynyň Döwlet Geňeşiniň agzasy, HHR-iň daşary işler ministri Wan I bilen duşuşygy geçirildi.

Duşuşykda däp bolan dostlukly döwletara gatnaşyklaryň häzirki ýagdaýy we ony mundan beýläk-de giňeltmegiň geljegi ara alnyp maslahatlaşyldy. Bellenilişi ýaly, häzir özara bähbitli hyzmatdaşlyk örän giň ugurlary gurşap alýar hem-de ikitaraplaýyn görnüşde bolşy ýaly, köptaraplaýyn esasda hem — abraýly halkara guramalaryň çäklerinde, şeýle hem “Merkezi Aziýa — Hytaý” görnüşinde-de yzygiderli ösüş depginlerini görkezýär.

Duşuşygyň dowamynda Türkmenistanyň Prezidenti Gurbanguly Berdimuhamedow bilen Hytaý Halk Respublikasynyň Başlygy Si Szinpiniň arasynda ozal gazanylan ylalaşyklary mundan beýläk-de durmuşa geçirmek bilen baglanyşykly oňyn pikir alyşmalar boldy. Taraplar ýola goýlan netijeli türkmen-hytaý gatnaşyklarynyň ýokary derejesini kanagatlanma bilen belläp, daşary syýasat edaralarynyň derejesinde ikitaraplaýyn gatnaşyklary yzygiderli geçirmek işini dowam etmäge özara taýýardyklaryny beýan etdiler.

Iki ýurduň daşary işler ministrleri özara gyzyklanma döredýän halkara we sebit gün tertibiniň wajyp meseleleri boýunça hem pikir alyşdylar.

***

Ministrler Kabinetiniň Başlygynyň orunbasary S.Toýlyýew dostlukly ýurduň saglygy goraýyş ulgamynyň wekilleri bilen bolan duşuşygyň çäklerinde saglygy goramak babatda türkmen-hytaý hyzmatdaşlygynyň ileri tutulýan meselelerini ara alyp maslahatlaşdy.

Hytaýly hyzmatdaşlar milli Liderimiz Gurbanguly Berdimuhamedowyň öňe sürýän, şol sanda lukmançylyk diplomatiýasyny ösdürmek boýunça möhüm başlangyçlaryna ýokary baha berip, saglygy goraýşyň dürli ugurlary boýunça ýola goýlan bilelikdäki işleri mundan beýläk-de dowam etmäge uly gyzyklanma bildirýändiklerini beýan etdiler.

Dünýäni gurşap alan howply koronawirus ýokanjyna garşy umumy göreş ara alnyp maslahatlaşylan esasy meseleleriň biri boldy. Taraplar COVID-19 pandemiýasyna garşy hereket etmekde toplanan oňyn tejribäni paýlaşyp, mundan beýläk-de lukmançylyk ulgamynda ýakyndan hyzmatdaşlyk etmegi maksat edinýändiklerini tassykladylar.

Türkmen wekiliýetiniň agzalary tehnologik taýdan ýokary derejede enjamlaşdyrylan «Tiz kömek» awtoulaglary bilen aýratyn gyzyklanyp tanyşdylar, ähli zerur şertler göz öňünde tutulan şol awtoulaglarda tizleşdirilen ýagdaýda PZR-testleri geçirmek hem göz öňünde tutulypdyr.

***

Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew Hytaýyň birnäçe kompaniýalarynyň wekilleri bilen onlaýn görnüşde duşuşyk geçirdi. Şunda ulag-aragatnaşyk ulgamynda hyzmatdaşlyk etmek esasy ara alnyp maslahatlaşylan mesele boldy. Bu ulgamyň ählumumy durnukly ösüşi üpjün etmegiň möhüm şerti hökmünde ähmiýetini nazarda tutup, Türkmenistan hem, Hytaý hem oňa aýratyn ähmiýet berýärler.

“China Civil Engineering Construction Corporation” korporasiýasynyň ýolbaşçylary bilen duşuşykda Hytaýyň eksport-import ýüklerini has amatly ugur boýunça Türkmenistanyň çäginden üstaşyr geçirmegiň, demir ýollar arkaly daşalýan üstaşyr ýükleriň möçberini artdyrmagyň, şeýle hem şu pudagyň teplowoz we ýolagçy wagonlaryna gerek bolan ätiýaçlyk şaýlary ibermegiň hem-de bu ugurda hyzmatdaşlygy ýola goýmagyň mümkinçilikleri ara alnyp maslahatlaşyldy.

HHR-iň iri maşyngurluşyk kompaniýalarynyň biri bolan “China Machinery Engineering Corporation” kompaniýasynyň ýolbaşçylary bilen geçirilen duşuşygyň dowamynda kompaniýanyň ýurdumyzda amala aşyrylýan gämigurluşyk taslamalaryny maliýeleşdirmek we hünärmenleri taýýarlamak babatda hyzmatdaşlygy ýola goýmagy maksat edinýändigi barada aýdyldy.

Hytaý ulag-aragatnaşyk assosiasiýasynyň ýanyndaky Halkara konteýner demir ýol ulaglaryny gurnamak işleri boýunça utgaşdyryjy merkeziň ýolbaşçylary bilen geçirilen gepleşiklerde hytaý tarapy ýurdumyzyň ulag-logistika mümkinçiliklerine gyzyklanma bildirdi. Mundan başga-da, Ýewropa we Türkiýe ugurlary boýunça Türkmenistanyň çäginden ýük konteýner demir ýol ulaglaryny geçirmek hem-de bu ugurda hyzmatdaşlygy ýola goýmak bilen baglanyşykly meseleler ara alnyp maslahatlaşyldy.

Mälim bolşy ýaly, HHR ygtybarly hyzmatdaş bolmak bilen, ýurdumyzyň ulag pudagyny döwrebaplaşdyrmak boýunça birnäçe taslamalary durmuşa geçirdi. Bu ulgamda netijeli häsiýete eýe bolan hyzmatdaşlygy giňeltmek boýunça işler dowam edýär.

Biziň ýurdumyz durnukly ulag ulgamynda dünýä jemgyýetçiliginiň giň goldawyna eýe bolýan mazmunly we anyk Kararnamalaryň kabul edilmeginiň başyny başlaýar hem-de ýokary derejeli forumlarda anyk teklipler bilen çykyş edýär. Şeýle forumlaryň biri geçen ýylyň oktýabr aýynda Pekinde geçirilen Durnukly ulag ulgamy boýunça Birleşen Milletler Guramasynyň ikinji ählumumy maslahatydyr. Onuň işine Hytaý Halk Respublikasynyň Başlygy Si Szinpiniň çagyrmagy boýunça sanly ulgam arkaly hormatly Prezidentimiz Gurbanguly Berdimuhamedow gatnaşdy.

Bu gün ulag ulgamy dünýähojalyk gatnaşyklarynyň durnuklylygyna we sazlaşyklylygyna gönüden-göni täsir edýän hem-de BMG tarapyndan kabul edilen Durnukly ösüş maksatlarynyň amala aşyrylmagynda möhüm orun eýeleýän dünýä ykdysadyýetiniň esasy ugurlarynyň biridir.

Şunuň bilen baglylykda, halkara derejede täze, döwrüň isleg bildirýän möhüm başlangyçlaryna, şol sanda ýurdumyz tarapyndan işjeň öňe sürülýän, Beýik Ýüpek ýoluny gaýtadan dikeltmek boýunça strategiýa hem-de hytaýly hyzmatdaşlaryň “Bir guşak — bir ýol” konsepsiýasyna özara goldaw berilýändigi kanagatlanma bilen bellenildi. Şolar dürli yklymlaryň, ýurtlaryň arasyndaky ozal bar bolan söwda ýollaryny we ykdysady geçelgeleri kämilleşdirmäge hem-de şeýle ýollaryň täzelerini kemala getirmäge gönükdirilendir.

Taraplar taryhy asyrlaryň jümmüşine uzap gidýän türkmen-hytaý gatnaşyklaryna, ählumumy ösüşiň ýagdaýlaryna umumy meýilleri we birmeňzeş garaýyşlary nazarda tutup, uly geljegiň garaşýandygyna ynam bildirdiler.

Aşgabat, 3-nji fewral (TDH). Şu gün hormatly Prezidentimiz Gurbanguly Berdimuhamedow sanly ulgam arkaly Ministrler Kabinetiniň nobatdaky mejlisini geçirdi, onda milli ykdysadyýetimiziň pudaklary tarapyndan şu ýylyň ýanwar aýynda ýerine ýetirilen işleriň jemleri jemlenildi, birnäçe resminamalaryň taslamalaryna, şeýle hem döwlet durmuşynyň möhüm wezipelerine garaldy.

Döwlet Baştutanymyz mejlisiň gün tertibine girizilen meselelere geçip, ilki bilen, Ministrler Kabinetiniň Başlygynyň orunbasary Serdar Berdimuhamedowa söz berdi. Wise-premýer şu ýylyň ýanwar aýynda milli ykdysadyýetimiziň pudaklarynda ýerine ýetirilen işleriň netijeleri barada hasabat berdi.

Ýurdumyzy durmuş-ykdysady taýdan ösdürmek boýunça toplumlaýyn çäreleriň üstünlikli amala aşyrylmagynyň çäginde ähli pudaklaryň we sebitleriň durnukly ösüşi üpjün edilýär hem-de halkymyzyň ýaşaýyş-durmuş derejesi ýokarlanýar.

Hasabat döwründe jemi içerki önümiň ösüş depgini 6,2 göterime deň boldy. Bu görkeziji senagat pudagynda 7,4 göterime, gurluşykda 0,3 göterime, ulag-kommunikasiýa toplumynda 4 göterime, söwdada 8,8 göterime, oba hojalygynda 3,2 göterime, hyzmatlar ulgamynda bolsa 6,1 göterime barabar boldy.

Ýanwar aýynda öndürilen önümleriň derejesi geçen ýylyň degişli döwründäkiden 7,7 göterim köpeldi.

Hasabat döwründe bölek haryt dolanyşygynyň möçberi, geçen ýylyň degişli döwri bilen deňeşdirilende, 9,9 göterim artdy. Bu görkeziji daşary söwda dolanyşygynda 6,3 göterime deň boldy.

Şu ýylyň ýanwar aýynyň deslapky jemleri boýunça Döwlet býujetiniň girdeji böleginiň meýilnamasy 102 göterim, çykdajy böleginiňki bolsa 83,2 göterim berjaý edildi.

Iri we orta kärhanalar boýunça ortaça aýlyk haky, geçen ýylyň degişli döwri bilen deňeşdirilende, 10,4 göterim köpeldi. Aýlyk haklary, pensiýalar, döwlet kömek pullary we talyp haklary öz wagtynda maliýeleşdirildi.

Hormatly Prezidentimiz Gurbanguly Berdimuhamedow hasabaty diňläp, ýurdumyzy ösdürmek boýunça öňde durýan möhüm wezipelere ünsi çekip, olary üstünlikli ýerine ýetirmegiň gysga we orta möhletlerde milli ykdysadyýetimiziň ähli pudaklarynyň okgunly ösüşini üpjün etjekdigini belledi. Şunuň bilen baglylykda, döwlet Baştutanymyz ähli pudaklaryň ösüş ýagdaýyny yzygiderli gözegçilikde saklamagyň wajypdygyny, maliýe-ykdysady we bank toplumynyň düzümleriniň işini mundan beýläk-de kämilleşdirmek boýunça anyk çäreleriň durmuşa geçirilmelidigini aýtdy.

Milli Liderimiz ähli pudaklar boýunça özgertmeler maksatnamalarynda kesgitlenen meýilnamalaýyn görkezijileriň degişli derejede ýerine ýetirilişini yzygiderli gözegçilikde saklamak barada wise-premýere anyk tabşyryklary berdi.

Soňra Milli Geňeşiň Mejlisiniň Başlygy G.Mämmedowa şu ýylyň birinji aýynda alnyp barlan kanunçykaryjylyk işi hem-de Halk Maslahatynyň nobatdan daşary mejlisine taýýarlyk görlüşi barada maglumat berdi.

Mejlisiň 2022-nji ýyl üçin kanunçykaryjylyk işiniň Meýilnamasynyň taslamasy taýýarlanyldy. Häzir döwletimiziň durmuş-ykdysady syýasatyny yzygiderli durmuşa geçirmäge, milli ykdysadyýetimiziň pudaklaryny hem-de türkmen jemgyýetiniň beýleki ulgamlaryny ösdürmäge gönükdirilen kanunlaryň taslamalary taýýarlanylýar. Şolaryň hatarynda Jenaýat, Raýat kodeksleriniň rejelenen görnüşleri, “Notariat we notarial işi hakynda”, “Itçilik we kinologiýa hakynda”, “Köp çagaly maşgalalary döwlet tarapyndan goldamak hakynda” Türkmenistanyň Kanunlary bar.

Mejlisiň deputatlary ýerlerde iş sapary bilen boldular. Olar saýlawçylar bilen duşuşyp, ilatyň hal-ýagdaýy, ýaşaýyş-durmuş derejesi bilen gyzyklandylar.

Milli Geňeşiň Halk Maslahatynyň nobatdan daşary mejlisine taýýarlyk görülýär. Mejlisiň deputatlary syýasy partiýalaryň we jemgyýetçilik birleşikleriniň wekilleri bilen bilelikde, döwletimiziň syýasy-jemgyýetçilik durmuşynda möhüm orun eýeleýän Halk Maslahatynyň taryhy ähmiýeti hem-de ýurdumyzyň milli demokratik ösüş ýoly, maslahatda garaljak meseleleriň many-mazmuny barada wagyz-nesihat çärelerini yzygiderli geçirýärler.

Halkara we parlamentara gatnaşyklary ilerletmegiň çäginde Milli Geňeşiň Mejlisi BMG-niň ýöriteleşdirilen edaralary hem-de beýleki abraýly halkara guramalar bilen hyzmatdaşlygy ösdürýär.

Hormatly Prezidentimiz Gurbanguly Berdimuhamedow “Köp çagaly maşgalalary döwlet tarapyndan goldamak hakyndaky” Kanuna ünsi çekip, eneligi we çagalygy goldamak, köp çagaly maşgalalara ýardam bermek boýunça ýurdumyzda geçirilýän işler bilen baglylykda, bu resminamanyň ähmiýetini belledi.

Soňra Milli Geňeşiň Halk Maslahatynyň Başlygynyň orunbasary K.Babaýew «Halkyň Arkadagly zamanasy» ýylynyň birinji aýynda halkymyzyň ýaşaýyş derejesini has-da ýokarlandyrmak boýunça geçirilýän işler barada maglumat berdi.

Halk Maslahatynyň mejlisine girizilen, geljek 30 ýylda ýurdumyzy ösdürmek bilen baglanyşykly meseleler halkymyzyň uly goldawyna mynasyp bolýar.

Häzirki wagtda taryhy ähmiýete eýe bolan ählihalk forumyna guramaçylykly taýýarlyk görülýär.

Ýurdumyzyň kanunçykaryjylyk işini kämilleşdirmek üçin raýatlar tarapyndan gelip gowuşýan teklipler yzygiderli öwrenilýär.

Hormatly Prezidentimiz Gurbanguly Berdimuhamedow ýurdumyzyň häzirki ösüşini nazara almak bilen, milli kanunçylyk binýadyny kämilleşdirmek boýunça alnyp barylýan işleriň örän wajypdygyny belledi.

Milli Liderimiz Halk Maslahatynyň nobatdan daşary mejlisine taýýarlyk görmek, türkmen jemgyýetiniň demokratik esaslaryny pugtalandyrmak wezipeleri barada durup geçip, umumymilli forumy guramak hem-de ony ýokary derejede geçirmek bilen baglanyşykly meseleleri pugta gözegçilikde saklamagyň möhümdigine Milli Geňeşiň ýolbaşçylarynyň ünsüni çekdi.

Soňra Ministrler Kabinetiniň Başlygynyň orunbasary Ş.Abdrahmanow şu ýylyň ýanwar aýynda gözegçilik edýän ulgamlarynda nebitgaz senagatyny 2030-njy ýyla çenli döwür üçin ösdürmegiň maksatnamasyny durmuşa geçirmegiň çäklerinde ýerine ýetirilen işleriň jemleri barada hasabat berdi.

Geçen aýyň meýilnamalary nebit çykarmakda 100,4 göterim, nebiti gaýtadan işlemekde 108,3 göterim, benzin öndürmekde 112,2 göterim, dizel ýangyjyny öndürmekde 116,8 göterim, çalgy ýaglaryny öndürmekde 114,8 göterim, polipropilen öndürmekde 124,5 göterim, tebigy we ugurdaş gazy çykarmakda 105 göterim, mawy ýangyjy eksport etmekde 110,7 göterim ýerine ýetirildi.

Suwuklandyrylan gazy öndürmegiň ösüş depgini, geçen ýylyň degişli döwri bilen deňeşdirilende, 113,1 göterime, nebitiň we gazyň geologiýa-gözleg işlerini geçirmekde ýerine ýetirilen işleriň ösüş depgini 120,1 göterime barabar boldy.

Nebiti we gaz kondensatyny çykarmak, maýa goýumlary özleşdirmek babatda gazanylan görkezijiler barada-da hasabat berildi.

Hormatly Prezidentimiz Gurbanguly Berdimuhamedow hasabaty diňläp, dünýä bazarlarynda uly islege eýe bolan nebiti we tebigy gazy çykarmagyň, gaýtadan işlemegiň, köp görnüşli nebithimiýa önümleriniň önümçiliginiň möçberini mundan beýläk-de artdyrmagyň hem-de olaryň görnüşlerini giňeltmegiň zerurdygyny belledi. Şunuň bilen baglylykda, milli Liderimiz geljegi uly täze känleri we gatlaklary ýüze çykarmagyň hasabyna nebitgaz senagatynyň çig mal binýadyny yzygiderli pugtalandyrmagyň möhüm wezipe bolup durýandygyna ünsi çekdi. Şunda geologik-gözleg işleriniň sanly tehnologiýalary, häzirki zaman enjamlaryny hem-de programma üpjünçiliklerini peýdalanmak arkaly ýerine ýetirilmelidigi aýratyn nygtaldy.

Döwlet Baştutanymyz ýangyç-energetika toplumynyň mundan beýläk-de diwersifikasiýalaşdyrylmagynyň ýurdumyzyň nebitgaz senagatyna iň täze ylmy-tehniki işläp taýýarlamalary, öňdebaryjy tehnologiýalary ornaşdyrmak boýunça işleriň depginini ýokarlandyrmagyň ähmiýetine ünsi çekip, bularyň ählisiniň uglewodorod serişdelerini çykarmaga, taýýar önümleriň mukdaryny artdyrmaga ýardam berjekdigini nygtady hem-de wise-premýere birnäçe anyk tabşyryklary berdi.

Ministrler Kabinetiniň Başlygynyň orunbasary E.Orazgeldiýew gözegçilik edýän düzümlerinde şu ýylyň ýanwar aýynda ýerine ýetirilen işleriň netijeleri, welaýatlarda alnyp barylýan möwsümleýin meýdan işleri, şeýle hem ýurdumyzyň oba hojalygyny toplumlaýyn esasda ösdürmek boýunça ýaýbaňlandyrylan özgertmeler barada hasabat berdi.

Şu ýylyň başyndan bäri obasenagat toplumyna degişli ministrlikde we pudaklaýyn dolandyryş edaralarynda önümçiligiň ösüş depgini, geçen ýylyň degişli döwri bilen deňeşdirilende, 110,4 göterime deň boldy. Oba hojalyk we daşky gurşawy goramak ministrligi boýunça önüm öndürmegiň ösüş depgini 110,7 göterime, Suw hojalygy baradaky döwlet komiteti boýunça 105,4 göterime hem-de “Türkmen atlary” döwlet birleşigi boýunça 103,4 göterime barabar boldy. Maýa goýum serişdelerini özleşdirmegiň meýilnamasy 112,7 göterim ýerine ýetirildi.

Şeýle hem “Pagta çigidiniň bahasyny bellemek hakyndaky” Kararyň taslamasynyň taýýarlanandygy barada aýdyldy. Resminama pagta arassalaýjy kärhanalaryň düşewüntliliginiň üpjün edilmegini, pagta arassalaýjy kärhanalar bilen ösümlik ýagyny öndürýän kärhanalaryň arasyndaky maliýe-ykdysady gatnaşyklaryň kadalaşdyrylmagyny esasy ugur edinýär. Şunda ýurdumyzyň pagta öndürijilerine berilýän tohumlyk pagta çigidiniň bahasy üýtgemeýär.

Şunuň bilen baglylykda, wise-premýer milli Liderimiziň garamagyna degişli Kararyň taslamasyny hödürledi.

Hormatly Prezidentimiz Gurbanguly Berdimuhamedow hasabaty diňläp, ýurdumyzda azyk bolçulygyny üpjün etmek boýunça öňde durýan wezipeleri üstünlikli ýerine ýetirmegiň wajypdygyny belledi. Oba hojalyk pudagyny ösdürmekde ylmy taýdan esaslandyrylan çemeleşmeleriň netijeli peýdalanylmagyna, obasenagat toplumyna öňdebaryjy sanly tehnologiýalaryň ornaşdyrylmagyna, suw serişdeleriniň rejeli peýdalanylmagyna möhüm ähmiýet berilmelidir.

Milli Liderimiz ýer eýelerine goldaw bermek we oba hojalygyny ösdürmek boýunça mundan beýläk-de maksatnamalaýyn işleriň amala aşyryljakdygyny belledi we degişli resminama gol çekip, ony sanly ulgam arkaly wise-premýere iberdi hem-de bu ugurda öňde durýan wezipeleri üstünlikli ýerine ýetirmek boýunça anyk tabşyryklary berdi.

Ministrler Kabinetiniň Başlygynyň orunbasary Ç.Purçekow ýurdumyzyň gurluşyk, senagat we energetika ugurlarynda, “Türkmenhimiýa” döwlet konserninde we paýtagtymyzda şu ýylyň ýanwar aýynda ýerine ýetirilen işleriň netijeleri barada hasabat berdi.

Hasabat döwründe önümleri öndürmegiň we gurluşyk-senagat toplumynda işleri ýerine ýetirmegiň meýilnamasy 143,6 göterim berjaý edildi.

Gurluşyk we binagärlik ministrligi boýunça şu ýylyň ýanwar aýynda ýerine ýetirilen işleriň meýilnamasy 106 göterim boldy.

Şu ýylyň başyndan bäri Senagat we gurluşyk önümçiligi ministrligi boýunça öndürilen önümleriň, ýerine ýetirilen işleriň meýilnamasy 122,4 göterim berjaý edildi.

Hasabat döwründe Energetika ministrligi boýunça öndürilen önümleriň, ýerine ýetirilen işleriň we hyzmatlaryň meýilnamasy 127,6 göterim boldy.

Elektrik energiýasynyň önümçiliginiň ösüş depgini 109,9 göterime, onuň eksporty bolsa 133,7 göterime deň boldy.

“Türkmenhimiýa” döwlet konserni boýunça önüm öndürmegiň we hyzmatlaryň meýilnamasy 184,8 göterim berjaý edildi.

Aşgabat şäheriniň häkimligi boýunça ýerine ýetirilen işleriň we hyzmatlaryň meýilnamasy 125,1 göterim derejesinde berjaý edildi.

Hormatly Prezidentimiz Gurbanguly Berdimuhamedow hasabaty diňläp, milli ykdysadyýetimiziň binýatlaýyn pudaklary bolan gurluşyk-senagat we energetika toplumlaryny bar bolan mümkinçilikleri we ýurdumyzy durmuş-ykdysady taýdan ösdürmegiň meýilnamalaryny nazara alyp, mundan beýläk-de ösdürmek üçin ähli zerur çäreleriň görülmelidigine ünsi çekdi.

Şunuň bilen baglylykda, ýurdumyzyň gurluşyk senagatynyň, gurluşyklaryň depginini güýçlendirmek, ýerli çig mallaryň hasabyna öndürilýän önümleriň möçberini artdyrmak meselelerine aýratyn ähmiýet bermek tabşyryldy.

Şeýle hem ýurdumyzyň dürli künjeklerinde alnyp barylýan senagat we durmuş maksatly desgalardaky, awtoýollaryň gurluşygyndaky işleriň depginini ýokarlandyrmak, halkalaýyn energoulgamyň gurluşyklaryny dowam etmek, ýurdumyzda öndürilýän elektrik energiýasynyň daşary ýurtlara iberilýän möçberini köpeltmek, milli we halkara ähmiýetli möhüm taslamalary amala aşyrmak babatda anyk görkezmeler berildi.

Wise-premýer hasabatyny dowam edip, döwlet Baştutanymyzyň tabşyrygy boýunça işlenip taýýarlanylan “Awtomobil ýollarynyň gurluşygyny dolandyrmak baradaky döwlet agentligini döretmek hakyndaky” Permanyň hem-de “Awtomobil ýollarynyň gurluşygyny dolandyrmak baradaky döwlet agentliginiň meseleleri hakyndaky” Kararyň taslamalaryny milli Liderimiziň garamagyna hödürledi.

Hormatly Prezidentimiz Gurbanguly Berdimuhamedow degişli resminamalara gol çekip, olary sanly ulgam arkaly wise-premýere iberdi we resminamalarda kesgitlenen wezipeleri berjaý etmek babatda anyk tabşyryklary berdi.

Ministrler Kabinetiniň Başlygynyň orunbasary Ç.Gylyjow gözegçilik edýän pudaklarynda şu ýylyň ýanwar aýynda ýerine ýetirilen işleriň netijeleri barada hasabat berdi.

Söwda we daşary ykdysady aragatnaşyklar ministrligi boýunça söwda dolanyşygynyň ösüş depgini, geçen ýylyň degişli döwri bilen deňeşdirilende, 107 göterime, önüm öndürmegiň mukdary bolsa 115,3 göterime barabar boldy.

Dokma senagaty ministrligi boýunça, geçen ýylyň degişli döwri bilen deňeşdirilende, nah ýüplügiň önümçiligi 129,9 göterime, nah matalaryňky 126,2 göterime, tikin we trikotaž önümleriniň önümçiligi 126,9 göterime, gön önümleriniň önümçiligi bolsa 105,6 göterime deň boldy.

Şu ýylyň başyndan bäri “Türkmenhaly” döwlet birleşiginiň kärhanalarynda önüm öndürmegiň meýilnamasy 107,8 göterim berjaý edildi.

Döwlet haryt-çig mal biržasy boýunça hasabat döwründe 24 sany birža söwdalary geçirilip, 2 müň 743 şertnama hasaba alyndy.

Söwda-senagat edarasy boýunça hasabat döwründe ýerine ýetirilen işleriň ösüş depgini 104,3 göterime deň boldy.

Senagatçylar we telekeçiler birleşmesi boýunça şu ýylyň ýanwar aýynda oba hojalyk we azyk harytlarynyň önümçiliginiň ösüş depgini 160,3 göterime, senagat önümlerini öndürmegiň ösüş depgini bolsa 112 göterime barabar boldy.

Hormatly Prezidentimiz Gurbanguly Berdimuhamedow hasabaty diňläp, halkyň sarp edýän harytlarynyň önümçilik möçberini mundan beýläk-de artdyrmak boýunça wise-premýere anyk görkezmeleri berdi.

Döwlet Baştutanymyz eksport ugurly harytlaryň önümçilik mukdaryny artdyrmagyň, olary daşary ýurtlarda işjeň mahabatlandyrmagyň zerurdygyny belledi. Milli Liderimiz söwda hyzmatlarynyň hilini gowulandyrmagyň, oňa dünýä tejribesini ornaşdyrmagyň, telekeçiligiň işjeňleşdirilmegi üçin zerur şertleri döretmegiň, ýurdumyzyň senagat taýdan bäsdeşlige ukyplylygyny ýokarlandyrmak maksady bilen, hususy başlangyçlary höweslendirmegiň, bu ugurda täzeçil tehnologiýalary netijeli ulanmagyň wajypdygyny belledi we bu babatda wise-premýere degişli tabşyryklary berdi.

Ministrler Kabinetiniň Başlygynyň orunbasary M.Mämmedowa gözegçilik edýän düzümlerinde şu ýylyň ýanwar aýynda ýerine ýetirilen işleriň netijeleri barada hasabat berdi.

Hasabat döwründe dürli çäreler, şol sanda 2022-nji ýylyň “Halkyň Arkadagly zamanasy” diýlip yglan edilmegine, şeýle hem şanly seneleriň hormatyna, medeni-durmuş maksatly binalaryň açylyşyna bagyşlanan dabaralar, maslahatlar, döredijilik duşuşyklary we sergiler geçirildi.

Paýtagtymyzda “Türkmen topragy — dünýä ýaň salan medeni gymmatlyklaryň ojagy” atly halkara ylmy-amaly maslahat we sergi geçirildi.

Hormatly Prezidentimiz Gurbanguly Berdimuhamedow hasabaty diňläp, milletiň ruhy gymmatlyklaryny gorap saklamakda, ýaşlary ahlak taýdan terbiýelemekde we Türkmenistanyň häzirki döwürde ýeten derejesini dünýäde giňden wagyz etmekde möhüm orun eýeleýän medeniýet we köpçülikleýin habar beriş serişdeleriniň edaralarynyň işini yzygiderli kämilleşdirmegiň wajypdygyna ünsi çekdi. Şunuň bilen baglylykda, milli Liderimiz ilatyň medeni derejesini ýokarlandyrmak, medeniýet düzümleriniň işini mundan beýläk-de ösdürmek meseleleriniň möhümdigini belläp, bu babatda wise-premýere degişli görkezmeleri berdi.

Soňra wise-premýer şu ýylyň fewral aýynda meýilleşdirilen dabaralaryň we çäreleriň maksatnamasy barada hasabat berdi.

Döwlet Baştutanymyz hasabaty diňläp hem-de meýilleşdirilen dabaralar, şol sanda ýylyň möhüm wakalarynyň hormatyna geçiriljek çäreler barada aýdyp, olaryň ýokary guramaçylyk derejesini üpjün etmek babatda anyk görkezmeleri berdi.

Şeýle hem wise-premýer hormatly Prezidentimiziň garamagyna “Teatr we teatr işi hakyndaky” Türkmenistanyň Kanunynyň 19-njy maddasyna laýyklykda, ýurdumyzda hereket edýän teatrlara “Milli” ýa-da “Akademiki” hukuk derejelerini bermegiň tertibini we şertlerini tassyklamak hakynda Kararyň taslamasyny hödürledi.

Döwlet Baştutanymyz ýurdumyzyň teatr toparlaryna degişli derejeleriň berilmeginiň ähmiýeti barada aýdyp, olaryň medeniýet edaralarynyň çeperçilik işiniň netijeleri boýunça berilmeginiň möhümdigine ünsi çekdi.

Hormatly Prezidentimiz Gurbanguly Berdimuhamedow degişli resminama gol çekip, ony sanly ulgam arkaly wise-premýere iberdi we bu babatda anyk görkezmeleri berdi.

Ministrler Kabinetiniň Başlygynyň orunbasary S.Toýlyýew şu ýylyň ýanwar aýynda bilim, ylym, saglygy goraýyş hem-de sport ulgamlarynda ýerine ýetirilen işler barada hasabat berdi.

Hasabat döwründe milli Liderimiziň başlangyjy bilen bilim ulgamynda geçirilýän özgertmeleriň çäklerinde okatmagyň öňdebaryjy usullaryny peýdalanmak, bilimiň hilini ýokarlandyrmak boýunça işler dowam etdirildi.

Türkmenistanyň mukaddes Garaşsyzlygynyň 30 ýyllygy mynasybetli Magtymguly adyndaky Dil, edebiýat we milli golýazmalar instituty tarapyndan milli mirasymyza degişli birnäçe eserler neşir edildi.

Magtymguly Pyragynyň doglan gününiň 300 ýyllygyny dabaraly bellemek maksady bilen, çäreleriň meýilnamasyny düzmek boýunça işler alnyp barylýar.

Hasabat döwründe Türkmenistanyň Prezidentiniň “Saglyk” Döwlet maksatnamasyna laýyklykda, milli saglygy goraýyş ulgamyny kämilleşdirmek boýunça işler dowam etdirildi.

Hormatly Prezidentimiz Gurbanguly Berdimuhamedow hasabaty diňläp, ýurdumyzy durmuş-ykdysady taýdan ösdürmegiň bellenilen ähli maksatnamalarynyň üstünlikli amala aşyrylmagynda möhüm ähmiýete eýe bolan ylym-bilim ulgamyny mundan beýläk-de kämilleşdirmegiň möhümdigini nygtady. Ýaşlaryň döredijilik mümkinçiliklerini doly açmak, olaryň şahsy ukyp-başarnyklaryny ýüze çykarmak üçin ähli şertleriň döredilmeginiň zerurdygyna aýratyn üns çekildi.

Milli Liderimiz şeýle hem saglygy goraýyş we sport ulgamynyň yzygiderli ösdürilmegine, jemgyýetimizde sagdyn durmuş ýörelgelerini wagyz etmek hem-de ornaşdyrmak, zehinli, geljegine uly umyt baglanylýan türgenleri uly sporta işjeň çekmek boýunça işlere uly ähmiýet berilmelidigini belledi.

Hormatly Prezidentimiz Gurbanguly Berdimuhamedow wise-premýer S.Toýlyýewiň XXIV gyşky Olimpiýa oýunlarynyň açylyş dabarasyna gatnaşmak üçin Hytaý Halk Respublikasyna iş sapary bilen gidýän wekiliýetiň düzümine girýändigini belläp, Türkmenistanyň Keselleriň ýaýramagyna garşy göreşýän adatdan daşary toparynyň başlygynyň wezipesini wagtlaýyn ýerine ýetirmegi şu toparyň başlygynyň orunbasary, saglygy goraýyş we derman senagaty ministri N.Amannepesowyň üstüne ýükledi.

Şunuň bilen baglylykda, döwlet Baştutanymyz degişli Karara gol çekip, ony sanly ulgam arkaly wise-premýere iberdi we anyk tabşyryklary berdi.

Döwlet Baştutanymyz wise-premýere ýüzlenip, Hytaýa sapardan gaýdyp gelnenden soň, toparyň Düzgünnamasyna laýyklykda nähili hereket etmelidigi baradaky teklibiňizi beriň diýip aýtdy.

Ministrler Kabinetiniň Başlygynyň orunbasary S.Toýlyýew adatdan daşary toparyň Düzgünnamasyna laýyklykda, arassaçylyk kadalaryny berjaý etmek üçin sapardan gelnenden soň, hökmany suratda, karantin çäreleriniň berjaý edilmelidigini, bu çäreleriň iň gysga wagtynyň — 3 gün, ortaça wagtynyň — 10 gün, iň wajyp wagtynyň bolsa 21 gün bolmalydygyny habar berdi.

Döwlet Baştutanymyz bu habary diňläp, wekiliýetiň agzalarynyň hem karantin geçmeli boljakdyklaryny aýdyp, arassaçylyk kadalaryna görä, biz 3 gün — ýekşenbe, duşenbe we sişenbe günleri karantinde bolarys diýip belledi.

Soňra Ministrler Kabinetiniň Başlygynyň orunbasary, daşary işler ministri R.Meredow DIM-niň şu ýylyň ýanwar aýynda ýerine ýetiren işleriniň netijeleri barada hasabat berdi.

Garaşsyz, hemişelik Bitarap Türkmenistanyň daşary syýasy strategiýasyny durmuşa geçirmek, döwlet Baştutanymyzyň öňde goýan wezipelerini ýerine ýetirmek maksady bilen, hasabat döwründe ikitaraplaýyn we köptaraplaýyn görnüşde, sebit we halkara guramalaryň çäklerinde maksada laýyk işler geçirildi.

Daşary ýurtly hyzmatdaşlar bilen netijeli gatnaşyklary pugtalandyrmakda ýokary derejedäki duşuşyklara aýratyn üns berilýär. Geçen aýda hormatly Prezidentimiz Gurbanguly Berdimuhamedow sanly ulgam arkaly “Merkezi Aziýa — Hytaý” sammitine hem-de Birinji “Merkezi Aziýa — Hindistan” sammitine gatnaşdy. Şeýle hem milli Liderimiziň Türkiýe Respublikasynyň we Özbegistan Respublikasynyň Prezidentleri bilen telefon arkaly gepleşikleri geçirildi.

DIM-niň ugry boýunça ikitaraplaýyn gatnaşyklar we geňeşmeler yzygiderli geçirilýär.

Şeýle hem Türkmenistanyň daşary ykdysady gatnaşyklaryny ösdürmek boýunça degişli çäreler görülýär. Şunda degişli ikitaraplaýyn düzümleriň çäklerindäki gatnaşyklara möhüm orun berilýär. Ýanwar aýynda Ykdysady hyzmatdaşlyk boýunça bilelikdäki türkmen-eýran hökümetara toparynyň başlyklarynyň duşuşygy hem-de Söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-tatar toparynyň nobatdaky mejlisi geçirildi.

Hormatly Prezidentimiz Gurbanguly Berdimuhamedow hasabaty diňläp, Türkmenistanyň parahatçylyk söýüjilik, oňyn Bitaraplyk hem-de “Açyk gapylar” syýasatyny durmuşa geçirmek bilen goňşy döwletler we dünýäniň dürli sebitlerinde ýerleşýän ýurtlar bilen netijeli hyzmatdaşlygy ösdürýändigini belledi. Şeýle hem abraýly halkara guramalar, şol sanda BMG hem-de onuň ýöriteleşdirilen edaralary bilen işjeň we köpugurly gatnaşyklara, halkara hyzmatdaşlar bilen dürli ugurlarda netijeli hyzmatdaşlygy pugtalandyrmaga uly ähmiýet berilýär.

Milli Liderimiz aýdylanlary jemläp, wise-premýere, DIM-niň ýolbaşçysyna bu ugurdaky işleri yzygiderli dowam etmegi tabşyryp, Türkmenistanyň oňyn başlangyçlaryny ilerletmegiň hem-de şu ýyl üçin niýetlenilen halkara ähmiýetli çärelere ýokary derejede taýýarlyk görmegiň wajypdygyna ünsi çekdi.

Ministrler Kabinetiniň Başlygynyň orunbasary, Döwlet howpsuzlyk geňeşiniň sekretary Ç.Amanow adyl kazyýetlilik işini mundan beýläk-de kämilleşdirmek boýunça alnyp barylýan işler barada hasabat berdi.

Bellenilişi ýaly, adyl kazyýetlilik we kazyýet önümçilik işini mundan beýläk-de kämilleşdirmek, oňa sanly ulgamy işjeň ornaşdyrmak we kazyýet edaralarynyň maddy-enjamlaýyn binýadyny berkitmek boýunça anyk çäreler durmuşa geçirilýär. Şol bir wagtyň özünde, hukuk çözgütlerini kabul etmegiň häzirki zaman tejribesini öwrenmek, milli kanunçylygy bu ugur boýunça halkara hukugyň umumy ykrar edilen kadalaryna laýyk getirmek babatda zerur işler alnyp barylýar. Şunda kazyýet edaralarynyň işgärleriniň hünär derejesini we hukuk medeniýetini ýokarlandyrmak, ilatyň arasynda duşuşyklary guramak we düşündiriş işlerini geçirmek, Ýokary kazyýetiň web-saýtynda degişli maglumatlary ýerleşdirmek meselelerine möhüm ähmiýet berilýär.

Hormatly Prezidentimiz Gurbanguly Berdimuhamedow hasabaty diňläp, Türkmenistanyň syýasatynda “Döwlet adam üçindir!” diýen şygaryň ýörelgelerine möhüm ornuň degişlidigini belledi. Häzirki döwürde ösüşiň ýoly bilen ynamly gadam urýan ýurdumyzda adamlaryň durmuş taýdan goraglylygy kepillendirilmelidir, olara zerur goldawlar berilmelidir we her bir raýatyň erkin, mynasyp durmuşy üçin amatly şertler döredilmelidir.

Kazyýet edaralarynyň esasy wezipeleri adyl kazyýetliligi amala aşyrmakdan, halkymyzyň hukuklaryny we azatlyklaryny goramakdan ybaratdyr. Bu ugurda alnyp barylýan işler kanunyň, adalatlylygyň, hukuk tertibiniň berk berjaý edilmegine gönükdirilmelidir. Şunuň bilen baglylykda, kazyýet ulgamynyň işini mundan beýläk-de kämilleşdirmek, adyl kazyýetliligiň açyklygyny, aýdyňlygyny üpjün etmek, kazyýet çözgütlerini degişli derejede kabul etmek we bu işde häzirki zaman usullaryny, sanly tehnologiýalaryny peýdalanmak meselelerine zerur üns berilmelidir diýip, milli Liderimiz belledi hem-de bu babatda wise-premýere, Döwlet howpsuzlyk geňeşiniň sekretaryna birnäçe anyk tabşyryklary berdi.

Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew gözegçilik edýän ulgamlarynda ýanwar aýynda ýerine ýetirilen işler barada hasabat berdi.

Toplum boýunça hasabat döwründe önümleri öndürmegiň we hyzmatlary ýerine ýetirmegiň meýilnamasy 104 göterim ýerine ýetirildi.

Hasabat döwründe “Türkmendemirýollary” agentligi boýunça ösüş depgini 118,5 göterime, “Türkmenawtoulaglary” agentligi boýunça 120,3 göterime, “Türkmenaragatnaşyk” agentligi boýunça 104,8 göterime barabar boldy. “Türkmenhowaýollary” agentligi boýunça meýilnama 108,2 göterim berjaý edildi. “Türkmendeňizderýaýollary” agentligi boýunça hem degişli işler geçirildi.

Hormatly Prezidentimiz Gurbanguly Berdimuhamedow hasabaty diňläp, Beýik Ýüpek ýoluny dikeltmek, sebit we yklymara ýollaryny ösdürmek boýunça başlangyçlarymyzyň ulag ulgamynyň kuwwatly maddy-enjamlaýyn binýadyny kemala getirmekde uly ähmiýete eýedigini nygtady. Şunuň bilen baglylykda, döwlet Baştutanymyz pudaklaýyn düzümi döwrebaplaşdyrmagyň, iň täze tehnologiýalary ornaşdyrmagyň wajypdygyny belledi.

Milli Liderimiz üstaşyr ulag geçelgeleri arkaly ýük daşamagyň gerimini giňeltmegiň hem-de mukdaryny köpeltmegiň we hyzmatlaryň hilini ýokarlandyrmagyň möhümdigine ünsi çekip, ulag toplumyny ösdürmegiň döwlet syýasatynyň ileri tutulýan ugrudygyny nygtady.

Hormatly Prezidentimiz Gurbanguly Berdimuhamedow ýurdumyzda giň gerimli halkara taslamalaryň durmuşa geçirilýändigini belläp, wise-premýere düzümleýin taslamalaryň öz wagtynda durmuşa geçirilmegi babatda birnäçe tabşyryklary berdi.

Hormatly Prezidentimiz mejlisi jemläp, onuň dowamynda birnäçe meselelere garalandygyny, şeýle hem ykdysadyýetimiziň pudaklarynyň ösdürilmegine gönükdirilen birnäçe resminamalaryň kabul edilendigini aýtdy.

Döwlet Baştutanymyz Milli Geňeşiň Halk Maslahatynyň öňde boljak nobatdan daşary mejlisine taýýarlyk görmegiň zerurdygyna ünsi çekip, onuň dowamynda geçen ýylda ýerine ýetirilen işleriň netijeleriniň jemleniljekdigini, şeýle hem döwletimizi geljek 30 ýylda ösdürmegiň esasy ugurlaryny kesgitlemek boýunça taryhy çözgütleriň kabul ediljekdigini aýtdy.

Aşgabat, 3-nji fewral (TDH). Şu gün Türkmenistanyň Prezidenti Gurbanguly Berdimuhamedow iş sapary bilen Hytaýyň paýtagty Pekin şäherine ugrady. Bu ýerde milli Liderimiz Hytaý Halk Respublikasynyň Başlygy Si Szinpiniň çakylygy boýunça XXIV gyşky Olimpiýa oýunlarynyň açylyş dabarasyna gatnaşar.

Aşgabadyň Halkara howa menzilinde döwlet Baştutanymyzy resmi adamlar ugratdylar.

Hormatly Prezidentimiz Gurbanguly Berdimuhamedow Hytaý Halk Respublikasynyň iri neşirleriniň we teleýaýlymlarynyň wekillerine interwýu berdi

Hormatly Prezidentimiz Gurbanguly Berdimuhamedow ýurdumyzyň ozaldan gelýän we ygtybarly hyzmatdaşy bolan Hytaý Halk Respublikasynyň birnäçe teleýaýlymlarynyň we abraýly metbugat serişdeleriniň wekilleriniň sowallaryna jogap berdi. Milli Liderimiz bilen guralan sowal-jogap söhbetdeşligine Hytaý Halk Respublikasynyň Türkmenistandaky ilçihanasynyň metbugat attaşesi, hanym Ýuý Sýaoşuan gatnaşdy.

Hytaýyň belli teleýaýlymlarynyň we köp millionly okyjylary bolan metbugat serişdeleriniň wekilleriniň Türkmenistana bolan ägirt uly gyzyklanmalary döwlet Baştutanymyzyň ýolbaşçylygynda tutuş dünýä ähmiýetli başlangyçlary öňe sürýän ýurdumyzyň halkara giňişlikdäki abraýynyň barha belende galýandygynyň nobatdaky beýanydyr.

— Hormatly jenap Prezident, men Hytaý Halk Respublikasynyň Türkmenistandaky ilçihanasynyň metbugat attaşesi. Siz ýakyn wagtda Pekinde geçiriljek 2022-nji ýylyň Gyşky Olimpiýa oýunlarynyň açylyş dabarasyna gatnaşmak üçin Hytaýa sapary amala aşyrmagy meýilleşdirýärsiňiz. «CCTV», «CGTN in Russian» telekompaniýalarynyň we «Ženmin žibao» gazetiniň hem-de «Sinhua» habarlar agentliginiň sowallaryna jogap bermäge razylyk bermegiňizi Sizden haýyş edýärin.

— Ozaly bilen, «CCTV» we «CGTN in Russian» kompaniýalarynyň ýolbaşçylaryna şu interwýuny guramak başlangyjy bilen çykyş edendikleri üçin minnetdarlyk bildirýärin. Hytaýda hem, onuň çäklerinden daşarda hem millionlarça tomaşaçylary we okyjylary bolan, dünýäde meşhurlyk hem-de uly abraý gazanan şeýle köpçülikleýin habar beriş serişdeleri bilen söhbetdeşligiň geçirilmegi biziň dostlukly halklarymyzyň we döwletlerimiziň arasynda özara düşünişmegiň has-da giňeldilmegine ýardam berer.

Pekinde geçiriljek gyşky Olimpiadanyň açylyş dabarasyna gatnaşmak baradaky çözgüdim barada aýdylanda, ol, ilkinji nobatda, bu sport bäsleşikleriniň bütin dünýä üçin ägirt uly ähmiýete eýedigi bilen şertlendirilendir.

Olimpiýa oýunlary hemişe halklaryň arasynda parahatçylygyň we dostlugyň pugtalandyrylmagyny, duşmançylygyň hem-de uruşlaryň bes edilmegini, dürli milletleriň, dürli syýasy ynama eýerýän adamlaryň jebisleşmegini, olaryň Olimpiýa hereketiniň belent ýörelgelerine ygrarlylygyny alamatlandyrýar. Bu oýunlar halklaryň we döwletleriň arasynda özara düşünişmäge, açyklyga hem-de birek-birege hormat goýmaga ýardam berýär. Men öz içeri we daşary syýasatynda hut şu ýörelgelere eýerýän ýurduň — Türkmenistanyň Prezidenti hökmünde Hytaý Halk Respublikasynyň çuňňur hormatlanylýan Başlygynyň çakylygyny minnetdarlyk bilen kabul etdim.

— Gyşky Olimpiýa oýunlaryndan Siz nämelere garaşýarsyňyz?

— Bu oýunlaryň örän ýokary guramaçylyk hem-de sport ruhy, adalatly bäsleşik, oňa gatnaşyjylaryň birek-birege hormat goýmak ruhunda, tomaşaçylaryň ägirt uly gyzyklanma ýagdaýynda geçjekdigine ynanýaryn.

Biz Hytaýyň bu Olimpiada taýýarlyk görşüni üns bilen synladyk. Taýýarlyk üçin giň gerimli işleriň ýerine ýetirilendiginiň, köp sanly ajaýyp desgalaryň gurlandygynyň, innowasion häsiýetli we ýokary tehnologiýaly çözgütleriň peýdalanylandygynyň hem-de ornaşdyrylandygynyň şaýady bolduk. Siziň ýurduňyz giň gerimli wezipeleri üstünlikli çözmäge ukyplydygyny nobatdaky gezek görkezdi.

Öňde boljak Olimpiadanyň köp sanly haýran galdyryjy netijeleri berjekdigine, dünýä sportunyň taryhynda unudylmajak waka öwrüljekdigine, Ýer ýüzüniň dürli künjeklerindäki millionlarça adamlar üçin köpöwüşginli hakyky baýramçylyga öwrüljekdigine ynanýaryn.

— Hytaý 1992-nji ýylda Türkmenistan bilen diplomatik gatnaşyklary ýola goýan, şeýle hem ýurduňyzyň hemişelik Bitaraplyk syýasatyny goldan ilkinji döwletleriň biridir. Geçen 30 ýylyň dowamynda Hytaý bilen Türkmenistan ynanyşmak, özara bähbitli we deňhukukly gatnaşyklary ýola goýdular. Siziň pikiriňizçe, bu hyzmatdaşlyk haýsy ulgamlarda has netijeli ösdürilýär, iki ýurduň hem ösüşine we abadançylygyna ýardam berýär, dünýä derejesinde parahatçylygyň hem-de özara düşünişmegiň berkidilmegine gulluk edýär?

— Biz Türkmenistanyň Garaşsyz döwlet hökmünde berkarar bolmagynyň barşynda Hytaýyň beren goldawyna, Bitaraplyk derejämize hem-de onuň binýadynda alyp barýan daşary syýasat strategiýamyza hormat bilen garandygyna ýokary baha berýäris we muny hiç wagt ýatdan çykarmarys.

Türkmenistan, öz nobatynda, hytaýly hyzmatdaşlarymyz üçin örän möhüm meseleler, şol sanda Hytaý Halk Respublikasynyň çäk bitewüligi, jebisligi baradaky meseleler babatynda öz garaýyşlaryny hemişe anyk we aýdyň beýan edýär.

Biz «bitewi Hytaý» syýasatyny, kenarýaka gatnaşyklarynyň parahatçylykly ýol bilen ösdürilmegini we Hytaýyň parahatçylykly birleşdirilmegini hemişe berk goldaýarys.

Türkmenistan üçin Hytaý diňe bir beýik döwlet, dünýäniň örän kuwwatly ykdysady we senagat merkezi, giň we geljegi uly bazar däl-de, wagtyň synagyndan geçen ygtybarly dostdur. Bu gün biziň gatnaşyklarymyz uzak möhletleýin, strategik häsiýete eýedir. Bu hyzmatdaşlyk wagtyň synagyndan geçdi, öz netijeliligini görkezdi we häzirki wagtda Ýewraziýa giňişliginde durnuklylygyň hem-de ösüşiň möhüm şertine öwrüldi.

Bizi Hytaý bilen dünýägaraýyşlarymyzyň, ählumumy parahatçylyk we howpsuzlyk meselelerinde maksatlarymyzyň hem-de wezipelerimiziň ýakynlygy birleşdirýär. Bu bolsa iki ýurda iri halkara guramalaryň, ozaly bilen, Birleşen Milletler Guramasynyň çäklerinde, dünýä giňişliginde üstünlikli hyzmatdaşlyk etmäge, birek-birege goldaw bermäge, oňyn çözgütleri öňe sürmek hem-de durmuşa geçirmek üçin syýasy-diplomatik tagallalary utgaşdyrmaga mümkinçilik berýär. Gatnaşyklarymyzyň şunuň ýaly derejesi Türkmenistanyň hem-de Hytaýyň halklarynyň hakyky bähbitlerine laýyk gelýär, Ýewraziýa yklymynda we tutuş dünýäde ösüş hereketlerine oňyn täsirini ýetirýär.

Türkmen-hytaý gepleşikleriniň gün tertibinde Merkezi Aziýadaky ýagdaýy ara alyp maslahatlaşmak meselesi aýratyn orun eýeleýär. Bu meselede hem biziň ýurtlarymyzyň garaýyşlary gabat gelýär: Türkmenistan hem, Hytaý Halk Respublikasy hem sebitde bähbitleriň köptaraplaýyn deňeçerligine esaslanýan ygtybarly howpsuzlyk ulgamyny döretmek ugrunda çykyş edýärler hem-de ýüze çykýan meseleleri syýasy-diplomatik ýol bilen çözmäge ygrarlydyrlar.

Bu ugurda Türkmenistan bilen Hytaý dünýä bileleşiginiň jogapkärli agzalary hökmünde çykyş edip, özara hereket etmegiň sebit gurallarynyň döredilmegine iş ýüzünde uly goşant goşýarlar we sebitde emele gelýän oňyn meýilleri goldamaga ýardam berýärler.

Ýangyç-energetika ulgamy Türkmenistanyň we Hytaý Halk Respublikasynyň hyzmatdaşlygynyň ileri tutulýan ugurlarynyň biridir. Munuň özi düşnüklidir: biziň döwletlerimiz bu ugurda uly kuwwata eýedirler. 2009-njy ýylyň ahyrynda strategik ähmiýetli Türkmenistan — Hytaý gaz geçirijisiniň ulanylmaga berilmegi hem munuň subutnamasydyr. Bu ägirt uly taslamanyň amala aşyrylmagy deňhukuklylyk, özara bähbitlere düşünişmek ýörelgelerine esaslanýan hakyky hyzmatdaşlyk gatnaşyklarynyň, gaz geçirijiniň işe girizilmegi netijesinde açylan giň mümkinçiliklere we onuň geljegine göz ýetirmegiň aýdyň mysalydyr. Munuň özi turbageçiriji energetika taslamalaryna gatnaşyjylaryň ählisiniň — öndürijileriň, üstaşyr geçirijileriň hem-de sarp edijileriň bähbitleriniň deňeçerligini üpjün etmegiň maksatlarynyň iş ýüzünde amala aşyrylmagydyr.

Häzirki wagtda biz Hytaý Halk Respublikasynyň ykdysadyýetiniň barha artýan zerurlyklaryny hem-de Türkmenistanyň serişdeler binýadynyň mümkinçiliklerini hasaba almak bilen, türkmen tebigy gazynyň iberilýän möçberlerini has-da artdyrmak meseleleriniň üstünde işleýäris. Şunuň bilen baglylykda, biz Türkmenistandan Hytaýa çenli ugur boýunça 4-nji turbageçirijini gurmagyň mümkinçiliklerini düýpli ara alyp maslahatlaşmaga taýýardyrys.

Hyzmatdaşlyk boýunça türkmen-hytaý komitetiniň çäklerinde netijeli işler alnyp barylýar, onuň 2021-nji ýylyň noýabr aýynda geçirilen mejlisinde 5 resminama, şol sanda Türkmenistanyň Hökümetiniň we Hytaý Halk Respublikasynyň Hökümetiniň arasynda 5 ýyl üçin (2021 — 2025-nji ýyllar) hyzmatdaşlyk Maksatnamasyna gol çekildi. Biz bu Maksatnama hyzmatdaşlygy mundan beýläk-de ösdürmegiň ygtybarly binýady hökmünde garaýarys.

Umuman aýdylanda, iki döwlet hem hyzmatdaşlyk üçin syýasatda, ykdysadyýetde we söwdada, ulag ulgamynda we energetikada, maýa goýumlarda, ýokary tehnologiýalar ulgamynda, medeni-ynsanperwer ugurlarda hyzmatdaşlyk üçin ägirt uly mümkinçiliklere eýedir.

— Hytaý bilen Türkmenistan giň gerimli başlangyçlary — degişlilikde, «Bir guşak — bir ýol» we «Beýik Ýüpek ýolunyň dikeldilmegi» başlangyçlaryny durmuşa geçirmäge girişdiler. Siz bu iki strategiýa uzak möhletleýin özara bähbitlere laýyk gelmegi nukdaýnazaryndan nähili baha berýärsiňiz?

— Hakykatda, özara bähbitleriň bolmagy Türkmenistana we Hytaýa ýokarda agzalan strategiýalary durmuşa geçirmek ugrunda hyzmatdaşlygy üstünlikli giňeltmäge ýardam berýär. Bu başlangyçlaryň ikisi hem Ýewraziýada ykdysady ösüşe kuwwatly itergi berer hem-de häzirki zaman şertlerinde Ýuwaş ummandan Atlantika ummanyna çenli ägirt uly giňişligi birleşdirip, özara baglanyşykly önümçilik we tehnologiýa ulgamlaryny, senagat guşaklyklaryny kemala getirer, köp sanly durmuş meseleleriniň oňyn çözülmegine, halklaryň ýaşaýyş we abadançylyk derejesiniň ýokarlandyrylmagyna ýardam berer.

Hyzmatdaşlygyň diwersifikasiýa ýoly bilen ösdürilmeginiň biziň yklymymyzda geoykdysadyýetiň täze keşbini kemala getirmegiň esasy bolup durýandygyna ynanýaryn. Munuň özi hakykatdyr hem-de islendik oňyn başlangyçlar, strategiýalar we teklipler özara bähbitleriň we uzak möhletleýin maksatlaryň sazlaşygy esasynda biri-biriniň üstüni doldurmalydyr. Şunuň bilen baglylykda, «Beýik Ýüpek ýolunyň dikeldilmegi» konsepsiýasy öz tebigaty we geoykdysady ähmiýeti boýunça Hytaýyň «Bir guşak — bir ýol» başlangyjy bilen utgaşýar.

— Uly pandalaryň Hytaýyň milli baýlygy bolşy ýaly, ahalteke bedewleri Türkmenistanyň gymmatly mirasy hasaplanylýar. Hytaýda hem bu bedewlere uly sarpa goýulýar hem-de olar «behişdi bedewler» diýlip atlandyrylýar. Bu seýrek duş gelýän atlar 2 müň ýyl mundan ozal gadymy Ýüpek ýoly boýunça Hytaýa getirilipdir. Biziň bilşimiz ýaly, Siz bedewleri öwrenmek we olary wagyz etmek boýunça ussat hünärmensiňiz. 2014-nji ýylyň maý aýynda, haçan-da Siz HHR-iň Başlygy Si Szinpin bilen Halkara ahalteke atçylyk assosiasiýasynyň mejlisine hem-de Pekinde Hytaýyň atşynaslyk medeniýetiniň festiwalynyň açylyş dabarasyna gatnaşan mahalyňyz Hytaýa ahalteke bedewini sowgat berdiňiz.

Ikitaraplaýyn gatnaşyklaryň uzak möhletleýin ýagdaýda ösdürilmegine ýardam bermek maksady bilen, syýasy we ykdysady hyzmatdaşlykdan başga-da, medeniýet, bilim, ylym we tehnika, sport hem-de beýleki ynsanperwer ulgamlarda özara alyşmalary giňeltmek we çuňlaşdyrmak ugrunda ýene-de nähili çäreleri geçirmegi zerur hasap edýärsiňiz?

— Siziň ahalteke bedewleri bilen baglanyşykly getiren mysalyňyz Türkmenistanyň we Hytaýyň gadymy hem-de baý taryha eýe ýurtlardygynyň, biziň gatnaşyklarymyzyň öz gözbaşyny asyrlaryň jümmüşinden alyp gaýdýandygynyň subutnamasydyr. Bu babatda bahasyna ýetip bolmajak bu gymmatly mirasy häzirki zaman ýagdaýlarynda we şertlerinde düýpli öwrenmek, onuň ähmiýetine göz ýetirmek üçin Türkmenistanyň we Hytaýyň halklarynyň taryhy gatnaşyklarynyň çuň gatlaklaryny öwrenmek talap edilýär. Bu ugurda iki ýurduň alymlarynyň, taryhçylarynyň bilelikde netijeli iş alyp barmagy üçin giň mümkinçilikler açylýar.

Medeni-ynsanperwer ulgam iki ýurduň arasynda dostlugy we özara düşünişmegi pugtalandyrmagyň möhüm şertleriniň biridir. Biziň halklarymyz Türkmenistanyň we Hytaýyň sungaty hem-de edebiýaty bilen tanyşmaga özara gyzyklanma bildirýärler, ýurtlarymyz hem bu meýilleri höweslendirýärler, döredijilik we ylmy işgärleriň ýakyndan gatnaşmaklary üçin amatly şertleri döredýärler. Biz Hytaý Halk Respublikasynyň ýolbaşçylary bilen bu işleri mundan beýläk-de ösdürmek barada ylalaşyga geldik.

Bilim ulgamy Türkmenistanyň we Hytaýyň ynsanperwer hyzmatdaşlygynyň ileri tutulýan ugry bolmagynda galýar. Hytaýly hyzmatdaşlarymyzyň biziň ýaşlarymyza bilim bermäge taýýardyklaryna ýokary baha berýäris, türkmen ýigitleri we gyzlary Hytaý Halk Respublikasynyň iň abraýly okuw mekdeplerinde tehniki we ynsanperwer bilimleri üstünlikli özleşdirýärler.

Sport ulgamynda hyzmatdaşlyk ösdüriler. 2017-nji ýylyň sentýabr aýynda Aşgabatda geçirilen Ýapyk binalarda we söweş sungaty boýunça V Aziýa oýunlaryna wekilçilikli hytaý toparynyň gatnaşmagy munuň subutnamasydyr. Öňde boljak gyşky Olimpiadanyň ýurtlarymyzyň arasynda sport hyzmatdaşlygynyň ösdürilmegine täze kuwwatly itergi berjekdigine ynanýaryn.

Bir söz bilen aýdylanda, wagt biziň hem-de geljekki nesilleriň bähbidine işleýär. Türkmenistanyň we Hytaýyň ynsanperwer ulgamda hyzmatdaşlygynyň mümkinçilikleri iki halkyň hem-de döwletleriň özara ýakynlaşmagynyň bähbidine hakykatda emele gelen zerurlykdyr we ol hemmetaraplaýyn döwlet goldawyna eýe bolar.

— Jenap Prezident, Siz Bahar baýramynyň — Hytaýyň Täze ýylynyň ýetip gelen mahalynda interwýu berýärsiňiz. Pursatdan peýdalanyp, Sizden hytaý halkyna Täze ýyl gutlaglaryny aýtmagyňyzy haýyş etmek isleýäris.

— Baş üstüne! Men hytaý halkyny Täze ýyl bilen gutlap, tüýs ýürekden parahatçylyk we abadançylyk, öňde goýlan ösüş meýilnamalarynyň ählisiniň hasyl bolmagyny, ykdysadyýeti, durmuş ulgamyny ösdürmekde, ilatyň abadançylyk we ýaşaýyş derejesini mundan beýläk-de yzygiderli ösdürmekde täze uly üstünliklere ýetmegini arzuw edýärin. Hytaý Halk Respublikasynyň ýolbaşçylarynyň parasatly hem-de öňdengörüjilikli içeri we daşary syýasatynyň geljek ýylda siziň ýurduňyza täze üstünlikleri we ýeňişleri getirjekdigine ynanýaryn.

Aşgabat, 1-nji fewral (TDH). Şu gün hormatly Prezidentimiz Gurbanguly Berdimuhamedow Ministrler Kabinetiniň Başlygynyň käbir orunbasarlarynyň gatnaşmagynda ýurdumyzyň ýangyç-energetika toplumynda alnyp barylýan işleriň ýagdaýyna bagyşlanan iş maslahatyny geçirdi. Onuň dowamynda Garaşsyz döwletimizi ykdysady taýdan mundan beýläk-de ösdürmek babatda öňde durýan wezipeler ara alnyp maslahatlaşyldy.

Döwlet Baştutanymyz iş maslahatyny açyp, tebigy gazy daşary ýurtlara ibermegiň ugurlaryny geljekde has-da ösdürmek meseleleriniň ähmiýetlidigine ünsi çekip, bu babatda öňde durýan wezipeleri ara alyp maslahatlaşmak kararyna gelendigini aýtdy.

Şunuň bilen baglylykda, milli Liderimiz Ministrler Kabinetiniň Başlygynyň orunbasary Ş.Abdrahmanowa söz berdi.

Wise-premýer hormatly Prezidentimiziň parasatly baştutanlygynda üstünlikli durmuşa geçirilýän energetika syýasaty netijesinde ýurdumyzyň bu ugurda dünýäniň birnäçe döwletleri bilen netijeli hyzmatdaşlyk gatnaşyklaryny ösdürýändigi barada hasabat berdi.

Wise-premýer döwlet Baştutanymyzyň türkmen tebigy gazynyň dünýä bazarlaryna iberilýän möçberlerini artdyrmak, halkara gaz geçirijileriň ugurlaryny giňeltmek boýunça beren tabşyryklaryny üstünlikli ýerine ýetirmek maksady bilen, degişli düzümleriň utgaşykly işiniň ýola goýuljakdygyna ynandyrdy.

Milli Liderimiz hasabaty diňläp, önümçiligiň diwersifikasiýalaşdyrylmagynyň we sanly ulgama geçirilmeginiň Türkmenistanyň ýangyç-energetika toplumynyň kuwwatyny artdyrmagyň wajyp strategiýasy bolup durýandygyny belledi. Şeýlelikde, ösüşleriň belentliklerine tarap ynamly gadam urýan ýurdumyzyň ykdysadyýetiniň sazlaşykly ösüşinde ýangyç-energetika toplumyna möhüm orun degişlidir diýip, döwlet Baştutanymyz bu pudakda ýerine ýetirilýän işleriň häzirki döwrüň talabyna laýyk gelmegi, onda täzeçil tehnologiýalaryň ulanylmagy bilen baglanyşykly meselelere möhüm ähmiýet berilmelidigine ünsi çekdi.

Şol bir wagtyň özünde türkmen tebigy gazyny üstaşyr geçirýän ýurtlar bilen netijeli gatnaşyklaryň ösdürilmegine, Türkmenistan — Owganystan — Pakistan — Hindistan gaz geçirijisiniň gurluşygynyň işjeňleşdirilmegine hem zerur üns berilmelidir diýip, hormatly Prezidentimiz aýtdy we bu babatda wise-premýere birnäçe tabşyryklary berdi.

Soňra Ministrler Kabinetiniň Başlygynyň orunbasary Serdar Berdimuhamedow Berkarar döwletimiziň bagtyýarlyk döwrüniň her bir gününiň türkmen döwletini hemmetaraplaýyn ösdürmek boýunça täzeçil, oňyn başlangyçlaryň üstünlikli durmuşa geçirilýändigine ynamly şaýatlyk edýän, ýatda galyjy wakalara beslenýändigini aýdyp, eziz Diýarymyzyň ykdysadyýetiniň kuwwatlanmagy we pudaklaryň durnukly ösüşiniň üpjün edilmegi ugrunda ýerine ýetirilýän işler barada hasabat berdi.

Şunuň bilen baglylykda, ýurdumyzyň ýangyç-energetika toplumynyň önümçilik kuwwatlyklarynyň ösdürilmeginiň, onuň eksport mümkinçilikleriniň ýokarlanmagynyň milli ykdysadyýetimiz üçin bähbitlidigini belläp, wise-premýer nebitgaz pudagynyň işini ylmyň gazananlary esasynda kämilleşdirmek, ýangyç serişdeleriniň daşary ýurtlara iberilýän möçberlerini artdyrmak meseleleriniň döwlet syýasatynyň ileri tutulýan ugurlarynyň biri bolup durýandygyny belledi we bu ugurda alnyp barylýan işleri mundan beýläk-de ösdürmek ugrunda zerur tagallalaryň ediljekdigini aýtdy.

Hormatly Prezidentimiz Gurbanguly Berdimuhamedow uglewodorod serişdeleriniň ägirt uly gorlaryna eýe bolan ýurdumyzda bu ugurda alnyp barylýan işleriň döwletimiziň ykdysady syýasatyna laýyklykda ösdürilmelidigini belledi. Häzirki döwürde ýangyç-energetika toplumynyň milli ykdysadyýetimizde eýeleýän ornuny pugtalandyrmak, onuň maddy-enjamlaýyn binýadyny berkitmek meselelerine möhüm ähmiýet berilmelidir.

Şunda täzeçil tehnologiýalaryň, sanly ulgamyň we pudaga degişli häzirki zaman ylmynyň gazananlarynyň işjeň ulanylmagy möhüm talap bolup durýar diýip, milli Liderimiz aýtdy we bu ugurda ýerine ýetirilýän işleriň yzygiderli gözegçilikde saklanmalydygyny belledi.

Iş maslahatynyň dowamynda Ministrler Kabinetiniň Başlygynyň orunbasary, daşary işler ministri R.Meredow hormatly Prezidentimiziň halkara ähmiýetli başlangyçlarynyň dünýä bileleşigi tarapyndan giň goldawa eýe bolýandygy, munuň şol başlangyçlarda tutuş adamzat ähmiýetli bähbitleriň nazarda tutulýandygynyň aýdyň beýanydygy barada hasabat berdi.

Milli Liderimiziň BMG-niň Baş Assambleýasynyň hem-de beýleki halkara forumlaryň mejlislerinde degişli meseleler boýunça Türkmenistanyň garaýşyny ençeme gezek beýan edendigini aýdyp, wise-premýer hormatly Prezidentimiziň netijeli başlangyçlary esasynda 2008-nji we 2013-nji ýyllarda kabul edilen BMG-niň Baş Assambleýasynyň «Energiýa serişdeleriniň ygtybarly we durnukly üstaşyr geçirilmegi hem-de durnukly ösüşi we halkara hyzmatdaşlygy üpjün etmekde onuň hyzmaty» hakynda Kararnamalary bilen berkidilmeginiň Türkmenistanyň we döwlet Baştutanymyzyň halkara giňişlikdäki abraýynyň belende galýandygyny aňladýandygyny nygtady.

Hormatly Prezidentimiz Gurbanguly Berdimuhamedow Türkmenistanyň dünýä derejesindäki energetika döwleti hökmünde eýeleýän ornunyň barha pugtalanýandygy, bu babatda ýurdumyzyň ýangyç-energetika toplumyna möhüm ornuň degişlidigini belläp, alnyp barylýan halkara hyzmatdaşlygy köpugurly esasda ösdürmek üçin zerur tagallalaryň yzygiderli edilmelidigini belledi.

Türkmenistan tarapyndan öňe sürülýän başlangyçlar üçünji müňýyllygyň beýik maksatlaryna ýetmäge hem-de BMG-niň kabul eden 2030-njy ýyla çenli döwür üçin durnukly ösüş boýunça Gün tertibine laýyklykda, öňde durýan wezipeleriň üstünlikli ýerine ýetirilmegine gönükdirilendir diýip, milli Liderimiz belledi we ýurdumyzyň halkara giňişlikde eýeleýän ornuny mundan beýläk-de pugtalandyrmak ugrunda hemmetaraplaýyn tagallalaryň edilmelidigine ünsi çekdi.

Hormatly Prezidentimiz Gurbanguly Berdimuhamedow ýangyç-energetika ulgamy boýunça taýýarlanylan iri möçberli taslamalaryň üstünlikli amala aşyrylmagyna örän jogapkärçilikli we hemmetaraplaýyn çemeleşilmelidigini belledi.

Mähriban halkym!
Eziz watandaşlar!

Sizi dutar ýasamak senetçiliginiň, dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi mynasybetli tüýs ýürekden gutlaýaryn.

Bedew bady bilen öňe barýan berkarar döwletimiziň durmuşyndaky şatlykly wakalar bagtyýar halkymyzy täze ýeňişlere, belent maksatlara ruhlandyrýar. Häzirki döwürde ýurdumyzy ähli ugurlar boýunça düýpli ösdürmek, halkymyzyň bagtyýar, abadan durmuşyny üpjün etmek, mähriban Watanymyzyň halkara abraýyny belende götermek ugrunda giň gerimli işler amala aşyrylýar. Şöhratly ata-babalarymyzdan miras galan milli gymmatlyklarymyzyň, senetçiligimiziňdir sungatymyzyň dürli görnüşleriniň halkara ykrarnamalaryna mynasyp bolmagy raýatlarymyzyň watançylyk ruhuny belende götermekde, ýurdumyzyň dünýädäki at-abraýyny has-da ýokary derejelere galdyrmakda möhüm ähmiýete eýe bolýar.

Türkmenistan bilen dünýäniň abraýly halkara guramalarynyň arasynda ygtybarly hyzmatdaşlyk netijeli ösdürilýär. Birleşen Milletler Guramasynyň Bilim, ylym we medeniýet meseleleri boýunça guramasy bolan ÝUNESKO bilen hyzmatdaşlyk Bitarap döwletimiziň daşary syýasatynda aýratyn orny eýeleýär. «Gadymy Merw» we «Köneürgenç» döwlet taryhy-medeni goraghanalary, Köne we Täze Nusaý galalary, «Görogly» dessançylyk sungaty, milli «Küştdepdi» aýdym we tans dessury, türkmen halyçylyk sungaty ýaly medeni gymmatlyklarymyzyň ÝUNESKO-nyň sanawyna girizilmegi şanly wakalar boldy. Biz geljekde hem ÝUNESKO bilen medeni-ynsanperwer ugurda hyzmatdaşlygy üstünlikli dowam ederis.

Mähriban watandaşlar!
Gadyrly medeniýet we sungat işgärleri!

Türkmen topragy gadymy döwürlerden bäri senetçiligiň, ussaçylygyň we sungatyň mekanydyr. Dutar ýasamak senetçiligini sungat derejesine ýetiren halkymyzyň dutarda saz çalmak we bagşyçylyk sungaty dünýä gymmatlyklarynyň genji-hazynasynda orun aldy. Müňýyllyklaryň dowamynda dutar türkmeniň ýaşaýyş-durmuşynyň aýrylmaz bölegine, merdana ata-babalarymyzyň ruhy syrdaşyna öwrüldi. Babagammar we Aşyk Aýdyň ýaly ussatlaryň yhlasyndan, pähim-paýhasyndan dörän dutar ýasamak, dutarda saz çalmak we bagşyçylyk sungaty nesillerden-nesillere geçirilip, yzygiderli kämilleşdirilip gelindi. «Görogly» şadessany we beýleki dessanlarymyz, Magtymguly, Kemine, Seýdi, Mollanepes, Mätäji, Magrupy ýaly nusgawy şahyrlarymyzyň goşgulary esasynda ýerine ýetirilen aýdym-sazlar halkymyzyň hakydasynda müdimilik orun aldy.

Şükür bagşy, Amangeldi Gönübek, Gulgeldi ussa, Kel bagşy, Hally bagşy, Sary bagşy, Täçmämmet Suhangulyýew, Mylly Täçmyradow, Sahy Jepbarow, Orazgeldi Ylýasow, Oraz salyr, Garadäli gökleň, Çowdur bagşy, Nurberdi Gulow, Aşyrmämmet Dawudow, Soltan Atanepesow, Pälwan bagşy, Öre şyh, Palta bagşy, Baýar bagşy, Nazar baga, Magtymguly Garlyýew, Bazar bagşy, Öwezmyrat bagşy, Juma Wellekow, Mustak Aýmedow, Nobat bagşy, Garly bagşy, Ödenyýaz Nobatow, Girman bagşy, Gurt Ýakubow we başga-da ençeme meşhur bagşy-sazandalarymyz türkmen aýdym-saz sungatynyň ösmegine uly goşant goşdular.

Biz häzirki döwürde halkymyzyň dünýä medeniýetinde özboluşly orun alan aýdym-saz sungatyny, medeni mirasyny, gadymy gymmatlyklaryny düýpli öwrenmek, wagyz etmek we dünýä ýaýmak ugrunda netijeli işleri durmuşa geçirýäris.

Türkmen dutarynyň şirin owazlary berkarar döwletimiziň mukaddes Garaşsyzlygynyň we baky Bitaraplygynyň waspy, parahatçylyk söýüjiligiň, hoşniýetliligiň hem-de dost-doganlygyň mukamy bolup ýaňlanýar. Şöhratly ata-babalarymyzdan miras galan dutar ýasamak senetçiliginiň, dutarda saz çalmak we bagşyçylyk sungatynyň taryhyny, özboluşly aýratynlyklaryny öwrenmek, dünýä ýaýmak we geljekki nesillere ýetirmek möhüm wezipeleriň biridir.

Häzirki döwürde ýurdumyzda giňden bellenilýän şanly senelerde, baýramçylyk dabaralarynda sungatyň beýleki ugurlary bilen bir hatarda, dutarda ýerine ýetirilýän joşgunly aýdym-sazlar mähriban halkymyzyň parahat durmuşyny, döwrümiziň bagtyýarlygyny, ýurdumyzyň taryhy özgerişlerini giňden wasp edýär. Ak şäherimiz Aşgabadyň gözel künjeginde ýerleşýän «Sungat» binasynda türkmen dutarynyň sazlaşykly şekilleriniň goýulmagy owazasy arşa galan senedimize belent söýgimiziň özboluşly alamatydyr.

Hormatly watandaşlar!
Gadyrly dutar ussalary, bagşy-sazandalar!

Dutar ýasamak senetçiliginiň, dutarda saz çalmak we bagşyçylyk sungatynyň ÝUNESKO-nyň Adamzadyň maddy däl medeni mirasynyň sanawyna girizilmegi bilen sizi ýene-de bir gezek tüýs ýürekden gutlaýaryn! Siziň ähliňize berk jan saglyk we maşgala abadançylygyny arzuw edýärin.

Halkyň Arkadagly zamanasynda dutaryň şirin owazlary türkmen topragynyň abadançylygynyň, asudalygynyň şirin mukamy bolup, hemişe belentden ýaňlansyn dursun!

Türkmenistanyň Prezidenti Gurbanguly BERDIMUHAMEDOW

Aş­ga­bat, 31-nji ýan­war (TDH). Şu gün hor­mat­ly Pre­zi­den­ti­miz Gurbanguly Berdimuhamedow Mi­nistr­ler Ka­bi­ne­ti­niň Baş­ly­gy­nyň kä­bir orun­ba­sar­la­ry­nyň hem-de Aş­ga­bat şä­he­ri­niň we we­la­ýat­la­ryň hä­kim­le­ri­niň gat­naş­ma­gyn­da san­ly ul­gam ar­ka­ly iş mas­la­ha­ty­ny ge­çir­di. On­da paý­tag­ty­my­zy we we­la­ýat­la­ry dur­muş-yk­dy­sa­dy taý­dan ös­dür­mek, ýaz­ky ekiş möw­sü­mi­ne taý­ýar­ly­gyň bar­şy, möw­süm­le­ýin oba ho­ja­lyk iş­le­ri­niň ge­çi­ri­li­şi bi­len bag­ly we­zi­pe­le­re hem-de döw­le­ti­mi­ziň dur­mu­şy­na de­giş­li kä­bir wa­jyp me­se­le­le­re ga­ral­dy.

Döw­let Baş­tu­ta­ny­myz iş mas­la­ha­ty­ny açyp, san­ly ul­gam ar­ka­ly Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, da­şa­ry iş­ler mi­nist­ri R.Me­re­do­wy, Mi­nistr­ler Ka­bi­ne­ti­niň Baş­ly­gy­nyň orun­ba­sar­la­ry S.Toý­ly­ýe­wi hem-de M.Mäm­me­do­wa­ny ça­gyr­dy.

Wi­se-prem­ýer, DIM-niň ýol­baş­çy­sy Bir­le­şen Mil­let­ler Gu­ra­ma­sy hem-de onuň esa­sy dü­züm­le­ri, hu­su­san-da, BMG-niň Bi­lim, ylym we me­de­ni­ýet ba­ra­da­ky ýö­ri­te­leş­di­ri­len eda­ra­sy — ÝU­NES­KO bi­len gat­na­şyk­la­ry ös­dür­mek babatda durmuşa geçirilýän işler ba­ra­da ha­sa­bat ber­di.

Hor­mat­ly Pre­zi­den­ti­mi­ziň baş­lan­gy­jy bo­ýun­ça şeý­le oňyn hyz­mat­daş­ly­gyň ne­ti­je­sin­de, ýur­du­my­zyň ta­ry­hy-me­de­ni go­rag­ha­na­la­ry­nyň bir­nä­çe­si ÝU­NES­KO-nyň Bü­tin­dün­ýä mi­ra­sy­nyň sa­na­wy­na gi­ri­zil­di.

ÝU­NES­KO-nyň Mad­dy däl me­de­ni mi­ra­sy go­rap sak­la­mak bo­ýun­ça Hö­kü­me­ta­ra ko­mi­te­ti­niň 2021-nji ýy­lyň 13 — 18-nji de­kab­ry ara­ly­gyn­da Pa­riž şä­he­rin­de ge­çi­ri­len 16-njy mej­li­si­niň do­wa­myn­da du­tar ýa­sa­mak se­net­çi­li­gi­ni hem-de du­tar­da saz çal­mak we bag­şy­çy­lyk sun­ga­ty­ny bu sa­na­wa gi­riz­mek ba­ra­da çöz­güt bi­ra­gyz­dan ka­bul edil­di.

Ha­bar ber­li­şi ýa­ly, şu ýy­lyň 30-njy ýan­wa­ryn­da ÝU­NES­KO-dan de­giş­li gü­wä­na­ma­nyň asyl nus­ga­sy ge­lip go­wuş­dy.

Wi­se-prem­ýer, DIM-niň ýol­baş­çy­sy hor­mat­ly Pre­zi­den­ti­mi­zi bu uly da­şa­ry sy­ýa­sy ýeň­şi bi­len tüýs ýü­rek­den gut­lap, mil­li Li­de­ri­mi­ze türk­men hal­ky­nyň öz­bo­luş­ly me­de­ni mi­ra­sy­ny go­rap sak­la­mak, kö­pelt­mek hem-de dün­ýä­de giň­den wa­gyz et­mek ug­run­da alyp bar­ýan giň ge­rim­li iş­le­rin­de tä­ze uly üs­tün­lik­le­ri ar­zuw et­di.

Mil­li Li­de­ri­miz şat­lyk­ly ha­ba­ry ka­na­gat­lan­ma bi­len ka­bul edip, iş mas­la­ha­ty­na gat­na­şy­jy­la­ry we äh­li türk­men hal­ky­ny bu aja­ýyp wa­ka bi­len tüýs ýü­rek­den gut­la­dy. Şu­nuň bi­len bag­ly­lyk­da, mil­li Li­de­ri­miz wi­se-prem­ýer, da­şa­ry iş­ler mi­nist­ri R.Me­re­do­wa bir­nä­çe tab­şy­ryk­la­ry ber­di, şol san­da du­tar ýa­sa­mak se­net­çi­li­gi­niň, du­tar­da saz çal­mak we bag­şy­çy­lyk sun­ga­ty­nyň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi bi­len bag­ly mil­li we hal­ka­ra gi­ňiş­li­k­de al­nyp ba­ryl­jak iş­le­riň me­ýil­na­ma­sy­ny taý­ýar­la­ma­gy tab­şyr­dy. Şeý­le hem hor­mat­ly Pre­zi­den­ti­miz Gurbanguly Berdimuhamedow ÝU­NES­KO bi­len hyz­mat­daş­ly­gy ul­gam­la­ýyn esas­da, ýag­ny Türk­me­nis­tan bi­len BMG-niň bu ýö­ri­te­leş­di­ri­len eda­ra­sy bi­len 2021 — 2023-nji ýyl­lar üçin bi­le­lik­dä­ki He­re­ket­le­riň Me­ýil­na­ma­sy esa­syn­da al­nyp ba­ryl­ma­ly­dy­gy­ny bel­le­di.

Şu­nuň bi­len bir ha­tar­da, mil­li Li­de­ri­miz ahal­te­ke at­la­ry­ny se­ýis­le­mek sun­ga­ty­ny, türk­men ala­baý it­le­ri­ni kö­pelt­me­giň mil­li aý­ra­tyn­lyk­la­ry­ny hem-de türk­me­niň keş­de­çi­lik sun­ga­ty­ny ÝU­NES­KO-nyň sa­na­wy­na gi­riz­mek bo­ýun­ça iş­le­ri do­wam et­mek ba­ra­da gör­kez­me ber­di.

Döw­let Baş­tu­ta­ny­myz ýur­du­my­zyň hal­ka­ra hyz­mat­daş­ly­gyň ka­da­laş­dy­ry­jy hu­kuk bin­ýa­dy­ny gi­ňelt­mek mak­sa­dy bi­len, ÝU­NES­KO ta­ra­pyn­dan do­lan­dy­ryl­ýan hal­ka­ra hu­kuk na­ma­la­ry­na Türk­me­nis­ta­nyň go­şul­ma­gy bi­len bag­ly me­se­le­le­ri öw­ren­me­gi tab­şyr­dy.

Hor­mat­ly Pre­zi­den­ti­miz Mi­nistr­ler Ka­bi­ne­ti­niň Baş­ly­gy­nyň orun­ba­sa­ry S.Toý­ly­ýe­we Mag­tym­gu­ly adyn­da­ky Türk­men döw­let uni­wer­si­te­tin­de hem-de Se­ýit­na­zar Seý­di adyn­da­ky Türk­men döw­let mu­gal­lym­çy­lyk ins­ti­tu­tyn­da ÝU­NES­KO ka­fed­ra­la­ry­ny dö­ret­mek bo­ýun­ça iş­le­ri çalt­lan­dyr­ma­gy hem-de ÝU­NES­KO-nyň mek­dep­ler as­so­sia­si­ýa­sy­na ýur­du­my­zyň umu­my­bi­lim ber­ýän or­ta mek­dep­le­ri­niň kä­bi­ri­ni gi­riz­mek bo­ýun­ça al­nyp ba­ryl­ýan iş­le­ri güýç­len­dir­me­gi tab­şyr­dy. Şeý­le hem wi­se-prem­ýe­re hal­ky­my­zyň dün­ýä me­de­ni­ýe­ti­ne go­şan go­şan­dy­ny, mad­dy we ru­hy me­de­ni­ýe­ti­ni düýp­li öw­ren­mek hem-de giň­den wa­gyz et­mek bo­ýun­ça ge­çi­ril­ýän iş­le­ri has-da güýç­len­dir­mek tab­şy­ryl­dy.

Türk­men aý­dym-saz sun­ga­ty­nyň ta­ry­hy­ny, hä­zir­ki ýag­da­ýy­ny, meş­hur ha­ly­pa bag­şy-sa­zan­da­la­ryň bi­ti­ren hyz­mat­la­ry­ny yl­my esas­da öw­ren­mek do­wam et­di­ril­me­li­dir. Ata-ba­ba­la­ry­my­zyň aja­ýyp sun­gat däp­le­ri ös­dü­ril­me­li­dir we ga­dy­my saz gu­ral­la­ry­my­zyň köpöwüş­gin­li gör­nüş­le­ri­ni di­kel­dip, gel­jek ne­sil­le­ri­mi­ze ýe­tir­mek bo­ýun­ça mun­dan beý­läk-de ze­rur iş­ler ge­çi­ril­me­li­dir di­ýip, döw­let Baş­tu­ta­ny­myz nyg­ta­dy.

Şeý­le hem mil­li Li­de­ri­miz şöh­rat­ly ta­ry­hy­my­zy, ede­bi­ýa­ty­my­zy, aý­dym-saz sun­ga­ty­my­zy dür­li dö­wür­ler­de ýa­zy­lan çeş­me­ler­de we ar­heo­lo­gik ta­pyn­dy­lar­da duş gel­ýän mag­lu­mat­lar esa­syn­da hal­ka­ra yl­my jem­gy­ýet­çi­li­gi­ne giň­den ýe­tir­me­li­di­gi­ni bel­le­di.

Hor­mat­ly Pre­zi­den­ti­miz Gurbanguly Berdimuhamedow Mi­nistr­ler Ka­bi­ne­ti­niň Baş­ly­gy­nyň orun­ba­sa­ry M.Mäm­me­do­wa du­tar ýa­sa­mak se­net­çi­li­gi­niň, du­tar­da saz çal­mak we bag­şy­çy­lyk sun­ga­ty­nyň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi my­na­sy­bet­li we­la­ýat­lar­da we Aş­ga­bat şä­he­rin­de ge­çi­ril­jek çä­re­le­riň Ter­ti­bi­ni gys­sag­ly taý­ýar­la­mak ba­ra­da gör­kez­me ber­di.

Mil­li Li­de­ri­miz bu şat­lyk­ly wa­ka my­na­sy­bet­li 1-nji few­ral­da Döw­let me­de­ni­ýet mer­ke­zi­niň Mu­kam­lar köş­gün­de da­ba­ra­ly mas­la­hat we ser­gi ge­çir­me­gi, şeý­le hem mas­la­hat­da we­la­ýat­lar­dan we Aş­ga­bat şä­he­rin­den aý­ra­tyn ta­pa­wut­la­nan du­tar us­sa­la­ry­na «Çe­per dö­re­di­ji­li­giň halk us­sa­sy» di­ýen adyň da­ky­lan­dy­gy ba­ra­da­ky şa­ha­dat­na­ma­la­ry gow­şur­ma­gy hem göz öňün­de tut­ma­gy tab­şyr­dy.

Bag­şy-sa­zan­da­la­ryň kon­sert­le­ri te­le­ýaz­gy gör­nü­şi­ne ge­çi­ri­lip, ýaý­ly­ma be­ril­me­li­dir. Bu kon­sert­ler ýur­du­my­zyň we­la­ýat­la­ryn­da­ky «Türk­me­niň ak öýi» bi­na­la­ryn­da ge­çi­ril­se, mak­sa­da­la­ýyk bo­lar­dy di­ýip, döw­let Baş­tu­ta­ny­myz bel­le­di. Şu­nuň bi­len bir ha­tar­da, hor­mat­ly Pre­zi­den­ti­miz Gurbanguly Berdimuhamedow ýur­du­my­zyň mu­zeý­le­rin­de, ki­tap­ha­na­la­ryn­da, ýo­ka­ry we or­ta hü­när okuw mek­dep­le­rin­de hal­ky­my­zyň du­tar ýa­sa­mak se­net­çi­li­gi­ne hem-de mil­li aý­dym-saz sun­ga­ty­my­za ba­gyş­la­nan mas­la­hat­la­ry, ser­gi­le­ri, dö­re­di­ji­lik du­şu­şyk­la­ry­ny ge­çir­me­gi tab­şyr­dy.

Ýur­du­my­zyň jem­gy­ýet­çi­lik gu­ra­ma­la­ry we sy­ýa­sy par­ti­ýa­la­ry du­tar ýa­sa­mak se­net­çi­li­gi­ni, du­tar­da saz çal­mak we bag­şy­çy­lyk sun­ga­ty­ny ýaş­la­ryň ara­syn­da giň­den wa­gyz et­mek bo­ýun­ça dür­li çä­re­le­ri, şol san­da mas­la­hat­la­ry we du­şu­şyk­la­ry ge­çir­me­li­dir.

Mil­li Li­de­ri­miz bu ba­ra­da­ky sö­zü­ni do­wam edip, teatr­lar­da du­tar bi­len bag­ly sah­na oýun­la­ry­ny te­le­ýaz­gy gör­nü­şi­ne ge­çi­rip, ýaý­lym­lar­da ber­me­li­di­gi­ni bel­le­di. Şeý­le hem döw­let Baş­tu­ta­ny­myz du­tar ýa­sa­mak se­net­çi­li­gi­niň, du­tar­da saz çal­mak we bag­şy­çy­lyk sun­ga­ty­nyň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zi­len­di­gi ba­ra­da­ky gü­wä­na­ma­ny we şu­nuň bi­len bag­ly ge­çi­ril­ýän çä­re­le­ri köp­çü­lik­le­ýin ha­bar be­riş se­riş­de­le­rin­de giň­den be­ýan et­mek ba­ra­da tab­şy­ryk ber­di.

Hor­mat­ly Pre­zi­den­ti­miz hoş ha­bar my­na­sy­bet­li Gut­lag ha­ty­na gol çe­kip, bu çä­rä­ni ýo­ka­ry gu­ra­ma­çy­lyk de­re­je­sin­de gu­ra­mak ba­ra­da anyk tab­şy­ryk­la­ry ber­di.

Hor­mat­ly Pre­zi­den­ti­miz Gurbanguly Berdimuhamedow iş mas­la­ha­ty­na gat­na­şy­jy­la­ra ýüz­le­nip, Türk­me­nis­ta­nyň ÝU­NES­KO bi­len gat­na­şyk­la­ry­nyň Bi­ta­rap döw­le­ti­mi­ziň da­şa­ry sy­ýa­sa­tyn­da aý­ra­tyn orun eýe­le­ýän­di­gi­ni nyg­ta­dy. «Ga­dy­my Merw» we «Kö­neür­genç» döw­let ta­ry­hy-me­de­ni go­rag­ha­na­la­ry, Kö­ne we Tä­ze Nu­saý ga­la­la­ry, «Gö­rog­ly» des­san­çy­lyk sun­ga­ty, mil­li «Küşt­dep­di» aý­dym we saz, şeý­le hem türk­men ha­ly­çy­lyk sun­ga­ty ýa­ly me­de­ni gym­mat­lyk­la­ry­my­zyň ÝU­NES­KO-nyň sa­na­wy­na gi­ri­zil­me­gi hem mu­ny do­ly tas­syk­la­ýar.

Döw­let Baş­tu­ta­ny­my­zyň bel­leý­şi ýa­ly, türk­men top­ra­gy ga­dy­my dö­wür­ler­den bä­ri se­net­çi­li­giň, us­sa­çy­ly­gyň we sun­ga­tyň me­ka­ny bo­lup gel­di. Hal­ky­my­zyň du­tar ýa­sa­mak se­net­çi­li­gi, du­tar­da saz çal­mak we bag­şy­çy­lyk sun­ga­ty hem me­de­ni mi­ra­sy­myz­da my­na­syp orun al­dy. Du­tar müň­ýyl­lyk­la­ryň do­wa­myn­da türk­me­niň dur­mu­şy­nyň aý­ryl­maz bö­le­gi­ne, ru­hy syr­da­şy­na öw­rül­di.

Hä­zir­ki dö­wür­de hal­ky­my­zyň aý­dym-saz sun­ga­ty­ny, me­de­ni mi­ra­sy­ny düýp­li öw­ren­mek we dün­ýä ýaý­mak bo­ýun­ça ne­ti­je­li iş­ler al­nyp ba­ryl­ýar di­ýip, mil­li Li­de­ri­miz aýt­dy. Türk­men du­ta­ry­nyň şi­rin owa­zy mu­kad­des Ga­raş­syz­ly­gy­my­zyň hem-de Bi­ta­rap­ly­gy­my­zyň, pa­ra­hat­çy­lyk sö­ýü­ji­li­giň, hoş­ni­ýet­li hyz­mat­daş­ly­gyň we dost-do­gan­ly­gyň be­lent mu­ka­my bo­lup ýaň­lan­ýar.

Hor­mat­ly Pre­zi­den­ti­miz Gurbanguly Berdimuhamedow aý­dy­lan­la­ry jem­läp, du­tar ýa­sa­mak se­net­çi­li­gi­niň, du­tar­da saz çal­mak we bag­şy­çy­lyk sun­ga­ty­nyň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi bi­len iş mas­la­ha­ty­na gat­na­şy­jy­la­ry we mäh­ri­ban hal­ky­my­zy ýe­ne-de bir ge­zek tüýs ýü­rek­den gut­la­dy.

Soň­ra hor­mat­ly Pre­zi­den­ti­miz Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ç.Pur­çe­ko­wy hem-de Aş­ga­bat şä­he­ri­niň hä­ki­mi R.Gan­dy­mo­wy gö­ni ara­gat­na­şy­ga ça­gyr­dy.

Paý­tag­ty­my­zyň hä­ki­mi döw­let Baş­tu­ta­ny­my­zyň ýur­du­my­zyň baş şä­he­ri­ni aba­dan­laş­dyr­mak bo­ýun­ça ozal be­ren tab­şy­ryk­la­ry­ny ýe­ri­ne ýe­tir­mek mak­sa­dy bi­len, adam­la­ryň ýa­şa­ýyş-dur­muş şert­le­ri­ni mun­dan beý­läk-de go­wu­lan­dyr­mak ba­ba­t­da al­nyp ba­ryl­ýan iş­ler ba­ra­da ha­sa­bat ber­di. Şeý­le hem hä­kim ho­ja­lyk dü­zü­mi­ni döw­re­bap­laş­dyr­mak, şä­her gul­luk­la­ry­nyň işi­ni ut­gaş­dyr­ma­gy ama­la aşyr­mak ba­bat­da dur­mu­şa ge­çi­ril­ýän iş­ler ba­ra­da ha­sa­bat ber­di.

Soň­ra Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ç.Pur­çe­kow gö­zeg­çi­lik ed­ýän pu­dak­la­ryn­da­ky iş­le­riň ýag­da­ýy, ýur­du­myz­da al­nyp ba­ryl­ýan gur­lu­şyk iş­le­ri, şo­nuň ýa­ly-da, je­ma­gat ho­ja­lyk ul­ga­my­nyň eda­ra­la­ry­nyň we kär­ha­na­la­ry­nyň öňün­de dur­ýan mak­sat­na­ma­la­ýyn we­zi­pe­le­ri dur­mu­şa ge­çir­mek, ila­tyň elekt­rik ener­gi­ýa­sy, gaz we suw bi­len bök­denç­siz üp­jün edil­me­gi üçin de­giş­li gul­luk­la­ryň saz­la­şyk­ly işi­ni ama­la aşyr­mak ba­ba­t­da al­nyp ba­ryl­ýan iş­ler ba­ra­da ha­sa­bat ber­di.

Hor­mat­ly Pre­zi­den­ti­miz Gurbanguly Berdimuhamedow ha­sa­bat­la­ry diň­läp, Aş­ga­ba­dy mun­dan beý­läk-de ös­dür­mek bo­ýun­ça we­zi­pe­le­ri çöz­mä­ge örän oý­la­ny­şyk­ly, top­lum­la­ýyn, gel­je­gi na­zar­la­ýan çe­me­leş­mä­niň ze­rur­dy­gy­nyň äh­mi­ýe­ti­ni nyg­ta­dy. Be­lent de­re­je­si­ni göz öňün­de tut­mak bi­len, şä­her äh­li ba­bat­da, hu­su­san-da, adam­la­ryň ýa­şaý­şy üçin örän amat­ly şert­le­ri dö­ret­mek bi­len bag­ly­lyk­da nus­ga bol­ma­ly­dyr.

Mil­li Li­de­ri­miz bel­le­ni­len me­ýil­na­ma­la­ryň üs­tün­lik­li ýe­ri­ne ýe­ti­ril­me­gi­niň mö­hüm­di­gi­ni aý­dyp, Aş­ga­ba­dy aba­dan­laş­dyr­mak bo­ýun­ça iş­le­riň berk gö­zeg­çi­lik­de sak­la­n­ma­gy­ny ta­lap et­di hem-de onuň bi­na­gär­lik keş­bin­de mil­li bi­na­gär­lik sun­ga­ty­nyň hem-de hä­zir­ki za­man öň­de­ba­ry­jy tej­ri­be­si­niň iň go­wy däp­le­ri­niň ut­gaş­ma­ly­dy­gy­ny bel­le­di.

Hor­mat­ly Pre­zi­den­ti­miz ýa­şa­ýyş jaý­la­ry­ny, mek­dep­le­ri, ça­ga­lar bag­la­ry­ny hem-de luk­man­çy­lyk eda­ra­la­ry­ny ýy­ly­lyk bi­len üp­jün et­me­giň, şeý­le hem paý­tag­ty­my­zyň elekt­rik ener­gi­ýa­sy we gaz bi­len üp­jün­çi­li­gi­niň gö­zeg­çi­lik­de sak­la­nyl­ma­gy­nyň ze­rur­dy­gy­na ün­si çek­di.

Hor­mat­ly Pre­zi­den­ti­miz Gurbanguly Berdimuhamedow şu ýyl paý­tag­ty­myz­da hem-de tu­tuş ýur­du­myz­da bi­na edil­ýän des­ga­la­ryň äh­li­sin­de iş­le­riň ýo­ka­ry hil­li ýe­ri­ne ýe­ti­ril­me­gi­ne we öz wag­tyn­da ta­mam­la­nyl­ma­gy­na yzy­gi­der­li gö­zeg­çi­lik et­mek ba­ra­da wi­se-prem­ýe­re hem-de Aş­ga­bat şä­he­ri­niň hä­ki­mi­ne de­giş­li tab­şy­ryk­la­ry ber­di.

Soň­ra iş mas­la­ha­ty Mi­nistr­ler Ka­bi­ne­ti­niň Baş­ly­gy­nyň oba ho­ja­lyk top­lu­my­na gö­zeg­çi­lik ed­ýän orun­ba­sa­ry E.Oraz­gel­di­ýe­wiň hem-de we­la­ýat­la­ryň hä­kim­le­ri­niň gat­naş­ma­gyn­da do­wam et­di.

Döw­let Baş­tu­ta­ny­myz iş mas­la­ha­ty­nyň gün ter­ti­bin­dä­ki me­se­le­le­re ge­çip, il­ki bi­len, Ahal we­la­ýa­ty­nyň hä­ki­mi Ý.Gur­ba­no­wa söz ber­di.

Hä­kim se­bit­dä­ki iş­le­riň ýag­da­ýy, go­wa­ça eki­şi­ne taý­ýar­lyk gör­me­giň bar­şy, hu­su­san-da, ekin meý­dan­la­ry­ny möw­sü­me göw­ne­jaý taý­ýar­la­mak, ýer­le­ri sür­mek we te­kiz­le­mek, oba ho­ja­lyk teh­ni­ka­la­ry­ny hem-de gu­ral­la­ry­ny ta­la­ba­la­ýyk ula­nyş ýag­da­ýy­na ge­tir­mek, kä­ren­de­çi pag­ta­çy­la­ry ýo­ka­ry ha­syl­ly to­hum­lar bi­len üp­jün et­mek bo­ýun­ça gö­rül­ýän çä­re­ler ba­ra­da ha­sa­bat ber­di.

We­la­ýat­da ýaz­lyk ýe­ral­ma­nyň, so­ga­nyň hem-de beý­le­ki gök-bak­ja ekin­le­ri­niň eki­şi­ni bel­le­nen möh­let­le­r­de ge­çir­mä­ge taý­ýar­lyk gö­rül­ýär, şeý­le hem bug­da­ýyň be­re­ket­li ha­sy­ly­ny al­mak üçin ak ekin­le­re ag­ro­teh­ni­ka­nyň ka­da­la­ry­na la­ýyk­lyk­da ideg iş­le­ri al­nyp ba­ryl­ýar.

Ha­sa­ba­tyň çäk­le­rin­de hä­kim ýur­du­my­zy 2019 — 2025-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­syn­da hem-de Oba mil­li mak­sat­na­ma­syn­da şu ýyl üçin bel­le­ni­len iş­le­riň öz wag­tyn­da we ýo­ka­ry hil­li ýe­ri­ne ýe­ti­ril­me­gi­ni ga­zan­mak ug­run­da yzy­gi­der­li ta­gal­la­ edil­ýän­di­gi­ni ha­bar ber­di. Mun­dan baş­ga-da, dur­muş-me­de­ni mak­sat­ly des­ga­la­ryň, şol san­da ýol­la­ryň hem-de suw aras­sa­laý­jy des­ga­la­ryň gur­lu­şy­gy­nyň bel­le­ni­len möh­let­ler­de ta­mam­lan­ma­gy üçin de­giş­li iş­ler al­nyp ba­ryl­ýar. Şeý­le hem ýa­şa­ýyş jaý­la­ry­nyň, mek­dep­le­riň, ça­ga­lar bag­la­ry­nyň de­giş­li de­re­je­de ýy­la­dy­ly­şy we elekt­rik ener­gi­ýa­sy bi­len üp­jün edi­li­şi ba­ra­da-da ha­sa­bat be­ril­di.

Soň­ra Bal­kan we­la­ýa­ty­nyň hä­ki­mi T.Ata­hal­ly­ýew gün­ba­tar se­bi­tiň oba­se­na­gat top­lu­myn­da­ky iş­le­riň ýag­da­ýy, eke­ran­çy­lyk meý­dan­la­ryn­da al­nyp ba­ryl­ýan möw­süm­le­ýin iş­ler ba­ra­da ha­sa­bat ber­di.

We­la­ýat­da go­wa­ça eki­şi­ne top­lum­la­ýyn taý­ýar­lyk gö­rül­ýän­di­gi, eke­ran­çy­lyk meý­dan­la­ryn­da sü­rüm we te­kiz­leýiş iş­le­ri­niň ge­çi­ril­ýän­di­gi, ze­rur oba ho­ja­lyk teh­ni­ka­la­ry­nyň we gu­ral­la­ry­nyň ekiş möw­sü­mi­ne bir­kem­siz taý­ýar­la­nyl­ýan­dy­gy hem-de eke­ran­çy­la­ryň ýo­ka­ry hil­li to­hum bi­len üp­jün edil­ýän­di­gi ba­ra­da-da ha­sa­bat be­ril­di. Şeý­le hem ýaz­lyk ýe­ral­ma­nyň, so­ga­nyň we beý­le­ki gök-bak­ja ekin­le­ri­niň eki­şi­niň bel­le­nen möh­let­ler­de ge­çi­ril­me­gi, bug­da­ýyň be­re­ket­li ha­sy­ly­ny ös­dü­rip ýe­tiş­dir­mek mak­sa­dy bi­len, ak ekin­le­re ösüş su­wu­ny tut­mak hem-de mi­ne­ral dö­kün­ler bi­len goş­ma­ça iý­mit­len­dir­mek iş­le­ri­niň ag­ro­teh­ni­ka­nyň ka­da­la­ry­na la­ýyk ýe­ri­ne ýe­ti­ril­me­gi üçin ze­rur ta­gal­la­lar edil­ýär.

We­la­ýat­da ýur­du­my­zy 2019 — 2025-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­syn­da hem-de Oba mil­li mak­sat­na­ma­syn­da kes­git­le­ni­len we­zi­pe­le­riň üs­tün­lik­li dur­mu­şa ge­çi­ril­me­gi üçin de­giş­li me­ýil­na­ma­la­ýyn iş­ler al­nyp ba­ryl­ýar.

Des­ga­la­ryň gur­lu­şyk iş­le­ri­ni bel­le­nen möh­let­ler­de ta­mam­la­mak mak­sa­dy bi­len hem de­giş­li işler alnyp barylýar. Ýa­şa­ýyş jaý­la­ry­nyň, mek­dep­le­riň, ça­ga­lar bag­la­ry­nyň ýy­la­dyş ul­gam­la­ry­nyň yg­ty­bar­ly iş­le­me­gi­ni, we­la­ýa­tyň ila­ty­ny elekt­rik ener­gi­ýa­sy, gaz bi­len bök­denç­siz we yg­ty­bar­ly üp­jün et­mek bo­ýun­ça gö­rül­ýän çä­re­ler ba­ra­da hem ha­sa­bat be­ril­di.

Soň­ra san­ly ul­gam ar­ka­ly iş mas­la­ha­ty Da­şo­guz we­la­ýa­ty­nyň hä­ki­mi N.Na­zar­my­ra­do­wyň ha­sa­ba­ty bi­len do­wam et­di. Hä­kim we­la­ýa­tyň go­wa­ça ekil­jek meý­dan­la­ry­nyň ekiş möw­sü­mi­ne taý­ýar­la­ny­ly­şy — sü­rüm we te­kiz­le­ýiş iş­le­ri­niň bar­şy hem-de go­wa­ça eki­şi­ni ge­çir­mek­de ula­nyl­jak teh­ni­ka­la­ry we gu­ral­la­ry abat­lap, möw­sü­me do­ly taý­ýar et­mek, pag­ta ön­dü­ri­ji­le­ri ze­rur to­hum bi­len üp­jün et­mek ug­run­da gö­rül­ýän çä­re­ler ba­ra­da ha­sa­bat ber­di.

Şeý­le hem we­la­ýat­da ýaz­lyk ýe­ral­ma­nyň, so­ga­nyň eki­şi­ni bel­le­nen möh­let­ler­de we ýo­ka­ry hil­li ge­çir­mek, bug­da­ýyň ýo­ka­ry ha­sy­ly­ny ön­dür­mek mak­sa­dy bi­len, bug­daý eki­len meý­dan­lar­da ak ekin­le­re ideg et­mek üçin hem­me çä­re­le­riň gö­rül­ýän­di­gi aý­dyl­dy. Mun­dan baş­ga-da, hä­kim ýur­du­my­zy 2019 — 2025-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­syn­da hem-de Oba mil­li mak­sat­na­ma­syn­da bel­le­ni­len iş­le­riň öz wag­tyn­da we ýo­ka­ry hil­li ýe­ri­ne ýe­ti­ril­me­gi­ni üp­jün et­mek bo­ýun­ça iş­le­riň ge­çi­ril­ýän­di­gi ba­ra­da ha­sa­bat ber­di.

Ha­sa­bat­da dür­li mak­sat­ly des­ga­la­ryň gur­lu­şyk iş­le­ri­niň bel­le­nen möh­let­le­ri­ni we ýo­ka­ry hil de­re­je­si­ni ber­jaý et­mek bo­ýun­ça iş­le­riň al­nyp ba­ryl­ýan­dy­gy bel­le­nil­di. Ýa­şa­ýyş jaý­la­ry­nyň, mek­dep­le­riň, ça­ga­lar bag­la­ry­nyň ýy­la­dy­ly­şy we elekt­rik ener­gi­ýa­sy bi­len üp­jün­çi­li­gi, we­la­ýa­tyň ila­ty­nyň agyz su­wy bi­len üp­jün edi­li­şi ba­ra­da hem ha­bar be­ril­di.

Soň­ra san­ly ul­gam ar­ka­ly Le­bap we­la­ýa­ty­nyň hä­ki­mi Ş.Aman­gel­di­ýew se­bit­de iş­le­riň ýag­da­ýy, go­wa­ça eki­şi­ne taý­ýar­lyk gör­lü­şi hem-de möw­sü­miň do­wa­myn­da ula­nyl­jak teh­ni­ka­la­ryň we gu­ral­la­ryň abat­la­ny­ly­şy hem-de eke­ran­çy­la­ry to­hum bi­len üp­jün et­mek ug­run­da gö­rül­ýän çä­re­ler ba­ra­da ha­sa­bat ber­di. Mun­dan baş­ga-da, ýaz­lyk ýe­ral­ma­nyň, so­ga­nyň we beý­le­ki ekin­le­riň eki­şi­niň bel­le­nen möh­let­ler­de hem-de ýo­ka­ry hil­li ge­çi­ril­me­gi üçin taý­ýar­lyk iş­le­ri al­nyp ba­ryl­ýar, bug­da­ýyň be­re­ket­li ha­sy­ly­ny ke­ma­la ge­tir­mek üçin ak ekin meý­dan­la­ryn­da de­giş­li ideg iş­le­ri do­wam ed­ýär. Şeý­le hem ýur­du­my­zy 2019 — 2025-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­syn­da hem-de Oba mil­li mak­sat­na­ma­syn­da şu ýyl bel­le­ni­len iş­le­riň öz wag­tyn­da ýe­ri­ne ýe­ti­ril­me­gi­ni ga­zan­mak ug­run­da yzy­gi­der­li ta­gal­la­la­ryň edill­ýän­di­gi ha­bar be­ril­di.

Bu ýyl ula­nyl­ma­ga be­ril­me­gi me­ýil­leş­di­ril­ýän des­ga­la­ryň gur­lu­şyk iş­le­ri­niň bel­le­nen ter­ti­be la­ýyk­lyk­da ta­mam­lan­ma­gy üçin hem­me ze­rur iş­ler ge­çi­ril­ýär. Ýa­şa­ýyş jaý­la­ry­nyň, mek­dep­le­riň, ça­ga­lar bag­la­ry­nyň ýy­la­dy­ly­şy, te­bi­gy gaz, agyz su­wy we elekt­rik ener­gi­ýa­sy bi­len bök­denç­siz üp­jün edil­me­gi bo­ýun­ça al­nyp ba­ryl­ýan iş­ler ha­sa­ba­tyň aý­ra­tyn me­se­le­si bol­dy.

Soň­ra Ma­ry we­la­ýa­ty­nyň hä­ki­mi D.An­na­ber­di­ýew se­bit­de al­nyp ba­ryl­ýan iş­ler ba­ra­da aý­dyp, go­wa­ça ös­dü­rip ýe­tiş­dir­mä­ge bö­lü­nip ber­len ýer­le­ri ekiş möw­sü­mi­ne taý­ýar­la­mak, şol ýer­le­ri sür­mek we te­kiz­le­mek, go­wa­ça eki­şi­ni ge­çir­mek­de ula­nyl­jak teh­ni­ka­la­ryň we gu­ral­la­ryň abat­la­ny­ly­şy hem-de pag­ta ön­dü­ri­ji­le­ri ze­rur muk­dar­da to­hum bi­len üp­jün et­mek boýunça alnyp barylýan işler ba­ra­da ha­sa­bat ber­di. Şeý­le hem we­la­ýat­da ýaz­lyk ýe­ral­ma­nyň, so­ga­nyň eki­şi­niň bel­le­nen möh­let­ler­de we ýo­ka­ry hil­li ge­çi­ril­me­gi üçin de­giş­li işler geçiril­ýär. Bug­da­ýyň be­re­ket­li ha­sy­ly­ny ön­dür­mek mak­sa­dy bi­len, we­la­ýat­da ekiş ge­çi­ri­len meý­dan­lar­da maý­sa­la­ra ideg et­mek, su­war­mak hem-de dö­kün­ler bi­len iý­mit­len­dir­mek iş­le­ri bil­di­ril­ýän ag­ro­teh­ni­ki ta­lap­la­ra la­ýyk­lyk­da ama­la aşy­ryl­ýar.

Ha­sa­ba­tyň çäk­le­rin­de hä­kim ýur­du­my­zy 2019 — 2025-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­syn­da hem-de Oba mil­li mak­sat­na­ma­syn­da şu ýyl üçin bel­le­ni­len iş­le­riň öz wag­tyn­da we ýo­ka­ry hil­li ýe­ri­ne ýe­ti­ril­me­gi­ni ga­zan­mak ug­run­da işleriň edilýändigini ha­bar ber­di.

We­la­ýat­da ula­nyl­ma­ga be­ril­jek bir­nä­çe me­de­ni-dur­muş mak­sat­ly des­ga­la­ryň gur­lu­şyk iş­le­ri­niň bel­le­nen möh­let­ler­de ta­mam­lan­ma­gy ba­ba­t­da de­giş­li iş­ler al­nyp ba­ryl­ýar. Şeý­le hem ýa­şa­ýyş jaý­la­ry­nyň, mek­dep­le­riň, ça­ga­lar bag­la­ry­nyň ýy­la­dy­ly­şy we elekt­rik ener­gi­ýa­sy bi­len bök­denç­siz üp­jün edil­ýän­di­gi ba­ra­da hem ha­sa­bat be­ril­di.

Soň­ra Mi­nistr­ler Ka­bi­ne­ti­niň Baş­ly­gy­nyň oba­se­na­gat top­lu­my­na gö­zeg­çi­lik ed­ýän orun­ba­sa­ry E.Oraz­gel­di­ýew şu gün­ler ýur­du­my­zyň eke­ran­çy­lyk meý­dan­la­ryn­da al­nyp ba­ryl­ýan iş­ler ba­ra­da ha­sa­bat ber­di.

Wi­se-prem­ýer döw­let Baş­tu­ta­ny­my­zyň ozal be­ren tab­şy­ryk­la­ry­nyň ýe­ri­ne ýe­ti­ri­li­şi, oba ho­ja­lyk pu­da­gy­ny ös­dür­mek ug­run­da öň­de goý­lan we­zi­pe­le­ri ber­jaý et­mek ba­bat­da bel­le­nen çä­re­le­riň dur­mu­şa ge­çi­ri­li­şi ba­ra­da aýt­dy.

Hu­su­san-da, ýer­le­ri ýaz eki­şi­ne taý­ýar­la­mak, ag­ro­teh­ni­ka­nyň ka­da­la­ry­na la­ýyk­lyk­da sü­rüm we te­kiz­le­ýiş iş­le­ri­ni ge­çir­mek hem-de ekiş­de ula­nyl­jak teh­ni­ka­la­ry­dyr gu­ral­la­ry taý­ýar­la­mak iş­le­ri ba­ra­da ha­sa­bat be­ril­di.

Bug­daý eki­len meý­dan­lar­da ýer­li ho­wa şert­le­ri­ne la­ýyk­lyk­da ideg iş­le­ri al­nyp ba­ryl­ýar, ösüş su­wu­ny tut­mak we mi­ne­ral dö­kün­ler bi­len iý­mit­len­dir­mek ýo­ka­ry ön­dü­ri­ji­lik­li teh­ni­ka­la­ry hem-de en­jam­la­ry ulan­mak ar­ka­ly ag­ro­teh­ni­ka­nyň ka­da­la­ry­na la­ýyk­lyk­da ýe­ri­ne ýe­ti­ril­ýär. Şeý­le hem ýaz­lyk ýe­ral­ma­nyň hem-de so­ga­nyň eki­şi­ne, to­hum­la­ry hem-de ekiş­de ula­nyl­jak teh­ni­ka­lar­dyr gu­ral­la­ry möw­sü­me taý­ýar­la­mak iş­le­ri ba­ra­da ha­sa­bat be­ril­di.

Wi­se-prem­ýer bu ugur­da al­nyp ba­ryl­ýan iş­ler ba­ra­da ha­sa­bat be­rip, şu ýy­lyň few­ral aýyn­da ýur­du­my­zyň we­la­ýat­la­ryn­da 30 müň gek­tar ýer­de ýaz­lyk ýe­ral­ma­nyň, 10 müň gek­tar meý­dan­da so­ga­nyň eki­şi­ni ge­çir­me­giň me­ýil­leş­di­ril­ýän­di­gi­ni aýt­dy.

Tu­tuş 2022-nji ýyl­da 106 müň gek­tar meý­dan­da ýe­ral­ma hem-de beý­le­ki gök we bak­ja ekin­le­ri­ni ek­mek me­ýil­leş­di­ril­ýär. Şol san­da 65 müň gek­tar ýer­de ýaz­lyk ekiş, 41 müň gek­tar ýer­de güýz­lük ekiş ge­çi­ri­ler. Şu­nuň bi­len bag­ly­lyk­da, ýer­le­ri ekişe taý­ýar­la­mak bo­ýun­ça de­giş­li iş­ler al­nyp ba­ryl­ýar.

Hor­mat­ly Pre­zi­den­ti­miz Gurbanguly Berdimuhamedow ha­sa­bat­la­ry diň­läp, we­la­ýat­lar­da­ky teh­ni­ki hyz­mat ediş kär­ha­na­la­ryn­da bar bo­lan äh­li oba ho­ja­lyk teh­ni­ka­la­ry­nyň we gu­ral­la­ryň abat ýag­daý­da sak­la­n­ma­gy­ny hem-de möw­süm­le­ýin oba ho­ja­lyk iş­le­rin­de ne­ti­je­li ula­nyl­ma­gy­ny üp­jün et­me­giň döw­rüň mö­hüm me­se­le­si­di­gi­ne ün­si çek­di. Şu­nuň bi­len bag­ly­lyk­da, mil­li Li­de­ri­miz Gurbanguly Berdimuhamedow öň­de bol­jak go­wa­ça eki­şi­ne hem­me­ta­rap­la­ýyn taý­ýar­lyk gö­rül­me­gi, ekiş ge­çi­ril­jek meý­dan­lar­da sü­rüm we te­kiz­le­ýiş iş­le­ri­ni bel­le­nen möh­let­ler­de ge­çir­mek üçin bu ugur­da oba ho­ja­lyk teh­ni­ka­la­ry­nyň do­ly güý­jün­de iş­le­dil­me­gi­niň ze­rur­dy­gy ba­ra­da wi­se-prem­ýe­re hem-de we­la­ýat­la­ryň hä­kim­le­ri­ne de­giş­li gör­kez­me­le­ri ber­di.

Döw­let Baş­tu­ta­ny­myz ekiş möw­sü­mi üçin ze­rur to­hum­la­ryň taý­ýar­la­nyl­ma­gy­ny üp­jün et­mek ba­ra­da de­giş­li ýol­baş­çy­la­ra bir­nä­çe tab­şy­ryk­la­ry ber­di.

Hor­mat­ly Pre­zi­den­ti­miz bug­daý eki­len meý­dan­lar­da ideg iş­le­ri­ni ag­ro­teh­ni­ka­nyň ka­da­la­ry­na la­ýyk­lyk­da berk ber­jaý et­me­giň mö­hüm­di­gi­ni nyg­ta­dy. Şu­nuň bi­len bir ha­tar­da, mil­li Li­de­ri­miz ýur­du­my­zyň ila­ty­ny özü­miz­de ön­dü­ri­len ýe­ral­ma we so­gan bi­len ýe­ter­lik möç­ber­de üp­jün et­mek üçin ze­rur bo­lan iş­le­riň ge­çi­ril­me­li­di­gi­ni nyg­ta­dy. Döw­let Baş­tu­ta­ny­myz eke­ran­çy­lyk meý­dan­la­ry­nyň, ýer we suw se­riş­de­le­ri­niň re­je­li ula­nyl­ma­gy­ny, daý­han­la­ryň ýo­ka­ry hil­li to­hum­lar hem-de beý­le­ki ze­rur se­riş­de­ler bi­len üp­jün­çi­li­gi­ni go­wu­lan­dyr­ma­gy üns mer­ke­zin­de sak­la­ma­gyň wa­jyp­dy­gy­ny bel­le­di.

Mil­li Li­de­ri­miz möw­süm­le­ýin oba ho­ja­lyk iş­le­ri ge­çi­ri­len­de, ag­ro­teh­ni­ka­nyň äh­li ka­da­la­ry­nyň we ta­lap­la­ry­nyň ber­jaý edil­me­gi­niň hem-de eke­ran­çy­lyk meý­dan­la­ry­nyň daş-tö­we­re­gi­niň aras­sa­çy­ly­gy­ny üp­jün et­mek, suw we şor suw aka­ba­la­ry­ny aras­sa­la­mak bi­len bag­la­ny­şyk­ly me­se­le­le­riň he­mi­şe berk gö­zeg­çi­lik­de sak­la­nyl­ma­gy­nyň mö­hüm­di­gi­ni aý­dyp, bu ba­bat­da wi­se-prem­ýe­re we hä­kim­le­re bir­nä­çe gör­kez­me­le­ri ber­di.

Mil­li Li­de­ri­miz döw­le­ti­miz­de mil­li mi­ra­sy­my­zy aýaw­ly sak­la­mak, baý­laş­dyr­mak hem-de giň­den wa­gyz et­mek üçin uly möç­ber­li iş­le­riň ama­la aşy­ryl­ýan­dy­gy­ny nyg­ta­dy. Şu­nuň bi­len bag­ly­lyk­da, döw­let Baş­tu­ta­ny­myz hem­me­le­ri «Du­tar ýa­sa­mak se­net­çi­li­gi, du­tar­da saz çal­mak we bag­şy­çy­lyk sun­ga­ty» at­ly mil­li hö­dür­na­ma­my­zyň ÝU­NES­KO-nyň Adam­za­dyň mad­dy däl me­de­ni mi­ra­sy­nyň sa­na­wy­na gi­ri­zil­me­gi bi­len gut­lap, hä­kim­le­re ýer­ler­de hal­ky­my­zyň mil­li mi­ra­sy­ny we ru­hy baý­ly­gy­ny wa­gyz et­mek bo­ýun­ça iş­le­ri giň ge­rim­de alyp bar­ma­gy tab­şyr­dy.

Geçen hepde hormatly Prezidentimiz Gurbanguly Berdimuhamedowyň parahatçylygyň we ösüşiň bähbidine ählumumy hem-de sebit meselelerini çözmekde netijeli we özara bähbitli hyzmatdaşlyga, ata Watanymyzyň ykdysady kuwwatyny pugtalandyrmaga, halkymyzyň hal-ýagdaýyny ýokarlandyrmaga üýtgewsiz ygrarly döwlet syýasatyny üstünlikli durmuşa geçirmegiň aýdyň subutnamasyna öwrülen wakalara beslendi.

24-nji ýanwarda sanly ulgam arkaly geçirilen iş maslahatynyň gün tertibine ýurdumyzyň sebitlerini durmuş-ykdysady taýdan ösdürmek, möwsümleýin oba hojalyk işleriniň ýagdaýy hem-de milli özgertmeler maksatnamalaryny durmuşa geçirmek bilen bagly meseleler girizildi.

Döwlet Baştutanymyz ähli meýilleşdirilen oba hojalyk işleriniň agrotehnikanyň kadalaryna laýyklykda, ýokary hilli we öz wagtynda ýerine ýetirilmelidigine ünsi çekdi hem-de bu wezipeleri berk gözegçilikde saklamagy tabşyrdy.

Milli Liderimiz paýtagtymyzyň toplumlaýyn esasda ösdürilmegine gönükdirilen işleriň öz wagtynda we talabalaýyk amala aşyrylmagynyň wajypdygyny belledi.

Şunuň bilen birlikde, döwlet Baştutanymyz ýurdumyzyň ulag ýollarynyň ýagdaýyny, täzeleriniň gurluşygyny, häkimlikleriň garamagyna berlen ýörite tehnikalaryň ulanylyşynyň netijeliligini seljermegi dowam etmegi hem-de ýol-gurluşyk işlerini çaltlandyrmaga we kämilleşdirmäge gönükdirilen teklipleri taýýarlamagy tabşyrdy.

25-nji ýanwarda hormatly Prezidentimiz Gurbanguly Berdimuhamedow Hytaý Halk Respublikasynyň Başlygy Si Szinpiniň çakylygy boýunça sanly ulgam arkaly Hytaý bilen Merkezi Aziýa döwletleriniň arasynda diplomatik gatnaşyklaryň ýola goýulmagynyň 30 ýyllygy mynasybetli sammite gatnaşdy.

Milli Liderimiz sammitdäki çykyşynda Merkezi Aziýa döwletleriniň Garaşsyzlyga eýe bolan döwründen bäri Hytaýyň hemmetaraplaýyn goldawyna mynasyp bolandygyny, onuň ilkinjileriň hatarynda sebitiň döwletleriniň paýtagtlarynda öz diplomatik wekilhanalaryny açandygyny belledi.

Hormatly Prezidentimiz bu gün biziň ýurtlarymyzyň hyzmatdaşlygynyň dünýäde parahatçylygy we durnuklylygy üpjün etmäge netijeli täsir edýändigini aýtdy. Ählumumy gün tertibiniň düýpli soraglaryna garaýyşlarymyzyň ýakyndygy ýa-da gabat gelmegi bu hyzmatdaşlygyň esasynda durýar. Merkezi Aziýa döwletleri Hytaý bilen bilelikde halkara işlerde deňhukuklylyk we adalatlylyk ugrunda çykyş edýärler, özygtyýarly döwletleriň çäkleriniň bitewüligini gürrüňsiz hormatlamagy hem-de işlerine goşulmazlygy talap edip, Durnukly ösüş maksatlaryny amala aşyrmak ugrunda göreşýärler, dünýä bileleşiginiň halkara terrorçylyga, ekstremizme, neşeleriň ýaýradylmagyna, täze howplara, şol sanda kiber we biohowplara garşy netijeli göreşmek boýunça görýän çärelerini goldaýarlar.

Şeýle hem döwlet Baştutanymyz Aşgabatda 2021-nji ýylyň 11-nji dekabrynda geçirilen «Parahatçylyk we ynanyşmak syýasaty — halkara howpsuzlygyň, durnuklylygyň we ösüşiň binýady» atly halkara maslahatda Türkmenistanyň halkara gatnaşyklaryň täze filosofiýasyny öňe sürendigini aýtdy. Hormatly Prezidentimiz ony «Dialog — parahatçylygyň kepili» diýip atlandyrýarys diýdi hem-de Türkmenistanyň Hytaý Halk Respublikasy bilen Merkezi Aziýa döwletlerini bu filosofiýany halkara durmuşyna netijeli ornaşdyrmakda hyzmatdaş we pikirdeş hasap edýändigini belledi.

Milli Liderimiziň nygtaýşy ýaly, umumy mümkinçiligimiz, kuwwatly serişde we senagatdyr tehnologiýa binýadymyz ykdysadyýetde hyzmatdaşlyk etmek üçin örän gowy şertleri döredýär. Ýangyç-energetika pudagy şonuň ileri tutulýan ugurlarynyň biridir. Gazagystanyň we Özbegistanyň çäklerinden geçýän Türkmenistan — Hytaý strategik gaz geçirijisiniň gurlup, 2009-njy ýylyň ahyrynda işe girizilmegi pudagyň öňdebaryjy desgasyna öwrüldi. Türkmenistan 4-nji turbageçiriji ulgamyny gurmak arkaly türkmen tebigy gazynyň Hytaýa iberilýän möçberlerini artdyrmak meselelerini jikme-jik ara alyp maslahatlaşmaga taýýardyr.

Şeýle hem özara bähbitleriň bolmagy Merkezi Aziýa ýurtlaryna we Hytaýa ulag ulgamynda hem hyzmatdaşlygy üstünlikli ösdürmäge mümkinçilik berýär. Şunuň bilen baglylykda, türkmen tarapynyň öňe süren «Beýik Ýüpek ýoluny dikeltmek» taslamasy Ýewraziýada ykdysady ösüşe güýçli itergi bermäge niýetlenendir. Ol häzirki döwrüň ýörelgelerinde Ýuwaş ummandan Atlantik ummanyna çenli örän uly giňişligi birleşdirip, özara bagly bolan önümçilik we tehnologik ulgamlarydyr senagat halkalaryny emele getirmäge, köp sanly ýaşaýyş-durmuş soraglaryny çözmäge hem-de halklaryň durmuşynyň hilinidir hal-ýagdaýyny ýokarlandyrmaga gönükdirildi.

Döwlet Baştutanymyz çykyşynda koronawirus ýokanjynyň ýaýramagyna hem-de ýaramaz netijelerine garşy bilelikde göreşmegiň häzirlikçe möhüm wezipe bolmagynda galýandygyna ünsi çekdi. Şunuň bilen baglylykda, Merkezi Aziýa — Hytaý görnüşinde ýurtlarymyzyň ylmy-lukmançylyk birleşikleriniň, epidemiologiýa we sanitariýa gulluklarynyň, beýleki ugurdaş edaralaryň wekilleriniň arasynda yzygiderli duşuşyklary guramagyň usulyny döretmäge ýakyn wagtda girişmek hem-de ilkinji şeýle duşuşygy şu ýyl geçirmek teklip edildi.

HHR-iň Başlygy häzirki wagtda hytaý-türkmen gatnaşyklarynyň okgunly ösýändigini belläp, energetika ulgamynda we ykdysadyýetiň beýleki käbir ulgamlarynda hyzmatdaşlygyň işjeň ilerledilýändigini nygtady. Hyzmatdaşlyk gatnaşyklary oňyn netijeleri berýär.

Dostlukly döwletiň Baştutany Türkmenistan — Hytaý gaz geçirijisiniň 4-nji şahasyny gurmak arkaly Hytaýa iberilýän tebigy gazyň möçberlerini artdyrmak boýunça bilelikdäki meýilnamalary nazara almak bilen, ýangyç-energetika toplumy ulgamynda hyzmatdaşlygyň uly mümkinçilikleriniň açylýandygyny aýratyn nygtady hem-de ykdysadyýetiň beýleki ulgamlarynda hem netijeli gatnaşyklaryň üstünlikli dowam etdiriljekdigine ynam bildirdi.

26-njy ýanwarda hormatly Prezidentimiz Gurbanguly Berdimuhamedowyň maliýe-ykdysadyýet we ýangyç-energetika toplumlarynyň ýolbaşçylarynyň gatnaşmagynda geçiren iş maslahatynda nebitgaz pudagyny ösdürmegiň meselelerine garaldy. Maslahatyň dowamynda ýurdumyzyň nebitgaz toplumyny 2019 — 2025-nji ýyllarda ösdürmek boýunça kabul edilen Maksatnamalary maliýeleşdirmäge gönükdirilýän maýa goýum serişdeleriniň möçberleri, ýangyç-energetika toplumyna sanly ulgamy ornaşdyrmak we bu pudakda özgertmeleri geçirmek barada habar berildi.

Täze ýataklary gözlemek we olary özleşdirmegiň hasabyna tebigy gazyň çykarylýan möçberlerini artdyrmak boýunça alnyp barylýan geologik-gözleg işleriniň netijeleri barada hem hasabat berildi.

Döwlet Baştutanymyz ýurdumyzyň banklarynyň nebitgaz toplumyny maliýeleşdirmek boýunça alyp barýan işleriniň ykdysadyýetimiz üçin ähmiýetlidigini belläp, bu babatda öňde durýan wezipeleri üstünlikli ýerine ýetirmegiň wajypdygyna ünsi çekdi.

Pudagy mundan beýläk-de ösdürmek maksady bilen, hormatly Prezidentimiz Gurbanguly Berdimuhamedow «Türkmengaz” döwlet konsernine we “Türkmengeologiýa” döwlet korporasiýasyna maýa goýum serişdesini bermek hakynda Kararlara gol çekdi.

Döwlet Baştutanymyzyň ýurdumyzyň maliýe-ykdysadyýet toplumynyň ýolbaşçylarynyň gatnaşmagynda şol gün geçiren iş maslahatynda bank toplumynyň işini mundan beýläk-de kämilleşdirmegiň esasy ugurlaryna garaldy. “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň” taýýarlanylmagyna aýratyn üns berildi. Bu Maksatnamada geljek 30 ýylyň dowamynda ýurdumyzy syýasy, ykdysady, durmuş we medeni taýdan ýokary depginler bilen ösdürmek hem-de milli Garaşsyzlygymyzyň we Bitaraplygymyzyň esaslaryny mundan beýläk-de berkitmek üçin zerur çäreler göz öňünde tutulýar.

Milli Liderimiz maliýe-ykdysadyýet toplumynyň öňünde durýan anyk wezipeleri kesgitläp, ýurdumyzyň karz-pul syýasatynyň, maliýe serişdeleriniň dolandyrylmagynyň kämilleşdirilmeginiň hem-de ykdysadyýetimize gönükdirilen karz serişdeleriniň netijeli ulanylmagyny üpjün etmegiň wajypdygyny belledi.

Ýurdumyzda maýa goýum işjeňligini ýokarlandyrmak üçin kiçi we orta kärhanalaryň amala aşyrýan taslamalaryny maliýeleşdirmegi dowam etmek zerurdyr. Şunuň bilen baglylykda, halkara maliýe edaralary, aýratyn-da, Halkara pul gaznasy, Bütindünýä bank toplumy, Aziýanyň Ösüş banky we beýleki maliýe edaralary bilen işjeň hyzmatdaşlyk edilmelidir.

Döwlet Baştutanymyz Türkmenistanyň bank ulgamynda kabul edilen döwlet maksatnamalary boýunça göz öňünde tutulan çäreleriň amala aşyrylmagyna gözegçilik edilmegine we bu işleriň utgaşdyrylmagyna ünsi çekdi. Türkmenistany 2022 — 2052-nji ýyllarda ösdürmek boýunça hereketleriň strategiýasynda ilata edilýän sanly bank hyzmatlarynyň hilini we gerimini giňeltmek göz öňünde tutulmalydyr.

Döwlet Baştutanymyz şu ýyl ýurdumyzyň ykdysady kuwwatyny mundan beýläk-de berkitmek, ýokary depginler bilen ykdysady we durmuş ösüşini üpjün etmek boýunça degişli çäreleriň görülmelidigini belläp, býujetiň girdejilerini mundan beýläk-de artdyrmak hem-de ykdysadyýetimizde bazar gatnaşyklaryny ösdürmek babatda zerur işleriň geçirilmelidigine ünsi çekdi.

Maslahatyň dowamynda hormatly Prezidentimiz Gurbanguly Berdimuhamedow Söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-tatar iş toparynyň türkmen böleginiň düzümini tassyklady.

27-nji ýanwarda ýurdumyzda Watan goragçylarynyň güni dabaraly bellenip geçildi. Goranmak ministrliginiň Merkezi serkerdeler öýünde Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedowyň gatnaşmagynda dabaraly maslahat geçirildi. Onuň dowamynda harby we hukuk goraýjy edaralaryň şahsy düzümleriniň has tapawutlanan serkerdelerine döwlet sylaglaryny hem-de harby derejeleri gowşurmak dabarasy boldy.

Döwlet Baştutanymyz dabarada çykyş edip, harby we hukuk goraýjy edaralaryň, aýratyn-da, edermen Watan goragçylarynyň alyp barýan işleriniň Diýarymyzda asudalygy, halkymyzyň bagtyýar durmuşyny üpjün etmekde möhüm orun eýeleýändigine ünsi çekdi hem-de bu çärä gatnaşýanlary Watan goragçylarynyň güni bilen tüýs ýürekden gutlady.

Baýramçylyk çäreleriniň çäklerinde Goranmak ministrliginiň Berdimuhamet Annaýew adyndaky 1-nji ýöriteleşdirilen harby mekdebiniň binalar toplumynyň düýbüni tutmak dabarasy boldy.

Hormatly Prezidentimiz Gurbanguly Berdimuhamedow desgalaryň taslamalary bilen tanşyp, birnäçe bellikleri aýtdy we degişli düzedişleri girizdi hem-de desgalaryň gurluşygynda milli binagärlik ýörelgeleri bilen häzirki zamanyň ösen tejribeleriniň utgaşdyrylmagynyň, toplumyň desgalarynyň täzeçil usulda we sanly ulgam bilen enjamlaşdyrylmagynyň, gurluşyk işleriniň ýokary hil derejesiniň üpjün edilmeginiň, bellenilen möhletde gurlup gutarylmagynyň möhüm talapdygyny belledi.

Döwlet Baştutanymyz bu waka mynasybetli ýadygärlik senenama ýerleşdirilen gutyny binanyň düýbüne oklady we täze desgalar toplumynyň binýadyna ilkinji beton garyndysyny atdy.

27-nji ýanwarda hormatly Prezidentimiz Gurbanguly Berdimuhamedow Hindistan Respublikasynyň Premýer-ministri Narendra Modiniň çakylygy boýunça sanly ulgam arkaly geçirilen birinji “Merkezi Aziýa — Hindistan” sammitine gatnaşdy. 2022-nji ýylyň sebitiň döwletleri we Hindistan üçin şanly senä — diplomatik gatnaşyklaryň ýola goýulmagynyň 30 ýyllygyna beslenýändigi bellärliklidir.

Döwlet Baştutanymyz sammitdäki çykyşynda şu duşuşygyň Merkezi Aziýa ýurtlarynyň we Hindistanyň arasyndaky gatnaşyklary täze sepgitlere çykarmaga ýardam berjekdigini belledi. Biziň ýurdumyz şu duşuşyga düýplülik we anyklyk nukdaýnazaryndan, hyzmatdaşlygyň doly gerimli görnüşini döretmek ýolunda möhüm ädim hökmünde garaýar.

Biz öz halklarymyzyň düýpli gymmatlyklaryna we medeni ösüş ýakynlygyna daýanýarys. Merkezi Aziýanyň hem-de Hindistanyň ägirt uly adam, senagat, tebigy we tehnologik mümkinçilikleri bar. Bu serişdeler dünýäniň häzirki hem-de geljekki gurluşynda biziň ykdysady täsirimizi we syýasy ähmiýetimizi berkitmelidir diýip, hormatly Prezidentimiz Gurbanguly Berdimuhamedow aýtdy.

Milli Liderimiziň nygtaýşy ýaly, halkara ýagdaýyň dartgynlylaşýan, gapma-garşylyklaryň ösýän, halkara hukugyň kadalarynyň ýoýulýan, kähalatlarda bolsa aç-açan äsgerilmeýän şertlerinde jogapkärçilik, pähim-parasat örän möhümdir, emma, şunuň bilen birlikde, şol howply meýillere berk hem-de aýgytly garşy durmak, terrorçylyga, radikalizme we ekstremizme, guramaçylykly jenaýatçylyga garşy bilelikde göreşmek hem örän wajypdyr.

Şunuň bilen baglylykda, hormatly Prezidentimiz Gurbanguly Berdimuhamedow «Merkezi Aziýa — Hindistan» sammitiniň Sekretariatynyň döredilmeginiň maksadalaýykdygyny hem-de «Merkezi Aziýa — Hindistan» parlament forumy baradaky teklibiň oňyndygyny belledi. Döwlet Baştutanymyz howpsuzlyk boýunça geňeşçileriň derejesinde yzygiderli dialog geçirmek başlangyjynyň goldanylýandygyny aýdyp, hyzmatdaşlygyň şeýle köpugurly görnüşiniň döwletara syýasy gatnaşyklary giňeltmek üçin möhüm şert bolup biljekdigini nygtady.

Türkmenistan öz tagallalaryny şu maksada ýetmäge gönükdirýär diýip, döwlet Baştutanymyz aýratyn belledi. Başlangyç bilen çykyş edip, has takygy, halkara gatnaşyklaryň «Dialog — parahatçylygyň kepili» diýen täze filosofiýasyny hödürläp, biziň ýurdumyz ählumumy syýasy giňişlikde jogapkärçilikli we sagdyn güýçleriň ählisiniň birleşmegine umyt edýär. Elbetde, Merkezi Aziýa döwletleri we Hindistan tarapyndan biziň garaýşymyzyň goldaw tapjakdygyna berk ynanýarys diýip, hormatly Prezidentimiz Gurbanguly Berdimuhamedow aýtdy hem-de halkara guramalarda, ilki bilen, BMG-de ulgamlaýyn bilelikdäki işi ýola goýmak baradaky teklibi beýan etdi.

Milli Liderimiz Merkezi Aziýa ýurtlarynyň hem-de Hindistanyň arasyndaky hyzmatdaşlygyň ykdysadyýetlerimiziň çalt ösmegini üpjün etmelidigini, netijeli ulag, energetika we tehnologiýa ulgamyny döretmelidigini, şol ulgamyň bolsa biziň döwletlerimize bäsdeşlik artykmaçlygynyň we ählumumy ösüşe häzirki zaman derejesinde goşulyşmagynyň kepili boljakdygyny nygtady.

Bellenilişi ýaly, baý tebigy serişdelerine eýe bolan Merkezi Aziýa ýurtlary bu gün «Merkezi Aziýa — Hindistan» energetika köprüsini döretmegiň üstünde düýpli işlemäge ukyplydyr. Hususan-da, ýurdumyz häzirki döwürde öz hyzmatdaşlary bilen bilelikde giň gerimli energetika taslamasyny — Türkmenistan — Owganystan — Pakistan — Hindistan gaz geçirijisiniň gurluşygyny amala aşyrýar.

Hindistanyň hem-de Merkezi Aziýanyň arasynda harytlary we hyzmatlary erkin geçirmek meselelerini çözmek maksady bilen, ýurdumyz hindi tarapynyň Çabahar portuny Demirgazyk — Günorta halkara ulag geçelgesiniň düzümine goşmak hem-de degişli Bilelikdäki iş toparyny döretmek hakyndaky tekliplerini goldaýar. Şunuň bilen baglylykda, hormatly Prezidentimiz Gurbanguly Berdimuhamedow Türkmenbaşy Halkara deňiz portuny bu üstaşyr ugra goşmak baradaky meselä seretmegi teklip etdi.

Şeýle hem milli Liderimiz «Merkezi Aziýa — Hindistan» lukmançylyk assosiasiýasyny döretmek meselesine seretmek baradaky teklibi beýan etdi. Ýokanç kesellere garşy göreşmek şol assosiasiýanyň esasy maksatlarynyň biri bolup biler.

Döwlet Baştutanymyz medeni-ynsanperwer ugurlarda özara hyzmatdaşlygyň giňeldilmegine halklarymyzyň hoşniýetli goňşuçylygy berkitmek, ýakynlaşmak we özara düşünişmek mümkinçiligi hökmünde garalýandygyny nygtap, şu ýubileý ýylynda ýurtlarymyzyň şäherlerinde bilelikdäki medeni çäreleriň tapgyryny guramagy teklip etdi.

27-nji ýanwarda hormatly Prezidentimiz Gurbanguly Berdimuhamedow Milli Geňeşiň Halk Maslahatynyň nobatdan daşary mejlisini geçirmek meselelerine bagyşlanan iş maslahatyny geçirdi. Milli Geňeşiň Halk Maslahatynyň nobatdan daşary mejlisinde “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy” ara alnyp maslahatlaşylar.

Bu maksatnamany taýýarlamagyň barşy barada döwlet Baştutanymyza 28-nji ýanwarda Ministrler Kabinetiniň sanly ulgam arkaly geçirilen nobatdaky mejlisinde habar berildi.

Bellenilişi ýaly, bu maksatnamada geljek 30 ýylda ýurdumyzy syýasy, ykdysady, durmuş we medeni taýdan ýokary depginlerde ösdürmegi üpjün etmek maksady bilen, birnäçe wezipeleri ýerine ýetirmek göz öňünde tutulýar. Şolaryň hatarynda ykdysadyýetiň düzümlerini üýtgedip guramagy, dolandyryşyň täze, has netijeli usullaryny bazar ykdysadyýeti şertlerinde ornaşdyrmagy dowam etdirmek, makroykdysady we maliýe durnuklylygyny saklamak; tebigy baýlyklardan rejeli peýdalanmagyň, pudaklary, önümçilikleri döwrebaplaşdyrmagyň, innowasion tehnologiýalary we kuwwatlyklary doly ulanmagyň hasabyna senagat we nebitgaz pudaklaryny depginli ösdürmek; energiýanyň gaýtadan dikeldilýän çeşmelerini ornaşdyrmak, şol sanda wodorod energetikasy boýunça halkara hyzmatdaşlygy öwrenmek, daşky gurşawy goramak, “ýaşyl” ykdysadyýet syýasatyny alyp barmak; sanly ykdysadyýeti we sanly tehnologiýalary giňden ornaşdyrmak; ykdysady-geografik ýerleşişiň amatlyklaryndan netijeli peýdalanyp, multimodal ulag geçelgelerini we ugurlaryny döretmek, ulag-logistika ulgamlarynyň ösmegi üçin amatly şertleri üpjün etmek; ýer-suw serişdelerini ýokary netijeli peýdalanmagyň, hasyllylygy ýokarlandyrmagyň, ekologiýa taýdan arassa oba hojalyk önümlerini öndürmegiň hasabyna azyk howpsuzlygyny üpjün etmek; bäsdeşlige ukyply, eksporta niýetlenen we importyň ornuny tutýan önümçilikleri çalt depginlerde ösdürmek; amatly işewürlik gurşawyny kämilleşdirmegiň hasabyna kiçi we orta telekeçiligiň ornuny güýçlendirmek we jemi içerki önümde hususy bölegiň paýyny has-da ýokarlandyrmak, döwlet — hususyýetçilik hyzmatdaşlygynyň ösüşini işjeňleşdirmek; netijeli maýa goýum syýasatyny durmuşa geçirmek, amatly şertlerde daşary ýurt maýa goýumlaryny giňden çekmek; milli ykdysadyýetimizi depginli, durnukly we toplumlaýyn ösdürmegiň hasabyna ilatymyzyň ýaşaýyş-durmuş derejesini düýpli ýokarlandyrmak wezipeleri bar.

Ýangyç-energetika toplumynda işleriň ýagdaýy, oba hojalygynda alnyp barylýan özgertmeleriň barşy, bagşy-sazandalaryň arasynda “Çalsana, bagşy!” bäsleşigini yglan etmek, ylmyň dürli ulgamlary üçin ýaş alymlary taýýarlamak, dokma senagatynyň kärhanalarynyň önümleri üçin brend nyşanlaryny işläp taýýarlamak, 2022-nji ýylda pudaklaýyn sergileri, ýarmarkalary, maslahatlary we festiwallary geçirmek, içeri işler edaralarynyň ilaty pasportlaşdyrmak we hasaba almak boýunça alyp barýan işleri Hökümetiň mejlisinde garalan beýleki meseleleriň hatarynda boldy.

Şeýle hem dünýä ýurtlary hem-de halkara guramalar bilen howanyň üýtgemegi, daşky gurşawy goramak, tebigatdan rejeli peýdalanmak we ekologiýa howpsuzlygyny üpjün etmek ýaly möhüm ugurlarda hyzmatdaşlygy giňeltmek meseleleri ara alnyp maslahatlaşyldy.

Howanyň üýtgemegi baradaky Türkmenistanyň Milli strategiýasyna laýyklykda, ýurdumyzda 2030-njy ýyla çenli parnik gazlarynyň zyňyndylaryny azaltmak boýunça resminama işlenip taýýarlanyldy, onda bu maksatlar üçin degişli çäreleri geçirmek göz öňünde tutulýar. Bu ugurda köptaraplaýyn hyzmatdaşlygy ösdürmek babatda BMG-niň Howanyň üýtgemegi boýunça tehnologiýalar merkezi bilen ulgamlaýyn hyzmatdaşlygy ýola goýmak teklip edilýär.

Birleşen Milletler Guramasynyň ekologiýa taýdan howpsuz ykdysadyýeti we senagaty ösdürmek babatda ýöriteleşdirilen edarasy bolan Senagat ösüşi boýunça guramasy bilen hyzmatdaşlygy giňeltmek ähmiýetli bolup durýar. Bu gurama bilen ozon gatlagyny goramak hakyndaky Wena konwensiýasynyň ozon gatlagyny dargadyjy maddalar baradaky Monreal Teswirnamasy boýunça Türkmenistanyň borçnamalaryny ýerine ýetirmek üçin yzygiderli esasda anyk taslamalar amala aşyrylýar. Häzirki wagtda bu teswirnamany ýerine ýetirmek babatda birnäçe taslamalar boýunça degişli resminamalar taýýarlanyldy. Bu resminamalara türkmen tarapyndan oba hojalyk we daşky gurşawy goramak ministrine gol çekmäge rugsat bermek teklip edilýär.

Türkmenistanyň 2022-nji ýyl üçin maýa goýum maksatnamasynyň taslamasynyň işlenip taýýarlanylandygy barada habar berildi. Bu maksatnamanyň çäklerinde halkara we sebitara ähmiýetli wajyp taslamalaryň, şol sanda Türkmenistan — Owganystan — Pakistan — Hindistan gaz geçirijisiniň gurluşygy, Türkmenistan — Owganystan — Pakistan elektrik geçiriji ulgamy çekmek işleri dowam etdiriler. Şeýle hem şu ýylda Ahal welaýatynyň täze, döwrebap edara ediş merkeziniň gurluşygynyň birinji tapgyryny tamamlamak göz öňünde tutulýar.

Ýurdumyzyň ilatynyň ýaşaýyş-durmuş şertlerini gowulandyrmak maksady bilen, ýaşaýyş jaýlarynyň, saglyk öýleriniň we merkezleriniň, mekdepleriň, çagalar baglarynyň, ulag ýollarynyň, suw, gaz we elektrik geçirijileriniň, aragatnaşyk ulgamynyň, şeýle hem suw arassalaýjy desgalaryň gurluşygyna ägirt uly möçberde maýa goýumlar gönükdiriler.

Döwlet Baştutanymyza Serhetýaka demir ýol menzilinde hem-de onuň çäklerindäki degişli gulluklarda, wagonlary kabul etmek we ugratmak boýunça işleriň ýagdaýy, “Demirgazyk — Günorta” halkara demir ýol geçelgesinde ulanylýan teplowozlaryň sanawy hem-de olary netijeli ulanmak boýunça guramaçylyk ýagdaýlary barada hasabat berildi.

Şeýle hem Bereket demir ýol menziliniň wagonlary paýlaýjy parkynyň işi hem-de bu stansiýa goşmaça işçi güýjüni çekmegiň mümkinçilikleri barada aýdyldy. Bereket — Serhetýaka we Bereket — Akýaýla demir ýol aralyklarynda işleýän teplowozlaryň sany artdyryldy. Bereket demir ýol menziliniň geçirijilik ukybyny ýokarlandyrmak maksady bilen, kömekçi demir ýollaryň gurluşygynyň taslamalaryny gysga möhletlerde taýýarlamak teklip edilýär.

Hormatly Prezidentimiz Gurbanguly Berdimuhamedow özüniň çäk taýdan amatly ýerleşiş ýagdaýyny netijeli peýdalanyp, Türkmenistanyň Ýewropa we Aziýa giňişliginde iri ulag-logistika merkezine öwrülýändigini aýtdy. 2021-nji ýylda biziň ýurdumyzyň çäginden geçirilen üstaşyr ýükleriň 3,5 esse artandygy munuň nobatdaky beýanydyr.

Döwlet Baştutanymyz häzirki döwürde ýurdumyzda demir ýol ulaglary düzüminiň toplumlaýyn ösdürilmegine we pudagyň döwrebaplaşdyrylmagyna möhüm ähmiýet berilýändigini belläp, onuň işini mundan beýläk-de kämilleşdirmegiň zerurdygyna we işleriň ýokary hil derejesiniň üpjün edilmelidigine ünsi çekdi.

Mejlisde milli Liderimiz Gurbanguly Berdimuhamedow “Türkmengaz” döwlet konsernine enjamlar we serişdeler bilen üpjün etmek hem-de elin hyzmatlary ýerine ýetirmek barada baglaşan şertnamalaryna goşmaça ylalaşyklary baglaşmaga ygtyýar bermek hakynda”, «Türkmenistanyň Prezidentiniň “Türkmeniň Altyn asyry” atly baýragyny almak ugrundaky bäsleşigiň çäklerinde dutarçy bagşy-sazandalaryň arasynda “Çalsana, bagşy!” bäsleşigini yglan etmek hakynda” Kararlara gol çekdi. Bäsleşik 2022-nji ýylyň sentýabr aýynda jemlener.

Döwlet Baştutanymyz Türkmenistanyň wodorod energiýasy babatda halkara hyzmatdaşlygyny ösdürmek boýunça 2022-2023-nji ýyllar üçin Ýol kartasyny, Türkmenistanda ösümlikleri goramagyň 2022 — 2025-nji ýyllar üçin Döwlet maksatnamasyny, Ministrlikler we pudaklaýyn dolandyryş edaralary tarapyndan 2022-nji ýylda geçiriljek sergileriň, ýarmarkalaryň, maslahatlaryň we festiwallaryň Sanawyny, şeýle hem awtobus ugurlarynyň açylmagynyň, üýtgedilmeginiň, ýapylmagynyň Tertibini tassyklady.

Geçen hepde hormatly Prezidentimiz Gurbanguly Berdimuhamedowyň başlangyjy boýunça “Türkmen topragy — dünýä ýaň salan medeni gymmatlyklaryň ojagy” atly halkara ylmy-amaly maslahat geçirildi.

Söwda-senagat edarasynyň sergiler zalynda amaly-haşam sungatynyň sergisi guraldy. Alabaýlaryň görkezme çykyşlary dabara aýratyn öwüşgin çaýdy. Olar öz türgenleriniň gulluk buýruklaryny ýerine ýetirmekde ajaýyp taýýarlyklaryny görkezdiler.

Milli itşynaslygyň tejribesini ösdürmek hem-de wagyz etmek, türkmen alabaýyny terbiýelemegiň, köpeltmegiň aýratynlyklary, alabaýyň gadymylygyny subut edýän arheologik tapyndylar, haly we haly önümleriniň nagyşlarydyr göllerinde alabaýyň şekiliniň beýan edilmegi ýaly meseleler foruma gatnaşyjylaryň üns merkezinde boldy.

29-njy ýanwarda hormatly Prezidentimiz Gurbanguly Berdimuhamedowyň tabşyrmagy boýunça Daşary işler ministrliginde ÝUNESKO-nyň işleri barada Türkmenistanyň milli toparynyň nobatdaky mejlisi geçirildi. Mejlisiň gün tertibine Birleşen Milletler Guramasynyň bu iri ýöriteleşdirilen edarasy bilen hyzmatdaşlygyň meseleleriniň giň toplumy, hususan-da, ýurdumyz tarapyndan Adamzadyň maddy däl medeni mirasynyň görnükli nusgalarynyň sanawyna halkymyzyň milli gymmatlyklaryny girizmek boýunça öňe sürlen teklipler babatynda hyzmatdaşlygy mundan beýläk-de giňeltmek meseleleri girizildi. Şunuň bilen birlikde, ÝUNESKO-nyň işleri barada Türkmenistanyň milli toparynyň mejlisinde 2022-nji ýylda ýerine ýetirilmeli işleriň Meýilnamasyna we käbir beýleki meselelere hem garaldy.

Mahlasy, geçen hepdäniň wakalary hormatly Prezidentimiz Gurbanguly Berdimuhamedowyň alyp barýan syýasatynyň ileri tutulýan ugurlary barada hemmetaraplaýyn habar berdi. Milli Liderimiziň tagallalary bilen, “Halkyň Arkadagly zamanasy” şygary bilen geçýän ýylyň ilkinji günlerinden ýurdumyzyň dünýä jemgyýetçiligi bilen işjeň gatnaşygynyň durnukly ulgamynyň kemala getirilmegi dowam etdirilýär. Milli ykdysadyýetimiz yzygiderli pugtalandyrylýar, ata Watanymyzyň gülläp ösmegine, mähriban halkymyzyň ýaşaýyş-durmuş derejesiniň mundan beýläk-de ýokarlandyrylmagyna gönükdirilen özgertmeler amala aşyrylýar, türkmen halkynyň şöhratly taryhyny, däp-dessurlaryny we medeniýetini dikeltmek we dünýäde giňden wagyz etmek boýunça uly işler amala aşyrylýar.

Aş­ga­bat, 28-nji ýan­war (TDH). Şu gün hor­mat­ly Pre­zi­den­ti­miz Gurbanguly Berdimuhamedow san­ly ul­gam ar­ka­ly Mi­nistr­ler Ka­bi­ne­ti­niň no­bat­da­ky mej­li­si­ni ge­çir­di. On­da döw­let dur­mu­şy­nyň mö­hüm me­se­le­le­ri­ne hem-de kä­bir res­mi­na­ma­la­ryň tas­la­ma­la­ry­na ga­ral­dy.

Hor­mat­ly Pre­zi­den­ti­miz mej­li­siň gün ter­ti­bi­ne ge­çip, il­ki bi­len, Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ser­dar Berdimuhamedowa söz ber­di. Wi­se-prem­ýer “Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022 — 2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy­nyň” tas­la­ma­sy­nyň taý­ýar­la­ny­ly­şy ba­ra­da ha­sa­bat ber­di.

Hor­mat­ly Pre­zi­den­ti­miz Gurbanguly Berdimuhamedowyň oý­la­ny­şyk­ly dur­muş-yk­dy­sa­dy stra­te­gi­ýa­sy­na la­ýyk­lyk­da, ýur­du­my­zyň yk­dy­sa­dy­ýe­ti­ni dur­nuk­ly ös­dür­mek we ila­ty­my­zyň ýa­şa­ýyş-dur­muş de­re­je­si­ni has-da ýo­kar­lan­dyr­mak bo­ýun­ça mak­sat­na­ma­la­ýyn iş­le­riň hem-de top­lum­la­ýyn öz­gert­me­le­riň üs­tün­lik­li dur­mu­şa ge­çi­ril­ýän­di­gi bel­le­nil­di.

Döw­let Baş­tu­ta­ny­my­zyň 2022-nji ýy­lyň 7-nji ýan­wa­ryn­da san­ly ul­gam ar­ka­ly ge­çi­ren Mi­nistr­ler Ka­bi­ne­ti­niň mej­li­sin­de be­ren tab­şy­ryk­la­ry­na la­ýyk­lyk­da, Ma­li­ýe we yk­dy­sa­dy­ýet mi­nistr­li­gi ta­ra­pyn­dan de­giş­li mi­nistr­lik­ler, pu­dak­la­ýyn do­lan­dy­ryş eda­ra­la­ry, we­la­ýat­la­ryň we Aş­ga­bat şä­he­ri­niň hä­kim­lik­le­ri bi­len bi­le­lik­de “Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022 — 2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy­nyň» tas­la­ma­sy iş­le­nip taý­ýar­la­nyl­dy. Bu Mak­sat­na­ma­da gel­jek 30 ýyl­da ýur­du­my­zy sy­ýa­sy, yk­dy­sa­dy, dur­muş we me­de­ni taý­dan ýo­ka­ry dep­gin­ler­de ös­dür­me­gi üp­jün et­mek mak­sa­dy bi­len, bir­nä­çe we­zi­pe­le­ri ýe­ri­ne ýe­tir­mek göz öňün­de tu­tul­ýar. Şo­la­ryň ha­ta­ryn­da yk­dy­sa­dy­ýe­tiň dü­züm­le­ri­ni üýt­ge­dip gu­ra­ma­gy, do­lan­dy­ry­şyň tä­ze, has ne­ti­je­li usul­la­ry­ny ba­zar yk­dy­sa­dy­ýe­ti şert­le­rin­de or­naş­dyr­ma­gy do­wam et­dir­mek, mak­ro­yk­dy­sa­dy we ma­li­ýe dur­nuk­ly­ly­gy­ny sak­la­mak; te­bi­gy baý­lyk­lar­dan re­je­li peý­da­lan­ma­gyň, pu­dak­la­ry, önüm­çi­lik­le­ri döw­re­bap­laş­dyr­ma­gyň, in­no­wa­si­on teh­no­lo­gi­ýa­la­ry we kuw­wat­lyk­la­ry do­ly ulan­ma­gyň ha­sa­by­na se­na­gat we ne­bit­gaz pu­dak­la­ry­ny dep­gin­li ös­dür­mek; ener­gi­ýa­nyň gaý­ta­dan di­kel­dil­ýän çeş­me­le­ri­ni or­naş­dyr­mak, şol san­da wo­do­rod ener­ge­ti­ka­sy bo­ýun­ça hal­ka­ra hyz­mat­daş­ly­gy­ öw­ren­mek, daş­ky gur­şa­wy go­ra­mak, “ýa­şyl yk­dy­sa­dy­ýet” sy­ýa­sa­ty­ny alyp bar­mak; san­ly yk­dy­sa­dy­ýe­ti we san­ly teh­no­lo­gi­ýa­la­ry giň­den or­naş­dyr­mak; yk­dy­sa­dy-ge­og­ra­fi­k ýer­le­şi­şiň amat­lyk­la­ryn­dan ne­ti­je­li peý­da­la­nyp, mul­ti­mo­dal ulag ge­çel­ge­le­ri­ni we ugur­la­ry­ny dö­ret­mek, ulag-lo­gis­ti­ka ul­gam­la­ry­nyň ös­me­gi üçin amat­ly şert­le­ri üp­jün et­mek; ýer-suw se­riş­de­le­ri­ni ýo­ka­ry ne­ti­je­li peý­da­lan­ma­gyň, ha­syl­ly­ly­gy ýo­kar­lan­dyr­ma­gyň, eko­lo­gi­ýa taý­dan aras­sa oba ho­ja­lyk önüm­le­ri­ni ön­dür­me­giň ha­sa­by­na azyk howp­suz­ly­gy­ny üp­jün et­mek; bäs­deş­li­ge ukyp­ly, eks­por­ta ni­ýet­le­nen we im­por­tyň or­nu­ny tut­ýan önüm­çi­lik­le­ri çalt dep­gin­ler­de ös­dür­mek; amat­ly işe­wür­lik gur­şa­wy­ny kä­mil­leş­dir­me­giň ha­sa­by­na ki­çi we or­ta te­le­ke­çi­li­giň or­nu­ny güýç­len­dir­mek we je­mi içer­ki önüm­de hu­su­sy bö­le­giň pa­ýy­ny has-da ýo­kar­lan­dyr­mak, döw­let-hu­su­syýetçilik hyz­mat­daş­ly­gy­nyň ösü­şi­ni iş­jeň­leş­dir­mek; ne­ti­je­li ma­ýa go­ýum sy­ýa­sa­ty­ny dur­mu­şa ge­çir­mek, amat­ly şert­ler­de da­şa­ry ýurt ma­ýa go­ýum­la­ry­ny giň­den çek­mek; mil­li yk­dy­sa­dy­ýe­ti­mi­zi dep­gin­li, dur­nuk­ly we top­lum­la­ýyn ös­dür­me­giň ha­sa­by­na ila­ty­my­zyň ýa­şa­ýyş-dur­muş de­re­je­si­ni düýp­li ýo­kar­lan­dyr­mak we­zi­pe­le­ri bar.

Wi­se-prem­ýer döw­let Baş­tu­ta­ny­my­zyň ga­ra­ma­gy­na «Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022 — 2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy­ny» tas­syk­la­mak ha­kyn­da» Türk­me­nis­ta­nyň Pre­zi­den­ti­niň Ka­ra­ry­nyň tas­la­ma­sy­ny taý­ýar­la­mak ba­ra­da­ky tek­li­bi hö­dür­le­di.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, Ga­raş­syz, he­mi­şe­lik Bi­ta­rap Wa­ta­ny­my­zy mun­dan beý­läk-de ös­dür­mek, ony tä­ze sep­git­le­re çy­kar­mak üçin tä­ze mak­sat­na­ma­la­ýyn res­mi­na­ma­ny ka­bul et­me­giň wa­jyp­dy­gy­ny bel­le­di. Mil­li Li­de­ri­miz gel­jek 30 ýyl üçin stra­te­gik mak­sat­na­ma­da türk­men döw­le­ti­niň hä­zir­ki ta­ry­hy dö­wür­de sy­ýa­sy, yk­dy­sa­dy, dur­muş we me­de­ni ul­gam­lar­da ös­me­gi­ni üp­jün et­mä­ge gö­nük­di­ri­len esa­sy we­zi­pe­le­riň kes­git­le­nil­me­li­di­gi­ni aýt­dy.

Hor­mat­ly Pre­zi­den­ti­miz Gurbanguly Berdimuhamedow Halk Mas­la­ha­ty­nyň ara alyp mas­la­hat­laş­ma­gy­na hö­dür­le­nil­jek Mil­li mak­sat­na­ma­nyň her bir düz­gü­ni­niň ugur­daş dü­züm­ler ta­ra­pyn­dan iç­gin seljerilmelidigine ün­si çe­kip, wi­se-prem­ýe­re bir­nä­çe anyk gör­kez­me­le­ri ber­di. Şeý­le hem Hö­kü­me­tiň Baş­tu­ta­ny­nyň orun­ba­sa­ry­na de­giş­li Ka­ra­ryň tas­la­ma­sy­ny taý­ýar­la­mak tab­şy­ryl­dy.

Soň­ra Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ş.Abd­rah­ma­now gö­zeg­çi­lik ed­ýän dü­züm­le­rin­de al­nyp ba­ryl­ýan iş­le­riň ýag­da­ýy, şeý­le hem “Türk­men­gaz” döw­let kon­ser­ni­ne en­jam­lar we se­riş­de­ler bi­len üp­jün et­mek hem-de elin hyz­mat­la­ry ýe­ri­ne ýe­tir­mek ba­ra­da bag­la­şy­lan şert­na­ma­la­ra goş­ma­ça yla­la­şyk­la­ry bag­laş­ma­ga yg­ty­ýar ber­mek ha­kyn­da” Ka­ra­ryň tas­la­ma­sy ba­ra­da ha­sa­bat ber­di.

Şu res­mi­na­ma we Türk­me­nis­ta­nyň Pre­zi­den­ti­niň ozal gol çe­ken Ka­ra­ry­na la­ýyk­lyk­da, “Türk­men­gaz” döw­let kon­ser­ni bi­len HHR-iň «CNPC» kom­pa­ni­ýa­sy­nyň ara­syn­da “Gal­ky­nyş” gaz kä­nin­de 16 gu­ýy­ny hi­mi­ýa önüm­le­ri bi­len üp­jün et­mek we bu­raw er­gin­le­ri­ni taý­ýar­la­mak, gu­ýu­la­ry ulan­mak bo­ýun­ça teh­ni­ki hyz­mat­la­ry ýe­ri­ne ýe­tir­mek we bu gu­ýu­la­ry de­giş­li en­jam­lar bi­len üp­jün et­mek ba­bat­da tö­le­giň şert­le­ri­ni üýt­get­mek bo­ýun­ça şert­na­ma­la­ry bag­laş­mak me­ýil­leş­di­ril­ýär. Bu şert­na­ma­nyň ba­ha­sy 372 273 969,95 hy­taý ýua­ny­na ba­ra­bar­dyr.

Şeý­le hem “Türk­men­gaz” döw­let kon­ser­ni bi­len «CNPC» kom­pa­ni­ýa­sy­nyň ara­syn­da dü­züm­le­ýin en­jam­la­ry gur­na­mak we “Gal­ky­nyş”, “Ga­ra­bil” we “Ba­ga­ja” kän­le­rin­de de­giş­li hyz­mat­la­ry ýe­ri­ne ýe­tir­mek ba­bat­da şert­na­ma­la­ra goş­ma­ça yla­la­şyk­la­ry bag­laş­mak göz öňün­de tu­tul­ýar. Ne­ti­je­de, bu şert­na­ma­la­ryň je­mi ba­ha­sy 106 221 809,71 ame­ri­kan dol­la­ry­na ba­ra­bar bo­lar. Şu­nuň bi­len bag­ly­lyk­da, döw­let Baş­tu­ta­ny­my­zyň ga­ra­ma­gy­na de­giş­li Ka­ra­ryň tas­la­ma­sy hö­dür­le­nil­di.

Mil­li Li­de­ri­miz ha­sa­ba­ty diň­läp, döw­le­ti­miz­de ne­bit­gaz pu­da­gy­ny di­wer­si­fi­ka­si­ýa ýo­ly bi­len ös­dür­mä­ge, ma­ýa go­ýum­la­ry­ny çek­mä­ge, yg­ty­bar­ly hyz­mat­daş­lar bi­len gat­na­şyk­la­ryň ge­ri­mi­ni gi­ňelt­mä­ge uly üns be­ril­ýän­di­gi­ni nyg­ta­dy. Döw­let Baş­tu­ta­ny­myz bu ba­ra­da­ky gür­rü­ňi do­wam edip, Türk­me­nis­tan­da ama­la aşy­ryl­ýan pu­dak­la­ýyn tas­la­ma­la­ryň ýe­ri­ne ýe­ti­ril­me­gin­de gy­zyk­lan­ma bil­dir­ýän da­şa­ry ýurt­ly hyz­mat­daş­lar, iri dü­züm­le­ýin kom­pa­ni­ýa­lar bi­len öza­ra bäh­bit­li hyz­mat­daş­ly­gy mun­dan beý­läk-de gi­ňelt­mek we kö­pu­gur­ly esas­da ös­dür­mek bo­ýun­ça ze­rur çä­re­le­riň gö­rül­me­li­di­gi­ni bel­le­di.

Şu­nuň bi­len bag­ly­lyk­da, hor­mat­ly Pre­zi­den­ti­miz Gurbanguly Berdimuhamedow Hy­taý Halk Res­pub­li­ka­sy bi­len ýo­la go­ýul­ýan döw­le­ta­ra gat­na­şyk­la­ry­ň üýt­gew­siz dost­luk­ly we ne­ti­je­li hä­si­ýe­te eýe­di­gi­ni ka­na­gat­lan­ma bi­len bel­le­di. Mil­li Li­de­ri­mi­ziň aý­dy­şy ýa­ly, bi­ziň ýurt­la­ry­my­zyň ara­syn­da­ky hyz­mat­daş­ly­gyň dür­li ugur­lar­da ägirt uly müm­kin­çi­lik­le­ri bar. Ola­ryň üs­tün­lik­li ama­la aşy­ryl­ma­gy di­ňe bir iki­ta­rap­la­ýyn bäh­bit­le­re däl, eý­sem, tu­tuş se­bi­tiň aba­dan­çy­lyk we ösüş mak­sat­la­ry­na do­ly la­ýyk gel­ýär.

Şeý­le hem hor­mat­ly Pre­zi­den­ti­miz Gurbanguly Berdimuhamedow tä­ze gu­ýu­la­ry bu­raw­la­mak­da we ozal he­re­ket ed­ýän kän­le­ri döw­re­bap­laş­dyr­mak­da hä­zir­ki za­man teh­no­lo­gi­ýa­la­ry­nyň giň­den ula­nyl­ma­gy­nyň wa­jyp­dy­gy­na ün­si çek­di. Mu­nuň özi türk­men ga­zy­nyň eks­port möç­ber­le­ri­ni art­dyr­mak­da aý­ra­tyn äh­mi­ýet­li­dir.

Döw­let Baş­tu­ta­ny­myz ma­ýa go­ýum­la­ry­ň ýur­du­myz­da alyn­ýan çig mal se­riş­de­le­ri bi­len gaý­ta­ryl­ma­ly­dy­gy­ny bel­le­di.

Mil­li Li­de­ri­miz de­giş­li Ka­ra­ra gol çe­kip, ony san­ly ul­gam ar­ka­ly wi­se-prem­ýe­re iber­di we res­mi­na­ma­dan ge­lip çyk­ýan we­zi­pe­le­riň ýe­ri­ne ýe­ti­ri­li­şi­ne berk gö­zeg­çi­lik et­me­gi tab­şyr­dy.

Soň­ra Mi­nistr­ler Ka­bi­ne­ti­niň Baş­ly­gy­nyň orun­ba­sa­ry E.Oraz­gel­di­ýew oba ho­ja­ly­gyn­da ama­la aşy­ryl­ýan öz­gert­me­ler hem-de azyk üp­jün­çi­li­gi­ni pug­ta­lan­dyr­mak bo­ýun­ça ge­çi­ril­ýän me­ýil­na­ma­la­ýyn iş­ler ba­ra­da ha­sa­bat ber­di.

Wi­se-prem­ýer bug­da­ýy, go­wa­ça­ny, gök-bak­ja we beý­le­ki oba ho­ja­lyk ekin­le­ri­ni, mi­we­li bag­la­ry, üzüm ös­dü­rip ýe­tiş­dir­mek­de hem-de öri meý­dan­la­ryn­da ösüm­lik­le­riň ke­sel­le­ri­niň, zy­ýan­keş­le­riň we ha­şal ot­la­ryň ýü­ze çyk­ma­gy­nyň öňü­ni al­mak bo­ýun­ça ze­rur çä­re­le­riň ge­çi­ril­ýän­di­gi­ni aýt­dy.

“Ösüm­lik­le­ri go­ra­mak ha­kyn­da” Türk­me­nis­ta­nyň Ka­nu­ny­na la­ýyk­lyk­da, Türk­me­nis­tan­da ösüm­lik­le­ri go­ra­ma­gyň 2022 — 2025-nji ýyl­lar üçin Döw­let mak­sat­na­ma­sy­ny tas­syk­la­mak ha­kyn­da Ka­ra­ryň tas­la­ma­sy­nyň iş­le­ni­lip taý­ýar­la­ny­lan­dy­gy ha­bar be­ril­di, res­mi­na­ma­da yl­my çä­re­le­ri iş­läp taý­ýar­la­mak bo­ýun­ça iş­le­ri ge­çir­mek, ösüm­lik­le­ri go­ra­ma­gyň usul­la­ry­nyň ula­nyl­ma­gy­ny kä­mil­leş­dir­mek göz öňün­de tu­tul­ýar.

Şeý­le hem bu mak­sat­na­ma­ny dur­mu­şa ge­çir­mek bo­ýun­ça çä­re­le­riň me­ýil­na­ma­sy­nyň tas­la­ma­sy­na la­ýyk­lyk­da, ýur­du­myz­da ösüm­lik­le­ri go­ra­mak ul­ga­myn­da yl­my ös­dür­mek, döw­re­bap teh­no­lo­gi­ýa­la­ry we öň­de­ba­ry­jy tej­ri­bä­ni ulan­mak me­se­le­le­ri be­ýan edil­ýär.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, oba ho­ja­ly­gyn­da ama­la aşy­ryl­ýan, bu ul­ga­ma öň­de­ba­ry­jy yl­my usul­la­ry, san­ly teh­no­lo­gi­ýa­la­ry giň­den or­naş­dyr­ma­gyň ha­sa­by­na oba ho­ja­lyk önüm­çi­li­gi­niň ne­ti­je­li­li­gi­ni ýo­kar­lan­dyr­ma­ga gö­nük­di­ri­len giň ge­rim­li öz­gert­me­le­riň wa­jyp­dy­gy­na ün­si çek­di.

Döw­let Baş­tu­ta­ny­myz ekin we öri meý­dan­la­ry­ny mak­sa­da­la­ýyk hem-de ne­ti­je­li ulan­ma­gyň wa­jyp­dy­gy­ny bel­läp hem-de iň go­wy dün­ýä tej­ri­be­sin­den ugur alyn­ma­ly­dy­gy­ny, ekin­le­riň ha­syl­ly­ly­gy­ny ýo­kar­lan­dyr­mak we to­hum­çy­ly­gy go­wu­lan­dyr­mak bo­ýun­ça çä­re­le­ri gör­me­giň mö­hüm­di­gi­ni nyg­ta­dy.

Mil­li Li­de­ri­miz de­giş­li Ka­ra­ra gol çe­kip, ony san­ly ul­gam ar­ka­ly wi­se-prem­ýe­re iber­di we bu res­mi­na­ma­nyň ta­la­ba­la­ýyk ýe­ri­ne ýe­ti­ril­me­gi­ni üp­jün et­me­gi tab­şyr­dy.

Soň­ra Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, da­şa­ry iş­ler mi­nist­ri R.Me­re­dow dün­ýä ýurt­la­ry hem-de hal­ka­ra gu­ra­ma­la­r bi­len ho­wa­nyň üýt­ge­me­gi, daş­ky gur­şa­wy go­ra­mak, te­bi­gat­dan re­je­li peý­da­lan­mak we eko­lo­gi­ýa howp­suz­ly­gy­ny üp­jün et­mek ýa­ly mö­hüm ugur­lar­da hyz­mat­daş­ly­gy gi­ňelt­mek me­se­le­le­ri ba­ra­da ha­sa­bat ber­di.

Bi­ta­rap Türk­me­nis­ta­nyň da­şa­ry sy­ýa­sat stra­te­gi­ýa­syn­da aý­ra­tyn mö­hüm äh­mi­ýet be­ril­ýän bu ugur­da hor­mat­ly Pre­zi­den­ti­miz Gurbanguly Berdimuhamedowyň baş­tu­tan­ly­gyn­da giň ge­rim­li iş­ler al­nyp ba­ryl­ýar. Bu ul­gam­da öň­de goý­lan we­zi­pe­le­ri üs­tün­lik­li çöz­mek mak­sa­dy bi­len, se­bit we äh­lu­mu­my de­re­je­de yzy­gi­der­li iş­ler ge­çi­ril­ýär. Bu ba­bat­da mil­li Li­de­ri­mi­ziň hal­ka­ra baş­lan­gyç­la­ry­na esas­la­nyp, bir­nä­çe tek­lip­ler taý­ýar­la­nyl­dy.

Döw­let Baş­tu­ta­ny­my­zyň Ka­ra­ry bi­len 2019-njy ýyl­da tas­syk­la­nan, Ho­wa­nyň üýt­ge­me­gi ba­ra­da­ky Türk­me­nis­ta­nyň Mil­li stra­te­gi­ýa­sy­na la­ýyk­lyk­da, ýur­du­my­zyň Pa­riž Yla­la­şy­gyn­dan ge­lip çyk­ýan borç­na­ma­la­ry­nyň ýe­ri­ne ýe­ti­ril­me­gi­ne uly äh­mi­ýet be­ril­ýär.

Şu­nuň bi­len bag­ly­lyk­da, Türk­me­nis­tan­da 2030-njy ýy­la çen­li par­nik gaz­la­ry­nyň zy­ňyn­dy­la­ry­ny azalt­mak bo­ýun­ça res­mi­na­ma iş­le­nip taý­ýar­la­nyl­dy, on­da bu mak­sat­lar üçin de­giş­li çä­re­le­ri ge­çir­mek göz öňün­de tu­tul­ýar.

Hal­ka­ra gu­ra­ma­la­r bi­len hyz­mat­daş­lyk­da ho­wa­nyň üýt­ge­me­gi we eko­lo­gi­ýa howp­suz­ly­gy­ny üp­jün et­mek bo­ýun­ça öň­de­ba­ry­jy teh­no­lo­gi­ýa­la­ry or­naş­dyr­mak hem-de ulan­mak me­se­le­le­ri mö­hüm or­ny eýe­le­ýär. Şu­nuň bi­len bag­ly­lyk­da, bu ugur­da köp­ta­rap­la­ýyn hyz­mat­daş­ly­gy ös­dür­mek mak­sa­dy bi­len, hä­zir­ki wagt­da Ho­wa­nyň üýt­ge­me­gi bo­ýun­ça Çar­çu­wa­ly Kon­wen­si­ýa­nyň çäk­le­rin­de Da­ni­ýa Pa­ty­şa­ly­gy­nyň Ko­pen­ga­gen şä­he­rin­de dö­re­di­len Bir­le­şen Mil­let­ler Gu­ra­ma­sy­nyň Ho­wa­nyň üýt­ge­me­gi bo­ýun­ça teh­no­lo­gi­ýa­lar mer­ke­zi bi­len ul­gam­la­ýyn hyz­mat­daş­ly­gy ýo­la goý­mak tek­lip edil­ýär. Bu Mer­kez 2013-nji ýyl­dan bä­ri, Bir­le­şen Mil­let­ler Gu­ra­ma­sy­nyň Daş­ky gur­şaw bo­ýun­ça mak­sat­na­ma­sy­nyň we Se­na­gat ösü­şi bo­ýun­ça gu­ra­ma­sy­nyň ho­wan­dar­ly­gyn­da he­re­ket ed­ýär.

Bir­le­şen Mil­let­ler Gu­ra­ma­sy­nyň eko­lo­gi­ýa taý­dan howp­suz yk­dy­sa­dy­ýe­ti we se­na­ga­ty ös­dür­mek ba­bat­da ýö­ri­te­leş­di­ri­len eda­ra­sy bo­lan Se­na­gat ösü­şi bo­ýun­ça gu­ra­ma­sy bi­len hyz­mat­daş­ly­gy gi­ňelt­mek äh­mi­ýet­li bo­lup dur­ýar. Bu gu­ra­ma bi­len ozon gat­la­gy­ny go­ra­mak ha­kyn­da­ky We­na Kon­wen­si­ýa­sy­nyň ozon gat­la­gy­ny dar­ga­dy­jy mad­da­lar ba­ra­da­ky Mon­re­al Tes­wir­na­ma­sy bo­ýun­ça Türk­me­nis­ta­nyň borç­na­ma­la­ry­ny ýe­ri­ne ýe­tir­mek üçin yzy­gi­der­li esas­da anyk tas­la­ma­lar ama­la aşy­ryl­ýar. Hä­zir­ki wagt­da bu Tes­wir­na­ma­ny ýe­ri­ne ýe­tir­mek ba­bat­da bir­nä­çe tas­la­ma­lar bo­ýun­ça de­giş­li res­mi­na­ma­lar taý­ýar­la­nyl­dy.

Bu res­mi­na­ma­la­ra türk­men ta­ra­pyn­dan Oba ho­ja­lyk we daş­ky gur­şa­wy go­ra­mak mi­nist­ri­ne gol çek­mä­ge rug­sat ber­mek tek­lip edil­ýär.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, eko­lo­gi­ýa we daş­ky gur­şa­wy go­ra­mak me­se­le­le­ri­niň Bi­ta­rap Türk­me­nis­ta­nyň döw­let sy­ýa­sa­ty­nyň ile­ri tu­tul­ýan ugur­la­ry­nyň bi­ri­di­gi­ni nyg­ta­dy. Bi­ziň ýur­du­myz bu ul­gam­da mil­li de­re­je­de top­lum­la­ýyn stra­te­gi­ýa­ny dur­mu­şa ge­çir­mek bi­len äh­lu­mu­my äh­mi­ýe­te eýe bo­lan eko­lo­gi­ýa aba­dan­çy­ly­gy­ny üp­jün et­me­giň mö­hüm me­se­le­le­ri­niň ne­ti­je­li çöz­güt­le­ri­ni iş­läp taý­ýar­la­mak­da hal­ka­ra hyz­mat­daş­ly­gy­ pug­ta­lan­dyr­mak bo­ýun­ça ne­ti­je­li iş­le­ri alyp bar­ýar.

Döw­le­ti­miz BMG-niň esas go­ýu­jy te­bi­ga­ty go­ra­ýyş res­mi­na­ma­la­ry­ny, şol san­da bio­lo­gi­ýa köp­dür­lü­li­gi, ozon gat­la­gy­ny go­ra­mak, çöl­leş­mä­ge gar­şy gö­reş­mek ha­kyn­da­ky Kon­wen­si­ýa­la­ry, Ho­wa­nyň üýt­ge­me­gi bo­ýun­ça Pa­riž Yla­la­şy­gy­ny tas­syk­la­mak bi­len, öz üs­tü­ne alan borç­na­ma­la­ry­ny ýe­ri­ne ýe­tir­mä­ge üýt­gew­siz yg­rar­ly­dy­gy­ny hem-de ola­ryň ama­la aşy­ryl­ma­gy­na örän jo­gap­kär­li çe­me­leş­ýän­di­gi­ni gör­kez­ýär.

Döw­let Baş­tu­ta­ny­my­zyň bel­leý­şi ýa­ly, Türk­me­nis­ta­nyň Bir­le­şen Mil­let­ler Gu­ra­ma­sy­nyň we beý­le­ki iri hal­ka­ra dü­züm­le­ri­ň be­lent mün­be­rin­den öňe sür­len anyk baş­lan­gyç­la­ry bu ul­gam­da öň­de goý­lan mö­hüm we­zi­pe­le­riň çö­zül­me­gi­ne, köp­ta­rap­la­ýyn hyz­mat­daş­ly­gyň iş­jeň­leş­di­ril­me­gi­ne, bi­le­lik­dä­ki uzak ­möh­let­le­ýin mak­sat­na­ma­la­ryň hem-de tas­la­ma­la­ryň dur­mu­şa ge­çi­ril­me­gi­ne gö­nük­di­ri­len­dir.

Dur­mu­şyň äh­li ul­gam­la­ry­na in­no­wa­si­on hä­si­ýet­li, eko­lo­gi­ýa taý­dan aras­sa teh­no­lo­gi­ýa­la­ryň, “ýa­şyl” yk­dy­sa­dy­ýet ýö­rel­ge­le­ri­niň giň­den or­naş­dy­ryl­ma­gy, te­bi­gy se­riş­de­le­riň re­je­li we aýaw­ly peý­da­la­nyl­ma­gy, ener­gi­ýa ne­ti­je­li­li­gi­ne ýe­til­me­gi, eko­lo­gi­ýa ul­gam­la­ry­nyň go­ral­ma­gy hem-de gaý­ta­dan di­kel­dil­me­gi se­bit we äh­lu­mu­my de­re­je­de Dur­nuk­ly ösüş mak­sat­la­ry­ny ama­la aşyr­ma­gyň mö­hüm şert­le­ri bo­lup dur­ýar. Türk­me­nis­tan özü­niň da­şa­ry sy­ýa­sat stra­te­gi­ýa­sy­nyň mö­hüm ugur­la­ry­nyň bi­ri hök­mün­de eko­lo­gi­ýa dip­lo­ma­ti­ýa­sy­ny öňe sür­mek bi­len, bu ugur­da umu­my ta­gal­la­la­ryň je­bis­leş­di­ril­me­gi­ne uly go­şant goş­ýar.

Mil­li Li­de­ri­miz aý­dy­lan­la­ry jem­läp, hö­dür­le­ni­len tek­lip­le­ri, umu­man, ma­kul­la­dy hem-de wi­se-prem­ýe­re, da­şa­ry iş­ler mi­nist­ri­ne ýur­du­my­zyň eko­lo­gi­ýa baş­lan­gyç­la­ry­ny iler­let­mek hem-de bu ul­gam­da da­şa­ry ýurt­ly hyz­mat­daş­lar bi­len oňyn hyz­mat­daş­ly­gy mun­dan beý­läk-de ös­dür­mek bo­ýun­ça iş­le­ri yzy­gi­der­li do­wam et­me­gi tab­şyr­dy.

Soň­ra mil­li Li­de­ri­miz Türk­me­nis­ta­nyň wo­do­rod ener­gi­ýa­sy ba­bat­da hal­ka­ra hyz­mat­daş­ly­gy­ny ös­dür­mek bo­ýun­ça 2022-2023-nji ýyl­lar üçin Ýol kar­ta­sy­ny tas­syk­la­mak ha­kyn­da Ka­ra­ra gol çek­di. Şu­nuň bi­len bag­ly­lyk­da, döw­let Baş­tu­ta­ny­myz äh­lu­mu­my ener­gi­ýa howp­suz­ly­gy­ny üp­jün et­mek ug­run­da öza­ra bäh­bit­li hyz­mat­daş­ly­gy pug­ta­lan­dyr­ma­gyň mö­hüm şer­ti hök­mün­de ener­ge­ti­ka dip­lo­ma­ti­ýa­sy­ny iş­jeň dur­mu­şa ge­çir­me­giň ze­rur­dy­gy­ny ýe­ne bir ge­zek nyg­ta­dy.

Şeý­le­lik­de, al­ter­na­tiw, hu­su­san-da, pes ug­le­rod­ly ener­ge­ti­ka­ny ös­dür­mek bo­ýun­ça öň­de­ba­ry­jy teh­no­lo­gi­ýa­la­ryň or­naş­dy­ryl­ma­gy, onuň çeş­me­le­ri­niň we kuw­wat­lyk­la­ry­nyň iş ýü­zün­de he­re­ke­te ge­ti­ril­me­gi eko­lo­gi­ýa hem-de ho­wa­nyň üýt­ge­me­gi bi­len bag­la­ny­şyk­ly hä­zir­ki döw­rüň mö­hüm me­se­le­le­ri­ni çöz­mek­de ägirt uly äh­mi­ýe­te eýe­dir. Şun­da gel­je­giň ýan­gy­jy ha­sap edil­ýän wo­do­ro­dy peý­da­lan­mak üçin giň müm­kin­çi­lik­ler açyl­ýar. Mu­nuň özi onuň ýo­ka­ry ula­nyş hä­si­ýet­le­ri bi­len şert­len­di­ri­len­dir, onuň eko­lo­gi­ýa hä­si­ýet­na­ma­la­ry aý­ra­tyn mö­hüm­dir.

Hor­mat­ly Pre­zi­den­ti­miz Gurbanguly Berdimuhamedow bu­lar ba­ra­da aýt­mak bi­len, Bi­ta­rap Türk­me­nis­ta­nyň gel­jek­de hem bu ugur­da ne­ti­je­li hal­ka­ra hyz­mat­daş­ly­gy­ny hö­wes­len­dir­mek we gi­ňelt­mek bo­ýun­ça yzy­gi­der­li ta­gal­la­la­ry et­jek­di­gi­ni nyg­ta­dy.

Şeý­le hem milli Liderimiz Türk­me­nis­ta­nyň Er­me­nis­tan Res­pub­li­ka­syn­da­ky Adat­dan da­şa­ry we Do­ly yg­ty­ýar­ly il­çi­si M.Aýa­zo­wy şol bir wagt­da ýur­du­my­zyň Li­wan Res­pub­li­ka­syn­da­ky Adat­dan da­şa­ry we Do­ly yg­ty­ýar­ly il­çi­si we­zi­pe­si­ne bel­le­mek ha­kyn­da Per­ma­na gol çek­di.

Döw­let Baş­tu­ta­ny­myz Türk­me­nis­tan — Ow­ga­nys­tan — Pa­kis­tan — Hin­dis­tan gaz ge­çi­ri­ji­si­niň we Türk­me­nis­tan — Ow­ga­nys­tan — Pa­kis­tan elekt­rik ge­çi­ri­ji­si­niň tas­la­ma­la­ry bo­ýun­ça top­lum­la­ýyn gep­le­şik­le­ri ge­çir­mek üçin da­şa­ry iş­ler mi­nist­ri­niň orun­ba­sa­ry­ny Pa­kis­tan Ys­lam Res­pub­li­ka­sy­nyň Ys­la­ma­bat şä­he­ri­ne gul­luk iş sa­pa­ry­na iber­mek ba­ra­da­ky Buý­ru­ga gol çek­di.

Mil­li Li­de­ri­miz res­mi­na­ma­la­ry san­ly ul­gam ar­ka­ly wi­se-prem­ýe­re, da­şa­ry iş­ler mi­nist­ri­ne iber­di hem-de ola­ry ýe­ri­ne ýe­tir­mek bo­ýun­ça de­giş­li tab­şy­ryk­la­ry ber­di.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ç.Pur­çe­kow döw­let Baş­tu­ta­ny­my­zyň tab­şy­ry­gy­na la­ýyk­lyk­da, Türk­me­nis­ta­nyň 2022-nji ýyl üçin ma­ýa go­ýum Mak­sat­na­ma­sy­nyň tas­la­ma­sy­ny taý­ýar­la­mak bo­ýun­ça al­nyp ba­ryl­ýan iş­ler ba­ra­da ha­sa­bat ber­di.

Ber­ka­rar döw­le­ti­mi­ziň bag­ty­ýar­lyk döw­rün­de hor­mat­ly Pre­zi­den­ti­miz Gurbanguly Berdimuhamedowyň yzy­gi­der­li ta­gal­la­sy we ala­da­sy ne­ti­je­sin­de, ýur­du­my­zyň gur­lu­şyk pu­da­gy­ny ös­dür­mek ug­run­da äh­li ze­rur şert­ler üp­jün edil­ýär. Ýur­du­myz­da şä­her­gur­lu­şyk sy­ýa­sa­ty üs­tün­lik­li dur­mu­şa ge­çi­ril­ýär. Dün­ýä­niň ösen tej­ri­be­si­ni ulan­mak ar­ka­ly, dur­muş-me­de­ni mak­sat­ly bi­na­la­ryň we des­ga­la­ryň gur­lu­şy­gy­na ägirt uly ma­ýa go­ýum se­riş­de­le­ri gö­nük­di­ril­ýär.

Wi­se-prem­ýer döw­let Baş­tu­ta­ny­my­zyň tab­şy­ry­gy bo­ýun­ça ýur­du­my­zyň Gur­lu­şyk we bi­na­gär­lik hem-de Ma­li­ýe we yk­dy­sa­dy­ýet mi­nistr­lik­le­ri, şeý­le hem pu­dak­la­ýyn do­lan­dy­ryş eda­ra­la­ry, Aş­ga­bat şä­he­ri­niň we we­la­ýat­la­ryň hä­kim­lik­le­ri bi­len bi­le­lik­de “Türk­me­nis­ta­nyň 2022-nji ýyl üçin ma­ýa go­ýum Mak­sat­na­ma­sy­nyň” tas­la­ma­sy­nyň iş­le­nip taý­ýar­la­ny­lan­dy­gy ba­ra­da ha­bar ber­di. Bu mak­sat­na­ma­nyň çäk­le­rin­de “Hal­kyň Ar­ka­dag­ly za­ma­na­sy” şy­ga­ry as­tyn­da geç­ýän ýyl­da hal­ka­ra we se­bi­ta­ra äh­mi­ýet­li wa­jyp tas­la­ma­la­ryň, şol san­da Türk­me­nis­tan — Ow­ga­nys­tan — Pa­kis­tan — Hin­dis­tan gaz ge­çi­ri­ji­si­niň gur­lu­şy­gy, Türk­me­nis­tan — Ow­ga­nys­tan — Pa­kis­tan elekt­rik ge­çi­ri­ji ul­ga­my çek­mek iş­le­ri do­wam et­di­ri­ler. Şeý­le hem şu ýyl­da Ahal we­la­ýa­ty­nyň tä­ze, döw­re­bap eda­ra ediş mer­ke­zi­niň gur­lu­şy­gy­nyň bi­rin­ji tap­gy­ry­ny ta­mam­la­mak göz öňün­de tu­tul­ýar.

Ýur­du­my­zyň ila­ty­nyň ýa­şa­ýyş-dur­muş şert­le­ri­ni go­wu­lan­dyr­mak mak­sa­dy bi­len, ýa­şa­ýyş jaý­la­ry­nyň, sag­lyk öý­le­ri­niň we mer­kez­le­ri­niň, mek­dep­le­riň, ça­ga­lar bag­la­ry­nyň, ulag ýol­la­ry­nyň, suw, gaz we elekt­rik ge­çi­ri­ji­le­ri­niň, ara­gat­na­şyk ul­ga­my­nyň, şeý­le hem suw aras­sa­laý­jy des­ga­la­ryň gur­lu­şy­gy­na ägirt uly möç­ber­de ma­ýa go­ýum­la­r gö­nük­di­ri­ler.

Mil­li Li­de­ri­miz ha­sa­ba­ty diň­läp, Ber­ka­rar döw­le­ti­mi­ziň bag­ty­ýar­lyk döw­rü­niň äh­li mö­hüm baş­lan­gyç­la­ry­nyň üs­tün­lik­le­re bes­len­me­gin­de aý­ra­tyn äh­mi­ýe­ti bo­lan oý­la­ny­şyk­ly ma­ýa go­ýum sy­ýa­sa­ty­nyň wa­jyp­dy­gy­na ün­si çek­di. “Döw­let adam üçin­dir!” di­ýen şy­ga­ry baş ýö­rel­ge edin­ýän we dur­muş ul­ga­my­ny na­zar­la­ýan sy­ýa­sa­tyň ile­ri tu­tul­ýan ugur­la­ry­na la­ýyk­lyk­da, ma­ýa go­ýum se­riş­de­le­ri­niň uly möç­be­ri dur­muş ul­ga­my­nyň ös­dü­ril­me­gi­ne gö­nük­di­ril­me­li­dir.

Hor­mat­ly Pre­zi­den­ti­miz ýur­du­my­zyň ma­ýa go­ýum sy­ýa­sa­ty­ny mun­dan beý­läk-de ös­dür­mek mak­sa­dy bi­len, 2022-nji ýyl üçin iş­le­nip taý­ýar­la­ny­lan ma­ýa go­ýum mak­sat­na­ma­syn­da mil­li yk­dy­sa­dy­ýe­ti­mi­ziň äh­li pu­dak­la­ry­nyň gel­jek­ki ösü­şi­ni üp­jün et­jek çä­re­le­riň oňyn çöz­gü­di­niň öz be­ýa­ny­ny tap­ma­ly­dy­gy­ny aý­dyp, mak­sat­na­ma­ny ýe­ne bir ge­zek sel­jer­mek we ony gaý­ta­dan iş­le­mek ba­bat­da wi­se-prem­ýe­re anyk tab­şy­ryk­la­ry ber­di.

Hor­mat­ly Pre­zi­den­ti­miz Gurbanguly Berdimuhamedow Aw­to­mo­bil ýol­la­ry mi­nistr­li­gi­ni dö­ret­mek ha­kyn­da­ky tek­lip ba­ra­da aý­dyp, ýol gur­lu­şy­gy­ny do­lan­dyr­mak bo­ýun­ça tä­ze hö­kü­met eda­ra­sy­nyň ady­nyň ta­la­ba ­la­ýyk gel­me­ýän­di­gi­ni bel­le­di. Ýur­du­my­zyň Kons­ti­tu­si­ýa­sy­na la­ýyk­lyk­da, yk­dy­sa­dy­ýe­ti­miz ba­zar gat­na­şyk­la­ry­na gö­rä gu­ral­ýar.

Döw­le­ti­mi­zi ös­dür­mek bo­ýun­ça äh­li uzak ­möh­let­le­ýin me­ýil­na­ma­la­ry­myz hem bu ug­ra gö­nük­di­ri­len­dir. Şo­ňa gö­rä-de, ony Ýol gur­lu­şy­gy­ny do­lan­dyr­mak ba­ra­da­ky döw­let agent­li­gi di­ýip at­lan­dyr­sak mak­sa­da­la­ýyk bo­lar di­ýip pi­kir ed­ýä­rin. Şeý­le hem onuň Düz­gün­na­ma­syn­da ba­zar gat­na­şyk­la­ry­na de­giş­li äh­li ka­da­lar be­ýan edil­me­li­dir di­ýip, döw­let Baş­tu­ta­ny­myz bel­le­di.

Hor­mat­ly Pre­zi­den­ti­miz Gurbanguly Berdimuhamedow bu ugur­da taý­ýar­la­ny­lan äh­li res­mi­na­ma­la­ra gaý­ta­dan se­re­dip, ola­ry Mi­nistr­ler Ka­bi­ne­ti­niň in­di­ki mej­li­si­ne se­ret­mek üçin hö­dür­le­me­gi tab­şyr­dy.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ç.Gy­ly­jow dok­ma kär­ha­na­la­ry­nyň önüm­le­ri­niň brend ny­şan­la­ry­ny dö­ret­mek bo­ýun­ça al­nyp ba­ryl­ýan iş­ler ba­ra­da ha­sa­bat ber­di.

Wi­se-prem­ýer Türk­me­nis­tan­da dok­ma se­na­ga­ty­nyň ýo­ka­ry teh­no­lo­gi­ýa­ly kär­ha­na­la­ry­nyň işe gi­ri­zil­ýän­di­gi­ni, olar­da çy­ka­ryl­ýan ýo­ka­ry hil­li önüm­le­riň gör­nüş­le­ri­niň kö­pel­ýän­di­gi­ni aýt­dy. Ahal we­la­ýa­ty­nyň Ka­ka we Ba­ba­daý­han et­rap­la­ryn­da gur­lan döw­re­bap dok­ma top­lum­la­ryn­da ýo­ka­ry hil­li, dür­li gör­nüş­li ma­ta­lar do­ka­lyp, ola­ryň kuw­wat­ly­ly­gy de­giş­li­lik­de, 1 mil­li­on 200 müň sa­ny hem-de 3 mil­li­on 500 müň sa­ny taý­ýar ti­kin önüm­le­ri­ni ön­dür­mä­ge müm­kin­çi­lik ber­ýär. Eko­lo­gi­ýa taý­dan aras­sa bu önüm­ler içer­ki we da­şar­ky ba­zar­lar­da uly is­leg bil­di­ri­lip alyn­ýar. Hä­zir­ki wagt­da ýur­du­my­zyň dok­ma top­lum­la­ryn­da “Go­za”, “Wa­da”, “Be­dew”, “Nu­saý”, “Ga­la”, “Ar­wa­na”, “Bür­güt”, “Ýe­ňiş”, “Ak pa­myk” ha­ryt ny­şan­la­ry bi­len giň­den ta­nal­ýan önüm­ler ön­dü­ril­ýär.

Şu­nuň bi­len bag­ly­lyk­da, wi­se-prem­ýer ýur­du­my­zyň Dok­ma se­na­ga­ty mi­nistr­li­gi ta­ra­pyn­dan Ka­ka we Ba­ba­daý­han dok­ma top­lum­la­ry­nyň tä­ze önüm­le­ri­niň ha­ryt ny­şan­la­ry­nyň tek­lip edil­ýän gör­nüş­le­ri­niň tas­la­ma­sy­nyň iş­le­nip taý­ýar­la­ny­lan­dy­gy­ny aýt­dy we ola­ry mil­li Li­de­ri­mi­ze hö­dür­le­di.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, hä­zir­ki dö­wür­de öň­de­ba­ry­jy teh­no­lo­gi­ýa­la­ry, ýur­du­my­zyň we dün­ýä­niň iň go­wy tej­ri­be­si­ni ulan­ma­gyň ha­sa­by­na dok­ma se­na­ga­ty­nyň çalt dep­gin­ler bi­len ös­dü­ril­me­gi ne­ti­je­sin­de, ýur­du­my­zyň dok­ma önüm­le­ri­niň di­ňe bir içer­ki ba­zar­lar­da däl, eý­sem, da­şa­ry ýurt­lar­da hem bäs­deş­li­ge ukyp­ly­ly­gy­ny ýo­kar­lan­dyr­ýan­dy­gy­ny nyg­ta­dy.

Mil­li Li­de­ri­miz dok­ma önüm­le­ri­niň “Jeý­tun”, “Mä­ne” at­ly tä­ze ha­ryt ny­şan­la­ry­ny ma­kul­lap, türk­men di­zaý­ner­le­ri­niň içer­ki ba­za­ryň is­leg­le­ri­ni öw­ren­mek we ila­tyň möw­süm­le­ýin is­leg­le­rin­den ugur al­mak bi­len, egin-eşik­le­riň we beý­le­ki ha­ryt­la­ryň tä­ze gör­nüş­le­ri­ni iş­läp taý­ýar­la­ma­ly­dyk­la­ry­ny, önüm­çi­li­ge gi­riz­me­li­dik­le­ri­ni bel­le­di hem-de wi­se-prem­ýe­re bu ba­bat­da de­giş­li gör­kez­me­le­ri ber­di.

Ha­sa­ba­tyň do­wa­myn­da wi­se-prem­ýer giň hal­ka­ra jem­gy­ýet­çi­li­gi­ ýur­du­my­zyň dür­li pu­dak­lar­da ga­zan­ýan üs­tün­lik­le­ri bi­len ta­nyş­dyr­mak, da­şa­ry ýurt­lar bi­len öza­ra bäh­bit­li gat­na­şyk­la­ry mun­dan beý­läk-de ös­dür­mek, ýur­du­my­zyň yk­dy­sa­dy­ýe­ti­ne ma­ýa go­ýum­la­ry­, ýo­ka­ry teh­no­lo­gi­ýa­la­ry we in­no­wa­si­ýa­la­ry çek­mek mak­sa­dy bi­len, dür­li ser­gi­le­riň we mas­la­hat­la­ryň gu­ral­ýan­dy­gy­ny aýt­dy. Şu­nuň bi­len bag­ly­lyk­da, “Mi­nistr­lik­le­riň we pu­dak­la­ýyn do­lan­dy­ryş eda­ra­la­ryň 2022-nji ýyl­da ser­gi­le­ri, ýar­mar­ka­la­ry, mas­la­hat­la­ry we fes­ti­wal­la­ry ge­çir­me­gi ha­kyn­da­ky” Ka­ra­ryň tas­la­ma­sy döw­let Baş­tu­ta­ny­my­zyň ga­ra­ma­gy­na hö­dür­le­nil­di.

Hor­mat­ly Pre­zi­den­ti­miz Gurbanguly Berdimuhamedow bu ba­ra­da­ky gür­rü­ňi do­wam edip, ýur­du­my­zyň halk ho­ja­ly­gy­nyň äh­li pu­dak­la­ryn­da düýp­li öz­gert­me­le­riň ama­la aşy­ry­lan­dy­gy­ny, giň ge­rim­li iş­le­riň ge­çi­ri­len­di­gi­ni we uly üs­tün­lik­le­riň ga­za­ny­lan­dy­gy­ny nyg­ta­dy.

Mil­li Li­de­ri­miz ýur­du­myz­da ön­dü­ril­ýän önüm­le­ri has iş­jeň iler­let­mek üçin de­giş­li ma­ha­bat iş­le­ri­niň ze­rur­dy­gy­ny aý­dyp, 2022-nji ýyl­da me­ýil­leş­di­ri­len çä­re­le­riň äh­li­si­niň ýo­ka­ry gu­ra­ma­çy­lyk de­re­je­si­ni üp­jün et­me­gi we şu­nuň bi­len bag­ly­lyk­da, öza­ra bäh­bit­li gat­na­şyk­lar­dan ugur al­ma­gy tab­şyr­dy.

Hor­mat­ly Pre­zi­den­ti­miz de­giş­li res­mi­na­ma gol çe­kip we ony san­ly ul­gam ar­ka­ly wi­se-prem­ýe­re ibe­rip, çä­re­le­riň her bi­ri­niň örän äh­mi­ýet­li, ma­ny-maz­mun­ly bol­ma­ly­dy­gy­ny, ýur­du­myz­da dur­mu­şa ge­çi­ril­ýän, umu­ma­dam­zat yn­san­per­wer­lik ýö­rel­ge­le­ri­ne esas­lan­ýan oňyn sy­ýa­sa­tyň maz­mu­ny­ny açyp gör­kez­me­li­di­gi­ni nyg­ta­dy.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry M.Mäm­me­do­wa «Du­tar­çy bag­şy-sa­zan­da­la­ryň ara­syn­da «Çal­sa­na, bag­şy!» bäs­le­şi­gi­ni yg­lan et­mek bo­ýun­ça al­nyp ba­ryl­ýan iş­ler ba­ra­da ha­sa­bat ber­di.

ÝU­NES­KO-nyň Adam­za­dyň mad­dy däl me­de­ni mi­ra­sy­nyň gör­nük­li nus­ga­la­ry­nyň sa­na­wy­na gi­ri­zi­len du­tar ýa­sa­mak se­net­çi­li­gi­ni, du­tar­da saz çal­mak we bag­şy­çy­lyk sun­ga­ty­ny giň­den wa­gyz et­mek, ze­hin­li bag­şy-sa­zan­da­la­ry ýü­ze çy­kar­mak we ola­ry hö­wes­len­dir­mek mak­sa­dy bi­len, Türk­me­nis­ta­nyň Pre­zi­den­ti­niň “Türk­me­niň Al­tyn asy­ry” at­ly baý­ra­gy­ny al­mak ug­run­da­ky bäs­le­şi­gi­niň çäk­le­rin­de du­tar­çy bag­şy-sa­zan­da­la­ryň ara­syn­da “Çal­sa­na, bag­şy!” bäs­le­şi­gi­ni ge­çir­mek göz öňün­de tu­tul­ýar. Bäs­le­şi­gi 2022-nji ýy­lyň sent­ýabr aýyn­da jem­le­mek we ýe­ňi­ji­le­ri sy­lag­la­mak tek­lip edil­ýär.

Wi­se-prem­ýer döw­let Baş­tu­ta­ny­my­zyň ga­ra­ma­gy­na de­giş­li Ka­ra­ryň tas­la­ma­sy­ny hö­dür­le­di.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, mäh­ri­ban hal­ky­my­zyň ru­hy me­de­ni­ýe­ti­ni düýp­li öw­ren­mek we giň­den wa­gyz et­mek bo­ýun­ça ge­çi­ril­ýän iş­le­riň äh­mi­ýe­ti­ni bel­le­di. Şol me­de­ni­ýet bol­sa dün­ýä me­de­ni mi­ra­sy­nyň aý­ryl­maz bö­le­gi bo­lup dur­ýar.

Hal­ky­myz üçin saz dur­mu­şyň ma­ny­sy­dyr, gö­zel ýa­şaý­şy be­ýan et­me­giň mö­hüm gu­ra­ly­dyr. Hal­ky­myz ta­ry­hyň do­wa­myn­da 72 saz gu­ra­ly­ny dö­re­dip­dir. Hä­zir­ki dö­wür­de du­ta­ryň we gy­ja­gyň asyr­la­ryň jüm­mü­şi­ne äkid­ýän owa­zy­ny, ola­ryň saz­la­şy­gyn­dan dö­re­ýän aja­ýyp saz­la­ry diň­le­mek ýa­kym­ly­dyr. Bu saz gu­ral­la­ry­nyň joş­gun­ly owazy adam­la­ry be­ýik ýe­ňiş­le­re ruh­lan­dyr­ýar.

Biz paý­has­ly pe­der­le­ri­mi­ziň aja­ýyp sun­gat däp­le­ri­ni do­wam et­dir­me­li­di­ris, ös­dür­me­li­di­ris we ga­dy­my saz gu­ral­la­ry­my­zyň kö­pö­wüş­gin­li gör­nü­şi­ni di­kel­dip, gel­jek ne­sil­le­ri­mi­ze ýe­tir­me­li­di­ris. Şeý­le hem Ga­raş­syz­lyk ýyl­la­ry için­de mil­li saz gu­ral­la­ry­ny taý­ýar­la­mak hü­nä­ri tä­ze­den dö­räp, ol ze­hin­li us­sat­la­ryň yh­la­syn­dan döw­re­bap de­re­je­de di­kel­dil­ýär. Ola­ryň dö­re­di­ji­lik bäs­le­şik­le­ri­ne gat­naş­ma­gy hä­zir­ki döw­rüň mö­hüm ta­la­by bo­lup dur­ýar di­ýip, döw­let Baş­tu­ta­ny­myz sö­zü­ni do­wam et­di.

Hor­mat­ly Pre­zi­den­ti­miz Gurbanguly Berdimuhamedow ge­çi­ril­ýän bäs­le­şik­le­riň ugur­la­ry­ny we ge­ri­mi­ni gi­ňelt­mek, oňa ýaş­la­ry has iş­jeň çek­mek ba­bat­da de­giş­li tab­şy­ryk­la­ry ber­di. Dö­re­di­ji­lik bäs­le­şik­le­ri tä­ze ze­hin­le­ri ýü­ze çy­kar­ma­ga, ha­ly­pa­çy­lyk ýo­lu­ny ös­dür­mä­ge, ýaş ýe­ri­ne ýe­ti­ri­ji­le­riň dö­re­di­ji­lik göz­leg­le­ri­ni hö­wes­len­dir­mä­ge, ola­ry hal­ky­my­zyň ru­hy mi­ra­sy­na, baý saz me­de­ni­ýe­ti­ne çek­me­gi üp­jün et­mek ba­bat­da ze­rur müm­kin­çi­lik­le­ri dö­red­ýär.

Mil­li Li­de­ri­miz bu işiň mak­sa­da­la­ýyk we yzy­gi­der­li hä­si­ýe­te eýe bol­ma­gy­ny üp­jün et­me­giň hem-de dün­ýä jem­gy­ýet­çi­li­gi­ni türk­men hal­ky­nyň asyr­la­ryň jüm­mü­şin­den göz­baş al­ýan me­de­ni­ýe­ti bi­len ta­nyş­dyr­mak üçin äh­li müm­kin­çi­lik­ler­den giň­den peý­da­lan­ma­gyň wa­jyp­dy­gy­ny aý­dyp, bu ba­bat­da wi­se-prem­ýe­re anyk tab­şy­ryk­la­ry ber­di.

Döw­let Baş­tu­ta­ny­myz “Çal­sa­na, bag­şy!” bäs­le­şi­gi­ni yg­lan et­mek ha­kyn­da­ky” Ka­ra­ra gol çe­kip, ony san­ly ul­gam ar­ka­ly wi­se-prem­ýe­re iber­di hem-de onuň me­ýil­na­ma­sy­ny taý­ýar­la­mak we ýo­ka­ry gu­ra­ma­çy­lyk de­re­je­sin­de ge­çir­mek ba­ra­da de­giş­li gör­kez­me­le­ri ber­di.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry S.Toý­ly­ýew gö­zeg­çi­lik ed­ýän ul­gam­la­ryn­da al­nyp ba­ryl­ýan iş­le­riň ýag­da­ýy, hu­su­san-da, yl­myň dür­li ugur­la­ry bo­ýun­ça ýaş alym­la­ry taý­ýar­la­mak babatda al­nyp ba­ryl­ýan iş­ler ba­ra­da ha­sa­bat ber­di.

Mä­lim bol­şy ýa­ly, ylym ul­ga­my­ny ös­dür­mek, yl­my we in­tel­lek­tu­al kuw­wa­ty pug­ta­lan­dyr­mak, yl­myň dür­li ugur­la­ry bo­ýun­ça alym­la­ry we ýo­ka­ry de­re­je­li hü­när­men­le­ri taý­ýar­la­mak me­se­le­le­ri­ne döw­let de­re­je­sin­de mö­hüm äh­mi­ýet be­ril­ýär.

“Türk­me­nis­ta­nyň Pre­zi­den­ti­niň ýur­du­my­zy 2019 — 2025-nji ýyl­lar­da dur­muş-yk­dy­sa­dy taý­dan ös­dür­me­giň Mak­sat­na­ma­syn­da”, “Türk­me­nis­tan­da 2019 — 2025-nji ýyl­lar­da san­ly yk­dy­sa­dy­ýe­ti ös­dür­me­giň Kon­sep­si­ýa­syn­da” hem-de “Sag­lyk” Döw­let mak­sat­na­ma­syn­da öň­de goý­lan we­zi­pe­le­ri üs­tün­lik­li dur­mu­şa ge­çir­mek, şeý­le hem ylym ul­ga­my­nyň işi­ni mun­dan beý­läk-de kä­mil­leş­dir­mek, san­ly yk­dy­sa­dy­ýe­ti do­lan­dyr­mak, in­no­wa­si­on teh­no­lo­gi­ýa­lar­dan baş çy­kar­ýan hü­när­men­le­ri taý­ýar­la­mak, ýaş alym­la­ryň tä­ze nes­li­ni ke­ma­la ge­tir­mek mak­sa­dy bi­len, ýur­du­my­zyň de­giş­li mi­nistr­lik­le­ri we pu­dak­la­ýyn do­lan­dy­ryş eda­ra­la­ry bi­len bi­le­lik­de mak­sat­na­ma­la­ýyn iş­ler ge­çi­ril­ýär.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, ösü­şiň esa­sy gu­ra­ly hök­mün­de ylym-bi­lim ul­ga­my­nyň ok­gun­ly ösü­şi­ne mö­hüm äh­mi­ýet be­ril­ýän­di­gi­ni bel­le­di.

Döw­let Baş­tu­ta­ny­myz ägirt uly dö­re­di­ji­lik ze­hi­ni bo­lan ýaş alym­la­ryň taý­ýar­la­nyl­ma­gy­na top­lum­la­ýyn esas­da çe­me­leş­me­giň wa­jyp­dy­gy­na ün­si çe­kip, yl­my iş­le­ri hö­wes­len­dir­mek, hä­zir­ki za­ma­nyň has mö­hüm ugur­la­ryn­da, aý­ra­tyn-da, döw­le­ti­mi­ziň öňe sür­ýän hal­ka­ra baş­lan­gyç­la­ryn­da be­ýa­ny­ny tap­ýan luk­man­çy­lyk dip­lo­ma­ti­ýa­sy bo­ýun­ça ylym we teh­ni­ka pu­dak­la­ryn­da wa­jyp äh­mi­ýet­li, düýp­li hem-de yl­my-ama­ly bar­lag­la­ry ge­çir­mek üçin ze­rur şert­le­ri dö­ret­mek ba­bat­da wi­se-prem­ýe­re anyk tab­şy­ryk­la­ry ber­di.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, Döw­let howp­suz­lyk ge­ňe­şi­niň sek­re­ta­ry Ç.Ama­now gö­zeg­çi­lik ed­ýän ul­ga­myn­da­ky iş­le­riň ýag­da­ýy, şeý­le hem içe­ri iş­ler eda­ra­la­ry­nyň ila­ty pas­port­laş­dyr­mak hem-de ha­sa­ba al­mak bo­ýun­ça ge­çir­ýän iş­le­ri ba­ra­da ha­sa­bat ber­di.

Hä­zir­ki wagt­da hor­mat­ly Pre­zi­den­ti­mi­ziň de­giş­li Ka­ra­ry­nyň düz­gün­le­ri­ni ýe­ri­ne ýe­tir­mek mak­sa­dy bi­len, yzy­gi­der­li iş­ler al­nyp ba­ryl­ýar. Hu­su­san-da, bu ul­ga­my san­ly­laş­dyr­mak, öň­de­ba­ry­jy tej­ri­bä­ni or­naş­dyr­mak hem-de hä­zir­ki za­man teh­no­lo­gi­ýa­la­ry­ny peý­da­lan­mak bo­ýun­ça ne­ti­je­li çä­re­ler ge­çi­ril­ýär. Bu me­se­le­de ka­da­laş­dy­ry­jy-hu­kuk na­ma­la­ry­nyň sel­je­ril­me­gi­ne hem-de ola­ry kä­mil­leş­dir­mek bo­ýun­ça tek­lip­le­riň taý­ýar­la­nyl­ma­gy­na aý­ra­tyn üns be­ril­ýär.

Döw­let Baş­tu­ta­ny­myz Gurbanguly Berdimuhamedow ha­sa­ba­ty diň­läp, aw­to­mat­laş­dyr­ma­gyň ýö­ri­te mak­sat­na­ma­la­ýyn-teh­ni­ki se­riş­de­le­ri­ni iş­jeň ulan­mak esa­syn­da pas­port­la­ry res­mi­leş­dir­mek we ber­mek iş­le­ri­ni gu­ra­ma­gyň ne­ti­je­li ul­ga­my­ny dö­ret­mek hem-de ila­ty ha­sa­ba al­ma­gyň mer­kez­leş­di­ri­len san­ly ul­ga­my­ny he­re­ke­te gi­riz­mek bo­ýun­ça ama­la aşy­ryl­ýan iş­le­riň äh­mi­ýe­ti­ni bel­le­di. Şu­nuň bi­len bag­ly­lyk­da, mil­li Li­de­ri­miz bu ugur­da dün­ýä tej­ri­be­si­ni iç­gin öw­ren­me­giň hem-de de­giş­li res­mi­na­ma­la­ry döw­rüň ta­lap­la­ry­na we umu­my yk­rar edi­len hal­ka­ra hu­kuk ka­da­la­ry­na la­ýyk ge­tir­me­giň ze­rur­dy­gy­ny nyg­ta­dy.

16 ýa­şa ýe­ten ra­ýat­la­ra pas­port­la­ry gow­şur­mak da­ba­ra­ly ýag­daý­da ge­çi­ril­me­li­dir. Hor­mat­ly Pre­zi­den­ti­miz bu iş­le­riň türk­men döw­le­ti­niň bin­ýat­la­ry­nyň has-da ber­ki­dil­me­gi­ne, ýaş­la­ra ra­ýat­la­ryň hu­kuk­la­ry we azat­lyk­la­ry ba­ba­tyn­da ýur­du­my­zyň ka­nun­çy­ly­gy­nyň esa­sy ka­da­la­ry­nyň dü­şün­di­ril­me­gi­ne gö­nük­di­ril­me­li­di­gi­ni hem-de hu­kuk go­ra­ýyş iş­le­ri­niň ne­ti­je­li­li­gi­niň ýo­kar­lan­dy­ryl­ma­gy­na ýar­dam ber­me­li­di­gi­ni bel­läp, wi­se-prem­ýe­re, Döw­let howp­suz­lyk ge­ňe­şi­niň sek­re­ta­ry­na bir­nä­çe anyk tab­şy­ryk­la­ry ber­di.

Mi­nistr­ler Ka­bi­ne­ti­niň ýa­nyn­da­ky Ulag we kom­mu­ni­ka­si­ýa­lar agent­li­gi­niň Baş di­rek­to­ry M.Ça­ky­ýew döw­let Baş­tu­ta­ny­my­zyň tab­şy­ry­gy­na la­ýyk­lyk­da, Bal­kan we­la­ýa­ty­na bo­lan iş sa­pa­ry­nyň jem­le­ri ba­ra­da ha­sa­bat ber­di.

Iş sa­pa­ry­nyň do­wa­myn­da Ser­het­ýa­ka de­mir ýol men­zi­lin­de hem-de onuň çäk­le­rin­dä­ki de­giş­li gul­luk­lar­da bol­nan­dy­gy we ser­het ge­çel­ge­sin­den wa­gon­la­ry wagt­ly-wag­tyn­da ka­bul et­mek hem-de ug­rat­mak bo­ýun­ça iş­le­riň ýag­da­ýy bi­len tan­şy­lan­dy­gy ba­ra­da ha­sa­bat be­ril­di.

“De­mir­gazyk — Gü­nor­ta” hal­ka­ra de­mir ýol ge­çel­ge­sin­de ula­nyl­ýan tep­lo­woz­la­ryň sa­na­wy hem-de ola­ry ne­ti­je­li ulan­mak bo­ýun­ça gu­ra­ma­çy­lyk ýag­daý­la­ry öw­re­nil­di. Şu­nuň bi­len bag­ly­lyk­da, Be­re­ket — Ser­het­ýa­ka we Be­re­ket — Ak­ýaý­la de­mir ýol ara­lyk­la­ryn­da iş­le­ýän tep­lo­woz­la­ryň sa­ny art­dy­ryl­dy hem-de Ser­het­ýa­ka de­mir ýol men­zi­lin­de tep­lo­woz­la­ra we wa­gon­la­ra ýe­ňil abat­la­ýyş iş­le­ri­ni ge­çir­ýän, hyz­mat­la­ry ýe­ri­ne ýe­tir­ýän de­po­nyň işi ýo­la go­ýul­dy.

Mun­dan baş­ga-da, wa­gon­lar ka­bul edi­len­de we tab­şy­ry­lan­da, de­giş­li gul­luk­lar ta­ra­pyn­dan ýe­ri­ne ýe­ti­ril­ýän iş­le­riň wag­ty­ny azalt­mak üçin ola­ryň äh­li­si­niň işi­ni ýo­la goý­mak hem-de hal­ka­ra tej­ri­be­le­r­den ugur alyp, gö­zeg­çi­lik-ge­çi­riş ýer­le­rin­dä­ki iş­le­ri çalt­lan­dyr­mak me­se­le­le­ri­ne ga­ral­dy.

Şeý­le hem Be­re­ket de­mir ýol men­zi­li­niň wa­gon­la­ry paý­laý­jy par­ky­nyň işi bi­len tan­şyl­dy we bu stan­si­ýa­ goş­ma­ça iş­çi güý­jü­ni çek­me­giň müm­kin­çi­lik­le­ri öw­re­nil­di. Onuň ge­çi­ri­ji­lik uky­by­ny ýo­kar­lan­dyr­mak mak­sa­dy bi­len, kö­mek­çi de­mir ýol­la­ryň gur­lu­şy­gy­nyň tas­la­ma­la­ry­ny gys­ga möh­let­ler­de taý­ýar­la­mak tek­lip edil­ýär.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, Ýew­ro­pa­nyň, Ýa­kyn we Or­ta Gün­do­ga­ryň, Mer­ke­zi, Gü­nor­ta we Gü­nor­ta-Gün­do­gar Azi­ýa­nyň ba­zar­la­ry­na çy­kal­ga­la­ry aç­ýan “De­mir­ga­zyk — Gü­nor­ta” we “Gün­do­gar — Gün­ba­tar” hal­ka­ra ulag-üs­ta­şyr ge­çel­ge­le­ri­ni dö­ret­mek me­se­le­le­ri­ne mö­hüm äh­mi­ýet be­ril­ýän­di­gi­ni bel­le­di. Türk­me­nis­ta­nyň amat­ly çäk müm­kin­çi­lik­le­ri­ni na­za­ra alyp, bu ugur bo­ýun­ça ga­dy­my dö­wür­ler­de mö­hüm söw­da ýol­la­ry­nyň ge­çen­di­gi­ni we onuň dün­ýä ara­gat­na­şyk gi­ňiş­li­gi­niň mö­hüm bö­le­gi bo­lan­dy­gy­ny bel­le­mek ge­rek.

Tä­ze ta­ry­hy eý­ýam­da onuň yk­ly­müs­ti ulag ge­çel­ge­si hök­mün­dä­ki äh­mi­ýe­ti has-da art­dy. Soň­ky ýyl­lar­da de­mir ýol­la­ry­nyň ug­ry gi­ňel­di. Mun­dan baş­ga-da, hal­ka­ra ulag gat­naw­la­ry ös­dü­ril­di. Mu­nuň özi ýur­du­my­zyň içer­ki se­bit­le­ri­niň saz­la­şyk­ly ösü­şi­ne kuw­wat­ly iter­gi ber­di.

Mil­li Li­de­ri­miz ulag ul­ga­myn­da­ky öza­ra gat­na­şyk­la­ryň Türk­me­nis­ta­nyň dün­ýä bi­le­le­şi­gi­niň giň gol­da­wy­na eýe bo­lan oňyn baş­lan­gyç­la­ry­nyň ös­dü­ril­me­gi­ne gö­nük­di­ri­len­di­gi­ni aýt­dy. BMG-niň Baş As­samb­le­ýa­sy­nyň ýö­ri­te Ka­rar­na­ma­la­ry­nyň dör­dü­si­niň ka­bul edil­me­gi mu­nuň aý­dyň be­ýa­ny­dyr.

Dur­nuk­ly ösü­şiň mö­hüm gu­ra­ly hök­mün­de ulag ul­ga­my­nyň wa­jyp or­ny eýe­le­ýän­di­gi­ni na­za­ra ala­nyň­da, onuň tä­ze ba­zar­la­ra we önüm­çi­lik-söw­da ul­gam­la­ry­na giň ýol aç­ýan­dy­gy bel­lär­lik­li­dir. Türk­me­nis­tan hä­zir­ki pan­de­mi­ýa­dan soň­ky dö­wür­de ulag­la­ryň äh­li gör­nüş­le­ri­niň ara­syn­da­ky gat­na­şyk­la­ryň ber­ki­dil­me­gi ba­ra­da­ky hal­ka­ra baş­lan­gy­jy öňe sür­di di­ýip, mil­li Li­de­ri­miz bel­le­di.

Hor­mat­ly Pre­zi­den­ti­miz Gurbanguly Berdimuhamedow bu ba­ra­da­ky gür­rü­ňi do­wam edip, özü­niň çäk taý­dan amat­ly ýer­le­şiş ýag­da­ýy­ny ne­ti­je­li peý­da­la­nyp, Türk­me­nis­ta­nyň Ýew­ro­pa we Azi­ýa gi­ňiş­li­gin­de iri ulag-lo­gis­ti­ka mer­ke­zi­ne öw­rül­ýän­di­gi­ni aýt­dy. 2021-nji ýyl­da bi­ziň ýur­du­my­zyň çä­gin­den ge­çi­ri­len üs­ta­şyr ýük­le­riň 3,5 es­se ar­tan­dy­gy mu­nuň no­bat­da­ky be­ýa­ny­dyr.

Döw­let Baş­tu­ta­ny­myz hä­zir­ki dö­wür­de ýur­du­myz­da de­mir ýol ulag­la­ry dü­zü­mi­niň top­lum­la­ýyn ös­dü­ril­me­gi­ne we pu­da­gyň döw­re­bap­laş­dy­ryl­ma­gy­na mö­hüm äh­mi­ýet be­ril­ýän­di­gi­ni bel­läp, onuň işi­ni mun­dan beý­läk-de kä­mil­leş­dir­me­giň ze­rur­dy­gy­na we iş­le­riň ýo­ka­ry hil de­re­je­si­niň üp­jün edil­me­li­di­gi­ne ün­si çek­di.

Şu­nuň bi­len bag­ly­lyk­da, mil­li Li­de­ri­miz üs­ta­şyr ýük gat­naw­la­ry­nyň bök­denç­siz işi­ni üp­jün et­me­giň ze­rur­dy­gy ba­ra­da aý­dyp, bu ba­bat­da agent­li­giň ýol­baş­çy­sy­na bir­nä­çe anyk tab­şy­ryk­la­ry ber­di.

Soň­ra Mi­nistr­ler Ka­bi­ne­ti­niň ýa­nyn­da­ky Ulag we kom­mu­ni­ka­si­ýa­lar agent­li­gi­niň Baş di­rek­to­ry aw­to­bus ugur­la­ry­nyň açyl­ma­gy­nyň, üýt­ge­dil­me­gi­niň, ýa­pyl­ma­gy­nyň Ter­ti­bi­ni tas­syk­la­mak ha­kyn­da­ky Ka­ra­ryň tas­la­ma­sy ba­ra­da ha­sa­bat ber­di. Bu res­mi­na­ma hal­ky­my­zyň aw­tou­lag hyz­mat­la­ry­na bo­lan is­leg­le­ri­ni ka­na­gat­lan­dyr­mak, ýol he­re­ke­ti­niň howp­suz­ly­gy­nyň ta­lap­la­ry­ny üp­jün et­mek mak­sa­dy bi­len, “Aw­to­mo­bil ula­gy ha­kyn­da” Türk­me­nis­ta­nyň Ka­nu­nyn­dan ge­lip çyk­ýan we­zi­pe­ler na­za­ra al­nyp iş­le­nip taý­ýar­la­nyl­dy.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, aw­to­mo­bil ulag­la­ry­nyň işi­ne yzy­gi­der­li gö­zeg­çi­li­giň üp­jün edil­me­gi­ne, pu­da­gyň mad­dy-en­jam­la­ýyn bin­ýa­dy­nyň pug­ta­lan­dy­ryl­ma­gy­na, jem­gy­ýet­çi­lik ulag­la­ryn­da ýo­lag­çy­la­ra edil­ýän hyz­mat­la­ryň de­re­je­si­niň ýo­kar­lan­dy­ryl­ma­gy­na gö­nük­di­ri­len anyk iş­le­riň ama­la aşy­ryl­ma­ly­dy­gy­ny bel­le­di.

Döw­let Baş­tu­ta­ny­myz de­giş­li res­mi­na­ma gol çe­kip, ony san­ly ul­gam ar­ka­ly agent­li­giň ýol­baş­çy­sy­na iber­di we on­dan ge­lip çyk­ýan we­zi­pe­le­ri ýe­ri­ne ýe­tir­mek ba­bat­da anyk tab­şy­ryk­la­ry ber­di.

Mej­lis­de döw­let dur­mu­şy­nyň beý­le­ki kä­bir me­se­le­le­ri­ne hem ga­ral­dy we olar bo­ýun­ça de­giş­li çöz­güt­ler ka­bul edil­di.

Türkmenistanyň Prezidenti «Merkezi Aziýa — Hindistan» sammitine gatnaşdy

Aşgabat, 27-nji ýanwar (TDH). Şu gün hormatly Prezidentimiz Gurbanguly Berdimuhamedow Hindistan Respublikasynyň Premýer-ministri Narendra Modiniň çakylygy boýunça sanly ulgam arkaly geçirilen birinji “Merkezi Aziýa — Hindistan” sammitine gatnaşdy. 2022-nji ýylyň sebitiň döwletleri we Hindistan üçin şanly senä — diplomatik gatnaşyklaryň ýola goýulmagynyň 30 ýyllygyna beslenýändigi bellärliklidir.

Türkmenistan milli Liderimiziň baştutanlygynda oňyn Bitaraplyk, parahatçylyk söýüjilik, hoşniýetli goňşuçylyk we açyklyk ýörelgelerine esaslanýan daşary syýasy ugry durmuşa geçirmek bilen, dürli görnüşlerde netijeli sebitleýin hem-de halkara hyzmatdaşlygy ösdürmek ugrunda çykyş edýär. Şu maksat bilen, ýurdumyz söwda-ykdysady ulgamda özara bähbitli gatnaşyklary işjeňleşdirmek, medeni-ynsanperwer ulgamda netijeli hyzmatdaşlygy höweslendirmek boýunça anyk ädimleri ädýär, iri düzümleýin taslamalaryň başyny başlaýar we amala aşyrýar.

Türkmenistan bilen Hindistanyň arasyndaky gatnaşyklar barada aýdylanda bolsa, olaryň dostlukly, özara hormat goýmak hem-de ynanyşmak häsiýeti bilen tapawutlanýandygyny turuwbaşdan bellemek gerek. Hormatly Prezidentimiz Gurbanguly Berdimuhamedowyň 2010-njy ýylda bu ýurda bolan döwlet sapary türkmen-hindi hyzmatdaşlygynyň taryhynda möhüm tapgyra öwrüldi hem-de ähli ugurlar boýunça netijeli gatnaşyklary mundan beýläk-de ösdürmek üçin ygtybarly esas goýdy.

Häzirki döwürde däp bolan döwletara gatnaşyklar asyrlaryň jümmüşinden gözbaş alýan taryhy köklere hem-de taraplaryň hoşmeýilli erk-islegine daýanyp üstünlikli ösdürilýär, şol sanda köptaraplaýyn esasda, hususan-da, «Merkezi Aziýa — Hindistan» görnüşinde pugtalandyrylýar. Hormatly Prezidentimiz Gurbanguly Berdimuhamedowyň ýokary derejedäki şu duşuşyga gatnaşmagy hem munuň aýdyň subutnamasydyr. Bu duşuşyk sebit hem-de ikitaraplaýyn gatnaşyklary hil taýdan täze ösüş hem-de many-mazmun bilen baýlaşdyrmaga ýardam eder.

Sammitde sanly ulgam arkaly Merkezi Aziýa sebitiniň beýleki döwletleriniň Baştutanlary — Gazagystan Respublikasynyň Prezidenti Kasym-Žomart Tokaýew, Gyrgyz Respublikasynyň Prezidenti Sadyr Žaparow, Täjigistan Respublikasynyň Prezidenti Emomali Rahmon hem-de Özbegistan Respublikasynyň Prezidenti Şawkat Mirziýoýew hem gatnaşdylar. Sammitiň gün tertibine bar bolan ägirt uly kuwwaty hem-de uzak möhletli geljegi nazara almak bilen, netijeli hyzmatdaşlygyň ileri tutulýan meseleleri girizildi. Şunuň bilen birlikde, sebit we ählumumy meseleleriň wajyp ugurlary gyzyklanma bildirilip, ara alnyp maslahatlaşyldy.

Premýer-ministr Narendra Modi sammiti açyp, sebitiň ýurtlarynyň Liderleri bilen mähirli salamlaşdy we hemmelere şu duşuşyga gatnaşýandyklary üçin hoşallyk bildirip, Hindistan Respublikasynyň Merkezi Aziýa bilen netijeli hyzmatdaşlyga ygrarlydygyny tassyklady. Bellenilişi ýaly, Merkezi Aziýa sebiti Hindistanyň ýakynlaşmak we giň hoşniýetli goňşuçylyk gatnaşyklaryna garaýşynda möhüm orun eýeleýär. Şunuň bilen baglylykda, Hindistan bilen Merkezi Aziýanyň özara hyzmatdaşlygy sebit howpsuzlygyny we durnuklylygyny üpjün etmegiň möhüm şerti bolup durýar. Şu günki sammit döwletara gatnaşyklaryň netijeliligini has-da artdyrmalydyr. Munuň özi bolsa dürli derejelerde yzygiderli hyzmatdaşlyk üçin esasy üpjün eder.

Soňra Hindistanyň Hökümetiniň ýolbaşçysy ýokary derejedäki duşuşyga gatnaşyjylara söz berdi. Olar gutlag sözleri bilen çykyş etdiler.

Hormatly Prezidentimiz Hindistan Respublikasynyň Premýer-ministrine hem-de sebitiň döwlet Baştutanlaryna ýüzlenip, ozaly bilen, birinji «Merkezi Aziýa — Hindistan» sammitine çakylyk üçin minnetdarlyk bildirdi.

Şu ýyl Merkezi Aziýa ýurtlary we Hindistan üçin aýratyn ähmiýetli ýyldyr. 30 ýyl mundan ozal biziň döwletlerimiziň arasynda diplomatik gatnaşyklar ýola goýuldy diýip, milli Liderimiz Gurbanguly Berdimuhamedow nygtady.

Biziň halklarymyzyň köpasyrlyk gatnaşyklarynyň ösüşinde täze tapgyr başlandy. Biz bilelikde giňişleýin syýasy, söwda-ykdysady, medeni-ynsanperwer hyzmatdaşlygy ýola goýmaga girişdik diýip, döwlet Baştutanymyz sözüni dowam etdi. Şol ýyllarda hyzmatdaşlygyň saldamly hukuk binýady kemala geldi, dürli ugurlarda geňeşmeleri we iş bilen bagly gepleşikleri geçirmegiň netijeli usullary döredildi, Merkezi Aziýa ýurtlarynyň hem-de Hindistanyň dünýä giňişliginde alyp barýan hyzmatdaşlygynyň binýatlyk esaslary kesgitlenildi.

Hormatly Prezidentimiz Gurbanguly Berdimuhamedow 2022-nji ýylyň Hindistanyň Garaşsyzlygynyň şanly 75 ýyllyk ýubileýine beslenendigini belledi. Taryhy nukdaýnazardan alanyňda, bu gysga döwürde Hindistan asyrlara barabar şöhratly ýoly geçdi. Milli döwletlilik häzirki zaman görnüşinde dikeldildi, durmuş-ykdysady ösüşiň milli nusgasy döredildi, ägirt uly oňyn halkara tejribe toplanyldy.

Milli Liderimiziň nygtaýşy ýaly, Türkmenistan üçin Hindistan ýakyn dostdur we möhüm hyzmatdaşdyr. Hindistan Respublikasy ýurdumyzyň Garaşsyzlygyny dünýäde ilkinjileriň biri bolup ykrar eden döwletdir.

Türkmenistan Hindistanyň alyp barýan, bu ýurdy ählumumy meselelere bolan garaýşy boýunça tapawutlandyrýan netijeli we oýlanyşykly syýasatyna, onuň dünýäde eýeleýän uly hem-de möhüm ähmiýetli ornuna uly hormat goýmak bilen garaýar. Öz nobatymyzda, biz hem Hindistanyň, onuň ýolbaşçylarynyň hyzmatdaşlyk etmäge çalyşýandygyny we taýýardygyny, Türkmenistanyň saýlap alan içerki ösüş ýoluna hem-de alyp barýan bitarap daşary syýasy ugruna hormat goýýandygyny görýäris. Hormatly Prezidentimiz Gurbanguly Berdimuhamedow türkmen-hindi hyzmatdaşlygynyň açyklyk, deňhukuklylyk, ynanyşmak we özara bähbitlilik ruhunda alnyp barylýandygyny kanagatlanma bilen belläp, ikitaraplaýyn gatnaşyklaryň şeýle häsiýete eýe bolmagynyň iki ýurduň halklarynyň düýpli bähbitlerine laýyk gelýändigini aýtdy.

Döwlet Baştutanymyzyň belleýşi ýaly, birinji «Merkezi Aziýa — Hindistan» sammiti ýeňil bolmadyk şertlerde geçirilýär. Umumy halkara durnuksyzlyga pandemiýa howpy we beýleki wehimler hem goşuldy. Şoňa görä-de, häzirki wagtda parahatçylygyň we ösüşiň kepili hökmünde parahatçylygy, howpsuzlygy hem-de hyzmatdaşlygy üpjün etmek, netijeli gepleşikleriň we gatnaşyklaryň ugurlaryny ýola goýmak işinde tagallalaryň birleşdirilmegi örän wajypdyr. Şunuň bilen baglylykda, milli Liderimiz biziň ýurtlarymyzyň şol maksada ýetmek üçin şu görnüşdäki duşuşygyň mümkinçiliklerini ulanjakdygyna ynam bildirdi.

Hormatly Prezidentimiz Gurbanguly Berdimuhamedow daşary ýurtly kärdeşlerini Merkezi Aziýa döwletleriniň we Hindistanyň arasynda diplomatik gatnaşyklaryň ýola goýulmagynyň 30 ýyllygy hem-de sammitiň işiniň başlanmagy bilen gutlap, hemmelere ara alyp maslahatlaşmalaryň peýdaly we netijeli bolmagyny arzuw etdi.

Soňra sammit gatnaşyjy ýurtlaryň Liderleriniň çykyşlary bilen dowam etdi.

Hormatly Prezidentimiz çykyşynyň başynda şu duşuşygyň Merkezi Aziýa ýurtlarynyň we Hindistanyň arasyndaky gatnaşyklary täze sepgitlere çykarmaga ýardam berjekdigini belledi. Biziň ýurdumyz oňa düýplülik we anyklyk nukdaýnazaryndan, hyzmatdaşlygyň doly gerimli görnüşini döretmek ýolunda möhüm ädim hökmünde garaýar. Gürrüň biziň ýurtlarymyzyň taryhy taýdan esasly hem-de häzirki zamanda hakyky isleg bildirilýän gatnaşyklarynyň doly toplumyny ulgamlaşdyrmak, tertipleşdirmek we uzak möhletlilik häsiýetini bermek, durnuklylaşdyrmak işleriniň başlanýandygy barada bolup biler.

Şunuň bilen baglylykda, döwlet Baştutanymyz häzirki döwürde taraplarda şonuň üçin ähli mümkinçilikleriň bardygyna ynam bildirdi.

Biz halklarymyzyň düýpli gymmatlyklaryna we medeni ösüş babatda ýakynlygyna daýanýarys. Merkezi Aziýanyň hem-de Hindistanyň ägirt uly adam, senagat, tebigy we tehnologik mümkinçilikleri bar. Bu serişdeler dünýäniň häzirki hem-de geljekki gurluşynda biziň ykdysady täsirimizi we syýasy ähmiýetimizi berkitmelidir diýip, hormatly Prezidentimiz Gurbanguly Berdimuhamedow aýtdy. Şoňa görä-de, biziň aramyzda hyzmatdaşlygyň hakykatdan-da, berk, ynanyşykly hem-de özara bähbitli nusgalaryny we görnüşlerini ýola goýmak, umumy strategik maksatlary işläp düzmek, giň gerimli bilelikdäki taslamalary amala aşyrmaga çykmak möhüm ähmiýete eýe bolýar.

Şonuň esasy şertiniň berk hem-de uzak möhletleýin parahatçylyk, howpsuzlyk we durnuklylykdygy äşgärdir. Halkara ýagdaýyň dartgynlylaşýan, gapma-garşylyklaryň artýan, halkara hukugyň kadalarynyň ýoýulýan, kähalatlarda bolsa aç-açan äsgerilmeýän şertlerinde jogapkärçilik, pähim-parasat örän möhümdir. Emma, şunuň bilen birlikde, şol howply meýillere berk hem-de aýgytly garşy durmak, terrorçylyga, radikalizme we ekstremizme, guramaçylykly jenaýatçylyga garşy bilelikde göreşmek hem örän wajypdyr.

Biz berk hem-de uzak möhletli howpsuzlygy üpjün etmegiň, parahatçylygy we bähbitleriň deňagramlylygyny saklamagyň ýurtlarymyzyň strategik maksatlaryna laýyk gelýändiginden ugur alýarys diýip, milli Liderimiz sözüni dowam etdi. Şu şertlerde ylalaşyk we utgaşdyryş usullaryny döretmek, şol usullaryň çäklerinde möhüm meseleler boýunça wagtly-wagtynda ynanyşykly pikir alyşmak, şol meseleleriň umumy bähbitlere laýyk gelýän çözgütlerini teklip etmek kanunalaýyk hasaplanylýar. Munuň üçin daşary işler ministrleriniň duşuşyklaryny geçirmegiň gowy tejribesi ýola goýuldy. Şol duşuşyklaryň yzygiderli we wagtly-wagtynda dowam etdirilmegini goldaýarys.

Şunuň bilen baglylykda, hormatly Prezidentimiz Gurbanguly Berdimuhamedow «Merkezi Aziýa — Hindistan» sammitiniň Sekretariatynyň döredilmeginiň maksadalaýykdygyny hem-de «Merkezi Aziýa — Hindistan» Parlament forumy baradaky teklibiň oňyndygyny belledi. Döwlet Baştutanymyz howpsuzlyk boýunça geňeşçileriň derejesinde yzygiderli dialog geçirmek başlangyjynyň goldanylýandygyny aýdyp, hyzmatdaşlygyň şeýle köpugurly görnüşiniň döwletara syýasy gatnaşyklary giňeltmek üçin möhüm şert bolup biljekdigini nygtady.

Şunuň bilen baglylykda, milli Liderimiz häzir, täze howplaryň ýüze çykýan, harby-syýasy gapma-garşylyklaryň dartgynlylaşýan ýagdaýynda, dialogyň medeniýetini öňe sürmegiň, dünýä giňişliginde ynanyşmak we ediljek hereketleri öňünden aýan etmek ýagdaýyny döretmegiň möhüm ähmiýete eýe bolýandygyny aýratyn belledi.

Türkmenistan öz tagallalaryny şu maksada ýetmäge gönükdirýär. Başlangyç bilen çykyş edip, has takygy, halkara gatnaşyklaryň «Dialog — parahatçylygyň kepili» diýen täze filosofiýasyny hödürläp, biziň ýurdumyz ählumumy syýasy giňişlikde jogapkärçilikli we sagdyn güýçleriň ählisiniň birleşmegine umyt edýär. Elbetde, Merkezi Aziýa döwletleri we Hindistan tarapyndan biziň garaýşymyzyň goldaw tapjakdygyna berk ynanýarys diýip, hormatly Prezidentimiz Gurbanguly Berdimuhamedow aýtdy hem-de halkara guramalarda, ilki bilen, BMG-de ulgamlaýyn bilelikdäki işi ýola goýmak baradaky teklibi beýan etdi.

Soňra döwlet Baştutanymyz daşary ýurtly kärdeşlerine ýüzlenip, Merkezi Aziýa ýurtlarynyň hem-de Hindistanyň arasyndaky hyzmatdaşlygyň ykdysadyýetlerimiziň çalt ösmegini üpjün etmelidigini, netijeli ulag, energetika we tehnologiýa ulgamyny döretmelidigini nygtady. Şol ulgam bolsa biziň döwletlerimize bäsdeşlik artykmaçlygynyň we ählumumy ösüşe häzirki zaman derejesinde ýakynlaşmagyň kepili bolar.

Hindistan bilen sebitiň ýurtlarynyň arasynda söwda etmegiň we maýa goýumlary gönükdirmegiň häzirki derejesi öz hakyky mümkinçiliklerini amala aşyrmakdan uzakdadyr, bu ýagdaýy biz bilelikde düzetmelidiris diýip, milli Liderimiz aýtdy hem-de bu meselede «Merkezi Aziýa — Hindistan» işewürlik geňeşine aýratyn ornuň degişlidigini belledi. Onuň çäklerinde toplanan hyzmatdaşlyk tejribesini peýdalanmak we işjeňleşdirmek zerurdyr. Hormatly Prezidentimiz Gurbanguly Berdimuhamedow bular barada aýdyp, işewürlik geňeşine hyzmatdaşlygyň ugurlaryny anyklaşdyrmagy, ýakyn geljekde amala aşyrylmaly bilelikdäki taslamalara ünsi jemlemegi teklip etdi.

Şunuň bilen baglylykda, döwlet Baştutanymyz energetikany bilelikdäki tagallalary işjeňleşdirmegiň möhüm ugry hökmünde görkezdi. Baý tebigy serişdelere eýe bolan Merkezi Aziýa ýurtlary bu gün «Merkezi Aziýa — Hindistan» energetika köprüsini döretmegiň üstünde düýpli işlemäge ukyplydyr. Hususan-da, ýurdumyz häzirki döwürde öz hyzmatdaşlary bilen bilelikde giň gerimli energetika taslamasyny — Türkmenistan — Owganystan — Pakistan — Hindistan gaz geçirijisiniň gurluşygyny amala aşyrýar. Bu taslamanyň tutuş Ýewraziýa yklymy üçin ägirt uly geoykdysady we geosyýasy ähmiýeti hemmelere mälimdir. Türkmen tarapy hindistanly hyzmatdaşlar bilen elektrik energetikasy ulgamynda hyzmatdaşlyk etmek mümkinçiliklerini ara alyp maslahatlaşmaga-da taýýardyr.

Milli Liderimiz hyzmatdaşlygyň esasy ugurlarynyň biri bolan ulag ulgamy barada durup geçip, gürrüňiň, ozaly bilen, Merkezi Aziýanyň üsti bilen Hindi ummanyndaky deňiz terminallaryna çykýan Ýewraziýa ulag geçelgelerini döretmek barada barýandygyny belledi. Türkmenistan, aslynda, çäkleriniň üsti bilen Merkezi Aziýadan Pars aýlagyna çenli, şol ýerden hem Hindistana barýan ýeke-täk iň gysga ýol geçýän ýurt hökmünde bu ugra uly ähmiýet berýär.

Şeýle-de Özbegistan — Türkmenistan — Eýran — Oman — Katar ulag geçelgesiniň taslamasyna möhüm ähmiýet berilýär. Mälim bolşy ýaly, Hindistan bu taslama resmi taýdan goşuldy. Bu bolsa taslama gatnaşyjylar üçin goşmaça giň mümkinçilikleri döredýär.

Hindistanyň hem-de Merkezi Aziýanyň arasynda harytlary we hyzmatlary erkin geçirmek meselelerini çözmek maksady bilen, ýurdumyz hindi tarapynyň Çabahar portuny Demirgazyk — Günorta halkara ulag geçelgesiniň düzümine goşmak hem-de degişli bilelikdäki Iş toparyny döretmek hakyndaky tekliplerini goldaýar. Şunuň bilen baglylykda, hormatly Prezidentimiz Gurbanguly Berdimuhamedow Türkmenbaşy Halkara deňiz portuny bu üstaşyr ugra goşmak baradaky meselä seretmegi teklip etdi.

Biziň ýurtlarymyzyň ýöriteleşdirilen milli edaralarynyň, şol sanda maliýe ulgamyna, energiýanyň gaýtadan dikeldilýän çeşmeleri, maglumat, sanly we beýleki öňdebaryjy tehnologiýa ulgamlaryna degişli edaralarynyň arasynda hyzmatdaşlygy ýola goýmak hem möhüm bolup durýar. Türkmenistan bilim ulgamynda, hususan-da, Tehniki we ykdysady hyzmatdaşlyk boýunça hindi maksatnamasynyň hem-de Medeni aragatnaşyklar boýunça hindi geňeşiniň ugurlary boýunça alnyp barylýan hyzmatdaşlyga ýokary baha berýär.

Biziň ýurtlarymyzyň arasynda lukmançylyk ulgamynda uly tejribe toplanyldy. Şol tejribä daýanyp, biz şu gün dünýä bileleşiginiň öňünde duran wezipeleri bilelikde çözüp bileris diýip, milli Liderimiz belledi. Olaryň biri hem koronawirus ýokanjynyň pandemiýasyna garşy göreş alyp barmakdan ybaratdyr. Soňky iki ýylyň dowamynda Türkmenistan dürli halkara forumlaryň we guramalaryň çäklerinde birnäçe anyk başlangyçlar bilen çykyş etdi. Şolar lukmançylyk diplomatiýasyny ösdürmäge, koronawirusyň ýaýramak howpuna garşy göreşmekde halkara tagallalary birleşdirmäge gönükdirilendir.

Şunuň bilen baglylykda, hormatly Prezidentimiz Gurbanguly Berdimuhamedow «Merkezi Aziýa — Hindistan» lukmançylyk assosiasiýasyny döretmek meselesine seretmek baradaky meselä garamagy teklip etdi. Ýokanç kesellere garşy göreşmek şol assosiasiýanyň esasy maksatlarynyň biri bolup biler.

Döwlet Baştutanymyz medeni-ynsanperwer ugurlarda özara hyzmatdaşlygyň giňeldilmegine halklarymyzyň hoşniýetli goňşuçylygy berkitmek, ýakynlaşmak we özara düşünişmek mümkinçiligi hökmünde garalýandygyny nygtap, şu ýubileý ýylynda ýurtlarymyzyň şäherlerinde bilelikdäki medeni çäreleriň tapgyryny guramagy teklip etdi.

Merkezi Aziýanyň Garaşsyz döwletleri bilen Hindistan Respublikasynyň arasynda şu ýyl 30 ýyllygy bellenilýän diplomatik gatnaşyklaryň ýola goýulmagy biziň gatnaşyklarymyzyň köpasyrlyk taryhynyň täze tapgyrynyň başyny başlady. Şu ýubileý şol gatnaşyklaryň many-mazmunyna düşünmäge, häzirki zaman ählumumy ösüş ruhunda täze häsiýetnamalar we öwüşginler bilen baýlaşdyrmaga gowy mümkinçilik berýär diýip, milli Liderimiz aýtdy.

Hormatly Prezidentimiz Gurbanguly Berdimuhamedow çykyşynyň ahyrynda şu duşuşygyň mundan beýläk-de özara gatnaşyklar, garaýyşlaryň hem-de çemeleşmeleriň ýakynlaşmagy, hyzmatdaşlygyň täze sepgitlerine tarap bilelikde öňe gitmek üçin dogry ugurlary görkezjekdigine ynam bildirip, Merkezi Aziýa döwletleriniň we Hindistanyň ýolbaşçylaryny hem-de halklaryny bu şanly sene bilen ýene-de bir gezek gutlady we hemmelere parahatçylyk, abadançylyk hem-de gülläp ösüş arzuw etdi.

Döwlet Baştutanymyzyň çykyşy uly üns we gyzyklanma bildirilip diňlenildi.

Sammitiň barşynda Merkezi Aziýanyň beýleki döwletleriniň Baştutanlary hem çykyş etdiler. Olar şu günki duşuşygyň netijeliligini nygtadylar. Gazanylan ylalaşyklar, şol sanda daşary syýasy, ykdysady we beýleki edaralaryň derejesinde yzygiderli gatnaşyklary ýola goýmak, bilelikdäki ugurdaş düzümleri döretmek baradaky ylalaşyklar munuň aýdyň subutnamasydyr.

Premýer-ministr Narendra Modi jemleýji sözünde sebitiň ýurtlarynyň Liderlerine çuň manyly çykyşlary üçin hoşallyk bildirdi. Şol çykyşlarda “Merkezi Aziýa — Hindistan” görnüşinde özara bähbitli köpugurly hyzmatdaşlygy işjeňleşdirmek boýunça anyk teklipler we başlangyçlar beýan edildi.

Hormatly Prezidentimiz Gurbanguly Berdimuhamedow Watan goragçylarynyň güni mynasybetli çärelere gatnaşdy

Aşgabat, 27-nji ýanwar (TDH). Şu gün ýurdumyzyň Goranmak ministrliginiň Merkezi serkerdeler öýünde Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedowyň gatnaşmagynda dabaraly maslahat geçirildi. Onuň dowamynda ýurdumyzyň harby we hukuk goraýjy edaralarynyň şahsy düzümleriniň has tapawutlanan serkerdelerine döwlet sylaglarynyň, harby derejeleriň gowşurylyş dabarasy boldy.

Döwlet Baştutanymyz ir bilen Watan goragçylarynyň güni mynasybetli geçirilýän dabara gatnaşmak üçin Merkezi serkerdeler öýüne geldi.

Bu ýerde Ministrler Kabinetiniň Başlygynyň orunbasary, Döwlet howpsuzlyk geňeşiniň sekretary Ç.Amanow ýurdumyzyň harby we hukuk goraýjy edaralarynyň ýolbaşçylarynyň hem-de harby gullukçylaryň gatnaşmagynda geçirilýän dabaraly maslahatyň taýýarlyk derejesi barada hasabat berdi.

Hormatly Prezidentimiz Gurbanguly Berdimuhamedow harby we hukuk goraýjy edaralaryň, aýratyn-da, edermen Watan goragçylarynyň alyp barýan işleriniň ýurdumyzda asudalygy, halkymyzyň bagtyýar durmuşyny üpjün etmekde möhüm orun eýeleýändigine ünsi çekdi hem-de bu çärä gatnaşýanlary milli senenamamyzda möhüm orun eýeleýän Watan goragçylarynyň güni mynasybetli tüýs ýürekden gutlady.

Ýurdumyzyň Ýaragly Güýçleriniň Belent Serkerdebaşysy her ýylyň 27-nji ýanwarynda mukaddes baýramyň — Watan goragçylarynyň gününiň dabaraly bellenip geçilýändigini aýtdy.

Döwlet Baştutanymyz bu baýramyň ýurdumyzyň harby we hukuk goraýjy edaralarynyň merdana harby gullukçylaryna we işgärlerine bildirilýän uly ynamyň, çäksiz hormatyň, olar hakda edilýän aladalaryň aýdyň subutnamasydygyny nygtady.

Garaşsyzlyk ýyllarynda berkarar döwletimizde asyrlara barabar işler amala aşyryldy. Ýurdumyzyň ykdysadyýetiniň ähli pudaklarynda, ylym-bilim, medeniýet hem-de sungat, saglygy goraýyş ulgamlarynda, hukuk, demokratik we dünýewi döwleti hem-de raýat jemgyýetini berkarar etmekde, hemişelik Bitarap döwletimiziň halkara abraýyny ýokarlandyrmakda uly sepgitlere ýetildi.

Biz halkara gatnaşyklarda hemişelik Bitaraplyk hukuk ýagdaýyna berk eýerip, dünýäniň döwletleri we halklary bilen dostlukly, hoşniýetli goňşuçylyk gatnaşyklaryny alyp barýarys. Bu kadalar mähriban halkymyzyň milli bähbitlerine, Bitarap döwletimiziň daşary syýasy ugurlaryna doly laýyk gelýär. Şu maksatlara esaslanyp kabul edilen, döwletimiziň harby howpsuzlygyny we çäk bitewüligini üpjün etmegiň harby-syýasy, harby-ykdysady we harby-strategik esaslaryny kesgitleýän Harby doktrinamyz hem goranyş häsiýetine eýedir diýip, milli Liderimiz sözüni dowam etdi.

Döwlet Baştutanymyz Garaşsyzlygyň geçen 30 ýylynda goranyş häsiýetli Harby doktrinamyza laýyklykda, harby we hukuk goraýjy edaralaryň düzüminiň düýpli kämilleşdirilendigini, Ýaragly Güýçlerimiziň Guryýer goşunlarynyň, Harby-howa güýçleriniň we Howa hüjüminden goranmak goşunlarynyň, Harby-deňiz güýçleriniň binýadynyň tutulandygyny belledi.

Olary häzirki zamanyň iň kämil söweşjeň ýaraglary, harby we ýörite tehnikalary bilen üpjün etmek işine aýratyn üns berildi. Muny Milli goşunymyzyň harby kuwwatynyň we harby gullukçylaryň söweşjeň ussatlygynyň gözden geçirilişine öwrülen görkezme söweşjeň-taktiki tälimler hem-de mukaddes Garaşsyzlygymyzyň baýramy mynasybetli geçirilýän dabaraly harby ýörişler aýdyň subut edýär. Geçirilen dabaraly harby ýörişlere siziň özüňiz hem gatnaşdyňyz diýip, döwlet Baştutanymyz sözüni dowam etdi.

Hormatly Prezidentimiz Garaşsyzlyk ýyllarynda Watan goragçylarynyň ata Watanymyzyň öňünde bitiren hyzmatlaryna, köp ýyllaryň dowamynda çeken halal zähmetine mynasyp baha bermek üçin birnäçe döwlet sylaglarynyň döredilendigini belläp, her ýylda Watan goragçylarynyň döwlet sylaglary bilen sylaglanýandygyny, olara harby we ýörite atlaryň dakylýandygyny, hünär derejeleriniň berilýändigini aýtdy.

Garaşsyzlyk ýyllarynda Watan goragçylarynyň hem-de olaryň maşgala agzalarynyň ýaşaýyş-durmuş, gulluk we iş şertlerini yzygiderli gowulandyrmak boýunça hem uly işler durmuşa geçirildi. Şu gün düýbi tutulýan harby mekdebiň täze, döwrebap binalary hem-de şu günki baýram mynasybetli açylyp, ulanmaga berilýän harby we hukuk goraýjy edaralara degişli binalar, desgalar we ýaşaýyş jaýlary hem munuň ýene-de bir aýdyň mysalydyr. Biz bu işleri, elbetde, mundan beýläk-de yzygiderli dowam ederis diýip, milli Liderimiz belledi.

Döwlet Baştutanymyz mähriban Watanymyza wepaly gulluk edip, onuň Garaşsyzlygyny, özygtyýarlylygyny, çäk bitewüligini we konstitusion gurluşyny ygtybarly goramagyň, kanunçylygy üpjün etmegiň, adamyň hem-de raýatyň hukuklaryny, azatlyklaryny, kanuny bähbitlerini, şeýle hem jemgyýetiň we döwletiň bähbitlerini goramagyň Watan goragçylarynyň mukaddes borjudygyny nygtady.

Ýurdumyzyň Ýaragly Güýçleriniň Belent Serkerdebaşysy harby gullukçylaryň belent borjy hemişe päk ýürek bilen ýerine ýetirjekdiklerine, Watana wepalylygyň beýik nusgasyny görkezjekdiklerine, türkmen halkynyň watansöýüjilik, edermenlik, gaýduwsyzlyk we mertlik ýaly asylly häsiýetlerini berkitmekde ukyp-başarnyklaryny gaýgyrmajakdyklaryna ynam bildirdi.

Döwlet Baştutanymyz Watan goragçylarynyň güni mynasybetli harby we hukuk goraýjy edaralaryň harby gullukçylaryny hem-de işgärlerini döwlet sylaglary bilen sylaglamak, olara harby we ýörite atlary dakmak, hünär derejelerini bermek barada Permanlara gol çekendigini belledi.

Permany okamak üçin Ministrler Kabinetiniň Başlygynyň orunbasary, Döwlet howpsuzlyk geňeşiniň sekretary Ç.Amanowa söz berildi, ol ýurdumyzyň harby we hukuk goraýjy edaralarynyň ýolbaşçylarynyň hem-de şahsy düzümleriniň adyndan hormatly Prezidentimizi Watan goragçylarynyň güni bilen tüýs ýürekden gutlady. Şeýle hem ol gol çeken Permanlary üçin döwlet Baştutanymyza tüýs ýürekden sagbolsun aýtdy.

Wise-premýer, Döwlet howpsuzlyk geňeşiniň sekretary “Halkyň Arkadagly zamanasy” diýlip yglan edilen 2022-nji ýylyň ilkinji aýynyň toýa beslenmeginiň we Türkmenistanyň Ýaragly Güýçleriniň Belent Serkerdebaşysynyň parasatly baştutanlygynda durmuşa geçirilýän giň gerimli harby özgertmeleriň netijesinde Goranmak ministrliginiň Berdimuhamet Annaýew adyndaky 1-nji ýöriteleşdirilen harby mekdebiniň binalar toplumynyň dabaraly ýagdaýda düýbüniň tutulmagynyň Diýarymyzyň durmuşyndaky möhüm ähmiýetli wakalara utgaşýandygyny nygtady.

Şeýle hem wise-premýer, Döwlet howpsuzlyk geňeşiniň sekretary milli Liderimize Watan goragçylary hakynda edýän aladasy üçin harby we hukuk goraýjy edaralaryň şahsy düzümleriniň adyndan tüýs ýürekden hoşallyk sözlerini beýan etdi.

Harby gullukçylar mynasyp bolan ýokary döwlet sylaglaryny we nobatdaky harby derejeleriň nyşanlaryny ýüzüne sylyp kabul etdiler hem-de mähriban Watanymyza, halkymyza we ýurdumyzyň Ýaragly Güýçleriniň Belent Serkerdebaşysyna ak ýürekden wepaly gulluk etjekdikleri baradaky harby kasamy ýerine ýetirdiler.

Ministrler Kabinetiniň Başlygynyň orunbasary, Döwlet howpsuzlyk geňeşiniň sekretary Ç.Amanow döwlet Baştutanymyzdan Berdimuhamet Annaýew adyndaky harby mekdebiň täze binasynyň düýbüni tutmak üçin ýörite guta ýerleşdirilýän ýadygärlik senenama gol çekip bermegi haýyş etdi.

Hormatly Prezidentimiz Gurbanguly Berdimuhamedow haýyşy kabul edip, ýurdumyzyň harby we hukuk goraýjy edaralarynyň ýolbaşçylaryna Watan goragçylarynyň güni mynasybetli ýokary döwlet sylaglaryna we nobatdaky harby derejelere mynasyp bolan harby gullukçylara degişli sylaglary we nyşanlary dabaraly ýagdaýda gowşurmagy tabşyrdy.

Milli Liderimiz harby gullukçylaryň durmuşynda möhüm ähmiýeti bolan döwlet sylaglarynyň we harby derejeleriň gowşurylyş çäresiniň ýokary guramaçylyk derejesiniň üpjün edilmelidigini, bu çäre mynasybetli guralýan dabaranyň harby gullukçylar üçin ýatda galyjy pursatlara beslenmelidigini belledi. Munuň özi ýurdumyzyň harby we hukuk goraýjy edaralarynyň serkerdelerini hem-de şahsy düzümlerini mundan beýläk-de ak ýürekden gulluk etmäge we alyp barýan gulluklarynda belent sepgitleri eýelemäge ruhlandyrar.

Soňra Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedow döwlet sylaglaryna, harby we ýörite atlara hem-de hünär derejelerine mynasyp bolan harby gullukçylary we işgärleri ýene-de bir gezek tüýs ýürekden gutlady.

Şeýle hem döwlet Baştutanymyz Watan goragçylarynyň güni bilen dabara gatnaşyjylary, harby we hukuk goraýjy edaralaryň ähli harby gullukçylaryny hem-de işgärlerini ýene-de bir gezek mukaddes baýram bilen gutlap, hemmelere berk jan saglyk, rowaçlyk, halkymyzyň asuda we bagtyýar durmuşda ýaşamagy ugrunda alyp barýan jogapkärli gulluklarynda uly üstünlikleri, maşgala abadançylygyny arzuw etdi.

Soňra Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedow bu ýerden harby mekdebiň täze binasynyň düýbüni tutmak dabarasynyň geçirilýän ýerine ugrady. Ýurdumyzda giňden we uly dabaralar bilen bellenilýän Watan goragçylarynyň güni halkymyzyň bagtyýar durmuşynyň, ýurdumyzyň asudalygynyň goragynda durýan harby gullukçylaryň asylly işlerine döwlet derejesinde ähmiýet berilýändigini aňladýar.

Dabaranyň geçirilýän ýerinde belent owaza beslenen aýdym-sazlaryň ýaňlanmagy harby orkestriň joşgunly çykyşy watançylyk, gahrymançylyk hakyndaky aýdymlar bilen utgaşyp, dabara özboluşly baýramçylyk öwüşginini çaýýar.

Döwlet Baştutanymyz harby gullukçylardan ybarat orkestriň sazandalarynyň ýanyna baryp, olaryň döredijiliginiň, watançylyk aýdymlarynyň harby gullukçylary belent sepgitlere ruhlandyrmakda möhüm ähmiýetiniň bardygyny belledi.

Alp Arslan, Görogly beg, Seýitnazar Seýdi, Şükür bagşy ýaly taryhda yz goýan serkerdeler we gerçekler watansöýüjiligiň, gahrymançylygyň belent nusgasyny görkezip, hemişe parahatçylygyň, asudalygyň goragynda bolupdyr. Olaryň watansöýüjilik ýörelgeleri jadyly sungat hasaplanylýan saz bilen utgaşykly bolupdyr. Munuň özi taryhyň dürli döwürlerinde türkmen topragynda parahatçylyga, aýdym-saza aýratyn gadyr goýlandygyny aňladýar we türkmen halkynyň milli saz diplomatiýasyny döredendigini dünýä aýan edýär diýip, milli Liderimiz belledi hem-de harby orkestriň agzalaryna üstünlik arzuw etdi.

Döwlet Baştutanymyz bu ýerde ýurdumyzyň Goranmak ministrliginiň Berdimuhamet Annaýew adyndaky 1-nji ýöriteleşdirilen harby mekdebiniň binalar toplumy, onuň desgalarynyň ýerleşdirilişi we enjamlaşdyrylyşy barada giňişleýin maglumat berýän taslamalary bilen tanyşdy.

Döwlet Baştutanymyz görkezilen taslamalara birnäçe bellikleri aýtdy we degişli düzedişleri girizdi. Hormatly Prezidentimiz desgalaryň gurluşygynda milli binagärlik ýörelgeleri bilen häzirki zamanyň ösen tejribeleriniň utgaşdyrylmagynyň, toplumyň desgalarynyň täzeçil usulda we sanly ulgam bilen enjamlaşdyrylmagynyň, gurluşyk işleriniň ýokary hil derejesiniň üpjün edilmeginiň we bellenilen möhletde gurlup gutarylmagynyň möhüm talapdygyny belläp, bu babatda anyk tabşyryklary berdi.

Soňra dabara gatnaşýan ýaş nesilleriň wekilleri döwlet Baştutanymyzdan binalar toplumynyň düýbüniň tutulmagyna ak pata bermegini hem-de bu waka mynasybetli ýadygärlik senenama ýerleşdirilen gutyny binanyň düýbüne atmagyny haýyş etdiler.

Ýurdumyzyň Ýaragly Güýçleriniň Belent Serkerdebaşysy gutyny binanyň düýbüne oklady we täze desgalar toplumynyň binýadyna ilkinji beton garyndysyny atdy. Munuň özi tutuş ýurdumyz, aýratyn-da, ýaş nesiller üçin ähmiýetli asylly işlere halkymyzyň asyrlar aşyp gelýän ýagşy dessurlary esasynda ak pata berilýändiginiň aýdyň beýanyna öwrüldi.