Hor­mat­ly Pre­zi­den­ti­miz Ser­dar Berdimuhamedowyň Sa­ud Ara­bys­ta­ny Pa­ty­şa­ly­gy­na sa­pa­ry ta­mam­lan­dy 

 Jid­da — Me­di­ne — Aş­ga­bat, 2-nji iýun (TDH). Şu gün hor­mat­ly Pre­zi­den­ti­miz Ser­dar Berdimuhamedow Sa­ud Ara­bys­ta­ny Pa­ty­şa­ly­gy­na sa­pa­ry­nyň çäk­le­rin­de Me­di­ne şä­he­ri­ne bar­dy. 

Ozal ha­bar ber­li­şi ýa­ly, düýn döw­let Baş­tu­ta­ny­myz mu­kad­des Mek­ge şä­he­ri­ne — Mu­ham­met py­gam­be­riň Wa­ta­ny­na um­ra ha­jy­na bar­ýan äh­li zy­ýa­rat­çy­la­ryň ber­jaý et­me­li des­sur­la­ry­ny ýe­ri­ne ýe­tir­di. Şu ýer­de ýe­ne-de bir mö­hüm wa­ka­ny bel­läp geç­mek ýer­lik­li bo­lar. Iýun aýy­nyň 1-in­den 2-si­ne ge­çil­ýän gi­je­de, Ar­ka­dag­ly Ser­da­ry­my­zyň zy­ýa­ra­ty wag­tyn­da mu­kad­des Kä­bä­niň — Al­la­ta­ga­la­nyň öýü­niň ke­ra­mat­ly ör­tü­gi ser­pi­lip, mü­bä­rek ga­py­la­ry açyl­dy we onuň için­de na­maz oka­mak üçin örän seý­rek müm­kin­çi­lik dö­re­dil­di. Şeý­le-de hor­mat­ly Pre­zi­den­ti­miz Ser­dar Berdimuhamedowa mu­kad­des Kä­be­den ke­ra­mat­ly ny­şan ha­sap­lan­ýan te­per­rik gow­şu­ryl­dy. 

Hal­ky­my­zyň ta­ry­hyn­da şeý­le aý­ra­tyn müm­kin­çi­lik il­kin­ji ge­zek 2016-njy ýy­lyň maý aýyn­da ha­jy Ar­ka­da­gy­my­zyň mu­kad­des Kä­bä zy­ýa­ra­ty wag­tyn­da dö­re­dil­di. Hä­zir­ki wa­ka bol­sa Sa­ud Ara­bys­ta­ny Pa­ty­şa­ly­gyn­da türk­men hal­ky­na, Ga­raş­syz, he­mi­şe­lik Bi­ta­rap döw­le­ti­mi­ze, hor­mat­ly Pre­zi­den­ti­mi­z Ser­dar Berdimuhamedowa, ýur­du­my­zyň Mil­li Ge­ňe­şi­niň Halk Mas­la­ha­ty­nyň Baş­ly­gy Gurbanguly Berdimuhamedowa bil­di­ril­ýän çuň­ňur hor­mat-sar­pa­nyň no­bat­da­ky güwäsi bol­dy. 

Ir­den hor­mat­ly Pre­zi­den­ti­miz Mek­ge­den Jid­da şä­he­ri­ne gel­di. Pa­ty­şa Ab­du­la­ziz adyn­da­ky Hal­ka­ra ho­wa men­zi­lin­den döw­let Baş­tu­ta­ny­my­zyň uça­ry mu­sul­man­lar üçin äh­mi­ýe­ti bo­ýun­ça ikin­ji şä­he­re — Me­di­nä ug­ra­dy. 

Mu­ham­met py­gam­ber bi­ziň eý­ýa­my­my­zyň 622-nji ýy­lyn­da Mek­ge­den hij­ret eden­den, ýag­ny gö­çen­den soň­ra, Me­di­ne­de ýa­şa­ýar we ys­lam di­ni­ni wa­gyz ed­ýär. Mu­sul­man­la­ryň hij­ri ýyl ha­sa­by hem öz göz­ba­şy­ny şol se­ne­den alyp gaýd­ýar. Bu ýer­de py­gam­be­ri­miz öz sa­ha­ba­la­ry­ny da­şy­na jem­läp, se­kiz ýyl­dan soň­ra, ýe­ňiş bi­len ýe­ne Mek­gä do­la­nyp bar­ýar. Me­di­ne şä­he­ri adam­zat ta­ry­hyn­da il­kin­ji mu­sul­man döw­le­ti­niň paý­tag­ty bo­lup, ys­lam di­ni bu ýer­den tu­tuş dün­ýä ýaý­ra­ýar. 

…...Bir sa­ga­da go­laý wagt­dan uçar Şa­za­da Mu­ham­med bin Ab­du­la­ziz adyn­da­ky Hal­ka­ra ho­wa men­zi­li­ne ge­lip gon­ýar. Bu ýer­de döw­let Baş­tu­ta­ny­myz Ser­dar Berdimuhamedowy Me­di­ne we­la­ýa­ty­nyň hä­ki­mi Feý­sal bin Sal­man Al Sa­ud we beý­le­ki res­mi adam­lar gar­şy­la­ýar­lar. 

Bu ýer­de ge­çi­ri­len söh­bet­deş­li­giň do­wa­myn­da hor­mat­ly Pre­zi­den­ti­miz hem-de Me­di­ne we­la­ýa­ty­nyň hä­ki­mi, Pa­ty­şa­nyň bä­şin­ji og­ly Feý­sal bin Sal­man Al Sa­ud deň­hu­kuk­ly­lyk we öza­ra hor­mat goý­mak esa­syn­da al­nyp ba­ryl­ýan döw­le­ta­ra gat­na­şyk­la­ryň hä­zir­ki de­re­je­si­ne ýo­ka­ry ba­ha ber­di­ler. 

Söh­bet­deş­ler Türk­me­nis­ta­nyň we Sa­ud Ara­bys­ta­ny Pa­ty­şa­ly­gy­nyň iki­ta­rap­la­ýyn esas­da bol­şy ýa­ly, köp­ta­rap­la­ýyn gör­nüş­de, şol san­da ab­raý­ly gu­ra­ma­la­ryň ug­ry bo­ýun­ça öza­ra gat­na­şyk­la­ry­nyň ne­ti­je­li hä­si­ýe­ti­ni ka­na­gat­lan­ma bi­len bel­läp, dost­lu­ga, öza­ra bäh­bit­li hyz­mat­daş­ly­ga esas­lan­ýan türk­men-sa­ud gat­na­şyk­la­ry­nyň mun­dan beý­läk-de pug­ta­lan­dy­ryl­jak­dy­gy­na ynam bil­dir­di­ler. 

Hor­mat­ly Pre­zi­den­ti­mi­ziň aw­tou­lag ker­we­ni ho­wa men­zi­lin­den Mu­ham­met py­gam­be­riň met­ji­di­ne ta­rap ugur al­ýar.  

Mu­sul­man Gün­do­ga­ry­nyň bu meş­hur şä­he­ri bo­lan Mek­gä “Al-mu­kar­ram”, “Umm-al-ku­ra” («Mü­bä­rek şä­her», «Şä­her­le­riň ene­si»), Me­di­nä bol­sa “Al-mu­naw­wa­ra”, ýag­ny “Nu­ra­na Me­di­ne” ýa­ly aý­ra­tyn at­la­ryň be­ril­me­gi tö­tän­den däl­dir. Hä­zir­ki wagt­da 1 mil­lion­dan gow­rak ila­ty bo­lan bu iri şä­he­re her ýyl şon­ça­rak zy­ýa­rat­çy gel­ýär. 

Bu top­rak­da Mu­ham­met py­gam­be­riň jaý­la­nan­dy­gy üçin Me­di­ne şä­he­ri Mek­ge bi­len deň de­re­je­de tu­tuş dün­ýä­niň mu­sul­man­la­ry üçin mu­kad­des­dir. Zy­ýa­rat­çy­lar şä­her­de ýer­leş­ýän “Jen­net al-Ba­ky” öw­lü­ýä­si­ne zy­ýa­rat et­me­gi öz­le­ri­ne parz ha­sap­la­ýar­lar. Bu ýer­de py­gam­be­ri­mi­ziň maş­ga­la­sy Aý­şa­nyň we onuň gy­zy Pat­ma­nyň, şeý­le-de bir­nä­çe ha­lyf­la­ryň gu­bur­la­ry bar. 

Mu­ham­met py­gam­be­riň met­ji­di (Al-Mas­jid an-Na­ba­wi) dün­ýä­de ulu­ly­gy bo­ýun­ça ikin­ji met­jit bo­lup, şä­he­riň esa­sy we aja­ýyp kün­je­gi­dir. Onuň gur­lu­şy­gy­na py­gam­be­ri­mi­ziň hut özi gat­na­şyp­dyr. Ara­dan çy­kan­dan soň ol bu ýer­de jaý­lan­ýar. On­dan soň­ky ys­lam hö­küm­dar­la­ry met­ji­di has-da gi­ňeld­ýär­ler. 

 Bi­şen ker­piç­den gur­lan bu top­lum di­ňe bir öl­çeg­le­ri däl, eý­sem, be­ze­gi bi­len hem ta­pa­wut­lan­ýar. Onuň be­zeg iş­le­rin­de mer­me­riň seý­rek gör­nüş­le­ri hem-de gym­mat ba­ha­ly me­tal­lar ula­ny­lyp­dyr. Ol gö­zel­li­gi bi­len gö­ren­le­ri haý­ran gal­dy­ryp, mu­sul­man bi­na­gär­li­gi­niň iň aja­ýyp nus­ga­la­ry­nyň bi­ri hök­mün­de uly şöh­ra­ta eýe­dir. Met­ji­diň hä­zir­ki öl­çeg­le­ri il­kin­ji gur­lan bi­na­syn­dan ýüz es­se tö­we­re­gi ulu­dyr. Hä­zir­ki dö­wür­de Mu­ham­met py­gam­be­riň met­ji­di kö­ne Me­di­ne şä­he­rin­den hem uly meý­da­ny eýe­le­ýär. 

Met­ji­diň esa­sy gi­rel­ge­si­niň ag­zyn­da hor­mat­ly Pre­zi­den­ti­miz Ser­dar Berdimuhamedowy onuň yma­my hor­mat bi­len gar­şy­la­ýar. Döw­let Baş­tu­ta­ny­my­za met­ji­diň ta­ry­hy ba­ra­da we onuň bi­len bag­ly ro­wa­ýat­la­ry gür­rüň ber­di­ler. 

Met­ji­diň ta­kyk gur­lan wag­ty bel­li däl. Ol ba­ra­da­ky mag­lu­mat­la­ra XII asy­ryň ba­şy­na de­giş­li kö­ne gol­ýaz­ma­lar­da duş gel­mek bol­ýar. Mu­ham­met py­gam­be­riň met­ji­di mu­sul­man jem­gy­ýe­ti­niň dur­mu­şyn­da he­mi­şe aý­ra­tyn or­ny eýe­läp gel­ýär. Bu ýer­de ys­la­ma la­ýyk­lyk­da, di­ni yba­dat­lar ýe­ri­ne ýe­ti­ri­lip­dir. Met­jit il­kin­ji ýyl­la­ryn­da dür­li we­zi­pe­le­ri ýe­ri­ne ýe­ti­rip­dir, on­da mö­hüm jem­gy­ýet­çi­lik çä­re­le­ri ge­çi­ri­lip­dir, bu ýer­de ka­zy­ýet we mek­dep ýer­le­şip­dir. 

Hut şu met­ji­diň çä­gin­de tä­sin kün­jek — be­hiş­diň ýer­dä­ki bö­le­ji­gi ýer­leş­ýär diý­lip ha­sap­lan­ýar. Ro­wa­ýa­ta gö­rä, ol kün­jek ky­ýa­mat­da hem abat ga­lar­myş. 

Met­jide mer­mer dü­şe­lip, onuň üs­tün­den ne­pis ha­ly­lar ýa­zy­lyp­dyr. Daş­ky di­war­la­ry we ga­py­la­ry dür­li reňk­li daş­lar bi­len be­ze­lip­dir. Bu ýe­re ge­len her bir mu­sul­man py­gam­be­ri­mi­ze sa­la­wat aýt­ma­ly. 

Mu­ham­met py­gam­be­riň küm­me­ti top­lu­myň gü­nor­ta-gün­do­gar bö­le­gin­de, met­jit­dä­ki ýe­ke-täk ýa­şyl güm­me­ziň aşa­gyn­da ýer­leş­ýär. Py­gam­be­ri­mi­ziň gu­brun­da XI asyr­da ýa­zy­lan “Nu­ret­din Mah­mut Met­jit” di­ýen ýaz­gy sak­la­nyp ga­lyp­dyr. Ol ata­beg türk­men­le­rin­den bir hö­küm­da­ryň ady­dyr. Py­gam­be­ri­mi­ziň küm­me­ti­niň ýa­nyn­da onuň ýa­kyn egin­deş­le­ri — hez­re­ti Ebu Be­ki­riň we hez­re­ti Oma­ryň gu­bur­la­ry bar. 

Mu­sul­man dün­ýä­sin­de Mek­ge we Me­di­nä­niň ara­syn­da ta­pa­wut go­ýul­ma­ýar, çün­ki bu iki mu­kad­des­lik ys­lam­da deň-de­re­je­de äh­mi­ýet­li­dir. Bu ýe­re ha­ja zy­ýa­ra­ta ge­len­ler beý­le­ki mu­sul­man­lar üçin ru­hy ha­ly­pa ha­sap­lan­ýar. Zy­ýa­rat­çy­la­ryň iki mu­kad­des ýe­re hem şol bir wag­tyň özün­de zy­ýa­rat eden ha­lat­la­ry seý­rek­dir. Döw­let Baş­tu­ta­ny­my­zyň hä­zir­ki um­ra ha­jy­ny Ar­ka­dag­ly Ser­da­ry­my­za we Ga­raş­syz Türk­me­nis­ta­na bil­di­ri­len aý­ra­tyn hor­mat-sar­pa­nyň ny­şa­ny hök­mün­de ka­bul et­mek bo­lar. Hat­da py­gam­be­ri­mi­ziň ha­dy­syn­da-da: “Kä­be­den soň­ra Mu­ham­met py­gam­be­riň met­ji­din­de oka­lan na­maz beý­le­ki oka­lan na­maz­lar­dan müň es­se so­gap­ly­dyr” di­ýil­ýär. Mu­sul­man­lar bu ýer­de edi­len do­ga-di­leg­le­riň hök­man ka­bul bol­jak­dy­gy­na ynan­ýar­lar. 

Hä­zir­ki dö­wür­de bu örän uly met­jit in­že­ner­çi­li­giň aja­ýyp nus­ga­sy­dyr. 89 gi­rel­ge­si bo­lan bi­na­ny aw­to­ma­tik ýag­daý­da açy­lyp-ýa­pyl­ýan, her­si­niň ag­ra­my 80 ton­na bo­lan güm­mez­ler be­ze­ýär. Bu ýer­de be­ýik­li­gi 100 metr­den gow­rak 10 sa­ny mi­na­ra bo­lup, ola­ryň iki­si py­gam­be­ri­mi­ziň ýa­şan wag­tyn­dan bä­ri sak­la­nyp ga­lyp­dyr. Olar gö­zel­li­gi bi­len haý­ran gal­dy­ryp, bi­na­gär­lik nuk­daý­na­za­ryn­dan uly gy­zyk­lan­ma dö­red­ýär. 

Top­lum 27 sa­ny na­maz okal­ýan how­ly­ny özün­de jem­le­ýär. Met­jit­de şol bir wag­tyň özün­de 600 müň adam ýer­le­şip bil­ýär. Ýö­ne haj wag­tyn­da bu ýe­re her ýyl mil­lion­dan gow­rak adam gel­ýär. Met­ji­diň ägirt daş “sa­ýa­wan­la­ry” zy­ýa­rat­çy­la­ry ýa­gyş­dan hem-de Gü­nüň gyz­gyn şöh­le­sin­den go­ra­ýar. 

Mun­dan baş­ga-da, met­jit dün­ýä­dä­ki iň uly suw we elekt­rik üp­jün­çi­lik ul­ga­my, döw­re­bap so­wa­dyş ul­gam­la­ry bi­len üp­jün edi­len­dir. Olar met­jit­den 7 ki­lo­met­re çen­li uzak­lyk­da ýer­leş­di­ri­lip­dir. Ag­şam­la­ry­na Al Mas­jid an-Na­ba­wi­niň yşyk­lan­dy­ry­ly­şy aja­ýyp gör­nüş­le­ri dö­red­ýär. Met­ji­diň dört bur­çun­da ýer­leş­di­ri­len mi­na­ra­lar has ýag­ty yşyk­lan­dy­ryl­ýar. 

Hor­mat­ly Pre­zi­den­ti­miz Ser­dar Berdimuhamedow we­ki­li­ýet ag­za­la­ry bi­len bi­le­lik­de Mu­ham­met py­gam­be­riň met­ji­di­niň hor­ma­ty­na na­maz oka­dy. Py­gam­be­ri­mi­ziň mü­di­mi­lik aram ta­pan ýe­rin­de Be­ýik Bi­ri­bar­dan ata Wa­ta­ny­my­zyň aba­dan­çy­ly­gy, hal­ky­my­zyň pa­ra­hat­çy­ly­gy we ro­waç­ly­gy üçin do­ga-di­leg­ler edil­di. 

Ha­jy Ar­ka­da­gy­my­zyň 2016-njy ýyl­da bu ýer­de bo­lup, na­maz okan­dy­gy­ny hem-de mu­kad­des top­rak­da ýag­şy di­leg­le­riň, umyt-ar­zuw­la­ryň Be­ýik Bi­ri­ba­ryň der­gä­hin­de ka­bul bol­ma­gy­ny di­leg eden­di­gi­ni bel­le­mek ge­rek. Mu­nuň özi türk­men hal­ky­nyň ys­lam dün­ýä­sin­de mu­kad­des sa­ýyl­ýan gym­mat­lyk­la­ra aý­ra­tyn ga­dyr goý­mak dä­bi­niň ta­ry­hyň jüm­mü­şin­den gel­ýän­di­gi­niň we nus­ga­lyk asyl­ly ýö­rel­ge­le­riň hä­zir­ki döw­rüň ru­hu­na ky­bap de­re­je­de ös­dü­ril­ýän­di­gi­niň no­bat­da­ky be­ýa­ny bo­lup­dy. 

Ine, bu gün bol­sa Ar­ka­dag­ly ha­jy Ser­da­ry­myz pe­der ýo­lu­ny do­wam edip, ýur­du­my­zyň hor­mat­ly ýa­şu­lu­la­ry hem-de kümüş saçly ene­le­ri bi­len bi­le­lik­de ke­ra­mat­ly top­ra­ga ge­lip, haj par­zy­ny ber­jaý et­me­gi pe­der-per­zent mek­de­bi­niň asyl­ly ýö­rel­ge­le­ri­niň do­wa­ma­ta ata­ryl­ýan­dy­gy­ny äş­gär ed­ýän pur­sat­la­ra öw­rül­di. 

 Ar­ka­dag­ly ha­jy Ser­da­ry­my­zyň ýa­şu­lu­lar hem-de ak gy­ňaç­ly eneler bilen bilelikde mu­kad­des ýerlerde ybadat etmegi türk­men ilin­de ag­zy­bir­lik ýö­rel­ge­le­ri­niň ro­waç­lyk­la­ra bes­len­ýän­di­gi­niň we ha­jy Ar­ka­da­gy­my­zyň mil­li gym­mat­lyk­la­ry esa­sy ugur edin­ýän baş­lan­gyç­la­ry­nyň döw­re­bap de­re­je­de do­wam et­di­ril­ýän­di­gi­niň aý­dyň ny­şa­ny­dyr. 

Her bir mu­sul­man üçin mu­kad­des bo­lan ýer­le­re zy­ýa­rat­dan soň­ra, hor­mat­ly Pre­zi­den­ti­mi­ziň aw­tou­lag ker­we­ni Me­di­nä­niň Şa­za­da Mu­ham­med bin Ab­du­la­ziz adyn­da­ky Hal­ka­ra ho­wa men­zi­li­ne ug­ra­ýar. 

Döw­let Baş­tu­ta­ny­myz Sa­ud Ara­bys­ta­ny Pa­ty­şa­ly­gy­nyň we­kil­le­ri­ne mu­kad­des top­rak­da — ys­lam di­ni­niň wa­ta­nyn­da türk­men we­ki­li­ýe­ti­ne bil­di­ri­len myh­man­sö­ýer­lik üçin çuň­ňur min­net­dar­ly­gy­ny be­ýan edip, Wa­ta­ny­my­za ug­ra­dy. 

 Bir­nä­çe sa­gat­dan soň­ra, hor­mat­ly Pre­zi­den­ti­mi­ziň uça­ry paý­tag­ty­my­zyň Hal­ka­ra ho­wa men­zi­li­ne gon­dy. 

Bu ýer­de döw­let Baş­tu­ta­ny­my­zy res­mi adam­lar gar­şy al­dy­lar hem-de hor­mat­ly Pre­zi­den­ti­miz Ser­dar Berdimuhamedowy Sa­ud Ara­bys­ta­ny Pa­ty­şa­ly­gy­na sa­pa­ry­nyň üs­tün­lik­li ta­mam­lan­ma­gy we um­ra ha­jy­ny ber­jaý et­me­gi bi­len tüýs ýü­rek­den, mä­hir­li gut­la­dy­lar.

Türkmenistanyň Prezidenti Serdar Berdimuhamedow umra hajyny berjaý edýär 

 Aşgabat — Jidda — Mekge, 1-nji iýun (TDH). Şu gün hormatly Prezidentimiz Serdar Berdimuhamedowyň umra hajy däp-dessurlaryny berjaý etmek üçin Saud Arabystany Patyşalygyna iki günlük sapary başlandy. Döwlet Baştutanymyzyň Türkmenistanyň Prezidenti wezipesine saýlanyp, daşary ýurda ilkinji saparynyň yslam dünýäsinde keramatly saýylýan mukaddes ýerlere amala aşyrylýandygy bellärliklidir. 

Paýtagtymyzyň Halkara howa menzilinden döwlet Baştutanymyzy Türkmenistanyň Milli Geňeşiniň Halk Maslahatynyň Başlygy we Milli Geňeşiň Mejlisiniň Başlygy, Ministrler Kabinetiniň Başlygynyň orunbasarlary, harby we hukuk goraýjy edaralaryň ýolbaşçylary, Ahal welaýatynyň hem-de Aşgabat şäheriniň häkimleri ugratdylar. Olar hormatly Prezidentimiz Serdar Berdimuhamedowa ak ýol arzuw edip, Muhammet pygamberiň Watanynda etjek zyýaratynyň kabul bolmagyny dilediler. 

Bu ýerde Türkmenistanyň müftüsi Beýik Biribardan ýurdumyzyň wekiliýetiniň ýolunyň ak, işleriniň rowaç, hormatly Prezidentimiziň beýik maksatlaryny nazarlaýan tutumlarynyň şowly, doga-dilegleriniň kabul bolmagyny dileg etdi. 

Arkadagly Serdarymyz bilen bir uçarda, keramatly topraga zyýarat etmek üçin ýurdumyzyň ähli welaýatlaryna we Aşgabat şäherine wekilçilik edýän hormatly ýaşulularyň, kümüş saçly eneleriň hem gidendigini bellemeli. 

 ...Hemmeler bilen mähirli hoşlaşyp, döwlet Baştutanymyz uçara mündi. 

Hormatly Prezidentimiziň uçary Saud Arabystany Patyşalygynyň “ykdysady paýtagty” diýlip atlandyrylýan we ululygy boýunça ikinji şäheri bolan Jidda tarap ugur aldy. 

Uçuşyň dowamynda Arkadagly Serdarymyz bilen bilelikde keramatly ýerlere zyýarata barýan hormatly ýaşulular we ak gyňaçly eneler yslam dünýäsinde mukaddes çäreleriň biri hasaplanýan umra hajyny berjaý etmäge döredilen mümkinçilik üçin hormatly Prezidentimize tüýs ýürekden alkyş sözlerini aýtdylar. Olar mähriban Watanymyzyň abadançylygy, halkymyzyň bagtyýarlygy ugrunda yzygiderli tagalla edýän Arkadagly Serdarymyzyň janynyň sag, ömrüniň uzak bolmagyny, beýik tutumlarynyň rowaçlyklara beslenmegini dileg etdiler. 

Birnäçe wagtdan soň, wekiliýetiň ähli agzalary zyýarat üçin niýetlenen yhram lybasyny geýdiler. Hormatly Prezidentimiz wekiliýetiň agzalaryna ýüzlenip, olaryň zyýaratlarynyň kabul bolmagyny dileg etdi we hormatly ýaşulularyň, eneleriň hal-ahwallary bilen gyzyklandy. 

Zyýarata barýan ýaşulular we dili senaly eneler, ilkinji nobatda, Arkadagly Serdar bilen bir uçarda mukaddes ýerlere gitmegiň özleri üçin belent mertebedigini nygtadylar we bildirilen hormat üçin hormatly Prezidentimize alkyş sözlerini aýdyp, döwlet Baştutanymyzyň zyýaratynyň kabul bolmagyny Beýik Biribardan dileg etdiler. 

Jidda ýurduň diňe bir iri diplomatik we ykdysady merkezi bolman, eýsem, yslamyň esasy mukaddesliklerine — Mekge we Medinä haj parzyny berjaý etmäge gelýän köp sanly musulmanlaryň ilki bilen ýygnanýan ýeridir. 

Dört sagada golaý uçuşdan soňra, hormatly Prezidentimiziň uçary Saud Arabystany Patyşalygynyň Jidda şäheriniň Halkara howa menziline gelip gondy. Howa menzilinde belent mertebeli türkmen myhmanyny Mekge welaýatynyň häkimi, Saud Arabystanynyň Patyşasynyň geňeşçisi Halid bin Feýsal Al Saud we beýleki resmi adamlar garşylaýarlar. 

Jiddanyň Halkara howa menzilinden hormatly Prezidentimiziň ulag kerweni yslam dünýäsiniň ruhy paýtagtyna — mukaddes Mekge şäherine ugraýar. 

Bu ýerde biziň eýýamymyzyň 570-nji ýylynda yslam dinini esaslandyran Muhammet pygamber dünýä inýär. Yslam dinine görä, Muhammet pygamber iň soňky pygamber we Allatagalanyň resuly bolup, oňa mukaddes kitap — Gurhan inderilýär. 

Mekge ýylda millionlarça musulmany kabul edýän halkara zyýarat merkezidir. Hut şu ýerde — mukaddes şäheriň ýüreginde, dünýäniň iň uly we esasy metjidi bolan Al-Haram metjidi ýerleşýär. Bu metjit öz taryhynyň dowamynda birnäçe gezek täzeden guruldy. Soňky ýyllarda onda düýpli abatlaýyş işleri geçirildi we giňeldildi. 1980-nji ýyllaryň ahyrynda geçirilen abatlaýyş işleriniň barşynda metjidiň günorta-günbatar tarapynda iki minaraly täze, uly bina guruldy. Hut şu binada hem metjidiň esasy girelgesi — Patyşa Fahdyň derwezesi ýerleşýär.  

2007 — 2012-nji ýyllar aralygynda Saud Arabystanynyň Patyşasynyň — Iki mukaddesligiň hyzmatkäriniň gözegçilik etmeginde Al-Haram metjidinde nobatdaky giň möçberli abatlaýyş işleri geçirildi. Esasan, demirgazyk tarapa giňeldilmeginiň netijesinde, onuň eýeleýän meýdany 400 müň inedördül metre çenli ýetdi. Ozalky 9 minaranyň üstüne ýene-de ikisi goşuldy, şeýle-de Patyşa Abdallanyň täze derwezesi guruldy. 

Al-Haram metjidiniň içerki howlusynyň merkezinde yslamyň esasy mukaddesligi — Käbe ýerleşýär. Ol daşdan gurlan hem-de beýikligi 15 metr kub görnüşli bina bolup, onuň çüňkleri dünýäniň dört tarapyny görkezýär. 

Her ýyl Käbe üçin gara reňkli ýüpek matadan ýörite ýapynja taýýarlanylýar. Onuň ýokarky bölegi altyn sapaklarda ýazylan Gurhanyň süreleri bilen bezelýär. 

Käbe “al-Bait al-Haram” diýlip atlandyrylyp, arapça «mukaddes öý» diýmegi aňladýar. Dünýäniň ähli musulmanlary üçin ol kybla bolup hyzmat edýär. Musulmanlar namaz okanlarynda, ýüzlerini şoňa tarap öwürýärler. 

Käbäniň gündogar tarapynda, bir ýarym metr belentlikde Allatagala tarapyndan inderilen Hajar al-Asweti (Gara daş) oturdylypdyr. Zyýarat wagtynda musulmanlar şol daşa ellerini degirýärler. 

Rowaýata görä, Gara daş asmandan inen wagtynda göz gamaşdyryjy ap-ak reňkde bolup, ony Mekgeden dört günlük uzaklykdan hem görmek mümkin eken. Soňra günä iş edenleriň köp sanlysynyň elleriniň degmegi bilen, ol garalyp, şu wagtky durkuna ýetipdir. 

 Şeýle hem Al-Haram metjidinde mukaddes Zemzem çeşmesi bar. Şol çeşmäniň töwereginde-de Mekge döräpdir. 

Haj diňe bir mukaddes ýerlere zyýarat we uly sogap işleriň biri bolmak bilen çäklenmän, eýsem, yslamyň bäş parzynyň biridir hem-de mümkinçiligi bolan her bir musulman üçin hökmanydyr, ýöne adamlaryň millionlarçasy haj üçin kesgitlenen ýörite aýda däl-de, ýylyň islendik beýleki wagtynda umra hajyny ýerine ýetirýärler. 

 Umra we haj ýerine ýetirilenden soňra, musulmanlaryň köňli aram tapyp, ruhy taýdan päklenýär diýlip düşünilýär. 

...Hormatly Prezidentimiz Serdar Berdimuhamedow Saud Arabystany Patyşalygynyň din wekilleriniň ugratmagynda Al-Haram metjidine bardy. Mukaddes Al-Haram metjidiniň ýanynda döwlet Baştutanymyz we Türkmenistanyň wekiliýetiniň agzalary öýle namazyny (Mültezem) okadylar. Şondan soňra Arkadagly Serdarymyz we türkmen zyýaratçylary umra haj üçin ähli dessurlary ýerine ýetirip başlaýarlar. 

Yhram haj we umra dessurlaryny ýerine ýetirmek zyýaratçynyň mukaddes dessury berjaý etmäge girişmegini niýet edinýändigini alamatlandyrýan ilkinji hereket bolup durýar. 

Zyýaratçylar haj parzyny berjaý etmezden ozal, tutuş bedenini tämizleýärler we mukaddes parzy ýerine ýetirmegi niýet edinýändigini eşidiler ýaly edip aýdýarlar hem-de ýörite doga okaýarlar. 

Päk niýetliligi we Allatagalanyň öňünde hemmäniň deňligini aňladýan ýörite ak lybas geýnen zyýaratçylar hökmany tawafy ýerine ýetirýärler, ýagny Käbäniň daşyndan ýedi gezek aýlanýarlar. Ýöriş mukaddes  

 Gara daşyň sag burçundan başlanýar. 

 Bu dessur sag eliňi galdyryp, Käbä salam bermek bilen başlanýar. 

Ýedilik san yslamda möhüm hasaplanýar. Tawaf dünýä gurluşyny we ýekehudaýlylygy alamatlandyryp, Käbäniň daşyndan her bir aýlaw “Allahu Ekber” diýen sözler bilen jemlenip, ol kämilligiň täze tapgyryny alamatlandyrýar. 

Mukaddes Käbäniň daşyndan ýedi gezek aýlanyp, hormatly Prezidentimiz Serdar Berdimuhamedow gara daşyň ýanyna barýar we Beýik Biribardan doga-dileg edip, türkmen halkyna eçilen rysgal-berekedi, halkymyzyň bagtyýarlygynyň we rowaçlygynyň, ata Watanymyzyň asudalygynyň, abadançylygynyň bähbidine Berkarar döwletiň täze eýýamynyň Galkynyşy döwründe amala aşyrylýan özgertmeleriň üstünliklere beslenýändigi üçin Allatagala şükranalyk etdi. 

Goý, Beýik Biribar türkmen topragyndan baran zyýaratçylary öz penasynda aman saklasyn! Allatagalanyň mukaddes öýünde olaryň doga-dilegleri kabul bolsun! 

Soňra zyýaratçylar kaşaň metjit toplumynyň çäginde ýerleşýän Makam Ybraýym atly ýere geldiler. Rowaýata görä, hut şu ýerde Käbäniň gurluşygy mahalynda Ybraýym pygamber durupdyr. Häzirki döwürde bu ýerde uly bolmadyk, gümmezli desga ýerleşýär. 

Hormatly Prezidentimiz Serdar Berdimuhamedow hem-de wekiliýetiň agzalary mukaddes Zemzem çeşmesinden suw içdiler we Beýik Biribardan doga-dileg etdiler. 

Soňra türkmen zyýaratçylary saý dessuryny ýerine ýetirdiler, ýagny Gurhanda ady geçýän Safa we Merwe daglarynyň arasynda ýedi gezek aýlandylar. Bu dessur hem sag eliňi ýokary götermekden başlanýar. 

Musulmançylykda bu dessuryň ýüze çykmagynyň birnäçe düşündirişi bar. Olaryň has giňden ýaýrany hem bu dessuryň Bibi Hajaryň ogly Ysmaýyl üçin suw gözläp, iki dagyň arasynda eýläk-beýläk aljyrap ylgandygyny aňladýan düşündirişdir. Perişdeleriň biri aljyran zenana rehimi inip, aýagy bilen ýeri depýär we ol ýerde gudrat bilen Zemzem çeşmesi döreýär.  

Saud Arabystany Patyşalygynyň ýörite din wekili türkmen zyýaratçylaryna dessuryň aýratynlyklary barada gürrüň berýär. Soňra olar bu ýerde okamaly dogany gaýtalaýarlar. 

 Bu dessur tamamlanandan soňra, hormatly Prezidentimiz we ýanyndaky adamlar iki rekagat nepil namazyny okadylar. 

Saud Arabystany Patyşalygynyň ýörite din wekili hormatly Prezidentimiziň kakasy — hajy Arkadagymyzyň haj parzyny berjaý eden mahalynda, onuň ýanynda bolmak bagtynyň miýesser edendigini uly buýsanç bilen ýatlady. 

 Bu ýerde umra hajy berjaý etmek bilen baglanyşykly ähli dessurlar ýerine ýetirildi. 

Iýun aýynyň 1-inden 2-sine geçilýän gijede hormatly Prezidentimiziň zyýaratynyň çäklerinde mukaddes Käbäniň — Allatagalanyň öýüniň keramatly örtügi serpilip, mübärek gapylary açyldy we onuň içinde namaz okamak üçin ýörite mümkinçilik döredildi. Munuň özi hajy Arkadagymyza, Arkadagly Serdarymyza, umuman, tutuş türkmen halkyna çuňňur hormat-sarpanyň nyşany boldy. 

Ilki bilen, döwlet Baştutanymyz mukaddes Gara daşy öpüp, oňa togap etdi. Hormatly Prezidentimize üç ýerde — Muhammet pygamberiň namaz okan ýerinde, Käbäniň içki diwarynyň ýanynda, Gara daşyň iç ýüzündäki keramatly burçunda namaz okamaga mümkinçilik döredildi. 

 Döwlet Baştutanymyz bu ýerde musulman dünýäsiniň asylly dessurlaryny birkemsiz berjaý edip, mukaddesliklere togap etdi. 

Mälim bolşy ýaly, 2016-njy ýylyň maý aýynda mukaddes Käbä zyýaraty wagtynda hajy Arkadagymyza hem şeýle belent hormat bildirilip, teperrik gowşurylypdy. 

Ine, bu gün bolsa Arkadagly Serdarymyza mukaddes Käbeden keramatly nyşan hasaplanýan teperrik gowşuryldy. Hormatly Prezidentimiz munuň üçin minnetdarlyk bildirip, bu teperrigi Türkmenistana we zähmetsöýer türkmen halkyna bildirilen çäksiz hormat hökmünde kabul edýändigini aýtdy. 

Soňra döwlet Baştutanymyz Serdar Berdimuhamedow mukaddes Käbäniň daşyna çykyp, halkymyzyň bagtyýarlygynyň, nurana geljeginiň, Watanymyzyň berkararlygynyň, abadançylygynyň, ählumumy parahatçylygyň we hajy Arkadagymyzyň beýik başlangyçlarynyň mundan beýläk-de rowaç almagynyň bähbidine ýagşy dilegleri etdi. 

 Hormatly Prezidentimiziň Saud Arabystany Patyşalygyna sapary dowam edýär.

Aş­ga­bat, 31-nji maý (TDH). Şu gün Türk­me­nis­ta­nyň Pre­zi­den­ti, ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy Ser­dar Berdimuhamedow Döw­let howp­suz­lyk ge­ňe­şi­niň mej­li­si­ni ge­çir­di. On­da 2022-nji ýy­lyň bäş aýyn­da Ýa­rag­ly Güýç­le­riň eda­ra­la­ry­nyň alyp ba­ran iş­le­ri­niň jem­le­ri­ne ga­ral­dy, Ga­raş­syz döw­le­ti­miz­de howp­suz­ly­gy, asu­da­ly­gy üp­jün et­mek, har­by we hu­kuk go­raý­jy eda­ra­la­ryň mad­dy-en­jam­la­ýyn bin­ýa­dy­ny pug­ta­lan­dyr­mak, ola­ryň işi­ni kä­mil­leş­dir­mek bo­ýun­ça il­kin­ji no­bat­da­ky we­zi­pe­ler kes­git­le­nil­di. 

Döw­let Baş­tu­ta­ny­myz mej­li­siň gün ter­ti­bi­ni yg­lan edip, Döw­let howp­suz­lyk ge­ňe­şi­niň sek­re­ta­ry, go­ran­mak mi­nist­ri B.Gün­dog­dy­ýe­we söz ber­di. Mi­nistr şu ýy­lyň ýan­war — maý aý­la­ryn­da ýur­du­myz­da dur­nuk­ly­ly­gy, ka­nu­ny­ly­gy hem-de düz­gün-ter­ti­bi sak­la­mak bo­ýun­ça gör­len çä­re­ler ba­ra­da ha­sa­bat ber­di. Ýur­du­my­zyň go­ra­nyş uky­by­ny mun­dan beý­läk-de pug­ta­lan­dyr­ma­ga, es­ger­le­riň we ser­ker­de­le­riň gul­luk et­me­gi, ýa­şa­ýyş-dur­mu­şy üçin de­giş­li şert­le­ri dö­ret­mä­ge gö­nük­di­ri­len har­by öz­gert­me­le­riň bar­şy ha­sa­ba­tyň aý­ra­tyn me­se­le­si bol­dy. 

Hor­mat­ly Pre­zi­den­ti­miz Ser­dar Berdimuhamedow ha­sa­ba­ty diň­läp, üs­tün­lik­li dur­mu­şa ge­çi­ril­ýän, di­ňe go­ra­nyş hä­si­ýe­ti­ne eýe bo­lan Har­by dokt­ri­na­nyň ýur­du­myz­da pa­ra­hat we asu­da dur­mu­şyň yg­ty­bar­ly ke­pi­li bo­lup dur­ýan­dy­gy­ny bel­le­di. Şu­nuň bi­len bag­ly­lyk­da, Mil­li go­şu­ny teh­ni­ki taý­dan gaý­ta­dan en­jam­laş­dyr­mak, iş­gär­le­riň hü­när de­re­je­le­ri­ni ýo­kar­lan­dyr­mak, har­by gul­luk­çy­la­ryň dur­muş üp­jün­çi­lik me­se­le­le­ri­ni çöz­mek ile­ri tu­tul­ýan ugur­la­ryň ha­ta­ryn­da kes­git­len­di. Şeý­le-de ugur­daş okuw mek­dep­le­riň ýaş har­by ta­lyp­la­ry­nyň hem-de har­by gul­lu­gy geç­ýän es­ger­le­riň ara­syn­da wa­tan­çy­lyk-ter­bi­ýe­çi­lik iş­le­ri­ni gu­ra­ma­gyň mö­hüm­di­gi­ne aý­ra­tyn üns çe­kil­di. 

Döw­let Baş­tu­ta­ny­myz hä­zir­ki wagt­da Ýa­rag­ly Güýç­le­riň ha­tar­la­ryn­dan äti­ýaç­ly­ga goý­ber­mek we Türk­me­nis­ta­nyň ra­ýat­la­ry­nyň ýaz­ky ça­gy­ryş möw­sü­mi bo­ýun­ça ama­la aşy­ryl­ýan iş­le­riň de­giş­li de­re­je­de, ka­nun­çy­ly­ga la­ýyk­lyk­da ge­çi­ri­li­şi­ni berk gö­zeg­çi­lik­de sak­la­ma­ly­dy­gy­ny nyg­tap, Döw­let howp­suz­lyk ge­ňe­şi­niň sek­re­ta­ry­na, go­ran­mak mi­nist­ri­ne bir­nä­çe anyk tab­şy­ryk­la­ry ber­di. Ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy sö­zü­ni do­wam edip, ata Wa­ta­ny­my­zyň Ga­raş­syz­ly­gy­nyň 31 ýyl­lyk baý­ra­my my­na­sy­bet­li ge­çi­ril­jek da­ba­ra­ly har­by ýö­ri­şe hä­zir­den taý­ýar­lyk gör­lüp baş­lan­ma­ly­dy­gy­na ün­si çek­di hem-de de­giş­li gör­kez­me­le­ri ber­di. 

Baş pro­ku­ror B.At­da­ýew ha­sa­bat döw­rün­de ýur­du­myz­da san­ly ul­ga­my or­naş­dyr­mak, öň­de­ba­ry­jy tej­ri­bä­ni ulan­mak bo­ýun­ça ga­ra­ma­gyn­da­ky dü­züm­le­riň alyp bar­ýan anyk iş­le­ri­ni kä­mil­leş­dir­mek mak­sa­dy bi­len, ka­nun­çy­ly­gyň ber­jaý edi­li­şi­ne gö­zeg­çi­lik et­mek ba­bat­da ýe­ri­ne ýe­ti­ri­len iş­ler hem-de hor­mat­ly Pre­zi­den­ti­mi­ziň ozal be­ren, şol san­da iş­gär­le­riň hü­när de­re­je­si­ni ýo­kar­lan­dyr­mak bo­ýun­ça tab­şy­ryk­la­ry­nyň ýe­ri­ne ýe­ti­ri­li­şi ba­ra­da ha­sa­bat ber­di. 

Ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy ha­sa­ba­ty diň­läp, de­mok­ra­tik, hu­kuk we dün­ýe­wi döw­le­tiň sü­tün­le­ri­ni ber­kit­mek­de, ada­lat­ly­ly­gy, asu­da­ly­gy üp­jün et­mek­de pro­ku­ra­tu­ra eda­ra­la­ry­na mö­hüm or­nuň de­giş­li­di­gi­ni nyg­ta­dy. Şun­dan ugur al­nyp, pro­ku­ra­tu­ra iş­gär­le­ri tä­sir et­mek çä­re­le­ri­ni ne­ti­je­li ulan­ma­ly­dyr­lar, Türk­me­nis­tan­da ka­nun­la­ryň we ka­da­laş­dy­ry­jy hu­kuk na­ma­la­ry­nyň berk hem-de hem­me­ler ta­ra­pyn­dan ýe­ri­ne ýe­ti­ri­li­şi ba­bat­da gö­zeg­çi­li­gi ama­la aşyr­ma­ly­dyr­lar di­ýip, hor­mat­ly Pre­zi­den­ti­miz Ser­dar Berdimuhamedow sö­zü­ni do­wam et­di we Baş pro­ku­ro­ra de­giş­li tab­şy­ryk­la­ry ber­di. 

Soň­ra içe­ri iş­ler mi­nist­ri M.Hy­dy­row 2022-nji ýy­lyň ba­şyn­dan bä­ri düz­gün bo­zul­ma­la­ryň öňü­ni al­mak hem-de ýur­du­my­zyň äh­li kün­jek­le­rin­de ýan­gyn howp­suz­ly­gy­nyň ta­lap­la­ry­ny ber­jaý et­mek bo­ýun­ça ge­çi­ri­len iş­le­riň ne­ti­je­le­ri ba­ra­da ha­sa­bat ber­di. Şeý­le hem IIM-niň ýol­baş­çy­sy paý­tag­ty­myz­da we we­la­ýat­lar­da ulag akym­la­ry­ny düz­gün­leş­dir­mek, ýol he­re­ke­ti­niň düz­gün­le­ri­ni ber­jaý et­mek ba­bat­da al­nyp ba­ryl­ýan çä­re­ler ba­ra­da ha­sa­bat ber­di. 

Döw­let Baş­tu­ta­ny­myz ha­sa­ba­ty diň­läp, bu eda­ra­nyň öňün­de je­na­ýat­çy­lyk­la­ry we ad­mi­nist­ra­tiw hu­kuk düz­gün bo­zul­ma­la­ry­ny öňün­den duý­dur­mak, ola­ryň öňü­ni al­mak bo­ýun­ça çä­re­le­ri ama­la aşyr­mak, jem­gy­ýet­çi­lik ter­ti­bi­ni go­ra­mak ýa­ly jo­gap­kär­li we­zi­pe­le­riň dur­ýan­dy­gy­ny bel­le­di. To­mus pas­ly döw­rün­de ýan­gy­na gar­şy howp­suz­ly­gy üp­jün et­me­gi he­mi­şe üns mer­ke­zin­de sak­la­ma­gyň ze­rur­dy­gy­na aý­ra­tyn üns çe­kil­di. 

Ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy mi­nist­re üs­tü­ne ýük­le­nen we­zi­pe­le­ri do­ly ýe­ri­ne ýe­tir­mek üçin has ne­ti­je­li usul­la­ry hem-de öň­de­ba­ry­jy teh­no­lo­gi­ýa­la­ryň müm­kin­çi­lik­le­ri­ni ulan­ma­ly­dy­gy­ny, san­ly ul­ga­my or­naş­dyr­ma­ly­dy­gy­ny, şu­ňa la­ýyk­lyk­da, IIM-niň iş­gär­le­ri­niň hü­när de­re­je­si­ni yzy­gi­der­li ýo­kar­lan­dyr­ma­ly­dy­gy­ny aýt­dy we bir­nä­çe anyk tab­şy­ryk­la­ry ber­di. 

Ýo­ka­ry ka­zy­ýe­tiň baş­ly­gy G.Us­sa­ne­pe­sow şu ýy­lyň ýan­war — maý aý­la­ryn­da ýe­ri­ne ýe­ti­ri­len iş­le­riň ne­ti­je­le­ri, hor­mat­ly Pre­zi­den­ti­mi­ziň ada­lat­ly­lyk hem-de ka­zy­ýet önüm­çi­li­gi ýö­rel­ge­le­ri­ni kä­mil­leş­dir­mek, iş­gär­ler bi­len üp­jün­çi­li­gi pug­ta­lan­dyr­mak bo­ýun­ça be­ren tab­şy­ryk­la­ry­ny ýe­ri­ne ýe­tir­mek üçin gör­len top­lum­la­ýyn çä­re­ler ba­ra­da ha­sa­bat ber­di. 

Döw­let Baş­tu­ta­ny­myz Ser­dar Berdimuhamedow ha­sa­ba­ty diň­läp, hu­kuk taý­dan düz­gün­leş­dir­me­giň äh­li ugur­la­ry­ny özün­de jem­le­ýän döw­let go­rag­ly­ly­gy­nyň ne­ti­je­li gu­ra­ly hök­mün­de mil­li ka­zy­ýet ul­ga­my­na uly or­nuň be­ril­ýän­di­gi­ni nyg­ta­dy. Bu eda­ra­nyň ile­ri tu­tul­ýan we­zi­pe­le­ri ka­nu­ny­ly­gy, ada­lat­ly­ly­gy hem-de düz­gün-ter­ti­bi üp­jün et­mek­den, hu­kuk düz­gün bo­zul­ma­la­ry­na ge­ti­ren se­bäp­le­ri we şert­le­ri ara­dan aýyr­mak­dan yba­rat­dyr di­ýip, ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy sö­zü­ni do­wam et­di hem-de eda­ra­nyň ýol­baş­çy­sy­na bir­nä­çe anyk tab­şy­ryk­la­ry ber­di. 

Soň­ra mil­li howp­suz­lyk mi­nist­ri G.An­na­ýew 2022-nji ýy­lyň bäş aýyn­da ge­çi­ri­len iş­le­riň ne­ti­je­le­ri, mu­kad­des Ga­raş­syz­ly­gy­my­zyň ga­za­nan­la­ry­ny go­ra­mak, Wa­ta­ny­my­zyň dur­nuk­ly ösü­şi­ni üp­jün et­mek, döw­le­ti­mi­ziň yk­dy­sa­dy kuw­wa­ty­ny, jem­gy­ýet­de yla­la­şyk­ly­ly­gy, hal­ky­my­zyň aba­dan­çy­ly­gy­ny üp­jün et­mek bo­ýun­ça gör­len anyk çä­re­ler ba­ra­da ha­sa­bat ber­di. 

Hor­mat­ly Pre­zi­den­ti­miz Ser­dar Berdimuhamedow ha­sa­ba­ty diň­läp, bu eda­ra­nyň öňün­de, esa­san, ýur­du­my­zy gel­jek­de-de dep­gin­li ös­dür­mek üçin oňaý­ly jem­gy­ýet­çi­lik-sy­ýa­sy ýag­da­ýyň ke­ma­la ge­ti­ril­me­gi, döw­rüň we­him­le­ri­ne hem-de howp­la­ry­na gar­şy dur­mak ýa­ly we­zi­pe­le­riň dur­ýan­dy­gy­ny bel­le­di. Şo­la­ry üs­tün­lik­li çöz­mek üçin hä­zir­ki za­man ylym­la­ryn­dan, in­no­wa­sion teh­no­lo­gi­ýa­lar­dan oňat baş çy­kar­ýan iş­gär­le­riň hü­när de­re­je­si­ni ýo­kar­lan­dyr­mak ze­rur­dyr. 

Döw­let ser­het gul­lu­gy­nyň baş­ly­gy Ý.Nu­ry­ýew ýol­baş­çy­lyk ed­ýän dü­züm­le­rin­de iş­le­riň ýag­da­ýy hem-de ýan­war — maý aý­la­ryn­da ata Wa­ta­ny­my­zyň mu­kad­des ser­het­le­ri­niň go­ra­gyn­da­ky ser­het go­şun­la­ry­nyň gul­luk­çy­la­ry­nyň düz­gün-ter­ti­bi­ni, sö­weş­jeň we yn­san­per­wer taý­ýar­ly­gy­ny güýç­len­dir­mek mak­sa­dy bi­len gör­len çä­re­ler ba­ra­da ha­sa­bat ber­di. 

Ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy ser­het­çi­le­riň öz borç­la­ry­ny bir­kem­siz ýe­ri­ne ýe­ti­rip, gi­je-gün­diz gu­ry ýer­de we de­ňiz­de ser­het­deş döw­let­le­riň äh­li­si bi­len dost­luk, hoş­ni­ýet­li goň­şu­çy­lyk gat­na­şyk­la­ry­ny sak­la­ýan hem-de iş­jeň ös­dür­ýän Wa­ta­ny­my­zyň ser­het­le­ri­niň el­deg­ril­me­siz­li­gi­ni üp­jün et­me­li­di­gi­ni bel­läp, gul­lu­gyň ýol­baş­çy­sy­na anyk tab­şy­ryk­la­ry ber­di. 

Soň­ra ada­lat mi­nist­ri M.Ta­ga­now ýy­lyň ba­şyn­dan bä­ri tä­ze ka­nun­la­ryň tas­la­ma­la­ry ba­bat­da tek­lip­le­ri taý­ýar­la­mak hem-de öň­de­ba­ry­jy da­şa­ry ýurt tej­ri­be­si we dün­ýä­niň hu­kuk ula­nyş işin­de he­re­ket ed­ýän ka­da­lar göz öňün­de tu­tu­lyp kä­mil­leş­di­ril­ýän mil­li ka­nun­çy­lyk bin­ýa­dy­ny mun­dan beý­läk-de hem­me­ta­rap­la­ýyn pug­ta­lan­dyr­mak bo­ýun­ça al­nyp bar­lan iş­ler ba­ra­da ha­sa­bat ber­di. 

Döw­let Baş­tu­ta­ny­myz ha­sa­ba­ty diň­läp, ýur­du­my­zy dur­muş-yk­dy­sa­dy taý­dan ös­dür­me­giň ýa­kyn we uzak möh­let­le­ýin gel­je­ge ni­ýet­le­nen mak­sat­na­ma­la­ry­ny üs­tün­lik­li ýe­ri­ne ýe­tir­me­giň yg­ty­bar­ly bin­ýa­dy­na öw­rü­len ka­da­laş­dy­ry­jy hu­kuk na­ma­la­ry­ny döw­rüň ta­la­by­na la­ýyk iş­läp taý­ýar­la­mak­da mö­hüm ugur­la­ry gi­ňiş­le­ýin öw­ren­me­giň wa­jyp­dy­gy­na ün­si çek­di. Hor­mat­ly Pre­zi­den­ti­miz Ser­dar Berdimuhamedow ama­la aşy­ryl­ýan top­lum­la­ýyn hu­kuk öz­gert­me­le­ri­niň äh­mi­ýe­ti ba­ra­da aý­dyp, onuň baş we­zi­pe­le­ri­niň bi­ri­niň umu­my ka­bul edi­len hal­ka­ra ka­da­la­ry we öl­çeg­le­ri mil­li ka­nun­çy­ly­ga la­ýyk ge­tir­mek­den yba­rat­dy­gy­ny bel­le­di hem-de de­giş­li tab­şy­ryk­la­ry ber­di. 

Soň­ra Döw­let güm­rük gul­lu­gy­nyň baş­ly­gy M.Hu­daý­ku­ly­ýew ha­sa­bat döw­rün­de bu dü­zü­miň işi­ni kä­mil­leş­dir­mek bo­ýun­ça gör­len yzy­gi­der­li çä­re­ler, güm­rük­ha­na­lar­da ge­çi­ril­ýän iş­ler hem-de ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy­nyň ozal be­ren tab­şy­ryk­la­ry­nyň ýe­ri­ne ýe­ti­ri­li­şi ba­ra­da ha­sa­bat ber­di. 

Hor­mat­ly Pre­zi­den­ti­miz Ser­dar Berdimuhamedow ha­sa­ba­ty diň­läp, Ýew­ra­zi­ýa yk­ly­myn­da üs­ta­şyr ulag ge­çel­ge­le­ri­niň mö­hüm çat­ry­gy hök­mün­de Türk­me­nis­ta­nyň eýe­le­ýän geost­ra­te­gik or­nu­nyň bar­ha art­ýan­dy­gy­ny nyg­ta­dy. Bu ugur­da­ky iş­le­riň möç­be­ri­niň art­ma­gy gul­lu­gyň üs­tü­ne ýük­le­nen we­zi­pe­le­riň ýe­ri­ne ýe­ti­ril­me­gi­ne has jo­gap­kär­çi­lik­li çe­me­leş­me­gi ta­lap ed­ýär di­ýip, döw­let Baş­tu­ta­ny­myz bel­le­di hem-de ha­ryt­la­ryň we ulag se­riş­de­le­ri­niň ýur­du­my­zyň güm­rük ser­het­le­ri ar­ka­ly geç­mek düz­gü­ni­niň ber­jaý edi­li­şi­ni he­mi­şe üns mer­ke­zin­de sak­la­ma­gy ta­lap et­di. Şu­nuň bi­len bag­ly­lyk­da, gul­lu­gyň ýol­baş­çy­sy­na de­giş­li amal­la­ryň hal­ka­ra öl­çeg­le­riň ta­lap­la­ry­na la­ýyk ge­çi­ri­li­şi­ne, ýo­ka­ry hü­när­li iş­gär­le­riň taý­ýar­la­ny­ly­şy­na gö­zeg­çi­li­gi üp­jün et­mek tab­şy­ryl­dy. 

Döw­let mig­ra­si­ýa gul­lu­gy­nyň baş­ly­gy N.Ata­ga­ra­ýew ýol­baş­çy­lyk ed­ýän eda­ra­sy­nyň iş­le­ri­ni ne­ti­je­li gu­ra­mak mak­sa­dy bi­len, 2022-nji ýy­lyň bäş aýyn­da gör­len top­lum­la­ýyn çä­re­ler hem-de hor­mat­ly Pre­zi­den­ti­mi­ziň ozal be­ren tab­şy­ryk­la­ry­nyň ýe­ri­ne ýe­ti­ri­li­şi ba­ra­da ha­sa­bat ber­di. 

Döw­let Baş­tu­ta­ny­myz ha­sa­ba­ty diň­läp, Ýa­rag­ly Güýç­le­riň äh­li dü­züm­le­rin­de bol­şy ýa­ly, bu eda­ra­nyň işi­ne hem tä­ze­çil usul­la­ry, san­ly ul­gam­la­ry iş­jeň or­naş­dyr­ma­ly­dy­gy­ny, şun­da da­şa­ry ýurt­la­ryň oňyn tej­ri­be­si­ni ulan­ma­ly­dy­gy­ny bel­le­di. Ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy eda­ra­nyň öňün­de dur­ýan ile­ri tu­tul­ýan we­zi­pe­le­ri kes­git­läp, gul­lu­gyň işin­de mig­ra­si­ýa me­se­le­le­ri ba­bat­da Türk­me­nis­ta­nyň hal­ka­ra borç­na­ma­la­ry­na pug­ta eýe­r­me­gi­, iş­gär­ler bi­len üp­jün­çi­li­ge il­kin­ji no­bat­da üns ber­me­gi tab­şyr­dy. 

Soň­ra hor­mat­ly Pre­zi­den­ti­miz Ser­dar Berdimuhamedow Döw­let howp­suz­lyk ge­ňe­şi­niň ag­za­la­ry­na ýüz­le­nip, biz Ga­raş­syz döw­le­ti­mi­ziň he­mi­şe­lik Bi­ta­rap­lyk hu­kuk ýag­da­ýy­na eýe­rip, dün­ýä­niň ýurt­la­ry we halk­la­ry bi­len dost­luk­ly, hoş­ni­ýet­li goň­şu­çy­lyk gat­na­şyk­la­ry­ny alyp bar­ýa­rys. Bi­ziň şu mak­sat­la­ra esas­la­nyp ka­bul eden Har­by dokt­ri­na­myz hem go­ra­nyş hä­si­ýe­ti­ne eýe­dir. Biz go­ra­nyş hä­si­ýet­li Har­by dokt­ri­na­my­zyň ta­lap­la­ry­na la­ýyk­lyk­da, har­by we hu­kuk go­raý­jy eda­ra­la­ryň dü­zü­mi­ni mun­dan beý­läk-de yzy­gi­der­li kä­mil­leş­di­re­ris. Ýur­du­my­zyň go­ran­mak uky­by­ny has-da ber­ki­de­ris. Wa­tan go­rag­çy­la­ry­nyň we ola­ryň maş­ga­la ag­za­la­ry­nyň ýa­şa­ýyş-dur­muş, gul­luk, iş şert­le­ri­ni yzy­gi­der­li go­wu­lan­dyr­mak bo­ýun­ça uly iş­le­ri dur­mu­şa ge­çir­me­gi do­wam ede­ris di­ýip nyg­ta­dy. 

Türk­me­nis­ta­nyň Pre­zi­den­ti, ýur­du­my­zyň Ýa­rag­ly Güýç­le­ri­niň Be­lent Ser­ker­de­ba­şy­sy Ser­dar Berdimuhamedow mej­li­si ta­mam­lap, bu ýe­re ýyg­na­nan­la­ra berk jan sag­lyk, ro­waç­lyk, hal­ky­my­zyň asu­da we bag­ty­ýar dur­muş­da ýa­şa­ma­gy ug­run­da alyp bar­ýan jo­gap­kär­li gul­luk­la­ryn­da uly üs­tün­lik­le­ri ar­zuw et­di.

Aşgabat, 30-njy maý (TDH). Şu gün hormatly Prezidentimiz Serdar Berdimuhamedow Ministrler Kabinetiniň Başlygynyň obasenagat toplumyna gözegçilik edýän orunbasary E.Orazgeldiýewiň hem-de welaýatlaryň häkimleriniň gatnaşmagynda sanly ulgam arkaly iş maslahatyny geçirdi. Onda welaýatlarda alnyp barylýan möwsümleýin oba hojalyk işleriniň barşyna, öňde boljak şanly senelere ýokary derejede taýýarlyk görmek bilen baglanyşykly meselelere garaldy. 

Döwlet Baştutanymyz, ilki bilen, Ahal welaýatynyň häkimi Ý.Gurbanowa söz berdi. Ol şu günler welaýatda alnyp barylýan işleriň ýagdaýy, galla oragyna guramaçylykly girişmek, şol bir wagtyň özünde gowaça agrotehniki kadalara laýyklykda ideg işlerini geçirmek we sebitiň durmuş düzümini kämilleşdirmek ugrunda ýerine ýetirilýän işler barada hasabat berdi. 

Mundan başga-da, häkim ýeralma we gök-bakja ekinlerini ösdürip ýetişdirmek hem-de bu önümleriň bolçulygyny üpjün etmek ugrunda amala aşyrylýan toplumlaýyn işler barada hasabat berdi. Pile taýýarlamak möwsümini netijeli jemlemek boýunça öňde durýan wezipeleriň üstünlikli ýerine ýetirilmegine hemmetaraplaýyn esasda çemeleşilýär. 

Şeýle hem häkim welaýatda Oba milli maksatnamasynda kesgitlenilen wezipeleri ýerine ýetirmek, medeni-durmuş we önümçilik maksatly binalaryň hem-de inženerçilik ulgamyna degişli desgalaryň gurluşyklarynyň depginini güýçlendirmek we olary bellenilen möhletinde tamamlamak ugrunda amala aşyrylýan toplumlaýyn işler barada hasabat berdi. 

 Öňde boljak şanly senelere medeni-köpçülikleýin çäreleri taýýarlamak barada maglumat berildi. 

Hormatly Prezidentimiz Serdar Berdimuhamedow hasabaty diňläp, gallaçy daýhanlaryň durmuşynda möhüm möwsüm bolan galla oragyna guramaçylykly girişmek we ony ýokary hilli hem-de gysga wagtda tamamlamak ugrunda ähli zerur tagallalaryň edilmelidigine ünsi çekdi. Şol bir wagtyň özünde gowaça ideg etmek, zyýankeşleriň we keselleriň ýüze çykmagynyň öňüni almak meselelerine agrotehniki kadalara laýyklykda çemeleşilmelidir. 

Döwlet Baştutanymyz sebitiň ýeralma, gök we bakja ekinleri ösdürilip ýetişdirilýän meýdanlarynda agrotehniki çäreleriň öz wagtynda we ýokary hilli geçirilmeginiň geljekki bol hasylyň kepilidigini belledi hem-de bu ugurda alnyp barylýan işleri talabalaýyk ýola goýmak babatda häkime birnäçe anyk tabşyryklary berdi. 

Şeýle hem Arkadagly Serdarymyz welaýatda pile taýýarlamak möwsümini netijeli jemlemegiň hem-de bu babatda bellenen şertnamalaýyn borçnamany doly berjaý etmegiň möhüm talap bolup durýandygyny belledi. 

Hormatly Prezidentimiz häzirki döwürde sebitleri durmuş-ykdysady taýdan ösdürmek meselelerine döwlet derejesinde ähmiýet berilýändigini aýdyp, şu ýyl welaýatda ulanmaga berilmegi meýilleşdirilen medeni-durmuş we önümçilik maksatly desgalaryň gurluşyklarynda ýokary hil derejesiniň üpjün edilmelidigine we olaryň bellenen möhletinde ulanmaga berilmelidigine ünsi çekdi. 

Döwlet Baştutanymyz ýurdumyzyň durmuşynda möhüm ähmiýeti bolan şanly seneler, şol sanda Çagalary goramagyň halkara güni, Bütindünýä welosiped güni hem-de Daşky gurşawy goramagyň bütindünýä güni mynasybetli meýilleşdirilen çäreleriň ýokary guramaçylyk derejesini üpjün etmek babatda häkime degişli görkezmeleri berdi. 

Soňra Balkan welaýatynyň häkimi T.Atahallyýew sebitiň ekerançylyk meýdanlarynda alnyp barylýan işleriň ýagdaýy, galla oragy möwsümine başlamak boýunça ýerine ýetirilen taýýarlyk işleri, şeýle hem gowaça ýokary hilli ideg etmek ugrunda ýaýbaňlandyrylan toplumlaýyn işler barada hasabat berdi. 

Welaýatda ýeralmanyň, gök we bakja ekinleriniň bol hasylyny ösdürip ýetişdirmek ugrunda alnyp barylýan işlere, bu ekinlerden alynýan hasylyň mukdaryny artdyrmak meselelerine möhüm ähmiýet berilýär. Häzir pile taýýarlamak möwsümini netijeli jemlemek hem-de pile tabşyrmak baradaky bellenen meýilnamany doly berjaý etmek boýunça işler hem bildirilýän talaplara laýyklykda dowam edýär. 

Şeýle hem häkim welaýatyň çäklerinde gurluşygy alnyp barylýan binalardaky işleriň ýagdaýy, medeni-durmuş we önümçilik maksatly desgalaryň gurluşyklaryny bellenen möhletde tamamlamak ugrunda ähli zerur tagallalaryň edilýändigi barada hasabat berdi. 

Mundan başga-da, öňde boljak şanly seneleri mynasyp garşylamak we olaryň hormatyna guraljak dabaralaryň medeni maksatnamalary hakynda hasabat berildi. 

Hormatly Prezidentimiz Serdar Berdimuhamedow hasabaty diňläp, galla oragyna guramaçylykly girişmek maksady bilen, möwsümde işlediljek däne ýygýan kombaýnlaryň we bugdaý daşamakda ulanyljak awtoulaglaryň bökdençsiz hem-de öndürijilikli işledilmegini üpjün etmegi, galla kabul ediş bölümleriniň işini talabalaýyk ýola goýmagy tabşyrdy. 

Döwlet Baştutanymyz welaýatyň gowaça meýdanlarynda alnyp barylýan işleriň döwrüň ýokary talabyna laýyk derejede guralmalydygyna, ideg işlerinde oba hojalyk tehnikalarynyň we gurallarynyň doly güýjünde işledilmegini gazanmagyň möhümdigine ünsi çekip, bu babatda häkime degişli tabşyryklary berdi. 

Şu günler ýazlyk ýeralma we gök-bakja ekinlerini ösdürip ýetişdirmek hem-de bu önümler bilen içerki bazary doly üpjün etmek ugrunda alnyp barylýan işler möhüm bolup durýar. Şunuň bilen baglylykda, ekinlerden bol hasyl almak ugrunda ähli zerur tagallalar edilmelidir. 

Arkadagly Serdarymyz welaýatda pile tabşyrmak möwsümini guramaçylykly geçirmek we bu gymmatly çig maly taýýarlamak boýunça bellenen meýilnamany doly berjaý etmek üçin hemme çäreleriň görülmeginiň zerurdygyny belledi hem-de bu babatda häkime anyk görkezmeleri berdi. 

Döwlet Baştutanymyz şu ýyl welaýatda ulanmaga berilmegi göz öňünde tutulýan medeni-durmuş we önümçilik maksatly desgalarda dowam edýän gurluşyk işlerini berk gözegçilikde saklamagyň möhümdigini aýdyp, olaryň bellenen möhletinde, ýokary hil derejesinde tabşyrylmagyny üpjün etmegi tabşyrdy. 

Hormatly Prezidentimiz Serdar Berdimuhamedow iýun aýynda şanly senelere gabatlanylyp guraljak dabaralaryň ýokary guramaçylyk derejesini üpjün etmegi tabşyrdy. 

Sanly ulgam arkaly geçirilýän iş maslahaty Daşoguz welaýatynyň häkimi N.Nazarmyradowyň hasabaty bilen dowam etdi. Häkim şu günler welaýatda alnyp barylýan işleriň ýagdaýy, galla oragyna guramaçylykly girişmek üçin görülýän taýýarlyk işleri, gowaça meýdanlarynda ideg işleriniň geçirilişi barada hasabat berdi. 

Welaýatda ýeralma we gök-bakja ekinlerini ösdürip ýetişdirmek, bu önümler bilen ilatymyzy üpjün etmek boýunça alnyp barylýan işler, şeýle hem şu ýyl sebitde ulanmaga berilmegi meýilleşdirilen desgalarda gurluşyk işleriniň depginini güýçlendirmek ugrunda edilýän tagallalar barada hasabat berildi. 

Ýurdumyzyň we jemgyýetimiziň durmuşynda möhüm ähmiýeti bolan şanly seneleri mynasyp garşylamak, olary döwrüň ruhuna kybap derejede dabaralandyrmak ugrunda toplumlaýyn işler amala aşyrylýar. Şanly seneleriň medeni maksatnamasy degişli derejede taýýarlanyldy. 

Hormatly Prezidentimiz Serdar Berdimuhamedow hasabaty diňläp, welaýatyň oba hojalyk pudagynda alnyp barylýan işleriň depgininiň pesdigini belläp, onuň guramaçylyk derejesine nägilelik bildirdi. 

Hormatly Prezidentimiz welaýatda galla oragyny guramaçylykly geçirmegiň wajypdygyna ünsi çekip, kombaýnlaryň we ýük awtoulaglarynyň, galla kabul ediş bölümleriniň işini doly derejede bökdençsiz üpjün etmek boýunça ähli zerur tagallalaryň edilmelidigini belledi. 

Döwlet Baştutanymyz gowaça ekilen meýdanlarda häzirki döwürde alnyp barylýan ideg işleriniň talabalaýyk ýola goýulmagynyň, onda oba hojalyk tehnikalarynyň we gurallarynyň doly güýjünde işledilmeginiň geljekki bol hasylyň kepilidigini belledi. Şunda mineral we beýleki dökünler bilen doly üpjün edilmelidir. Zyýankeşleriň we keselleriň ýüze çykmagynyň öňüni almak boýunça alnyp barylýan işler döwrüň talabyna laýyk derejede guralmalydyr. 

Hormatly Prezidentimiz sebitde azyk bolçulygyny berkitmek meselesine möhüm ähmiýet berilmelidigini, şunda ýazlyk ýeralmadan we gök-bakja ekinlerinden ýokary hasyl almak, netijede, hasyly öz wagtynda ýygnamak hem-de içerki bazarlarymyzy üpjün etmegiň zerurdygyny belläp, bu babatda häkime degişli tabşyryklary berdi. 

 Medeni-durmuş we önümçilik maksatly desgalarda gurluşyk işleriniň alnyp barlyşy häkimiň hemişe gözegçiliginde saklanylmalydyr. 

Hormatly Prezidentimiz şeýle hem Watanymyzyň okgunly ösüşini, halkymyzyň bagtyýar durmuşyny alamatlandyrýan öňde boljak şanly senelere taýýarlyk görmek we olary ýokary derejede geçirmek meselelerine ünsi çekdi. Häkime dabaraly çäreleri talabalaýyk hem-de ýokary derejede guramak tabşyryldy. 

Soňra Lebap welaýatynyň häkimi Ş.Amangeldiýew häzirki döwürde sebitde alnyp barylýan möwsümleýin oba hojalyk işleriniň ýagdaýy, galla oragyny guramaçylykly geçirmäge hemmetaraplaýyn taýýarlyk görlüşi, ýeralma we gök-bakja ekinlerini ösdürip ýetişdirmek hem-de bu önümler bilen ilatymyzy doly üpjün etmek boýunça amala aşyrylýan işler barada hasabat berdi. 

Şu ýyl welaýatda ulanmaga berilmegi meýilleşdirilen medeni-durmuş we önümçilik maksatly desgalarda gurluşyk işleriniň barşy barada maglumat berildi. Gurluşyk işlerinde ýokary hil derejesiniň üpjün edilmegine we desgalaryň bellenen möhletlerde tamamlanmagyna möhüm ähmiýet berilýär. 

Şeýle hem häkim ýüpekçileriň yhlasly zähmeti bilen taýýarlanylan piläni gaýtadan işleýän kärhanalara tabşyrmak işleriniň dowam edýändigi barada aýdyp, bu işleriň häzirki döwrüň talabyna laýyk derejede guralýandygyny habar berdi. 

 Öňde boljak şanly senelere taýýarlyk görmek işleri dowam edýär. 

Hormatly Prezidentimiz Serdar Berdimuhamedow hasabaty diňläp, galla oragyny guramaçylykly geçirmek boýunça işleri aýratyn gözegçilikde saklamagyň zerurdygyny aýdyp, orakda işlediljek däne ýygýan kombaýnlaryň we bugdaý daşamakda ulanyljak awtoulaglaryň möwsümde doly güýjünde ulanylmagyny, galla kabul ediş bölümleriniň bökdençsiz işini üpjün etmegi tabşyrdy. Galla oragynyň geçirilişine gözegçilik etmek we işleri guramaçylykly alyp barmak maksady bilen döredilýän ýörite toparlaryň işi talabalaýyk ýola goýulmalydyr. 

Döwlet Baştutanymyz gowaça ideg işleri bilen bir hatarda, oba hojalyk tehnikalaryny we gurallaryny doly güýjünde peýdalanmak, ekinleri mineral dökünler bilen üpjün etmek, şol sanda zyýankeşleriň we keselleriň ýüze çykmagynyň öňüni almak ugrunda alnyp barylýan işleriň netijeli häsiýete eýe bolmalydygyny belledi. Şeýle hem hormatly Prezidentimiz Serdar Berdimuhamedow welaýatda şaly ekişine girişmäge görülýän taýýarlyk işleri bilen gyzyklandy. 

Ýazlyk ýeralma, gök we bakja ekinlerinden ýokary hasyl almak maksady bilen, olary ösdürip ýetişdirmek boýunça bellenilen agrotehniki çäreleri öz wagtynda geçirmek, daýhanlaryň tutanýerli zähmeti bilen kemala getirilen hasyly öz wagtynda ýygnamak hem-de içerki bazarlarymyzy bolelin üpjün etmek, topragyň hasyllylygyny ýokarlandyrmakda hem-de ekerançylygyň medeniýetini gowulandyrmakda möhüm ähmiýeti bolan suw tygşytlaýjy tehnologiýalary giňden ornaşdyrmak meseleleri döwrüň möhüm talaby bolup durýar. 

Hormatly Prezidentimiz şu ýyl welaýatda ulanmaga berilmegi meýilleşdirilen medeni-durmuş we önümçilik maksatly desgalarda gurluşyk işleriniň alnyp barlyşyny yzygiderli gözegçilikde saklamagy tabşyrdy. 

Döwlet Baştutanymyz iýun aýynda belleniljek şanly senelere bagyşlap guraljak dabaralaryň guramaçylykly geçirilmelidigini, olaryň ýatda galyjy pursatlara beslenmelidigini belledi hem-de bu babatda häkime birnäçe tabşyryklary berdi. 

Mary welaýatynyň häkimi D.Annaberdiýew sebitde alnyp barylýan işler, galla oragyna guramaçylykly girişmek we bu möwsümi ýokary derejede geçirmek ugrunda görlen taýýarlygyň derejesi barada hasabat berdi. 

Häzirki döwürde welaýatyň ekerançylyk meýdanlarynda ýeralmanyň, gök-bakja ekinleriniň bol hasylyny ösdürip ýetişdirmek hem-de içerki bazarlarda bu önümleriň bolçulygyny üpjün etmek ugrunda zerur tagallalar görülýär. Şunuň bilen baglylykda, welaýatyň daýhanlary döwlet tarapyndan döredilýän mümkinçiliklerden netijeli peýdalanýarlar. Şol bir wagtyň özünde welaýatda taýýarlanylan piläni gaýtadan işleýän kärhanalara tabşyrmak işleri batly depginde dowam edýär. 

Oba milli maksatnamasyna we «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasyna» laýyklykda, şu ýyl welaýatda ulanmaga berilmegi meýilleşdirilen medeni-durmuş we önümçilik maksatly desgalarda alnyp barylýan gurluşyk işleriniň depginini ýokarlandyrmak boýunça hemmetaraplaýyn tagallalar edilýär. 

Şeýle hem şanly seneleri mynasyp garşylamak we olar mynasybetli dabaralary guramak boýunça degişli düzümleriň tagallalary utgaşdyrylýar.  

Döwlet Baştutanymyz hasabaty diňläp, welaýatda alnyp barylýan işleriň, şol sanda galla oragyna guramaçylykly girişmek boýunça ýerine ýetirilen taýýarlyk işleriniň wajypdygyna ünsi çekip, bu ugurda ähli zerur tagallalaryň edilmelidigini belledi. Möwsümde däne ýygýan kombaýnlaryň we hasyly daşamakda awtoulaglaryň, galla kabul ediş bölümleriniň bökdençsiz işini üpjün etmegiň möhümdigini aýdyp, bu babatda häkime anyk tabşyryklary berdi. 

Hormatly Prezidentimiz Serdar Berdimuhamedow gowaça talabalaýyk ideg edilmeginiň döwrüň baş talabydygyny belläp, ideg işlerinde oba hojalyk tehnikalarynyň we gurallarynyň doly kuwwatynda kada laýyk işledilmeginiň zerurdygyny nygtady we bu babatda häkime birnäçe anyk tabşyryklary berdi. Şunda gowaça meýdanlarynda zyýankeşleriň we keselleriň ýüze çykmagynyň öňüni almak boýunça geçirilýän işler möhümdir. 

Döwlet Baştutanymyz ýeralmanyň we gök-bakja ekinleriniň bereketli hasylyny ösdürip ýetişdirmek hem-de bu önümler bilen ilatymyzy bolelin üpjün etmek ugrunda alnyp barylýan işleriň hemişe gözegçilikde saklanylmalydygyny aýtdy. 

Hormatly Prezidentimiz şu ýyl welaýatda ulanmaga berilmegi meýilleşdirilen medeni-durmuş we önümçilik maksatly desgalarda gurluşyk işleriniň depginini güýçlendirmek, olaryň bellenen möhletlerde ulanmaga tabşyrylmagyny üpjün etmek meselelerine zerur ähmiýet bermegi tabşyrdy. 

Geljek aýda boljak şanly seneler mynasybetli guraljak dabaralaryň ýokary guramaçylyk derejesini üpjün etmek barada hem degişli işlere üns berilmelidir. 

Soňra Ministrler Kabinetiniň Başlygynyň orunbasary E.Orazgeldiýew şu günler ýurdumyzyň ekerançylyk meýdanlarynda alnyp barylýan işleriň ýagdaýy, ýetişdirilen bugdaý hasylyny ýitgisiz ýygnap almak boýunça ýaýbaňlandyrylan taýýarlyk işleriniň derejesi, gowaça ekilen meýdanlarda alnyp barylýan ideg işleri we ýazlyk ýeralmadan, gök-bakja ekinlerinden ýokary hasyl almak ugrunda amala aşyrylýan hemmetaraplaýyn tagallalar barada hasabat berdi. 

Şeýle hem wise-premýer şu günler dowam edýän pile taýýarlamak möwsümini netijeli jemlemek maksady bilen, Ahal we Balkan welaýatlarynda bu işleriň bellenilen möhletlere laýyklykda dowam edýändigini aýtdy. 

Hormatly Prezidentimiz hasabaty diňläp, oba hojalygynda möhüm möwsüm hasaplanylýan galla oragyna guramaçylykly girişmek, möwsümi ýokary derejede hem-de bellenilen möhletde geçirmek meseleleriniň wajypdygyna ünsi çekip, bu ugurda öňde durýan wezipeleriň üstünlikli ýerine ýetirilmegi üçin ähli zerur tagallalaryň edilmelidigini belledi. 

Gowaçanyň we beýleki ekinleriň bol hasylyny kemala getirmek boýunça alnyp barylýan işleriň agrotehnikanyň kadalaryna doly laýyk derejede ýola goýulmagy döwrüň möhüm talaby bolup durýar. Şunuň bilen baglylykda, bu işleriň ýerine ýetirilmegine jogapkärçilikli we hemmetaraplaýyn esasda çemeleşilmelidir. 

Soňra iş maslahatyna gatnaşýanlar hormatly Prezidentimiz Serdar Berdimuhamedowy döwletimiziň hem-de jemgyýetimiziň durmuşynda möhüm orun eýeleýän şanly seneler — Çagalary goramagyň halkara güni, Bütindünýä welosiped güni, Daşky gurşawy goramagyň bütindünýä güni bilen mähirli gutladylar. Olar şanly seneler mynasybetli guralýan dabaralaryň taryhy pursatlara beslenjekdigini belläp, hormatly Prezidentimize berk jan saglyk, uzak ömür, alyp barýan işlerinde mundan beýläk-de uly üstünlikleri arzuw etdiler. 

Döwlet Baştutanymyz gutlaglar üçin minnetdarlyk bildirip, bu seneleriň halkymyz üçin ähmiýetlidigini belledi hem-de olaryň şanyna guraljak dabaralarda mähriban ata Watanymyzyň ýeten derejesiniň we mähriban halkymyzyň döredijilikli zähmetiniň, bagtyýar durmuşynyň öz beýanyny tapmalydygyny aýtdy. 

Hormatly Prezidentimiz Serdar Berdimuhamedow sanly ulgam arkaly geçirilýän iş maslahatyny tamamlap, oňa gatnaşanlara berk jan saglyk, maşgala abadançylygyny we halkymyzyň bagtyýar durmuşynyň, ýurdumyzyň rowaçlygynyň bähbidine alyp barýan işlerinde üstünlikleri arzuw etdi.

Ahal we­la­ýa­ty, 28-nji maý (TDH). Şu gün Türk­me­nis­ta­nyň Mil­li Ge­ňe­şi­niň Halk Mas­la­ha­ty­nyň Baş­ly­gy Gurbanguly Berdimuhamedow Ahal we­la­ýa­ty­na iş sa­pa­ry­ny ama­la aşyr­dy. Gah­ry­man Ar­ka­da­gy­myz bu ýer­de bol­ma­gy­nyň çäk­le­rin­de Ahal we­la­ýa­ty­nyň tä­ze, döw­re­bap eda­ra ediş mer­ke­zi­niň gur­lu­şy­gyn­da al­nyp ba­ryl­ýan iş­ler bi­len ta­nyş­dy hem-de bu iri tas­la­ma­nyň ama­la aşy­ry­ly­şy­nyň dep­gin­le­ri­ni ýo­kar­lan­dyr­mak bi­len bag­la­ny­şyk­ly me­se­le­le­re ba­gyş­la­nan il­kin­ji iş mas­la­ha­ty­ny ge­çir­di. 

Hor­mat­ly Ar­ka­da­gy­myz döw­let Baş­tu­ta­ny­my­zyň tab­şy­ry­gy­na la­ýyk­lyk­da, ýur­du­my­zyň dür­li kün­jek­le­ri­ne iş sa­par­la­ry­ny ama­la aşy­ryp, se­bit­le­ri dur­muş-yk­dy­sa­dy taý­dan ös­dür­mek, ila­tyň dur­muş de­re­je­si­ni ýo­kar­lan­dyr­mak bi­len bag­la­ny­şyk­ly me­se­le­le­ri ýe­rin­de öw­re­nip, ola­ry üs­tün­lik­li ýe­ri­ne ýe­tir­me­giň ugur­la­ry­ny kes­git­le­ýär. 

 Hä­zir­ki wagt­da bu ýer­de gur­lu­şyk iş­le­ri bat­ly dep­gin­ler­de do­wam ed­ýär. 

Ahal we­la­ýa­ty­nyň mer­ke­zi­niň gur­lu­şy­gy bo­ýun­ça döw­let ko­mi­te­ti­niň baş­ly­gy D.Ora­zow we Ahal we­la­ýa­ty­nyň tä­ze, döw­re­bap eda­ra ediş mer­ke­zi­niň şä­he­ri­niň hä­ki­mi Ş.Dur­dy­ly­ýew mer­ke­ziň gur­lu­şy­gyn­da ýe­ri­ne ýe­ti­ril­ýän iş­ler, des­ga­la­ryň bel­le­nen möh­let­ler­de gur­lup ulan­ma­ga be­ril­me­gi, ola­ryň en­jam­laş­dy­ry­ly­şy bi­len bag­la­ny­şyk­ly me­se­le­ler ha­kyn­da mag­lu­mat ber­di­ler. 

Ahal we­la­ýa­ty­nyň tä­ze, döw­re­bap eda­ra ediş mer­ke­zin­de al­nyp ba­ryl­ýan iş­ler hä­zir­ki döw­rüň ta­la­by­na we hor­mat­ly Pre­zi­den­ti­mi­ziň tab­şy­ryk­la­ry­na la­ýyk de­re­je­de do­wam ed­ýär. Hä­zir­ki za­man bi­na­gär­lik çöz­güt­le­ri esa­syn­da dür­li önüm­çi­lik des­ga­la­ry, dur­muş ul­ga­my­na de­giş­li bi­na­lar, äh­li amat­lyk­la­ry özün­de jem­le­ýän döw­re­bap ýa­şa­ýyş jaý­la­ry gu­rul­ýar. 

Gah­ry­man Ar­ka­da­gy­myz tä­ze mer­kez­de gu­rul­ma­gy göz öňün­de tu­tul­ýan ýe­ras­ty ge­çel­ge­le­riň baş me­ýil­na­ma­sy hem-de ola­ryň ýer­leş­jek ýer­le­ri­niň çyz­gy­la­ry bi­len ta­nyş­dy. Gu­rul­ýan des­ga­la­ryň ýo­ka­ry hi­li­niň üp­jün edil­me­gi we ola­ryň öz wag­tyn­da ula­n­ma­ga tab­şy­ryl­ma­gy hä­zir­ki döw­rüň mö­hüm ta­la­by bo­lup dur­ýar. 

Hor­mat­ly Ar­ka­da­gy­myz Gurbanguly Berdimuhamedow des­ga­la­ryň gur­lu­şyk we ti­mar­la­ýyş iş­le­rin­de ula­nyl­ýan se­riş­de­ler we ola­ryň aý­ra­tyn­lyk­la­ry hem-de hil de­re­je­si bi­len gy­zyk­lan­dy. Şol se­riş­de­ler yg­ty­bar­ly­ly­gy, uzak möh­let­le­ýin­li­gi, eko­lo­gi­ýa­sy, owa­dan­ly­gy, ýur­du­my­zyň ho­wa şert­le­ri­ne la­ýyk­ly­gy bi­len ta­pa­wut­lan­ma­ly­dyr. 

Mer­ke­ziň gur­lu­şy­gy bo­ýun­ça döw­let ko­mi­te­ti­niň ýol­baş­çy­sy gur­lu­şyk iş­le­ri­niň ýo­ka­ry hil de­re­je­si­ni üp­jün et­mek we olary bel­le­nen möh­let­de ta­mam­la­mak bo­ýun­ça öň­de goý­lan we­zi­pe­le­riň üs­tün­lik­li ýe­ri­ne ýe­ti­ril­me­gi ug­run­da äh­li ze­rur ta­gal­la­la­ry gaý­gyr­ma­jak­dyk­la­ry­na ynan­dyr­dy. 

Tä­ze mer­kez­de ady ro­wa­ýa­ta öw­rü­len Ak­han at­ly ahal­te­ke be­de­wi­niň heý­ke­li­ni oturt­mak çöz­gü­di ka­bul edil­di. Şun­da aja­ýyp be­de­wiň heý­ke­li­niň otur­dyl­jak şa­ýo­lu­na döw­re­bap at dak­mak bo­ýun­ça pi­kir alyş­ma­lar bol­dy. Gah­ry­man Ar­ka­da­gy­myz türk­men hal­ky­nyň buý­san­jy­na öw­rü­len şöh­rat­ly be­de­wiň heý­ke­li­niň otur­dyl­jak kö­çe­si­niň Ak­han diý­lip at­lan­dy­ryl­ma­gy­nyň mak­sa­da­la­ýyk bol­jak­dy­gy­ny bel­le­di we bu ba­ra­da­ky tek­li­bi öňe sür­di. 

Mer­ke­ziň gur­lu­şy­gy bo­ýun­ça döw­let ko­mi­te­ti­niň baş­ly­gy we eda­ra ediş mer­ke­zi­niň şä­he­ri­niň hä­ki­mi Gah­ry­man Ar­ka­da­gy­my­zyň tek­li­bi­ni oň­la­dy­lar. 

Türk­me­nis­ta­nyň Mil­li Ge­ňe­şi­niň Halk Mas­la­ha­ty­nyň Baş­ly­gy Gurbanguly Berdimuhamedowyň nygtaýşy ýaly,  des­ga­la­ryň gur­lu­şy­gyn­da we ti­mar­la­ýyş iş­le­rin­de ýo­ka­ry hil­li se­riş­de­ler ula­nyl­ma­ly­dyr. Olar ýer­li te­bi­gy-ho­wa şert­le­ri­ne, ýo­ka­ry eko­lo­gik ka­da­la­ra, aý­ra­tyn-da, mil­li be­zeg aý­ra­tyn­ly­gy­na hem-de berk­lik, oňaý­ly­lyk ta­lap­la­ry­na do­ly la­ýyk gel­me­li­dir. Şeý­le hem Gah­ry­man Ar­ka­da­gy­myz tä­ze şä­he­riň des­ga­la­ry­nyň gur­lu­şy­gyn­da iş­le­ýän gur­lu­şyk­çy­la­ryň işi we dynç al­şy üçin dö­re­dil­ýän şert­ler bi­len gy­zyk­lan­dy. 

Ýur­du­myz­da ýaý­baň­lan­dy­ry­lan dur­muş mak­sat­ly öz­gert­me­le­ri ama­la aşyr­ma­gyň çäk­le­rin­de gur­lu­şyk ul­ga­my­nyň öňün­de dur­ýan we­zi­pe­le­riň üs­tün­lik­li ýe­ri­ne ýe­ti­ril­me­gi wa­jyp­dyr. Ahal we­la­ýa­ty­nyň tä­ze, döw­re­bap eda­ra ediş mer­ke­zin­de me­ýil­leş­di­ri­len des­ga­la­ryň gur­lu­şy­gy­nyň Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň ag­za­la­ry­na yna­ny­lan­dy­gy­ny bel­le­mek ge­rek. Şun­da dün­ýä ül­ňü­le­ri­ne la­ýyk gel­ýän hä­zir­ki za­man gur­lu­şyk se­riş­de­le­ri­niň ula­nyl­ma­gy, iş­le­riň ýo­ka­ry hil de­re­je­si­niň üp­jün edil­me­gi mö­hüm ta­lap bo­lup dur­ýar. Şeý­le­lik­de, ýa­kyn gel­jek­de Kö­pet­da­gyň ete­gin­dä­ki aja­ýyp kün­jek­de Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rü­niň dö­re­di­ji­lik we ösüş ru­hu­nyň aý­dyň gör­ke­zi­ji­si bo­lan tä­ze şä­her eme­le ge­ler. 

Mil­li Ge­ňe­şiň Halk Mas­la­ha­ty­nyň Baş­ly­gy Gurbanguly Berdimuhamedow mer­ke­ziň Baý­dak meý­dan­ça­sy­nyň aba­dan­laş­dy­ry­ly­şy bi­len tan­şyp, bu ýer­de köp­çü­lik­le­ýin me­de­ni çä­re­le­riň, da­ba­ra­ly ýö­ri­şiň ge­çi­ril­me­gi­ni na­za­ra alyp, äh­li ze­rur müm­kin­çi­lik­le­riň dö­re­dil­me­gi, meý­dan­ça­nyň tö­we­re­gin­dä­ki ýol­la­ryň döw­re­bap­laş­dy­ryl­ma­gy hem-de adam­lar üçin äh­li amat­lyk­la­ry bo­lan ýe­ras­ty ge­çel­ge­le­riň gu­rul­ma­gy ba­bat­da bir­nä­çe mas­la­hat­la­ry­ny ber­di. 

Hor­mat­ly Ar­ka­da­gy­myz bu ýer­de ge­çi­ren iş mas­la­ha­ty­ny jem­läp, on­da ga­ra­lan me­se­le­le­riň üs­tün­lik­li çö­zül­me­gi­niň wa­jyp­dy­gy­ny bel­le­di we iş mas­la­ha­ty­ny yzy­gi­der­li, ýag­ny her hep­de­de ge­çir­mek bo­ýun­ça de­giş­li ýol­baş­çy­lar bi­len pi­kir alyş­dy. 

Türk­me­nis­ta­nyň Mil­li Ge­ňe­şiniň Halk Mas­la­ha­ty­nyň Baş­ly­gy Gurbanguly Berdimuhamedow tä­ze mer­kez­de al­nyp ba­ryl­ýan iş­le­riň mun­dan beý­läk-de ro­waç­ly­ga bes­len­me­gi­ni ar­zuw edip, bu ýer­den ug­ra­dy. 

Hor­mat­ly Ar­ka­da­gy­myz ýo­lug­ra täze mer­ke­ziň ýol­la­ry­nyň, ýe­ras­ty hem-de ýe­rüs­ti ge­çel­ge­le­ri­niň gu­rul­ýan ýe­rin­de sak­lan­dy we bu ýer­de gur­lu­şyk iş­le­ri­niň ýerine ýetirilişini syn­la­dy. Hä­zir­ki dö­wür­de Ahal we­la­ýa­ty­nyň tä­ze, döw­re­bap eda­ra ediş mer­ke­zi­niň des­ga­la­ry­nyň gur­lu­şyk­la­ry top­lum­la­ýyn esas­da al­nyp ba­ryl­ýar. Mu­nuň özi halkymyzyň buý­san­jy bo­lan mäh­ri­ban Wa­ta­ny­my­zyň saz­la­şyk­ly ösüş ýo­lu­na dü­şen­di­gi­niň aý­dyň be­ýa­ny­dyr.

Hormatly Prezidentimiz Serdar Berdimuhamedow Türkmenistanyň halkynyň we Hökümetiniň adyndan, şeýle hem hut öz adyndan Omanyň Soltany Haýsam bin Tarik Al Saide we ýurduň ähli halkyna Türkmenistan bilen Oman Soltanlygynyň arasynda diplomatik gatnaşyklaryň ýola goýulmagynyň 30 ýyllygy mynasybetli tüýs ýürekden gutlaglaryny hem-de iň gowy arzuwlaryny iberdi.  

Döwlet Baştutanymyz iki döwletiň arasyndaky gatnaşyklaryň birek-birege hormat goýmak, deňhukuklylyk, ynanyşmak ýörelgelerine esaslanýandygyny nygtap, Türkmenistanyň olaryň giňeldilmegine gyzyklanma bildirýändigini belledi hem-de bilelikdäki tagallalaryň netijesinde iki ýurduň arasyndaky hyzmatdaşlygyň halklaryň abadançylygynyň bähbidine mundan beýläk-de ösdüriljekdigine ynam bildirdi.  

Hormatly Prezidentimiz Serdar Berdimuhamedow ýakymly mümkinçilikden peýdalanyp, Soltan Haýsam bin Tarik Al Saide berk jan saglyk, bagtyýarlyk we abadançylyk, Oman Soltanlygynyň halkyna bolsa gülläp ösüş hem-de rowaçlyk arzuw etdi.  

 *** 

 Türkmenistanyň Prezidenti Horwatiýa Respublikasynyň Prezidentini gutlady 

Hormatly Prezidentimiz Serdar Berdimuhamedow Horwatiýa Respublikasynyň Prezidenti Zoran Milanowiçe we ýurduň ähli halkyna Horwatiýa Respublikasynyň milli baýramy — Döwlet güni mynasybetli tüýs ýürekden gutlaglaryny we iň gowy arzuwlaryny iberdi.  

Döwlet Baştutanymyz ýakymly mümkinçilikden peýdalanyp, Prezident Zoran Milanowiçe berk jan saglyk, bagtyýarlyk, abadançylyk, Horwatiýa Respublikasynyň halkyna bolsa parahatçylyk, rowaçlyk hem-de gülläp ösüş arzuw etdi.  

(TDH)

Hormatly Pre­zi­den­ti­miz  Da­şo­guz­da tä­ze has­sa­ha­na­la­ryň açy­ly­ş dabaralaryna gat­naş­dy 

 Daşoguz, 27-nji maý (TDH). Şu gün hormatly Prezidentimiz Serdar Berdimuhamedow Daşoguz welaýatyna dowam edýän toý saparynyň çäklerinde ýurdumyzyň demirgazyk sebitiniň dolandyryş merkezinde bina edilen lukmançylyk desgalarynyň ikisiniň — köpugurly we onkologiýa hassahanalarynyň açylyş dabaralaryna gatnaşdy. 

Mälim bolşy ýaly, halkymyzyň saglygy hem-de abadançylygy baradaky alada “Döwlet adam üçindir!” diýen şygar esasynda alnyp barylýan durmuş ugurly döwlet syýasatynyň ileri tutulýan wezipeleriniň biridir. Täze taryhy eýýamda ýurdumyzda ýaýbaňlandyrylan giň gerimli özgertmeler maksatnamalarynyň möhüm ugurlary Diýarymyzyň saglygy goraýyş we derman senagaty ulgamyny has-da ösdürmekden hem-de kämilleşdirmekden, pudagyň düzümlerini düýpli döwrebaplaşdyrmakdan, öňdebaryjy täzeçil tehnologiýalary ornaşdyrmakdan, ýokary derejeli hünärmenleri taýýarlamakdan, ylmy we amaly lukmançylyk babatda daşary ýurtly hyzmatdaşlar bilen gatnaşyklary giňeltmekden ybaratdyr. 

Döwrüň talaplaryna kybap gelýän, dünýäniň öňdebaryjy öndürijileriniň iň täze enjamlary bilen üpjün edilen iri lukmançylyk merkezleri munuň aýdyň subutnamasydyr. Olar paýtagtymyzda, ýurdumyzyň ähli welaýatlarynda, hatda iň alys künjeklerinde-de guruldy we gurulýar. Munuň özi ýokary derejeli lukmançylyk kömegini gönüden-göni ýerinde bermäge mümkinçilik döredip, adamyň ömür dowamlylygynyň artmagyna ýardam berýär. Bularyň ählisi soňky ýyllarda ýurdumyzda halkyň saglygyny goramak we berkitmek, jemgyýetde sagdyn durmuş ýörelgesini berkarar etmek, köpçülikleýin bedenterbiýe-sagaldyş hereketini wagyz etmek babatda uly üstünlikleriň gazanylýandygyna aýdyň şaýatlyk edýär. Bu ugurda alnyp barylýan maksada gönükdirilen işler dünýä jemgyýetçiliginiň we abraýly halkara guramalaryň, şol sanda BMG-niň hem-de onuň iri düzümleriniň — Bütindünýä Saglygy Goraýyş Guramasynyň, BMG-niň Çagalar gaznasynyň we beýleki düzümleriň giň goldawyna mynasyp boldy. Olar bilen ýurdumyz işjeň, netijeli hyzmatdaşlygy ösdürýär. 

Şu günki şanly waka “Saglyk” Döwlet maksatnamasynyň üstünlikli durmuşa geçirilmeginiň dowam etdirilýändiginiň ýene-de bir subutnamasydyr. Bu maksatnamanyň çäklerinde türkmenistanlylara ýokary halkara ölçeglerdäki lukmançylyk hyzmatlarynyň elýeterli bolmagyny üpjün eden Diýarymyzyň saglygy goraýyş ulgamynda düýpli özgertmeler geçirilýär. 

Awtoulagynda 450 orunlyk welaýat köpugurly hassahanasynyň binasynyň öňündäki meýdança gelen hormatly Prezidentimiz Serdar Berdimuhamedowy dabara gatnaşyjylar ruhubelentlikde, mähirli garşyladylar. Aýdym-saz we tans döredijilik toparlarynyň çykyşlary bu ýerdäki baýramçylyk dabarasyna aýratyn öwüşgin çaýdy. 

 Soňra döwlet Baştutanymyz ulanmaga berilýän köpugurly hassahananyň esasy girelgesiniň öňünde gurnalan münbere geçýär. Hormatly Prezidentimiz Serdar Berdimuhamedow dabara gatnaşyjylara ýüzlenip, Berkarar döwletiň täze eýýamynyň Galkynyşy döwründe ýurdumyzyň her bir gününiň toý-baýramlara, ýatdan çykmajak ajaýyp wakalara beslenýändigini belledi. Tutumly işleriň başy başlanyp, asyrlara ýaň saljak taryhy özgertmeler amala aşyrylýar. 

Ine, şu gün hem biz gadymy Daşoguz topragynda ýene-de bir şatlykly wakanyň şaýady bolýarys. Welaýat merkezinde 450 orunlyk köpugurly we 150 orunlyk onkologiýa hassahanalaryny açyp ulanmaga berýäris diýip, döwlet Baştutanymyz aýtdy we ýygnananlary hem-de ýurdumyzyň saglygy goraýyş ulgamynyň işgärlerini bu şanly waka bilen tüýs ýürekden gutlady. 

Bellenilişi ýaly, Daşoguz şäherinde açylyp ulanmaga berilýän bu hassahanalar häzirki döwrüň iň kämil lukmançylyk enjamlary, saglygy goraýyş maksatly serişdeler bilen üpjün edildi. Bu enjamlardyr serişdeler Germaniýanyň, Fransiýanyň, Italiýanyň, Ýaponiýanyň, ABŞ-nyň, Niderlandlar Patyşalygynyň, Daniýanyň, Beýik Britaniýanyň we beýleki döwletleriň öňdebaryjy kompaniýalarynda öndürildi. 

Bu ýerde jemi 1 müň 331 işgäriň talabalaýyk zähmet çekmegi üçin ähli amatly şertler döredildi. Hassahanalarda işlejek hünärmenler ýurdumyzyň merkezi lukmançylyk edaralarynda, Myrat Garryýew adyndaky Türkmenistanyň Döwlet lukmançylyk uniwersitetinde, şeýle-de Türkiýe, Russiýa ýaly döwletleriň öňdebaryjy klinikalarynda öz ugurlary boýunça birnäçe gezek kämilleşdiriş okuwlaryny geçip, tejribe topladylar. Umuman, Daşoguz welaýatynda täze gurlup ulanmaga berlen bu hassahanalarda ilatyň saglygyny berkitmek, keselleri häzirki döwrüň usullary we tehnologiýalary esasynda bejermek üçin ähli mümkinçilikler döredildi. Olar ýokary derejeli, köptaraply lukmançylyk kömegini bermäge niýetlenendir. 

Berkarar döwletimizde «Sagdyn jemgyýet sagdyn döwletiň esasydyr» diýen ýörelgeden ugur alnyp, ynsan saglygyny goramaga we berkitmäge, sagdyn durmuş ýörelgesini ornaşdyryp, keselleriň öňüni almaga, olary wagtynda bejermäge uly ähmiýet berilýär. Raýatlarymyzyň eşretli durmuşyň hözirini görüp, uzak ýyllaryň dowamynda bagtyýar ömür sürmegi üçin tutumly işler amala aşyrylýar. Beden we ruhy taýdan sagdyn, ata Watanymyza wepaly, ukyp-başarnykly nesilleri terbiýeläp ýetişdirmek boýunça hem giň gerimli işler alnyp barylýar. 

Gahryman Arkadagymyzyň tagallasy esasynda «Saglyk» Döwlet maksatnamasy kabul edildi. Bu maksatnama laýyklykda, eziz Diýarymyzda ilatyň saglygyny goramak, sagdyn durmuşyny üpjün etmek Garaşsyz Türkmenistanyň alyp barýan döwlet syýasatynyň esasy ugurlarynyň birine öwrüldi diýip, hormatly Prezidentimiz Serdar Berdimuhamedow nygtady. Şeýle bolansoň, paýtagtymyz Aşgabatda we ýurdumyzyň ähli welaýatlarynda dünýä ölçeglerine laýyk gelýän hassahanalar, saglyk öýleridir merkezleri guruldy we gurulýar. Sport toplumlary, stadionlar, atçylyk sport toplumlary, ýöriteleşdirilen sport mekdepleri, dynç alyş-sagaldyş merkezleri, şypahanalar gurlup ulanmaga berilýär. 

Raýatlarymyzyň sagdyn durmuşy, saglygynyň berkemegi, ömrüniň uzalmagy ýaşaýyş-durmuş şertleri bilen aýrylmaz baglydyr. Şoňa görä-de, biz halkymyzyň ýaşaýyş-durmuş derejesini gowulandyrmak barada yzygiderli alada edýäris. Ähli amatlyklary bolan döwrebap ýaşaýyş jaýlaryny we durmuş maksatly desgalary gurup ulanmaga berýäris. Ýaşamak, dynç almak üçin zerur şertleri bolan häzirki zaman şäherçelerinidir obalaryny döretmek ugrunda möhüm işleri alyp barýarys. 

Jemgyýetimizde sagdyn durmuş ýörelgelerini wagyz etmäge, keselleriň öňüni almaga we netijeli bejermäge aýratyn üns bereris diýip, hormatly Prezidentimiz Serdar Berdimuhamedow aýtdy hem-de saglygy goraýyş ulgamyna döwrüň iň kämil tehnologiýalaryny, öňdebaryjy dünýä tejribesini ornaşdyrmak üçin köp mukdarda serişdeleriň goýberiljekdigini belledi. Şu gün Daşoguz şäherinde açylyp ulanmaga berilýän, uzak ýyllaryň dowamynda halkymyza hyzmat etjek döwrebap hassahanalaryň keselleri bejermekde, adamlaryň ömür dowamlylygyny uzaltmakda sebitde esasy merkezlere öwrüljekdigine pugta ynanýaryn diýip, döwlet Baştutanymyz nygtady we dabara gatnaşyjylary täze hassahanalaryň açylmagy bilen tüýs ýürekden gutlady. 

Çykyşynyň ahyrynda hormatly Prezidentimiz Serdar Berdimuhamedow ýygnananlara hem-de mähriban halkymyza berk jan saglygyny, maşgala abadançylygyny, il saglygy ugrunda ýadawsyz zähmet çekýän saglygy goraýyş işgärlerine bolsa alyp barýan işlerinde uly üstünlikleri arzuw etdi. 

Soňra döwlet Baştutanymyz dabara gatnaşyjylaryň şowhunly el çarpyşmalary astynda toý bagyny kesip, binanyň içine girdi. Belent mertebeli myhmany ak ýektaýly çagalar ajaýyp çykyşlary bilen garşyladylar. 

Hormatly Prezidentimiz hassahananyň tehniki taýdan enjamlaşdyrylyşy hem-de bu ýerde näsaglardyr lukmanlaryň işlemegi üçin döredilen şertler bilen tanyşdy. 

 Ýokary hilli we köptaraply lukmançylyk kömegini bermäge niýetlenen köpugurly hassahananyň 4 gatly binalar toplumy 7 bölekden ybaratdyr. Bu ýerde ýöriteleşdirilen bölümleriň 32-si bar. Olaryň hatarynda maslahat beriş, fizioterapiýa, endoskopiýa, kelle-beýni gan aýlanyşy bozulan näsaglaryň (insult) bölümi, infarkt, nefrologiýa, neýrohirurgiýa, rewmokardiologiýa, GBB keselleri, arterial gipertoniýa, umumy kardiologiýa, pulmonologiýa we allergologiýa, endokrinologiýa, şöhle bilen anyklaýyş, anesteziologiýa we reanimasiýa, toksikologiýa we gemodializ, trawmatologiýa we ortopediýa bölümleri bar. 

Hassahanada hirurgiýa bölümleriniň 4-si bolup, olar umumy hirurgiýa, iriňli we ýanyk keselli näsaglar hirurgiýasy, endokrin hirurgiýa hem-de torokal we endowaskulýar bölümleridir. Hirurgiýa bölümlerinde kiçi we uly operasiýa otaglary, sanjym otaglary, aýratynlykda sargy otaglary bar. Operasiýa otaglary örän çylşyrymly operasiýalary geçirmäge mümkinçilik berýän kämil enjamlar bilen üpjün edilipdir. 

Hormatly Prezidentimiz Serdar Berdimuhamedow neýrohirurgiýa bölümine barýar. Bu bölümde hassalaryň ýatymlaýyn bejergi almagy üçin ähli şertler döredilipdir. Ol oňurga sütüniniň we oňurga beýnisiniň kesellerini bejermäge, kelle-beýni şikeslerine, çişlerine çylşyrymly operasiýalary geçirmäge ýöriteleşdirilendir. 

Bölümiň lukmany bejergi alýan raýatlara ýokary hilli lukmançylyk kömegini bermek üçin hassahanada rahat mebelleri hem-de ähli zerur tehniki enjamlary bolan bir we iki orunlyk oňaýly otaglaryň bardygyny gürrüň berdi. 

Lukman ilatyň saglygyny berkitmäge aýratyn üns berýändigi hem-de dünýä ölçeglerine laýyk gelýän köpugurly hassahananyň täze binasy üçin hoşallyk bildirip, hormatly Prezidentimize berk jan saglyk, uzak ömür we Garaşsyz Watanymyzyň gülläp ösmeginiň bähbidine alyp barýan işlerinde üstünlikleri arzuw etdi. 

Soňra döwlet Baştutanymyz Serdar Berdimuhamedow anesteziologiýa we reanimasiýa bölümine baryp, bu ýerde ornaşdyrylan lukmançylyk enjamlarynyň aýratynlyklary bilen tanyşdy. 

Bölümiň lukmany 18 hassa niýetlenen anesteziologiýa we reanimasiýa bölüminiň esasy wezipesiniň agyr keselli näsaglara ýokary hilli ýöriteleşdirilen lukmançylyk kömegini bermekden, hirurgiýa operasiýalarynda, anyklaýyş-funksional barlaglarynda agyrysyzlandyrmagyň dürli döwrebap usullaryny ulanmakdan hem-de gaýragoýulmasyz kömek bermekden ybaratdygyny habar berdi. 

Ähli amatlyklary bolan otaglar intensiw bejergi üçin we agyr keselli näsaglara ýokary hilli seredilmegini üpjün etmäge niýetlenendir. Emeli dem beriş enjamy kompressor we kompýuter programmasy bilen üpjün edilip, merkezleşdirilen gözegçilik bekedine birleşdirilendir, şol ýerde näsaglaryň ýagdaýy — gan basyşynyň, dem alşynyň, ýürek urşunyň ýagdaýlary baradaky hemme maglumatlar jemlenýär. Bu ulgam gaýragoýulmasyz ýagdaýlarda lukmançylyk kömegini öz wagtynda bermäge ýardam edýär. 

Döwlet Baştutanymyza näsag üçin niýetlenen ýatylýan enjam görkezildi. Bu enjamy elektrik hereketlendirijiniň kömegi bilen dürli taraplara üýtgedip, hassanyň ýagdaýyna görä amatlylyk berip bolýar. Onuň ýene-de bir aýratynlygy düşekçeleriniň ýyladyjy häsiýeti hem-de tolkun görnüşinde hereket etmek bilen, uzak wagtlap bejergi alýan näsaglarda ýaralaryň döremeginiň öňüni almaga ýardam bermeginde jemlenýär. Şeýle-de bölüm kardiomonitorlar, infuzomatlar, perfuzorlar we göçme rentgen hem-de ultrases barlag enjamlary bilen doly üpjün edilendir. 

Bölümiň lukmany hormatly Prezidentimize uzak we bagtyýar ömür arzuw edip, adamlaryň saglygyny goramakda bilimini hem-de tejribesini gaýgyrmajakdygyna ynandyrdy. 

 Soňra döwlet Baştutanymyz operasiýa bölümine baryp, onuň enjamlaşdyrylyşy bilen tanyşdy. 

Operasiýa bölümi umumy hirurgiýa, urologiýa, ortopediýa, trawmatologiýa, kardiologiýa, neýrohirurgiýa we göz kesellerini bejermäge ýöriteleşdirilendir. Operasiýa zallarynyň üpjünçiligi innowasion häsiýetlidir, kämil lukmançylyk tehnikalary lukmanlara köpugurly, çylşyrymly operasiýalary geçirmäge hem-de operasiýadan soňky gaýraüzülmeleriň derejesini peseltmäge mümkinçilik berýär. Bu ýerde aýratyn düzgünde işleýän we dünýä ölçeglerine gabat gelýän zyýansyzlandyryjy enjamlar toplumy ornaşdyryldy. 

 Soňra hormatly Prezidentimize iň häzirki zaman enjamlary görkezildi. 

Innowasion endoskopik enjamlar az şikesli operasiýalary geçirmäge niýetlenendir. Olaryň kömegi bilen häzirki zaman usuly arkaly uly bolmadyk kesimler bilen çylşyrymly operasiýalary geçirmek mümkin, bu bolsa näsaglaryň saglygynyň tiz dikelmegine ýardam berýär. Rentgen enjamynyň kömegi bilen ýokary takyklykdaky şekilleri alyp, operasiýa wagtynda näsaga barlag geçirip bolýar. 

Soňra köpugurly operasiýa stoly görkezildi. Ol enjam operasiýa geçirilende näsag we lukman üçin has oňaýly ýagdaýy saýlamaga mümkinçilik berýär. Gemodinamiki görkezijileriň işine hem-de anesteziýa döwründe näsagyň örän möhüm ulgamlaryna gözegçilik etmek üçin operasiýa zallarynda kardiomonitor oturdyldy. Operasiýa geçirmäge niýetlenen zallar iň täze enjamlar bilen üpjün edildi. Göz keselli näsaglarda hirurgik bejergileri geçirmek üçin lazer hirurgiýasyna niýetlenen enjam göz öňünde tutuldy. Ol mikrohirurgik amallary ýerine ýetirmäge mümkinçilik berýär. 

Bölümiň lukmany ýurdumyzyň gülläp ösmegi hem-de türkmenistanlylaryň hal-ýagdaýynyň ýokarlanmagy ugrunda alyp barýan köptaraply işleri üçin hormatly Prezidentimiz Serdar Berdimuhamedowa hoşallyk bildirip, berk jan saglyk, uzak ömür arzuw etdi. 

Soňra döwlet Baştutanymyz şu bölümiň litotripsiýa otagyna bardy hem-de onda oturdylan häzirki zaman lukmançylyk enjamlarynyň işi bilen tanyşdy.  

Bölümiň lukmany böwrekdäki daşlardan ejir çekýän näsaglary bejermäge niýetlenen, Şweýsariýanyň önümi bolan distansion litotripter enjamyny görkezdi. Bellenilişi ýaly, enjamlaryň aglabasy az inwaziw usullar bilen ynsan saglygyny dikeltmäge ýardam edýär. Bu enjamlar böwrek we peşew ýollarynyň daş kesellerinden ejir çekýän hassalary bejermekde ähmiýetlidir. 

Bölümiň lukmany Daşoguzda ýurdumyzyň saglygy goraýyş ulgamynyň üstünliklerini alamatlandyrýan döwrebap hassahananyň açylandygy üçin ýene-de bir gezek hoşallyk bildirip, özüniň we kärdeşleriniň ilata ýokary hilli lukmançylyk hyzmatlaryny hödürläp, tutanýerli zähmet çekjekdiklerine ynandyrdy. 

 Soňra hormatly Prezidentimiz Serdar Berdimuhamedow bu ýerdäki barlaghanada ornaşdyrylan innowasion enjamlary synlady. 

Bu bölümde kliniki barlaghana, biohimiýa, bakteriologiýa, molekulýar-genetika, immunologiýa otaglary bolup, olarda häzirki zaman lukmançylygynda ýerine ýetirilýän barlaglaryň döwrebap görnüşlerini geçirmäge mümkinçilik bar. Barlaghananyň lukmany döwlet Baştutanymyzy bu ýerde ornaşdyrylan enjamlar bilen tanyşdyrdy. Olar ýokary takyklygy hem-de geçirilýän barlaglaryň hiliniň ýokarylygy bilen tapawutlanýar. 

Barlaghanada Germaniýanyň “Human” kompaniýasynyň “HumaStar 200” awtomatlaşdyrylan biohimiýa enjamy ornaşdyryldy. Onuň kömegi arkaly ganyň düzümindäki ähli fermentleri, elektrolitleri, beloklary, holesterini we onuň fraksiýalaryny, glýukozany hem-de glikolizirlenen gemoglobini kesgitläp bolýar. 

Soňra hormatly Prezidentimize “HumaClot Pro” awtomatlaşdyrylan koagulometr görkezildi. Bu ýokary takyklykdaky enjam ganyň çalt we haýal lagtalanmagyny irki döwürde anyklamaga, bu keseli derman serişdeleri bilen bejermegi kesgitlemäge ýardam berýär. Molekulýar biologik we genetik barlaglary geçirmek üçin doly awtomatlaşdyrylan anyklaýjy PZR enjamy ýerleşdirildi. Bu enjamyň esasy artykmaçlygy RNK we DNK zynjyrly wiruslary ýüze çykarmakdan ybaratdyr. Munuň özi keselleri bejermekde uly ähmiýete eýedir. 

Köpugurly hassahananyň barlaghanasynda ganyň süýjüligi, gemoglobin, holesterin, moçewina, bilirubin we onuň fraksiýalary, peşewde belok, glýukoza, keton, urobilirubin, eritrositleriň we leýkositleriň mukdary, wirusly gepatit we başga wiruslary hem-de ýokançlaryň antigenleriniň hil we mukdar taýdan anyklanylyşy ýaly ekspress-anyklaýyş barlaglary geçirilýär. Barlaghananyň hünärmenleriniň ýokary bilim derejesi laboratoriýa barlaglaryny ýokary derejede geçirmäge mümkinçilik berýär. 

Barlaghana bölüminiň işgäri şeýle döwrebap lukmançylyk edarasynda işlemäge döredilen mümkinçilik üçin ähli saglygy goraýyş işgärleriniň adyndan döwlet Baştutanymyza hoşallyk bildirip, berk jan saglyk, uzak ömür hem-de halkymyzyň bagtyýar durmuşynyň bähbidine alyp barýan asylly işinde üstünlikleri arzuw etdi. 

Soňra hormatly Prezidentimiz şöhle bilen anyklaýyş bölümine bardy. Bu bölüm lukmançylyk ylmynyň iň soňky gazananlaryna esaslanýan kesel anyklaýyş enjamlary bilen üpjün edildi. Döwlet Baştutanymyza dünýäde meşhur “Philips Medical Systems” kompaniýasynyň magnit-rezonans tomografy görkezildi. 

Ýurdumyzda ornaşdyrylan ilkinji şeýle enjam — geliýsiz işleýän “Ingenia Ambition 1,5 T” magnit-rezonans tomografy bu bölümiň esasy daýanjydyr. Bu enjamyň birnäçe aýratynlyklary bolup, has ownuk şekilleri görmäge mümkinçilik berýär. Mysal üçin, MRT kelle beýniniň dokumasynyň üýtgeşmelerini, oňurga ýiligini barlamak we beden agzalarynyň gan üpjünçiligini hem-de işjeň ýagdaýyny, nerw süýümleriniň geçirijiligini barlamakda uly ähmiýeti bar. Bu enjam agyr näsaglarda we çagalarda barlaglary tiz geçirmäge ukyplydyr. Enjamyň ýatylýan ýeriniň diametri adatdakydan has giňdir. Bu bolsa uly agramly we ýapyk giňişlikden gorkýan adamlary barlamaga doly mümkinçilik berýär. 

Hormatly Prezidentimize “Ingenuiti CT” hem-de “Incisive CT” ýokary tizlikli kompýuter tomograflary görkezildi. Olar uly agramly näsaglary gözden geçirmäge, şeýle-de beýleki nogsanlyklary, şol sanda kelle beýniniň çiş kesellerini, gan aýlanyşyň bozulmalaryny irki döwürde barlamaga we ýüze çykarmaga mümkinçilik berýär. Bu enjam “FAST CARE” täze innowasion tehnologiýasy bilen üpjün edildi. Bu bolsa barlag geçirilende, şöhläniň täsirinden goramaga ýardam edýär. Şeýle hem bu enjam kontrast serişdesini damaryň içine goýbermek arkaly içki beden agzalarynda dörän keselleri has takyk anyklamakda möhüm orun eýeleýär. 

 Soňra döwlet Baştutanymyz Serdar Berdimuhamedow densitometriýa otagynyň tehniki enjamlaşdyrylyşy bilen tanyşdy. 

Densitometriýa keseli şöhle arkaly anyklamagyň görnüşleriniň biridir. Bu enjam dünýäde giňden ýaýran ýokanç däl keselleriň arasynda esasy keselleriň biri bolup durýan süňkleriň dykyzlygynyň peselmegi netijesinde döreýän osteoporoz keselini irki döwürde anyklamaga mümkinçilik berýär. Döwrebap enjamyň ornaşdyrylmagy Aral deňziniň guramagynyň zyýanly täsiri netijesinde ýüze çykýan keselleriň öňüni almakda we anyklamakda aýratyn orun eýeleýär. 

Bölümiň lukmany sebitde deňi-taýy bolmadyk hassahananyň gurulmagy we işe girizilmegi üçin hoşallyk bildirip, hormatly Prezidentimiz Serdar Berdimuhamedowa tüýs ýürekden berk jan saglyk, uzak ömür, alyp barýan döwlet işinde üstünlikleri arzuw etdi. 

Şeýlelikde, Daşoguz welaýat köpugurly hassahanasynyň tehniki üpjünçiligi hem-de içgin seçilip alnan lukmanlaryň ýokary hünär derejesi täze hassahananyň ýurdumyzyň esasy lukmançylyk merkezleriniň birine öwrüljekdigine ynamy artdyrýar. 

Bu bölüm ilaty gije-gündiziň dowamynda kabul etmek bilen, keselleri anyklamak we bejermek merkezleşdirilen kabulhana bölüminde amala aşyrylýar. Bu ýerde ýerleşen şokrumda gaýragoýulmasyz ýagdaýlarda we kiçi operasiýa zalynda doly derejede kömek etmäge zerur şertler döredildi. Aýratyn howply ýokanç keseller güman edilende, kabul edilýän aýratyn otaglar (izolýator) bar. Şeýlelikde, näsaglary doly barlagdan geçirip, takyk netije çykaryp bolýar. Keselleriň irki döwürde anyklanmagy hem-de öz wagtynda bejergä başlanylmagy näsaglaryň ömrüni halas etmäge, olaryň saglygyny gysga wagtda dikeltmäge mümkinçilik berýär. 

Hassahananyň maslahat beriş we anyklaýyş bölüminde terapewt, hirurg, oftalmolog, gulak-burun-bokurdak, urolog, trawmatolog, stomatolog, newropatolog, kardiolog, endokrinolog, pulmonolog, neýrohirurg, hirurg, angiohirurg lukmany ýaly inçe hünärmen lukmanlarynyň otaglary bar. Bu bölüm ýokary tehnologiýaly lukmançylyk enjamlary bilen üpjün edildi. Munuň özi näsaglary kabul etmek, anyklaýyş işlerini geçirmek, zerur bolan halatlarda has düýpli barlaglary geçirmek we näsaglary bejermek üçin amatly şertleri döredýär. 

Hassahanada döwrebap sanly ulgam ornaşdyryldy. Ol merkezi hassahanalar bilen aragatnaşyk saklamaga, lukmançylyk hyzmatlaryny etmek üçin zerur bolan maglumatlary alyşmaga hem-de çylşyrymly ýagdaýlarda dürli meseleleri çözmäge ýardam edýär. 

Terapewtik ugurly ýatymlaýyn bölümlere rewmakardiologiýa, kardiologiýa, ýürek işemiýa keseli, kelle-beýni gan aýlanyşynyň bozulmasy, arterial gipertoniýa, newrologiýa, pulmonologiýa we allergologiýa, endokrinologiýa bölümleri degişlidir. Olaryň her biri 20 we 30 orunlykdyr. Bir we iki adam üçin niýetlenen ýatymlaýyn otaglarda netijeli bejergi almak üçin amatly şertler döredildi. Şeýle hem şahsy gigiýena otaglary bar. 

Hassahananyň ähli ýatymlaýyn bölümleri merkezleşdirilen kislorod we nobatçy şepagat uýasyny çagyrmak ulgamy bilen üpjün edildi. Mundan başga-da, näsaglaryň barlaglarynyň netijelerini tiz wagtda lukmanlara ýetirmek maksady bilen, Germaniýanyň “Aerocom” kompaniýasynyň önümi bolan pnewmatik poçta ulgamy bölümleri özara baglanyşdyrýan tutuş ulgamy emele getirýär. 

Döwrebap hassahanalaryň ählisinde bolşy ýaly, bu ýerde-de fizioterapiýa we reabilitasiýa bölümine möhüm orun degişlidir. Ol trenažýorlar, owkalama kreslolary bilen üpjün edildi. Olar agyr kesellerde, şikeslerde, operasiýadan soňky döwürde näsaglary dikeltmek üçin niýetlenendir. Şeýle hem bu ýerde elektroterapiýa, wakuum we lazer terapiýasy üçin enjamlar ornaşdyryldy. Bu enjamlar saglygy we işe ukyplylygy dikeltmäge mümkinçilik berip, ilatyň arasynda maýyplygyň öňüni almaga ýardam berýär. Bu bölüm dünýäniň esasy önüm öndürijileriniň döwrebap fizioterapiýa enjamlary bilen hem enjamlaşdyryldy. Munuň özi köp görnüşli bejergi çärelerini geçirmäge uly mümkinçilikleri döredýär. 

Daşoguz welaýat köpugurly hassahanasynda öz bölümlerini we welaýatyň çägindäki hassahanalary gan hem-de onuň önümleri bilen üpjün etmek üçin gan banky hereket edýär. Gan bankynda jemi 6 orunlyk gan alyş toplumy ornaşdyrylandyr. Bu bölümde gan alyş enjamlary, gandan leýkositleri, gyzyl gan öýjüklerini we plazmany aýratynlykda almak üçin doly awtomatlaşdyrylan enjamlar ornaşdyrylandyr. Gan bankynda ekspress-barlaglary geçirmek üçin analizatorlar we birnäçe goşmaça enjamlar gurnaldy. Ganlary we plazmalary saklamak üçin gan banky Italiýada öndürilen sowadyjylardyr doňduryjylar bilen doly üpjün edildi. Bu bölümde edara-ediş otaglary, dermanhana, merkezleşdirilen sterilizasiýa bölümi hem ýerleşýär. 

Döwlet Baştutanymyz köpugurly hassahananyň işgärlerine ýöriteleşdirilen awtoulag serişdeleriniň açarlaryny gowşuryp hem-de açylyş dabarasyna gatnaşyjylar bilen hoşlaşyp, golaýda ýerleşen Daşoguz welaýat onkologiýa hassahanasynyň binasyna tarap ugrady. Täze desganyň öňündäki meýdançada aýdym we tans döredijilik toparlarynyň ýerine ýetirmeginde köpöwüşginli çykyşlar ýaýbaňlandyrylýar. 

 Hormatly Prezidentimiz Serdar Berdimuhamedow ýygnananlar bilen mähirli salamlaşyp, dabara gatnaşyjylaryň şowhunly el çarpyşmalary astynda toý bagyny dabaraly ýagdaýda kesýär we binanyň içine girýär. 

3 gatly 150 orunlyk onkologiýa hassahanasy 59 müň inedördül metr meýdany eýeleýär. Halkara ülňülere laýyklykda, onkologiýa kesellerini anyklamakda we bejermekde netijeli kömek bermäge niýetlenen täze merkeziň peýda bolmagy dünýä lukmançylygynyň ösüşini nazara almak bilen, saglygy goraýşyň wajyp wezipelerini çözmekde nobatdaky möhüm ädim boldy. Onkologiýa hassahanasy ýokary derejä doly laýyk gelmek bilen, çalt bejergi işlerini hem-de himiki we toplumlaýyn terapiýany geçirmäge mümkinçilik berýän zerur gulluklaryň ählisine, ýokary tehnologiýaly enjamlara eýedir. 

 Bu ýerde 9 bölüm: maslahat beriş we anyklaýyş, endoskopiýa, umumy onkologiýa, gematologiýa, anesteziologiýa we reanimasiýa, radiologiýa, himiýaterapiýa, palliatiw bejeriş bölümleri hem-de barlaghana hereket edýär. 

Döwlet Baştutanymyz tanyşlygy binanyň birinji gatynda ýerleşýän barlaghana bölüminde gurnalan, gistologik we sitologik barlaglary geçirmäge niýetlenen innowasion barlaghana enjamlaryny synlamakdan başlady. 

Hormatly Prezidentimize Şweýsariýanyň “Roche Diagnostics” kompaniýasynyň howply täze döreme öýjükleriniň immunogistohimiki barlagyny öýjükleri reňklemek arkaly tassyklamak üçin niýetlenen “Ventana Immunohistochemistry” enjamlar toplumy görkezildi. Bu usul arkaly süýt mäzleriniň, öýkeniň howply täze döremelerinde, melanomada, limfomalarda howply täze döreme öýjükleriniň immunogistohimiki görnüşlerini anyklamak bolýar. Bu bolsa şol kesellerde has takyk bejergi geçirmäge mümkinçilik bermek bilen, gerek bolan derman serişdelerini saýlamaga ýardam edýär. 

Barlaghana bölümi Germaniýanyň “Human” kompaniýasynyň ýarymawtomat biohimiki analizatory bilen enjamlaşdyryldy. Bu enjamyň kömegi bilen ganyň düzümindäki ähli fermentleri, elektrolitleri, beloklary, holesterini we onuň fraksiýasyny, glýukozany, glýukolizirlenen gemoglobini barlamak bolýar. “Humastar 200” analizatory özboluşly beloklary kesgitleýär hem-de antibakterial bejergileriň netijesini anyklamaga mümkinçilik berýär. 

Soňra hormatly Prezidentimiz Serdar Berdimuhamedow Germaniýanyň “Roche” kompaniýasynyň polimeraz zynjyr reaksiýasyny (PZR) geçirýän barlag enjamyny synlady. Bu enjam biohimiki, lukmançylyk-kriminalistik, molekulýar-genetiki barlaglary geçirmäge mümkinçilik berýär. 

Onuň esasy artykmaçlygy ganyň düzümindäki RNK we DNK zynjyrlarynyň üsti bilen bar bolan ýokançly wiruslary ýüze çykaryp bilýändiginden ybaratdyr. 

Bölümiň lukmany dünýä ülňülerine laýyk gelýän welaýat onkologiýa hassahanasynyň täze binasy hem-de adamlaryň ömrüniň dowamlylygyny artdyrmakda, keselleriň öňüni almakda, olary netijeli bejermekde uly ähmiýeti bolan “Saglyk” Döwlet maksatnamasynyň yzygiderli durmuşa geçirilýändigi üçin tüýs ýürekden hoşallyk bildirip, döwlet Baştutanymyza berk jan saglyk, uzak ömür hem-de Garaşsyz Türkmenistanyň gülläp ösmeginiň bähbidine alyp barýan işlerinde üstünlikleri arzuw etdi. 

Soňra hormatly Prezidentimiz Serdar Berdimuhamedow şol gatda ýerleşýän mammografiýa otagyna baryp, bu ýerde gurnalan lukmançylyk enjamlary bilen tanyşdy. 

Hünärmen otagyň tehniki üpjünçiligi bilen tanyşdyryp, döwlet Baştutanymyza mammograf enjamyny görkezdi. Bu enjamyň kömegi bilen süýt mäzlerinde ýüze çykýan howply we howpsuz täze döremeleri we beýleki keselleri irki döwründe anyklamak bolýar. Sebitde deňi-taýy bolmadyk bu enjam 3D usulda işleýändigi bilen tapawutlanýar. Ol adamyň bedeniniň gurluşyna laýyklykda, dürli ölçeglerde we görnüşlerde barlaglary geçirmäge mümkinçilik berýär. 

Bölümiň lukmany täze hassahanalaryň ulanmaga berlendigi üçin hormatly Prezidentimize ýene-de bir gezek hoşallyk bildirip, Daşoguz welaýatynyň saglygy goraýyş işgärleriniň seçip alan hünärine wepaly bolup, gije-gündiz tutanýerli zähmet çekjekdiklerine, hemişe halkymyzyň saglygynyň goragynda durjakdyklaryna ynandyrdy. 

 Soňra hormatly Prezidentimiz kompýuter tomografiýasy otagyna bardy. 

Bu otag Niderlandlar Patyşalygynyň “Philips” kompaniýasynyň kompýuter tomografiýasy enjamy bilen üpjün edildi. Bu enjam birnäçe aýratynlyklara eýe bolup, kelle-beýniniň dokumasynyň üýtgemelerini, irki döwürdäki gan ýetmezçilik, sowuklama, ownuk zeperlenme ojaklaryny, çylşyrymly damar kesellerini, bedende howply we howpsuz täze döremeleri irki döwürde takyk anyklamaga mümkinçilik berýär. Bellenişi ýaly, bu enjam kontrast serişdesini damaryň içine goýbermek arkaly içki beden agzalaryndaky keselleri ýüze çykarmaga ukyplydyr. Mahlasy, hassahanada ornaşdyrylan döwrebap enjamlar dürli keselleri irki döwürde ýüze çykarmaga hem-de bejerginiň has netijeli usullaryny kesgitlemäge ýardam edýär. 

Bölümiň lukmany ilatyň saglygy baradaky çäksiz aladasy üçin hormatly Prezidentimize hoşallyk bildirdi. Onkologiýa hassahanasynyň işgärleri tutanýerli zähmet çekip, Berkarar döwletiň täze eýýamynyň Galkynyşy döwrüniň belent maksatlaryna ýetmäge goşant goşarlar. Dünýä ölçeglerine laýyk gelýän täze hassahanalaryň gurulmagy bu aladanyň aýdyň subutnamasydyr. 

 Soňra döwlet Baştutanymyz radiologiýa bölümine baryp, howply täze döreme keselini şöhle arkaly anyklaýyş usuly bilen tanyşýar. 

Bölümiň lukmany hormatly Prezidentimiz bilen mähirli salamlaşyp, “Saglyk” Döwlet maksatnamasynyň çäklerinde ýurdumyzyň ähli künjeklerinde gurulýan hem-de adamyň saglygynyň döwlet syýasatynyň möhüm ugurlarynyň biri bolup durýandygyna şaýatlyk edýän täze, döwrebap saglyk merkezleri, hassahanalar, şypahanalar üçin hoşallyk bildirdi. 

Hünärmen döwlet Baştutanymyza diňe ýurdumyzda däl, eýsem, tutuş sebitde deňi-taýy bolmadyk Niderlandlar Patyşalygynyň “Philips” kompaniýasynyň ýörite enjamyny görkezdi. Bu enjam anyklanan täze döremelere şöhle bilen bejergi bermezden ozal, ony simulýasiýa etmekde ulanylýar. Döwrebap tehnologiýalary we programma üpjünçiligini özüne birleşdirýän bu enjam howply täze döremä beriljek şöhle bejergisini geçirmekde uly ähmiýete eýedir. 

Soňra lukman ýörite taýýarlanylan wideoşekiller arkaly hormatly Prezidentimize ABŞ-nyň lukmançylyk enjamlaryny öndürmekde öňdebaryjylaryň biri bolan “Varian” kompaniýasynyň sagdyn öýjükleri goramak arkaly diňe syrkaw öýjükleri bejermäge mümkinçilik berýän innowasion enjamyny görkezdi. Häzirki wagtda munuň özi howply täze döremeleri bejermekde iň döwrebap enjam hasaplanýar. Ol özüniň oňyn täsiri babatda dünýäniň saglygy goraýyş ulgamynda ägirt uly gyzyklanma döretdi. Bu enjam aňsat ulanylýandygy, näsag üçin amatlylygy we howpsuzlygy bilen tapawutlanýar. Bejeriş geçirilen mahalynda, wideokameralar we degişli aragatnaşyk ulgamy arkaly näsag bilen gürleşip bolýar. Bu ýokary tehnologiýaly enjam ýurdumyzyň saglygy goraýyş edaralarynda ilkinji gezek ornaşdyryldy hem-de ilatyň sagdyn durmuşyny üpjün etmek boýunça wezipeleri çözmäge ýardam eder. 

Lukman döwrebap bilim almak we ähli ulgamlarda netijeli işlemek babatda ýaşlara döredilen giň mümkinçilikler üçin tüýs ýürekden hoşallyk bildirip, döwlet Baştutanymyza berk jan saglyk, uzak ömür we halkymyzyň abadançylygynyň bähbidine alyp barýan işlerinde uly üstünlikleri arzuw etdi. 

Soňra hormatly Prezidentimiz endoskopiýa otagyna baryp, bu ýerde ornaşdyrylan enjam hem-de işlemek üçin döredilen şertler bilen tanyşdy. 

Endoskopiýa bölümi “Olympus” meşhur ýapon kompaniýasynyň fibrogastroduodenaskopiýa üçin toplumy bilen üpjün edildi. Bu enjam aşgazan-içege ýollarynyň endoskopik barlagy üçin niýetlenendir. Ol aşgazan-içege ýollaryndaky täze döremeleri, döremäniň çägini, damarlanyşyny irki döwürde anyklamaga, agzalary punktirlemäge, biopsiýa almaga, ýerli bejergini hem-de az inwaziw operasiýalary geçirmäge mümkinçilik berýär. Endoskopiýa häzirki döwürde ýurdumyzyň lukmançylyk tejribesinde diňe bir keselleri anyklamak maksady bilen däl, eýsem, gyzylödegiň, aşgazanyň, ýogyn içegäniň, aşgazanasty mäziň, öt çykaryş ýollarynyň kesellerini bejermekde hem ulanylýar. 

Lukman halkymyzyň saglygyny berkitmäge aýratyn üns berýändigi üçin hoşallyk bildirip, döwlet Baştutanymyza bagtyýar durmuş, abadançylyk we uzak ömür arzuw etdi. 

Binanyň birinji gatyndaky maslahat beriş-anyklaýyş bölüminde onkolog, rentgenolog, onkoginekolog, terapewt, gulak-burun-bokurdak, kardiolog lukmanlarynyň otaglarynyň ýerleşýändigini bellemek gerek. Bu bölümde gysga wagtda keseli anyklamak işi geçirilip, zerur bolan halatynda, ilkinji lukmançylyk kömegi berilýär. Otaglar döwrebap enjamlar bilen üpjün edildi. Munuň özi ýönekeý we çylşyrymly barlaglary geçirmäge mümkinçilik berýär. 

Hassahanada elektron ulgam ornaşdyryldy. Ol yzygiderli aragatnaşyk saklamaga, beýleki hassahanalar bilen amaly we nazaryýet babatda maglumatlary alyşmaga, telelukmançylygyň mümkinçiliklerini ulanmaga ýardam edýär. 

Umumy onkologiýa bölümi 50 orunlyk bolup, onuň otaglary bir ýa-da iki näsaga niýetlenendir. Ähli otaglarda diwara berkidilen konsollar, näsaglar üçin niýetlenen ýörite ýatylýan enjamlar, sowadyjy, telewizor, telefon, şkaf ýerleşdirildi we olaryň her biri aýratyn sanuzel bilen üpjün edildi. 

Hassahananyň operasiýa bölümi 3 zaldan ybarat bolup, olaryň her biri dürli ugurlara degişli operasiýalary geçirmäge niýetlenendir. Olar Germaniýanyň “Karl Storz” kompaniýasynyň wideolaporoskopik sütün enjamy bilen enjamlaşdyryldy. Bu toplumyň kömegi bilen garyn boşlugynyň we kiçi çanaklygyň agzalarynyň howply täze döremeleri boýunça giňeldilen hem-de anyklaýyş operasiýa amallaryny ýerine ýetirip bolýar. Netijede, näsagyň hassahanada ýatýan döwri we işe ukypsyzlyk möhleti gysgaldylýar, operasiýadan soňky agyrylardyr gaýraüzülmeler azalýar. 

Operasiýa otagyndaky kömekçi monitor, wideoýazgy ediji bilen üpjün edilen, operasiýalaryň geçirilmegi üçin niýetlenen mikroskop enjamy we beýleki dürli enjamlardyr abzallar toplumlary hassahanada dürli çylşyrymly operasiýalaryň ýokary takyklykda we kämil derejede ýerine ýetirilmegine mümkinçilik berýär. 

Anesteziologiýa we reanimasiýa bölümi 12 orundan ybarat bolup, onuň esasy wezipesi keseli agyr näsaglara güýçlendirilen bejergi we dikeldiş çärelerini amala aşyrmakdan, hirurgiýa operasiýalarynda, anyklaýyş-funksional barlaglarynda agyrysyzlandyrmanyň dürli usullaryny ulanyp, näsaglara ýardam bermekden we hassahana gyssagly getirilen näsaglara gaýragoýulmasyz intensiw lukmançylyk kömegini bermekden ybaratdyr. 

Himiýaterapiýa bölümi ýatymlaýyn we gatnawly bejergi almak üçin niýetlenendir. Bu bölümde howply täze döremeli näsaglarda himiýa bejergi, target bejergi, immunobejergi hem-de gormon bejergi usullaryny ulanmak bilen, konserwatiw bejergi geçirilýär. 

Palliatiw bölümi 10 ýatymlaýyn orundan ybarat bolup, howply täze döremeleriň ötüşen görnüşleriniň palliatiw bejergilerini geçirmek üçin niýetlenendir. 

Hassahanada 100 orunlyk mejlisler otagy, internet bilen üpjün edilen kitaphana, okuw sapagyny geçmek üçin niýetlenen otag hem bar. Şeýle-de bu ýerde naharhana, merkezleşdirilen kislorod stansiýasy, ýyladyjy we sowadyjy toplum, hassahananyň öz awtoulaglary üçin garaž, işgärleriň ulaglary üçin awtoduralga göz öňünde tutuldy. 

 Soňra şu gün ulanmaga berlen täze saglygy goraýyş edaralaryna halkara güwänamalary gowşurmak dabarasy boldy. 

 Hormatly myhmanlara — meşhur daşary ýurt kompaniýalarynyň we guramalaryň wekillerine söz berilýär. 

Germaniýa Federatiw Respublikasynyň Halkara “KTQ International GmbH” guramasynyň hassahanalaryň ýokary hil gözegçilik dolandyryjysy Jozef Galert Stanislaus şu günki dabara — dünýä derejesine laýyk gelýän hassahanalaryň açylyşyna gatnaşmaga çakylyk üçin hoşallyk bildirdi. 

Myhman wekilçilik edýän guramasyndan Daşoguz welaýatynyň köpugurly we onkologiýa hassahanalaryna halkara güwänamalary uly buýsanç bilen gowşurdy. Olar näsaglara edilýän hyzmatyň, hassahananyň dolandyrylyşynyň, howpsuzlygynyň, maglumat we aragatnaşygyň, kliniki töwekgelçilikleri dolandyrylyşynyň, iş şertleriniň halkara standartlara laýyk gelýändigini kepillendirýär. 

Soňra Niderlandlar Patyşalygynyň “Philips Medical Systems” kompaniýasynyň Russiýa Federasiýasyndaky edarasynyň baş direktorynyň orunbasary Artýom Padeýskä söz berildi. 

Dünýä meşhur kompaniýanyň wekili hormatly Prezidentimiz Serdar Berdimuhamedowy we ähli türkmen halkyny sebitde deňi-taýy bolmadyk döwrebap saglygy goraýyş edaralarynyň ulanmaga berilmegi bilen gutlap, täze hassahanalara “Philips” kompaniýasynyň güwänamalaryny gowşurdy. Bu güwänamalar olaryň Merkezi Aziýada kompaniýanyň önümleri bilen üpjün edilen innowasion hassahanalardygyna şaýatlyk edýär. 

Myhman şanly waka mynasybetli ýene-de bir gezek gutlap, bu hassahanalaryň açylmagynyň ilata lukmançylyk kömegini has ýokary derejede bermäge giň mümkinçilikleri döretjekdigine ynam bildirdi. 

 Soňra Niderlandlar Patyşalygynyň “Philips Medical Systems” kompaniýasynyň halkara hassahanalar taslama dolandyryjysy Herman Olthaar çykyş edip, şu günki açylyş dabaralaryna gatnaşmaga çakylyk üçin hoşallyk bildirdi hem-de bu saglygy goraýyş edaralaryna berlen, hassahanada ulanylan enjamlaryň tehniki häsiýetnamalara we düzgünnamalara doly laýyk gelýändigini kepillendirýän “ISO 9001” hem-de hassahanada ulanylan enjamlaryň we alnyp barlan gurluşyk işleriniň daşky gurşawa zyýansyzdygy barada “ISO 14001” halkara güwänamalaryny gowşurdy. 

Gowşurylan güwänamalar täze hassahanalaryň ýokary hillidiginiň, olaryň ekologik howpsuzlygynyň we ýokary tehnologiýaly lukmançylyk enjamlary bilen üpjünçiliginiň dünýä ülňülerine doly laýyk gelýändiginiň nobatdaky ykrarnamasyna öwrüldi. 

Döwlet Baştutanymyz ýygnananlary Daşoguz welaýatynyň edara ediş merkezinde döwrebap hassahanalaryň açylmagy mynasybetli ýene-de bir gezek tüýs ýürekden gutlap, şu günki ajaýyp waka mynasybetli Hormatly myhmanlaryň kitabynda ýadygärlik ýazgy galdyrdy. 

Hormatly Prezidentimiz Serdar Berdimuhamedow onkologiýa hassahanasynyň işgärlerine ýöriteleşdirilen awtoulag serişdeleriniň açarlaryny gowşurdy. 

Soňra döwlet Baştutanymyz dabara gatnaşyjylar bilen mähirli hoşlaşyp, Daşoguz Halkara howa menziline bardy we şol ýerden paýtagtymyza ugrady. 

 *** 

Şu gün S.A.Nyýazow adyndaky etrapda saglygy goraýyş ulgamynyň işgärleri üçin niýetlenen has oňaýly, köp öýli ýaşaýyş jaýlarynyň ikisi ulanmaga berildi. Täze binalar Daşoguz şäherinden Halkara howa menziline barýan ýoluň ugrunda “Türkmen çarwa” hususy kärhanasynyň hünärmenleri tarapyndan guruldy. 

4 gatly täze binalar bu ýerde ozal gurlan döwrebap ýaşaýyş jaýlary hem-de dürli edaralaryň binalary bilen sazlaşyp, özboluşly binagärlik toplumyny emele getirdi. Jaýlarda ähli amatlyklaryň hözirini görüp ýaşamak üçin zerur şertler döredildi. Dört otagly öýüň umumy meýdany 200 inedördül metrden gowrakdyr, üç otagly öýüň meýdany bolsa 170 inedördül metre golaýdyr. Ýaşaýyş jaýlaryna ýanaşyk ýerler doly abadanlaşdyryldy. Olarda çagalar üçin niýetlenen oýun meýdançasy göz öňünde tutuldy. 

Dabara Türkmenistanyň Milli Geňeşiniň, welaýat we etrap häkimlikleriniň, zähmet toparlarynyň we jemgyýetçilik guramalarynyň wekilleri, hormatly ýaşululardyr ýaşlar, saglygy goraýyş ulgamynyň işgärleri gatnaşdylar. Tapawutlanan gurluşykçylara gymmat bahaly sowgatlar gowşuryldy.

Daşoguz welaýaty, 26-njy maý (TDH). Şu gün hormatly Prezidentimiz Serdar Berdimuhamedow toý sapary bilen Daşoguz welaýatyna ugrady. Welaýatyň Halkara howa menzilinde döwlet Baştutanymyz aýdym-saz hem-de tans toparlarynyň ruhubelent çykyşlary bilen mähirli garşylanyldy. 

Daşoguz welaýatyna saparynyň çäklerinde hormatly Prezidentimiz Balkan — Daşoguz howa elektrik geçirijisiniň gurluşygynyň barşy hem-de ýurdumyzyň demirgazyk sebitiniň ekerançylyk meýdanlaryndaky we maldarçylyk pudagyndaky işleriň ýagdaýy bilen tanyşdy. 

Döwlet Baştutanymyz welaýatyň çäginde gurluşygy dowam edýän, güýjenmesi 500 kilowolt bolan howa elektrik geçirijisiniň gurluşyk meýdançasyna geldi. Munuň özi ýurdumyzyň halkalaýyn energoulgamyny döretmek boýunça başy başlanan iri möçberli taslamanyň üstünlikli durmuşa geçirilýändiginiň aýdyň beýanydyr. Taslamanyň baş maksady elektrik energiýasynyň öndürilişini artdyrmakdan hem-de Aşgabadyň we welaýatlaryň energiýa ulgamlaryny bitewi energetika halkasyna birikdirmek arkaly içerki sarp edijileri energiýa bilen üpjünçiligiň ygtybarlylygyny ýokarlandyrmakdan ybaratdyr. 

Gurluşyk meýdançasynyň çäginde milli ykdysadyýetimizi pugtalandyrmakda möhüm orun eýeleýän ýurdumyzyň halkalaýyn energiýa ulgamyny döretmäge we ýakyn ýyllarda amala aşyrylmagy göz öňünde tutulýan elektroenergetika pudagyna degişli taslamalaryň tanyşdyrylyşy boldy. 

Bu ýerde Ministrler Kabinetiniň Başlygynyň orunbasary Ç.Purçekow taslamalar, olary durmuşa geçirmek boýunça alnyp barylýan işler we degişli desgalaryň ýerleşjek ýerleriniň çyzgylary barada hasabat berdi. Häzirki döwürde ýurdumyzda bu pudagy ösdürmegiň maksatnamasyna laýyklykda, elektroenergetika senagatynyň kuwwatyny artdyrmak, onuň maddy-enjamlaýyn binýadyny pugtalandyrmak we ulgamyň ähli düzümlerini yzygiderli döwrebaplaşdyrmak boýunça toplumlaýyn işler amala aşyrylýar. 

Hormatly Prezidentimiziň garamagyna Türkmenistanyň energiýa ulgamynyň tutuş ýurdumyz boýunça hereket edýän umumy görnüşiniň çyzgylary, onuň eksport ugurlary, şol sanda Türkmenistandan goňşy ýurtlara iberilýän elektrik energiýasynyň mukdaryny hem-de ugurlaryny görkezýän taslamalar, Daşoguz we Ahal döwlet elektrik stansiýalaryny utgaşykly dolanyşyga geçirmegiň çyzgylary we taslamalary, şeýle-de Balkan welaýatynyň Serdar etrabynda kuwwatlylygy 10 megawat bolan Gün we ýel elektrik stansiýalarynyň ýerleşjek ýerleriniň çyzgylarydyr taslamasy, Aşgabat şäheriniň Büzmeýin etrabynyň çäginde gurlan Energetika enjamlaryny abatlaýyş we hyzmat ediş merkeziniň baş meýilnamasy hem-de onuň taslamasy hödürlenildi. 

Döwlet Baştutanymyzyň tabşyrygyna laýyklykda gurlan we gurulmagy meýilleşdirilýän ähli desgalaryň häzirki zamanyň ösen tejribesi hem-de ylmyň gazananlary esasynda enjamlaşdyrylýandygyny, olary dolandyrmak işlerine sanly ulgamyň ornaşdyrylýandygyny bellemeli. Munuň özi hormatly Prezidentimiziň baştutanlygynda alnyp barylýan energetika syýasatynyň üstünlikli durmuşa geçirilmeginde aýratyn ähmiýetlidir. Şeýlelikde, döwletimiziň hemmetaraplaýyn goldawy netijesinde soňky ýyllarda elektroenergetika senagatynyň önümçilik kuwwatlyklary has-da ýokarlandy. Bu bolsa diňe bir içerki sarp edijileri doly üpjün etmek bilen çäklenmän, eýsem, elektrik energiýasynyň daşary ýurtlara eksport edilýän mukdaryny artdyrmaga hem mümkinçilik berýär. 

Döwlet Baştutanymyz taslamalar bilen tanşyp, bu ugurda öňde durýan wezipeleriň ýerine ýetirilmeginiň häzirki döwrüň möhüm talabydygyna ünsi çekdi. Halkalaýyn energoulgamyň desgalaryny häzirki zamanyň ösen tejribesi esasynda enjamlaşdyrmak, onuň önümçilik düzümlerine täzeçil tehnologiýalary, sanly ulgamy ornaşdyrmak bilen baglanyşykly meseleler hemişe üns merkezinde saklanmalydyr diýip, hormatly Prezidentimiz belledi we bu babatda degişli ýolbaşçylara birnäçe anyk tabşyryklary berdi. 

Döwlet Baştutanymyzyň nygtaýşy ýaly, Balkan — Daşoguz howa elektrik geçirijisiniň ulanmaga berilmegi bilen, ýurdumyzda bir bitewi halkalaýyn energoulgamy emele gelýär. Bu bolsa içerki sarp edijileriň elektrik energiýasy bilen ygtybarly üpjünçiligini berkitmek bilen bir hatarda, ýurdumyzyň eksport kuwwatynyň artmagyny şertlendirer. 

Hormatly Prezidentimiz bu ugurda yhlas bilen zähmet çekýän işçilere öz minnetdarlygyny ýetirmegi tabşyrdy. Döwlet Baştutanymyz hemmelere alyp barýan işlerinde üstünlik arzuw edip, bu ýerden welaýatyň Görogly etrabyndaky “Garagum” maldarçylyk hojalygyna tarap ugrady. 

Hormatly Prezidentimiziň ulagy şu günler aýratyn gözel görnüşe eýe bolan Garagum sährasynyň giňişligi boýunça ýola düşdi. Ýylyň bu paslynda sähranyň ösümlik dünýäsi we özboluşly tebigy görnüşi ynsan kalbyna ýakymly täsir edýär. Häzirki döwürde ýurdumyzyň ähli künjeklerinde ekologik abadançylygy saklamak ugrunda toplumlaýyn işler amala aşyrylýar. Bu bolsa sähra çäklerinde dowardarçylygy we düýedarçylygy ösdürmek üçin giň mümkinçilikleri açýar. 

Diýarymyzda maldarlaryň zähmet çekmegi üçin döwlet tarapyndan oňyn mümkinçilikleriň döredilmegi we maldarçylyga işi ýöretmegiň täze usullarynyň ornaşdyrylmagy pudagyň sazlaşykly ösüşini üpjün etdi. Munuň özi çopanlaryň iş şertleriniň has-da gowulanmagyna ýardam berip, olary tutanýerli zähmet çekmäge höweslendirýär. 

Hormatly Prezidentimiz Serdar Berdimuhamedow welaýatyň Görogly etrabynyň çäginde ýerleşýän “Garagum” maldarçylyk hojalygynyň düýe çopany Atamyrat Işanberdiýewiň goşuna geldi. Bu ýerde düýe çopany Arkadagly Serdarymyzy mähirli garşylady. Döwlet Baştutanymyz çopanyň işi, mallarynyň we bu künjegiň öri meýdanlarynyň ýagdaýy, maldaryň maşgala durmuşy bilen gyzyklandy. 

“Düýe maly — dünýe maly” diýen paýhasly jümläni döreden halkymyz düýe malyna aýratyn gadyr goýýar. Arkadagly Serdarymyz düýe malynyň ähmiýeti, onuň süýdüniň, ýüňüniň, çalynyň we agaranynyň ynsan saglygyna peýdasy barada çopan bilen pikir alyşdy. 

Düýe çopany Arkadagly Serdarymyza çopan goşuna gelip, hal-ahwal soraşandygy üçin tüýs ýürekden hoşallyk bildirip, özüniň kärende usulynda işleýändigini, onuň örän bähbitlidigini guwanç bilen gürrüň berdi hem-de ähli oba zähmetkeşleri, şol sanda maldarlar üçin döwlet tarapyndan zerur şertleriň döredilýändigini guwanç bilen nygtady. Şeýle-de ol uly hormat bilen Arkadagly Serdarymyzy “ak öýe” girmäge çagyrdy. 

Atamyrat Işanberdiýew düýeleriň halkymyzyň durmuşynda uly orun eýeleýändigini, arwana tohumly düýeleriň baş sanyny artdyrmak ugrunda edilýän tagallalaryň oňyn netije berýändigini uly buýsanç bilen gürrüň berdi. Ol düýedarçylykdan döwlet tapandygyny, maşgalasy bilen bagtyýar durmuşyň hözirini görüp ýaşaýandygyny aýratyn nygtady we döredilýän mümkinçilikler üçin Arkadagly Serdarymyza tüýs ýürekden sagbolsun aýtdy.  

 Hormatly Prezidentimiz oba zähmetkeşleriniň, şol sanda maldarlaryň durmuş we iş şertleriniň mundan beýläk-de gowulandyrylmagy ugrunda döwlet derejesinde alada ediljekdigini belledi we çopana alyp barýan asylly işinde mundan beýläk-de üstünlik gazanmagyny arzuw etdi. Arkadagly Serdarymyz çopanyň alyp barýan netijeli zähmetine minnetdarlygyň nyşany hökmünde oňa özüniň sowgatlaryny gowşurdy. 

Sarwan bildirilen hormat we gowşurylan sowgatlar üçin ähli maşgala agzalarynyň, düýedarlaryň adyndan tüýs ýürekden çykýan hoşallyk sözlerini aýdyp, döredilen mümkinçiliklerden netijeli peýdalanyp, mundan beýläk-de yhlasly zähmet çekjekdigine ynandyrdy. 

Hormatly Prezidentimiz Serdar Berdimuhamedow düýe çopanyna il içinde uly hormatdan peýdalanýan käriň eýesi bolmagyň parz işdigini aýdyp, asylly işinde üstünlik arzuw etdi. 

Soňra döwlet Baştutanymyz bu ýerden awtoulagda dikuçar meýdançasyna tarap ugrady. Arkadagly Serdarymyz ýolugra Garagum sährasynyň özboluşly ösümlik dünýäsini synlady. 

Häzirki döwürde Garagum sährasynyň özboluşly ösümlik we haýwanat dünýäsi ylmy esasda öwrenilýär. Şunda türkmen halkynyň milli baýlygy bolan tebigatymyzy aýawly saklamak, onuň bilen bagly meselelere hemmetaraplaýyn, ylmy esasda çemeleşmek wajyp hasaplanýar. Türkmen topragynyň baý hem-de köp dürli ösümlik dünýäsi, şol sanda Garagumuň giňişliklerinde bitýän ösümlikler ýurdumyzda maldarçylygyň ösdürilmegi üçin giň mümkinçilikleri açýar. 

Soňra döwlet Baştutanymyz dikuçarda Daşoguz welaýatynyň ekerançylyk meýdanlarynyň suwaryş ulgamlarynyň ýagdaýy bilen tanyşdy. Guşuçar belentlikden sebitiň çäklerinde bar bolan suw akabalary, Türkmen derýasynyň we Şasenem derýasynyň ugurlary görünýär. Şunda suw serişdelerinden netijeli peýdalanmak, suw gorlaryny talabalaýyk ulanmak meseleleriniň döwletimiziň alyp barýan syýasatynyň esasy ugurlarynyň biri bolup durýandygyny bellemeli. Köp ýyllaryň tejribesiniň görkezişi ýaly, bar bolan suw gorlaryndan netijeli peýdalanylmagy ilatyň saglygyny goramakda, durmuş we ekologik abadançylygy, azyk bolçulygyny üpjün etmekde örän ähmiýetlidir. 

Hormatly Prezidentimiz welaýatyň ekerançylyk meýdanlarynyň suw üpjünçiligi, suw serişdelerinden rejeli peýdalanmak boýunça alnyp barylýan işler bilen gyzyklanyp, uçuş mahaly ýanynda bolýan Türkmenistanyň Prezidentiniň oba hojalyk meseleleri boýunça geňeşçisi A.Ýazmyradowa sebitiň suwaryş ulgamlaryny degişli derejede saklamak boýunça alnyp barylýan işleri talabalaýyk dowam etmegi tabşyrdy. Şunda ekerançylyk meýdanlarynyň suwaryş ulgamlarynyň, suw hojalyk desgalarynyň durkuny täzelemek, täze suw howdanlaryny gurmak işleriniň wajypdygy bellenildi. 

Döwlet Baştutanymyzyň ozal beren tabşyryklaryna laýyklykda, tutuş ýurdumyzda, aýratyn-da, Daşoguz welaýatynda ekerançylyk meýdanlarynyň suw üpjünçiligini gowulandyrmak ugrunda maksatnamalaýyn işler durmuşa geçirilýär. Şunuň bilen baglylykda, Düýeboýun suw howdanyndan gözbaş alýan Şasenem we Türkmen derýalarynyň aralygyndaky amatly hasaplanylýan künjekde uly göwrümli suw howdanyny gurmak boýunça degişli taýýarlyk işleri alnyp barylýar. 

Häzirki döwürde welaýatyň suw üpjünçiligini gowulandyrmak maksady bilen, iri göwrümli suw howdanlaryny gurmak, häzirki zaman täzeçil tehnologiýalary ulanmak arkaly suwarymly ýerleriň melioratiw ýagdaýyny gowulandyrmak babatda öňde durýan wezipeler kesgitlenildi. Şeýle-de Şasenem derýasynyň akabasyna beton örtügini düşemek meýilleşdirilýär. Göz öňünde tutulýan çäreleriň netijesinde Daşoguz welaýatynda ýakyn ýyllarda ekerançylyk meýdanlarynyň suw üpjünçiligi düýpli gowulandyrylar. 

Döwlet Baştutanymyz ýurdumyzda azyk howpsuzlygynyň berkidilmeginde we ekerançylyk meýdanlarynyň suw üpjünçiliginiň gowulandyrylmagynda möhüm ähmiýeti bolan işleriň döwrüň talabyna we häzirki zaman ylmynyň täze gazananlaryna laýyklykda dowam etdirilmelidigini, bu ugurda öňde durýan wezipeleriň üstünlikli ýerine ýetirilmegi ugrunda toplumlaýyn işleriň amala aşyrylmalydygyny belledi. 

Ýurdumyzda soňky ýyllarda ekerançylygy ösdürmek we suwdan netijeli peýdalanmak boýunça ägirt uly tejribe toplandy. Şeýlelikde, suwuň ätiýaçlyk gorlaryny döretmek, hojalyk zerurlyklary üçin kadaly şertleri kemala getirmek, suw üpjünçiligini gowulandyrmak boýunça yzygiderli işler amala aşyrylýar. Döwlet Baştutanymyz bu ugurda alnyp barylýan işleriň wajypdygyna ünsi çekip, olary häzirki zamanyň ösen tejribeleri esasynda yzygiderli dowam etdirilmelidigini belledi we bu babatda A.Ýazmyradowa birnäçe anyk tabşyryklary berdi. 

 Uçuşy tamamlap, hormatly Prezidentimiziň dikuçary Daşoguz şäheriniň Halkara howa menziline gondy. 

 Döwlet Baştutanymyzyň Daşoguz welaýatyna toý sapary dowam edýär.

Daşoguz, 26-njy maý (TDH). Daşoguz welaýatyna toý sapary bilen gelen hormatly Prezidentimiz Serdar Berdimuhamedow şu gün Ministrler Kabinetiniň göçme mejlisini geçirdi. Onda ýurdumyzyň demirgazyk sebitini durmuş-ykdysady taýdan ösdürmegiň meseleleri ara alnyp maslahatlaşyldy we birnäçe resminamalaryň taslamalaryna garaldy. 

Ministrler Kabinetiniň Başlygynyň orunbasary M.Muhammedow hormatly Prezidentimiziň ozal beren tabşyrygyna laýyklykda, geljek ýedi ýylda döwletimizi ösdürmegiň Prezident Maksatnamasyny taýýarlamagyň çäklerinde Daşoguz welaýatyny durmuş-ykdysady taýdan ösdürmek boýunça teklipler barada hasabat berdi. Bu strategik meýilnamanyň çäklerinde geljek ýyllarda ýurdumyzyň demirgazyk welaýatynda senagat toplumynyň ähli ulgamlaryna iri maýa goýumlaryny çekmegiň hasabyna gazhimiýa, energetika, ýeňil senagat we gurluşyk serişdeleri pudaklaryny döwrebaplaşdyrmak, sebitiň ykdysadyýetine innowasion, sanly tehnologiýalary ornaşdyrmak, gaýtadan işleýän senagaty mundan beýläk-de işjeňleşdirmek göz öňünde tutulýar. 

Ulag-logistika ulgamynyň mümkinçiliklerinden netijeli peýdalanmak, üstaşyr we multimodal ýük gatnawlarynyň möçberini artdyrmak, welaýatyň çäginde oba hojalyk maksatly ýer gaznalaryny dolandyrmagy kämilleşdirmek, suw tygşytlaýjy tehnologiýalary ornaşdyrmak bilen, oba hojalygy we onuň bilen baglanyşykly pudaklary, maldarçylygy ösdürmek, öri meýdanlary giňeltmek, azyk harytlarynyň önümçiligini ýokarlandyrmak ilkinji nobatdaky wezipeleriň hataryndadyr. 

Türkmenistanyň Prezidentiniň obalaryň, şäherçeleriň, şäherleriň, etraplaryň we etrap merkezleriniň ilatynyň ýaşaýyş-durmuş şertlerini özgertmek boýunça 2027-nji ýyla çenli döwür üçin Milli maksatnamasynyň taslamasynda Daşoguz welaýatynda täze desgalaryň gurluşygyny amala aşyrmak meýilleşdirilýär. 

Hormatly Prezidentimiz Serdar Berdimuhamedow hasabaty diňläp, demirgazyk sebiti durmuş-ykdysady taýdan ösdürmegiň derejesini ýokarlandyrmak, ilatyň ýaşaýyş derejesini has-da gowulandyrmak boýunça işleriň dowam etdirilmeginiň zerurdygyny belledi. Şu ýylda göz öňünde tutulan maýa serişdelerini maksada laýyk ulanmak meselelerini hem-de täze önümçilikleriň gurluşygynyň barşyny hemişe üns merkezinde saklamak zerurdyr diýip, döwlet Baştutanymyz sözüni dowam etdi. 

Geljek ýedi ýyl üçin Prezident Maksatnamasynda ýurdumyzy hemmetaraplaýyn ösdürmek, şeýle hem her welaýatyň çäk taýdan ýerleşişini, tebigy serişdelerini nazara almak bilen, döwrebap toplumlary we goşmaça iş orunlaryny döretmek boýunça çäreleri göz öňünde tutmak wajypdyr diýip, hormatly Prezidentimiz aýtdy we wise-premýere birnäçe anyk tabşyryklary berdi. 

Soňra Ministrler Kabinetiniň Başlygynyň orunbasary Ş.Abdrahmanow Daşoguz welaýatyny durmuş-ykdysady taýdan ösdürmek boýunça görülýän çäreler barada hasabat berdi. “Türkmengaz” döwlet konsernine, “Türkmengeologiýa” döwlet korporasiýasyna, Türkmenbaşydaky nebiti gaýtadan işleýän zawodlar toplumyna degişli edara-kärhanalardaky iş orunlarynyň işgärler bilen üpjünçiligi barada habar berildi. 

Içerki sarp edijileri hem-de daşarky bazarlary tebigy gaz bilen bökdençsiz üpjün etmek maksady bilen, “Daşoguzgazakdyryş” we “Daşoguzgazüpjünçilik” müdirlikleri tarapyndan zerur işler geçirilýär. Daşoguz gidrogeologiýa ekspedisiýasy ýerli ilaty arassa agyz suwy bilen üpjün etmek hem-de onuň gorlaryny artdyrmak işleri bilen meşgullanýar. 

Hormatly Prezidentimiz Serdar Berdimuhamedow hasabaty diňläp hem-de ýangyç-energetika toplumyny diwersifikasiýa ýoly bilen ösdürmegiň we pudagyň maliýe ýagdaýyna gözegçiligi güýçlendirmegiň wajypdygyna ünsi çekip, wise-premýere ygtybarly daşary ýurtly hyzmatdaşlar bilen özara bähbitli gatnaşyklary, tejribe alyşmagy dowam etdirmek, şol sanda nebitgaz guýularynyň önüm berijiligini ýokarlandyrmakda hyzmatdaşlygy giňeltmek, maýa goýum işjeňligini höweslendirmek boýunça çäreleri görmek babatda birnäçe anyk tabşyryklary berdi. 

Soňra wise-premýer “Guýulary düýpli abatlamak we gapdal sütüni gazmakda ulanylýan göteriji enjamlary we olara ätiýaçlyk şaýlaryny satyn almak hakynda” Kararyň taslamasyny taýýarlamak boýunça geçirilen işler barada hasabat berip, döwlet Baştutanymyzyň garamagyna Kararyň taslamasyny hödürledi. 

Hormatly Prezidentimiz ýokarda agzalan Karara gol çekip, wise-premýere onuň talabalaýyk ýerine ýetirilmegini üpjün etmegi tabşyrdy. Döwlet Baştutanymyz nebitiň we tebigy gazyň çykarylýan hem-de gaýtadan işlenilýän möçberlerini mundan beýläk-de artdyrmagyň, gyzyklanma bildirýän daşary ýurtly hyzmatdaşlaryň ählisi bilen netijeli hyzmatdaşlygy pugtalandyrmagyň, täze bilelikdäki taslamalary durmuşa geçirmegiň zerurdygyna ünsi çekdi. 

Soňra Ministrler Kabinetiniň Başlygynyň orunbasary Ç.Gylyjow Daşoguz welaýatyny durmuş-ykdysady taýdan ösdürmek boýunça görülýän çäreler barada hasabat berdi. 

Wise-premýer “Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasyna” laýyklykda, Daşoguz şäherindäki “Serdar” pagta egriji fabriginiň durkuny täzelemegiň we döwrebap enjamlar bilen enjamlaşdyrmagyň göz öňünde tutulýandygy barada hasabat berdi. Şunda Dokma senagaty ministrligi tarapyndan halkara bäsleşik geçirilip, bu mesele boýunça teklipler öwrenildi. 

Fabrigiň durkunyň täzelenip, döwrebap enjamlar bilen täzeden enjamlaşdyrylmagy netijesinde kärhananyň önümçilik kuwwaty artar, öndürilýän önümleriň hili ýokarlanar, eksportyň möçberleri artar, täze iş orunlary dörediler. 

Hormatly Prezidentimiz Serdar Berdimuhamedow hasabaty diňläp, milli ileri tutulýan ugurlary hem-de dünýäniň ykdysady giňişliginde umumy ýakynlaşmak ýagdaýlaryny nazara almak bilen, ýurdumyzyň dokma senagatynyň innowasion ykdysadyýetiň okgunly ösüşiniň aýdyň mysaly bolup durýandygyny belledi. Döwlet Baştutanymyz kärhanalaryň döwrebaplaşdyrylmagynyň we öňdebaryjy enjamlar bilen üpjün edilmeginiň öňde goýlan maksatlara üstünlikli ýetmäge ýardam edýändigini nygtap, teklipleri içgin seljermegiň, olaryň üstünde işlemegiň wajypdygyny aýtdy we bu babatda anyk görkezmeleri berdi. 

Hormatly Prezidentimiz mejlise gatnaşyjylara ýüzlenip, ýekşenbe güni Türkmen halysynyň baýramynyň giňden bellenip geçiljekdigini aýtdy. Döwlet Baştutanymyz has tapawutlanan, tejribeli halyçylara “Türkmenistanyň at gazanan halyçysy” diýen hormatly ady dakmak hakynda” Permana gol çekip, Ministrler Kabinetiniň adyndan halyçylyk pudagynyň ähli işgärlerini Türkmen halysynyň baýramy bilen tüýs ýürekden gutlap, olara alyp barýan işlerinde mundan beýläk-de uly üstünlikleri arzuw etdi. “Goý, olaryň daraklarynyň sesi hemişe batly ýaňlansyn!” diýip, hormatly Prezidentimiz belledi. 

Ministrler Kabinetiniň Başlygynyň orunbasary Ç.Purçekow gurluşyk we senagat toplumy tarapyndan Daşoguz welaýatyny durmuş-ykdysady taýdan ösdürmek maksady bilen alnyp barylýan gurluşyk-gurnama işleri barada hasabat berdi. 

Düýpli maýa goýumlaryň hasabyna bu sebitde binalaryň we desgalaryň jemi 48-siniň gurluşyk işleri amala aşyrylýar, şolaryň 20-si durmuş maksatly, 28-si bolsa önümçilik maksatly desgalardyr. Şu ýyl 7 desgany we binany ulanmaga bermek meýilleşdirilýär. Mundan başga-da, 600 orunlyk 2 sany orta mekdebiň, 240 orunlyk çagalar bagynyň hem-de çagalar üçin döwrebap dynç alyş seýilgähiniň, ýolagçy awtomenziliniň gurluşyklary güýçli depginde alnyp barylýar. 

Daşoguz welaýat häkimliginiň hem-de raýatlaryň buýurmasy esasynda ilaty ýaşaýyş jaýlary bilen üpjün etmek boýunça meýilnamalaryň çäklerinde 4 gatly, 16 we 24 öýli ýaşaýyş jaýlarynyň 35-siniň gurluşygy dowam edýär. 

Energetika ministrligi tarapyndan ýurdumyzda halkalaýyn energoulgamy döretmek boýunça taslamany durmuşa geçirmek maksady bilen, güýjenmesi 500 kilowolt bolan Balkan — Daşoguz ugry boýunça ýokary woltly asma elektrik geçirijiniň hem-de beketleriň gurluşyk işleri ýokary depginde dowam edýär, bu taslamany bellenilen möhletinde tamamlamak üçin ähli zerur çäreler görülýär. 

Welaýatyň oba ýerlerinde, şäherçelerde, etraplardaky şäherlerde we etrap merkezlerinde içerki awtomobil ýollaryny gurmak hem-de hereket edýänleriniň durkuny täzelemek boýunça işler ýaýbaňlandyryldy. 

Hormatly Prezidentimiz Serdar Berdimuhamedow hasabaty diňläp, ýurdumyzyň demirgazyk sebitini hemmetaraplaýyn ösdürmek boýunça alnyp barylýan giň gerimli işleriň wajypdygyna ünsi çekdi we ýerli ilatyň oňaýly durmuşy, döredijilikli zähmeti üçin şertleriň döredilmeginiň zerurdygyny belläp, bu babatda wise-premýere anyk tabşyryklary berdi. 

Soňra Ministrler Kabinetiniň Başlygynyň orunbasary ýurdumyzyň oba hojalyk önümlerini öndürijilerini degişli mineral dökünler, “Türkmenhimiýa” döwlet konserniniň kärhanalary tarapyndan bolsa zerur himiýa önümleri bilen üpjün etmek boýunça alnyp barylýan işler barada hasabat berdi. Şunuň bilen baglylykda, döwlet Baştutanymyzyň garamagyna “Türkmenhimiýa” döwlet konserni bilen “Uzkimyoimpeks” jogapkärçiligi çäkli jemgyýetiň arasynda degişli şertnamany baglaşmak hakynda Kararyň taslamasy hödürlenildi. 

Hormatly Prezidentimiz Serdar Berdimuhamedow hasabaty diňläp, içerki sarp edijileri oba hojalygynda hem-de önümçiliklerde giňden ulanylýan himiýa önümleri bilen üpjün etmek boýunça amala aşyrylýan işleriň wajypdygyny belledi. Döwlet Baştutanymyz Karara gol çekip, wise-premýere bu ugurda alnyp barylýan işlere berk gözegçiligi üpjün etmegi, ýurdumyzda öndürilýän, sarp edijiler tarapyndan uly isleg bildirilýän himiýa önümleriniň möçberlerini yzygiderli artdyrmak we görnüşlerini giňeltmek boýunça öňde goýlan wezipeler bilen baglylykda, ýurdumyzyň himiýa senagatyny ösdürmäge aýratyn üns bermegi tabşyrdy. 

Ministrler Kabinetiniň Başlygynyň orunbasary E.Orazgeldiýew Daşoguz welaýatynyň suw üpjünçiligini gowulandyrmak, şeýle-de ýurdumyzyň sebitlerinde galla oragyna görülýän taýýarlyk işleri barada hasabat berdi. 

Habar berlişi ýaly, Daşoguz welaýaty boýunça geçirilen seljerme işleriniň netijelerine laýyklykda, sebitiň ekerançylyk meýdanlarynyň suw üpjünçiligini hem-de melioratiw ýagdaýyny gowulandyrmak, goşmaça suw gorlaryny döretmek maksady bilen, 2022 — 2028-nji ýyllar aralygynda geçiriljek çäreleriň degişli hasaplamalary ýerine ýetirildi. 

Hormatly Prezidentimiz Serdar Berdimuhamedow wezipe borçlaryny talabalaýyk ýerine ýetirmän, Daşoguz welaýatynda suw üpjünçiligini gowulandyrmak, suw serişdelerini tygşytly peýdalanmak, goşmaça gorlary döretmek we pudagyň desgalaryny netijeli ulanmak boýunça alnyp barylýan işlere gözegçiligi gowşadanlygy üçin, Suw hojalygy baradaky döwlet komitetiniň başlygy G.Baýjanowa berk käýinç yglan etdi we degişli Buýruga gol çekdi. 

Ministrler Kabinetiniň Başlygynyň orunbasary şeýle hem galla oragynda peýdalanyljak däne ýygýan kombaýnlary, awtoulag serişdelerini, kabul ediş nokatlaryny möwsüme taýýarlamak boýunça alnyp barylýan işler barada hasabat berdi. Bu möwsümiň guramaçylykly geçirilmegini üpjün etmek maksady bilen, oba hojalyk toplumyna degişli ministrligiň we pudaklaýyn dolandyryş edaralarynyň ýolbaşçylary welaýatlar boýunça jogapkär edilip bellenildi hem-de olar iş saparlaryna ugradyldy. 

Wise-premýer döwlet Baştutanymyza galla oragyna başlamagyň senesini belläp bermek hem-de bu möwsüme ak pata bermek haýyşy bilen ýüzlendi. 

Hormatly Prezidentimiz hasabaty diňläp, ýurdumyzda oba hojalyk pudagyny ösdürmek boýunça giň gerimli işler alnyp barylýar, daýhanlarymyz ýokary hilli tohum, mineral dökünler, himiki serişdeler, döwrebap oba hojalyk tehnikalary hem-de suw serişdeleri bilen doly üpjün edilýär. Şunuň bilen birlikde, ýurdumyzda azyk bolçulygyny üpjün etmek boýunça maksatnamalaýyn işler durmuşa geçirilýär. Şu ýyl welaýatlarda bugdaýyň bol hasyly ösdürilip ýetişdirildi, ýetişdirilen bugdaý hasylynyň ýitgisiz ýygnalyp alynmagy ýurdumyzda azyk bolçulygyny pugtalandyrmagyň kepili bolup durýar diýip, döwlet Baştutanymyz belledi. 

Şoňa görä-de, ýurdumyzyň Ahal, Lebap we Mary welaýatlarynda şu ýylyň 3-nji iýunynda, Balkan we Daşoguz welaýatlarynda bolsa 10-njy iýunda galla oragyna başlamaga ak pata berip, hormatly Prezidentimiz ýaşululara ýüzlenip, galla oragyna «Bismilla!» bilen başlap bermeklerini haýyş etdi. 

Döwlet Baştutanymyz “Çäjiňize bereket, edermen gallaçylar!” diýip, ýurdumyzyň zähmetsöýer gallaçylaryna, ähli oba hojalyk işgärlerine tüýs ýürekden berk jan saglyk, maşgala abadançylygyny arzuw etdi. 

Soňra çykyş eden Ministrler Kabinetiniň Başlygynyň orunbasary S.Toýlyýew Daşoguz welaýatyny durmuş-ykdysady taýdan ösdürmek boýunça ylym, bilim, saglygy goraýyş, sport ulgamlarynda alnyp barylýan işler barada hasabat berdi. Şeýle-de wise-premýer welaýatyň Daşoguz şäherinde 450 orunlyk köpugurly hassahananyň we 150 orunlyk onkologiýa hassahanasynyň gurlup ulanmaga berilýändigi üçin welaýatyň ilatynyň adyndan Döwlet Baştutanymyza hoşallyk bildirdi. 

Dünýä belli kompaniýalaryň häzirki zaman innowasion enjamlary bilen üpjün edilen täze lukmançylyk edaralary ilata ýokary hilli lukmançylyk hyzmatlaryny hödürlemekde, dürli keselleriň öňüni almakda hem-de olary bejermekde möhüm ähmiýete eýe bolar. 

Ýurdumyzyň demirgazyk sebitini durmuş-ykdysady taýdan ösdürmegiň maksatnamasynyň çäklerinde bu ýerde bilim edaralary, şol sanda multimedia enjamlary, kompýuter tehnologiýalary bilen üpjün edilen, lingafon, zähmet, aýdym-saz otaglary hem-de sport zallary göz öňünde tutulan çagalar baglary we umumybilim berýän orta mekdepler gurlup ulanmaga berler. 

Hormatly Prezidentimiz Serdar Berdimuhamedow hasabaty diňläp, halkymyzyň saglygyny berkitmek hem-de abadançylygyny ýokarlandyrmak alnyp barylýan döwlet syýasatynyň hemişe möhüm ugry bolar, muňa dünýä ülňülerine laýyk gelýän saglygy goraýyş desgalarynyň 2-siniň ulanmaga berilmegi hem şaýatlyk edýär diýip aýtdy. Döwlet Baştutanymyz bu ugurda geçirilýän işleriň örän wajypdygyny nygtap, wise-premýere bilim, ylym we sport ulgamlaryny tutuş ýurdumyzda hem, aýry-aýry sebitlerde hem mundan beýläk-de kämilleşdirmek bilen baglanyşykly meseleleri gözegçilikde saklamagy tabşyrdy. 

Ministrler Kabinetiniň Başlygynyň orunbasary M.Mämmedowa 2022-nji ýylyň iýun aýynda geçiriljek esasy çäreleriň maksatnamasy hem-de durmuş medeni maksatly desgalaryň açylyşlary mynasybetli meýilleşdirilen çäreler, Daşoguz welaýatyny durmuş-ykdysady taýdan ösdürmek boýunça geçirilýän işleriň çäklerinde ýurdumyzyň demirgazyk sebitiniň medeniýet edaralarynyň işini kämilleşdirmek babatda alnyp barylýan işler barada hasabat berip, döwlet Baştutanymyzyň garamagyna degişli meýilnamany hödürledi. 

Iýun aýynda Çagalary goramagyň halkara güni, Bütindünýä welosiped güni, Ylymlar güni, Medeniýet we sungat işgärleriniň hem-de Magtymguly Pyragynyň şygryýet güni mynasybetli dürli çäreleri geçirmek meýilleşdirilýär. 

Hormatly Prezidentimiz Serdar Berdimuhamedow wise-premýere göz öňünde tutulan çäreleri ýokary derejede guramak we geçirmek, olara ýaşlary has giňden çekmek boýunça anyk tabşyryklary berdi. 

Wise-premýer şeýle-de şu ýylyň 4-nji iýunynda geçirilmegi göz öňünde tutulan “Daşoguz welaýatyndaky milli taryhy-medeni mirasyň obýektleri halkara syýahatçylyk ulgamynda” atly ylmy duşuşyga görülýän taýýarlyk barada hasabat berip, döwlet Baştutanymyzyň garamagyna degişli meýilnamany hödürledi. 

Çäräniň çäklerinde meýdan şertlerinde okuw maslahatlaryny hem-de sanly ulgam arkaly daşary ýurtly hünärmenleriň çykyşlaryny guramak meýilleşdirilýär. Daşoguz welaýatynyň çäklerindäki ýadygärlikleri öwrenmegi dowam etmek we olary gorap saklamak, syýahatçylyk ugurlarynyň düzümlerini gowulandyrmak, täzelerini işläp taýýarlamak, olary ozal bar bolan halkara syýahatçylyk ugurlarynyň ulgamyna goşmak ylmy duşuşyga gatnaşyjylaryň üns merkezinde bolar. Şeýle-de gadymy döwürlerde söwda we medeni gatnaşyklar ýola goýlan Beýik Ýüpek ýolunyň esasy ugurlaryny mundan beýläk-de öwrenmek, olaryň ugrundaky taryhy-medeni mirasyň täze desgalaryny ýüze çykarmak meselesine garalar. 

Ýörite meýdan okuw maslahatyna gatnaşyjylaryň ÝUNESKO-nyň Bütindünýä mirasynyň sanawyna giren meşhur Köneürgenjiň taryhy-medeni ýadygärliklerine gezelenji göz öňünde tutulýar. Şeýle-de olar “Milli taryhy-medeni mirasyň obýektlerini aýap saklamagyň, goramagyň, öwrenmegiň hem-de olara syýahatçylary çekmegiň 2022 — 2028-nji ýyllar üçin Döwlet maksatnamasynyň” çäklerinde “Kerwensaraý” ýadygärliginde başlanan arheologik gazuw-barlag işleri bilen tanyşdyrylar. 

Bellenilişi ýaly, bu ýerde başlanylan arheologik gazuw-barlag işleriniň birinji hepdesinde täsin taryhy gymmatlyklar — terrakot ýonulan plitalar görnüşindäki binagärlik bezegleriniň bölekleri ýüze çykaryldy. Bu tapyndylar, olary taýýarlamagyň tehnologiýasy hem-de döwri, olary rejelemek we muzeý gymmatlyklary hökmünde taýýarlamak işleri hünärmenleriň arasynda öňde geçiriljek ylmy pikir alyşmalaryň meseleleriniň biri bolar. 

Köneürgençde binagärlik mirasyny öwrenmek, üýtgewsiz görnüşde saklamak hem-de rejelemek boýunça yzygiderli işler alnyp barylýar. Goraghananyň hünärmenleriniň tagallalary bilen iň meşhur hem-de has ýygy-ýygydan zyýarat edilýän Nejmeddin Kubranyň, Sultan Alynyň, Pirýar Weliniň, Törebeg hanymyň aramgähleriniň, Horezm şalary Soltan Tekeşiň hem-de Il-Arslanyň kümmetleri, Seýit Ahmediň aramgähi hem-de Gutlug Timuryň minarasy rejelenildi. Köneürgenjiň “Kyrkmolla” ady bilen belli bolan iň gadymy galasynyň, Al Mamunyň minarasynyň bölekleri ozalky baş metjidiň galyndylary üýtgewsiz görnüşde saklanylar ýaly ýagdaýa getirildi, Ibn Hajybyň medresesi gaýtadan dikeldildi. 

Ylmy duşuşyga gatnaşyjylaryň beýleki bir topary diňe bir biziň ýurdumyzda däl, onuň çäklerinden daşarda-da giňden belli bolan Görogly etrabynyň çägindäki ýadygärliklere — gadymy Yzmykşir şäheriniň galyndylaryna hem-de orta asyr Ysmamyt ata binagärlik toplumyna baryp görerler. Meýdan şertlerinde geçirilýän okuw maslahatlaryna arheologlar, binagärlik boýunça taryhçylar, rejeleýjiler, syýahatçylyk işgärleri, şeýle-de ýurdumyzyň ähli taryhy-medeni goraghanalarynyň hünärmenleri gatnaşarlar, olaryň dowamynda pikir alyşmalar guralar. 

Döwlet Baştutanymyz hödürlenen meýilnamany makullap, ýurdumyzdaky taryhy-medeni ýadygärlikleri düýpli öwrenmegiň we dünýäde wagyz etmegiň, bu babatda ÝUNESKO bilen hyzmatdaşlygy giňeltmegiň ähmiýetini belledi hem-de bu babatda wise-premýere anyk tabşyryklary berdi. 

Ministrler Kabinetiniň ýanyndaky Ulag we kommunikasiýalar agentliginiň Baş direktory M.Çakyýew gözegçilik edýän düzümleriniň Daşoguz welaýatyny durmuş-ykdysady taýdan ösdürmek boýunça ýerine ýetirýän işleri barada hasabat berdi. 

 Demirgazyk welaýatda esasy telefon we öýjükli aragatnaşyk belgileri ornaşdyryldy. “Türkmenawtoulaglary” agentliginiň buýurmasy boýunça Daşoguz şäherinde şu ýyl ulanmaga berilmegi meýilleşdirilen ýolagçy awtomenziliniň gurluşygy alnyp barylýar. Munuň özi täze iş orunlarynyň döredilmegini şertlendirer. “Türkmenhowaýollary” agentligi tarapyndan Daşoguz Halkara howa menziline degişli myhmanhananyň durkuny täzelemek işleri tamamlaýjy tapgyrda alnyp barylýar. 

Şeýle-de Daşoguz welaýat häkimliginiň buýurmasy boýunça “Türkmendemirýollary” agentliginiň işgärleri üçin 4 gatly, 16 öýli 4 sany we 4 gatly, 24 öýli 2 sany ýaşaýyş jaýynyň, “Türkmenhowaýollary” agentliginiň işgärleri üçin 4 gatly, 24 öýli 3 sany ýaşaýyş jaýynyň gurluşygy dowam etdirilýär. 

Daşoguz şäherinde ulag-aragatnaşyk pudagynyň işgärleri üçin ähli amatlyklary bolan ýaşaýyş jaýlarynyň hem-de welaýatyň Gurbansoltan eje adyndaky etrabynda simli we öýjükli telefon belgilerine hyzmat ediş, poçta ugratmalaryny kabul ediş we tabşyryş nokatlaryny özünde jemleýän aragatnaşyk bölüminiň täze edara binasyny gurmak boýunça teklipler taýýarlanylýar. Şunuň bilen baglylykda, döwlet Baştutanymyzyň garamagyna degişli bäsleşikleri geçirmek bilen bagly taslamalar hödürlenildi. 

Hormatly Prezidentimiz Serdar Berdimuhamedow hasabaty diňläp, soňky ýyllarda ýurdumyzyň ähli ýerlerinde bolşy ýaly, demirgazyk sebitde-de halk hojalyk toplumyny senagatlaşdyrmak, halkara ähmiýete eýe bolýan ulag ulgamyny yzygiderli ösdürmek bilen baglanyşykly düýpli özgertmeleriň amala aşyrylýandygyny nygtady. Döwlet Baştutanymyz şäherlerde we obalarda ilatyň ýaşaýyş-durmuş şertlerini mundan beýläk-de gowulandyrmagyň, raýatlarymyzyň abadançylygyny ýokarlandyrmagyň milli maksatnamalaryny hem-de strategiýalaryny durmuşa geçirmegiň möhümdigine ünsi çekip, durmuş maksatly desgalary gurmak boýunça bäsleşikleri geçirmäge ygtyýar berdi. 

Milli Geňeşiň Mejlisiniň Başlygy G.Mämmedowa döwletimiziň hukuk binýadyny pugtalandyrmak boýunça alnyp barylýan işler barada maglumat berdi. 

Bellenilişi ýaly, ýurdumyzyň ähli künjeklerinde, şol sanda Daşoguz welaýatynda-da sebitleri durmuş-ykdysady taýdan ösdürmäge gönükdirilen giň gerimli taslamalar amala aşyrylýar. Olar “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasyna”, Oba milli maksatnamasyna hem-de ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasyna laýyklykda alnyp barylýar. 

Mejlisiň deputatlary, şol sanda Daşoguz welaýatyndan saýlanan deputatlar welaýat, etrap we şäher häkimliklerinde raýatlaryň ýüztutmalaryna garamak boýunça geçirilýän kabul edişliklere gatnaşýarlar, saýlawçylar bilen yzygiderli duşuşýarlar, adamlaryň kanunlar we Kararlar baradaky pikirdir tekliplerini öwrenýärler, kabul edilen resminamalaryň ähmiýetini düşündirýärler, etraplaryň halk maslahatlaryna we Geňeş agzalaryna usulyýet kömegini berýärler. 

Hormatly Prezidentimiz Serdar Berdimuhamedow wise-premýer Ç.Gylyjowa Milli Geňeşiň Mejlisiniň Başlygy G.Mämmedowa bilen bilelikde iň gowy halyçylara döwlet sylaglaryny dabaraly ýagdaýda gowşurmagy tabşyrdy. 

Soňra Milli Geňeşiň Halk Maslahatynyň Başlygynyň orunbasary K.Babaýew ýurdumyzyň kanunçylyk ulgamyny mundan beýläk-de kämilleşdirmek maksady bilen alnyp barylýan meýilnamalaýyn işler barada maglumat berdi. 

Adam hukuklaryny we azatlyklaryny goramak, sebitleri ösdürmek, daşky gurşawy goramak, halkymyzyň ýaşaýyş-durmuş şertlerini gowulandyrmak, döwletimizi mundan beýläk-de syýasy, ykdysady, medeni taýdan ösdürmek babatda kanunçylyk binýadyny kämilleşdirmek bilen bagly gelip gowuşýan teklipleri seljermek boýunça degişli işler geçirilýär. 

Hormatly Prezidentimiz Serdar Berdimuhamedow Milli Geňeşiň türkmen jemgyýetiniň hukuk esaslaryny mundan beýläk-de kämilleşdirmek, onda hakyky demokratik däpleri pugtalandyrmak boýunça alyp barýan işiniň örän wajypdygyny belledi. Şunuň bilen baglylykda, döwlet Baştutanymyz sebitleriň durmuş-ykdysady taýdan okgunly ösmegine, olaryň ägirt uly kuwwatyndan netijeli peýdalanmaga ýardam edýän kanunçylygy mundan beýläk-de kämilleşdirmegiň zerurdygyny nygtady. 

 Soňra Ministrler Kabinetiniň Başlygynyň orunbasary, daşary işler ministri R.Meredowa söz berildi. Ol Türkmenistanyň daşary ýurtly hyzmatdaşlar bilen Aral meselesi boýunça hyzmatdaşlygyny ösdürmek boýunça görülýän çäreler barada hasabat berdi. 

 Şunda ýurdumyzda Aral deňzi bilen baglanyşykly ýagdaý bilen şertlendirilen täsirleri azaltmaga hem-de ýerli ilatyň durmuş-ykdysady şertlerini gowulandyrmaga gönükdirilen anyk çäreler durmuşa geçirilýär. Bu ugurda dünýä bileleşiginiň tagallalaryny birleşdirmek maksady bilen, Türkmenistan oňyn halkara başlangyçlary yzygiderli öňe sürýär. 

Ýurdumyzda amala aşyrylýan işlerde-de Aral deňziniň ekologik meselelerine örän uly ähmiýet berilýär. Hususan-da, 2021 — 2025-nji ýyllar üçin Aral milli maksatnamasy işlenip taýýarlanyldy we geçen ýylyň 22-nji oktýabrynda kabul edildi. Ol Daşoguz welaýatynda durmuş-ykdysady we ekologik ýagdaýlary gowulandyrmaga gönükdirilen esasy resminama boldy. Maksatnama laýyklykda, Daşoguz welaýatynda köpugurly hassahanalaryň 3-sini, suw arassalaýjy desgalaryň 7-sini gurmak, Daşoguz şäherinde kuwwatlylygy 120 megawat bolan gaz turbinaly elektrik stansiýany gurmak göz öňünde tutuldy. Aral milli maksatnamasynda göz öňünde tutulan 86 taslamadan 48-siniň Birleşen Milletler Guramasynyň Ösüş maksatnamasy, Çagalar gaznasy, Ilat gaznasy, Azyk we oba hojalyk boýunça guramasy we beýleki halkara düzümler bilen bilelikde durmuşa geçirilýändigini aýratyn bellemek gerek. 

Aral deňziniň sebitinde daşky gurşawy goramak we ekologik howpsuzlygy üpjün etmek babatda alnyp barylýan halkara gatnaşyklary giňeltmek maksady bilen, birnäçe teklipler taýýarlanyldy. Häzirki wagtda howanyň ählumumy üýtgemegi netijesinde Aral deňzi bilen bagly meseleleriň oňyn çözgütlerini tapmaga gönükdirilen çäreleriň durmuşa geçirilmegi, şol sanda biziň ýurdumyzda halkara guramalar bilen ýakyn hyzmatdaşlykda howanyň üýtgemegi we daşky gurşawy goramak boýunça öňdebaryjy tehnologiýalary ornaşdyrmak, olardan netijeli peýdalanmak işleri aýratyn ähmiýete eýedir. 

Hormatly Prezidentimiz Serdar Berdimuhamedow hasabaty diňläp, Gahryman Arkadagymyzyň başlangyjy boýunça sebitleri toplumlaýyn ösdürmegiň, ilatyň ýaşaýyş-durmuş şertlerini gowulandyrmagyň, şeýle-de adamlaryň saglygy barada hemmetaraplaýyn alada etmegiň, şol sanda ekologiýa we daşky gurşawy goramak ýaly möhüm meseleleriň döwlet syýasatynyň ileri tutulýan ugurlarynyň hatarynda kesgitlenendigini belledi. 27-nji maýda Daşoguz welaýatynda durmuş ähmiýetli möhüm desgalaryň açylmagynyň göz öňünde tutulmagy munuň aýdyň subutnamasydyr. 

Döwlet Baştutanymyz beýan edilen teklipleri makullap, Aralýaka sebitde ekologik howpsuzlygy we durnukly ösüşi üpjün etmäge, umuman, sebitde durmuş-ykdysady, ekologik ýagdaýlary gowulandyrmaga gönükdirilen maksatnamalaýyn çäreleriň amala aşyrylmagyny gözegçilikde saklamagyň zerurdygyny nygtady. Şunuň bilen baglylykda, hormatly Prezidentimiz Serdar Berdimuhamedow wise-premýere, daşary işler ministrine degişli tabşyryklary berdi. 

Daşoguz welaýatynyň häkimi N.Nazarmyradow hormatly Prezidentimize demirgazyk sebite sapar bilen gelendigi üçin onuň ähli ilatynyň adyndan hoşallyk bildirdi we bu saparyň welaýatyň ýaşaýjylarynyň şatlygyna şatlyk goşup, olary täze zähmet ýeňişlerine ruhlandyrandygyny aýratyn nygtady. 

Häkim şeýle-de ýurdumyzyň demirgazyk sebitinde işleriň ýagdaýy, “Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasyny” hem-de Oba milli maksatnamasyny ýerine ýetirmegiň barşy barada hasabat berdi. Welaýatyň oba hojalyk toplumynda amala aşyrylýan işler, şol sanda öňde boljak galla oragyny guramaçylykly geçirmek boýunça görülýän çäreler hasabatyň özenini düzdi. 

Habar berlişi ýaly, 145 müň gektar meýdanda bugdaý hasyly ösdürilip ýetişdirildi, hasyly ýygnamak üçin däne ýygýan kombaýnlaryň 428-sini, galla kabul ediş nokatlarynyň 28-sine hasyly daşamak üçin awtoulag serişdeleriniň 2135-sini ulanmak göz öňünde tutulýar. Pile öndürmek boýunça meýilnamanyň ýerine ýetirilendigi barada hem habar berildi. 

Hormatly Prezidentimiz Serdar Berdimuhamedow hasabaty diňläp, Daşoguz welaýatynda amala aşyrylýan ähli işleri, şol sanda durmuş-ykdysady taýdan ösüş boýunça kabul edilýän maksatnamalaryň çäklerinde kesgitlenen çäreleriň ýerine ýetirilişini berk gözegçilikde saklamagy tabşyrdy. Şeýle-de bugdaý meýdanlaryna ýokary hilli ideg edilmegine, geljekki bol hasylyň girewi bolan gowaça ekişini bellenilen möhletlerde tamamlamaga aýratyn üns bermek tabşyryldy. 

Döwlet Baştutanymyz durmuş, önümçilik hem-de beýleki maksatly desgalaryň gurluşygy bilen baglanyşykly meselelere degip geçmek bilen, olarda alnyp barylýan işleriň ýokary hilini, ulanmaga bermegiň möhletlerini üpjün etmegiň zerurdygyna ünsi çekdi. 

Hökümet mejlisinde Daşoguz welaýatyny durmuş-ykdysady taýdan ösdürmegiň beýleki käbir meselelerine-de garaldy we olar boýunça degişli çözgütler kabul edildi. 

Hormatly Prezidentimiz Ministrler Kabinetiniň göçme mejlisini jemläp, oňa gatnaşanlara berk jan saglyk, maşgala abadançylygyny, Garaşsyz Watanymyzyň mundan beýläk-de gülläp ösmeginiň bähbidine alyp barýan işlerinde uly üstünlikleri arzuw etdi.

Aşgabat, 25-nji maý (TDH). Şu gün hormatly Prezidentimiz Serdar Berdimuhamedowyň tabşyrygy boýunça Milli Geňeşiň Halk Maslahatynyň Başlygy Gurbanguly Berdimuhamedow “Türkmenistan — ABŞ” işewürler geňeşiniň Ýerine ýetiriji direktory Erik Stýuart we “Nicklaus Companies” kompaniýasynyň Baş ýerine ýetiriji direktory, direktorlar geňeşiniň agzasy Jon Riz bilen duşuşdy. 

Işewürler duşuşmaga wagt tapandygy üçin hoşallyk bildirip, hormatly Prezidentimizi hem-de Arkadagymyzy giňden bellenilýän Aşgabat şäheriniň güni bilen gutladylar we iň oňat arzuwlaryny aýtdylar. 

Söhbetdeşligiň dowamynda döwletara gatnaşyklaryň yzygiderli häsiýeti bellenildi, şolarda söwda-ykdysady hyzmatdaşlygyň giňeldilmegine aýratyn orun berilýär. Gahryman Arkadagymyzyň nygtaýşy ýaly, ýurdumyz düýpli özgertmeler strategiýasyny yzygiderli durmuşa geçirip, ilkinji nobatda, milli ykdysadyýetimiziň esasy pudaklarynda täzeçil tehnologiýalaryň giňden ornaşdyrylmagyna hem-de daşary ýurtlaryň oňat tejribelerini çekmäge, dünýäniň, şol sanda ABŞ-nyň öňdebaryjy wekilleri bilen özara bähbitli gatnaşyklary ilerletmäge uly ähmiýet berýär. 

Işewürler ABŞ-nyň işewür toparlarynyň ýurdumyzyň döwlet we telekeçilik düzümleri bilen ýakyn aragatnaşyklaryň ýola goýulmagyna, ynanyşmak hem-de deňhukuklylyk ýörelgelerinde ýola goýulýan gatnaşyklaryň geriminiň giňeldilmegine aýratyn gyzyklanma bildirýändikleri barada aýdyp, geljegi uly türkmen bazarynda eýeleýän orunlaryny pugtalandyrmaga taýýardyklaryny beýan etdiler. Myhmanlaryň belleýşi ýaly, “Ak şäherim Aşgabat” atly XXI köpugurly halkara sergi oýlanyşykly maýa goýum syýasaty hem-de ägirt uly ykdysady, serişde kuwwatynyň bolmagy bilen birlikde, häzir Türkmenistanda işewürligi üstünlikli alyp barmak üçin ähli şertleriň döredilendiginiň subutnamasy bolup durýar. 

 “Türkmenistan — ABŞ” işewürler geňeşiniň işi, hyzmatdaşlygy geljekde-de ösdürmek boýunça meýilnamalar, ileri tutulýan ugurlarda özara gyzyklanma bildirilýän, hususan-da, energetika, maliýe ulgamlarynda, oba hojalygynda we sanly ulgamda, sport ugry boýunça häzirki we geljegi uly bilelikdäki taslamalar ara alnyp maslahatlaşyldy.  

Duşuşygyň ahyrynda Gahryman Arkadagymyz hem-de amerikan işewürleri birek-birege hoşniýetli arzuwlaryny aýdyp, deňhukuklylyk, ynanyşmak we özara bähbitlilik ýörelgelerinde ýola goýulýan döwletara gatnaşyklaryň mundan beýläk-de pugtalandyryljakdygyna ynam bildirdiler.

Hormatly Prezidentimiz Serdar Berdimuhamedow Gruziýanyň Prezidenti hanym Salome Zurabişwilä we ýurduň ähli halkyna Gruziýanyň milli baýramy — Garaşsyzlyk güni mynasybetli mähirli gutlaglaryny hem-de iň gowy arzuwlaryny iberdi. 

Türkmen döwletiniň Baştutany mümkinçilikden peýdalanyp, Prezident Salome Zurabişwilä berk jan saglyk we bagtyýarlyk, Gruziýanyň dostlukly halkyna bolsa parahatçylyk, ösüş, abadançylyk arzuw etdi. 

(TDH)

Aşgabat, 24-nji maý (TDH). Şu gün hormatly Prezidentimiz Serdar Berdimuhamedow “Türkmenistan — ABŞ” işewürlik geňeşiniň Ýerine ýetiriji direktory Erik Stýuarty hem-de “Niсklaus Сompanies” kompaniýasynyň Baş ýerine ýetiriji direktory we direktorlar geňeşiniň agzasy Jon Rizi kabul etdi.

 Işewürler döwlet Baştutanymyza wagt tapyp kabul edendigi üçin hoşallyklaryny beýan edip, hormatly Prezidentimiz Serdar Berdimuhamedowy Prezident saýlawlaryndaky ynamly ýeňşi bilen gutladylar hem-de iň ýokary döwlet wezipesindäki işlerinde uly üstünlikleri arzuw etdiler. Myhmanlar amerikan işewürleriniň giň möçberli halkara hyzmatdaşlyk syýasatyny alyp barýan Garaşsyz, Bitarap Türkmenistan bilen soňky ýyllarda ýola goýlan netijeli gatnaşyklaryň hemmetaraplaýyn giňeldilmegine gyzyklanma bildirýändiklerini bellediler. 

Hormatly Prezidentimiz Serdar Berdimuhamedow gutlaglar we hoşniýetli arzuwlar üçin minnetdarlyk bildirip, ýurdumyzyň daşary syýasatynyň esasy maksadynyň deňhukukly esasda ähli gyzyklanma bildirýän hyzmatdaşlar, şol sanda ABŞ-nyň iri kompaniýalary bilen netijeli hyzmatdaşlygy ýola goýmakdan ybaratdygyny belledi. Iň gowy dünýä tejribesini we öňdebaryjy tehnologiýalary işjeň çekmegiň hasabyna ykdysadyýeti diwersifikasiýa ýoly bilen ösdürmek strategiýasyny amala aşyrýan Türkmenistan netijeli hyzmatdaşlyk üçin hemişe açykdyr. ABŞ-nyň işewür toparlarynyň türkmen bazarynda orunlaryny pugtalandyrmak üçin edýän tagallalaryny goldaýarys diýip, döwlet Baştutanymyz aýtdy. 

Hormatly Prezidentimiz we myhmanlar ikitaraplaýyn hyzmatdaşlygyň häzirki ýagdaýy we geljegi barada pikir alşyp, döwletara gatnaşyklary mundan beýläk-de ösdürmek üçin uly mümkinçilikleriň bardygyny kanagatlanma bilen bellediler. Şu ýyl Türkmenistan bilen ABŞ-nyň arasynda diplomatik gatnaşyklaryň ýola goýulmagynyň 30 ýyllygy bellenilýär. Geçen ýyllaryň dowamynda bilelikdäki işiň baý tejribesi toplandy, “John Deere”, “Сase”, “General Eleсtriс”, “Boeing” ýaly kompaniýalar türkmen bazaryndaky strategik ähmiýetli ugurlarda üstünlikli işläp gelýärler. 

Türkmenistanyň durmuşa geçirýän “Açyk gapylar” syýasaty netijesinde amatly maýa goýum ýagdaýy hem-de işewürligi alyp barmagyň oňyn guramaçylyk-hukuk guraly döredildi. Munuň özi ýurdumyzyň geljegi uly bazaryna daşary ýurtly hyzmatdaşlaryň barha köp sanlysyny çekmäge ýardam berýär. Şunuň bilen baglylykda, myhmanlar ABŞ-nyň işewür toparlarynyň türkmen ykdysadyýetiniň ösdürilmegine maýa goýmagy hem-de amala aşyrylýan giň möçberli taslamalara we maksatnamalara işjeň gatnaşmagy maksat edinýändiklerini aýtdylar. 

“Türkmenistan — ABŞ” işewürlik geňeşiniň alyp barýan işleri, uzak möhletleýin we özara bähbitli esasda ýola goýulýan döwletara ykdysady gatnaşyklary pugtalandyrmakda onuň eýeleýän orny ara alyp maslahatlaşmagyň aýratyn meselesi boldy. Şunuň bilen baglylykda, bu düzüm tarapyndan yzygiderli guralýan işewürlik duşuşyklarynyň, maslahatlaryň we sergileriň iki ýurduň döwlet hem-de hususy toparlarynyň arasynda ýakyn gatnaşyklaryň ýola goýulmagyna ýardam berýändigi nygtaldy. Söwda-ykdysady, ýangyç-energetika, ulag, aragatnaşyk, oba hojalygy, energiýanyň gaýtadan dikeldilýän çeşmeleri, himiýa we azyk senagaty, ekologiýa ulgamlary bilelikdäki işleriň ileri tutulýan ugurlarynyň hatarynda kesgitlenildi. 

Duşuşygyň dowamynda Türkmenistanda ösdürilmegine uly üns berilýän sport ulgamy hyzmatdaşlygyň täze ugry hökmünde bellenildi. Işewürler ýurdumyzyň bedenterbiýe we ýokary netijeler sportunda ýeten sepgitlerine, türkmen türgenleriniň abraýly halkara ýaryşlarda gazanan ýeňişlerine hem-de paýtagtymyzda we welaýatlarda bina edilen döwrebap sport toplumlaryna, şol sanda 2017-nji ýylda Ýapyk binalarda we söweş sungaty boýunça V Aziýa oýunlary guralan Olimpiýa şäherçesine ýokary baha berip, ABŞ-nyň bu ulgamda ýöriteleşen kompaniýalarynyň sportuň golf görnüşiniň Türkmenistanda ösdürilmegine goldaw bermegi maksat edinýändiklerini aýtdylar. 

Döwlet Baştutanymyz bilelikdäki işiň toplanan baý tejribesini nazara alyp, ikitaraplaýyn hyzmatdaşlygyň geljegi barada aýtmak bilen, türkmen tarapynyň täze tekliplere we däp bolan hyzmatdaşlygy mundan beýläk-de ösdürmegiň mümkinçiliklerine garamaga taýýardygyny tassyklady. 

Duşuşygyň ahyrynda hormatly Prezidentimiz Serdar Berdimuhamedow we myhmanlar soňky ýyllarda täze depgine hem-de many-mazmuna eýe bolan türkmen-amerikan hyzmatdaşlygynyň geljekde-de üstünlikli ösdüriljekdigine ynam bildirdiler.