iri taslama üstünlikli amala aşyrylýar

Hormatly Prezidentimiziň 18-nji ýanwarda Ahal welaýaty boýunça amala aşyran iş saparynyň barşynda Aşgabat — Türkmenabat ýokary tizlikli awtomobil ýolunyň Tejen — Mary böleginiň gurluşygyna ak pata bermegi, 17-nji fewralda bolsa ýoluň bu böleginde asfaltyň ilkinji gatynyň düşelmegine badalga bermegi «Halkyň Arkadagly zamanasy» ýylynyň şatlykly wakalarynyň birine öwrüldi. Bu wakalar Beýik Ýüpek ýolunyň täzeden dikeldilýän şertlerinde bu ýoluň gurluşygyna aýratyn üns berilýändigini aňladýar.

Bilşimiz ýaly, Aşgabat — Türkmenabat ýokary tizlikli awtomobil ýolunyň Aşgabat — Tejen bölegi geçen ýylyň 29-njy oktýabrynda döwlet Baştutanymyzyň gatnaşmagynda dabaraly ýagdaýda açylyp ulanmaga berildi. Ýoluň 203 kilometre barabar bu böleginiň gurluşygyny «Türkmen Awtoban» ýapyk görnüşli paýdarlar jemgyýetiniň düzümine girýän hususy kärhanadyr hojalyk jemgyýetleriniň gurluşykçy hünärmenleri ýerine ýetirdiler. Bu iri taslamany durmuşa geçirmäge gatnaşýan kärhanalaryň biri-de «Altyn nesil» hojalyk jemgyýetidir. Häzirki günlerde agzalan hojalyk jemgyýetiniň işine ezber gurluşykçy hünärmenleri ýokary tizlikli awtomobil ýolunyň Tejen — Mary böleginiň gurluşygyny ýokary depginde alyp barýarlar.

 — Ýol-ulag düzümine degişli iri taslamany durmuşa geçirmäge gatnaşýandygymyza diýseň begenýäris. Hojalyk jemgyýetimiz ýokary tizlikli awtoulag ýolunyň ilkinji böleginde özüne ynanylan işleri ýokary hil derejesinde ýerine ýetirdi. Şonda gurluşyk-inženerçilik talaplaryna aýratyn ähmiýet berildi, ýoluň ugrunda degişli desgalar ýokary talaplara laýyklykda guruldy hem-de enjamlar ornaşdyryldy. Bu bolsa halkara derejeli ýollary gurmak boýunça tejribämizi baýlaşdyrmaga mümkinçilik berdi hem-de ýoluň ikinji tapgyrynyň, ýagny Tejen — Mary böleginiň gurluşygyna uly ruhubelentlikde girişmäge ýardam etdi. Hormatly Prezidentimiziň bu ýere gelip, iş şertlerimiz bilen tanyşmagy we ýoluň bu böleginde asfalt düşemek işine badalga bermegi asylly we sogaply işe has-da hyjuwly ýapyşmaga itergi berdi — diýip, «Altyn nesil» hojalyk jemgyýetiniň hünärmeni Meretmuhammet Çaryýew aýdýar. 

Ýoluň halkara ülňülere laýyk gelýän hil derejesiniň üpjün edilmeginiň we onuň ugrundaky desgalaryň bellenen möhletlerde gurlup ulanmaga berilmeginiň esasy talap bolup durýandygyna oňat düşünýän gurluşykçy hünärmenler wagtyň her bir pursadyndan netijeli peýdalanýarlar. Işleriň sazlaşykly ýola goýulmagy olara gündelik göz öňünde tutulan iş meýilnamalaryny ýerine ýetirmäge şert döredýär.

Gurluşyk işleriniň ýaýbaňlandyrylan ýerinde bolanymyzda, hojalyk jemgyýetiniň hünärmeni Akmyrat Döwletow alyp barýan işleri bilen tanyşdyrdy. Hünärmeniň aýtmagyna görä, häzirki wagtda hojalyk jemgyýeti boýunça işçileriň müňüsi, dürli kysymly awtoulaglaryň 500-e golaýy bu işe gatnaşýar. Toprak, geotekstil düşeklerini ýazmak, çagyl-çäge garyndysyny düşemek işlerine aýratyn ähmiýet berilýär. Bu işlerde inženerçilik talaplaryna uly üns gönükdirilip, öňi bilen, çägeden düşek ýazylýar. Soňra 1-nji, 2-nji gat daş düşeginiň hersiniň galyňlygynyň 30 santimetr, 3-nji hem-de 4-nji gatlaryň hersiniň galyňlygynyň 20 santimetr bolmagy gazanylýar. Häzirki günlerde ýoluň gürrüňi edilýän hojalyk jemgyýetine degişli böleginiň 40 kilometrine çäge düşemek işleri tamamlanyp, onda degişli işler alnyp barylýar. Ýoluň daş-çagyl düşegi doly taýýar edilen ýerinde hormatly Prezidentimiziň badalga bermeginde asfalt düşemek işine girişildi. Ýeri gelende, daş-çagyl düşegi taýýar bolan ýerde 1-nji gatyna 10 santimetr, 2-nji gatyna 7 santimetr, 3-nji gatyna 5 santimetr galyňlykda, jemi 3 gat asfalt düşelýändigini bellemek gerek.

Häzirki wagtda ýoluň 222-nji, 223-nji, 225-nji, 227-nji, 230-njy kilometrlerinde taslama çözgütlerine laýyklykda, göz öňünde tutulan dürli ölçegdäki demir-beton ötükleri gurnamak, demir dokamak we betonlama işlerine uly ähmiýet berilýär.

Ýoluň gürrüňi edilýän hojalyk jemgyýetine degişli aralygyndaky böleginde ýolüsti köprüler, aýlawly köpri, beýleki birnäçe çylşyrymly desgalar, şeýle-de ýol ugrundaky töleg terminallary, ulag serişdelerine hyzmat ediş nokatlary, ýangyç bekedi gurlar.

Ýoluň gurluşygynda ulanylýan çäge-çagyl garyndysynyň Kaka etrabynyň Duşak şäherçesindäki Kän müdirliginden getirilmegi ýol üçin sarp edilýän wagtyň tygşytlanmagyna we işiň bökdençsiz alnyp barylmagyna mümkinçilik berýär. Hormatly Prezidentimiziň sowgat eden asfalt zawodlarynyň ikisi bolsa hojalyk jemgyýetiniň işgärlerine ýoluň gurluşygynda gerek möçberdäki asfalty ýokary hil derejesinde taýýarlamaga ýardam edýär. Ýol gurluşyk işleriniň gowşamaýan depginde alnyp barylýandygy gurluşykçy hünärmenleriň özlerine ynanylan işleri bellenilen wagtda tamamlajakdyklaryna bolan ynamy artdyrýar.

Aýdo ŞEKEROW.

(Öz habarçymyz). Surata düşüren awtor.

Aşgabat, 22-nji fewral (TDH). Şu gün Türkmenistanyň Prezidenti Gurbanguly Berdimuhamedowyň we Russiýa Federasiýasynyň Tatarystan Respublikasynyň Prezidenti Rustam Minnihanowyň arasynda telefon arkaly söhbetdeşlik boldy.

Milli Liderimiz dostlukly ýurduň iri sebitiniň ýolbaşçysy bilen mähirli salamlaşyp, Türkmenistanyň Tatarystan Respublikasy bilen hyzmatdaşlygynyň okgunly we netijeli häsiýete eýedigini kanagatlanma bilen belledi. Şol hyzmatdaşlyk Russiýa Federasiýasy bilen döwletara gatnaşyklaryň çäklerinde üstünlikli ösdürilýär.

Tatarystanyň Türkmenistanyň has işjeň we ygtybarly hyzmatdaşlarynyň biri bolup durýandygy bellenildi. Biziň ýurdumyzy Tatarystan Respublikasy bilen öňden gelýän, taryhyň dowamynda emele gelen hoşniýetli goňşuçylyk, ynanyşmak we birek-birege hormat goýmak gatnaşyklaryna esaslanýan ykdysady we medeni hyzmatdaşlyk baglanyşdyrýar.

Söhbetdeşligiň barşynda umumy bähbitleri nazara almak bilen, uly geljege eýe bolan netijeli hyzmatdaşlygyň häzirki ýagdaýy we ony mundan beýläk-de ösdürmegiň ileri tutulýan ugurlary barada pikir alşyldy. Şol bähbitler bolsa ägirt uly mümkinçilikler hem-de giň gerimli taslamalary durmuşa geçirmegiň çäklerinde köpýyllyk bilelikdäki işiň uly tejribesi bilen berkidilendir.

Milli Liderimiz türkmen-tatar gatnaşyklaryna mahsus bolan ynanyşmagyň we özara düşünişmegiň ýokary derejesiniň ikitaraplaýyn hyzmatdaşlygy dürli ugurlarda ösdürmek üçin ygtybarly esas bolup durýandygyny nygtady. Türkmenistanyň Tatarystanyň iri kompaniýalary — “KamAZ”, “Tatneft” açyk paýdarlar jemgyýetleri, “KER-Holding”, Kazan dikuçar zawody we beýlekiler bilen özara bähbitli hyzmatdaşlygy munuň aýdyň mysalydyr.

Prezident Rustam Minnihanow Tatarystanyň işewür toparlarynyň geljegi uly türkmen bazarynda eýeleýän ornuny giňeltmäge gyzyklanma bildirýändiklerini aýdyp, ýurdumyzda döredilen amatly maýa goýum ýagdaýynyň hem-de öz üstüne alan borçnamalaryna berk eýerýän ygtybarly hyzmatdaş hökmünde Türkmenistanyň belent halkara abraýynyň muňa ýardam edýändigini belledi.

Söhbetdeşler söwda-ykdysady, ynsanperwer ulgamlarda ýola goýlan netijeli hyzmatdaşlygy kanagatlanma bilen belläp, şunda Türkmenistanyň we Tatarystan Respublikasynyň doganlyk halklarynyň arasynda dostluk köprülerini we özara düşünişmegi pugtalandyrýan ýokary derejedäki yzygiderli ikitaraplaýyn duşuşyklaryň we gepleşikleriň uly ähmiýete eýedigini nygtadylar.

Söhbetdeşler taraplaryň ençeme ugurlar boýunça özara gatnaşyklary mundan beýläk-de işjeňleşdirmäge taýýardyklaryny tassyklap, ozal gazanylan ylalaşyklary ilerletmek boýunça anyk çäreleri ara alyp maslahatlaşdylar. Şol ylalaşyklaryň durmuşa geçirilmegi bolsa dürli ulgamlarda gatnaşyklary pugtalandyrmaga goşmaça itergi berer.

Söwda-ykdysady hyzmatdaşlygy ösdürmek bilen baglylykda, Söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-tatar iş toparynyň işine möhüm ornuň degişlidigi bellenildi. Bu topar ikitaraplaýyn gatnaşyklaryň ähli ugurlaryna syn berýär.

Biz bilelikdäki iş toparyndan özara haryt dolanyşygynyň möçberlerini artdyrmak, diwersifikasiýalaşdyrmak hem-de senagat we ýokary tehnologiýalar ulgamynda iri taslamalary durmuşa geçirmek boýunça anyk tekliplere garaşýarys diýip, milli Liderimiz nygtady.

Ynsanperwer ulgamda, şol sanda ylym we bilim ugry boýunça ýokary derejeli hünärmenleri taýýarlamakda hyzmatdaşlyk etmek türkmen-tatar gatnaşyklarynyň möhüm ugry bolup durýar. Mälim bolşy ýaly, häzirki wagtda Tatarystanyň esasy ýokary okuw mekdeplerinde ýurdumyzyň ýaşlarynyň köp sanlysy bilim alýar.

Pursatdan peýdalanyp, döwlet Baştutanymyz Tatarystan Respublikasynyň Prezidentine däp bolan dostlukly gatnaşyklary ösdürmäge we pugtalandyrmaga ägirt uly şahsy goşandy üçin minnetdarlyk bildirip, türkmen tarapynyň özara bähbitli hyzmatdaşlygy mundan beýläk-de ösdürmäge gyzyklanma bildirýändigini tassyklady.

Telefon arkaly söhbetdeşligiň ahyrynda hormatly Prezidentimiz Gurbanguly Berdimuhamedow we Prezident Rustam Minnihanow birek-birege berk jan saglyk hem-de jogapkärli döwlet işinde mundan beýläk-de üstünlikler, Türkmenistanyň we Tatarystanyň doganlyk halklaryna bolsa parahatçylyk, rowaçlyk hem-de abadançylyk arzuw etdiler.

Geçilen menzillere ser salmak, il-ulus bilen maslahatlaşyp, ýurduň geljekki ösüş ugurlaryny kesgitlemek türkmen halkyna mahsus häsiýetleriň biri bolup, ol döwletlilik esaslarymyzyň mundan beýläk-de pugtalandyrylmagyna ýardam berýär. 2022-nji ýylyň 11-nji fewralynda geçirilen Türkmenistanyň Ministrler Kabinetiniň giňişleýin mejlisinde garalan meseleleriň many-mazmuny-da, halkyň abadan durmuşynyň mundan beýläk-de üpjün edilmegine ýardam berjek çözgütleriň köpugurly häsiýeti-de munuň şeýledigini tassyklaýar. «Türkmenistan — parahatçylygyň we ynanyşmagyň Watany» atly şygar bilen taryha giren 2021-nji ýylda gazanylan üstünlikler, ýetilen sepgitler ýurdumyzyň ykdysady mümkinçiliklerinden ýerlikli peýdalanmakda ilatyň ýaşaýyş-durmuş derejesini ýokarlandyrmakda uly işleriň bitirilendigini delillendirmek bilen, ol berkarar döwletimiziň ösüşini üpjün etmäge gönükdirilen täze maksatlary kesgitlemegiň, aýdyň wezipeleri öňde goýmagyň döwrüň talaby bolup durýandygyny hem görkezdi. Türkmenistanyň Milli Geňeşiniň Halk Maslahatynyň mejlisinde geljek 30 ýyla niýetlenen «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» kabul edilmegi ýurdumyzyň taryhynda täze eýýamyň başlanýandygyny alamatlandyrdy.

Daşarky şertleriň amatsyz täsirine garamazdan, durnukly ykdysady ösüşiň üpjün edilmegi ýurdumyzda durmuş-ykdysady syýasatyň oýlanyşykly alnyp barylýandygyny görkezýär. 2021-nji ýylyň netijeleri boýunça jemi içerki önümiň, geçen ýylyň degişli döwri bilen deňeşdirilende, 6,2 göterim ýokarlanmagy-da munuň şeýlediginden habar berýär. Milli ykdysadyýetiň ösüşe ukyplylygyny aňladýan bu möhüm makroykdysady görkezijiniň ösüş depgininiň soňky birnäçe ýylyň dowamynda ortaça 6 göterim derejesinde saklanmagy onuň daşary wehimlere, howplara garşy goraglylygynyň ýokarydygyna şaýatlyk edýär. Şunuň bilen birlikde, gazanylan ykdysady görkezijiler ýurdumyzyň durmuş taýdan ösmegine we durnukly ösüş görkezijileriniň ýokarlanmagyna ýardam berýär.

Dünýä ykdysadyýetinde maliýe-ykdysady çökgünligiň dowam edýän, ählumumy pandemiýanyň ýaýran döwründe hem Diýarymyzyň ykdysadyýetinde oňyn netijeler gazanyldy. Ol köp babatda, ýurtda içerki mümkinçiliklere daýanýan döwlet strategiýasyny işläp taýýarlamagyň we durmuşa geçirmegiň, şeýle-de ählumumy pandemiýa garşy toplumlaýyn çäreleri amala aşyrmagyň hasabyna mümkin boldy.

Milli ykdysadyýeti çalt üýtgeýän şertlere uýgunlaşdyrmak möhüm wezipeleriň biri bolup, bu ugurdaky strategiýa öz wagtynda degişli düzedişleriň girizilmegi ykdysady ulgama döwrüň çagyryşlaryna tiz seslenmäge mümkinçilik berýär. Şu ýerde Türkmenistanyň Hökümeti tarapyndan geçirilen toplumlaýyn işleriň, ýagny birnäçe guramaçylyk, hukuk, maliýe we ykdysady çäreleriň geçirilmeginiň ykdysadyýetiň pudaklarynyň oňyn ösüş depginlerini saklap galmaklaryna hem-de pudagy toplumlaýyn diwersifikasiýalaşdyrmak boýunça işleri dowam etdirmäge mümkinçilik berendigini nygtasymyz gelýär.

Soňky ýyllarda goşulan gymmaty ýokary bolan önümleri öndürýän gaýtadan işleýän pudaklara ünsi güýçlendirmek milli ykdysadyýetimizi ösdürmegiň strategik maksady hökmünde kesgitlendi. Bu, öz gezeginde, gaýtadan işleýän senagat ulgamynyň, önümleriň köpdürlüligini üpjün etmegiň hasabyna Türkmenistanyň ýangyç-energetika serişdeleriniň ählumumy bazarynda islegleriň üýtgäp durmalaryna garaşlylygyny peseltmegiň netijeli ýoly bolup durýar. Senagat pudagynyň depginli ösüşi ýurdumyzda eksporta gönükdirilen we importyň ornuny tutýan önümleriň önümçiligini çalt depginde ösdürmäge itergi berdi. 2021-nji ýylda senagat önümçiliginiň ep-esli artmagy, içerki bazaryň ýerli önümler bilen üpjünçiliginiň gowulanmagy we täze kärhanalaryň ençemesiniň gurulmagy bu ugurda oňyn netijeleri berdi.

Aslynda, milli ykdysady kuwwaty pugtalandyrmakda hususyýetçilige möhüm orun degişli. Häzirki döwürde ýurdumyzda öndürilýän jemi içerki önümde bu bölegiň paýynyň 70 göterim töweregidigi nazara alynsa, onuň ykdysady ösüşi üpjün edýän iteriji güýç bolup durýandygyna düşünmek kyn bolmasa gerek. Ýurdumyzda ykdysady işiň bir görnüşi hökmünde telekeçiligiň giňden ýaýbaňlandyrylmagy üçin döwlet tarapyndan berilýän goldaw ýylyň-ýylyna hususy kärhanalaryň sanynyň artmagyna, öndürilýän önümleriň we hyzmatlaryň möçberleriniň ýokarlanmagyna hem-de görnüşleriniň köpdürlüligine ýardam berýär. Mundan başga-da, häzirki döwürde türkmen telekeçileri tarapyndan döredilýän täze iş orunlary ildeşlerimiziň iş üpjünçiligini we girdejilerini ýokarlandyrmagyň ygtybarly çeşmesi hem bolup durýar. Bu deliller hususyýetçiligi ösdürmegiň ykdysady we durmuş ähmiýetiniň ýokarydygyny tassyklamak bilen, onuň islendik döwleti durnukly ösdürmegiň möhüm bölegi bolup durýandygyny hem görkezýär.

Ählumumy pandemiýa şertlerinde ýurtda hususy bölegi höweslendirmek boýunça goşmaça çäreleriň durmuşa geçirilendigini hem bellemek zerur. 2021-nji ýylda Türkmenistanyň Prezidentiniň «Türkmenistanyň eksport edijilerini goldamak hakynda», «Telekeçilige döwlet maliýe goldawyny bermek hakynda» kabul eden Kararlary kiçi we orta telekeçiligi ösdürmäge döwlet tarapyndan berilýän ünsüň aýdyň subutnamasydyr.

Diwersifikasiýa esasynda ösdürilýän ykdysadyýetler özüniň durnuklylygy bilen tapawutlanýarlar. Durnukly ösüşi saklamak üçin zerur çäräleriň biri bolsa gaýtadan işleýan senagaty we hyzmatlar bazaryny ösdürmek syýasatyny amala aşyrmakdan ybaratdyr. Mundan başga-da, ýurdumyzda döwrebap sanly gurşawyň döredilmegi ykdysadyýetiň pudaklaryny çalt depginde tehnologiýa taýdan döwrebaplaşdyrmaga itergi berdi. Soňky iki ýylda ýurdumyzda sanly ulgamyň ösüşiniň ep-esli işjeňleşmegi onuň ykdysadyýeti ösdürmekde we ilatyň durmuş şertlerini gowulandyrmakda döredýän artykmaçlyklaryndan habar berýär.

Ykdysady ösüş hemişe ýurtda alnyp barylýan maýa goýum syýasaty bilen baglydyr. Bu kanunalaýyklyk Türkmenistan üçin hem häsiýetli bolup, häzirki döwürde ol üstünlikli amala aşyrylýar. «Halkyň Arkadagly zamanasy» ýylynda geçirilen Hökümet mejlisinde milli ykdysadyýete uly möçberlerde maýa goýumlaryny gönükdirmek, esasy pudaklary tehnologiýa taýdan döwrebaplaşdyrmaga maýa goýmak barada döwlet Baştutanymyzyň beren tabşyryklary ýurdumyzyň senagat kuwwatyny artdyrmak üçin has netijeli gurallary peýdalanmaga mümkinçilik berer. Mejlisde «Türkmenistanyň 2022-nji ýyl üçin Maýa goýum maksatnamasynyň» kabul edilmegi milli ykdysadyýetimiziň durnukly ösüş depginlerini üpjün etmekde işjeň maýa goýum syýasatynyň ähmiýetiniň uludygyna şaýatlyk etmek bilen, şu ýylda hem ýurdumyzda bäsdeşlige ukyply, dünýäniň iň ösen tehnikalary we tehnologiýalary bilen enjamlaşdyrylan, innowasiýalary özünde jemleýän ýokary ykdysady ulgamy döretmek we ösdürmek boýunça işleriň dowam etdiriljekdigini aňladýar.

2022-nji ýylyň 11-nji fewralynda geçirilen Türkmenistanyň Milli Geňeşiniň Halk Maslahatynyň mejlisinde «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» kabul edilmegi döwrümiziň ruhuna gabat gelýän il bähbitli, döwlet ähmiýetli tutumly işleriň uzak geljegi nazarlaýan döwürde hem yzygiderli durmuşa geçiriljekdigine ynam döredýär.

Maýagözel BABAÝEWA,

Türkmenistanyň Zähmet we ilaty durmuş taýdan goramak ministrliginiň Zähmet gory we iş üpjünçilik müdirliginiň başlygynyň orunbasary, ykdysady ylymlaryň kandidaty.

Düýn Jemgyýetçilik guramalarynyň merkezinde hormatly Prezidentimiziň «Abadançylygyň röwşen gadamlary» atly täze kitabynyň tanyşdyrylyş dabarasy geçirildi. Dabarada Milli Geňeşiň Mejlisiniň Başlygy, Halk Maslahatynyň Başlygynyň orunbasary, şeýle hem jemgyýetçilik, döredijilik işgärleri, alymlar, habar beriş serişdeleriniň wekilleri çykyş etdiler.

Bilşimiz ýaly, Ministrler Kabinetiniň 18-nji fewralda geçirilen giňişleýin mejlisinde hormatly Prezidentimiz täze kitabyny ýazyp tamamlandygy barada aýdyp, ähli il-ulsumyzy ýene bir gezek tüýs ýürekden begendirdi. Täze kitap Gahryman Arkadagymyzyň goşgulary bilen başlanyp, çykyşlaryny, interwýularyny özünde jemleýär. Bu bolsa gymmatly eseriň ähmiýetini has-da artdyrýar.

Dabarada çykyş edenleriň belleýişleri ýaly, milli Liderimiziň bu eserinde daşary syýasat, ykdysadyýet, medeniýet, ylym ýaly ugurlardaky garaýyşlar bilen birlikde, ýurdumyzy geljekde gülledip ösdürmek boýunça gymmatly teklipler hem öňe sürülýär. Bularyň ählisiniň, ilki bilen, kitabyň adynda öz aýdyň beýanyny tapandygyny bellemek gerek. Halkymyz «abadançylyk» sözüne aýratyn sarpa goýýar. Adamlar bir-birine dileg edende hem: «Öýüňiz abadan bolsun!» diýýär. Ýurt derejesindäki abadançylyk bolsa belent maksatlara ýetmegiň özenidir. Bu günki gün ýurdumyzyň gülläp ösüşlerini her bir ulgamda görmek bolýar. Munuň şeýledigini hormatly Prezidentimiziň ýakynda Garagumda sport awtoulagynda geçen ýoly hem ýene bir gezek görkezdi. Bu ýerde özboluşly sazlaşygy görmek bolýar, munuň özi sagdyn durmuş ýörelgelerini, köpçülikleýin bedenterbiýäni we sporty ösdürmegiň nusgasyny görkezmek bilen birlikde, özüniň ýokary ekologik derejesini saklaýan Garaguma milli Liderimiziň nobatdaky syýahaty boldy. Mälim bolşy ýaly, Gahryman Arkadagymyz ýurdumyzyň ekologiýa meselesine, şol sanda Garagumda geçirilýän işleri tebigat bilen sazlaşykly amala aşyrmaga aýratyn üns berýär. Däbe öwrülen şeýle gezelençleriň dowamynda hormatly Prezidentimiz Garagumuň sahy-sahawatly topragynyň täsin taraplaryna ünsi çekýär. Şeýle täsinlikler bu ýerde isledigiňçe bar. Gahryman Arkadagymyz tebigatymyza, milli gymmatlyklarymyza, medeni mirasymyza aýratyn sarpa goýýar.

Maslahatda çykyş edenleriň belleýişleri ýaly, abadançylyk, ilkinji nobatda, öz öýüňden başlanýar. Gahryman Arkadagymyzyň «Döwlet adam üçindir!» diýen baş ýörelgesi her ojaga, her öýe, her birimize egsilmez bagt paýlaýar. Munuň şeýledigini halkymyza gurlup berilýän döwrebap, daş-töweregi abadanlaşdyrylan ýaşaýyş jaýlaryndan, bakja-baglardan, ak mekdeplerden hem görmek bolýar. Golaýda geçirilen Türkmenistanyň Milli Geňeşiniň Halk Maslahatynyň nobatdan daşary mejlisinde halkymyzyň durmuşyny has-da gowulandyrmak, ýurdumyzy gülledip ösdürmek bilen bagly «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasynyň» tassyklanmagy hem döwletimiziň abadançylygynyň, halkymyzyň eşretli ýaşaýşynyň geljekki röwşen gadamlarynyň aýdyň beýanyny özünde jemleýär.

Hormatly Prezidentimiziň täze kitabynda daşary syýasat meselelerine uly ähmiýet berilýär. Hut şunuň bilen baglanyşykly aýdanymyzda hem ýurdumyzyň halkara abraýy barha artýar. Golaýda milli Liderimiziň «Türkmenistanyň ussat diplomaty» diýen tapawutlandyryş nyşany bilen sylaglanmagy munuň şeýlediginiň nobatdaky güwäsidir. Çykyş edenler hormatly Prezidentimizi şeýle sylagyň gowşurylmagy bilen tüýs ýürekden gutladylar.

«Halkyň Arkadagly zamanasy» ýylynda hem Diýarymyz batly gadamlar bilen ynamly öňe barýar. Ähli ösüşlerimiziň ýurdumyzy abadançylygyň röwşen gadamlary bilen öňe alyp barýan hormatly Prezidentimiziň ady bilen berk baglanyşyklydygyny çykyş edenler buýsanç bilen bellediler hem-de Gahryman Arkadagymyzyň janynyň sag, ömrüniň uzak, tutumly işleriniň rowaç bolmagyny arzuw etdiler.

Aýjemal OMAROWA.

«Türkmenistan».

Aşgabat, 21-nji fewral (TDH). Şu gün hormatly Prezidentimiz Gurbanguly Berdimuhamedow sanly ulgam arkaly iş maslahatyny geçirdi. Oňa Ministrler Kabinetiniň Başlygynyň käbir orunbasarlary, Aşgabat şäheriniň we welaýatlaryň häkimleri gatnaşdylar. Iş maslahatynyň dowamynda paýtagtymyzy we ýurdumyzyň sebitlerini durmuş-ykdysady taýdan ösdürmegiň möhüm wezipelerine, möwsümleýin oba hojalyk işleriniň ýagdaýyna hem-de milli özgertmeler maksatnamalaryny durmuşa geçirmek boýunça alnyp barylýan işler bilen baglanyşykly wajyp meselelere garaldy.

Döwlet Baştutanymyz sanly ulgam arkaly geçirilýän iş maslahatynda, ilki bilen, Ministrler Kabinetiniň Başlygynyň orunbasary, daşary işler ministri R.Meredowy göni aragatnaşyga çagyrdy.

Hormatly Prezidentimiz Gurbanguly Berdimuhamedow wise-premýere, DIM-niň ýolbaşçysyna ýüzlenip, Russiýa Federasiýasy bilen strategik hyzmatdaşlygy hemmetaraplaýyn ösdürmegiň Türkmenistanyň daşary syýasatynyň ileri tutulýan ugurlarynyň biri bolup durýandygyny belledi. Russiýa biziň ýurdumyzyň Garaşsyzlygyny ykrar eden we diplomatik gatnaşyklary ýola goýan ilkinji döwletleriň biridir.

Milli Liderimiziň aýdyşy ýaly, şu ýylyň 8-nji aprelinde Türkmenistan bilen Russiýa Federasiýasynyň arasynda diplomatik gatnaşyklaryň ýola goýulmagynyň 30 ýyllygy belleniler. Şu döwürde ikitaraplaýyn hyzmatdaşlyk hil taýdan täze derejä çykaryldy we häzirki döwürde örän köp ugurlar boýunça depginli ösdürilýär. Syýasy-diplomatik we söwda-ykdysady hyzmatdaşlyk, medeni-ynsanperwer gatnaşyklar we bilelikdäki işiň beýleki ugurlary döwletara gatnaşyklaryň esasyny düzýär.

Ýokary derejede ýola goýlan açyk, netijeli hyzmatdaşlyk däbe öwrülen türkmen-rus dostlukly gatnaşyklaryny giňeltmegiň esasy şerti bolup durýar diýip, hormatly Prezidentimiz Gurbanguly Berdimuhamedow belledi. Şunuň bilen birlikde, häzirki döwürde Ykdysady hyzmatdaşlyk boýunça türkmen-rus hökümetara topary, daşary işler ministrlikleriniň syýasy geňeşmeleri, ylym-bilim we medeni gatnaşyklaryň dürli görnüşleri ýaly hökümetara hyzmatdaşlygyň gurallary netijeli işleýär.

Döwlet Baştutanymyz Türkmenistanyň Russiýa bilen hyzmatdaşlygy mundan beýläk-de berkitjekdigini tassyklap, Ministrler Kabinetiniň Başlygynyň orunbasaryna, daşary işler ministrine Moskwa şäherine iş sapary bilen gitmegi hem-de Russiýanyň Daşary işler ministrliginde we beýleki döwlet düzümleri bilen gepleşikleri geçirmegi tabşyrdy. Duşuşyklaryň baş maksady türkmen-rus gatnaşyklaryny mundan beýläk-de ösdürmek bilen bagly soraglaryň toplumy boýunça pikir alyşmakdan ybaratdyr.

Milli Liderimiz bu gatnaşyklary uzak möhletleýin geljekde ösdürmegiň mümkinçiliklerini kesgitlemegi, şonuň bilen birlikde, ikitaraplaýyn syýasy gatnaşyklara, döwlet, parlament we hökümet derejelerinde özara saparlary guramaga, bilelikdäki syýasy forumlary guramaga hem-de geçirmäge aýratyn üns bermegi tabşyrdy. Şunuň bilen baglylykda, hormatly Prezidentimiz Gurbanguly Berdimuhamedow şu ýyl Türkmenistanda Hazarýaka döwletleriň Baştutanlarynyň VI sammitine taýýarlyk görmek we ony geçirmek bilen bagly soraglary ara alyp maslahatlaşmagy, şeýle hem russiýaly hyzmatdaşlar bilen ilkinji gezek Aşgabatda şu ýylyň maý aýynda parlament ýolbaşçylarynyň derejesinde geçirilýän “Merkezi Aziýa — Russiýa” Parlament forumynyň maksatnamasyna we gün tertibine seretmegi tabşyrdy.

Mundan başga-da, Türkmenistan bilen Russiýanyň arasyndaky ikitaraplaýyn haryt dolanyşygyny depginli ösdürmek, ykdysadyýetiň esasy pudaklarynda bilelikdäki taslamalary durmuşa geçirmegi üpjün etmek, yzygiderli esasda ylym, bilim we medeni gatnaşyklary işjeňleşdirmek maksady bilen, ýakyn wagtda rus tarapy bilen bilelikde hökümetara türkmen-rus toparynyň başlyklarynyň duşuşygyny guramak zerurdyr diýip, döwlet Baştutanymyz sözüni dowam etdi. Şeýle hem saparyň dowamynda bu toparyň nobatdaky mejlisini şu ýylyň ikinji ýarymynda geçirmek bilen bagly soraglar ara alnyp maslahatlaşylmalydyr.

Russiýanyň sebitleri bilen Türkmenistanyň göni gatnaşyklary döwletara hyzmatdaşlygyň ýene-de bir möhüm ugurlarynyň biri bolup durýar. Hormatly Prezidentimiz Gurbanguly Berdimuhamedow şundan ugur alyp, ýurdumyzyň däbe öwrülen hyzmatdaşlary bolup durýan Russiýa Federasiýasynyň respublikalary, welaýatlary we ülkeleri bilen gatnaşyklaryň meselelerini hem ara alyp maslahatlaşmagy tabşyrdy.

Ylym, bilim, medeni ulgamlaryň arasyndaky hyzmatdaşlyk türkmen-rus gatnaşyklarynyň möhüm bölegi bolup durýar. Häzirki wagtda köp sanly türkmen ýaşlarynyň Russiýanyň ýokary okuw mekdeplerinde bilim alýandygyny kanagatlanma bilen belläp, milli Liderimiz iki ýurduň bilim edaralarynyň arasyndaky göni gatnaşyklaryň mundan beýläk-de goldanyljakdygyny aýtdy. Döwlet Baştutanymyz medeniýet ulgamy boýunça gatnaşyklar barada aýdyp, Türkmenistanda Russiýa Federasiýasynyň Medeniýet günlerini, ynsanperwer gatnaşyklary giňeltmäge gönükdirilen ençeme beýleki çäreleri guramagyň maksadalaýyk boljakdygyny belledi.

Milli Liderimiz aýdylanlary jemläp, Ministrler Kabinetiniň Başlygynyň orunbasary, daşary işler ministri R.Meredowa Türkmenistan bilen Russiýa Federasiýasynyň arasynda diplomatik gatnaşyklaryň ýola goýulmagynyň 30 ýyllygyny baýram edip bellemäge bagyşlanan çäreleriň maksatnamasynyň üstünde işlemegi tabşyrdy. Bu maksatnamada medeniýet bilen bagly meselelere aýratyn üns bermeli.

Ýokarda sanalyp geçilen meseleler we beýlekiler Russiýa Federasiýasyna boljak saparyň esasy meselesine öwrülmelidir. Hormatly Prezidentimiz Gurbanguly Berdimuhamedow aýdylanlary nazara alyp, Türkmenistanyň wekiliýetini şu ýylyň 21-22-nji fewralynda Moskwa şäherine iş saparyna ibermek baradaky Buýruga gol çekdi. Milli Liderimiz resminamany wise-premýere, DIM-niň ýolbaşçysyna sanly ulgam arkaly ugradyp, öňde goýlan wezipeleri üstünlikli çözmek üçin zerur çäreleri görmegi tabşyrdy.

Şeýle hem milli Liderimiz dostlukly ýurdumyz bolan Hytaý Halk Respublikasynyň gyşky Olimpiýa oýunlaryny ýokary derejede we dabaraly geçirendigini belläp we olary gutlap, R.Meredowa bu Gutlagy ilçihananyň üsti bilen olara ýetirmegi tabşyrdy.

Soňra döwlet Baştutanymyz sanly ulgam arkaly geçirilýän iş maslahatyna Aşgabat şäheriniň häkimi R.Gandymow bilen Ministrler Kabinetiniň Başlygynyň orunbasary Ç.Purçekowy çagyrdy.

Aşgabat şäheriniň häkimi R.Gandymow häzirki döwürde ýurdumyzyň baş şäherinde alnyp barylýan işleriň ýagdaýy, paýtagtymyzda degişli arassaçylyk we abadanlaşdyryş işlerini ýokary derejede geçirmek boýunça döwlet Baştutanymyzyň ozal beren tabşyryklarynyň ýerine ýetirilişi hem-de Halkara zenanlar güni mynasybetli çärelere, ýurdumyzyň durmuşynda möhüm ähmiýeti bolan köpçülikleýin bag ekmek dabarasyna görülýän taýýarlyk işleri barada hasabat berdi.

Hormatly Prezidentimiz Gurbanguly Berdimuhamedow hasabaty diňläp, ak mermerli Aşgabady hemmetaraplaýyn ösdürmek, paýtagtymyzda meýilleşdirilen ähli çäreleri üstünlikli durmuşa geçirmek hem-de medeni-durmuş maksatly binalaryň gurluşygyny degişli derejede alyp barmak ugrunda ýerine ýetirilýän işleriň depginlerini güýçlendirmegiň zerurdygyna ünsi çekdi.

Milli Liderimiz ýurdumyzyň baş şäherinde alnyp barylýan işleriň netijeli häsiýete eýe bolmagy, şol sanda Halkara zenanlar gününe gabatlanan dabaralaryň ýokary derejede geçirilmegi, şeýle hem köpçülikleýin bag nahallarynyň oturdylmagynyň ýazky möwsümine guramaçylykly girişilmegi bilen baglanyşykly meseleleri yzygiderli gözegçilikde saklamagy tabşyrdy.

Ministrler Kabinetiniň Başlygynyň orunbasary Ç.Purçekow ýurdumyzyň dürli künjeklerinde, şol sanda Aşgabat şäherinde gurluşygy alnyp barylýan desgalardaky işleriň ýagdaýy, aýratyn-da, “Halkyň Arkadagly zamanasy” ýylynda gurulmagy meýilleşdirilýän dürli maksatly binalaryň gurluşygyna girişmek bilen baglanyşykly ýerine ýetirilýän taýýarlyklar barada hasabat berdi.

Wise-premýer ýurdumyzyň Senagat we gurluşyk önümçiligi ministrliginiň öňünde durýan wezipelere laýyklykda, alnyp barylýan gurluşyklary we ykdysadyýetimiziň beýleki pudaklarynyň önümçilik zerurlyklaryny hem-de ilatymyzy ýokary hilli senagat önümleri, edara-kärhanalaryň önümçiligine gerek bolan çig mal serişdeleri bilen üpjün etmek maksady bilen, Täjigistan Respublikasy bilen ýokary derejede gazanylan ylalaşygyň çäklerinde degişli ministrligiň garamagyndaky “Nebitmaş” döwlet kärhanasynda öndürilýän önümleriň çig maly hökmünde ulanylýan sozulan we guýma alýumin taýýarlamalaryny satyn almak üçin Täjigistan Respublikasynyň Senagat we täze tehnologiýalar ministrliginden 10 müň tonna alýumin satyn almak boýunça alnyp barylýan işler barada hasabat berdi.

Milli Liderimiz hasabaty diňläp, häzirki döwürde Türkmenistan bilen Täjigistan Respublikasynyň arasynda ýola goýlan dostlukly hyzmatdaşlygyň hil taýdan täze derejä çykandygyny kanagatlanma bilen belledi.

Döwlet Baştutanymyz ýurdumyzy durmuş-ykdysady taýdan ösdürmegiň maksatnamasyny ýerine ýetirmegiň çäklerinde alnyp barylýan işleriň wajypdygyny belläp, gurluşyk işleriniň öz wagtynda geçirilmeginiň we olarda ýokary hil derejesiniň üpjün edilmeginiň möhüm talap bolup durýandygyny belledi we bu babatda öňde durýan wezipeleriň üstünlikli ýerine ýetirilmegine jogapkärçilikli çemeleşmegi tabşyrdy.

Hormatly Prezidentimiz ýurdumyzyň baş şäherinde alnyp barylýan işleriň döwrüň ruhuna we bu ugurda bildirilýän talaplara laýyk derejede alnyp barylmalydygyny belläp, degişli arassaçylyk, abadanlaşdyryş hem-de gurluşyk işleriniň ýokary guramaçylyk derejesiniň üpjün edilmelidigini belledi.

Döwlet Baştutanymyz soňky ýyllarda ýurdumyzda halkara hyzmatdaşlygyň işjeň ösdürilmeginiň senagat pudagynda düýpli özgertmeleriň üstünlikli amala aşyrylmagynda möhüm ähmiýetiniň bardygyny nygtady. Ýokary hilli senagat önümçiligini ösdürmekde zerur çig mal hökmünde ulanylýan alýumin önümleriniň getirilmegi bilen baglanyşykly meseleler hemmetaraplaýyn we häzirki döwrüň ýagdaýyna laýyklykda içgin öwrenilmelidir diýip, milli Liderimiz belledi we bu babatda wise-premýere anyk görkezmeleri berdi.

Soňra sanly ulgam arkaly geçirilýän iş maslahaty Ministrler Kabinetiniň Başlygynyň obasenagat toplumyna gözegçilik edýän orunbasary E.Orazgeldiýewiň hem-de welaýatlaryň häkimleriniň gatnaşmagynda dowam etdi. Olar döwlet Baştutanymyz tarapyndan öňde goýlan degişli wezipeler boýunça hasabat berdiler.

Hormatly Prezidentimiz, ilki bilen, Ahal welaýatynyň häkimi Ý.Gurbanowyň hasabatyny diňledi. Häkim şu günler welaýatyň ekerançylyk meýdanlarynda alnyp barylýan agrotehniki çäreleriň ýerine ýetirilişi, gowaça we beýleki ýazlyk ekinleriň ekişine taýýarlyk işleriniň depginleri barada hasabat berdi. Hususan-da, şu ýylyň 19-njy martynda hormatly Prezidentimiziň başlangyjy boýunça geçiriljek köpçülikleýin bag ekmek dabarasyna görülýän taýýarlyk işleri hakynda hasabat berildi.

Hasabatyň çäklerinde häkim Ahal welaýatynyň gök ekerançylarynyň ýazlyk sogan ekişini tamamlandyklary barada habar berdi. Şunuň bilen baglylykda, ekiş geçirilen ýerlerde degişli agrotehniki çäreleriň öz wagtynda we ýokary hilli geçirilmegi ugrunda ähli zerur tagallalar edilýär.

Welaýatyň maldarçylyk hojalyklarynda owlak-guzy möwsümini guramaçylykly geçirmek, şol bir wagtyň özünde düýelerden köşek almak möwsüminiň netijeli häsiýete eýe bolmagy ugrunda zerur tagallalar edilýär. Şeýle hem welaýatda Oba milli maksatnamasyna laýyklykda, medeni-durmuş maksatly desgalaryň, ýaşaýyş jaýlarynyň, ýollaryň we suw arassalaýjy desgalaryň gurluşyklarynyň öz wagtynda we ýokary hilli geçirilmegine möhüm ähmiýet berilýär.

Balkan welaýatynyň häkimi T.Atahallyýew häzirki döwürde sebitiň ekerançylyk meýdanlarynda alnyp barylýan möwsümleýin oba hojalyk işleriniň ýagdaýy, güýzlük bugdaý ekilen meýdanlarda ýerine ýetirilýän ideg işleri, şol sanda gowaça ekişine guramaçylykly girişmek ugrunda görülýän taýýarlyk işleriniň derejesi barada hasabat berdi. Şol bir wagtyň özünde welaýatyň daýhanlarynyň ýazlyk sogan ekişini üstünlikli tamamlandyklary hakynda habar berildi.

Köpçülikleýin bag nahallaryny ekmegiň 19-njy martda badalga beriljek nobatdaky ýazky möwsümini guramaçylykly we ýokary hilli geçirmek, ozal ekilen baglara talabalaýyk ideg etmek, umuman, ýaz-meýdan işlerini agrotehniki möhletlerde geçirmek boýunça öňde durýan wezipeleriň ýerine ýetirilmegine toplumlaýyn esasda çemeleşilýär.

Şeýle hem häkim welaýatyň maldarçylyk hojalyklarynda dowarlardan owlak-guzy almak möwsümine taýýarlyk işleriniň ýagdaýy, ony ýokary guramaçylyk derejesinde geçirmek ugrunda ähli zerur şertleriň döredilendigi barada aýtdy.

Şunuň bilen baglylykda, ýurdumyzy 2019 — 2025-nji ýyllarda durmuş-ykdysady taýdan ösdürmegiň maksatnamasynda kesgitlenen wezipeleri ýerine ýetirmek, şunda medeni-durmuş maksatly desgalaryň, ýaşaýyş jaýlarynyň gurluşyklaryny çaltlandyrmak, şol bir wagtyň özünde täze ýollary çekmek we ozal bar bolanlarynyň durkuny täzelemek boýunça toplumlaýyn işler alnyp barylýar.

Sanly ulgam arkaly geçirilýän iş maslahatynda Daşoguz welaýatynyň häkimi N.Nazarmyradow häzirki döwürde sebitde alnyp barylýan oba hojalyk işleriniň ýagdaýy, gowaça ekişini bellenen agrotehniki möhletlerde we talabalaýyk geçirmek ugrunda edilýän tagallalar barada hasabat berdi. Şol bir wagtyň özünde welaýatda ýazlyk ýeralmanyň we beýleki ekinleriň ekişini ýokary hilli geçirmek möhüm wezipe hökmünde kesgitlenildi.

Şeýle hem ýazky bag ekmek möwsümine guramaçylykly girişmek, ekiljek bag nahallaryny we ýerleri taýýarlamak meselelerine ylmy esasda çemeleşilýändigi barada hasabat berildi. Şol bir wagtyň özünde welaýatyň maldarçylyk hojalyklarynda owlak-guzy möwsümine girişmek üçin zerur bolan taýýarlyk işleri ýaýbaňlandyryldy.

Oba milli maksatnamasyny durmuşa geçirmegiň çäklerinde degişli işler alnyp barylýar. Şunda dürli maksatly binalaryň, ýaşaýyş jaýlarynyň, ýollaryň we beýleki durmuş düzümine degişli desgalaryň şu ýyl üçin bellenen gurluşyklaryny öz wagtynda we ýokary hilli geçirmek ugrunda degişli düzümleriň sazlaşykly işi üpjün edilýär.

Soňra Lebap welaýatynyň häkimi Ş.Amangeldiýew welaýatyň ekin meýdanlarynda ýerine ýetirilýän ideg işleri, gowaça ekişini bellenilen möhletlerde we talabalaýyk geçirmek ugrunda ýaýbaňlandyrylan taýýarlyk, ýazlyk gök ekinleriň ekişini guramaçylykly geçirmek boýunça edilýän hemmetaraplaýyn tagallalar barada hasabat berdi.

Häkim welaýatyň daýhanlarynyň ýazky sogan ekişini tamamlandyklary barada habar berdi. Häzirki wagtda maldarçylyk hojalyklarynda owlak-guzy möwsümini guramaçylykly geçirmek ugrunda maldarlar üçin ähli zerur şertler döredilýär.

Köpçülikleýin bag ekmek dabarasynyň geçiriljek ýerini we degişli bag nahallaryny taýýarlamak, onuň guramaçylykly geçirilmegini üpjün etmek meselelerine aýratyn üns berilýär. Şol bir wagtyň özünde ýurdumyzy 2019 — 2025-nji ýyllarda durmuş-ykdysady taýdan ösdürmegiň maksatnamasyna laýyklykda, dürli maksatly desgalaryň we beýleki ugurdaş düzümleriň gurluşyk işleri barada giňişleýin maglumatlar berildi.

Öz gezeginde, Mary welaýatynyň häkimi D.Annaberdiýew sebitde alnyp barylýan möwsümleýin oba hojalyk işleri, ýerleri we tehnikalary hem-de gowaça ekişinde ulanyljak gurallary taýýarlamak, ekerançylyk meýdanlarynda ýeralmanyň, gök-bakja ekinleriniň ekişine taýýarlyk boýunça ýaýbaňlandyrylan işler barada hasabat berdi. Häkim welaýatyň daýhanlarynyň ýazlyk sogan ekişini tamamlandyklaryny habar berdi.

Şu günler sebitiň ähli künjeklerinde köpçülikleýin bag ekmek çäresine taýýarlyk işleri guramaçylykly alnyp barylýar. Şunda ekiljek bag nahallary her etrabyň toprak-howa şertlerine laýyklykda, ylmy esasda saýlanyp alynýar.

Häzirki döwürde maldarçylyk hojalyklarynda owlak-guzy möwsümini guramaçylykly geçirmek üçin zerur işler geçirilýär. Welaýatda Oba milli maksatnamasyny ýerine ýetirmegiň çäklerinde medeni-durmuş maksatly desgalaryň, ýaşaýyş jaýlarynyň, ýollaryň, ulag-aragatnaşyk, inžener-tehniki binalaryň gurluşygyna möhüm üns berilýär.

Şeýle hem ýurdumyzyň welaýatlarynyň häkimleri Arkadag Prezidentimize “Abadançylygyň röwşen gadamlary” atly täze kitabynyň neşir edilmegi hem-de “Türkmenistanyň ussat diplomaty” diýen tapawutlandyryş nyşanynyň berilmegi mynasybetli tüýs ýürekden çykýan gutlag sözlerini aýtdylar we hormatly Prezidentimize berk jan saglyk, uzak ömür, alyp barýan jogapkärli döwlet işlerinde mundan beýläk-de üstünlikleri arzuw etdiler.

Soňra Ministrler Kabinetiniň Başlygynyň obasenagat toplumyna gözegçilik edýän orunbasary E.Orazgeldiýew häzirki döwürde ýurdumyzyň ekerançylyk meýdanlarynda möwsümleýin oba hojalyk işlerini bellenen agrotehniki möhletlerde we talabalaýyk geçirmek boýunça edilýän tagallalar, güýzlük bugdaý ekilen meýdanlarda ýaýbaňlandyrylan ideg işleri, şol bir wagtyň özünde ýazlyk ekiş möwsümine taýýarlygyň derejesi barada hasabat berdi.

Gowaça ekiljek meýdanlaryň 535 müň 229 gektarynda sürüm işleri geçirildi. Munuň özi kesgitlenen işleriň 92,2 göterimine deňdigini aňladýar. Şol bir wagtyň özünde ekişde ulanyljak oba hojalyk tehnikalaryny, gurallaryny hem-de zerur bolan tohumlary möwsüme taýýarlamak işleri batly depginlerde alnyp barylýar.

Şu günler ýurdumyz boýunça sogan ekişi tamamlaýjy tapgyrda dowam edýär. Şeýle hem şu ýyl jemi 30 müň gektar meýdana ýazlyk ýeralma ekmek meýilleşdirildi. Şu güne çenli jemi 11 müň 361 gektara ýazlyk ýeralma ekilip, bu baradaky meýilnama 37,9 göterim berjaý edildi. Ýurdumyzda ekologiýa abadançylygyny üpjün etmek we tokaý zolaklarynyň çägini giňeltmek boýunça döwlet Baştutanymyzyň tabşyrygyna laýyklykda, şu ýyl saýaly, pürli, miweli baglaryň we üzümiň jemi 3 million düýbüni ekmek göz öňünde tutuldy. Häzirki wagtda welaýatlarda we Aşgabat şäherinde ýazky möwsümde ekiljek bag nahallaryny we olaryň ekiljek ýerlerini möwsüme taýýarlamak boýunça degişli işler alnyp barylýar. Şeýle hem maldarçylyk hojalyklarynda owlak-guzy möwsümini talabalaýyk geçirmek boýunça guramaçylyk işlerine giň gerim berildi.

Döwlet Baştutanymyz, öňi bilen, gutlaglar we hoşniýetli arzuwlar üçin minnetdarlyk bildirdi. Milli Liderimiz welaýatlaryň häkimleriniň we wise-premýeriň öňde durýan wezipeleri üstünlikli çözmek ugrunda ýerine ýetirýän işleri baradaky hasabatlaryny diňläp, meýilleşdirilen ähli oba hojalyk çäreleriniň agrotehniki kadalara laýyklykda geçirilmeginiň hem-de ýokary hil derejesiniň üpjün edilmeginiň möhüm talapdygyna ünsi çekdi we welaýatlaryň häkimlerine bu ugurda alnyp barylýan işleri yzygiderli gözegçilikde saklamagy tabşyrdy.

Şeýle hem hormatly Prezidentimiz Gurbanguly Berdimuhamedow welaýatlaryň ekin meýdanlarynda alnyp barylýan ideg işleriniň agrotehniki kadalara laýyklykda geçirilmegine aýratyn ähmiýet bermegi tabşyrdy. Şunuň bilen baglylykda, oba hojalyk tehnikalaryny we gurallaryny gowaça ekişine taýýarlamak işleri möhüm talap bolup durýar.

Milli Liderimiz ýurdumyzyň sebitleriniň ekerançylyk meýdanlarynyň suw akabalaryny arassalamak, suw serişdelerini rejeli peýdalanmak, şol bir wagtyň özünde oba hojalyk işlerinde häzirki zamanyň ösen tejribesini, ylmyň gazananlaryny netijeli peýdalanmak meselelerine uly üns berilmelidigini belläp, bu babatda häkimlere birnäçe anyk görkezmeleri berdi.

Şunda ýurdumyzy 2019 — 2025-nji ýyllarda durmuş-ykdysady taýdan ösdürmegiň maksatnamasynyň üstünlikli durmuşa geçirilmegine üns berilmelidir. Munuň özi halkymyzyň durmuş derejesiniň ýokarlanmagynda, dürli maksatly desgalaryň gurluşyk işleriniň depginlerini artdyrmakda aýratyn ähmiýetlidir.

Hormatly Prezidentimiz Gurbanguly Berdimuhamedow Oba milli maksatnamasynyň üstünlikli ýerine ýetirilmeginiň esasy talap bolup durýandygyna ünsi çekip, ýerlerde alnyp barylýan işleriň maksatnamadan gelip çykýan wezipelere laýyk ýola goýulmalydygyny belledi.

Döwlet Baştutanymyz iş maslahatyny jemläp, oňa gatnaşanlara berk jan saglyk, maşgala abadançylygyny, halkymyzyň bagtyýarlygynyň, ýurdumyzyň abadançylygynyň bähbidine gönükdirilen işlerinde uly üstünlikleri arzuw etdi.

Şu gün saýlawlaryň öň ýanyndaky çäreleriň nobatdaky tapgyry — Türkmenistanyň Prezidenti wezipesine dalaşgärleriň saýlawçylar bilen duşuşyklary başlandy. Ýurdumyzda raýatlaryň erk-islegini erkin beýan etmegini kepillendirýän hem-de saýlaw möwsüminiň ähli tapgyrlarynyň demokratik ýörelgeler esasynda halkara kadalara laýyklykda düzgünleşdirilýän hukuk ulgamy kemala getirildi.

Ýurdumyzyň Saýlaw kodeksine laýyklykda, dalaşgärler bellige alnan pursadyndan başlap erkin wagyz işlerini geçirmäge, saýlawlaryň öň ýanyndaky ýygnaklarda, duşuşyklarda, köpçülikleýin habar beriş serişdelerinde çykyş etmäge deň mümkinçiliklere eýe boldular. Saýlaw çäreleri aýanlyk we açyklyk esasynda geçirilýär.

Daşoguz, 21-nji fewral (TDH). Şu gün Daşoguz welaýatynyň häkimliginiň mejlisler zalynda Demokratik partiýa tarapyndan Türkmenistanyň Prezidenti wezipesine dalaşgär görkezilen Ministrler Kabinetiniň Başlygynyň orunbasary Serdar Berdimuhamedow bilen saýlawçylaryň duşuşygy geçirildi.

Iň ýokary döwlet wezipesine dalaşgär bilen duşuşmak üçin bu ýere welaýatyň ykdysadyýetiniň ähli pudaklarynyň zähmet toparlarynyň, jemgyýetçilik guramalarynyň, ýörite orta okuw mekdepleriniň wekilleri, hormatly ýaşulular we kümüş saçly eneler ýygnandylar.

Türkmenistanyň Demokratik partiýasynyň Daşoguz welaýat komitetiniň başlygy M.Meredow duşuşygy açyp, dalaşgäriň ynanylan wekiline — Görogly etrabyndaky 65-nji orta mekdebiň mugallymy T.Aramedowa söz berdi.

Ol ýygnananlary Serdar Berdimuhamedowyň geçen zähmet ýoly bilen tanyşdyryp, ýokary döwlet wezipesine dalaşgäri ýaş, oňyn başlangyçlar bilen çykyş edýän, giň gerimde pikirlenmäge ukyply hem-de dürli döwlet wezipelerinde işlän ýyllarynda milli ösüş maksatnamalaryny üstünlikli durmuşa geçirmegiň uly tejribesini toplan jogapkärli ýolbaşçy, şeýle hem ýokary ahlak sypatly we guramaçylyk başarnyklaryna eýe bolan adam hökmünde häsiýetlendirdi.

Soňra Türkmenistanyň Prezidenti wezipesine dalaşgär Serdar Berdimuhamedow çykyş edip, iň ýokary döwlet wezipesine dalaşgär hökmünde hödürlenendigi üçin saýlawçylara hoşallyk bildirip, döwlet Baştutanynyň öňde boljak saýlawlaryna dalaşgär hökmünde gatnaşmagyň özi üçin belent mertebedigini belledi.

«Munuň özi diňe bir meniň üçin däl-de, Garaşsyzlyk ýyllary içinde kemala gelen ýaş nesliň ählisi üçin hem uly jogapkärçilikdir» diýip, dalaşgär aýtdy.

Serdar Berdimuhamedow saýlawlaryň öň ýanyndaky maksatnamasynyň esasy ugurlaryny beýan edip, Türkmenistanyň dünýä derejesinde abraýyny has-da belende götermek, ýurdumyzy mundan beýläk-de okgunly ösdürmek meseleleriniň ilkinji nobatdaky wezipeleriň hatarynda durýandygyny nygtady. Milli Liderimiz Gurbanguly Berdimuhamedowyň başlangyjy bilen işlenip taýýarlanylan “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasy” döwlet özygtyýarlylygyny pugtalandyrmak, ösüşiň täze tapgyrynda Watanymyzy mundan beýläk-de gülledip ösdürmek boýunça çäreleriň işjeňleşdirilmegine gönükdirilen möhüm wezipeleri kesgitleýär.

Iň ýokary döwlet wezipesine dalaşgär raýatlaryň ýokary durmuş derejesini hem-de ýurdumyzyň hemmetaraplaýyn okgunly ösüşini üpjün etmek üçin tutuş halkyň has-da jebisleşmeginiň hem-de tagallalarynyň birleşdirilmeginiň zerurdygyny nygtap, hemmelere türkmen halkynyň häzirki we geljekki nesilleriniň bagtyýar durmuşynyň üpjün edilmegine gönükdirilen beýik maksatnamalary amala aşyrmakda uly üstünlikleri arzuw etdi.

Bellenilişi ýaly, Türkmenistanyň Prezidenti wezipesine saýlanylan ýagdaýynda, dalaşgär ýurdumyzyň beýleki sebitleri bilen bir hatarda, gadymyýetde çäklerinden Beýik Ýüpek ýoly geçen Daşoguz welaýatyna, köp sanly meşhur şahsyýetleriň ýaşap geçen, hasyllylygy we rysgal-berekedi, ekerançylarynyň zähmetsöýerligi bilen tapawutlanýan bu sebite hem uly üns bermegi maksat edinýär.

Döwlet maksatnamalarynyň üstünlikli durmuşa geçirilmegi netijesinde ýurdumyzyň demirgazyk sebitinde ykdysadyýetimiziň ähli pudaklary düýpli ösüşe eýe boldy, täze, döwrebap obalar, mekdepler, çagalar baglary, hassahanalar, sport toplumlary peýda boldy diýip, Serdar Berdimuhamedow sözüni dowam etdi.

Hormatly Prezidentimiz Gurbanguly Berdimuhamedow tarapyndan başy başlanan oňyn özgertmeler geljekde hem mynasyp dowam etdiriler diýip, dalaşgär belledi.

Serdar Berdimuhamedow öňde durýan möhüm wezipeleri beýan edip, olaryň hatarynda ýaşaýyş jaýlarynyň gurluşygynyň gerimini giňeltmek, ilaty arassa agyz suwy bilen üpjün etmek, suw serişdelerini rejeli peýdalanmak, sebitde milli we halkara syýahatçylygy ösdürmek, obalarda we şäherlerde täze, döwrebap umumybilim berýän mekdepleri hem-de mekdebe çenli çagalar edaralaryny gurmak meselelerini aýratyn nygtady.

Serdar Berdimuhamedow şeýle hem welaýatda awtomobil ýollarynyň gurluşygynyň depginlerini güýçlendirmegiň, olaryň durkuny täzelemegiň möhümdigi barada aýdyp, hususan-da, Aşgabat — Daşoguz, welaýat merkezini Ruhubelent etraby hem-de Köneürgenç şäheri bilen birleşdirýän awtomobil ýollaryna ünsi çekdi.

Dalaşgäriň maksatnamasynda telekeçiligi goldamak, döwlet tarapyndan dürli ýeňillikli şertleriň döredilmeginiň hasabyna obasenagat toplumyny özgertmek işlerine hususyýetçileri çekmek wezipeleri kesgitlenildi. Bellenilişi ýaly, bu çäreler dürli oba hojalyk önümlerini, şol sanda künjini, bugdaýy, pagtany gaýtadan işlemek boýunça senagatyň mundan beýläk-de ösdürilmegini üpjün eder. Şunuň bilen birlikde, saýlawçylaryň sargytlaryny nazara almak bilen, hususy önüm öndürijileri höweslendirmek işleri dowam etdiriler diýip, dalaşgär nygtady.

Soňra saýlawçylar bilen ýurdumyzy mundan beýläk-de okgunly ösdürmek meseleleri baradaky söhbetdeşligiň dowamynda Serdar Berdimuhamedow ýygnananlaryň köp sanly sowallaryna jogap berip, özüniň saýlawlaryň öň ýanyndaky maksatnamasynyň käbir meselelerini anyklaşdyrdy. Hususan-da, ilatyň saglygyny goramak hem-de ekologiýa abadançylygyny üpjün etmek, sebitlerde raýatlaryň ýaşaýyş-durmuş şertlerini has-da gowulandyrmak we beýleki wezipeler barada öz garaýyşlaryny beýan edip, olary oňyn çözmek boýunça geçirilmeli çäreleri kesgitledi.

Duşuşyga gatnaşyjylar Garaşsyzlyk ýyllarynda zehinli, hemmetaraplaýyn bilimli ýolbaşçylaryň we hünärmenleriň ýaş nesliniň kemala gelendigini, täze eýýamda döwleti dolandyrmak üçin olara giň ýol açylýandygyny kanagatlanma bilen bellediler. Şonuň bilen birlikde, Türkmenistany mundan beýläk-de ösdürmek boýunça milli maksatnamalary, şol sanda “Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasyny” üstünlikli durmuşa geçirmekde olaryň üstüne uly jogapkärçilik ýüklenilýär.

Türkmenistanyň Prezidenti wezipesine dalaşgär bu duşuşygyň guralandygy, öz çykyşynyň üns berlip diňlenilendigi üçin ýygnananlara hoşallyk bildirip, ähli gujur-gaýratyny we bilimini, dürli wezipelerde işlän döwründe toplan tejribesini eziz Watanymyzyň mundan beýläk-de gülläp ösmeginiň bähbidine gönükdirjekdigine saýlawçylary ýene bir gezek ynandyrdy.

Türkmenistanyň Prezidenti wezipesine dalaşgärleriň saýlawçylar bilen duşuşyklary dowam edýär. Saýlawlara çenli galan döwürde iň ýokary döwlet wezipesine dalaşgärler öz saýlawçylary bilen ýene-de birnäçe gezek duşuşarlar. Şunda ynanylan wekillere aýratyn orun degişlidir, olar saýlawçylara dalaşgäriň maksatnamasy barada giňişleýin gürrüň bererler, terjimehallary bilen tanyşdyrarlar.

Şol bir wagtda Türkmenistanyň Prezidenti wezipesine dalaşgärleri hödürlemek we bellige almak işleri doly açyklyk we aýanlyk ýagdaýynda dowam edýär. Munuň özi ýurdumyzda kanunylygyň, demokratiýanyň, ses bermek erkinligi ýörelgeleriniň dabaralanýandygynyň aýdyň subutnamasydyr.

Hormatly Prezidentimiz Gurbanguly Berdimuhamedow sport awtoulagynda Garagum sährasyna gezelenji amala aşyrdy

Aşgabat, 20-nji fewral (TDH). Dynç güni hormatly Prezidentimiz Gurbanguly Berdimuhamedow Garagum sährasynyň giňişliklerinde sport ulagynda menzil aşdy.

Sagdyn durmuş ýörelgesiniň tarapdary bolan milli Liderimiz sportuň dürli görnüşleri bilen meşgullanyp, ähli watandaşlarymyza, ilkinji nobatda, ýaşlara nusgalyk görelde görkezýär. Munuň özi ýurdumyzda sportuň ähli görnüşleriniň, şol sanda awtomobil sportunyň ösdürilmegine, onuň bilen meşgullanýan ýaşlaryň sanynyň artmagyna ýardam edýär.

Hormatly Prezidentimiz ir bilen sport maşklaryny ýerine ýetirdi we arassa howada birsellem gezelenç etdi. Munuň özi köp babatda saglygyň hem-de kesellere garşy durnuklylygynyň pugtalandyrylmagyna ýardam edýär, ruhubelentlik we keýpiçaglyk ýagdaýyny döredýär.

Häzir ýurdumyzda milli Liderimiziň baştutanlygynda strategik häsiýetli durmuş-ykdysady ugurlary öz içine alýan döwlet syýasaty üstünlikli durmuşa geçirilýär, onuň baş maksady adam baradaky aladada jemlenendir. Soňky ýyllarda sagdyn durmuş ýörelgeleriniň berkidilmegi, köpçülikleýin bedenterbiýäniň we ýokary netijeli sportuň ösdürilmegi Diýarymyzda amala aşyrylýan durmuş özgertmeleriniň ileri tutulýan ugrudyr.

Mälim bolşy ýaly, 2018-nji ýylda hormatly Prezidentimiz Gurbanguly Berdimuhamedowyň başlangyjy boýunça Türkmenistanda uly ähmiýetli waka — Beýik Ýüpek ýolunyň gaýtadan dikeldilýändigini dünýä äşgär eden halkara awtoulag ýaryşy geçirildi. Şonda halkara awtorallini geçirmek üçin Garagum sährasynyň saýlanyp alynmagynyň, bu künjegiň ýokary ekologiýa derejesine laýyk gelýändiginiň nobatdaky beýanyna öwrüldi.

...Döwlet Baştutanymyz ir säher bilen Garagum sährasynyň gözel künjekleriniň birine gelip, ýerasty baýlyklary, özboluşly haýwanat we ösümlik dünýäsini özünde jemleýän sähranyň gözýetime uzap gidýän görnüşlerini synlady.

Hydyr gören sähra gyş paslynyň soňky günleriniň özboluşlylygyna beslenipdir. Garagum giňişlikleri ýylyň islendik paslynda hem ajaýypdyr. Ýeri gelende aýtsak, sähra giňişliklerinde bitýän ösümlikleriň arasynda dermanlyk ösümlikleriň köp görnüşleri bar. Türkmenistanyň Prezidenti, Ylymlar akademiýasynyň akademigi, lukmançylyk ylymlarynyň doktory, professor Gurbanguly Berdimuhamedowyň «Türkmenistanyň dermanlyk ösümlikleri» atly düýpli ylmy işinde ýurdumyzyň dermanlyk ösümlikleri giňden öwrenildi we olaryň bejerijilik aýratynlyklaryna seljerme berildi.

Häzirki wagtda milli Liderimiziň taýsyz tagallalary netijesinde Diýarymyzda awtomobil sportunyň meşhurlygy, onuň muşdaklarynyň sany barha artýar. Ýurdumyzda sport we bedenterbiýe bilen ilatyň köp sanlysynyň, aýratyn-da, ýaşlaryň meşgullanmagy üçin şertleri döretmek sporty ösdürmek syýasatyny işläp taýýarlamagyň hem-de sagdyn durmuş ýörelgeleriniň berkarar edilmeginiň esasy maksadyna öwrüldi.

Soňky ýyllarda Türkmenistan sportuň dürli görnüşleri boýunça iri halkara ýaryşlaryň geçirilýän merkezine öwrüldi. Medeni-taryhy gymmatlyklara baý bolan eziz Diýarymyz Beýik Ýüpek ýolunyň möhüm çatrygynda ýerleşmek bilen, awtomobil sportunyň ösdürilmegi üçin ähli zerur şertlere we mümkinçiliklere eýedir.

Döwlet Baştutanymyzyň tagallasy esasynda Beýik Ýüpek ýolunyň döwrebap derejede dikeldilmegi ugrunda ýurdumyzda halkara ähmiýetli uly işler amala aşyrylýar. Ýokary derejede geçirilýän sport ýaryşlary Türkmenistan bilen dünýäniň dürli ýurtlarynyň arasynda dostlukly gatnaşyklaryň netijeli häsiýetini üpjün edýär.

Hormatly Prezidentimiz Gurbanguly Berdimuhamedow sportuň halklary ýakynlaşdyrýandygyny, hyzmatdaşlygy işjeňleşdirýändigini aýratyn belleýär. Şu nukdaýnazardan, ýurdumyzda köpçülikleýin bedenterbiýäniň hem-de ýokary netijeli sportuň ösdürilmegine aýratyn ähmiýet berilýär. Paýtagtymyzda we ähli welaýatlarda bedenterbiýe-sagaldyş hereketi yzygiderli ösdürilip, ol milli medeniýetimiziň möhüm düzüm bölegine, halkymyzyň durmuş ýörelgesine öwrülýär. Munuň özi sagdynlygyň we bagtyýarlygyň ýurdy hökmünde ykrar edilen Türkmenistanyň dünýä derejesindäki abraýynyň belende göterilmegine goşant goşýar.

Döwletimiz tarapyndan berilýän yzygiderli goldawlaryň netijesinde ýurdumyzda sportuň beýleki görnüşleri bilen bir hatarda, awtomobil sporty hem ösüşiň täze basgançagyna çykdy. Sport awtoulaglarynyň hatary täze kysymly ulaglar bilen yzygiderli artdyrylýar, olar öňdebaryjy öndürijilerden satyn alynýar. Munuň özi awtomobil sporty bilen meşgullanmak hem-de awtosportuň ussatlarynyň täze neslini taýýarlamak üçin giň mümkinçilikleri açýar.

Şunuň bilen baglylykda, sport ulagyny ussatlyk bilen dolandyrýan we çylşyrymly ýagdaýlarda awtoulag sürmegiň özboluşly tilsimlerini ýokary derejede ýerine ýetirýän milli Liderimiziň şahsy göreldesi aýratyn bellärliklidir. Sportuň bu görnüşi bilen meşgullanyp, ussatlyk derejesine ýetýän türgenleriň sany barha artýar.

Hormatly Prezidentimiz Gurbanguly Berdimuhamedow awtomobil sporty bilen meşgullanýan türgeniň lybasyny geýdi. Milli Liderimiziň belleýşi ýaly, sportuň bu görnüşi bilen meşgullananyňda, türgeniň geýiminiň ykjam bolmagy, elleriniň, aýaklarynyň erkin hereket etmegi, umuman, çakganlygy sport ulagyny dolandyrmakda möhümdir. Şeýle hem türgeniň gözüniň ýitiligi, ýürek urgusynyň sazlaşygy, öňe tarap edilýän okgunly hereket maksada ýetmekde möhüm bolup durýar.

Döwlet Baştutanymyz ulagy sürmäge başlamazdan ozal, zerur tehniki taýýarlyk işlerini ýerine ýetirdi. Milli Liderimiziň nygtaýşy ýaly, geçiljek ýoluň aýratynlygy, howanyň şol pursatdaky ýagdaýy, ýoluň çyglylyk derejesi, sport ulagynyň tigirleriniň we hereketlendirijisiniň gyzgynlygy awtomobil sporty ýaryşlarynyň kadalaryna laýyk gelmelidir. Munuň özi ýaryşyň netijeli häsiýete eýe bolmagynyň esasy şerti hasaplanýar.

Garagum sährasynyň ekologik ýagdaýyny saklamak döwrüň möhüm talaby bolup durýar. Döwlet Baştutanymyzyň tabşyrygyna laýyklykda, bu künjekde geçirilýän işleri tebigat bilen sazlaşykly amala aşyrmak wezipesiniň üstünlikli durmuşa geçirilmegine jogapkärli çemeleşilýär.

Ýaryş awtoulagy milli Liderimiziň dolandyrmagynda ýerinden gozganyp, dessine tizligini artdyrdy we çylşyrymly öwrümleriň birnäçesini amala aşyrdy.

Hormatly Prezidentimiziň başlangyjy bilen ýurdumyzda awtomobil sporty okgunly ösüşe eýe boldy. Türgen toparlarymyzyň halkara awtoralli ýaryşlaryna gatnaşyp, ýokary netije gazanmaklary munuň aýdyň subutnamasydyr.

Häzirki wagtda Diýarymyzyň awtomobil sportunyň öňünde uly mümkinçilikler açylýar. Bu ugurda maddy-enjamlaýyn binýadyň yzygiderli pugtalandyrylmagyna hem-de sportuň bu görnüşiniň giňden wagyz edilmegine, oňa ýaşlaryň çekilmegine we türkmen türgenleriniň ussatlyk derejesiniň ýokarlandyrylmagyna uly üns berilýär. Munuň üçin yzygiderli türgenleşikleri geçirmäge, dürli derejedäki ýaryşlary guramaga şertler döredilýär.

Döwlet Baştutanymyz Gurbanguly Berdimuhamedow sportuň beýleki görnüşleri bilen bir hatarda, awtomobil we welosiped sportunyň ösdürilmegine hem uly goldaw berýär. Milli Liderimiziň belleýşi ýaly, awtomobil sporty adamda ruhubelentligi, çakganlygy, çylşyrymly ýagdaýdan ussatlyk bilen baş alyp çykmak ukybynyň ösdürilmegini terbiýeleýär. Bu bolsa lukmançylyk ylmynyň tassyklaýşy ýaly, ynsan saglygynyň berkidilmeginde aýratyn ähmiýetlidir.

Bu giň gerimli we yhlasly işler ilatyň, ilkinji nobatda, ösüp gelýän nesilleriň berk beden saglygyny üpjün etmäge, maksada okgunlylygy, erki hem-de işjeň hereket etmek endikleri terbiýelemäge gönükdirilendir.

Döwlet Baştutanymyz sähra giňişliginde sport ulagyna ussatlyk bilen erk edip, bu ugurda toplan uly tejribesini ýene-de bir gezek görkezdi.

2018-nji ýylda ýurdumyzda Amul — Hazar aralygy boýunça halkara awtoralliniň guralmagy güneşli Diýarymyzyň sebit we dünýä ähmiýetli hem-de döwletleridir halklary ýakynlaşdyrmaga, söwda-ykdysady, ynsanperwer gatnaşyklary giňeltmäge, ählumumy ösüşe gönükdirilen asylly başlangyçlaryň rowaçlyklara beslenýändiginiň aýdyň nyşanyna öwrüldi.

Halkara awtoralliniň guralmagy sportuň bu görnüşiniň giňden wagyz edilmegini hem-de iri sport ýaryşlaryny kabul edip bilýän döwlet hökmünde Türkmenistanyň dünýä derejesindäki abraýyny belende göterdi.

Döwlet Baştutanymyz sport ulagyny çylşyrymly sähra ýollary bilen ýokary tizlikde sürüp barşyna, ulagda tehniki näsazlyklar ýüze çykdy. Şunuň ýaly garaşylmadyk waka bolan pursadynda türgeniň çylşyrymly ýagdaýdan baş alyp çykyp bilmegi sportuň bu görnüşiniň esasy aýratynlyklarynyň biri bolup durýar. Hormatly Prezidentimiz tehniki näsazlygy, awtoulagyň hereketiniň togtamagyna sebäp bolan ýagdaýy tiz düzetdi.

Milli Liderimiz awtoulagyň tehniki ýagdaýyny ýene bir gezek gözden geçirdi we ýoluny dowam etdi.

Ýeri gelende, döwlet Baştutanymyzyň Amul — Hazar halkara awtorallisi geçirilende, hut şu ulagda ýaryşa goşulyp, baýrakly orna mynasyp bolandygyny bellemek gerek.

Hormatly Prezidentimiz Gurbanguly Berdimuhamedow ýetginjek ýyllaryndan başlap, awtoulag sporty bilen işjeň meşgullanyp, dürli ýaryşlara gatnaşyp, üstünlik gazanypdyr. Hut milli Liderimiziň başlangyjy we goldaw bermegi bilen ýurdumyzda awtomobil sporty ösüşiň täze derejesine çykdy.

Milli Liderimiziň dolandyrýan awtoulagy ýokary tizlikde Garagum sährasynyň tebigy päsgelçiliklerinden aňsatlyk bilen geçdi.

Döwlet Baştutanymyz sport ulagyny Garagum sährasynyň esasy aýratynlygy bolan belent alaňlaryň birine çykardy. Bu ýerdäki belentlikden görünýän sähra giňişligi ynsan kalbynda ýakymly duýgulary oýarýar we göwnüňi göterýär.

Hormatly Prezidentimiz sähranyň ajaýyp tebigy aýratynlyklaryny synlady. Bu görnüşler mähriban toprakda, ümmülmez Watanda halkymyz, ýurdumyz üçin ägirt uly işleriň bitiriljekdigi hakyndaky oýlanmalar bilen utgaşýar. Şeýle pursatlarda ýurdumyzyň ösüşiniň täze tapgyrynda ýörite taýýarlanylan milli maksatnamalaryň amala aşyrylmagynyň, asylly işleriň durmuşa geçirilmeginiň geljegimiz bolan nesilleriň nesibesine düşüp, watansöýüji ýaşlaryň öňünde durýan wezipeleriň üstünlikli amala aşyrylmagy üçin yhlaslaryny we ukyp-başarnyklaryny gaýgyrmajakdyklary baradaky duýgular kalba dolýar.

Soňky ýyllarda gönüden-göni milli Liderimiziň tagallasy bilen Diýarymyzyň ähli künjeklerinde ýokary ekologik ýagdaýyň saklanmagyna, adamlaryň tebigat bilen ysnyşykly ýaşamagyna möhüm ähmiýet berilýär.

Tebigy aýratynlyklaryň köpçülikleýin bedenterbiýe hem-de ýokary netijeli sport bilen utgaşdyrylmagy adamlaryň işjeňligini, ruhubelentligini ýokarlandyrýar. Munuň özi sahawatly topraga, mähriban Watanymyza bolan buýsanjy artdyrýar. Şeýlelikde, hormatly Prezidentimiziň yzygiderli tagallasy netijesinde jemgyýetimizde sagdyn durmuş ýörelgeleriniň pugtalandyrylmagy döwletimiziň iň ýokary gymmatlygy hasaplanýan adamlaryň ömrüniň uzalmagyna oňyn täsirini ýetirýär.

Bu ugurda durmuşa geçirilýän çäreler olaryň üstünlikli amala aşyrylmagynyň adamzat ähmiýetli oňyn netije berýändiginiň aýdyň nyşany bolup, halkymyzyň milli Liderimiz Gurbanguly Berdimuhamedowa bolan hoşallygyny hem-de buýsanjyny artdyrýar.

Aşgabat, 19-njy fewral (TDH). Şu gün Türkmenistanyň Daşary işler ministrliginiň Halkara gatnaşyklary institutynda hormatly Prezidentimiz Gurbanguly Berdimuhamedowyň «Abadançylygyň röwşen gadamlary” atly täze kitabynyň tanyşdyrylyş dabarasy geçirildi. Oňa Daşary işler ministrliginiň ýolbaşçylary, daşary ýurtlaryň Türkmenistanda işleýän diplomatik wekilhanalarynyň, halkara guramalaryň wekilleri, ýurdumyzyň ýokary okuw mekdepleriniň professor-mugallymlary, köpçülikleýin habar beriş serişdeleriniň wekilleri we talyp ýaşlar gatnaşdylar.

Çärä gatnaşyjylar milli Liderimiziň bu kitabynyň Türkmenistanyň diplomatik işgärleriniň gününe ajaýyp sowgat bolandygyny bellediler. Kitapda döwlet Baştutanymyzyň jemgyýetçiligiň öňünde eden çykyşlary ýerleşdirildi. Onda daşary syýasat, ykdysadyýet, medeniýet, ylym we beýleki ugurlar baradaky pikirler jemlenendir. Şunuň bilen birlikde, täze neşirde ýurdumyzy mundan beýläk-de ösdürmäge degişli teklipler beýan edilýär.

Täze neşiriň häzirki döwrüň halkara durmuşynyň köp sanly çylşyrymly sowallaryna jogap berjekdigi, Türkmenistanyň dünýä derejesinde alyp barýan işlerinde öňe sürýän çuňňur oýlanyşykly syýasatyna, ýurdumyzyň ählumumy ulgamda eýeleýän ornuna, öňde goýýan maksatlaryna we wezipelerine has aýdyň düşünmäge ýardam etjekdigi bellenildi. Şol bir wagtda bu neşir diňe bir syýasatşynaslar, diplomatlar, bilermenler we žurnalistler üçin däl-de, daşary syýasat bilen gyzyklanýan ähli raýatlar üçin peýdaly bolar.

Kitapda döwletimiziň häzirki döwrüň ählumumy parahatçylygy, durnuklylygy we howpsuzlygy saklamak hem-de berkitmek ýaly möhüm wezipelerine anyk, düýpli çemeleşmeleri beýan edilýär, sebit ösüşiniň geljegine baha berilýär, BMG-niň Tertipnamasy esasynda we umumy ykrar edilen halkara hukuk kadalaryna laýyklykda, netijeli döwletara gatnaşyklary höweslendirmek boýunça anyk tekliplerdir başlangyçlar öz beýanyny tapýar.

Milli Liderimiziň pähim-paýhasyndan kemala gelen bu neşirde «Dialog — parahatçylygyň kepili» atly ählumumy başlangyçda häzirki döwrüň syýasy-diplomatik ýagdaýlarynyň nazaryýetine we tejribesine başgaça garalýandygy baradaky pikir öňe sürülýär, onda özara hormat goýmaga, birek-biregiň bähbitleriniň hasaba alynmagyna, bar bolan meselelerdir gapma-garşylyklary çözmegiň usullary hökmünde güýç ulanmakdan ýüz döndermäge esaslanýan halkara gatnaşyklaryň täze gurallary teklip edilýär.

Neşirde sebit meselelerine aýratyn ähmiýet berilýär. Bu babatda hormatly Prezidentimiz Gurbanguly Berdimuhamedowyň Merkezi Aziýanyň döwlet Baştutanlarynyň üçünji konsultatiw duşuşygyndaky, Yslam Hyzmatdaşlyk Guramasynyň, Ykdysady Hyzmatdaşlyk Guramasynyň, Şanhaý Hyzmatdaşlyk Guramasynyň, Garaşsyz Döwletleriň Arkalaşygynyň sammitlerindäki we beýleki forumlardaky çykyşlary beýan edilýär. Olarda häzirki zaman ösüşiniň möhüm ugurlarynda anyk we ykdysady taýdan esaslandyrylan hyzmatdaşlyga, bilelikdäki köptaraplaýyn taslamalaryň amala aşyrylmagyna girişilmeginiň zerurdygy baradaky pikirler öňe sürülýär.

Çykyş edenleriň belleýişleri ýaly, ykdysady gatnaşyklaryň syýasylaşdyrylmazlygy, özara bähbide esaslanylmagy, strategik ähmiýetli meýilnamalaryňdyr taslamalaryň üstünde bilelikde işlemäge hoşniýetli erk-islegiň emele gelen ýagdaýynda döwletleriň öňünde açylýan mümkinçiliklere göz ýetirilmegi şeýle hyzmatdaşlygyň derwaýys ugrudyr.

Kitapda häzirki wagtda milli we sebit çäklerinden çykýan türkmen Bitaraplygynyň durnuklylygyň möhüm şerti hökmündäki döredijilik mümkinçiliklerine baha berilýär. Bitaraplyk meýilnamalarydyr maksatlary durmuşa geçirmegiň kämil nusgasyna öwrüldi, Türkmenistanyň daşary syýasatynyň many-mazmuny bu ugur bilen has sazlaşykly utgaşýar.

Ýygnananlar milli Liderimiziň «Halkyň Arkadagly zamanasy» şygary astynda geçýän ýylda çap edilen täze kitabynyň Türkmenistanyň her bir raýaty üçin gollanma öwrüljekdigini, Watanymyzyň geljegi bolan ýaş nesillere bilimleriň çeşmesi hökmünde hyzmat etjekdigini bellediler.

Tanyşdyrylyş dabarasynyň ahyrynda oňa gatnaşyjylar hormatly Prezidentimiz Gurbanguly Berdimuhamedowyň adyna Ýüzlenme kabul edip, parahatçylygyň, howpsuzlygyň we dünýäniň ähli döwletleri bilen özara bähbitli hyzmatdaşlygyň pugtalandyrylmagyna gönükdirilen ynsanperwer syýasaty üçin tüýs ýürekden hoşallyk bildirdiler.

Hormatly Prezidentimiziň taýsyz tagallalary netijesinde ýurdumyzda milli ykdysadyýeti diwersifikasiýa ýoly bilen ösdürmek, ilatyň ýaşaýyş-durmuş derejesini ýokarlandyrmak boýunça maksatnamalaýyn işler alnyp barylýar.

Sanly özgertmeleriň dünýäde ýokary tizlik bilen ýaýraýan döwründe milli ykdysadyýetimize sanly ulgamy ornaşdyrmak, elektron senagatyny döretmek, işewürlige we maglumat-aragatnaşyk tehnologiýalarynyň soňky gazananlaryna esaslanýan ykdysadyýeti kemala getirmek gaýragoýulmasyz wezipeler bolup durýar.

Mälim bolşy ýaly, milli Liderimiz ykdysadyýetimize sanly ulgamy doly ornaşdyrmaga, ösdürmäge aýratyn üns berýär. Durmuşa geçirilýän sanly özgertmeleri üstünlikli amala aşyrmak maksady bilen, bu ulgam bilen bagly kanunçylyk binýady berkidilýär, möhüm resminamalar yzygiderli kabul edilýär we durmuşa geçirilýär.

Ykdysadyýet örän çylşyrymly we ähli zady öz içine alýan gural hökmünde her bir adamyň durmuşyna gatnaşýar. Ol önümçiligi we sarp edişi, seýle hem şunuň bilen baglylykda kesgitlenen haryda ýa-da hyzmata bolan islegiň we teklibiň emele gelmegini özünde jemleýär.

Sanly ykdysadyýet düşünjesi giňden ulanylýar we soňky döwürde bilermenler tarapyndan giňden ara alnyp maslahatlaşylýan ugra öwrüldi. Munuň esasy sebäbini köp ýurtlaryň ylmy-tehniki ösüşiň gazananlaryny, hususan-da, sanly maglumatlary ykdysadyýete ornaşdyrmak netijesinde uly öňegidişlikleri gazanmagy başarandyklary bilen düşündirip bolar.

Sanly maglumat-aragatnaşyk tehnologiýalarynyň peýdalanylmagyna esaslanýan ykdysady gatnaşyklar ulgamyna sanly ykdysadyýet diýilýär. Ol wagtyň we harajatlaryň tygşytlanylmagy bilen bir hatarda, girdejileriň täze çeşmelerini ýüze çykarmaga şert döredýär.

Ýurdumyzda amala aşyrylýan özgertmeler halkymyzyň bähbidine we döwletimiziň gülläp ösmeginiň hatyrasyna gönükdirilendir. Sanly ykdysadyýeti ösdürmegiň mazmunyna, onuň ýurdumyzyň kuwwatyny artdyrmakdaky ornuna, şeýle-de dünýä ykdysadyýetiniň häzirki zaman ösüşiniň netijeli ýollarynyň biri hökmünde häsiýetlendirilýär. Ykdysadyýetiň bu görnüşine geçmegiň zerurlygyna dogry düşünilmeginiň özi öňde duran wezipeleriň üstünlikli amala aşyrylmagyna itergi berýär.

Sanly gurşawda harytlaryň we hyzmatlaryň ählumumy bazarlara dessin çykmak we dünýäniň islendik ýerindäki sarp edijilere elýeterli bolmak mümkinçiligi artýar. Harytlaryň we hyzmatlaryň göni aragatnaşyk ulgamynda (online) hödürlenilmegi olaryň elýeterliligini hem ýokarlandyrýar. Şeýlelikde, sanly ykdysadyýet tizlik, ýokary hil we amatlylyk babatynda has netijeli we köptaraplaýyn ähmiýete eýe bolýar.

Şeýle-de, sanly ykdysadyýetiň ösdürilmegi ýurtda uzak-möhletleýin ykdysady ösüşi we ýokary öndürijiligi gazanmaga ýardam berýän netijeli jemgyýetçilik hyzmatlarynyň hiliniň ýokarlanmagyna we kämil görnüşleriniň ýola goýulmagyna, halkyň durmuş şertleriniň özgerdilmegine, internet ulgamynyň mümkinçilikleriniň giňeldilmegine ýardam berýär.

Sanly ykdysadyýeti ösdürmekde döwletiň orny, esasan, iki maksada gönükdirilýär. Birinjisi, täze ýagdaýlara uýgunlaşan kanunçylyk binýadynyň kämilleşdirilmeginden, şol sanda önümçilik serişdeleriniň hasabatlylygynyň ygtybarlylygyny we senagat derejesinde internet ulgamyny ornaşdyrýan kompaniýanyň hukuk goraglylygyny üpjün etmekden ybarat. Ikinjisi bolsa, önümçilige innowasion tehnologiýalary ornaşdyrýan kärhanalar üçin amatly şertleriň döredilmegidir.

Sanly ykdysadyýet durmuş çäreleriniň ählumumy ulgamy bolmak bilen, internetiň mümkinçiliklerine daýanýan ykdysady ösüşi emele getirýär. Şunda, esasan, zähmet öndürijiliginiň artmagy, önümçilik harajatlarynyň peselmegi we bäsdeşlige ukyplylygyň ýokarlanmagy ýaly mümkinçilikler göz önünde tutulýar.

Maglumatlary alyşmagyň elektron ulgamlaryny (internet) we olaryň elýeterliligini, kanunçylyk binýadyny sanly ykdysadyýetiň aýrylmaz bölegi hökmünde görkezmek bolar.

Sanly ykdysadyýet harajatlary peseltmäge, bazardaky üýtgeşmelere az wagtda uýgunlaşmaga hem-de ýokary çeýeligi üpjün etmäge ýardam berýär. Sanly ykdysadyýet maglumatlaryň we tehnologiýalaryň ähli ýerde, hemme wagtda elýeterliligine daýanýar. Munuň özi ýurdumyzda bazar şertlerinde özara gatnaşyklaryň täze ugurlaryna ýol açýar, netijede bolsa, halkyň ýaşaýyş-durmuş şertleriniň derejesiniň ýokarlanmagyna ýardam berýär.

Jennet SAPAROWA,

Türkmenistanda Saýlawlary we sala salşyklary geçirmek boýunça merkezi toparyň edarasynyň baş hünärmeni.

Balkan, Lebap welaýatlary, 18-nji fewral (TDH). 12-nji martda boljak möhüm jemgyýetçilik-syýasy waka — Türkmenistanyň Prezidentiniň saýlawlaryna taýýarlygyň çäklerinde şu gün Balkan we Lebap welaýatlarynda raýatlaryň teklipçi toparlarynyň ýygnaklary geçirildi. Olaryň dowamynda iň ýokary döwlet wezipesine has mynasyp dalaşgärler hödürlenildi.

Milli Liderimiz Gurbanguly Berdimuhamedowyň Türkmenistanyň Milli Geňeşiniň Halk Maslahatynyň 11-nji fewralda geçirilen mejlisinde nygtaýşy ýaly, ýaşlara aýratyn bil baglanylýar. Sebäbi ýaş nesil geljege bolan ähli umyt-arzuwlarymyzy amala aşyrmalydyr, öňde goýlan beýik maksatlary we wezipeleri amala aşyrmaga hem-de ýurdumyzyň mundan beýläkki ösüş ýoluny kesgitlemäge işjeň gatnaşmalydyr.

Türkmenistanyň Prezidenti wezipesine dalaşgärleri raýatlar topary tarapyndan hödürlemegiň Tertibini kesgitleýän Türkmenistanyň Saýlaw kodeksiniň 46-njy maddasyna laýyklykda, dalaşgär saýlawçylaryň on müňden az bolmadyk goly bilen goldanylmalydyr.

14-nji fewraldan başlap ýaýbaňlandyrylan saýlaw möwsüminiň çäklerinde Balkan welaýatynda geçirilen ýygnagyň dowamynda oňa gatnaşyjylar Türkmenistanyň Prezidenti wezipesine dalaşgär hökmünde Saglygy goraýyş we derman senagaty ministrliginiň «Awaza» şypahanasynyň baş lukmany, Milli Geňeşiň Mejlisiniň deputaty Berdimämmet Gurbanowy hödürlemek teklibine garadylar.

B.Gurbanow 2004-nji ýylda M.Garryýew adyndaky Türkmenistanyň Döwlet lukmançylyk uniwersitetini tamamlap, Balkan welaýatynyň köpugurly hassahanasynda internatura geçdi. 2005 — 2008-nji ýyllarda Balkan welaýatynyň Esenguly etrabynyň Bugdaýly obasynyň saglyk öýünde ilki maşgala lukmany, soňra baş lukman, soňky ýyllarda bolsa Balkan welaýatynyň beýleki saglygy goraýyş edaralarynda — Garabogaz şäheriniň we Esenguly etrabynyň hassahanalarynda baş lukman bolup işledi. 2012 — 2019-njy ýyllar aralygynda Balkan welaýatynyň Saglygy goraýyş müdirliginiň başlygynyň birinji orunbasary wezipesinde işledi.

Şu ýylyň çuňňur mana eýe bolan «Halkyň Arkadagly zamanasy» şygaryna eýerip, ýygnaga gatnaşyjylar milli Liderimiziň Garaşsyz Watanymyzyň mundan beýläkki ykbaly üçin jogapkärçiligi üstüne alyp biljek ýaş, maksada okgunly ýolbaşçylary hödürlemek baradaky teklibiniň wajypdygyny ýene-de bir gezek nygtadylar.

Ýygnananlar B.Gurbanowyň iş dolandyryş hem-de guramaçylyk ukybyny, ýokary hünär we şahsy häsiýetlerini, ýolbaşçy wezipedäki tejribesini belläp, ony döwlet Baştutany wezipesine dalaşgär hökmünde hödürlemek baradaky çözgüdi kabul etdiler.

Berdimämmet Gurbanow bildirilen ýokary ynam üçin hoşallygyny beýan edip, halkymyzyň bagtyýarlygy we abadançylygy, ýurdumyzyň mundan beýläk-de gülläp ösmegi üçin güýjüni, bilimini we tejribesini gaýgyrmajakdygyna ynandyrdy.

Lebap welaýatynda geçirilen ýygnagyň dowamynda welaýatyň maliýe-ykdysady orta hünär okuw mekdebiniň direktory Perhat Begenjow Türkmenistanyň Prezidenti wezipesine dalaşgärlige hödürlenildi.

Çykyş edenleriň nygtaýşy ýaly, milli Liderimiz Gurbanguly Berdimuhamedowyň syýasaty netijesinde zehinli ýaşlaryň nesli kemala geldi. Munuň özi Garaşsyz Türkmenistanyň saýlap alan özgertmeler ýoly bilen üstünlikli öňe gitjekdigine berk ynam döredýär.

Welaýatyň ýaşaýjylary hem-de teklipçiler toparynyň agzalary P.Begenjowyň terjimehaly bilen içgin tanyşdylar. Ol 2000-nji ýylda ykdysatçy hünäri boýunça Türkmen döwlet ykdysadyýet we dolandyryş institutyny tamamlap, bu ýokary okuw mekdebinde mugallym bolup işledi. 2014-nji ýylyň mart aýyndan şu güne çenli Lebap welaýatynyň maliýe-ykdysady orta hünär okuw mekdebiniň direktory wezipesinde işleýär. Türkmenistanyň Demokratik partiýasynyň agzasy.

Ýygnananlar P.Begenjowy giň gözýetimli, iş başarjaň, ýaş ýolbaşçy hökmünde häsiýetlendirýän çykyşlary diňläp, ony iň ýokary döwlet wezipesine dalaşgärlige hödürlemek baradaky çözgüdi kabul etdiler.

Ýurdumyzda dalaşgärleri hödürlemek dowam edýär. Ýakyn wagtda döwlet Baştutany wezipesine hödürlenilýän beýleki dalaşgärleriň hem ady mälim bolar. Munuň özi Prezident saýlawlarynyň aýdyňlyk we açyklyk şertlerinde geçýändiginiň subutnamasydyr.

Aş­ga­bat, 18-nji few­ral (TDH). Şu gün hor­mat­ly Pre­zi­den­ti­miz Gurbanguly Berdimuhamedow Ru­hy­ýet köş­gün­de Döw­let howp­suz­lyk ge­ňe­şi­niň ag­za­la­ry­nyň gat­naş­ma­gyn­da Mi­nistr­ler Ka­bi­ne­ti­niň gi­ňiş­le­ýin mej­li­si­ni ge­çir­di. On­da bir­nä­çe res­mi­na­ma­la­ryň tas­la­ma­la­ry­na se­re­dil­di, şeý­le hem kä­bir so­rag­lar ara al­nyp mas­la­hat­la­şyl­dy.

Ir bi­len döw­let Baş­tu­ta­ny­myz “Oguz­han” köşk­ler top­lu­myn­dan py­ýa­da­lap, Ru­hy­ýet köş­gü­ne ta­rap ug­ra­dy. Soň­ky ýyl­lar­da Wa­ta­ny­my­zyň äh­li kün­jek­le­rin­de, şol san­da paý­tag­ty­myz­da eko­lo­gi­ýa me­se­le­le­ri­ne uly üns be­ril­ýär. Onuň de­re­je­si ýo­ka­ry hal­ka­ra öl­çeg­le­re ky­bap gel­me­li­dir.

Döw­let Baş­tu­ta­ny­myz mej­li­si açyp we gün ter­ti­bi­ni yg­lan edip, Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ser­dar Berdimuhamedowa söz ber­di. Wi­se-prem­ýer ýur­du­myz­da äti­ýaç­lan­dy­ryş işi­ni ös­dür­mek, ra­ýat­la­ra hem-de ýu­ri­di­ki ta­rap­la­ra ýo­ka­ry hil­li äti­ýaç­lan­dy­ryş hyz­ma­ty­ny et­mek, şo­nuň ýa­ly-da, de­giş­li ka­da­laşdyryjy hu­kuk na­ma­la­ry­ny kä­mil­leş­dir­mek bo­ýun­ça dur­mu­şa ge­çi­ril­ýän çä­re­ler ba­ra­da ha­sa­bat ber­di.

Şu­nuň bi­len bag­ly­lyk­da, mil­li Li­de­ri­mi­ziň ga­ra­ma­gy­na «Har­by gul­luk­çy­la­ry, har­by ýyg­na­ny­şyk­la­ra ça­gy­ry­lan ra­ýat­la­ry we içe­ri iş­ler eda­ra­la­ry­nyň iş­gär­le­ri­ni hök­ma­ny döw­let şah­sy äti­ýaç­lan­dyr­ma­gyň we ola­ra äti­ýaç­lan­dy­ryş pul möç­be­ri­ni tö­le­me­giň Ter­ti­bi­ni tas­syk­la­mak ha­kyn­da­ky» Ka­ra­ryň tas­la­ma­sy hö­dür­le­nil­di.

Res­mi­na­ma “Har­by gul­luk­çy­la­ryň hu­kuk ýag­da­ýy ha­kyn­da”, “Har­by borç­lu­lyk we har­by gul­luk ha­kyn­da­”, “Türk­me­nis­ta­nyň içe­ri iş­ler eda­ra­la­ry ha­kyn­da­”, “Äti­ýaç­lan­dy­ryş ha­kyn­da­” Türk­me­nis­ta­nyň Ka­nun­la­ry­na hem-de beý­le­ki ka­da­laş­dy­ry­jy hu­kuk na­ma­la­ry­na la­ýyk­lyk­da iş­le­nip taý­ýar­la­nyl­dy. Ter­ti­biň tas­la­ma­syn­da äti­ýaç­lan­dy­ryş pul möç­be­ri­ni tö­le­me­giň düz­gün­le­ri, şo­nuň ýa­ly-da, äti­ýaç­lan­dy­ryş tö­le­gi­niň möç­ber­le­ri kes­git­le­nil­di.

Ter­ti­biň tas­la­ma­syn­da adal­ga­lar, ta­lap­lar we hök­ma­ny äti­ýaç­lan­dy­ry­şa de­giş­li har­by we hu­kuk go­raý­jy eda­ra­lar tä­ze ka­nun­çy­ly­ga la­ýyk ge­ti­ril­di, hök­ma­ny döw­let äti­ýaç­lan­dyr­ma­sy bo­ýun­ça har­by gul­luk­çy­la­ra äti­ýaç­lan­dy­ryş pul­la­ry­ny tö­le­mek­de de­giş­li na­ma­la­ry res­mi­leş­dir­me­giň ter­ti­bi ýö­ne­keý­leş­di­ril­di, äti­ýaç­lan­dy­ryş ha­lat­la­ry­ny kes­git­le­mek şert­le­ri has anyk be­ýan edil­di, şeý­le hem äti­ýaç­lan­dy­ryş pul­la­ry­ny tö­le­me­giň usul­la­ry kä­mil­leş­di­ri­lip, pul möç­ber­le­ri art­dy­ryl­dy.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, äti­ýaç­lan­dyr­ma­nyň jem­gy­ýet­çi­lik dur­mu­şy­nyň yk­dy­sa­dy, hu­kuk hem-de dur­muş ul­gam­la­ry­nyň aý­ryl­maz bö­le­gi­di­gi­ni, onuň aý­ry-aý­ry ra­ýat­la­ryň, gu­ra­ma­la­ryň we tu­tuş jem­gy­ýe­tiň bäh­bit­le­ri­ne tä­sir ed­ýän­di­gi­ni nyg­ta­dy. Mil­li Li­de­ri­miz bu ul­gam­da­ky ile­ri tu­tul­ýan we­zi­pe­le­re ün­si çe­kip, äti­ýaç­lan­dy­ry­­şy döw­let ta­ra­pyn­dan düz­gün­leş­dir­me­giň ber­jaý edil­me­gi­niň hem-de bu ba­ba­t­da­ky iş­le­re gö­zeg­çi­li­giň ze­rur­dy­gy­ny bel­le­di.

Döw­let Baş­tu­ta­ny­myz «Har­by gul­luk­çy­la­ry, har­by ýyg­na­ny­şyk­la­ra ça­gy­ry­lan ra­ýat­la­ry we içe­ri iş­ler eda­ra­la­ry­nyň iş­gär­le­ri­ni hök­ma­ny döw­let şah­sy äti­ýaç­lan­dyr­ma­gyň we ola­ra äti­ýaç­lan­dy­ryş pul möç­be­ri­ni tö­le­me­giň Ter­ti­bi­ni tas­syk­la­mak ha­kyn­da­ky» Ka­ra­ra gol çe­kip, wi­se-prem­ýe­re bu res­mi­na­ma­nyň düz­gün­le­ri­niň ta­kyk ber­jaý edi­li­şi­ni gö­zeg­çi­lik­de sak­la­ma­gy tab­şyr­dy.

Soň­ra Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ş.Abd­rah­ma­now ýan­gyç-ener­ge­ti­ka top­lu­myn­da­ky iş­le­riň ýag­da­ýy hem-de ne­bi­ti gaý­ta­dan iş­le­ýän se­na­ga­ty kä­mil­leş­dir­mek bo­ýun­ça al­nyp ba­ryl­ýan iş­ler we ugur­daş, uzak ­möh­let­li iş me­ýil­na­ma­la­ry­nyň taý­ýar­la­ny­ly­şy ba­ra­da ha­sa­bat ber­di.

Hor­mat­ly Pre­zi­den­ti­mi­ziň bu ul­gam­da dur­mu­şa ge­çir­ýän öň­den­gö­rü­ji­lik­li sy­ýa­sa­ty ne­ti­je­sin­de, Türk­me­nis­tan­da ýan­gyç-ener­ge­ti­ka top­lu­my­ny döw­re­bap­laş­dyr­mak we di­wer­si­fi­ka­si­ýa ýo­ly bi­len ös­dür­mek, önüm­çi­li­ge hal­ka­ra tej­ri­bä­ni giň­den or­naş­dyr­mak üçin uly müm­kin­çi­lik­ler dö­re­dil­ýär. Dün­ýä ba­za­ry bi­len aýak­daş git­mek üçin “Türk­men­ba­şy­da­ky ne­bi­ti gaý­ta­dan iş­le­ýän za­wod­lar top­lu­my­nyň we Seý­di­niň ne­bi­ti gaý­ta­dan iş­le­ýän za­wo­dy­nyň ösü­şi­niň kon­sep­tual stra­te­gi­ýa­sy” at­ly teh­ni­ki-yk­dy­sa­dy esas­lan­dyr­ma­ny iş­läp düz­mek bo­ýun­ça anyk çä­re­ler gö­rül­ýär. Şu­nuň bi­len bag­ly­lyk­da, da­şa­ry ýurt kom­pa­ni­ýa­la­ry­nyň gat­naş­ma­gyn­da ge­çi­ri­len de­giş­li hal­ka­ra bäs­le­şi­giň ne­ti­je­le­ri ba­ra­da mag­lu­mat be­ril­di.

Iş­le­ni­lip taý­ýar­la­nyl­ýan teh­ni­ki-yk­dy­sa­dy esas­lan­dyr­ma la­ýyk­lyk­da, Türk­men­ba­şy­da­ky ne­bi­ti gaý­ta­dan iş­le­ýän za­wod­lar top­lu­my­nyň hem-de Seý­di­niň ne­bi­ti gaý­ta­dan iş­le­ýän za­wo­dy­nyň müm­kin­çi­lik­le­ri­ni we ösü­şi­niň gel­jek­ki ugur­la­ry­ny kes­git­le­mek, he­re­ket ed­ýän teh­no­lo­gik des­ga­la­ry kä­mil­leş­dir­mek me­ýil­leş­di­ril­ýär. Şeý­le hem dün­ýä ba­za­ry­nyň ne­bit, ne­bit­hi­mi­ýa önüm­le­ri­niň gör­nüş­le­ri­ne bo­lan is­leg­le­ri­ne hem-de çig mal gor­la­ry­nyň ýag­da­ýy­na gö­rä tä­ze gu­rul­ma­ly des­ga­la­ry anyk­la­mak, ön­dü­ril­ýän önüm­le­riň bäs­deş­li­ge ukyp­ly­ly­gy­ny ýo­kar­lan­dyr­mak, ne­bi­ti gaý­ta­dan iş­le­me­giň çuň­lu­gy­ny ýo­kar­lan­dyr­mak we eko­lo­gi­ýa taý­dan aras­sa, ga­lyn­dy­syz önüm­çi­li­gi dö­ret­mek göz öňün­de tu­tul­ýar.

Hor­mat­ly Pre­zi­den­ti­miz ha­sa­ba­ty diň­läp, ýur­du­myz­da di­wer­si­fi­ka­si­ýa­laş­dyr­mak, ma­ýa go­ýum­la­ry çek­mek, yg­ty­bar­ly da­şa­ry ýurtly hyz­mat­daş­lar bi­len gat­na­şyk­la­ry gi­ňelt­mek ar­ka­ly ýan­gyç-ener­ge­ti­ka top­lu­my­nyň ös­dü­ril­me­gi­ne uly üns be­ril­ýän­di­gi­ni bel­le­di. Döw­let Baş­tu­ta­ny­myz Türk­me­nis­tan­da ama­la aşy­ryl­ýan pu­dak­la­ýyn tas­la­ma­la­ra gat­naş­ma­ga gy­zyk­lan­ma bil­dir­ýän ugur­daş iri kom­pa­ni­ýa­lar bi­len ne­ti­je­li hyz­mat­daş­ly­gy has-da ös­dür­mek bo­ýun­ça çä­re­le­ri gör­me­giň ze­rur­dy­gy­ny nyg­ta­dy.

Mil­li Li­de­ri­miz ne­bi­ti gaý­ta­dan iş­le­ýän se­na­gat­da ön­dü­ril­ýän, bäs­deş­li­ge ukyp­ly, ýo­ka­ry hil­li, eko­lo­gi­ýa taý­dan aras­sa önüm­le­riň gör­nüş­le­ri­ni gi­ňelt­mek­de hä­zir­ki za­man teh­no­lo­gi­ýa­la­ry­ny iş­jeň ulan­ma­gyň mö­hüm­di­gi ba­ra­da aý­dyp, wi­se-prem­ýe­re bu ugur­da top­lum­la­ýyn iş­le­ri do­wam et­me­gi tab­şyr­dy.

Soň­ra Mi­nistr­ler Ka­bi­ne­ti­niň Baş­ly­gy­nyň orun­ba­sa­ry E.Oraz­gel­di­ýew gö­zeg­çi­lik ed­ýän ul­gam­la­ryn­da­ky iş­le­riň ýag­da­ýy hem-de daş­ky gur­şa­wy go­ra­mak we ýur­du­my­zyň eko­lo­gi­ýa aba­dan­çy­ly­gy­ny üp­jün et­mek bo­ýun­ça döw­let stra­te­gi­ýa­sy­nyň dur­mu­şa ge­çi­ri­li­şi ba­ra­da ha­sa­bat ber­di.

Wi­se-prem­ýer te­bi­gy se­riş­de­le­ri re­je­li ulan­mak, ösüm­lik we haý­wa­nat dün­ýä­si­ni baý­laş­dyr­mak hem-de türk­men te­bi­ga­ty­ny aýaw­ly sak­la­mak bo­ýun­ça ge­çi­ril­ýän giň ge­rim­li iş­ler ba­ra­da aý­dyp, hor­mat­ly Pre­zi­den­ti­mi­ziň ga­ra­ma­gy­na Türk­me­nis­tan­da 2022-nji ýyl­da bag ek­mek ha­kyn­da­ky Ka­ra­ryň tas­la­ma­sy­ny hö­dür­le­di.

Res­mi­na­ma la­ýyk­lyk­da, şu ýyl mi­nistr­lik­ler, pu­dak­la­ýyn do­lan­dy­ryş eda­ra­la­ry, we­la­ýat­la­ryň hem-de Aş­ga­bat şä­he­ri­niň hä­kim­lik­le­ri ta­ra­pyn­dan sa­ýa­ly, pür­li, mi­we­li bag­la­ryň we üzü­miň 3 mil­lion düý­bü­ni ek­mek me­ýil­leş­di­ril­ýär.

Wi­se-prem­ýer ýo­ka­ry ha­syl ýe­tiş­dir­mek ba­bat­da oba ho­ja­lyk önüm­le­ri­ni ön­dü­ri­ji­le­riň işi­niň ne­ti­je­li­li­gi­ni ýo­kar­lan­dyr­mak bo­ýun­ça gö­rül­ýän çä­re­ler ba­ra­da hem ha­sa­bat ber­di. Şu­nuň bi­len bag­ly­lyk­da, mil­li Li­de­ri­mi­ziň ga­ra­ma­gy­na oba ho­ja­lyk ekin­le­ri üçin hi­mi­ki se­riş­de­le­ri sa­tyn al­mak ha­kyn­da­ky Ka­ra­ryň tas­la­ma­sy hö­dür­le­nil­di.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, daş­ky gur­şa­wy go­ra­ma­gyň, te­bi­ga­ta aýaw­ly ga­ra­ma­gyň, onuň gö­zel­li­gi­ni we baý­lyk­la­ry­ny gel­jek­ki ne­sil­ler üçin sak­la­ma­gyň döw­let sy­ýa­sa­ty­nyň ile­ri tu­tul­ýan ug­ru­dy­gy­ny bel­le­di. Mil­li hem-de äh­lu­mu­my de­re­je­de eko­lo­gi­ýa aba­dan­çy­ly­gy­ny üp­jün et­mek mak­sa­dy bi­len, ýur­du­myz­da top­lum­la­ýyn we uzak­ möh­let­le­ýin Mil­li to­kaý mak­sat­na­ma­sy üs­tün­lik­li dur­mu­şa ge­çi­ril­ýär. On­da se­na­gat dü­zü­mi­niň, ulag-kom­mu­ni­ka­si­ýa­lar ul­ga­my­nyň ok­gun­ly ös­me­gi, şä­her­le­riň we tä­ze ilat­ly ýer­le­riň dö­re­me­gi bi­len bag­ly­lyk­da, ýa­şyl zo­lak­la­ryň we to­kaý­la­ryň dö­re­dil­me­gi göz öňün­de tu­tul­ýar.

Döw­let Baş­tu­ta­ny­myz oba­se­na­gat top­lu­my­ny kä­mil­leş­dir­me­giň gaý­ra­go­ýul­ma­syz we­zi­pe­le­ri­ne ün­si çe­kip, oba ho­ja­lyk iş­le­ri­ni ag­ro­teh­ni­ki ta­lap­la­ra la­ýyk­lyk­da, ýo­ka­ry de­re­je­de ge­çir­me­gi tab­şyr­dy.

Mil­li Li­de­ri­miz «Türk­me­nis­tan­da 2022-nji ýyl­da bag ek­mek ha­kyn­da­ky» hem-de «Oba ho­ja­lyk ekin­le­ri üçin hi­mi­ki se­riş­de­le­ri sa­tyn al­mak ha­kyn­da­ky» Ka­rar­la­ra gol çe­kip hem-de ola­ry ýe­ri­ne ýe­tir­me­giň wa­jyp­dy­gy­ny bel­läp, bu ba­bat­da wi­se-prem­ýe­re bir­nä­çe anyk tab­şy­ryk­la­ry ber­di.

Soň­ra Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ç.Pur­çe­kow hi­mi­ýa se­na­ga­ty­ny ös­dür­mek, hu­su­san-da, «Türk­men­hi­mi­ýa» döw­let kon­ser­ni ta­ra­pyn­dan ýer­li çig ma­lyň ha­sa­by­na da­şa­ry ýurt­lar­dan ge­ti­ril­ýän ha­ryt­la­ryň or­nu­ny tut­ýan önüm­le­riň önüm­çi­li­gi­ni ýo­la goý­mak ba­bat­da al­nyp ba­ryl­ýan iş­ler ba­ra­da ha­sa­bat ber­di.

Ýur­du­myz­da tä­ze hi­mi­ýa kär­ha­na­la­ry gu­rul­ýar, şo­lar­da hä­zir­ki za­man teh­no­lo­gi­ýa­la­ry or­naş­dy­ryl­ýar, he­re­ket ed­ýän önüm­çi­lik­le­riň dur­ky tä­ze­le­nil­ýär hem-de düýp­li kä­mil­leş­di­ril­ýär. Türk­me­nis­ta­nyň Ylym­lar aka­de­mi­ýa­sy­nyň Hi­mi­ýa ins­ti­tu­ty­nyň hü­när­men­le­ri bi­len bi­le­lik­de de­giş­li iş­ler al­nyp ba­ryl­ýar. Ahal we­la­ýa­tyn­da­ky te­bi­gy gaz­dan ben­zin ön­dür­ýän za­wod­da, Gy­ýan­ly­da­ky po­li­mer za­wo­dy­nyň dü­zü­min­de, Bal­ka­na­bat ýod za­wo­dyn­da ýo­kar­da bel­le­ni­len we­zi­pe­le­ri çöz­me­giň müm­kin­çi­lik­le­ri öw­re­nil­ýär.

Te­bi­gy gaz­dan izo­bu­tan ön­dür­mä­ge müm­kin­çi­li­giň bar­dy­gy hem-de yk­dy­sa­dy taý­dan bäh­bit­li­di­gi ýur­du­my­zyň hü­när­men­le­ri ta­ra­pyn­dan öw­re­nil­di. Şu­nuň bi­len bag­ly­lyk­da, “Türk­men­gaz” döw­let kon­ser­ni ta­ra­pyn­dan de­giş­li des­ga­ny gur­mak bo­ýun­ça hal­ka­ra bäs­le­şi­k ge­çi­ril­di hem-de onuň ne­ti­je­sin­de ýe­ňi­ji kes­git­le­nil­di.

Mil­li Li­de­ri­miz Gurbanguly Berdimuhamedow ha­sa­ba­ty diň­läp, ýur­du­myz­da içer­ki is­leg­le­ri do­ly ka­na­gat­lan­dyr­mak hem-de da­şa­ry ýurt­la­ra eks­port et­mek mak­sa­dy bi­len, ýo­ka­ry hil­li hi­mi­ýa önüm­le­ri­niň önüm­çi­li­gi­niň möç­ber­le­ri­ni yzy­gi­der­li art­dyr­ma­gyň ze­rur­dy­gy­ny nyg­tap, wi­se-prem­ýe­re ze­rur tej­ri­bä hem-de teh­no­lo­gi­ýa­la­ra eýe bo­lan da­şa­ry ýurt kom­pa­ni­ýa­la­ry bi­len de­giş­li şert­na­ma­la­ry bag­laş­mak ba­ra­da­ky me­se­lä ýe­ne-de bir ge­zek jik­me-jik se­ret­me­gi tab­şyr­dy.

Soň­ra wi­se-prem­ýer 2022-nji ýyl­da gur­lu­şy­gy ta­mam­la­nyp, ulan­ma­ga be­ril­me­gi me­ýil­leş­di­ril­ýän bi­na­la­ryň we des­ga­la­ryň sa­na­wy­ny kes­git­le­mek bo­ýun­ça al­nyp ba­ryl­ýan iş­ler ba­ra­da ha­sa­bat ber­di.

Döw­let Baş­tu­ta­ny­my­za Türk­me­nis­ta­nyň 2022-nji ýyl üçin Ma­ýa go­ýum mak­sat­na­ma­sy­nyň ka­bul edi­len­di­gi üçin ho­şal­lyk bil­di­ril­di. Şu ýy­lyň 11-nji few­ra­lyn­da bu Mak­sat­na­ma­ny tas­syk­la­mak ha­kyn­da­ky Ka­ra­ra gol çe­kil­di.

Mak­sat­na­ma­ny ýe­ri­ne ýe­tir­me­giň çäk­le­rin­de we­la­ýat­lar­da hem-de paý­tag­ty­myz­da al­nyp ba­ryl­ýan iş­le­re sel­jer­me ge­çi­ril­di hem-de şu ýyl ulan­ma­ga be­ril­me­gi me­ýil­leş­di­ril­ýän bi­na­la­ryň we des­ga­la­ryň sa­na­wy taý­ýar­la­nyl­dy.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, türk­me­nis­tan­ly­la­ryň aba­dan hem-de bag­ty­ýar dur­mu­şy­ny üp­jün et­mek, şä­her­ler­de we oba­lar­da ýo­ka­ry hal­ka­ra öl­çeg­le­re la­ýyk gel­ýän dü­züm­le­ri dö­ret­mek mak­sa­dy bi­len, dur­muş ugur­ly döw­let sy­ýa­sa­ty­nyň çäk­le­rin­de ama­la aşy­ryl­ýan giň möç­ber­li gur­lu­şyk iş­le­ri­ni do­wam et­dir­me­giň mö­hüm­di­gi­ni nyg­ta­dy.

Döw­let Baş­tu­ta­ny­myz 2022-nji ýyl­da gur­lu­şy­gy ta­mam­lan­ma­ly hem-de ulan­ma­ga tab­şy­ryl­ma­ly iri önüm­çi­lik we dur­muş mak­sat­ly bi­na­la­ryň hem-de des­ga­la­ryň gur­lu­şy­gy­nyň kä­bi­ri­niň möh­le­tin­den yza gal­ýan­dy­gy­na wi­se-prem­ýe­riň ün­sü­ni çek­di. Şu­nuň bi­len bag­ly­lyk­da, mil­li Li­de­ri­miz bu ugur­da al­nyp ba­ryl­ýan iş­le­ri düýp­li sel­jer­mek ba­ra­da de­giş­li tab­şy­ryk­la­ry ber­di.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry Ç.Gy­ly­jow «Türk­me­nis­ta­nyň Dok­ma se­na­ga­ty mi­nistr­li­gi­ne pag­ta önüm­le­ri­ni ýer­le­mek ha­kyn­da­ky» Ka­ra­ryň tas­la­ma­sy ba­ra­da ha­sa­bat ber­di.

Döw­let Baş­tu­ta­ny­my­zyň dok­ma kär­ha­na­la­ry­nyň önüm­çi­lik kuw­wat­lyk­la­ry­ny ne­ti­je­li art­dyr­mak bo­ýun­ça be­ren tab­şy­ryk­la­ry­ny ýe­ri­ne ýe­tir­mek mak­sa­dyndan ugur alyp, ola­ry pag­ta önüm­le­ri bi­len üp­jün et­mek ba­ra­da­ky de­giş­li res­mi­na­ma­nyň tas­la­ma­sy­nyň taý­ýar­la­ny­lan­dy­gy ha­bar be­ril­di we şol res­mi­na­ma­nyň tas­la­ma­sy mil­li Li­de­ri­mi­ziň ga­ra­ma­gy­na hö­dür­le­nil­di.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, ägirt uly se­riş­de kuw­wa­ty bi­len bag­ly­lyk­da, dok­ma se­na­ga­ty­nyň Türk­me­nis­ta­nyň yk­dy­sa­dy­ýe­ti­niň gaý­ta­dan iş­le­ýän ul­ga­my­nyň dep­gin­li ös­ýän­di­gi­niň my­sa­ly bo­lup dur­ýan­dy­gy­ny bel­le­di. Pu­da­gyň önüm­çi­lik bin­ýa­dy yzy­gi­der­li döw­re­bap­laş­dy­ryl­ýar, ýo­ka­ry hil­li taý­ýar önüm­le­riň gör­nüş­le­ri art­ýar.

Şu­nuň bi­len bag­ly­lyk­da, döw­let Baş­tu­ta­ny­myz il­kin­ji no­bat­da­ky we­zi­pä­niň oba­se­na­gat top­lu­my­nyň we dok­ma top­lu­my­nyň bi­le­lik­de top­lum­la­ýyn hem-de ut­ga­şyk­ly iş­le­me­gin­den, se­na­gat taý­dan gaý­ta­dan iş­le­mek üçin dok­ma kär­ha­na­la­ry­ny pag­ta sü­ýü­mi­niň dür­li gör­nüş­le­ri bi­len ýe­ter­lik möç­ber­de üp­jün et­mek bo­ýun­ça we­zi­pe­le­ri çöz­mek­den yba­rat­dy­gy­ny aýt­dy.

Hor­mat­ly Pre­zi­den­ti­miz ýur­du­myz­da ön­dü­ril­ýän dok­ma önüm­le­ri­niň hal­ka­ra hil öl­çeg­le­ri­ne hem-de eko­lo­gi­ýa howp­suz­ly­gy­na ky­bap gel­me­gi­ne, ila­tyň möw­süm­le­ýin is­leg­le­rin­den ugur alyp, içer­ki ba­za­ryň is­le­gi­niň öw­re­nil­me­gi­ne, egin-eşik we beý­le­ki ha­ryt­la­ryň önüm­çi­lik­le­ri­ni iş­läp düz­mä­ge we işe gi­riz­mä­ge aý­ra­tyn üns be­ril­me­li­di­gi­ni bel­le­di.

Mil­li Li­de­ri­miz hö­dür­le­ni­len Ka­ra­ra gol çe­kip, de­giş­li ýol­baş­çy­la­ra res­mi­na­ma­da kes­git­le­ni­len we­zi­pe­le­riň äh­li­si­niň ýe­ri­ne ýe­ti­ri­li­şi­ni gö­zeg­çi­lik­de sak­la­ma­gy tab­şyr­dy.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry M.Mäm­me­do­wa Hal­ka­ra ze­nan­lar gü­ni my­na­sy­bet­li baý­ram­çy­lyk da­ba­ra­la­ry­ny ge­çir­mä­ge gö­rül­ýän taý­ýar­lyk ba­ra­da ha­sa­bat ber­di.

1-2-nji mart­da Söw­da-se­na­gat eda­ra­syn­da “Bag­ty­ýar­lyk ba­ha­ry­nyň şe­kil­len­di­riş sun­ga­tyn­da­ky was­py” at­ly hal­ka­ra mas­la­ha­ty­ we ser­gi­­ni ge­çir­mek bo­ýun­ça gu­ra­ma­çy­lyk iş­le­ri al­nyp ba­ryl­ýar. Bu hal­ka­ra fo­ru­ma ýur­du­my­zyň dö­re­di­ji­lik iş­gär­le­ri bi­len bir ha­tar­da da­şa­ry ýurt­la­ryň hem meş­hur su­rat­keş­le­ri­niň, dö­re­di­ji­lik in­tel­li­gen­si­ýa­sy­nyň we­kil­le­ri­niň san­ly ul­gam ar­ka­ly gat­naş­ma­gy göz öňün­de tu­tul­ýar.

Baý­ram­çy­ly­gyň öň ýa­nyn­da­ky gün­ler­de dür­li da­ba­ra­la­ry ge­çir­mek me­ýil­leş­di­ril­ýär.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, ýur­du­myz­da mäh­rem ene­le­re we ge­lin-gyz­la­ra tüýs ýü­rek­den hor­ma­tyň ny­şa­ny­na öw­rü­len aja­ýyp ba­har baý­ra­my­nyň äh­mi­ýe­ti­ni nyg­ta­dy. Mil­li Li­de­ri­miz ata-ba­ba­la­ry­my­zyň ze­nan­la­ra he­mi­şe uly hor­mat-sar­pa go­ýan­dy­gy­ny bel­le­di. Olar mu­kad­des­lik hök­mün­de mäh­ri­ban ene­le­re, we­pa­ly ýan­ýol­daş­la­ra, söý­gü­li uýa­la­ry­my­za uly sar­pa go­ýup­dyrlar we bu aja­ýyp dä­bi öz ne­sil­le­ri­ne ge­çi­rip­dirler.

Bu gün Türk­me­nis­tan­da ze­nan­la­ryň er­kin we bag­ty­ýar dur­muş­da ýa­şa­ma­gy, ne­ti­je­li zäh­met çek­me­gi, hem­me­ta­rap­la­ýyn bi­lim­li bol­ma­gy, gö­wün is­län hü­nä­ri bi­len meş­gul­lan­ma­gy hem-de ha­ky­ky wa­tan­çy­la­ryň nes­li­ni ter­bi­ýe­le­me­gi üçin äh­li şert­ler dö­re­dil­di. Döw­let Baş­tu­ta­ny­myz ze­nan­la­ry­my­zyň tu­tan­ýer­li zäh­met çe­kip, ýur­du­myz­da ýaý­baň­lan­dy­ry­lan giň ge­rim­li öz­gert­me­le­re sal­dam­ly go­şant goş­ýan­dyk­la­ry­ny bel­le­di.

Şu­nuň bi­len bag­ly­lyk­da, hor­mat­ly Pre­zi­den­ti­miz Gurbanguly Berdimuhamedow döw­le­ti­mi­ziň ýur­du­myz­da uly hor­mat-sar­pa­dan peý­da­lan­ýan ze­nan­lar ba­ra­da he­mi­şe ala­da et­jek­di­gi­ni, ola­ryň bagt­ly bol­ma­gy üçin äh­li şert­le­ri dö­ret­jek­di­gi­ni, zäh­me­ti­ni we hu­kuk­la­ry­ny hem­me­ta­rap­la­ýyn go­ra­jak­dy­gy­ny nyg­ta­dy.

Mil­li Li­de­ri­miz baý­ram­çy­lyk çä­re­le­ri­niň äh­li­si­ni ýo­ka­ry gu­ra­ma­çy­lyk de­re­je­sin­de ge­çir­me­giň, ola­ra ýaş­la­ryň gat­naş­ma­gy­ny üp­jün et­mek me­se­le­si­ne aý­ra­tyn üns ber­me­giň wa­jyp­dy­gy­ny aý­dyp, wi­se-prem­ýe­re bu ba­bat­da bir­nä­çe anyk tab­şy­ryk­la­ry ber­di.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry S.Toý­ly­ýew 2025-nji ýy­la çen­li Türk­me­nis­ta­ny tem­mä­ki­den azat ýur­da öwür­mek bo­ýun­ça gö­rül­ýän çä­re­ler ba­ra­da ha­sa­bat be­rdi.

Jem­gy­ýe­ti­miz­de sag­dyn dur­muş ýö­rel­ge­le­ri­niň ber­ka­rar edil­me­gi­niň, ra­ýat­la­ra edil­ýän luk­man­çy­lyk hyz­mat­la­ry­nyň dün­ýä de­re­je­si­ne ýe­ti­ril­me­gi­niň, ýaş ne­sil­le­riň mil­li ruh­da ter­bi­ýe­le­nme­gi­niň, sag­ly­ga zy­ýan ýe­tir­ýän ýa­ra­maz en­dik­le­re gar­şy gö­re­şil­me­gi­niň, türk­me­nis­tan­ly­la­ryň be­den we ru­hy taý­dan sagdyn­ly­gy­nyň ga­za­nyl­ma­gy­nyň döw­let sy­ýa­sa­ty­nyň ile­ri tu­tul­ýan ugur­la­ry bo­lup dur­ýan­dy­gy nyg­tal­dy.

«Ra­ýat­la­ryň sag­ly­gy­nyň tem­mä­ki tüs­se­si­niň tä­si­rin­den we tem­mä­ki önüm­le­ri­ni ulan­ma­gyň ne­ti­je­le­rin­den go­ral­ma­gy ha­kyn­da­ky» Ka­nu­nyň ka­bul edil­me­gi­niň hem-de tem­mä­kä gar­şy gö­reş­mek bo­ýun­ça kö­pu­gur­ly mak­sat­na­ma­nyň dur­mu­şa ge­çi­ril­me­gi­niň ne­ti­je­sin­de hä­zir Türk­me­nis­tan BSGG-niň Ýew­ro­pa se­bi­tin­de şu ugur bo­ýun­ça öň­de­ba­ry­jy orun­la­ry eýe­le­ýär.

Adam­la­ryň ömür do­wam­ly­ly­gy­ny art­dyr­mak we sag­dyn dur­muş ýö­rel­ge­le­ri­ni wa­gyz et­mek mak­sa­dy bi­len, Türk­me­nis­ta­nyň Sag­ly­gy go­ra­ýyş we der­man se­na­ga­ty mi­nistr­li­gi de­giş­li mi­nistr­lik­ler hem-de pu­dak­la­ýyn do­lan­dy­ryş eda­ra­la­ry we hal­ka­ra gu­ra­ma­la­r bi­len bi­le­lik­de Türk­me­nis­ta­ny tem­mä­ki­den azat ýur­da öwür­mek bo­ýun­ça 2022 — 2025-nji ýyl­lar üçin Mil­li mak­sat­na­ma­sy­ny we ony ama­la aşyr­mak bo­ýun­ça ýe­ri­ne ýe­ti­ril­me­li çä­re­le­riň Me­ýil­na­ma­sy­ny iş­läp taý­ýar­la­dy.

Bu mak­sat­na­ma tem­mä­ki­den azat ýurt hu­kuk de­re­je­si­ni kes­git­le­mek bo­ýun­ça mil­li stan­dar­ty dö­ret­mä­ge, bu ba­bat­da sy­ýa­sa­tyň al­nyp bar­ly­şy­na we ka­nun­la­ryň ýe­ri­ne ýe­ti­ri­li­şi­ne aý­ra­tyn üns ber­mek bi­len tem­mä­kä gar­şy gö­reş­mek ul­ga­my­ny ber­kit­mä­ge, ila­tyň ara­syn­da tem­mä­ki önüm­le­ri­ne bo­lan is­le­gi azalt­ma­ga hem-de tem­mä­ki­ni ulan­ma­gyň ýa­ra­maz tä­sir­le­ri ba­ra­da ila­tyň ha­bar­dar­lyk de­re­je­si­ni ýo­kar­lan­dyr­ma­ga gö­nük­di­ri­len­dir. Şeý­le hem tem­mä­ki­niň ula­nyl­ma­gy­ny bes et­dir­mä­ge we ni­ko­ti­ne bag­ly­ly­gy be­jer­mä­ge gö­nük­di­ri­len luk­man­çy­lyk hyz­mat­la­ry­nyň el­ýe­ter­li­li­gi­ni ýo­kar­lan­dyr­mak hem-de mil­li we hal­ka­ra de­re­je­de tem­mä­kä gar­şy gö­reş­me­giň ta­rap­dar­la­ry bi­len hyz­mat­daş­ly­gy ber­kit­mek il­kin­ji no­bat­da­ky we­zi­pe­le­riň ha­ta­ry­na gi­ri­zil­di.

Wi­se-prem­ýer Türk­me­nis­ta­ny tem­mä­ki­den azat ýur­da öwür­mek bo­ýun­ça 2022 — 2025-nji ýyl­lar üçin Mil­li mak­sat­na­ma­sy­nyň we ony ama­la aşyr­mak bo­ýun­ça ýe­ri­ne ýe­ti­ril­me­li çä­re­le­riň Me­ýil­na­ma­sy­nyň tas­la­ma­la­ry­ny hor­mat­ly Pre­zi­den­ti­miz Gurbanguly Berdimuhamedowyň ga­ra­ma­gy­na hö­dür­läp, me­ýil­leş­di­ri­len işiň sag­dyn dur­muş ýö­rel­ge­le­ri­ne eýer­ýän adam­la­ryň sa­ny­ny kö­pelt­mä­ge, zy­ýan­ly en­dik­ler se­bäp­li dö­re­ýän ke­sel­le­riň de­re­je­si­ni azalt­ma­ga, adam­la­ryň öm­rü­niň or­ta­ça do­wam­ly­ly­gy­ny art­dyr­ma­ga gö­nük­di­ri­len­di­gi­ni bel­le­di.

Mil­li Li­de­ri­miz ha­sa­ba­ty diň­läp, de­giş­li Ka­ra­ry taý­ýar­la­mak ba­ra­da hö­dür­le­ni­len tek­li­bi ma­kul­la­dy hem-de ilat ara­syn­da sag­dyn dur­muş ýö­rel­ge­le­ri­ni wa­gyz et­mek we giň­den or­naş­dyr­mak, sag­ly­ga zy­ýan­ly, hu­su­san-da, tem­mä­ki ulan­mak en­dik­le­ri­ne gar­şy gö­reş­mek bo­ýun­ça iş­le­ri he­mi­şe alyp bar­ma­gyň wa­jyp­dy­gy­na ün­si çek­di. Öň­de goý­lan baş mak­sa­dyň ra­ýat­la­ry­my­zyň aba­dan­çy­ly­gy­ny pug­ta­lan­dyr­jak­dy­gy bel­le­nil­di.

Ýa­ra­maz en­dik­ler­den ýüz öwür­mek, ga­dym­dan bä­ri be­den we ru­hy taý­dan sag­dyn­ly­ga aý­ra­tyn äh­mi­ýet be­ren ata-ba­ba­la­ry­my­zyň şöh­rat­ly däp­le­ri­ni do­wam et­mek, hä­zir­ki türk­men jem­gy­ýe­tin­de sag­dyn dur­muş ýö­rel­ge­le­ri­niň esa­sy ugur­la­ry­ny ber­ka­rar et­mek köp­çü­lik­le­ýin be­den­ter­bi­ýe-sa­gal­dyş he­re­ke­ti­ni we spor­ty ös­dür­mek bo­ýun­ça ýur­du­myz­da al­nyp ba­ryl­ýan giň ge­rim­li iş­le­riň aý­ryl­maz bö­le­gi­dir.

Hä­zir Türk­me­nis­tan tem­mä­kä gar­şy äh­lu­mu­my he­re­ke­tiň en­çe­me ugur­la­ry bo­ýun­ça öň­de­ba­ry­jy hök­mün­de çy­kyş ed­ýär hem-de dün­ýä­de tem­mä­ki­den azat çäk­le­ri gi­ňelt­mek bo­ýun­ça iş­le­re my­na­syp go­şan­dy­ny goş­ma­ga çal­şyp, tem­mä­ki­niň ula­nyl­ma­gy­na gar­şy iş­le­ri iş­jeň alyp bar­ýar.

Şu­nuň bi­len bag­ly­lyk­da, ila­tyň tem­mä­ki önüm­le­riniň ula­nyl­ma­gy­nyň ýa­ra­maz tä­sir­le­ri­ne de­giş­li ha­bar­dar­ly­gy­nyň ýo­kar­lan­dy­ryl­ma­gy­na, hä­zir­ki we gel­jek­ki ne­sil­le­riň öm­rü­ni we sag­ly­gy­ny go­ra­ma­ga, tem­mä­ki­niň ula­nyl­ma­gyn­dan ýü­ze çyk­ýan ke­sel­le­riň öňü­ni al­ma­ga aý­ra­tyn üns ber­ler.

Bu mö­hüm ugur­da gö­rül­ýän äh­li çä­re­ler döw­le­ti­mi­ziň hem-de jem­gy­ýe­ti­mi­ziň iň gym­mat­ly baý­ly­gy hök­mün­de yg­lan edi­len ada­myň sag­ly­gy­ny go­ra­ma­ga we ber­kit­mä­ge gö­nük­di­ri­len­dir di­ýip, hor­mat­ly Pre­zi­den­ti­miz Gurbanguly Berdimuhamedow aýt­dy hem-de wi­se-prem­ýe­re de­giş­li tab­şy­ryk­la­ry ber­di.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, Döw­let howp­suz­lyk ge­ňe­şi­niň sek­re­ta­ry Ç.Ama­now döw­le­ti­mi­ziň alyp bar­ýan giň ge­rim­li har­by öz­gert­me­ler sy­ýa­sa­ty­nyň esa­syn­da gö­zeg­çi­lik ed­ýän eda­ra­la­ryn­da dur­mu­şa ge­çi­ril­ýän çä­re­ler ba­ra­da ha­sa­bat ber­di.

Mil­li go­şu­nyň kuw­wa­ty­ny art­dyr­mak, har­by we hu­kuk go­raý­jy eda­ra­la­ryň mad­dy-en­jam­la­ýyn bin­ýa­dy­ny döw­re­bap­laş­dyr­mak me­se­le­le­ri­ne uly üns be­ril­ýär. Öň­de goý­lan jo­gap­kär­li we­zi­pe­le­ri ta­la­ba­la­ýyk ýe­ri­ne ýe­tir­mek mak­sa­dy bi­len, har­by we hu­kuk go­raý­jy eda­ra­la­ryň gün­de­lik işin­de iň tä­ze teh­no­lo­gi­ýa­lar we san­ly ul­gam­lar ne­ti­je­li ula­nyl­ýar.

Döw­let Baş­tu­ta­ny­myz Gurbanguly Berdimuhamedow ha­sa­ba­ty diň­läp, Türk­me­nis­ta­nyň oňyn Bi­ta­rap­ly­gy, pa­ra­hat­çy­lyk sö­ýü­ji­li­gi, hoş­ni­ýet­li goň­şu­çy­ly­gy hem-de ne­ti­je­li hal­ka­ra hyz­mat­daş­ly­gy döw­let sy­ýa­sa­ty­nyň esa­sy ýö­rel­ge­le­ri hök­mün­de yg­lan edip, di­ňe go­ra­nyş hä­si­ýe­ti­ne eýe bo­lan, ýur­du­my­zyň howp­suz­ly­gy­ny, mäh­ri­ban hal­ky­my­zyň pa­ra­hat we aba­dan dur­mu­şy­nyň ke­pi­li bo­lan Mil­li go­şu­nyň ýo­ka­ry go­ra­nyş uky­by­ny üp­jün et­mä­ge gö­nük­di­ri­len Har­by dokt­ri­na­ny ama­la aşyr­ýar.

Hor­mat­ly Pre­zi­den­ti­miz har­by we hu­kuk go­raý­jy eda­ra­lar ta­ra­pyn­dan bel­le­nen me­ýil­na­ma­la­ryň äh­li­si­niň, hu­su­san-da, Ýa­rag­ly Güýç­le­riň mad­dy-en­jam­la­ýyn bin­ýa­dy­ny pug­ta­lan­dyr­mak, ola­ry döw­re­bap ýö­ri­te teh­ni­ka­lar bi­len üp­jün et­mek bo­ýun­ça we­zi­pe­le­riň üs­tün­lik­li ýe­ri­ne ýe­ti­ril­me­gi­niň öň­de­ba­ry­jy teh­no­lo­gi­ýa­la­ry do­lan­dyr­mak ba­şar­ny­gy­ny ta­lap ed­ýän­di­gi­ni nyg­ta­dy. Döw­let Baş­tu­ta­ny­myz har­by gul­luk­çy­la­ryň ýa­şa­ýyş-dur­muş me­se­le­le­ri­niň çö­zül­me­gi­ni he­mi­şe gö­zeg­çi­lik­de sak­la­ma­gyň wa­jyp­dy­gy­ny aý­dyp, wi­se-prem­ýe­re, Döw­let howp­suz­lyk ge­ňe­şi­niň sek­re­ta­ry­na anyk tab­şy­ryk­la­ry ber­di.

Mi­nistr­ler Ka­bi­ne­ti­niň ýa­nyn­da­ky Ulag we kom­mu­ni­ka­si­ýa­lar agent­li­gi­niň Baş di­rek­to­ry M.Ça­ky­ýew «Mil­li elekt­ron kom­mu­ni­ka­si­ýa ul­gam­la­ry­nyň we ola­ry iş­läp taý­ýar­laý­jy­la­ryň me­se­le­le­ri ha­kyn­da­ky» Ka­ra­ryň tas­la­ma­sy ba­ra­da ha­sa­bat ber­di.

“Mag­lu­mat we ony go­ra­mak ha­kyn­da” Türk­me­nis­ta­nyň Ka­nu­ny­na la­ýyk­lyk­da Mil­li elekt­ron kom­mu­ni­ka­si­ýa ul­gam­la­ry­nyň Döw­let sa­na­wy ha­kyn­da hem-de Mil­li elekt­ron kom­mu­ni­ka­si­ýa ul­gam­la­ry­ny iş­läp taý­ýar­laý­jy­la­ryň Döw­let sa­na­wy ha­kyn­da Düz­gün­na­ma­la­ryň tas­la­ma­la­ry iş­le­nip taý­ýar­la­nyl­dy. Olar Mi­nistr­ler Ka­bi­ne­ti ta­ra­pyn­dan tas­syk­la­nyl­ýar. Şeý­le hem bu döw­let sa­naw­lary bo­ýun­ça pu­da­ga­ra to­pa­r we onuň dü­zü­mi ba­ra­da­ky Düz­gün­na­ma­nyň tas­la­ma­sy taý­ýar­la­nyl­dy.

Bu tas­la­ma­lar ýur­du­myz­da Mil­li elekt­ron kom­mu­ni­ka­si­ýa ul­gam­la­ry­nyň sa­ny­ny art­dyr­ma­ga, ola­ry gi­ňelt­mä­ge we ös­dür­mä­ge, san­ly yk­dy­sa­dy­ýe­ti ös­dür­me­giň 2021 — 2025-nji ýyl­lar üçin Döw­let mak­sat­na­ma­syn­dan ge­lip çyk­ýan we­zi­pe­le­ri çöz­mä­ge gö­nük­di­ri­len­dir.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, san­ly ul­ga­ma geç­me­giň türk­men yk­dy­sa­dy­ýe­ti­niň top­lum­la­ýyn we­zi­pe­le­ri­ni çöz­mek üçin ile­ri tu­tul­ýan ugur­la­ry­nyň bi­ri hök­mün­de kes­git­le­nen­di­gi­ni nyg­ta­dy. “Türk­me­nis­tan­da 2019 — 2025-nji ýyl­lar­da san­ly yk­dy­sa­dy­ýe­ti ös­dür­me­giň Kon­sep­si­ýa­sy” mag­lu­mat teh­no­lo­gi­ýa­la­ry­ny giň­den ulan­ma­gyň ha­sa­by­na ýur­du­my­zyň dür­li pu­dak­la­ry­nyň we dur­muş ul­ga­my­nyň işi­niň ne­ti­je­li­li­gi­ni ýo­kar­lan­dyr­ma­ga gö­nük­di­ri­len­dir.

Döw­let Baş­tu­ta­ny­myz “Türk­me­na­ra­gat­na­şyk” agent­li­gi ta­ra­pyn­dan in­tel­lek­tual ul­gam­la­ryň işi­ni üp­jün et­mek, şol san­da mil­li ara­gat­na­şyk gi­ňiş­li­gi­ni, in­ter­net hyz­mat­la­ry­nyň ul­ga­my­ny ka­da­laş­dyr­mak we gi­ňelt­mek bo­ýun­ça ka­nun­çy­lyk gol­da­wy­nyň çä­re­le­ri­ni iş­läp taý­ýar­la­mak ba­bat­da ama­la aşyr­ýan iş­le­ri­niň äh­mi­ýe­ti­ni bel­le­di.

Mil­li Li­de­ri­miz bu ugur­da­ky işi mun­dan beý­läk-de kä­mil­leş­dir­mek hem-de iri tas­la­ma­la­ry yzy­gi­der­li dur­mu­şa ge­çir­mek me­se­le­le­ri­ne aý­ra­tyn üns ber­me­giň ze­rur­dy­gy­ny nyg­tap, agent­li­giň ýol­baş­çy­sy­na göz öňün­de tu­tu­lan me­ýil­na­ma­la­ry dur­mu­şa ge­çir­mek üçin äh­li ta­gal­la­la­ry et­me­gi tab­şyr­dy.

Soň­ra Mi­nistr­ler Ka­bi­ne­ti­niň ýa­nyn­da­ky Ulag we kom­mu­ni­ka­si­ýa­lar agent­li­gi­niň Baş di­rek­to­ry ýu­ri­dik we fi­zi­ki şahs­la­ra kos­mos ap­pa­rat­la­ry­nyň trans­pon­der­le­ri­ni ber­me­giň Ter­ti­bi­ni tas­syk­la­mak bo­ýun­ça ýe­ri­ne ýe­ti­ri­len iş­ler ba­ra­da ha­sa­bat ber­di.

2015-nji ýy­lyň 28-nji ap­re­lin­de “Türk­me­nÄ­lem 52oE” mil­li ara­gat­na­şyk eme­li hem­ra­sy­nyň uçu­ryl­ma­gy bi­len, ara­gat­na­şyk hyz­mat­la­ry­nyň dür­li gör­nüş­le­ri­ni hö­dür­le­mä­ge müm­kin­çi­li­giň dö­rän­di­gi bel­le­nil­di.

Kos­mos işi bi­len bag­ly hu­kuk, gu­ra­ma­çy­lyk we yk­dy­sa­dy gat­na­şyk­la­ry düz­gün­leş­dir­mek mak­sa­dy bi­len, “Kos­mos işi ha­kyn­da” Türk­me­nis­ta­nyň Ka­nu­ny­na la­ýyk­lyk­da, Mi­nistr­ler Ka­bi­ne­ti­niň ýa­nyn­da­ky Ulag we kom­mu­ni­ka­si­ýa­lar agent­li­gi ta­ra­pyn­dan bel­lik­ler we tek­lip­ler na­za­ra al­nyp, ag­za­lan res­mi­na­ma­nyň tas­la­ma­sy taý­ýar­la­nyl­dy.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, ýo­ka­ry teh­no­lo­gi­ýa­la­ra we ösü­şiň gel­je­gi uly ul­gam­la­ry­na, şol san­da kos­mos ara­gat­na­şy­gy­na da­ýan­mak bi­len, yk­dy­sa­dy­ýe­ti we se­na­ga­ty di­wer­si­fi­ka­si­ýa ýo­ly bi­len ös­dür­me­giň hä­zir­ki wagt­da Türk­me­nis­ta­nyň esa­sy we­zi­pe­le­ri­niň bi­ri­di­gi­ni nyg­ta­dy.

Mil­li Li­de­ri­miz mag­lu­mat­la­ry ber­mek üçin iň tä­ze teh­no­lo­gi­ýa­la­ry, giň zo­lak­ly ara­gat­na­şyk we mul­ti­me­di­ýa hyz­mat­la­ry­ny or­naş­dyr­ma­gyň, ýur­du­my­zyň üs­ta­şyr te­le­kom­mu­ni­ka­si­ýa müm­kin­çi­lik­le­ri­ni ýo­kar­lan­dyr­ma­gyň wa­jyp­dy­gy­ny bel­läp, “Ýu­ri­dik we fi­zi­ki şahs­la­ra kos­mos ap­pa­rat­la­ry­nyň trans­pon­der­le­ri­ni ber­me­giň Ter­ti­bi­ni tas­syk­la­mak ha­kyn­da­ky” Ka­ra­ra gol çek­di we agent­li­giň ýol­baş­çy­sy­na ony ýe­ri­ne ýe­tir­mek bo­ýun­ça anyk çä­re­le­ri gör­me­gi tab­şyr­dy.

Soň­ra agent­li­giň Baş di­rek­to­ry «Türk­men­de­mir­ýol­la­ry» agent­li­gi­ne kon­teý­ner­le­ri Türk­me­nis­ta­nyň çä­gin­de de­mir ýol ulag­la­ry bi­len da­şa­ma­gyň de­giş­li ba­ha­la­ry­ny ulan­mak bi­len bag­ly res­mi­na­ma­nyň tas­la­ma­sy ba­ra­da ha­sa­bat ber­di.

De­mir ýol­lar ar­ka­ly da­şal­ýan üs­ta­şyr ýük­le­riň möç­be­ri­ni art­dyr­mak mak­sa­dy bi­len, Hy­taý — Ga­za­gys­tan — Türk­me­nis­tan — Eý­ran ug­ry bo­ýun­ça kon­teý­ner gat­naw­la­ry üçin bäs­deş­li­ge ukyp­ly nyrh­la­ryň kes­git­le­ni­lip, de­giş­li lo­gis­ti­ka şert­le­ri­niň dö­re­dil­ýän­di­gi bel­le­nil­di.

Şu­nuň bi­len bag­ly­lyk­da, mil­li Li­de­ri­mi­ziň ga­ra­ma­gy­na kon­teý­ner­le­ri da­şa­mak üçin ýe­ňil­lik­li nyrh­la­ryň ula­nyl­ma­gy­ny ka­da­laş­dyr­ýan de­giş­li res­mi­na­ma­nyň tas­la­ma­sy hö­dür­le­nil­di.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, çäk taý­dan örän amat­ly ýer­leş­ýän Türk­me­nis­ta­nyň se­bit we yk­lym äh­mi­ýet­li mö­hüm üs­ta­şyr ulag hem-de lo­gis­ti­ka mer­ke­zi hök­mün­de özü­niň or­nu­ny pug­ta­lan­dyr­ýan­dy­gy­ny, ägirt uly müm­kin­çi­lik­le­ri­ni äh­lu­mu­my aba­dan­çy­ly­gyň bäh­bi­di­ne ulan­ma­ga ça­lyş­ýan­dy­gy­ny nyg­ta­dy.

Döw­let Baş­tu­ta­ny­myz bu­lar ba­ra­da aýt­mak bi­len, Hy­taý — Ga­za­gys­tan — Türk­me­nis­tan — Eý­ran po­lat ýo­lu­nyň uly hal­ka­ra äh­mi­ýe­ti­ni bel­le­di. Bu ýol yk­ly­ma­ra ulag dü­zü­mi­niň mö­hüm bö­le­gi, se­bit­de we tu­tuş Ýew­ra­zi­ýa gi­ňiş­li­gin­de ha­ky­ky dost­luk hem-de öza­ra bäh­bit­li söw­da-yk­dy­sa­dy hyz­mat­daş­lyk köp­rü­si bo­lup dur­ýar.

Mil­li Li­de­ri­miz de­giş­li Buý­ru­ga gol çe­kip, bu ba­bat­da agent­li­giň Baş di­rek­to­ry­na anyk gör­kez­me­le­ri ber­di we da­şa­ry ýurt­ly hyz­mat­daş­lar bi­len tej­ri­be hem-de peý­da­ly in­no­wa­sion iş­läp taý­ýar­la­ma­la­ry alyş­ma­gyň mö­hüm­di­gi­ni nyg­ta­dy we bu ugur­da­ky me­se­le­le­riň äh­li­si­ni berk gö­zeg­çi­lik­de sak­la­ma­gy tab­şyr­dy.

Soň­ra Türk­me­nis­ta­nyň Mil­li Ge­ňe­şi­niň Mej­li­si­niň Baş­ly­gy G.Mäm­me­do­wa mil­li ka­nun­çy­ly­gy mun­dan beý­läk-de kä­mil­leş­dir­mek bo­ýun­ça al­nyp ba­ryl­ýan iş­ler ba­ra­da mag­lu­mat ber­di.

Mil­li Ge­ňe­şiň Halk Mas­la­ha­ty­nyň mej­li­sin­de de­pu­tat­la­ryň öňün­de goý­lan we­zi­pe­le­ri dur­mu­şa ge­çir­mek hem-de şu ýyl mö­hüm sy­ýa­sy wa­ka­ny gu­ra­ma­çy­lyk­ly ama­la aşyr­mak mak­sa­dy bi­len, de­giş­li iş­ler al­nyp ba­ryl­ýar. Döw­let mak­sat­na­ma­la­ry­nyň hu­kuk üp­jün­çi­li­gi, mil­li ka­nun­çy­lyk ul­ga­my­ny kä­mil­leş­dir­mek bo­ýun­ça iş­ler yzy­gi­der­li ama­la aşy­ryl­ýar.

Mi­nistr­lik­ler­den hem-de pu­dak­la­ýyn do­lan­dy­ryş eda­ra­la­ryn­dan ge­lip gow­şan tek­lip­le­riň esa­syn­da hu­kuk ter­ti­bi­ni ber­kit­mek, ra­ýat­la­ryň hu­kuk­la­ry­ny hem-de azat­lyk­la­ry­ny go­ra­mak, se­na­gat, ara­gat­na­şyk ul­gam­la­ry­nyň işi, mil­li gym­mat­lyk­la­ry­my­zy go­rap sak­la­mak, mig­ra­si­ýa me­se­le­le­ri­ni kä­mil­leş­dir­mek bi­len bag­la­ny­şyk­ly ka­nun­la­ryň tas­lama­la­ry­ny taý­ýar­la­mak hem-de he­re­ket ed­ýän ka­nun­la­ra döw­rüň ta­la­by­na la­ýyk­lyk­da üýt­get­me­le­ri we goş­ma­ça­la­ry gi­riz­mek bi­len bag­ly iş­ler do­wam ed­ýär.

“Hal­kyň Ar­ka­dag­ly za­ma­na­sy” ýy­lyn­da ýur­du­myz­da Hal­ka­ra ze­nan­lar gü­nü­ni my­na­syp gar­şy­la­ma­ga taý­ýar­lyk gö­rül­ýär.

Mej­li­siň de­pu­tat­la­ry ýur­du­my­zyň sy­ýa­sy par­ti­ýa­la­ry we jem­gy­ýet­çi­lik bir­le­şik­le­ri bi­len bi­le­lik­de, “Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022 — 2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy­ny” ara alyp mas­la­hat­laş­ma­ga gat­naş­dy­lar, şo­nuň ýa­ly-da, dü­şün­di­riş-wa­gyz hä­si­ýet­li çä­re­le­ri ge­çir­ýär­ler.

Hor­mat­ly Pre­zi­den­ti­miz Gurbanguly Berdimuhamedow mag­lu­ma­ty diň­läp, Mej­li­siň de­pu­tat­la­ry­nyň Mil­li Ge­ňe­şiň Halk Mas­la­ha­ty­nyň mej­li­sin­de ka­bul edi­len “Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022 — 2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy­nyň” we beý­le­ki mö­hüm çöz­güt­le­riň maz­mu­ny­ny we äh­mi­ýe­ti­ni giň köp­çü­li­ge dü­şün­dir­mek bo­ýun­ça iş­le­riň iş­jeň­leş­di­ril­melidi­gini bel­le­di.

Şu­nuň bi­len bag­ly­lyk­da, mil­li Li­de­ri­miz ýur­du­my­zyň par­la­men­ti­niň ýaş­lar sy­ýa­sa­ty­ny dur­mu­şa ge­çir­mek bo­ýun­ça alyp bar­ýan iş­le­ri­niň mö­hüm­di­gi­ni nyg­tap, ösüp gel­ýän ýaş nes­liň ru­hy-ah­lak ter­bi­ýe­si­niň me­se­le­le­ri­ne aý­ra­tyn ün­si çek­di.

Soň­ra Mil­li Ge­ňe­şiň Halk Mas­la­ha­ty­nyň Baş­ly­gy­nyň orun­ba­sa­ry K.Ba­ba­ýew ýur­du­my­zyň hu­kuk bin­ýa­dy­ny kä­mil­leş­dir­mek bo­ýun­ça ge­çi­ril­ýän top­lum­la­ýyn iş­ler ba­ra­da mag­lu­mat ber­di.

Mil­li Ge­ňe­şiň Halk Mas­la­ha­ty­nyň 11-nji few­ral­da ge­çi­ri­len mej­li­si­niň ta­ry­hy äh­mi­ýe­ti, onuň ýur­du­my­zyň jem­gy­ýet­çi­lik-sy­ýa­sy dur­mu­şyn­da eýe­le­ýän wa­jyp or­ny bel­le­nil­di. Şu­nuň bi­len bag­ly­lyk­da, ka­bul edi­len çöz­güt­le­riň döw­le­ti­mi­zi mun­dan beý­läk-de de­mok­ra­ti­ýa­laş­dyr­ma­ga, onuň ösüş ýo­ly bi­len öňe iler­le­me­gi­ne ýar­dam ber­jek­di­gi nyg­tal­dy.

Umu­my­mil­li fo­rum­da ga­ra­lan me­se­le­ler, döw­let Baş­tu­ta­ny­my­zyň öňe sü­ren tek­lip­le­ri giň jem­gy­ýet­çi­li­giň gat­naş­ma­gyn­da ýer­ler­de ara al­nyp mas­la­hat­la­şyl­dy we sel­je­ril­di. Halk Mas­la­ha­ty bu iş­le­ri ge­çir­mek­de gu­ra­ma­çy­lyk-usu­ly­ýet hem-de ut­gaş­dy­ryş kö­me­gi­ni ber­di.

Halk Mas­la­ha­ty­nyň ag­za­la­ry mej­lis­de ka­bul edi­len Mil­li mak­sat­na­ma­ny, onuň ta­ry­hy çöz­güt­le­ri­ni giň­den wa­gyz et­mek mak­sa­dy bi­len, pu­dak­la­ýyn dü­züm­ler­de, jem­gy­ýet­çi­lik gu­ra­ma­la­ryn­da, kär­ha­na­lar­da du­şu­şyk­la­ry we mas­la­hat­la­ry ge­çir­ýär­ler, köp­çü­lik­le­ýin ha­bar be­riş se­riş­de­le­rin­de çy­kyş ed­ýär­ler.

Hor­mat­ly Pre­zi­den­ti­miz Gurbanguly Berdimuhamedow de­mok­ra­tik ýö­rel­ge­le­ri pug­ta­lan­dyr­mak hem-de hal­ka­ra de­re­je­de öňe sü­rül­ýän baş­lan­gyç­la­ry iler­let­mek işin­de par­la­men­ta­ri­le­riň go­şan­dy­nyň mö­hüm­di­gi­ni bel­le­di. Şun­da döw­let Baş­tu­ta­ny­myz ýur­du­my­zy hem­me­ta­rap­la­ýyn üs­tün­lik­li ös­dür­mä­ge, hal­ky­my­zyň hal-ýag­da­ýy­ny ýo­kar­lan­dyr­ma­ga gö­nük­di­ri­len il­kin­ji no­bat­da­ky we­zi­pe­le­ri çöz­mek mak­sa­dy bi­len, ýe­ri­ne ýe­ti­ri­ji hä­ki­mi­ýe­tiň ýer­li eda­ra­la­ry, jem­gy­ýet­çi­lik bir­le­şik­le­ri, ilat bi­len he­mi­şe ara­gat­na­şyk sak­la­ma­gyň ze­rur­dy­gy­ny nyg­ta­dy.

Mil­li Li­de­ri­miz ka­nun çy­ka­ry­jy­lyk ba­bat­da tej­ri­be­le­riň al­şyl­ma­gy­na, hal­ka­ra jem­gy­ýet­çi­li­gi­ Türk­me­nis­ta­nyň ta­ry­hy tej­ri­be­si hem-de döw­le­ti de­mok­ra­tik hu­kuk taý­dan ös­dür­mek ýo­lun­da ga­za­nan üs­tün­lik­le­ri bi­len ta­nyş­dyr­ma­ga ýar­dam ed­ýän hal­ka­ra hyz­mat­daş­ly­gy­ we par­la­men­ta­ra gat­na­şyk­la­ry­ has-da gi­ňelt­me­giň ze­rur­dy­gy­ny aýt­dy.

Soň­ra Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, da­şa­ry iş­ler mi­nist­ri R.Me­re­dow Türk­me­nis­ta­nyň da­şa­ry sy­ýa­sat ug­ru­nyň tä­ze Kon­sep­si­ýa­sy­nyň iş­le­nip taý­ýar­la­nyl­ma­gy ba­ra­da­ky me­se­le bo­ýun­ça ha­sa­bat ber­di.

Wi­se-prem­ýer, DIM-niň ýol­baş­çy­sy ha­sa­ba­ty­nyň ba­şyn­da hor­mat­ly Pre­zi­den­ti­miz Gurbanguly Berdimuhamedowyň baş­lan­gy­jy bi­len 2009-njy ýyl­da Türk­me­nis­ta­nyň dip­lo­ma­tik iş­gär­le­ri­niň gü­nü­niň dö­re­di­lip, her ýy­lyň 18-nji few­ra­lyn­da bel­le­nil­ýän­di­gi­ni nyg­ta­mak bi­len, ýurdumyzyň dip­lo­ma­tik gul­lu­gy­nyň äh­li iş­gär­le­ri­niň adyn­dan döw­let Baş­tu­ta­ny­my­zy bu baý­ram­çy­lyk bi­len gut­la­dy hem-de iň oňat ar­zuw­la­ry­ny aýt­dy.

Mil­li Li­de­ri­mi­ziň köp­ýyl­lyk mak­sa­da gö­nük­di­ri­len ta­gal­la­la­ry ne­ti­je­sin­de, dip­lo­ma­tik gul­lu­gyň işi hil taý­dan tä­ze hä­si­ýe­te eýe bol­dy. Hor­mat­ly Pre­zi­den­ti­miz Gurbanguly Berdimuhamedowyň Per­man­la­ry­na we Ka­rar­la­ry­na la­ýyk­lyk­da, bi­ziň ýur­du­my­zyň beý­le­ki döw­let­ler­de bir­nä­çe dip­lo­ma­tik we­kil­ha­na­la­ry we kon­sul­lyk eda­ra­la­ry açyl­dy. Hä­zir­ki wagt­da da­şa­ry ýurt­lar­da Türk­me­nis­ta­nyň 40 sa­ny dip­lo­ma­tik we­kil­ha­na­la­ry we kon­sul­lyk eda­ra­la­ry iş­le­ýär. Şeý­le hem ýur­du­my­zyň il­çi­le­ri 15 sa­ny hal­ka­ra gu­ra­ma­­da Wa­ta­ny­my­za we­kil­çi­lik ed­ýär­ler.

Döw­let Baş­tu­ta­ny­my­zyň ýolbaşçy­ly­gyn­da we gö­nü­den-gö­ni gol­da­ma­gyn­da dip­lo­ma­tik iş­gär­le­ri taý­ýar­la­mak üçin güýç­li we ne­ti­je­li ul­gam dö­re­dil­di. 2008-nji ýy­lyň mar­tyn­da DIM-niň Hal­ka­ra gat­na­şyk­la­ry ins­ti­tu­ty dö­re­dil­di, şo­nuň bin­ýa­dyn­da 4 sa­ny ýö­ri­te­leş­di­ri­len mer­kez açyl­dy. Ýo­ka­ry okuw mek­de­biniň dü­zü­min­de Ýaş dip­lo­mat­la­ryň mek­de­bi hem he­re­ket ed­ýär.

Şu­nuň bi­len bag­ly­lyk­da, wi­se-prem­ýer, da­şa­ry iş­ler mi­nist­ri dip­lo­ma­tik gul­lu­gy­ň äh­li iş­gär­le­ri­niň adyn­dan hem­me­ta­rap­la­ýyn gol­daw­la­ry, ugur­daş dü­züm­le­riň döw­re­bap­laş­dy­ryl­ýan­dy­gy üçin hor­mat­ly Pre­zi­den­ti­mi­ze tüýs ýü­rek­den ho­şal­lyk bil­dir­di.

Hä­zir­ki wagt­da DIM, ýur­du­my­zyň da­şa­ry ýurt­lar­da­ky il­çi­ha­na­la­ry we kon­sul­lyk eda­ra­la­ry Bi­ta­rap Türk­me­nis­ta­nyň da­şa­ry sy­ýa­sat ug­ru­nyň 2017 — 2023-nji ýyl­lar üçin Kon­sep­si­ýa­sy­na la­ýyk­lyk­da öz işi­ni alyp bar­ýar­lar. «Hal­kyň Ar­ka­dag­ly za­ma­na­sy» di­ýlip yg­lan edi­len şu ýyl bi­ziň Wa­ta­ny­myz ösü­şi­niň tä­ze eý­ýa­my­na ga­dam bas­dy. 11-nji few­ral­da mil­li Li­de­ri­mi­ziň baş­lyk­lyk et­me­gin­de ge­çi­ri­len Mil­li Ge­ňe­şiň Halk Mas­la­ha­ty­nyň ta­ry­hy mej­li­sin­de mö­hüm res­mi­na­ma — «Ber­ka­rar döw­le­tiň tä­ze eý­ýa­my­nyň Gal­ky­ny­şy: Türk­me­nis­ta­ny 2022 — 2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy» tas­syk­la­nyl­dy.

30 ýy­la ni­ýet­le­ni­len Mak­sat­na­ma­da döw­le­ti­mi­ziň da­şa­ry sy­ýa­sy ug­ru­na aý­ra­tyn orun be­ril­ýär. Hu­su­san-da, bu stra­te­gik res­mi­na­ma ile­ri tu­tul­ýan bäş sa­ny ugur­la­ry: pa­ra­hat­çy­ly­gy we howp­suz­ly­gy üp­jün et­mek, ýur­du­my­zyň Bi­ta­rap­ly­gy­ny dün­ýä gi­ňiş­li­gin­de ös­dür­mek we iler­let­mek, da­şa­ry yk­dy­sa­dy gat­na­şyk­la­ry ok­gun­ly gi­ňelt­mek we di­wer­si­fi­ka­si­ýa­laş­dyr­mak, dur­nuk­ly ösü­şe hem­me­ta­rap­la­ýyn ýar­dam ber­mek, hal­ka­ra gat­na­şyk­la­ry­ň has yn­san­per­wer bol­ma­gy­na, ola­ra ýo­ka­ry ah­lak we ada­lat stan­dart­la­ry­ny or­naş­dyr­ma­ga ýar­dam ber­mek ugur­la­ry­ny öz içi­ne al­ýar.

Şun­dan ugur al­nyp, Türk­me­nis­ta­ny 2022 — 2052-nji ýyl­lar­da dur­muş-yk­dy­sa­dy taý­dan ös­dür­me­giň Mil­li mak­sat­na­ma­sy­nyň esa­syn­da Türk­me­nis­ta­nyň da­şa­ry sy­ýa­sat ug­ru­nyň tä­ze Kon­sep­si­ýa­sy­ny iş­läp düz­mek bo­ýun­ça işe baş­la­mak tek­lip edil­ýär.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, da­şa­ry iş­ler mi­nist­ri ha­sa­ba­ty­ny do­wam edip, dip­lo­ma­tik iş­gär­le­ri­ň gü­ni my­na­sy­bet­li hal­ka­ra hä­si­ýet­li çä­re­ler ba­ra­da ha­sa­bat ber­di. Hu­su­san-da, 16-17-nji few­ral­da sport çä­re­le­ri ge­çi­ril­di, şu gün­ki gün da­şa­ry döw­let­le­riň ýur­du­myz­da­ky dip­lo­ma­tik mis­si­ýa­la­ry­nyň we hal­ka­ra gu­ra­ma­la­ryň we­kil­ha­na­la­ry­nyň gat­naş­ma­gyn­da hal­ka­ra mas­la­ha­ty­ň, ser­gi­niň we kon­ser­ti­ň ge­çi­ril­me­gi me­ýil­leş­di­ril­di.

Soň­ra wi­se-prem­ýer, DIM-niň ýol­baş­çy­sy Türk­me­nis­ta­nyň da­şa­ry sy­ýa­sa­ty­ny ös­dür­mek­de döw­let Baş­tu­ta­ny­my­zyň ýolbaşçy­ly­gyn­da ga­za­ny­lan be­lent üs­tün­lik­le­ri we da­şa­ry sy­ýa­sy ýe­ňiş­le­ri ýe­ne-de bir ge­zek nyg­tap, Wa­ta­ny­my­zyň Ga­raş­syz­ly­gy­ny, Bi­ta­rap­ly­gy­ny, da­şa­ry döw­let­ler we ab­raý­ly hal­ka­ra gu­ra­ma­la­r bi­len ýo­ka­ry ne­ti­je­li gat­na­şyk­la­ry ös­dür­mek­de we pug­ta­lan­dyr­mak­da mil­li Li­de­ri­mi­ziň ägirt uly go­şant­la­ry­ny aý­ra­tyn bel­le­di.

Ýo­kar­da ag­za­lan­lar­dan ugur alyp, Mil­li Ge­ňe­şiň Mej­li­si ta­ra­pyn­dan bel­le­nen ter­tip­de, mil­li ka­nun­çy­ly­ga esas­la­nyp DIM-niň hor­mat­ly Pre­zi­den­ti­miz Gurbanguly Berdimuhamedowa «Türk­me­nis­ta­nyň us­sat dip­lo­ma­ty» di­ýen ta­pa­wut­lan­dy­ryş ny­şa­ny­ny ber­mek ba­ra­da­ky ýüz­len­me­si­ne se­re­dil­di hem-de de­giş­li Ka­rar ka­bul edil­di.

Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, da­şa­ry iş­ler mi­nist­ri türk­men dip­lo­ma­tik gul­lu­gy­nyň işi­ne we onuň iş­gär­le­ri­ne ber­ýän hem­me­ta­rap­la­ýyn gol­da­wy üçin tüýs ýü­rek­den ho­şal­lyk bil­di­rip, döw­let Baş­tu­ta­ny­my­za berk jan sag­lyk we uzak ömür ar­zuw et­di.

Hor­mat­ly Pre­zi­den­ti­miz Gurbanguly Berdimuhamedow ha­sa­ba­ty diň­läp, Bi­ta­rap Türk­me­nis­ta­nyň 2023 — 2030-njy ýyl­lar üçin da­şa­ry sy­ýa­sat ug­ru­nyň tä­ze Kon­sep­si­ýa­sy­ny taý­ýar­la­mak ba­ra­da­ky tek­li­bi ma­kul­la­dy we de­giş­li Ka­ra­ra gol çe­kip, şu­nuň bi­len bag­ly­lyk­da, wi­se-prem­ýe­re, DIM-niň ýol­baş­çy­sy­na anyk tab­şy­ryk­la­ry ber­di.

Milli Liderimiz mej­li­se gat­na­şy­jy­la­ra ýüz­le­nip, ýur­du­my­zyň dip­lo­ma­tik gul­lu­gy­nyň äh­li iş­gär­le­ri­ni Bi­ta­rap Wa­ta­ny­myz­da her ýyl giň­den bel­le­ni­lip ge­çil­ýän Türk­me­nis­ta­nyň dip­lo­ma­tik iş­gär­le­ri­niň gü­ni bi­len tüýs ýü­rek­den gut­la­dy.

Ber­ka­rar döw­le­ti­miz pa­ra­hat­çy­lyk sö­ýü­ji­li­ge, hoş­ni­ýet­li goň­şu­çy­ly­ga, «Açyk ga­py­lar» sy­ýa­sa­ty­na hem-de gy­zyk­lan­ma bil­dir­ýän da­şa­ry ýurt­ly hyz­mat­daş­lar bi­len deň­hu­kuk­ly we öza­ra bäh­bit­li gat­na­şyk­la­ra esas­lan­ýan da­şa­ry sy­ýa­sy ug­ry dur­mu­şa ge­çir­ýär.

Ata Wa­ta­ny­my­zyň alyp bar­ýan da­şa­ry sy­ýa­sa­ty­nyň baş ug­ry äh­lu­mu­my pa­ra­hat­çy­ly­gy, dur­nuk­ly­ly­gy we howp­suz­ly­gy go­rap sak­la­ma­ga, Dur­nuk­ly ösü­ş mak­sat­la­ry­ny ýe­ri­ne ýe­tir­mä­ge mun­dan beý­läk-de hem­me­ta­rap­la­ýyn ýar­dam ber­mek­den yba­rat­dyr di­ýip, mil­li Li­de­ri­miz nyg­ta­dy.

Ga­raş­syz, Bi­ta­rap Türk­me­nis­ta­nyň mil­li bäh­bit­le­ri­ni hal­ka­ra gat­na­şyk­la­r ul­ga­myn­da my­na­syp üp­jün ed­ýän we go­ra­ýan ýur­du­my­zyň dip­lo­ma­tik gul­lu­gy­nyň iş­gär­le­ri öň­de goý­lan bu be­lent we­zi­pe­le­ri ta­la­ba­la­ýyk ýe­ri­ne ýe­tir­mek ug­run­da ýa­daw­syz we dö­re­di­ji­lik­li zäh­met çek­ýär­ler.

«Hal­kyň Ar­ka­dag­ly za­ma­na­sy» diý­lip yg­lan edi­len 2022-nji ýyl­da hem döw­le­ti­mi­ziň hal­ka­ra ab­ra­ýy­ny mun­dan beý­läk-de art­dyr­mak üçin ýe­til­me­li has be­lent sep­git­ler kes­git­le­nil­di di­ýip, hor­mat­ly Pre­zi­den­ti­miz Gurbanguly Berdimuhamedow sö­zü­ni do­wam et­di hem-de se­bit we hal­ka­ra gat­na­şyk­la­r­da sy­ýa­sy-dip­lo­ma­tik, söw­da-yk­dy­sa­dy we me­de­ni-yn­san­per­wer ugur­lar bo­ýun­ça hyz­mat­daş­ly­gy hem­me­ta­rap­la­ýyn ös­dür­mä­ge dip­lo­ma­tik iş­gär­le­riň mun­dan beý­läk-de my­na­syp go­şant goş­jak­dyklary­na berk ynam bil­dir­di.

Türk­me­nis­tan öz Ga­raş­syz­ly­gy­nyň il­kin­ji gün­le­rin­den baş­lap, hal­ka­ra gat­na­şyk­la­r­da we da­şa­ry sy­ýa­sat­da bi­ta­rap­lyk, deň­hu­kuk­ly­lyk we hoş­ni­ýet­li goň­şu­çy­lyk ýa­ly bin­ýat­lyk ýö­rel­ge­le­ri saý­lap al­dy. Ge­çen ýyl­la­ryň do­wa­myn­da döw­le­ti­mi­ziň da­şa­ry sy­ýa­sy stra­te­gi­ýa­sy Türk­me­nis­ta­nyň mil­li bäh­bit­le­ri­ne we Bir­le­şen Mil­let­ler Gur­ma­sy­nyň esas go­ýu­jy mak­sat­la­ry­na do­ly la­ýyk gel­ýän­di­gi­ni iş ýü­zün­de su­but et­di. Türk­me­nis­ta­nyň he­mi­şe­lik Bi­ta­rap­ly­gy­nyň BMG-niň Baş As­samb­le­ýa­sy­nyň ýö­ri­te Ka­rar­na­ma­la­ry bi­len iki ge­zek yk­rar edil­me­gi mu­nuň aý­dyň su­but­na­ma­sy­dyr.

Aş­ga­bat­da Bir­le­şen Mil­let­ler Gu­ra­ma­sy­nyň Mer­ke­zi Azi­ýa üçin Öňü­ni alyş dip­lo­ma­ti­ýa­sy bo­ýun­ça se­bit mer­ke­zi­niň açyl­ma­gy we onuň Türk­me­nis­ta­nyň Hö­kü­me­ti bi­len ne­ti­je­li iş­le­me­gi hem Bi­ta­rap­ly­gyň pa­ra­hat­çy­ly­gy dö­re­di­ji güý­jü­niň aý­ra­tyn äh­mi­ýe­ti­ni giň­den açyp gör­kez­ýär di­ýip, hor­mat­ly Pre­zi­den­ti­miz Gurbanguly Berdimuhamedow bel­le­di.

Ýur­du­my­zyň hal­ka­ra äh­mi­ýet­li tek­lip­le­ri­niň we äh­lu­mu­my hä­si­ýe­te eýe bo­lan we öňe sür­len BMG-niň Baş As­samb­le­ýa­sy ta­ra­pyn­dan pa­ra­hat­çy­lyk, howp­suz­lyk we dur­nuk­ly ösüş ul­ga­myn­da mö­hüm Ka­rar­na­ma­la­ryň uly top­lu­my ka­bul edil­di. Bu bol­sa döw­le­ti­mi­ziň bu ab­raý­ly gu­ra­ma bi­len stra­te­gik hyz­mat­daş­ly­gy­nyň ne­ti­je­li hä­si­ýe­te eýe­di­gi­ni aň­lad­ýar.

Biz ýa­ňy-ýa­kyn­da hal­ka­ra gat­na­şyk­la­ry­ň tä­ze fi­lo­so­fi­ýa­sy hök­mün­de «Dia­log — pa­ra­hat­çy­ly­gyň ke­pi­li» at­ly baş­lan­gyç bi­len çy­kyş et­dik di­ýip, mil­li Li­de­ri­miz aýt­dy. Giň maz­mun­ly bu tek­lip dün­ýä bi­le­le­şi­gi ta­ra­pyn­dan do­ly gol­da­nyl­ýar. Bu bol­sa Bi­ta­rap­ly­gyň mi­ze­mez ýö­rel­ge­le­ri­niň dün­ýä ýurt­la­ry­nyň ara­syn­da pa­ra­hat­çy­lyk we yna­nyş­mak me­de­ni­ýe­ti­niň has-da kä­mil­leş­me­gi­ne iter­gi ber­ýän­di­gi­ne şa­ýat­lyk ed­ýär di­ýip, döw­let Baş­tu­ta­ny­myz nyg­ta­dy.

He­mi­şe­lik Bi­ta­rap döw­le­ti­mi­ziň pa­ra­hat­çy­lyk hem-de yna­nyş­mak ýö­rel­ge­le­ri­ne esas­lan­ýan da­şa­ry sy­ýa­sa­ty we dip­lo­ma­ti­ýa­sy uzak möh­let­le­ýin mil­li mak­sat­na­ma­la­ry­my­zy ama­la aşyr­mak üçin hal­ka­ra gi­ňiş­li­k­de ze­rur bo­lan müm­kin­çi­lik­le­riň dö­re­dil­me­gi­ne gö­nük­di­ri­len­dir. Bu ba­bat­da döw­le­ta­ra we hö­kü­me­ta­ra de­re­je­ler­de sy­ýa­sy dip­lo­ma­tik, hal­ka­ra-hu­kuk we söw­da-yk­dy­sa­dy ge­ňeş­me­le­riň ne­ti­je­li gu­ral­la­ry­ny işe gi­riz­mek­de ýur­du­my­zyň dip­lo­ma­tik gul­lu­gy­na uly ta­lap­lar bil­di­ril­ýär di­ýip, hor­mat­ly Pre­zi­den­ti­miz Gurbanguly Berdimuhamedow bel­le­di we Türk­me­nis­ta­nyň mil­li bäh­bit­le­ri­ni hem­me­ta­rap­la­ýyn go­ra­mak­da we hal­ka­ra gat­na­şyk­la­r ul­ga­myn­da­ky be­lent ab­ra­ýy­ny art­dyr­mak­da döw­le­ti­mi­ziň dip­lo­ma­tik gul­lu­gy­nyň öň­de goý­lan mö­hüm we­zi­pe­le­ri ýo­ka­ry de­re­je­de ýe­ri­ne ýe­tir­jek­di­gi­ne berk ynam bil­dir­di.

Çy­ky­şy­nyň ahy­ryn­da döw­let Baş­tu­ta­ny­myz ýur­du­my­zyň dip­lo­ma­tik gul­lu­gy­nyň äh­li iş­gär­le­ri­ne berk jan sag­lyk, aba­dan­çy­lyk we döw­le­ti­mi­ziň mil­li bäh­bit­le­ri­ni go­ra­mak hem-de dün­ýä­dä­ki ab­ra­ýy­ny has-da art­dyr­mak ug­run­da alyp bar­ýan iş­le­rin­de uly üs­tün­lik­le­ri ar­zuw et­di.

Mej­lis­de döw­let dur­mu­şy­na de­giş­li baş­ga-da bir­nä­çe me­se­le­le­re ga­ral­dy we pu­dak­la­ry ös­dür­mä­ge gö­nük­di­ri­len res­mi­na­ma­lar ka­bul edil­di.

Hor­mat­ly Pre­zi­den­ti­miz Gurbanguly Berdimuhamedow Mi­nistr­ler Ka­bi­ne­ti­niň gi­ňiş­le­ýin mej­li­si­ni jem­läp, oňa gat­na­şan­la­ra berk jan sag­ly­gy­ny, maş­ga­la aba­dan­çy­ly­gy­ny, ber­ka­rar Wa­ta­ny­my­zyň gül­läp ös­me­gi ug­run­da alyp bar­ýan iş­le­rin­de uly üs­tün­lik­le­ri ar­zuw et­di.

Döw­let howp­suz­lyk ge­ňe­şi­niň ag­za­la­ry­nyň gat­naş­ma­gyn­da ge­çi­ri­len Mi­nistr­ler Ka­bi­ne­ti­niň gi­ňiş­le­ýin mej­li­si ta­mam­la­nan­dan soň, hor­mat­ly Pre­zi­den­ti­miz Gurbanguly Berdimuhamedowy «Türk­me­nis­ta­nyň us­sat dip­lo­ma­ty» di­ýen ta­pa­wut­lan­dy­ryş ny­şa­ny bi­len sy­lag­la­mak da­ba­ra­sy ge­çi­ril­di.

Türk­me­nis­ta­nyň Mil­li Ge­ňe­şi­niň Mej­li­si­niň Baş­ly­gy G.Mäm­me­do­wa de­giş­li ka­ra­ry oka­ýar. Da­ba­ra­ly ýag­daý­da bu ýe­re ýyg­na­nan­la­ryň el çar­pyş­ma­gyn­da döw­let Baş­tu­ta­ny­my­za «Türk­me­nis­ta­nyň us­sat dip­lo­ma­ty» di­ýen ta­pa­wut­lan­dy­ryş ny­şa­ny gow­şu­ryl­ýar.

Mä­lim bol­şy ýa­ly, bu ta­pa­wut­lan­dy­ryş ny­şa­ny Türk­me­nis­ta­nyň he­mi­şe­lik Bi­ta­rap­lyk, pa­ra­hat­çy­lyk sö­ýü­ji­lik we hoş­ni­ýet­li da­şa­ry sy­ýa­sa­ty­ny ama­la aşyr­mak­da, da­şa­ry ýurt döw­let­le­ri bi­len sy­ýa­sy, söw­da-yk­dy­sa­dy, ylym-bi­lim, me­de­ni-yn­san­per­wer we beý­le­ki ugur­lar­da­ky gat­na­şyk­la­ry­ny ös­dür­mek­de we ber­kit­mek­de, ab­raý­ly hal­ka­ra gu­ra­ma­la­r bi­len ne­ti­je­li gat­na­şyk­la­ry­ny gi­ňelt­mek­de şah­sy go­şan­dy­ny go­şan hem-de Wa­ta­ny­my­zyň öňün­dä­ki beý­le­ki hyz­mat­la­ry üçin ýur­du­my­zyň dip­lo­ma­tik gul­lu­gy­nyň iş­gär­le­ri­ni sy­lag­la­mak mak­sa­dy bi­len, mil­li Li­de­ri­mi­ziň 2021-nji ýy­lyň 9-njy few­ra­lyn­da gol çe­ken Ka­ra­ry­na la­ýyk­lyk­da dö­re­dil­di.

Hor­mat­ly Pre­zi­den­ti­miz Gurbanguly Berdimuhamedow mej­li­se gat­na­şy­jy­la­ra ýüz­le­nip hem-de bu sy­la­gyň gow­şu­ry­lan­dy­gy üçin min­net­dar­lyk bil­di­rip, sy­la­gy da­ba­ra gat­na­şy­jy­la­ryň we mäh­ri­ban hal­ky­my­zyň bil­dir­ýän uly yna­my hem-de çäk­siz hor­ma­ty hök­mün­de ka­bul ed­ýän­di­gi­ni bel­le­di.

Döw­let Baş­tu­ta­ny­myz ýe­ne-de bir ki­ta­by­ny ta­mam­lan­dy­gy­ny hem ha­bar ber­di. “Aba­dan­çy­ly­gyň röw­şen ga­dam­la­ry” at­ly bu ki­tap hor­mat­ly Pre­zi­den­ti­mi­ziň halk köp­çü­li­gi­niň öňün­de eden çy­kyş­la­ry­nyň ýy­gyn­dy­sy­dyr. Ki­tap­da ýur­du­my­zy ös­dür­me­giň dür­li meseleleri, da­şa­ry sy­ýa­sat, yk­dy­sa­dy­ýet, me­de­ni­ýet, ylym we beý­le­ki ugur­lar bo­ýun­ça mil­li Li­de­ri­mi­ziň pi­kir­le­ri jem­le­nen­dir. Aý­ra­tyn-da, döw­le­ti­mi­zi gel­jek­de ös­dür­mek bo­ýun­ça köp tek­lip­ler bar.

Mil­li Li­de­ri­miz bu ki­ta­byň mej­li­se gat­na­şy­jy­la­ryň her bi­ri­ne gy­zyk­ly we peý­da­ly gol­lan­ma bol­jak­dy­gy­na ynam bil­di­rip, onuň hal­ky­my­za özü­niň sow­ga­dy­dy­gy­ny nyg­ta­dy.

Hor­mat­ly Pre­zi­den­ti­miz Gurbanguly Berdimuhamedow ki­ta­byň bi­ri­ni Mi­nistr­ler Ka­bi­ne­ti­niň Baş­ly­gy­nyň orun­ba­sa­ry, da­şa­ry iş­ler mi­nist­ri R.Me­re­do­wa gow­şu­ryp, ga­lan­la­ryň bol­sa ony şu gün­ki çä­re­den soň alyp bil­jek­di­gi­ni bel­le­di hem-de bu ýe­re ýyg­na­nan­la­ry we äh­li wa­tan­daş­la­ry­my­zy Türk­me­nis­ta­nyň dip­lo­ma­tik iş­gär­le­ri­niň gü­ni bi­len ýe­ne-de bir ge­zek gut­la­dy.

Wi­se-prem­ýer, DIM-niň ýol­baş­çy­sy sa­hy­pa­la­ryn­da Wa­ta­ny­my­zyň hä­zir­ki za­man ta­ry­hy­na çuň­ňur akyl ýe­ti­ril­me­gi, ony mun­dan beý­läk-de ös­dür­me­giň ile­ri tu­tul­ýan ugur­la­ry be­ýa­ny­ny ta­pan “Aba­dan­çy­ly­gyň röw­şen ga­dam­la­ry” at­ly tä­ze ki­ta­by üçin döw­let Baş­tu­ta­ny­my­za tüýs ýü­rek­den ho­şal­lyk bil­dir­di.

Türkmenistanyň diplomatik işgärleriniň güni mynasybetli maslahat

Aşgabat, 18-nji fewral (TDH). Şu gün Daşary işler ministrliginiň Halkara gatnaşyklary institutynda Türkmenistanyň diplomatik işgärleriniň gününe bagyşlanyp, «Dialog — parahatçylygyň kepili» atly ylmy maslahat geçirildi. Oňa Türkmenistanyň diplomatik gullugynyň, ýurdumyzda işleýän diplomatik wekilhanalaryň hem-de halkara guramalaryň, köpçülikleýin habar beriş serişdeleriniň ýolbaşçylarydyr wekilleri, ýokary okuw mekdepleriniň professor-mugallymlary, talyp ýaşlar gatnaşdylar.

Bu ýere ýygnananlar hormatly Prezidentimiz Gurbanguly Berdimuhamedowyň diplomatik işgärleriň hünär baýramy mynasybetli iberen Gutlagyny üns bilen diňlediler. Milli Liderimiziň Gutlagynda hemişelik Bitarap döwletimiziň parahatçylyk hem-de ynanyşmak ýörelgelerine esaslanýan daşary syýasatynyň we diplomatiýasynyň uzak möhletleýin milli maksatnamalarymyzy amala aşyrmak üçin halkara giňişlikde zerur bolan ähmiýetli mümkinçilikleriň döredilmegine gönükdirilendigi bellenilýär. Şunuň bilen baglylykda, döwletara we hökümetara derejelerde syýasy-diplomatik, halkara hukuk we söwda-ykdysady geňeşmeleriň netijeli gurallaryny işe girizmekde ýurdumyzyň diplomatik gullugyna uly talap bildirilýär.

Golaýda geçirilen Türkmenistanyň Milli Geňeşiniň Halk Maslahatynyň mejlisinde kabul edilen «Berkarar döwletiň täze eýýamynyň Galkynyşy: Türkmenistany 2022 — 2052-nji ýyllarda durmuş-ykdysady taýdan ösdürmegiň Milli maksatnamasyndan» ugur alyp, ýurdumyzyň diplomatik gullugynyň daşary syýasatymyzda parahatçylygyň we howpsuzlygyň üpjün edilmegi arkaly bütin adamzat dünýäsiniň gatnaşyklaryny kämilleşdirmäge çagyrýan nusgalyk syýasatymyzyň giňeldilmegine, Garaşsyz, hemişelik Bitarap Türkmenistanyň halkara giňişlikdäki abraýynyň has-da belende göterilmegine işjeň gatnaşjakdygyna ynanýaryn diýip, döwlet Baştutanymyz Gutlagynda nygtaýar.

Foruma gatnaşyjylar Milli Geňeşiň Mejlisiniň karary bilen Türkmenistanyň Prezidenti, Türkmenistanyň Milli Geňeşiniň Halk Maslahatynyň Başlygy Gurbanguly Mälikgulyýewiç Berdimuhamedowyň «Türkmenistanyň ussat diplomaty» diýen tapawutlandyryş nyşany bilen sylaglanandygy baradaky habary uly ruhubelentlik we buýsanç bilen kabul etdiler.

Şunuň bilen baglylykda, döwlet Baştutanymyzyň taýsyz tagallalary netijesinde ata Watanymyzyň özara bähbitli we deňhukukly hyzmatdaşlyga, oňyn bitaraplyk, parahatçylyk söýüjilik, hoşmeýilli erk-isleg we ynsanperwerlik ýörelgelerine ygrarly döwlet hökmünde dünýäde giňden tanalýandygy bellenildi. Ýurdumyz dünýäde parahatçylygy, abadançylygy we durnukly ösüşi goldamak syýasatyny üstünlikli amala aşyryp, dünýä döwletleri bilen özara bähbitli gatnaşyklary yzygiderli ösdürýär hem-de adamzadyň wajyp meseleleriniň netijeli çözgütlerine saldamly goşant goşýar.

Maslahatda çykyş edenler hormatly Prezidentimiz Gurbanguly Berdimuhamedowyň «Dialog — parahatçylygyň kepili» atly ählumumy başlangyjy ilerletmek boýunça teklibiniň ähli ýurtlaryň halklarynyň parahatçylykly ýaşamak däplerini pugtalandyrmakda, halkara gatnaşyklarda parahatçylyk we ynanyşmak medeniýetini berkarar etmekde tagallalary birleşdirmäge gönükdirilendigini bellediler. Anyk kesgitlenen sagdyn syýasy ölçeglere, umumy ykrar edilen hem-de hemmelere düşnükli adamzat gymmatlyklaryna esaslanýan bu täze filosofiýa halkara ykdysady we syýasy gatnaşyklaryň ösdürilmegine oňyn täsir edýän ähmiýetli şert hökmünde çykyş edýär.

Döwletleriň arasynda parahatçylyk we ynanyşmak medeniýetiniň ösdürilmeginiň durnukly ösüşe, parahatçylyga we howpsuzlyga ýardam berýän Bitaraplyk syýasaty bilen aýrylmaz baglanyşyklydygy aýratyn bellenildi. Umumy bähbitleriň we abadançylygyň hatyrasyna dünýäniň ähli ýurtlary bilen dostlukly gatnaşyklary giňeltmek, abraýly halkara guramalar, ilkinji nobatda, Birleşen Milletler Guramasy bilen ýakyndan hyzmatdaşlyk etmek Türkmenistanyň daşary syýasatynyň esasy ugurlarydyr. Ýurdumyz kabul edilen ikitaraplaýyn we köptaraplaýyn halkara ylalaşyklary ýerine ýetirmek bilen, öz üstüne alan borçnamalaryny gyşarnyksyz berjaý edýär hem-de syýasy, ykdysady we medeni kuwwatyny parahatçylygyň, ösüşiň bähbidine gönükdirýär.

Şunuň bilen baglylykda, ýurdumyzyň daşky gurşawy goramak, energetika howpsuzlygyny üpjün etmek, ulag we aragatnaşyk, medeni-ynsanperwer ulgamlarda üstünlikli alyp barýan daşary syýasatynda bitaraplyk ýörelgesine esasy orun berilýär. Halkymyzyň asyrlaryň jümmüşinden gözbaş alýan senetçiliginiň we mirasynyň Birleşen Milletler Guramasy derejesinde ykrar edilmegi bu gymmatlyklaryň tutuş dünýä ösüşi üçin hem ähmiýetlidiginiň subutnamasydyr.

Çykyşlarda milli Liderimiz Gurbanguly Berdimuhamedowyň baştutanlygynda «Halkyň Arkadagly zamanasy» ýylynda halkara giňişlikde täze belent sepgitlere ýetilýändigi nygtaldy. Daşary ýurtlar bilen depginli ösdürilýän hoşniýetli, deňhukukly we özara bähbitli gatnaşyklar munuň aýdyň mysalydyr. Ýurdumyz Ýewropada Howpsuzlyk we Hyzmatdaşlyk Guramasy, Garaşsyz Döwletleriň Arkalaşygy, Goşulyşmazlyk Hereketi, Ykdysady Hyzmatdaşlyk Guramasy, Yslam Hyzmatdaşlyk Guramasy we beýleki abraýly düzümler bilen hyzmatdaşlygy depginli ösdürýär. Döwlet Baştutanymyzyň bu guramalaryň çäginde öňe süren başlangyçlary halkara jemgyýetçiligiň giň goldawyna eýe bolýar.

Dünýä döwletlerinde we halkara guramalarda ata Watanymyzyň bähbitlerine wekilçilik edýän ýurdumyzyň diplomatik gullugynyň işgärleri milli Liderimiziň häzirki döwrüň wajyp meseleleriniň sazlaşykly çözgütlerini işläp taýýarlamaga, özara hormat goýmak, deňhukuklylyk hem-de netijelilik ýörelgelerine esaslanýan köpugurly hyzmatdaşlygy ösdürmäge ýardam berjek başlangyçlaryny ilerletmegi we yzygiderli durmuşa geçirmegi baş maksady hasaplaýarlar.

Maslahatyň ahyrynda oňa gatnaşyjylar hormatly Prezidentimiz Gurbanguly Berdimuhamedowyň adyna Ýüzlenme kabul edip, onda milli Liderimize ýurdumyzyň diplomatik gullugyny kämilleşdirmek meselelerine berýän uly ünsi üçin tüýs ýürekden hoşallyklaryny beýan etdiler hem-de mähriban Watanymyzyň bähbitlerini halkara giňişlikde mundan beýläk-de ygtybarly üpjün etmek üçin ähli tagallalary etjekdiklerine ynandyrdylar.

Däp bolşy ýaly, hünär baýramy mynasybetli diplomatik gullugyň ýaş işgärlerine hem-de Türkmenistanyň Daşary işler ministrliginiň Halkara gatnaşyklary institutynyň gutardyş ýyl talyplaryna döwletimiziň daşary syýasat strategiýasyny durmuşa geçirmäge işjeň gatnaşandyklary üçin Daşary işler ministrliginiň diplomlaryny gowşurmak dabarasy boldy.

Institutyň baş binasynda Türkmenistanyň diplomatik işgärleriniň gününe bagyşlanyp guralan konsert hem-de sergi şu günki maslahatyň täsirliligini has-da artdyrdy.