Определение путей для расширения сотрудничества Туркменистана с Российской Федерацией стало темой рабочей встречи между председателем Комитета по внешним связям Санкт-Петербурга Евгением Григорьевым и министром финансов и экономики Туркменистана Мухамметгельды Сердаровым.

Встреча прошла 5 июля в здании Министерства финансов и экономики Туркменистана. Во время переговоров отмечалось изменение структуры внешнеторгового оборота между двумя странами, в котором за последние годы наметилось увеличение продукции несырьевых отраслей.

Так, в 2020 году выросли объемы экспорта таких туркменских товаров, как химические удобрения – в 88 раз по сравнению с уровнем 2019 года, в 2,7 раза увеличились поставки химических волокон, в 2,9 раза – продуктов неорганической химии, в 1,7 раза - овощей, на 10% - текстиля. В импорте превалирует продукция производственно-технического назначения. Почти в два раза увеличились поставки фармацевтической продукции.

На качественно новый уровень вышла кооперация в энергетической сфере – в апреле 2019 года «Газпром» возобновил закупки туркменского газа, российские компании принимают участие в строительстве трансграничного магистрального газопровода ТАПИ.

Одним из новых направлений взаимодействия на встрече была названа электронная торговля. Актуальными и перспективными выделены проекты в области судостроения, создания производств по выпуску экспорториентрованной продукции на основе богатых природных ресурсов Туркменистана.

Рассматривались и возможности прямого инвестирования российской стороной в инновационные и высокотехнологичные отрасли туркменской экономики, сферу цифровых технологий, перерабатывающую промышленность.

Сегодня на территории Туркменистана осуществляют свою деятельность 39 экономических субъектов с капиталом из Российской Федерации. В основном, они работают в промышленном комплексе, транспортном секторе и сфере услуг.

Зарегистрированы 335 инвестиционных проектов с участием капитала субъектов РФ на сумму более 3,5 млрд. долларов США. Однако, учитывая процессы диверсификации экономик Туркменистана и России, потенциал инвестиционного сотрудничества может быть намного выше.

По словам Евгения Григорьева, товарооборот между Туркменистаном и Санкт-Петербургом в 2020 году увеличился на 29% по сравнению с 2019 годом, в то время как товарооборот между двумя странами в целом увеличился на 39%.

Принявший участие во встрече помощник министра Евразийской экономической комиссии по интеграции и макроэкономике Федор Черницын заявил, что российская сторона готова к сотрудничеству в сфере судостроения, в том числе по оказанию технической помощи. Он также пригласил туркменскую делегацию в РФ для подробного ознакомления и обсуждения предложений.

На встрече были намечены форматы взаимодействия в области развития металлургии в Туркменистане, в первую очередь, по линии науки и образования в данной сфере, повышения квалификации специалистов.

Кроме этого, обсуждались вопросы сотрудничества с туркменскими сельхозпроизводителями и закупок их продукции. Уделили внимание стороны также совместной работе в сферах коммуникаций, транспорта и логистики, в области здравоохранения.

В рамках планов по созданию полностью автоматизированной налоговой службы в Туркменистане российская сторона также предлагает техническое и программное обеспечение во внедрении технологий налоговых сборов онлайн.

Участники встречи обменялись мнениями по рабочей повестке II Каспийского экономического форума, который пройдет в августе в Москве.

Министерство финансов и экономики Туркменистана

Hormatly Prezidentimiz Gurbanguly Berdimuhamedowyň döwlet Baştutanlygyna ählihalk tarapyndan saýlanan gününden ata Watanymyz, türkmen halky öz döredijilikli ösüşiniň hil taýdan täze tapgyryna gadam basdy. Prezidentlik wezipesine girişmek bilen, milli Liderimiz ähli ugurlarda täze özgertmeleriň amala aşyrylmagyna badalga berdi. Hormatly Prezidentimiziň «Döwlet adam üçindir!» diýen ýörelgesi esasynda halkymyzyň durmuş derejesi barha ýokarlanýar, eziz Diýarymyz gülläp ösýär, ykdysady taýdan kuwwatly döwlete öwrülýär.

Gahryman Arkadagymyzyň halkyň uly goldawyna mynasyp bolýan beýik başlangyçlary anyk işlerde durmuşa geçýär. Milli ykdysadyýetimiz bazar gatnaşyklaryna we innowasion-senagat tehnologiýalaryna geçmek bilen, barha kuwwatlanýar, bilim we ylym dünýä derejesine çykýar, medeniýet we sungat täze belentliklere eýe bolýar, ýurdumyzyň dünýädäki abraýy, orny we täsiri has ýokarlanýar. Milli Liderimiziň ýurduň ykdysady kuwwatynyň berkemeginiň, häzirki we geljekki nesilleriň durmuş abadançylygynyň derejesiniň we hiliniň ýokarlanmagynyň bähbidine gönükdirilen syýasatynyň belent ruhy we döredijilik güýji her bir raýatyň kalbynda orun tapýar.

Hormatly Prezidentimiziň Birleşen Milletler Guramasynyň belent münberinden Türkmenistanyň syýasy, durmuş-ykdysady we ynsanperwer meseleler boýunça dünýä bileleşigi bilen açyk we oňyn gatnaşyklara ygrarlydygyny tassyklamagy, bu ugurda täze başlangyçlara badalga bermegi netijesinde döwletimiz halkara giňişlikde durnukly ösüşi pugtalandyrmaga netijeli goşant goşýar. BMG-niň Baş Assambleýasy tarapyndan ýurdumyzyň hemişelik Bitaraplyk hukuk ýagdaýy, ulag geçelgeleri, energetika serişdeleriniň ygtybarly üstaşyr geçirilmegi baradaky Kararnamalarynyň kabul edilmegi uly diplomatik üstünligimizdir. 2007-nji ýylda Aşgabatda BMG-niň Merkezi Aziýa üçin öňüni alyş diplomatiýasy boýunça sebit merkeziniň açylmagy däp bolan hyzmatdaşlygyň çäklerini giňeltmekde möhüm başlangyçlaryň biri boldy.

Gahryman Arkadagymyz 2020-nji ýylyň ýanwar aýynda Aşgabatda geçirilen «Türkmenistan we halkara guramalary: parahatçylygyň we ösüşiň hatyrasyna hyzmatdaşlyk» atly halkara maslahatda eden çykyşynda: «Biz geljekki ösüşlerimizi aýdyň görýäris, döwletimizi we jemgyýetimizi ösdürmegiň meýilnamalaryny ynamly düzýäris. Giň, köpugurly halkara hyzmatdaşlygyna gönükdirilen oýlanyşykly syýasatymyz geljege ynam bilen garamaga mümkinçilik berýär» diýip belledi.

2019-njy ýylda ýurdumyzyň BMG-niň Ykdysady we Durmuş Geňeşiniň edaralarynyň üçüsiniň — 2020 — 2022-nji ýyllar üçin Bütindünýä azyk maksatnamasynyň Ýerine ýetiriji Geňeşiniň, 2020 — 2024-nji ýyllar döwri üçin BMG-niň Ilat we ösüş boýunça Komissiýasynyň, 2020 — 2023-nji ýyllar üçin BMG-niň Neşe serişdeleri boýunça Komissiýasynyň agzalygyna saýlanylmagy halkara giňişliginde ählumumy ösüşiň wezipelerini amala aşyrmakda ýurdumyzyň uly ornunyň ykrar edilýändigini tassyklaýar.

«Türkmenistan — Bitaraplygyň mekany» atly 2020-nji ýylda eziz Watanymyzyň BMG-niň ýene iki düzüminiň, ýagny Ykdysady we Durmuş Geňeşiniň edaralarynyň düzümine girýän Durmuş ösüşi boýunça komissiýasynyň agzalygyna 2021 — 2025-nji ýyllar üçin, şeýle-de Ösüşiň bähbidine Ylym we tehnika boýunça komissiýasynyň agzalygyna 2021 — 2024-nji ýyllar üçin saýlanmagy ýurdumyzyň ygtybarly hyzmatdaşdygyny görkezýän nobatdaky üstünliklerdir.

Milli Liderimiziň baştutanlygynda ýurdumyzda ulag, aragatnaşyk, telekommunikasiýa we maglumat tehnologiýalary ulgamlarynda uly üstünlikler gazanylýar. Türkmenistan ýokary halkara ülňülere laýyk gelýän, täsin inženerçilik çözgütli desgalary gurmak we işe girizmek boýunça uly ösüşlere eýe boldy. Öz ykdysadyýetinde diwersifikasiýa strategiýasyny yzygiderli amala aşyrýan ýurdumyz soňky ýyllarda hyzmatdaşlarymyz bilen bilelikde Gündogar we Günorta ugurlary boýunça birnäçe iri turba geçirijileriň taslamalaryny amala aşyrdy. Häzir ýene-de bir iri energetika taslamasy bolan Türkmenistan — Owganystan — Pakistan — Hindistan gaz geçirijisiniň gurluşygy alnyp barylýar. 2015-nji ýylda biz öz emeli hemramyzy älem giňişligine çykaryp, kosmos ýurtlarynyň hataryna goşuldyk.

Gahryman Arkadagymyzyň düýpli ykdysady özgertmeleriniň netijesinde senagatyň ýokary hilli, bäsdeşlige ukyply önümleri çykarýan täze pudaklary döredi. Bazar gatnaşyklaryna tapgyrlaýyn geçmek işjeňleşýär, hususy telekeçiligi goldamak we ösdürmek güýçlenýär, iň gowy daşary ýurt tejribeleri işjeň ornaşdyrylýar. Sanly ykdysadyýete tapgyrlaýyn geçmek işleri alnyp barylýar. Döwletimiziň milli ykdysadyýetiniň esasy sütünleriniň biri bolan dokma senagaty bu gün iň bir girdejili pudaga öwrüldi. Gurluşyk serişdeleriniň, himiýa senagatynyň, dokma we haly önümleri boýunça önümçilik kuwwatlyklary bilen birlikde, ýurdumyz üçin täze hasaplanylýan dag-magdan we metallurgiýa pudaklarynyň esasy goýuldy. Elektrik, aýna önümçiligi boýunça iri kärhanalar toplumy, dürli enjamlardyr gurallaryň önümçilik pudagy emele gelýär.

Hormatly Prezidentimiz ýurdumyzda bilim ulgamyny özgerdip guramagyň takyk we esaslandyrylan maksatnamasyny öňe sürdi we bu ugurda uly işler durmuşa geçirilýär. Her bir ýaş raýat üçin 12 ýyllyk umumy orta bilim hökmany diýip kanuny taýdan kesgitlendi. Ylmy gözlegler bilen gyzyklanýan ýaşlarymyzyň sany barha artýar. Döwrebap Tehnologiýalar merkezi döredilip, ol milli ylmy ösdürmekde möhüm ähmiýete eýe boldy.

Köpçülikleýin bedenterbiýäni we sporty ösdürmek, sagdyn durmuş ýörelgelerine eýermek endiklerini terbiýelemek — munuň özi beden we ruhy taýdan sagdyn nesilleriň kemala gelmegine ýardam edýär. Adamlaryň saglygynyň berkidilmegi we olaryň ýokary hilli dynç almagy üçin iri dynç alyş we saglygy dikeldiş merkezleri gurlup, halkyň hyzmatyna berildi. Ähli welaýatlarda dürli maksatly sport toplumlary guruldy. Merkezi Aziýa sebitinde ilkinji gezek biziň Watanymyz 2017-nji ýylda Aşgabatda Ýapyk binalarda we söweş sungaty boýunça V Aziýa oýunlaryny geçirmäge hukuk gazanyp, onuň uly üstünlikler bilen geçirilmeginiň hötdesinden geldi.

Gahryman Arkadagymyzyň tagallalary bilen, medeniýet ulgamy hem pajarlap ösýär. Her ýylyň 27-nji iýunynda Medeniýet we sungat işgärleriniň hem-de Magtymguly Pyragynyň şygryýet güni dabaraly bellenilip geçilýär. Medeniýet edaralarynyň maddy-tehniki binýadyny ösdürmek boýunça giň gerimli çäreler amala aşyrylýar. Ýurdumyzyň welaýatlarynda täze, döwrebap medeniýet öýleri, muzeýler, kitaphanalar, teatrlar guruldy, opera sungaty täzeden dikeldildi. Milli Liderimiziň döreden eserleri bolsa halkymyzyň milli mirasyny, taryhyny, medeniýetini we sungatyny öwrenmek, olary dünýä halklarynyň arasynda ýaýbaňlandyrmak, şeýle hem ýaşlary watançylyk we ynsanperwerlik ruhunda terbiýelemek işinde bahasyz gollanma bolup hyzmat edýär.

Täze özgertmeler welaýatlaryň ykdysadyýetiniň kuwwatlanmagyna itergi berdi. Gazhimiýa, elektroenergetika, gurluşyk materiallary, aýna, himiýa, maşyngurluşyk we metal işläp bejeriş pudaklarynyň, ýeňil senagatyň ösdürilmegine ugur alyndy.

Ekerançylygyň azyk we çig mal pudaklary-da durnukly ösýär. Maldarçylyk önümleriniň, gök-bakja ekinleriniň, üzümiň, ir-iýmişleriň we miweleriň öndürilişi artýar. Döwrebap ýyladyşhanalaryň, maldarçylyk we guşçulyk toplumlarynyň, gaýtadan işleýän kärhanalaryň sany barha artýar. Oba milli maksatnamasyna laýyklykda, oba ýerlerinde ýaşaýyş-durmuş we medeni maksatly desgalaryň köp sanlysy gurlup, ulanmaga berildi. Oba bilen şäheriň arasyndaky tapawudy azaltmaga gönükdirilen çäreleri durmuşa geçirmegiň çäklerinde nusgalyk, döwrebap, täze obalar we şäherçeler döredilýär. «Altyn asyr» Türkmen kölüniň sebitlerini özleşdirmek babatda Konsepsiýanyň işlenip taýýarlanylmagy ekologiýa çözgütleriniň täze, oňyn durmuş we ykdysady şertlerine mümkinçilikleri açýandygyny görkezýär.

Sebitlerde şeýle täze ilatly ýerleriň döredilmegi, täze obalaryň açylmagy ýurdumyzyň oba ýerlerinde amatlylyk we durmuş hyzmatlary babatda sazlaşykly ösýän, şäher görkezijileri bilen deň derejedäki şertleriň, mümkinçilikleriň döredilýändiginiň aýdyň subutnamasydyr.

Ilatly ýerleriň abadanlaşdyrylmagy, zerur durmuş amatlyklarynyň üpjün edilmegi, çagalar baglarynyň we mekdepleriň gurulmagy bilen baglylykda, täze iş ýerleri hem döreýär. Ýurdumyzda ähli maksatnamalar halkyň, her bir adamyň durmuş taýdan goragly bolmagynyň, abadan durmuşda ýaşamagyny berkarar etmegiň hatyrasyna durmuşa geçirilýär.

2021-nji ýylyň 25-nji maýynda paýtagtymyz Aşgabat şäheriniň güni hem-de onuň esaslandyrylmagynyň 140 ýyllygy mynasybetli tutulan toý uly dabaralara beslendi. Gahryman Arkadagymyzyň ak patasy bilen, paýtagtymyzyň demirgazyk böleginde täze iri, «Aşgabat-siti» şäher toplumynyň gurluşygyna badalga berilmegi hem-de täze, döwrebap ýaşaýyş jaýlar toplumynyň açylmagy, hakykatdan-da, döwletlilikden, derejeli döwrandan nyşandyr. Watanymyzyň mukaddes Garaşsyzlygynyň şanly 30 ýyllygynyň bellenilýän «Türkmenistan — parahatçylygyň we ynanyşmagyň Watany» ýylynda milli Liderimiziň esaslandyran «Aşgabat-siti» taslamasy «Geljegiň akylly şäheri» bolup durmuşa geçiriler.

Barha özgerýän paýtagtymyzyň geljekki onýyllyklardaky ösüşini nazarlap meýilleşdirilen, şähergurluşygyň ösen, döwrebap talaplaryna laýyk gelýän bu iri taslama, milli Liderimiziň atlandyryşy ýaly, «şäher içinde şäher» bolup, Aşgabady hakyky megapolise öwrer.

Gün-günden özgerýän türkmen paýtagtynyň, oba-şäherleriniň keşbindäki kämillikde milli Liderimiziň badalga beren döredijilik ruhuny görmek bolýar. Hormatly Prezidentimiziň alyp barýan içeri we daşary syýasatynda öz beýanyny tapýan müdimi gymmatlyklar hem halkymyzyň milli özboluşlylygyndan, milli häsiýetinden kemal tapýar. Şeýle ajaýyp ösüşleriň, döredijilik pikirleriniň sakasynda duran Gahryman Arkadagymyzyň döwletli işleri dowamat-dowam bolsun!

Türkmenistanyň Ministrler Kabinetiniň ýanyndaky Baş arhiw müdirliginiň Türkmenistanyň Prezidentiniň arhiw gaznasy.

Ýurdumyzyň sanlyja ýyllaryň içinde tanalmaz derejede özgermegi, depginli ösüşlere eýe bolmagy döwlet Baştutanymyzyň eziz Diýarymyzyň ykdysady kuwwatyna, tutuş dünýäde parahatçylygyň we ösüşiň bähbidine strategik hyzmatdaşlyga esaslanýan durmuş ugurly syýasatynyň dabaralanýandygynyň aýdyň subutnamasyna öwrüldi.

28-nji iýunda Aşgabatda Türkmenistanyň Prezidenti Gurbanguly Berdimuhamedow bilen resmi sapar bilen ýurdumyza gelen Gyrgyz Respublikasynyň Prezidenti Sadyr Žaparowyň arasynda gepleşikler geçirildi.

Gepleşiklerde syýasy, söwda-ykdysady, ynsanperwer ugurlarda ikitaraplaýyn gatnaşyklaryň meseleleri ara alnyp maslahatlaşyldy. Şeýle hem taraplar sebitara we halkara gün tertibiniň özara gyzyklanma bildirilýän wajyp meseleleri boýunça pikir alyşdylar.

Döwlet Baştutanymyzyň belleýşi ýaly, Türkmenistan Gyrgyzystan bilen senagat ugry, obasenagat toplumynyň, dokma senagatynyň önümleriniň söwdasy, himiýa senagaty, suwuklandyrylan gaz, sintetiki benzin we beýleki harytlaryň dolanyşygy babatda ýola goýulýan hyzmatdaşlygy has-da giňeltmäge taýýardyr.

Şeýle hem türkmen we gyrgyz kompaniýalarynyň iki ýurduň çäklerinde durmuşa geçirilýän bilelikdäki maýa goýum taslamalaryna gatnaşmaklaryna döwlet tarapyndan goldaw bermek boýunça teklipler aýdyldy.

Hormatly Prezidentimiz Gurbanguly Berdimuhamedow häzirki döwürde Bişkek şäherinde Türkmenistanyň söwda merkezini açmak meselesiniň ara alnyp maslahatlaşylýandygyny belläp, türkmen paýtagtynda Gyrgyzystanyň şeýle düzümi döretmegine ýardam etmäge taýýardygyny nygtady.

Milli Liderimiz energetika pudagyny türkmen-gyrgyz hyzmatdaşlygynyň möhüm ugurlarynyň hatarynda görkezip, türkmen tebigy gazyny we elektrik energiýasyny Gyrgyzystana ibermegiň tehniki, guramaçylyk meselelerini ara alyp maslahatlaşmaga taýýardygyny aýtdy.

Özara gatnaşyklaryň esasy ugurlarynyň hatarynda ulag ulgamy hem görkezildi. Türkmenistan Hazar deňzine çykalgasy bilen ýurtlarymyzy baglanyşdyrýan ulag geçelgesi boýunça bilelikdäki işlere taýýardyr.

Döwlet Baştutanymyz ekologiýa ugry, şol sanda howanyň üýtgemegi, Merkezi Aziýa sebitinde suwy rejeli peýdalanmak babatda özara gatnaşyklaryň möhümdigini belledi.

Gepleşikleriň barşynda Prezident Sadyr Žaparow hormatly Prezidentimiz Gurbanguly Berdimuhamedowy özi üçin islendik amatly wagtda Gyrgyz Respublikasyna resmi sapar bilen gelmäge çagyryp, bu saparyň özara bähbitli hyzmatdaşlygyň işjeňleşdirilmegine goşmaça itergi berjekdigine ynam bildirdi.

Gepleşikleriň jemleri boýunça döwlet Baştutanlary Bilelikdäki Beýannamany kabul etdiler.

Şeýle hem söwda-ykdysady, bilim, medeniýet, sport we ýaşlar syýasaty, daşary syýasat edaralarynyň ugry boýunça ikitaraplaýyn resminamalara gol çekildi.

Geçen hepdede Türkmenistandan Gyrgyzystanyň paýtagty Bişkek şäherine uçar arkaly bahasy ABŞ-nyň 21 million dollaryndan gowrak bolan azyk harytlarynyň, himiki we tehniki serişdeleriň, mebel önümleriniň, köke-süýji önümleriniň, matalaryň, polipropilen hem-de polietilen, nebithimiýa önümleriniň dürli görnüşleriniň ugradylandygyny bellemek gerek. Bu waka ýakynda Aşgabatda iki ýurduň işewür toparlarynyň arasynda gol çekilen hyzmatdaşlyk hakynda ylalaşyklaryň üstünlikli amala aşyrylmagynyň aýdyň subutnamasyna öwrüldi.

Milli Liderimiziň baştutanlygynda amala aşyrylýan giň gerimli şähergurluşyk maksatnamasy syýasy, diplomatik, ykdysady, işewürlik merkezi hökmünde türkmen paýtagtynyň halkara derejesine doly kybap gelýär. Ýurdumyzyň Garaşsyzlygynyň 30 ýyllygynyň baýram edilýän ýylynda ulanmaga berilýän täze toplumlar batly depginler bilen ösýän ýurdumyzyň baş şäheriniň gözelligini has-da artdyrýar.

Geçen hepde ajaýyp wakalaryň ýene-de birine beslendi. 29-njy iýunda watandaşlarymyz hem-de daşary ýurtlaryň Liderleri, görnükli syýasy we jemgyýetçilik işgärleri hormatly Prezidentimiz Gurbanguly Berdimuhamedowy doglan güni bilen gutlap, milli Liderimize tüýs ýürekden berk jan saglyk, abadançylyk, ýurdumyzy ösdürmegiň, türkmen halkynyň abadançylygynyň bähbidine alyp barýan döwlet hem-de jemgyýetçilik işlerinde egsilmez güýç-gaýrat hem täze üstünlikleri arzuw etdiler. Bu günki Türkmenistanyň syýasy we durmuş-ykdysady ulgamlarynda gazanylýan üstünlikler milli Liderimiziň öňdengörüjilikli syýasatynyň miwesidir.

Telefon arkaly geçirilen söhbetdeşlikleriň dowamynda Russiýa Federasiýasynyň Prezidenti Wladimir Putin, Türkiýe Respublikasynyň Prezidenti Rejep Taýyp Ärdogan, Gazagystan Respublikasynyň Prezidenti Kasym-Žomart Tokaýew, Özbegistan Respublikasynyň Prezidenti Şawkat Mirziýoýew, Täjigistan Respublikasynyň Prezidenti Emomali Rahmon hem-de Russiýa Federasiýasynyň Federal Ýygnagynyň Federasiýa Geňeşiniň Başlygy Walentina Matwiýenko döwlet Baştutanymyzy doglan güni bilen gutladylar.

Şol gün hormatly Prezidentimiz Gurbanguly Berdimuhamedowyň adyna berk jan saglyk we halkymyzyň bähbidine alyp barýan işlerinde täze üstünlikler baradaky arzuwlar, milli Liderimiziň halkara guramalaryň hem-de kompaniýalaryň ýolbaşçylary bilen geçiren duşuşyklarynyň we gepleşikleriniň barşynda hem beýan edildi. Hususan-da, Ykdysady Hyzmatdaşlyk Guramasynyň Baş sekretary Hadi Soleýmanpur, “Lukoýl” açyk görnüşli paýdarlar jemgyýetiniň ýolbaşçysy Wagit Alekperow, “KamAZ” açyk görnüşli paýdarlar jemgyýetiniň baş direktory Sergeý Kogogin, Türki dilli döwletleriň hyzmatdaşlyk geňeşiniň Baş sekretary Bagdat Amreýew, “Bouygues Batiment International” fransuz kompaniýasynyň prezidenti — Baş direktory Marten Buig, BMG-niň Baş sekretarynyň Ýörite wekili, BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Natalýa German, BMG-niň Türkmenistandaky Hemişelik utgaşdyryjysynyň wezipesini ýerine ýetiriji, BMG-niň Çagalar gaznasynyň (ÝUNISEF) Türkmenistandaky wekili Kristina Weýgand, “Altkom” maliýe-senagat toparynyň direktorlar geňeşiniň başlygy Aleksandr Tislenko hem-de Ukrainanyň “Interbudmontaž” gurluşyk assosiasiýasynyň müdiriýetiniň başlygy Wladimir Petruk bilen duşuşyklar geçirildi.

Şeýle hem şol gün hormatly Prezidentimiz Gurbanguly Berdimuhamedow ak mermerli paýtagtymyzyň ajaýyp künjekleriniň birinde — Köpetdagyň eteginde Aşgabat şäheriniň häkimliginiň buýurmasy boýunça “Bouygues Batiment International” fransuz kompaniýasy tarapyndan bina edilen kaşaň “Arkadag” myhmanhanasynyň açylyş dabarasyna gatnaşdy.

14 gatly myhmanhana toplumy ýarym aýlaw görnüşinde bolup, onuň eýeleýän meýdany 220 müň inedördül metrden gowrakdyr. Toplumyň çäginden emeli derýanyň geçmegi bu taslamanyň esasy aýratynlyklarynyň biridir. Derýanyň ugrunda dynç almak we gezelenç etmek üçin niýetlenen seýilgäh zolagy guruldy. Bu ýerde myhmanlary milli däpler bilen garşylamak üçin döredilen şertler halkara ölçeglere doly laýyk gelýär. Dürli derejedäki gepleşikleri geçirmek üçin niýetlenilen maslahatlar zallary, restoranlar, çaýhanalar, internet-kafe hem-de howuzlar, çagalar üçin oýun otaglary, sport meýdançalary myhmanlaryň hyzmatynda bolar. Ýurdumyzyň taryhynyň dürli döwürlerine degişli sungat eserleri myhmanhananyň esasy bezeg aýratynlygydyr.

29-njy iýunda agşam paýtagtymyzyň “Älem” medeni-dynç alyş merkeziniň öňündäki meýdançada hormatly Prezidentimiz Gurbanguly Berdimuhamedowyň doglan güni mynasybetli sungat ussatlarynyň baýramçylyk konserti boldy. Bu baýramçylyk çäresi türkmen medeniýetiniň ägirt uly kuwwatyny açyp görkezýän täze çykyşlaryň hem-de žanrlaryň dürlüligi bilen tapawutlandy. Döwlet Baştutanymyzyň döredijilik zehininiň miwesi bolan “Bagt nury” aýdymy tomaşaçylar üçin hakyky sowgat boldy. Şirin mukamy, manyly sözleri bilen bu aýdym ýygnananlaryň kalbynda uly orun tapdy.

Konserte gatnaşyjylaryň bilelikde ýerine ýetiren “Uzak ýaşa, Arkadag!” atly aýdymynyň joşgunly sözleri we sazy milli Liderimiziň baştutanlygynda gülläp ösýän Garaşsyz, baky Bitarap Watanymyza bolan buýsanç duýgularyny beýan etdi.

30-njy iýunda hormatly Prezidentimiz Gurbanguly Berdimuhamedow Ahal, Balkan, Daşoguz, Lebap we Mary welaýatlarynyň häkimleriniň ýurdumyzyň gallaçylarynyň däne taýýarlamak baradaky şertnamalaýyn borçnamalaryny ýerine ýetirendikleri hakyndaky hasabatlaryny kabul etdi. Milli Liderimiziň ýurdumyzda, ilkinji nobatda, azyk bolçulygynyň üpjün edilmegine, dürli görnüşli oba hojalyk önümleriniň öndürilýän mukdarynyň artdyrylmagyna gönükdirilen giň möçberli özgertmeleri netijesinde, Watan harmanyna 1 million 400 müň tonnadan gowrak bugdaý hasyly tabşyryldy. Döwlet Baştutanymyz ýygnananlary, zähmetsöýer daýhanlary hem-de tutuş türkmen halkyny zähmet ýeňşi bilen tüýs ýürekden gutlap, “Bu biziň ählimiziň bilelikde gazanan uly üstünligimizdir, saçaklarymyzyň rysgal-berekedidir we halkymyzyň baýlygydyr” diýip belledi.

Soňra geçirilen iş maslahatynda hormatly Prezidentimiz ýetişdirilen hasyly iň soňky dänesine çenli ýygnap almak ugrunda zerur tagallalaryň edilmelidigini belledi. Pudaga ylmyň gazananlarynyň ornaşdyrylmagyna, gök we bakja önümleriniň mukdaryny artdyrmaga aýratyn ähmiýet berilmelidir.

Şeýle hem döwlet Baştutanymyz oba hojalyk işleri bilen bir hatarda, Oba milli maksatnamasyndan gelip çykýan wezipeleriň üstünlikli ýerine ýetirilmegi bilen baglanyşykly meseleleri gözegçilikde saklamagy tabşyrdy.

Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedowyň 1-nji iýulda geçiren Döwlet howpsuzlyk geňeşiniň giňişleýin mejlisinde harby we hukuk goraýjy edaralaryň şu ýylyň ýanwar — iýun aýlarynda ýerine ýetiren işleriniň netijelerine seredildi. Harby we hukuk goraýjy edaralaryň maddy-enjamlaýyn binýadyny pugtalandyrmak, sanly ulgamy ornaşdyrmak, şahsy düzümiň hünär hem-de bilim derejesini ýokarlandyrmak, döwlet syýasatynyň esasy ugurlaryny nazara almak bilen, halkara hukugyň umumy kabul edilen kadalaryny Türkmenistanyň Kanunlaryna ornaşdyrmak ýakyn geljek üçin ýerine ýetirilmeli işleriň esasy ugurlarynyň hatarynda görkezildi.

Mejlisde döwlet Baştutanymyz «Türkmenistanyň Prezidentiniň käbir kadalaşdyryjy hukuk namalaryna üýtgetmeler girizmek we olaryň käbirini güýjüni ýitiren diýip ykrar etmek hakynda», «Türkmenistanyň Milli howpsuzlyk institutynyň işini kämilleşdirmek hakynda» hem-de “Türkmenistanyň Serhet institutynyň meseleleri hakynda” Kararlara gol çekdi.

Döwlet howpsuzlyk geňeşiniň giňişleýin mejlisi Milli Geňeşiň Mejlisiniň we Halk Maslahatynyň ýolbaşçylarynyň, Ministrler Kabinetiniň Başlygynyň orunbasarlarynyň, welaýatlaryň hem-de Aşgabat şäheriniň häkimleriniň, syýasy partiýalaryň we jemgyýetçilik birleşikleriniň ýolbaşçylarynyň gatnaşmagynda dowam etdi.

Hormatly Prezidentimiz Gurbanguly Berdimuhamedow çykyşynyň dowamynda häkimlikler, geňeşlikler, ýerlerdäki hukuk goraýjy, bilim, saglygy goraýyş edaralary, jemgyýetçilik birleşikleri tarapyndan düzgün bozmalaryň öňüni almak boýunça işleriň geçirilmeginiň wajypdygyna mejlise gatnaşyjylaryň ünsüni çekdi. Bu edaralar ýagdaýa doly gözegçilik edip, öňüni alyş çärelerini yzygiderli geçirip durmalydyr, biziň esasy maksadymyz yzygiderli ösýän we kämil jemgyýeti döretmekden ybaratdyr diýip, döwlet Baştutanymyz aýtdy.

2-nji iýulda hormatly Prezidentimiz Ministrler Kabinetiniň sanly ulgam arkaly nobatdaky mejlisini geçirdi. Onda döwlet durmuşyna degişli wajyp meseleler ara alnyp maslahatlaşyldy. Mejlisiň gün tertibinde ykdysady gatnaşyklary düzgünleşdirýän kadalaşdyryjy hukuk namalaryny kämilleşdirmek, daşary ýurt maýa goýumlarynyň hasabyna gazhimiýa taslamalaryny amala aşyrmak, oba hojalyk ulgamynyň işiniň netijeliligini ýokarlandyrmak meselelerine garaldy.

Ulag pudagynyň maddy-enjamlaýyn binýadyny döwrebaplaşdyrmak hem-de düzüm desgalarynyň gurluşyk meselelerine aýratyn üns berildi. Hususan-da, “Balkan” gämigurluşyk we abatlaýyş zawodynda alnyp barylýan işler barada hasabat berildi, bu ýerde ýurdumyzyň we daşary döwletleriň gämileriniň onlarçasy abatlanyldy. Zawodyň işgärleriniň hünär derejesi yzygiderli ýokarlandyrylýar.

Şunuň bilen birlikde, döwlet Baştutanymyz Gurbanguly Berdimuhamedowyň garamagyna Söwda-senagat edarasynda eksport edijileriň maslahatyny geçirmek baradaky teklip hödürlenildi. Şeýle hem Türkmenistanyň Ýewropa Bileleşigi bilen ileri tutulýan ugurlarda hyzmatdaşlygyny ösdürmek boýunça alnyp barylýan işler barada hasabat berildi.

Dünýäde we sebit derejesinde parahatçylygy hem-de howpsuzlygy pugtalandyrmak maksady bilen, goňşy Owganystanda durnuklylygy gazanmak ugrunda Ýewropa Bileleşigi bilen hyzmatdaşlygy giňeltmegiň zerurdygy bellenildi.

Energetika ulgamynda hyzmatdaşlygyň täze ugurlarynyň açylmagy bilen baglylykda, Ýewropanyň “ýaşyl» ýörelgesi hem-de Ýewropa Bileleşiginiň wodorod we metan strategiýalary boýunça ylmy-amaly maslahaty guramak teklip edilýär.

Ýewropa döwletleriniň kommunikasiýa we sanly tehnologiýalar ulgamynda gazanan tejribesini toplumlaýyn öwrenmek hem-de özleşdirmek maksady bilen, Ýewropa Bileleşiginiň Türkmenistandaky wekilhanasy bilen bilelikde, ýurdumyzda Ýewropanyň maglumat we sanly tehnologiýalar merkezini açmak mümkinçiliklerine seredilýär.

Şeýle hem “Türkmenistan — Ýewropa Bileleşigi” işewürler geňeşini döretmek hem-de Bütindünýä söwda guramasyna girmek meseleleri bilen bagly okuw maslahatlaryny guramak maksadalaýyk hasaplanylýar.

Ulag we aragatnaşyk ulgamlary hyzmatdaşlygyň möhüm ugurlarynyň hatarynda kesgitlenildi.

Ministrler Kabinetiniň mejlisinde hormatly Prezidentimiz Gurbanguly Berdimuhamedow ýene bir wajyp meselä — öňümizdäki aşa yssy günlerde Günüň şöhleleriniň ýaramaz täsirinden goranmak maksady bilen, degişli çäreleriň görülmelidigine ünsi çekdi.

Milli Liderimiziň belleýşi ýaly, zerurlyk bolmasa, Günüň aşagynda gezmeli däldir. Şeýle hem ýangyn howpsuzlygynyň kadalarynyň dogry we berk berjaý edilmegine gözegçiligi güýçlendirmek, şunuň bilen baglylykda, ähli ýerde elektrik enjamlaryny aýawly peýdalanmak wajypdyr.

Mejlisde hormatly Prezidentimiz Gurbanguly Berdimuhamedow “Türkmenistanda ýokanç däl keselleriň öňüni almak we olaryň garşysyna göreşmek boýunça 2021 — 2025-nji ýyllar üçin Milli strategiýany tassyklamak hakyndaky” Karara gol çekdi. Bu resminama Saglygy goraýyş we derman senagaty ministrligi tarapyndan ýurdumyzyň beýleki ministrlikleri we pudaklaýyn dolandyryş edaralary bilen bilelikde, Türkmenistanda ýokanç däl keselleriň öňüni almak we olaryň garşysyna göreşmek, adam ömrüniň dowamlylygyny artdyrmak hem-de sagdyn durmuş ýörelgesini wagyz etmek maksady bilen taýýarlanyldy.

Döwlet Baştutanymyz “Türkmenhimiýa” döwlet konserniniň ammiak selitrasy dökünini satyn almagy baradaky Karara hem-de döwlet pudaklaýyn dolandyryş edaralaryna we kärhanalaryna ýer böleklerini ulanmaga bermek hakynda Buýruga gol çekdi.

Şol gün hormatly Prezidentimiz Türkmenistanyň Milli Geňeşiniň Mejlisiniň Başlygynyň, Ministrler Kabinetiniň Başlygynyň birnäçe orunbasarlarynyň, käbir ministrlikleriň we pudaklaýyn dolandyryş edaralarynyň ýolbaşçylarynyň gatnaşmagynda iş maslahatyny geçirdi. Iş maslahatynda Balkan welaýatyna boljak iş sapary, Merkezi Aziýa döwletleriniň Baştutanlarynyň sammitine, halkara derejeli beýleki duşuşyklara görülýän taýýarlyk, ýurdumyzyň ulag-üstaşyr geçelgeleriniň işini kämilleşdirmek meseleleri ara alnyp maslahatlaşyldy.

Geçen hepdede Milli Geňeşiň Mejlisinde Ykdysady Hyzmatdaşlyk Guramasynyň (YHG) Baş sekretary Hadi Soleýmanpur bilen duşuşyk geçirildi. Duşuşyga gatnaşyjylar YHG-nyň çäklerinde özara gatnaşyklaryň häzirki ýagdaýyny we ileri tutulýan ugurlaryny ara alyp maslahatlaşdylar.

Milli Geňeşiň Mejlisiniň wekiliýeti onlaýn görnüşde «Dawalaryň öňüniň alynmagyna hem-de parahatçylygyň dikeldilmegine zenanlaryň gatnaşygyny, ýolbaşçylyk etmegini giňeltmekde dünýä hem-de sebit birleşikleriniň hem-de meýdançalarynyň orny» atly “tegelek stoluň” başyndaky söhbetdeşlige gatnaşdy. Bu çäre BMG-niň Ösüş maksatnamasy hem-de BMG-niň Merkezi Aziýa üçin öňüni alyş diplomatiýasy boýunça sebit merkezi tarapyndan guraldy hem-de Merkezi Aziýanyň ýolbaşçy zenanlarynyň Dialogynyň howandarlygynda geçirildi.

Daşary işler ministrliginiň Halkara gatnaşyklary institutynda syýasatşynaslaryň we žurnalistleriň gatnaşmagynda sebit hyzmatdaşlygyna bagyşlanan halkara mediaforum geçirildi. Bu maslahata dünýäniň 30-a golaý döwletinden köpçülikleýin habar beriş serişdeleriniň 100-e golaýynyň wekilleri hem-de käbir sebit guramalarynyň ýolbaşçylary gatnaşdylar.

Duşuşyga gatnaşyjylar halkara hyzmatdaşlygy mundan beýläk-de pugtalandyrmak meselelerini ara alyp maslahatlaşdylar. Hususan-da, Türkmenistanyň bitarap daşary syýasy ugruna laýyklykda, daşary ýurtlaryň köpçülikleýin habar beriş serişdeleri bilen sebitiň we dünýäniň ýurtlarynyň syýasy, ykdysady, durmuş hem-de medeni ugurlar boýunça täzelikleri, synlary yzygiderli alyşmagy ýola goýandygy bellenildi.

Şeýlelikde, geçen hepdäniň wakalary “Türkmenistan — parahatçylygyň we ynanyşmagyň Watany” diýen şygar astynda geçýän 2021-nji ýylda milli Liderimiz Gurbanguly Berdimuhamedowyň amala aşyrýan “Açyk gapylar” hem-de ata Watanymyzy innowasion taýdan ösdürmäge, halkymyzyň rowaçlygyny ýokarlandyrmaga, halkara hyzmatdaşlygy giňeltmäge gönükdirilen syýasatynyň üstünlikli durmuşa geçirilýändigini nobatdaky gezek subut etdi.

(TDH).

Eziz Diýarymyz — tebigy süýümleriň aňrybaş görnüşleri bolan pagtanyň, ýüpegiň, ýüňüň bolluk bilen öndürilýän ýurdy. Şol süýümlerden dokalýan matalardan taýýarlanan egin-eşikleriň dürli haryt nyşanlary bilen belgilenip, dünýä bazarlaryna ýaýradylýandygy bolsa, ýurdumyzyň täze tehnologiýalar arkaly berkidilýän dokma pudagynyň önümçilik düzüminiň dünýä ülňülerine gabat gelýändigini görkezýän aýdyň alamatlardyr. Bu gün ol önümler dünýäniň satyn alyjy iri kompanýalarynyň uly gyzyklanmasyny gazanyp bilýän ýokary hilli, ekologiýa taýdan arassa milli haryt nyşanly brendlerdir.

Bilşimiz ýaly, «Türkmenistanda öndürildi» diýen belgi arkaly il-günümiziň ösen islegini kanagatlandyrmak üçin, ilkinji nobatda, ýurdumyzyň içerki bazarlarynyň dükanlaryna ýaýradylýan milli önümleriň hatarynda dürli matalardan başga-da çagalar üçin balak, bermud, şorty, kombinezon, ýeňsiz ýaly egin-eşikler, şeýle hem futbolka, maýka, tunika, sarafan, erkek, zenan, çaga pižamalary, erkekler üçin ýeňli, ýeňsiz köýnekler ýaly ençeme harytlary görkezmek bolar. Daşary döwletlerden getirilýän harytlaryň ornuny tutmak bilen, ýurdumyzyň eksport mümkinçiligini barha giňeldýän, milli öwüşginliligi, bedene ýakymlylygy, döwrebaplygy bilen müşderiniň göwnüne ýaraýan bu ajaýyp egin-eşikler hormatly Prezidentimiziň taýsyz tagallalary netijesinde gurlup ulanylmaga berlen täze tehnologiýaly dokma toplumlarynda, şeýle hem durky düýpli täzelenip döwrebaplaşdyrylan önümçilik birleşiklerinde taýýarlanylýar.

Öndürýän ýokary hilli dokma harytlary ildeşlerimiziň söýgüsine mynasyp bolýan «Bahar» tikin önümçilik birleşigi ýurdumyzda baýry kärhanalaryň hatarynda tanalýar. 1936-njy ýylda esaslandyrylyp, dürli atlarda hereket eden bu kärhanada möwsümleýin geýilýän geýimlere aýratyn üns berildi. Gyş aýlaryna niýetlenen içi pagtaly güpbüler, ellikler, şeýle-de harby gullukçylar üçin ýörite toplumlar, çaga we zenan egin-eşikleri bu kärhananyň öndürýän önümleriniň esasyny düzdi.

Berkarar döwletimiziň bagtyýarlyk döwründe bu kärhana hem döwrebaplaşdyryldy, önümçilik täze tehnologiýaly enjamlar bilen üpjün edilip, önümleriň görnüşleri giňeldildi. Birleşigiň tikinçi hünärmenleriniň öndürýän harytlary ýurdumyzyň içerki bazarlarynda ýokary hili, ösen islegi kanagatlandyryp bilýänligi, geçginliligi bilen tapawutlanýar. Diýarymyzyň dürli ýerlerinden gelýän sargytlar esasynda önüm öndürýän kärhana 3 sany tikinçilik we 1 biçim sehinden, şeýle hem çig malyň, taýýar önümleriň saklanýan 3 sany ammaryndan ybarat. Önümçilik sehleriniň iş aýratynlyklary, öndürýän önümleriniň görnüşleri, kärhananyň çig mal üpjünçiligi barada birleşigiň kärdeşler arkalaşygynyň başlygy Oguldurdy Dadaýewanyň beren gürrüňi bu ýerde alnyp barylýan işler bilen içgin tanyşmaga mümkinçilik berdi.

— Ösüşli ýolda öz ornuňy berkitmek, gazanýan netijäňi hemişe ýokarlandyryp, ýeňişli menziliňi ýeneki üstünlikler, nusgalyk işler bilen dowam etmek döwrümiziň talabydyr. Hormatly Prezidentimiziň aladalary netijesinde yzygiderli döwrebaplaşdyrylýan dokma pudagynda mynasyp orun alan kärhanamyzyň tikinçileri gazanylýan her bir üstünlikde öz paýyny görmäge çalyşýarlar. Önümleri dünýä belli bolan Türkmenistanyň jinsi toplumynda, Ruhabat dokma toplumynda, paýtagtymyzdaky Aşgabat we Türkmenbaşy, şeýle hem Gypjakdaky S.Nyýazow adyndaky dokma toplumlarynda dokalýan ýokary hilli, dürli görnüşli matalar kärhanamyzyň esasy çig malydyr. Önümiň esasy gymmaty tikiliş aýratynlygy bilen birlikde onuň çig malynda jemlenýär. Gymmaty dünýä belli türkmen pagtasyndan öndürilýän matalarymyz ýurdumyzyň halkara söwda gatnaşyklarynda ýokary derejeli saýylýan önümlerdir.

Tikin tikýän, bürjeýän, ilik berkidýän, onuň halkalaryny taýýarlaýan, milli geýimleri nagyşlaýan, garaz, tikinçilik bilen bagly ähli işi ýerine ýetirýän kämil enjamlar oturdylan sehimiziň 2-sinde, kärhanamyzyň öňden gelýän däbine görä, harby gullukçylar üçin ähli pasla degişli geýimler toplumy öndürilýär. Milli öwüşgin berlip tikilýän geýimleriň her birinde ykjamlyk, rahatlyk, göze gelüwlilik talaplarynyň berjaý edilmegine aýratyn üns berilýär.

Önümleri köp görnüşli tikinçilik birleşigimiziň 3-nji sehinde täze dogan çagalara we ýetginjeklere niýetlenen trikotaž önümleri bilen birlikde, ýakasy nagyşlanan ştapel matasyndan zenan lybaslary, erkekler üçin milli biçüwdäki balaklar tikilip, ýurdumyzyň welaýatlaryna ýaýradylýar. Naýbaşy önümlerimiziň hatarynda bolan panbarhat matasyndan ýakasy nagyşly lybaslaryň, erkeklere niýetlenen pižamalaryň, şeýle hem dürli şekiljikler, güljagazlar bilen baýlaşdyrylyp tikilýän çaga egin-eşikleriniň sargydy hemişe ýetik.

Mekdep ýaşly çagalaryň lybaslaryny öndürýän öňdebaryjy dokma toplumlarydyr tikin fabrikleriniň hatarynda bolan birleşigimiziň tikinçileriniň öndürýän okuw geýimleri täze okuw ýylynyň öň ýanynda ýörite guralýan mekdep bazarlarynda ildeşlerimiz tarapyndan höwes bilen satyn alynýar. Gyzlar üçin ýaşyl reňkli okuw penjegi, ýakasy milli nagyşly köýnek, okuw öňlügi, okuwçy gyzlar we oglanlar üçin ak reňkli laboratoriýa dony — önümçilik birleşigimiziň tikinçileriniň elinden çykan bu harytlar ýaşajyk türkmenistanlylaryň söýgüsini gazanan, olaryň höwes bilen geýýän lybaslarydyr. «Maksatly myradyna ýeter» diýýändir halkymyz. Tikin önümçilik birleşigimizde zähmet çekýän hünärmenlerimiziň hem esasy maksady owadan, amatly, geýeniňde ykjam lybaslar bilen ilaty begendirmekdir — diýip, Oguldurdy Dadaýewa söhbedini paýawlaýar.

Hawa, arzyly maksatlar hemişe ýeňişli menzile eltýär. Önümçiliginde millilige, köpdürlülige, döwrebaplyga aýratyn üns berip, her bir menzili täze ýeňişler bilen garşylaýan «Bahar» tikin önümçilik birleşiginiň agzybir işgärler toparynyň maksady olaryň öndürýän önümlerinde aýdyň şöhlelenýär. Ýagny bäbejiklere niýetlenen dürli görnüşli naşyja geýimlerden başlap, işçiler, harby gullukçylar üçin tikilýän toplumlarda, ildeşlerimiziň söýgüsine mynasyp bolan ençeme görnüşli trikotaž we beýleki önümlerde olaryň tutanýerli zähmeti jemlenýär.

Aýnabat DURDYÝEWA.

«Türkmenistan». Surata düşüren Ýuriý ŞKURIN.

Golaýda Türkmenistanyň Senagatçylar we telekeçiler birleşmesiniň agzalarynyň wirtual sergisi öz işine başlady. Ony Türkmenistanyň Garaşsyzlygynyň şanly 30 ýyllygy, baky Bitaraplygymyzyň 25 ýyllygy, şeýle hem 2021-nji ýylyň «Türkmenistan — parahatçylygyň we ynanyşmagyň Watany» diýip yglan edilmegi mynasybetli, birleşmäniň «Kerwen» hojalyk jemgyýeti taýýarlady.

Wirtual sergi hormatly Prezidentimiziň türkmen telekeçilerine döredip berýän şertleriniň, kömek-goldawlarynyň miwelerini, hususy ulgamda amala aşyrylýan köpugurly özgertmeleri giňişleýin beýan edýär. Oňa birleşmäniň işjeň agzalarynyň 80-e golaýy gatnaşyp, öz öndürýän önümleri we ýerine ýetirýän hyzmatlary bilen tanyşdyrýarlar.

Häzirki döwürde dünýäde halkara maslahatlardyr sergileriň sanly görnüşde geçirilmegi ýörgünlidir. Wirtual sergilere dünýäniň islendik künjeginden girip, işewür gatnaşyklary ýola goýup bolýar.

Türkmen, rus we iňlis dillerinde taýýarlanan sergi gije-gündiz — 24 sagatlap dowam edýär. Ol ildeşlerimize daşary ýurtly hyzmatdaşlary bilen işjeň aragatnaşyk saklamaga giň mümkinçilik döredýär. 3D ölçegdäki sergide sarp edijiler hem-de işewürler üçin gyzykly maglumatlar berilýär. Ýörite enjamyň hem-de 3D äýnegiň kömegi bilen sergä aýlanyp, oňa gatnaşyjylar, öndürýän önümleridir hyzmatlary bilen tanyşmak mümkin. Şeýle-de özüňiz hakyndaky maglumatlary görkezip, täze hyzmatdaşlyk tekliplerini ýollap bilersiňiz.

Hormatly Prezidentimiziň ykdysadyýeti sanlylaşdyrmak, innowasion tehnologiýalaryň giň mümkinçiliklerinden netijeli peýdalanmak hakyndaky tabşyryklaryndan ugur alnyp döredilen sergä gyzyklanmalar yzygiderli artýar. Onuň işi bilen www.fair.kerwen.com.tm internet salgysy boýunça tanşyp bilersiňiz.

Rahmanberdi GÖKLEŇOW.

«Türkmenistan».

Aşgabat, 2-nji iýul (TDH). Şu gün hormatly Prezidentimiz Gurbanguly Berdimuhamedow Ministrler Kabinetiniň sanly ulgam arkaly nobatdaky mejlisini geçirdi. Onda döwlet durmuşyna degişli wajyp meseleler ara alnyp maslahatlaşyldy, şeýle hem käbir taýýarlanan resminamalaryň taslamalaryna garaldy.

Hökümet mejlisiniň gün tertibine girizilen meselelere geçip, milli Liderimiz, ilki bilen, Ministrler Kabinetiniň Başlygynyň orunbasary G.Müşşikowa söz berdi. Wise-premýer hereket edýän kadalaşdyryjy hukuk namalaryny seljermek we kämilleşdirmek hem-de olary döwrüň talabyna laýyk getirmek boýunça amala aşyrylýan işler barada hasabat berdi.

Ministrlikleri hem-de pudaklaýyn dolandyryş edaralaryny düzümleýin üýtgetmek boýunça geçirilen özgertmeleri nazara alyp, kiçi we orta telekeçiligi goldamak baradaky Döwlet toparynyň täze düzümini tassyklamak göz öňünde tutulýar. Şeýle hem wise-premýer döwlet Baştutanymyzyň garamagyna ýurdumyzyň Maliýe we ykdysadyýet ministrliginiň ýanyndaky Pudagara merkezi toparyň düzümine üýtgetmeleri girizmek hakyndaky teklibi hödürledi. Bu çözgüt döwlet emlägini hususylaşdyrmak işini kämilleşdirmäge gönükdirilendir.

Hormatly Prezidentimiz Gurbanguly Berdimuhamedow hasabaty diňläp, ykdysady gatnaşyklary ugrukdyrýan kadalaşdyryjy hukuk namalaryny häzirki döwrüň ýagdaýyna laýyk getirmegiň ähmiýetine ünsi çekdi. Milli Liderimiz bu işler geçirilende, hereket edýän kanunçylyk namalarynyň düzgünleriniň göz öňünde tutulmagynyň zerurdygyny belläp, onda umumy kabul edilen halkara kadalara eýerilmelidigini aýtdy. Döwlet Baştutanymyz wise-premýere bu meseleleri jikme-jik öwrenmegi, ony ugurdaş düzümler bilen ýene bir ýola maslahatlaşyp, işläp taýýarlamagy tabşyrdy.

Ministrler Kabinetiniň Başlygynyň orunbasary Ş.Abdrahmanow gözegçilik edýän düzümlerinde alnyp barylýan işleriň ýagdaýy, “Türkmengaz” döwlet konserni tarapyndan daşary ýurt maýa goýumlarynyň hasabyna gazhimiýa taslamalaryny durmuşa geçirmek boýunça amala aşyrylýan çäreler barada hasabat berdi.

Dünýäde ygtybarly hyzmatdaş we öz borçlaryna jogapkärçilikli garaýan ýurt hökmünde ykrar edilen Türkmenistan bilen hyzmatdaşlyk etmäge gyzyklanma bildirýän daşary ýurtlaryň iri kompaniýalary bilen ýurdumyzda ähmiýetli taslamalary amala aşyrmak boýunça gepleşikler geçirilýär. Ýurdumyzda nebitgaz ýataklaryny özleşdirmek we gaz geçirijileriň gurluşygyny çaltlandyrmak, tebigy gazy gaýtadan işlemek boýunça daşary ýurt kompaniýalary bilen geçirilýän gepleşikler oňyn netijesini berýär.

Döwlet Baştutanymyz hasabaty diňläp, häzirki döwürde ýurdumyzyň ýangyç-energetika toplumynyň maddy-enjamlaýyn binýadyny döwrebaplaşdyrmak hem-de önümçilik düzümlerine täzeçil tehnologiýalary we dünýäniň ösen tejribesini ornaşdyrmak meselelerine möhüm ähmiýet berilmelidigini belledi. Şunda halkara hyzmatdaşlyga aýratyn orun degişli bolmalydyr.

Hormatly Prezidentimiz bu barada aýtmak bilen, toplumda durmuşa geçirilmegi göz öňünde tutulýan taslamalara gatnaşmaga gyzyklanma bildirýän daşary ýurtlaryň belli kompaniýalary bilen gepleşikleriň geçirilmelidigini, olaryň netijeleri boýunça özara bähbitli gatnaşyklaryň ýola goýulmalydygyny belledi we hödürlenen teklibi makullap, nebitgaz senagaty boýunça oňyn tejribesi bolan daşary ýurt kompaniýalary bilen bu ugur boýunça işleri dowam etmegi tabşyrdy.

Ministrler Kabinetiniň Başlygynyň orunbasary E.Orazgeldiýew ýurdumyzda milli ykdysadyýetimiziň ähli pudaklarynyň sazlaşykly ösüşini üpjün etmek maksady bilen, gözegçilik edýän düzümlerinde ýer serişdelerini netijeli peýdalanmak boýunça ýaýbaňlandyrylan giň möçberli işler barada hasabat berdi.

Döwlet Baştutanymyzyň garamagyna ministrliklere we pudaklaýyn dolandyryş edaralaryna, ýurdumyzyň häkimliklerine hem-de olaryň garamagyndaky edara-kärhanalara gurluşyk we önümçilik maksatly ýer böleklerini peýdalanmaga bermek boýunça Buýrugyň taslamasy hödürlenildi. Bölünip berlen ýerler häzirki zaman önümçilik desgalaryny, ýaşaýyş jaýlaryny gurmak, gurluşyk üçin çig mal serişdelerini gazyp almak hem-de oba hojalyk ekinlerini we miweli baglary ösdürip ýetişdirmek üçin peýdalanylar. Aşgabat şäheriniň hem-de welaýatlaryň toparlary tarapyndan hödürlenilen teklipler Ýer meseleleri boýunça Döwlet toparynda seljerildi.

Hormatly Prezidentimiz hasabaty diňläp, obasenagat toplumyny ösdürmegiň maksatnamasyny durmuşa geçirmek hem-de bu ulgamda onuň netijeliliginiň ýokarlanmagyna, dürli görnüşli oba hojalyk önümleriniň önümçilik möçberleriniň artmagyna, azyk bolçulygynyň üpjün edilmegine we ýurdumyzyň eksport kuwwatynyň pugtalanmagyna gönükdirilen özgertmeleri amala aşyrmak babatda wise-premýere anyk tabşyryklary berdi.

Hormatly Prezidentimiz döwlet edaralaryna we kärhanalaryna ýer böleklerini peýdalanmaga bermek hakyndaky Buýruga gol çekip, ony sanly ulgam arkaly wise-premýere iberdi we resminamadan gelip çykýan wezipeleri üstünlikli ýerine ýetirmek babatda anyk tabşyryklary berdi.

Milli Liderimiz sanly ulgam arkaly geçirilýän Hökümet mejlisiniň dowamynda oba hojalyk we daşky gurşawy goramak ministri A.Altyýewi göni aragatnaşyga çagyrdy. Ministr häzirki döwürde ýolbaşçylyk edýän düzümlerinde alnyp barylýan işleriň ýagdaýy, tomus paslynyň dowam edýän günlerinde howanyň aşa gyzmagyna garaşylýandygy barada hasabat berdi.

Hormatly Prezidentimiz Günüň aşa gyzmagynyň we yssy günlerde Günüň aşagynda gezmegiň adamlaryň saglygyna ýaramaz täsiriniň bardygyna ünsi çekip, howanyň ýagdaýy baradaky maglumatlaryň metbugatda hem-de teleradioýaýlymlarda yzygiderli berilmelidigini belledi. Şunuň bilen baglylykda, döwlet Baştutanymyz degişli işleri talabalaýyk guramak boýunça anyk tabşyryklary berdi.

Ministrler Kabinetiniň Başlygynyň orunbasary Ş.Durdylyýew gözegçilik edýän ulgamlaryndaky işler barada hasabat berdi.

Häzirki wagtda hormatly Prezidentimiz Gurbanguly Berdimuhamedow tarapyndan tassyklanylan gurluşykda milli çykdajy-ölçeg binýadyny işläp taýýarlamak we nyrh emele getirmek ulgamyny kämilleşdirmek boýunça 2019 — 2025-nji ýyllar üçin Döwlet maksatnamasyny ýerine ýetirmegiň meýilnamasyna laýyklykda, Gurluşyk we binagärlik ministrligi zerur kadalaşdyryjy hukuk namalaryny we beýleki resminamalary işläp taýýarlamak, olary degişli edara-kärhanalar bilen ylalaşmak we bellenen tertipde tassyklamak boýunça işleri alyp barýar. Gurluşykda nyrh emele getirmek ulgamyny kämilleşdirmek boýunça öňde goýlan wezipeleri üstünlikli ýerine ýetirmek maksady bilen, halkara bäsleşik yglan edildi hem-de ýeňiji kesgitlenildi.

Soňra döwlet Baştutanymyzyň garamagyna “Türkmenhimiýa” döwlet konserniniň ammiak selitra dökünini satyn almagy hakynda” Kararyň taslamasy hödürlenildi. 2021-nji ýylda ýurdumyzda gowaçanyň bol hasylyny ýetişdirmek maksady bilen, obasenagat toplumyny zerur mineral dökünleri bilen üpjün etmek boýunça degişli işler alnyp barylýar.

Hormatly Prezidentimiz Gurbanguly Berdimuhamedow hasabaty diňläp, gurluşykda milli nyrh emele getirmek ulgamyny kämilleşdirmek boýunça geçirilýän işleriň wajypdygyny nygtady. Milli Liderimiz bu ulgamdaky işleriň ýagdaýyny seljermegi dowam etmegi tabşyryp, bu ugurda uly tejribesi bolan daşary ýurt kompaniýalaryny çekmegiň zerurdygyny belledi.

Döwlet Baştutanymyz ýurdumyzyň oba hojalyk önümlerini öndürijilerini zerur himiýa önümleri bilen doly üpjün etmegiň möhümdigini aýdyp, dökünleri satyn almak baradaky teklibi makullady. Milli Liderimiz degişli Karara gol çekip, ony sanly ulgam arkaly wise-premýere iberdi we resminamanyň ýerine ýetirilişine gözegçiligi üpjün etmegi tabşyrdy.

Ministrler Kabinetiniň Başlygynyň orunbasary B.Öwezow gözegçilik edýän düzümlerinde ýerine ýetirilýän işleri döwrüň talabyna laýyk derejede kämilleşdirmek, işiň depginlerini yzygiderli artdyrmak boýunça durmuşa geçirilýän giň möçberli çäreler barada hasabat berdi.

«Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» kesgitlenen wezipeleri ýerine ýetirmegiň çäklerinde ulag ulgamynyň maddy-enjamlaýyn binýady döwrebaplaşdyrylýar we düzümleýin desgalaryň gurluşygy dowam edýär. “Türkmendeňizderýaýollary” agentliginiň paýly gatnaşmagynda döredilen “Balkan” gämi gurluşyk we abatlaýyş zawodynda alnyp barylýan işleriň depgini barha ýokarlanýar. Onda ýurdumyzyň we daşary döwletleriň onlarça gämileri abatlanyldy. Zawodyň işgärleriniň tejribesi we hünär derejesi yzygiderli ýokarlandyrylýar.

Hormatly Prezidentimiz Gurbanguly Berdimuhamedow hasabaty diňläp, Türkmenbaşynyň Halkara deňiz portunyň doly kuwwatyna çykarylmagynyň Merkezi Aziýa we Hazar sebiti üçin örän uly ähmiýetiniň bardygyny belledi. Munuň özi yklymara ýük gatnawlarynyň logistik ulgamyny döretmekde aýratyn ähmiýetlidir.

Döwlet Baştutanymyz “Balkan” gämigurluşyk we abatlaýyş zawodynyň işinde dünýäniň ösen tejribesini işjeň ulanmak, ýük we ýolagçy gatnawlaryny işjeňleşdirmek hem-de daşky gurşawy goramak babatda durmuşa geçirilýän çäreleri kämilleşdirmek barada wise-premýere anyk tabşyryklary berdi.

Soňra Ministrler Kabinetiniň Başlygynyň orunbasary Ç.Gylyjow gözegçilik edýän düzümlerinde alnyp barylýan işleriň ýagdaýy, ýurdumyzyň eksport mümkinçiliklerini mundan beýläk-de artdyrmak boýunça işlenip taýýarlanylan maksatnamanyň ýerine ýetirilişi we Türkmenistanda öndürilen harytlaryň daşary ýurt bazarlarynda eýeleýän ornuny yzygiderli giňeltmek ugrunda ýaýbaňlandyrylan işler barada hasabat berdi.

Wise-premýer hormatly Prezidentimiziň degişli Karary esasynda tassyklanan “Türkmenistanyň 2021 — 2030-njy ýyllar üçin daşary söwda Strategiýasynda” kesgitlenen wezipeleri amala aşyrmak maksady bilen, ýurdumyzyň eksport mümkinçiliklerini we bu ugurda öňde durýan çäreleri ara alyp maslahatlaşmak üçin Söwda-senagat edarasynda eksport edijileriň maslahatyny geçirmek baradaky teklibi döwlet Baştutanymyzyň garamagyna hödürledi.

Hormatly Prezidentimiz Gurbanguly Berdimuhamedow hasabaty diňläp, ýurdumyzda öndürilýän harytlaryň bäsdeşlige ukyplylygyny pugtalandyrmak, eksport amallaryny döwrüň talabyna laýyk derejede kämilleşdirmek we eksport edijilere döwlet tarapyndan berilýän goldawy pugtalandyrmak meseleleriniň ähmiýetlidigini nygtady. Milli Liderimiz bu ugra degişli işleriň kämilleşdirilmegi, oňa dünýäniň ösen tejribesiniň we ylmyň häzirki zaman gazananlarynyň ornaşdyrylmagy ýurdumyzda öndürilýän eksport ugurly harytlaryň dünýä bazarlarynda eýeleýän ornunyň pugtalanmagyny üpjün eder diýip belledi we hödürlenen teklibi makullap, maslahatyň ýokary guramaçylyk derejesini üpjün etmek babatda wise-premýere anyk tabşyryklary berdi.

Ministrler Kabinetiniň Başlygynyň orunbasary M.Mämmedowa gözegçilik edýän düzümlerindäki işleriň ýagdaýy, ata Watanymyzyň mukaddes Garaşsyzlygynyň şanly 30 ýyllygy mynasybetli baýramçylyk dabaralaryna we çärelerine taýýarlyk görlüşi barada hasabat berdi. Teatrlaryň, muzeýleriň, kitaphanalaryň hem-de medeniýet ulgamynyň beýleki edaralarynyň işini kämilleşdirmek, olaryň işine sanly tehnologiýalary ornaşdyrmak boýunça işler dowam etdirilýär. Hormatly Prezidentimiz Gurbanguly Berdimuhamedowyň durmuşa geçirýän içeri we daşary syýasatynyň ähmiýetini düşündirmek hem-de ilaty sagdyn durmuş ýörelgesine çekmek, ýaşlary ahlak taýdan terbiýelemek boýunça işler alnyp barylýar.

Milli Liderimiz hasabaty diňläp, döwrüň talaplaryna laýyklykda we dünýäde bu ulgamda gazanylanlary nazara almak bilen, medeniýet ulgamyny hem-de köpçülikleýin habar beriş serişdelerini mundan beýläk-de ösdürmegiň ähmiýetini nygtady we wise-premýere anyk tabşyryklary berdi.

Döwlet Baştutanymyz öňde boljak baýramçylyk çärelerine taýýarlyk görmek meselelerine ünsi çekip, olary ýokary guramaçylyk derejesinde geçirmek babatda degişli görkezmeleri berdi.

Ministrler Kabinetiniň Başlygynyň orunbasary M.Geldinyýazow döwlet Baştutanymyzyň garamagyna “Türkmenistanda ýokanç däl keselleriň öňüni almak we olaryň garşysyna göreşmek boýunça 2021 — 2025-nji ýyllar üçin Milli strategiýany tassyklamak hakynda” Kararyň taslamasyny hödürledi. Bu resminama Saglygy goraýyş we derman senagaty ministrligi tarapyndan ýurdumyzyň beýleki ministrlikleri we pudaklaýyn dolandyryş edaralary bilen bilelikde Türkmenistanda ýokanç däl keselleriň öňüni almak we olaryň garşysyna göreşmek, adam ömrüniň dowamlylygyny artdyrmak hem-de sagdyn durmuş ýörelgelerini wagyz etmek maksady bilen taýýarlanyldy.

Milli strategiýanyň esasy maksady we wezipeleri ýokanç däl keselleriň öňüni almakdan we olaryň garşysyna göreşmekden, ilat arasynda sagdyn durmuş ýörelgelerini berkarar etmekden, raýatlaryň saglyk baradaky habarlylygyny ýokarlandyrmakdan, näsaglary ýokary hilli derman hem-de beýleki lukmançylyk serişdeleri bilen üpjün etmekden ybaratdyr. Oňa laýyklykda, raýatlara ýokanç däl keselleriň öňüni almak üçin deň mümkinçilikler we şertler dörediler, sagdyn durmuş ýörelgelerine eýerýänleriň sany artar. Bu bolsa zyýanly endikler sebäpli döreýän ýokanç däl keselleriň azalmagyna getirer, şeýle hem amaly lukmançylyga netijeli öňüni alyş, anyklaýyş, bejeriş we dikeldiş çäreleriniň ornaşdyrylmagy netijesinde adam ömrüniň dowamlylygy ýokarlanar.

Hormatly Prezidentimiz Gurbanguly Berdimuhamedow hasabaty diňläp, milli saglygy goraýyş ulgamynyň yzygiderli kämilleşdirilmeginiň geçirilýän durmuş ugurly syýasatyň ileri tutulýan ugrudygyny hem-de şeýle bolmagynda galýandygyny, onuň esasy maksadynyň bolsa ynsan saglygyny goramakdan ybaratdygyny belledi. Döwlet Baştutanymyz Kararyň hödürlenilen taslamasyna gol çekip, ony sanly ulgam arkaly wise-premýere iberdi hem-de ýokanç däl keselleriň öňüni almak boýunça işleri netijeli ýola goýmak boýunça birnäçe anyk görkezmeleri berdi.

Ministrler Kabinetiniň Başlygynyň orunbasary, daşary işler ministri R.Meredow ýurdumyzyň Ýewropa Bileleşigi bilen hyzmatdaşlygyny mundan beýläk-de ösdürmek boýunça alnyp barylýan işler barada hasabat berdi. Şunuň bilen baglylykda, Ýewropa döwletleri, şol sanda Ýewropa Bileleşigine girýän ýurtlar bilen özara bähbitli we deňhukukly hyzmatdaşlygy ösdürmegiň Türkmenistanyň daşary syýasatynyň esasy ugurlarynyň biri bolup durýandygy bellenildi. Ýewropa Bileleşigi bilen yzygiderli esasda hyzmatdaşlygy giňeltmek maksady bilen, duşuşyklar we geňeşmeler, hususan-da, Türkmenistan —–Ýewropa Bileleşigi Bilelikdäki we Parlamentara komitetleriniň ugry boýunça duşuşyklar geçirilýär. Häzirki wagtda hyzmatdaşlygy işjeňleşdirmek hem-de gazanylan ylalaşyklary durmuşa geçirmek babatda ileri tutulýan ugurlar boýunça teklipler taýýarlanyldy.

Ählumumy we sebit derejesinde parahatçylygy hem-de howpsuzlygy pugtalandyrmak ulgamyndaky gatnaşyklar aýratyn ähmiýete eýedir. Şunuň bilen baglylykda, Türkmenistanyň wekiliýeti şu ýylyň 1-nji iýulynda Daşkent şäherinde geçirilen Ýewropa Bileleşiginiň we Merkezi Aziýa döwletleriniň arasyndaky ýokary derejeli syýasy we howpsuzlyk dialogynyň nobatdaky duşuşygyna gatnaşdy. Mundan başga-da, goňşy Owganystanda durnuklylygy gazanmak ulgamynda Ýewropa Bileleşigi bilen hyzmatdaşlygy giňeltmek möhüm hasaplanylýar. Munuň özi sebit howpsuzlygyny pugtalandyrmagyň wajyp meseleleriniň biridir.

Şunuň bilen birlikde, energetika ugry boýunça hyzmatdaşlygyň täze ugurlaryny ösdürmek maksadalaýyk hasaplanylýar. Şunda şu ýylyň 18-nji iýunynda Türkmenistan bilen Ýewropa Bileleşiginiň arasynda geçirilen maslahatlaşmalaryň jemleri boýunça beýan edilen teklipleri bellemek gerek. Gaýtadan dikeldilýän energiýa çeşmeleri hem-de «ýaşyl» ykdysadyýet ýörelgelerini durmuşa geçirmek ulgamynda özara gatnaşyklary ösdürmek üçin şu ýylyň oktýabr-noýabr aýlarynda Türkmenistanyň, Energetika boýunça Ýewropa Komissarynyň edarasynyň we Energiýanyň gaýtadan dikeldilýän çeşmeleri boýunça halkara agentligiň (IRENA) arasynda üçtaraplaýyn dialogy geçirmek teklip edilýär.

Pes uglerodly we wodorod energetika ulgamlarynda tejribe alyşmak maksady bilen, Ýewropanyň “ýaşyl» ýörelgesi hem-de Ýewropa Bileleşiginiň wodorod we metan strategiýalary boýunça ylmy-amaly maslahaty guramak teklip edilýär. Munuň özi hormatly Prezidentimiziň şu ýylyň 25-nji maýynda geçirilen BMG-niň gazyp alýan senagat boýunça ýokary derejeli “tegelek stolunyň” başynda öňe süren başlangyçlaryna laýyklykda alnyp barylýan işlere uly itergi berer.

Kommunikasiýa we sanly tehnologiýalar ulgamynda Ýewropa ýurtlary bilen gatnaşyklar möhüm ähmiýete eýedir. Häzirki wagtda «Türkmenistanda 2019 — 2025-nji ýyllarda sanly ykdysadyýeti ösdürmegiň Konsepsiýasynda» beýan edilen wezipeleri durmuşa geçirmek üçin Ýewropa Bileleşiginiň taslamalarynyň çäklerinde bilelikdäki degişli çäreler geçirilýär. Ýewropa döwletleriniň bu ugurda gazanan tejribesini ulgamlaýyn öwrenmek we özleşdirmek maksady bilen, Ýewropa Bileleşiginiň Türkmenistandaky wekilhanasy bilen bilelikde ýurdumyzda Ýewropanyň maglumat we sanly tehnologiýalar merkezini açmak mümkinçiliklerine seretmek teklip edilýär.

Ykdysady hyzmatdaşlyk barada aýdylanda bolsa, Ýewropa Bileleşiginiň söwda-maýa goýum ulgamynda ýurdumyzyň esasy hyzmatdaşlarynyň biri bolup durýandygyny bellemek gerek. Şunuň bilen baglylykda, Türkmenistan — Ýewropa Bileleşigi işewürler geňeşini döretmek maksadalaýyk hasaplanylýar. Ýewropa Bileleşiginiň mümkinçiliklerini ulanyp, Bütindünýä Söwda Guramasyna girmek meseleleri bilen bagly okuw maslahatlarynyň ulgamyny döretmek teklip edilýär.

Ulag we aragatnaşyk ulgamlary hyzmatdaşlygyň möhüm ugurlarynyň hatarynda kesgitlenildi. Şundan ugur alyp, ulag boýunça Ýewropa Komissarynyň edarasy bilen ysnyşykly işi ýola goýmak teklip edilýär. Şunuň bilen birlikde, Türkmenistan bilen Ýewropa Bileleşiginiň arasynda ikitaraplaýyn resminamalaryň taýýarlanylmagy maksadalaýyk hasaplanylýar.

Hormatly Prezidentimiz Gurbanguly Berdimuhamedow hasabaty diňläp, Bitarap Türkmenistanyň köptaraplaýyn we ikitaraplaýyn esasda Ýewropa Bileleşigi hem-de oňa agza ýurtlar bilen netijeli gatnaşyklary ösdürmäge uly ähmiýet berýändigini belledi. Dürli ulgamlarda durmuşa geçirilen we häzirki wagtda amala aşyrylýan bilelikdäki taslamalar hem-de maksatnamalar Ýewropa Bileleşigi bilen özara bähbitli hyzmatdaşlygyň aýdyň netijesidir. Häzirki wagtda Ýewropa Bileleşigi bilen hyzmatdaşlyk köp ugurlary, şol sanda syýasy, durmuş-ykdysady we hukuk ugurlaryny, energetika, ulag, bilim we ylym, ekologiýa hem-de daşky gurşawy goramak, oba hojalygy, hususy ulgam ýaly ugurlary öz içine alýar.

Parahatçylygy we howpsuzlygy pugtalandyrmak, häzirki döwrüň wehimlerine hem-de howplaryna garşy göreşmek işinde tagallalary birleşdirmek Türkmenistan bilen Ýewropa Bileleşiginiň arasyndaky gatnaşyklaryň möhüm ugry bolup durýar. Ýurdumyz Ýewropa Bileleşigi — Merkezi Aziýa çäklerinde hem ýewropaly hyzmatdaşlar bilen işjeň gatnaşyk edýär.

Döwlet Baştutanymyz aýdylanlary jemläp, hödürlenen teklipleri makullady we wise-premýere, daşary işler ministrine ägirt uly kuwwaty nazara almak bilen, Ýewropa Bileleşigi bilen netijeli hyzmatdaşlygy mundan beýläk-de ösdürmek üçin işleri dowam etmek babatda anyk tabşyryklary berdi.

Soňra hormatly Prezidentimiz Gurbanguly Berdimuhamedow mejlisiň jemini jemläp, onda döwlet durmuşynyň möhüm meselelerine garalandygyny hem-de pudaklary ösdürmäge gönükdirilen birnäçe resminamalaryň kabul edilendigini aýtdy. Milli Liderimiz ýene-de bir möhüm mesele barada durup geçdi.

Oba hojalyk we daşky gurşawy goramak ministriniň beren hasabatyndan görnüşi ýaly, ýakyn günlerde howanyň çendenaşa gyzmagyna garaşylýar. Şoňa görä-de, Ministrler Kabinetiniň agzalary, pudaklaryň we edara-kärhanalaryň ýolbaşçylary hem-de raýatlar Günüň örän gyzýan wagtlary onuň şöhlesinden goranmak üçin zerur çäreleri görmelidirler diýip, döwlet Baştutanymyz aýtdy.

Milli Liderimiz zerur bolmasa, günüň aşagynda gezmeli däldigini belledi we kiçi ýaşly çagalaryň Günüň aşagynda bolýan wagtyny çäklendirip, bu ýagdaýa berk gözegçilik etmegiň wajypdygyny nygtady.

Ýangyn howpsuzlyk kadalarynyň dogry we berk berjaý edilmegine gözegçiligi güýçlendirmek, şunuň bilen baglylykda, ähli ýerde elektrik enjamlaryny aýawly peýdalanmak wajypdyr. Şu kadalary dogry we berk berjaý etsek, biz Günüň aşa gyzmagyndan goranyp bileris diýip, döwlet Baştutanymyz belledi.

Mejlisde döwlet durmuşyna degişli başga-da birnäçe meselelere garaldy we olar boýunça degişli çözgütler kabul edildi.

Hormatly Prezidentimiz Gurbanguly Berdimuhamedow Ministrler Kabinetiniň sanly ulgam arkaly mejlisini tamamlap, oňa gatnaşanlaryň ählisine berk jan saglygyny, maşgala abadançylygyny, berkarar Watanymyzyň gülläp ösmegi ugrunda alyp barýan işlerinde uly üstünlikleri arzuw etdi.

* * *

Soňra hormatly Prezidentimiz Gurbanguly Berdimuhamedow Türkmenistanyň Milli Geňeşiniň Mejlisiniň Başlygynyň, Ministrler Kabinetiniň Başlygynyň birnäçe orunbasarlarynyň, käbir ministrlikleriň we pudaklaýyn düzümleriň ýolbaşçylarynyň gatnaşmagynda iş maslahatyny geçirdi. Iş maslahatynda Balkan welaýatyna boljak iş sapary, onuň dowamynda bu ýerde guraljak iri möçberli halkara çärelere taýýarlyk, ýurdumyzyň üstaşyr ulag geçelgeleriniň işini kämilleşdirmek meseleleri ara alnyp maslahatlaşyldy.

Döwlet Baştutanymyz iş maslahatynyň gün tertibini yglan edip, onuň dowamynda degişli ýolbaşçylaryň öňde durýan wezipeleri üstünlikli ýerine ýetirmek boýunça işlenip taýýarlanylan maksatnama we bu ugurda alnyp barylýan işler baradaky hasabatlaryny diňledi. Hasabatlarda bellenilişi ýaly, «Türkmenistanyň Prezidentiniň ýurdumyzy 2019 — 2025-nji ýyllarda durmuş-ykdysady taýdan ösdürmegiň Maksatnamasynda» kesgitlenen wezipeleri amala aşyrmak ugrunda degişli düzümleriň sazlaşykly işleri üpjün edilýär. Milli ykdysadyýetimiziň dürli pudaklarynyň senagat taýdan okgunly ösüşi, halkara hyzmatdaşlygy işjeňleşdirmek ugrunda zerur tagallalar edilýär. Aýratyn-da, çäk taýdan amatly ýerleşen Türkmenistanyň halkara ähmiýetli üstaşyr ulag geçelgesi hökmündäki derejesini pugtalandyrmak, ulaglaryň ähli görnüşleriniň işini döwrüň talabyna laýyk ýagdaýda guramak we milli ykdysadyýetimiziň pudaklarynda sazlaşykly ösüşe gönükdirilen giň möçberli özgertmeleri amala aşyrmak meselelerine möhüm ähmiýet berilýär.

Şunuň bilen baglylykda, ýurdumyzda milli Liderimiziň baştutanlygynda amala aşyrylýan özgertmeler syýasatyny, halkara hyzmatdaşlyk gatnaşyklaryny işjeňleşdirmek, Balkan welaýatynda boljak halkara çäreleriň ýokary guramaçylyk derejesini üpjün etmek we welaýatyň sebit ähmiýetli üstaşyr ulag geçelgesi hökmündäki ornuny pugtalandyrmak meseleleri barada aýdyldy.

Hormatly Prezidentimiz Gurbanguly Berdimuhamedow hasabatlary diňläp, geljek hepdäniň başynda Balkan welaýatyna boljak iş saparynda sebitiň ulag-logistika ulgamyna degişli düzüminde alnyp barylýan işler bilen tanyşjakdygyny, bu ýerde Merkezi Aziýa döwletleriniň Baştutanlarynyň sammitine görülýän taýýarlyk işleriniň ähmiýetlidigini belledi. Şeýle hem Balkan welaýatynda başga-da halkara derejedäki birnäçe duşuşyklar meýilleşdirildi.

Munuň özi syýasy gatnaşyklaryň taryhynda täze tapgyry emele getirer. Bu durnukly ösüş, özara gatnaşyklaryň netijeli guralyny döretmek, Merkezi Aziýanyň syýasy, söwda-ykdysady, medeni-ynsanperwer ugurlarda giň halkara hyzmatdaşlyk gatnaşyklary üçin özüne çekiji sebit hökmünde dünýä gatnaşyklaryna goşulyşmagynyň durmuşa ukyply guralyny kemala getirmek wezipeleriniň çözgüdine gönükdirilendir diýip, milli Liderimiz belledi hem-de meýilleşdirilen çäreleriň ýokary guramaçylyk derejesinde geçirilmegine hemmetaraplaýyn taýýarlyk görmegi tabşyrdy.

Meýilleşdirilen halkara çäreler hereketleriň öňe ilerledilmegi, bilelikde kabul edilýän çözgütleriň durmuşa geçirilmegi, halkara bileleşigiň, ilkinji nobatda bolsa, BMG-niň we onuň ýöriteleşdirilen edaralarynyň mümkinçilikleriniň doly derejede durmuşa geçirilmegi babatda aýratyn ähmiýetlidir diýip, döwlet Baştutanymyz sözüni dowam etdi.

Munuň özi ýurdumyzyň dünýäniň gyzyklanma bildirýän döwletleri bilen özara bähbitli, birek-birege hormat goýmak esasynda ýola goýulýan hyzmatdaşlyk gatnaşyklarynyň ösdürilmeginde wajypdyr. Türkmenistan hoşniýetli goňşuçylyk, parahatçylyk söýüjilik esaslaryna daýanýan sebitara gatnaşyklaryň netijeli häsiýete eýe bolmagyny esasy ugur edinýär. Bu bolsa Merkezi Aziýa sebitinde işjeň hyzmatdaşlygyň ösdürilmegine giň ýol açýar.

Hormatly Prezidentimiz Gurbanguly Berdimuhamedow ýurdumyzyň dünýäniň senagat taýdan ösen döwletleriniň hatarynda öz ornuny berkidýändigini, döwleti ösdürmegiň strategiýasynda birnäçe ugurlary, şol sanda ulag-logistika ulgamyny döwrüň talabyna laýyk derejede ösdürmek, oňa häzirki zamanyň ösen tejribesini, täzeçil tehnologiýalary, sanly ulgamy ornaşdyrmak wezipeleriniň möhüm ähmiýetiniň bardygyny belledi.

Döwlet Baştutanymyz ýurdumyzyň ähli künjeklerinde bolşy ýaly, Balkan welaýatynyň önümçilik düzümlerinde meýilleşdirilen işleriň bellenilen möhletlerde ýerine ýetirilmegi bilen baglanyşykly meseleleriň berk gözegçilikde saklanmalydygyny nygtady. Şunuň bilen baglylykda, ähli ulgamlara sanly tehnologiýalaryň ornaşdyrylmagyna möhüm ähmiýet berilmelidir. Şol bir wagtyň özünde ilatyň arasynda, aýratyn-da, sagaldyş-dynç alyş merkezlerinde, şypahanalarda degişli düzümleriň işlerini kämilleşdirmek meseleleri gaýragoýulmasyz wezipeleriň hatarynda kesgitlenildi.

Türkmenistanyň mukaddes Garaşsyzlygynyň 30 ýyllygyna taýýarlyk görülýän günlerde alnyp barylýan işler döwrüň talabyna laýyk gelmelidir we halkymyzyň ruhunyň belende göterilmegini şertlendirmelidir diýip, döwlet Baştutanymyz belledi hem-de degişli ýolbaşçylara bu babatda birnäçe anyk tabşyryklary berdi.

Hormatly Prezidentimiz Gurbanguly Berdimuhamedow tutuş ýurdumyzda bolşy ýaly, Balkan welaýatynda Watanymyzyň mukaddes Garaşsyzlygynyň 30 ýyllygyna gabatlanylyp ulanylmaga berilmegi meýilleşdirilýän desgalardaky gurluşyk işleriniň depginlerini güýçlendirmek meselelerine aýratyn ähmiýet berilmelidigini belledi. Şanly sene mynasybetli binalaryň we desgalaryň öz wagtynda ulanylmaga berilmegi, olarda ýokary hil derejesiniň üpjün edilmegi möhüm talapdyr.

Milli Liderimiz Garaşsyz, baky Bitarap Watanymyzda adamyň ömrüni we saglygyny goramak, ilatyň asuda we bagtyýar durmuşda ýaşamagyny üpjün etmek meseleleriniň döwlet syýasatynyň ileri tutulýan ugurlarynyň biridigini nazara alyp, ýurdumyzda bu ugurda ähli zerur tagallalaryň ediljekdigini belledi.

Döwlet Baştutanymyz ýurdumyzyň durmuş-ykdysady taýdan ösüşi, halkymyzyň abadançylygy bilen baglanyşykly möhüm wezipeleri öz içine alýan iş maslahatyny jemläp, oňa gatnaşanlara berk jan saglyk, mähriban Watanymyzyň mundan beýläk-de gülläp ösmeginiň bähbidine alyp barýan işlerinde üstünlikleri arzuw etdi.

Munuň özi Garaşsyz, baky Bitarap Watanymyzda Arkadag Prezidentimiziň baştutanlygynda halkymyzyň bagtyýar durmuşy, ýurdumyzyň abadançylygy bilen baglanyşykly meseleleriň döwlet syýasatynyň möhüm ugurlarynyň biri hökmünde ykrar edilendiginiň, milli Liderimiziň “Döwlet adam üçindir!” şygary baş ýörelge edinýän başlangyçlarynyň rowaçlyklara beslenýändiginiň aýdyň beýanydyr.

«Bu gün biz ýur­du­myz­da tä­ze se­na­gat dü­zü­mi­ne esas­lan­ýan jem­gy­ýe­ti dö­ret­me­giň ýo­ly bi­len öňe bar­ýa­rys».
Türk­me­nis­ta­nyň Pre­zi­den­ti Gurbanguly BERDIMUHAMEDOWYŇ “Mir” döw­le­ta­ra te­le­ra­dio­kom­pa­ni­ýa­sy­na be­ren in­terw­ýu­syn­dan.

3. Se­na­gat­laş­ma

Se­na­gat­laş­dyr­mak — döw­rüň ta­la­by, on­suz do­ly ba­ha­ly ösüş müm­kin däl. Şu ýyl şan­ly 30 ýyl­ly­gy bel­lenilýän ýurt Ga­raş­syz­ly­gy­myz tu­tuş halk ho­ja­ly­gy­ny se­na­gat­laş­dyr­ma­gy hem-ä ta­lap ed­ýär, hem-de oňa äh­li müm­kin­çi­lik­le­ri dö­re­dip ber­ýär.

Türk­me­nis­ta­nyň çuň­ňur hor­mat­la­nyl­ýan Pre­zi­den­ti ýur­du­my­zyň yk­dy­sa­dy­ýe­ti­ni ös­dür­mek, onuň dün­ýä­niň yk­dy­sa­dy gi­ňiş­li­gi­ne di­ňe bir öz­ge­le­riň ön­dü­ren önüm­le­ri­ni sarp edi­ji däl-de, eý­sem, önüm ön­dü­ri­ji döw­let hök­mün­de go­şu­lyş­ma­gy üçin bi­möç­ber iş­le­ri dur­mu­şa ge­çir­ýär.

Aý­ry-aý­ry ugur­lar­da, my­sal üçin, dok­ma se­na­ga­tyn­da Türk­me­nis­ta­nyň ön­dür­ýän önüm­le­ri brend önüm­ler hök­mün­de yk­rar edil­di. Hi­mi­ýa se­na­ga­ty ba­bat­da-da şeý­le diý­mek bo­lar. My­sal üçin, türk­men kar­ba­mi­di iň bir geç­gin­li ha­ry­da öw­rül­di.

As­lyn­da, hi­mi­ýa se­na­ga­ty, hi­mi­ýa yl­my bi­len bir­lik­de, diý­seň tä­sin hem ju­da gy­zyk­ly. Ol ýok­dan bar et­mä­ge, ýag­ny gö­ze gö­rün­me­ýän när­se­ler­den gö­rüp hem el­läp bol­ýan önüm­le­ri ön­dür­mä­ge ukyp­ly we­lin, bir­ba­da gö­zü­ňe-de ynan­ma­ýar­syň. My­sal üçin, Ma­ry­da hem Te­jen­de te­bi­gy gaz­dan ön­dü­ril­ýän kar­ba­mid dö­kü­nin­den baş­ga, Gy­ýan­ly­da ön­dü­ril­ýän po­li­mer­le­ri, Ahal­da­ky sin­te­ti­k ben­zi­ni hem-de di­zel ýan­gy­jy­ny ýat­la­lyň! Ýe­ri ge­len­de aýt­sak, Ahal we­la­ýa­tyn­da­ky te­bi­gy gaz­dan ben­zin ön­dür­ýän za­wo­dyň dün­ýä­de baş­ga ta­ýy ýok­dur, ol bu ugur­da il­kin­ji za­wod­dyr. Şu­lar ýa­ly za­wo­dy gur­mak we işe gi­riz­mek iň öň­de­ba­ry­jy teh­no­lo­gi­ýa­ny hem-de ägirt uly se­riş­dä­ni ta­lap ed­ýär. Ýö­ne bu za­wod güýç­le­ri we se­riş­de­le­ri harç­la­ny­ňa deg­ýän des­ga­dyr. Ol hä­zir­ki dö­wür­de “ýa­şyl” yk­dy­sa­dy­ýet di­ýen dü­şün­jä­niň äh­li ta­lap­la­ry­na la­ýyk gel­ýär. Za­wo­dyň açy­lyş da­ba­ra­syn­da oňa ber­len hal­ka­ra gü­wä­na­ma­lar türk­meniň bir des­ga gur­jak bo­lan­da düýp­li gur­ýan­dy­gy­ny, äh­li za­da, şol san­da işiň eko­lo­gi­ýa ta­ra­py­na-da uly üns ber­ýän­di­gi­ni, “ýe­di öl­çäp, bir kes­ýän­di­gi­ni” su­but ed­ýär.

Aş­ga­bat şä­he­ri­mi­ziň 140 ýyl­ly­gy­nyň bel­le­nil­me­gi­niň öňü­sy­ra­syn­da hor­mat­ly Pre­zi­den­ti­miz te­bi­gy gaz­dan ben­zin ön­dür­ýän za­wo­da ba­ryp gör­di we şon­da bu iri kär­ha­na­nyň her bö­lü­mi­niň eko­lo­gi­ýa­nyň ta­lap­la­ry­na la­ýyk iş­leý­şi­ne aý­ra­tyn üns ber­di. Ýe­ri ge­len­de aýt­sak, Türk­me­nis­tan­da gu­rul­ýan we ozal­dan he­re­ket edip gel­ýän se­na­gat des­ga­la­ry­nyň hem­me­si eko­lo­gi­ýa ta­lap­la­ry­na gy­şar­nyk­syz eýer­ýär­ler. Bu ba­bat­da Türk­me­nis­tan­da gur­lup, işe gi­ri­zil­ýän is­len­dik iri tas­la­ma hal­ka­ra eko­lo­gi­k stan­dart­la­ra doly ga­bat gel­ýär. Hormatly Prezidentimiziň “Döw­let adam üçin­dir!” di­ýen baş ýö­rel­gesi ýur­du­my­zy se­na­gat­laş­dyr­mak işin­de-de esa­sy öl­çeg bo­lup dur­ýar.

Şu we şu­ňa meň­zeş des­ga­la­ry Ga­raş­syz­lyk döw­rü­niň se­na­gat gud­ra­ty hök­mün­de hä­si­ýet­len­di­rip bo­lar. Türk­men­ba­şy­da­ky ne­bi­ti gaý­ta­dan iş­le­ýän za­wod­lar top­lu­my­ny gaz­hi­mi­ýa se­na­ga­ty­nyň lä­he­ňi hök­mün­de kes­git­le­ýär­ler. Dog­ru­dan-da, ol ýer­de ön­dü­ril­ýän ne­bit­gaz önüm­le­ri­niň gör­nüş­le­ri­ni di­ňe sa­nap geç­me­gem ýö­ri­te taý­ýar­ly­gyň — bi­li­miň bol­ma­sa, her ýe­te­ne ba­şart­ma­ýar. Hü­när­men­ler ol ýer­de ön­dü­ril­ýän önüm­le­riň gör­nü­şi­ni ýe­ne-de art­dyr­ma­gyň müm­kin­çi­lik­le­ri­ni göz­le­ýär­ler hem-de bu göz­leg­le­ri­niň ýa­kyn wagt­lar­da oňat ne­ti­je ber­jek­di­gi­ni ynam­ly aýd­ýar­lar. Şu ýer­de bir ýag­da­ýy aý­ra­tyn nyg­ta­ma­ly­dy­rys: türk­men hi­mi­ýa­çy­la­ry­nyň ön­dür­ýän önüm­le­ri yk­dy­sa­dy taý­dan örän peý­da­ly­dyr, ýag­ny önü­miň özü­ne düş­ýän ba­ha­sy baş­ga ýer­le­riň­ki bi­len de­ňeş­di­re­niň­de, ep-es­li ar­zan, hil ta­rap­dan bol­sa beý­le­ki­ler­den bir­jik-de pes gel­me­ýär. Diý­mek, türk­men alym­la­ry hem önüm­çi­lik­çi­le­ri diý­seň ne­ti­je­li iş­le­ýär­ler.

El­bet­de, dur­mu­şyň kö­pu­gur­ly bol­şy ýa­ly, se­na­ga­tyň hem ugur­la­ry dür­li-dür­li. Ady ag­za­lan­lar­dan baş­ga-da, ener­ge­ti­ka se­na­ga­ty, dag-mag­dan se­na­ga­ty, luk­man­çy­lyk we der­man se­riş­de­le­ri se­na­ga­ty, elekt­ron se­na­ga­ty we baş­ga­lar. Bu­la­ryň kä­bi­ri, aý­dy­ly­şy ýa­ly, ösüp, ýet­jek de­re­je­si­ne ýet­di, kä­bir­le­ri bol­sa hor­mat­ly Pre­zi­den­ti­mi­ziň ta­la­by hem ta­gal­la­sy bi­len in­di ösüş ýo­lu­na düş­di.

Türk­me­nis­ta­nyň çuň­ňur hor­mat­la­nyl­ýan Pre­zi­den­ti­niň ýer­li çig mal­la­ry­my­zyň ha­sa­by­na da­şa­ry ýurt­lar­dan ge­ti­ril­ýän ha­ryt­la­ryň, önüm­le­riň ýe­ri­ni tut­ýan ha­ryt­la­ry, önüm­le­ri öz ýur­du­myz­da ön­dür­mek ba­bat­da aý­dan­la­ry­ny, el­bet­de, hem­me­ler bil­ýän­dir. Bu ba­bat­da ýö­ri­te döw­let mak­sat­na­ma­la­ry hem ka­bul edi­lip, olar üs­tün­lik­li amala aşyrylýar. Mil­li Li­de­ri­mi­ziň ta­gal­la­sy bi­len, in­di im­port ha­ryt­la­ryň muk­da­ry aza­lyp, özü­miz­de ön­dü­ril­ýän dür­li ho­ja­lyk ha­ryt­la­ry­nyň önüm­çi­li­gi ýy­lyň-ýy­ly­na art­ýar. Mu­ňa göz ýe­tir­mek üçin ýylyň başky bäş aýynyň önüm­çi­lik gör­ke­zi­ji­le­ri­ne göz aý­laý­ma­ly.

Ýur­du­my­zy se­na­gat­laş­dyr­mak ba­bat­da gür­rüň goz­ga­lan­da, bi­ziň pi­ki­ri­miz­çe, türk­men-ýa­pon hyz­mat­daş­ly­gy­ny il­ki ag­za­ma­ly­dyr. Ýa­pon ta­ra­py­nyň bi­ziň ýur­du­myz­da ama­la aşyr­ýan se­na­gat­laş­dyr­ma iş­le­ri öw­gä my­na­syp­dyr. Şu ýy­lyň maý aýy­nyň bi­rin­ji ýa­ry­myn­da hor­mat­ly Pre­zi­den­ti­miz bi­len Ýa­po­ni­ýa­nyň Prem­ýer-mi­nist­ri Ýo­si­hi­de Su­ga­nyň ara­syn­da te­le­fon ar­ka­ly söh­bet­deş­li­k bol­dy. Söh­bet­deş­lik­de mil­li yk­dy­sa­dy­ýe­ti­mi­ziň ös­dü­ril­me­gi­ne, hä­zir­ki za­man ýo­ka­ry teh­no­lo­gi­ýa­ly önüm­çi­lik­le­riň, da­şar­ky ba­zar­da ýi­ti bäs­deş­li­ge döz ge­lip bil­ýän önüm­le­ri ön­dür­mä­ge ukyp­ly se­na­gat kär­ha­na­la­ry­nyň dö­re­dil­me­gi­ne gö­nük­di­ri­len iri tas­la­ma­lar ba­bat­da bi­le­lik­de iş ge­çir­me­giň mö­hüm­di­gi aý­dyl­dy. Hä­zir­ki dö­wür­de Ýa­po­ni­ýa­nyň “Su­mi­to­mo Сor­po­ra­ti­on” kom­pa­ni­ýa­sy­nyň gat­naş­ma­gyn­da Le­bap we­la­ýa­tyn­da gaz­tur­bi­na­ly elekt­rik be­ke­di­ gu­rul­ýar. Onuň iş­le­ri ta­mam­laý­jy tap­gy­ra aýak bas­dy. Ol şu ýy­lyň aw­gust aýyn­da ula­nyl­ma­ga tab­şy­ry­lar.

Türk­me­nis­tan­da no­ut­buk­la­ryň, smart­fon­la­ryň önüm­çi­li­gi­niň ýo­la go­ýul­ma­gy mil­li yk­dy­sa­dy­ýe­ti­mi­ziň döw­rüň ta­lap­la­ry­na la­ýyk ös­dü­ril­me­gi­ne uly ün­s be­ril­ýän­di­gi­ni gör­kez­ýär. Mi­nistr­ler Ka­bi­ne­ti­niň ýy­lyň baş­ky bäş aýy­nyň jem­le­ri­ne ba­gyş­la­nan mej­li­sin­de hor­mat­ly Pre­zi­den­ti­miz ýur­du­my­zyň elekt­ron se­na­ga­ty­ny dö­ret­mek me­se­le­si­ne ýe­ne bir ýo­la ün­si çe­kip, bu ugur­da en­tek ýe­ter­lik hü­när­men­le­riň az­lyk ed­ýän­di­gi­ni aý­dyp, de­giş­li ýol­baş­çy­la­ra gör­kez­me ber­di. Türk­me­nis­tan­da söz bi­len işiň bir­li­gin­den çen tu­tup, türk­me­niň elekt­ron se­na­ga­ty­nyň gül­läp ös­jek döw­rü­niň daş­da däl­di­gi ha­kyn­da oý­lan­ýar­syň.

Hor­mat­ly Pre­zi­den­ti­mi­ziň baş­tu­tan­ly­gyn­da ýur­du­myz­da öz­gert­me­ler sy­ýa­sa­ty üs­tün­lik­li dur­mu­şa ge­çi­ril­ýär. Şo­nuň ne­ti­je­sin­de, ýur­dy se­na­gat­laş­dyr­ma­ga al­nan ugur hem äh­li gö­zel­li­gi bi­len kal­by­ňa dol­ýar.

Wagt ge­çer, şu wagt­ky mek­dep okuw­çy­la­ry ula­lyp, her­si bir kä­riň eýe­si bo­lar. Olar dur­muş gu­rup, per­zent gö­rer­ler. Il­kin­ji per­zent­le­ri­ni mek­de­be äki­den­le­rin­de, bar­dy-gel­di, se­na­gat kär­ha­na­sy­nyň de­ňin­den geç­se­ler, ça­ga­la­ry­na gör­ke­zip: “Ine, şu­ny biz mek­dep­de okap ýö­ren wag­ty­myz gur­du­lar. Ine, se­ret, şu hä­zi­rem edil tä­ze ýa­ly saz iş­läp dur. Eger go­wy oka­saň, se­nem gel­jek­de şu­lar ýa­ly döw­re­bap kär­ha­na­lar­da iş­läp bi­ler­siň!” di­ýer­ler di­ýip oý­lan­ýar­syň. Se­bä­bi bi­ziň ýur­du­myz­da is­len­dik des­ga, bi­na ýa yma­rat berk­den-berk gu­rul­ýar, ola­ryň için­dä­ki en­jam­lar bol­sa iň tä­ze­le­ri bi­len çal­şy­ry­lyp dur. On­soň, ola­ryň kö­nel­me müm­kin­çi­li­gi ýok, he­mi­şe saz we göw­ne­jaý iş­le­ýär­ler.

“Ýag­şy ni­ýet — ýa­rym döw­let”.

Se­ýit­gu­ly GEL­DI­ÝEW.

“Türk­me­nis­tan”.

В Туркменистане будет утвержден новый состав Государственной комиссии по поддержке малого и среднего предпринимательства, а также внесены изменения в состав Межведомственной комиссии при Министерстве финансов и экономики.

Об этом 2 июля на заседании Кабинета Министров Туркменистана по цифровой видеосвязи Президенту Гурбангулы Бердымухамедову доложил вице-премьер Гадыргельды Мушшиков.

Данные изменения предусмотрено провести в связи с реализованными ранее структурными преобразованиями в министерствах и отраслевых ведомствах, а также для совершенствования процесса приватизации госимущества.

Заслушав отчёт, Президент Гурбангулы Бердымухамедов отметил значение приведения в соответствие современным реалиям нормативно-правовых документов, регламентирующих экономические отношения. При осуществлении этой работы необходимо учитывать положения действующих законодательных актов и придерживаться общепринятых международных норм, сказал лидер нации. Адресовав вице-премьеру ряд конкретных поручений по данному вопросу, глава государства дал указание ещё раз изучить его с профильными структурами.

Министерство финансов и экономики Туркменистана

https://tdh.gov.tm/ru/post/27956/zasedanie-kabineta-ministrov-turkmenistana-9

Paýtagtymyzdaky «Älem» medeni dynç alyş merkeziniň öňündäki meýdançada hormatly Prezidentimiz Gurbanguly Berdimuhamedowyň doglan güni mynasybetli sungat ussatlarynyň baýramçylyk konserti boldy. Konsertde meşhur sazandalar, halk we estrada aýdymçylary çykyş etdi. Tans we halk döredijiligi toparlary öz ussatlyklaryny görkezdiler. Çykyşlaryň her biri halkymyzyň Gahryman Arkadagymyza bolan söýgüsini we guwanjyny beýan etdi. Hormatly Prezidentimiziň döreden «Bagt nury» aýdymy tomaşaçylar üçin hakyky sowgat boldy. Owadan mukamy, manyly sözleri bilen bu aýdym ýygnananlaryň kalbynda uly orun tapdy hem-de tomaşaçylaryň şowhunly elçarpyşmalary munuň subutnamasyna öwrüldi. Baýramçylyk konsertiň ahyrynda hemmeleriň gatnaşmagynda «Uzak ýaşa, Arkadag!» atly aýdym ýerine ýetirildi. Bu aýdymyň joşgunly sözleri we sazy halkymyzyň hormatly Prezidentimiziň baştutanlygynda gülläp ösýän Garaşsyz, baky Bitarap Watanymyza bolan bagtyýarlyk we buýsanç duýgularyny beýan etdi.

* * *

Aşgabatda «Türkmenistanyň howanyň üýtgemegi bilen baglanyşykly ýurt maksatnamalaryny işläp düzmekde hem-de bu mesele boýunça sebitleýin işleri alyp barmakda goldamak we kuwwatyny güýçlendirmek» taslamasyny amala aşyrmak maksady bilen gurnalan Utgaşdyryjy serişde boýunça birinji iş duşuşygy boldy. Bu duşuşyga Oba hojalyk we daşky gurşawy goramak, Daşary işler, Adalat, Saglygy goraýyş we derman senagaty, Bilim, Energetika, Maliýe we ykdysadyýet ministrlikleriniň, Suw hojalygy baradaky döwlet komitetiniň we Statistika baradaky döwlet komitetiniň jogapkär işgärleri hem-de Milli Geňeşiň Mejlisiniň, Ylymlar akademiýasynyň, Senagatçylar we telekeçiler birleşmesiniň wekilleri çagyryldy. Ýaşyl howa gaznasyndan hem-de Merkezi Aziýanyň sebitleýin ekologiýa merkezinden hyzmatdaşlar duşuşyga gatnaşanlary taslamanyň esasy maksatlary bilen tanyşdyrdylar. Bu maksatlar Gazna bilen netijeli hyzmatdaşlygy ýola goýmaga, gyzyklanma bildirýän taraplaryň kuwwatyny güýçlendirmek hem-de howanyň üýtgemegi boýunça işleri we maliýeleşdirmegi dolandyrmak hem-de utgaşdyrmak üçin esasy gurallary döretmäge gönükdirilendir. Şu maksat bilen, Utgaşdyryjy serişde işläp başlar, Ylalaşyk düzgünleri tassyklanar we Ýurt maksatnamasy işlenip düzüler.

* * *

Türkmenistanyň Daşary işler ministrligi, Ylymlar akademiýasy hem-de Bilim ministrligi tarapyndan bilelikde guralan Medeniýet we sungat işgärleriniň hem-de Magtymguly Pyragynyň şygryýet gününe bagyşlanan «Magtymguly Pyragy we türkmen halkynyň garaşsyz döwletlilik taglymaty» atly halkara ylmy maslahaty geçirildi. Onuň baş maksady Magtymguly Pyragynyň nusgawy döredijilik mirasyny, onuň milli döwletliligi ösdürmekdäki ornuny hem-de beýik ynsanperwer şahyryň umumadamzat ruhy gymmatlyklar hazynasyna goşan ägirt uly goşandyny wagyz etmekden ybaratdyr. Halkara maslahatynyň açylyşy Türkmen döwlet uniwersitetinde boldy. TDU-nyň binasynyň eýwanynda sergi guraldy. Maslahata wideoaragatnaşyk arkaly dünýäniň 20-ä golaý ýurdundan alymlar gatnaşdylar. Onuň umumy mejlisiniň dowamynda Azerbaýjanyň, Fransiýanyň, Hindistanyň, Russiýanyň, Täjigistanyň, Türkiýäniň, Özbegistanyň hem-de ýurdumyzyň iri ylmy hem-de medeni merkezleriniň ýolbaşçylarynyň we wekilleriniň çykyşlary diňlenildi. Maslahat Magtymguly adyndaky Türkmen döwlet uniwersitetinde, DIM-niň Halkara gatnaşyklary institutynda, Halkara ynsanperwer ylmy we ösüş uniwersitetinde dört ylmy bölümlerde dowam etdi.

***

Türkmenistanyň DIM-niň Halkara gatnaşyklary institutynda hormatly Prezidentimiziň «Türkmeniň döwletlilik ýörelgesi» kitabynyň italýan diline terjime edilen neşiriniň tanyşdyrylyş dabarasy boldy. Oňa sanly wideoaragatnaşyk ulgamy arkaly Italiýanyň Daşary işler ministrliginiň resmi wekilleri, Wiçensa şäheriniň meri Françesko Rukko, Italiýa Respublikasynyň Türkmenistandaky Adatdan daşary we Doly ygtyýarly ilçisi Luçano Galli, şeýle hem daşary ýurtlaryň diplomatik wekilhanalarynyň, halkara guramalaryň işgärleri gatnaşdylar. Tanyşdyrylyş dabarasynda döwlet Baştutanymyzyň halkymyzyň köpasyrlyk däpleriniň, taryhy we medeni gymmatlyklarynyň, gadymy rowaýatlaryň mazmunyny açyp görkezýän, biziň günlerimize gelip ýeten, nakyllardan we paýhasly jümlelerden ybarat ajaýyp kitabynyň gymmaty hem-de ähmiýeti bellenildi.

* * *

Paýtagtymyzda Maliýe we ykdysadyýet ministrliginiň ýolbaşçylarynyň BMG-niň Çagalar gaznasynyň (ÝUNISEF) ýurdumyzdaky baştutany Kristina Weýgand bilen duşuşygy geçirildi. Onuň gün tertibine hyzmatdaşlygyň möhüm ugurlaryny ara alyp maslahatlaşmak, ÝUNISEF bilen Türkmenistanyň Hökümetiniň arasynda gol çekilen 2021 – 2025-nji ýyllarda hyzmatdaşlygyň Ýurt maksatnamasyny hem-de ýerlerde ýokary hilli hyzmatlary ornaşdyrmak arkaly durmuş goraglylyk ulgamyny kämilleşdirmek boýunça DÖM-niň Bilelikdäki maksatnamasyny durmuşa geçirmek bilen baglanyşykly meseleler girizildi. Duşuşyga gatnaşyjylar netijeli hyzmatdaşlygy geljekde hem işjeňleşdirmek barada aýdyp, ýakyn geljek üçin gatnaşyklary giňeltmek boýunça anyk çäreleri kesgitlediler.

* * *

Jemgyýetçilik guramalarynyň merkezinde «Türkmenistanyň Prezidenti hormatly Gurbanguly Berdimuhamedow – dünýäde ykrar edilen Lider» atly maslahat geçirildi. Oňa ýurdumyzyň Milli Geňeşiň Mejlisiniň we Halk Maslahatynyň, jemgyýetçilik guramalarynyň ýolbaşçylary, syýasatşynaslar, köpçülikleýin habar beriş serişdeleriniň wekilleri, ýokary okuw mekdepleriniň professor-mugallymlary gatnaşdylar. Maslahatda hormatly Prezidentimiziň dünýäde ykrar edilen Lider bolmagyna getiren taryhy ýollara ser salnyp, şol döwrüň içinde milli Liderimiziň amala aşyran işleriniň beýik derejelere eýe bolmagynyň netijesinde eziz Diýarymyzyň abraýynyň artandygy hem-de halkymyzyň ýaşaýyş-durmuş derejesiniň ýokarlanandygy aýratyn nygtaldy. Belent heňde ýaňlanan aýdym-sazlarda eziz Watanymyza çäksiz söýgi, onuň ajaýyp geljegine bolan ynam, öz halkyny döredijilik, parahatçylyk we gülläp ösüş ýoly bilen öňe alyp barýan milli Liderimize buýsanç uly hyjuw bilen wasp edildi.

* * *

Türkmenistanda Medeniýet we sungat işgärleriniň hem-de Magtymguly Pyragynyň şygryýet güni giňden bellenildi. Baýramçylyk dabaralary Aşgabadyň taryhy merkezindäki Magtymgulynyň ýadygärliginiň ýanynda başlandy. Bu ýerde akyldar şahyryň beýik eserlerine ykrarnama, belent äheňde we ähli döwürlerde many-mazmunyny ýitirmeýän öz eserlerinde Watanyna bolan çäksiz söýgüsine we edermenligine belent sarpanyň nyşany hökmünde gül goýmak dabarasy boldy. «Kalba ynam, köňle ylham berýär medeniýet» diýen şygar bilen ýaýbaňlanan köpöwüşginli çykyşlara belli türkmen artistleri estrada aýdymçylary gatnaşdylar. Şeýle hem ýurdumyzyň ähli welaýatlarynyň merkezi meýdançalarynda Magtymguly Pyragynyň ýadygärliklerine gül goýmak dabaralary geçirildi. Dabaralaryň çäklerinde döredijilik duşuşyklary we şygryýet agşamlary guraldy.

* * *

Geçen hepdede Türkmenistanyň Döwlet haryt-çig mal biržasynyň söwdalarynda geleşikleriň 36-sy hasaba alyndy. Daşary ýurt puluna Birleşen Arap Emirlikleriniň, Türkiýäniň, Singapuryň, Owganystanyň telekeçileri Türkmenbaşydaky nebiti gaýtadan işleýän zawodlar toplumynda öndürilen awtobenzini, uçar kerosinini, nebit koksuny satyn aldylar. Owganystanyň telekeçileri «Türkmengaz» döwlet konserninde öndürilen suwuklandyrylan gazy, Omanyň telekeçileri bolsa «Türkmenhimiýa» döwlet konserninde öndürilen ownyk däneli hlorly kalini satyn aldylar. Bulardan başga-da, daşary ýurt puluna Azerbaýjanyň, Gazagystanyň işewürlerine tekiz boýalan we tüýjümek žakkard önümleri ýerlenildi. Geleşikleriň bahasy ABŞ-nyň 30 million 302 müň dollaryndan gowrak boldy. Russiýanyň, BAE-niň, Türkiýäniň işewür toparlarynyň wekilleri jemi 94 million 499 müň manatlyk nah ýüplügi satyn aldylar. Ýurdumyzyň telekeçileri içerki bazar üçin Türkmenbaşydaky nebiti gaýtadan işleýän zawodlar toplumynda öndürilen gyzdyrylan nebit koksuny satyn aldylar. Geleşigiň bahasy 1 million 250 müň manada deň boldy.

Aşgabat, 1-nji iýul (TDH). Şu gün Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedow Döwlet howpsuzlyk geňeşiniň giňişleýin mejlisini geçirdi. Onuň gün tertibine harby we hukuk goraýjy edaralaryň şu ýylyň ýanwar — iýun aýlarynda ýerine ýetiren işleriniň netijeleri hem-de bu edaralaryň ýakyn geljek üçin esasy wezipeleri bilen baglanyşykly meseleler girizildi. Şeýle hem harby we hukuk goraýjy edaralaryň maddy-enjamlaýyn binýadyny pugtalandyrmak, olaryň işini mundan beýläk-de kämilleşdirmek, döwlet emlägine, şol sanda maddy serişdelere gözegçilik etmek, sanly ulgamy ornaşdyrmak bilen baglanyşykly we beýleki meselelere garaldy.

Milli Liderimiz mejlisi açyp, goranmak ministri B.Gündogdyýewe söz berdi. Ol ýolbaşçylyk edýän düzümleriniň ýylyň başyndan bäri ýerine ýetiren işleri hem-de döwlet Baştutanymyzyň işgärler kuwwatyny pugtalandyrmak, harby gullukçylaryň durmuş meselelerini çözmek boýunça ozal beren tabşyryklarynyň ýerine ýetirilişi barada hasabat berdi. Ýazky çagyryş çäresiniň netijeleri barada aýdyldy. Watanymyzyň Garaşsyzlygynyň 30 ýyllygy mynasybetli geçiriljek dabaraly harby ýörişe görülýän taýýarlyk barada hem hasabat berildi.

Hormatly Prezidentimiz Gurbanguly Berdimuhamedow hasabaty diňläp, goşunlaryň ähli kysymlaryny döwrebap tehnikalar bilen üpjün etmegiň diňe goranyş häsiýetine eýe bolan Harby doktrinanyň esasy ugry bolup durýandygyny nygtady. Şunda ýurdumyzyň Ýaragly Güýçleriniň maddy-enjamlaýyn binýadyny döwrebaplaşdyrmagyň barşyna yzygiderli gözegçilik etmegiň wajypdygyna aýratyn üns çekildi.

Degişli okuw mekdeplerinde işgärleri taýýarlamak ulgamyny kämilleşdirmek gaýragoýulmasyz wezipeleriň hatarynda kesgitlenildi. Hormatly Prezidentimiz ýaşlaryň arasynda harby gullugyň ähmiýeti barada wagyz-nesihat işlerini geçirmegiň hem-de jemgyýetçilik ynsanperwer taýýarlygy köpçülikleýin sport ýaryşlary bilen utgaşdyrmagyň zerurdygyny belläp, goranmak ministrine anyk tabşyryklary berdi.

Türkmenistanyň mukaddes Garaşsyzlygynyň 30 ýyllygynyň hormatyna geçiriljek harby gözden geçirilişi guramak boýunça aýratyn tabşyryklar berildi.

Soňra içeri işler ministri M.Çakyýew ministrligiň 2021-nji ýylyň alty aýynda ýerine ýetiren işleriniň netijeleri, jemgyýetçilik tertibini üpjün etmek, düzgün bozmalaryň, ýol-ulag hadysalarynyň öňüni almak maksady bilen görlen çäreler barada hasabat berdi. Ýangyna garşy göreşmek işini talabalaýyk alyp barmak hasabatyň esasy meseleleriniň biri boldy.

Içeri işler ministrliginiň ýolbaşçysy «Türkmenistanyň Prezidentiniň käbir kadalaşdyryjy hukuk namalaryna üýtgetmeler girizmek we olaryň käbirini güýjüni ýitiren diýip ykrar etmek hakynda» Kararyň taslamasy barada hem hasabat berdi.

Döwlet Baştutanymyz hödürlenen resminama gol çekdi.

Soňra ýurdumyzyň Ýaragly Güýçleriniň Belent Serkerdebaşysy degişli Permana gol çekip, M.Çakyýewi başga işe geçmegi sebäpli, içeri işler ministri wezipesinden boşatdy.

Milli Liderimiz içeri işler ministri wezipesine Ö.Hojanyýazowy belläp, ony içeri işler ministriniň orunbasary wezipesinden boşatdy hem-de oňa polisiýanyň polkownigi ýörite adyny dakdy.

Hormatly Prezidentimiz Gurbanguly Berdimuhamedow mejlisi dowam edip, Içeri işler ministrliginiň edaralarynyň işine häzirki zaman tehniki serişdeleri işjeň ornaşdyrmagyň wajypdygyny nygtady. Milli Liderimiz bu ugurda görülýän çäreleriň toplumlaýyn häsiýete eýe bolmalydygyny nygtady.

Ýurdumyzyň Ýaragly Güýçleriniň Belent Serkerdebaşysy ilatyň arasynda sagdyn durmuş ýörelgeleri hem-de ýaramaz endikleriň adamyň bedenine ýetirýän zyýany barada düşündiriş işleriniň geçirilmegini esasy ugurlaryň hatarynda görkezip, ministre anyk tabşyryklary berdi. Ýangyn howpsuzlygy kadalarynyň berjaý edilmegine berk gözegçilik etmek babatda hem degişli görkezmeler berildi.

Soňra Baş prokuror B.Atdaýew hereket edýän kadalaşdyryjy hukuk namalarynyň berk berjaý edilmegine gözegçilik etmek maksady bilen, hasabat döwründe görlen çäreler hem-de hormatly Prezidentimiziň tabşyrygy boýunça amala aşyrylan barlaglaryň netijeleri barada hasabat berdi.

Şeýle hem sanly ulgamy ulanmagyň esasynda işi kämilleşdirmegiň barşy barada aýdyldy.

Döwlet Baştutanymyz hasabaty diňläp, kanunylygy we tertip-düzgüni pugtalandyrmagyň, Garaşsyz döwletde raýatlaryň hukuklaryny we azatlyklaryny goramagyň bu edaranyň möhüm borçlarynyň biridigini belledi. Ýurdumyzyň Ýaragly Güýçleriniň Belent Serkerdebaşysy barlaglaryň netijeleri boýunça prokuror gözegçiligi babatda netijeli çäreleri görmegiň zerurdygyny nygtap, öňde goýlan wezipeleriň üstünlikli çözülmegine berk gözegçilik etmegi tabşyrdy.

Soňra Ýokary kazyýetiň başlygy G.Ussanepesow milli kazyýet ulgamyny kämilleşdirmek boýunça ýanwar — iýun aýlarynda amala aşyrylan işler hem-de döwlet Baştutanymyzyň beren tabşyryklaryny ýerine ýetirmek boýunça görlen çäreler barada hasabat berdi.

Milli Liderimiz hasabaty diňläp, bu düzümiň işgärleriniň üstüne ýüklenen wezipeleriň örän jogapkärlidigini belledi. Edaranyň maddy-enjamlaýyn binýadyny pugtalandyrmak, işgärleriň hünär derejesini ýokarlandyrmak alnyp barylýan işiň ileri tutulýan ugurlarydyr diýip, döwlet Baştutanymyz nygtady we Ýokary kazyýetiň ýolbaşçysyna kazyýet önümçiligini guramagyň döwrebap usullaryny ornaşdyrmak arkaly gullugyň netijeliligini ýokarlandyrmak boýunça işleri dowam etdirmegi tabşyrdy.

Milli howpsuzlyk ministri G.Annaýew hormatly Prezidentimiz Gurbanguly Berdimuhamedowyň ozal beren tabşyryklarynyň ýerine ýetirilişi hem-de mukaddes döwlet Garaşsyzlygynyň gazananlarynyň ygtybarly goralmagyny üpjün etmek boýunça 2021-nji ýylyň ýanwar — iýun aýynda amala aşyrylan işler, döwlet we jemgyýetçilik durmuşynda durnuklylygy saklamak maksadynda degişli edaralar bilen alnyp barylýan utgaşykly işler barada hasabat berdi.

Ýurdumyzyň Ýaragly Güýçleriniň Belent Serkerdebaşysynyň garamagyna «Türkmenistanyň Milli howpsuzlyk institutynyň işini kämilleşdirmek hakynda» Kararyň taslamasy hödürlenildi.

Döwlet Baştutanymyz hasabaty diňläp, bu düzüm tarapyndan ýurdumyzyň konstitusion gurluşyny, çäk bitewüligini goramak, häzirki döwrüň dürli howplaryna hem-de wehimlerine garşy göreşmek boýunça alnyp barylýan işleriň ähmiýetini nygtady. Milli Liderimiz işgärleriň hünär derejesini yzygiderli ýokarlandyrmagyň, gulluk borçlarynyň ýerine ýetirilmeginde öňdebaryjy tehnologiýalary işjeň ornaşdyrmagyň wajypdygyny belläp, ministre birnäçe tabşyryklary berdi.

Hormatly Prezidentimiz bu düzümiň işgärler kuwwatyny pugtalandyrmagyň, ugurdaş ýokary okuw mekdebiniň işinde okatmagyň döwrebap usullaryny ulanmagyň wajypdygyny belläp, «Türkmenistanyň Milli howpsuzlyk institutynyň işini kämilleşdirmek hakynda» Karara gol çekdi.

Soňra Döwlet serhet gullugynyň başlygy Ý.Nuryýew ýolbaşçylyk edýän düzümlerinde şu ýylyň birinji ýarymynda ýerine ýetirilen işleriň netijeleri, ýurdumyzyň mukaddes serhetleriniň eldegrilmesizligini üpjün etmek boýunça görlen toplumlaýyn çäreler hem-de edaranyň maddy-enjamlaýyn binýadyny döwrebaplaşdyrmagyň barşy, esgerleriň we serkerdeleriň netijeli gulluk etmegi, ýaşaýyş-durmuşy üçin döredilýän şertler barada hasabat berdi.

Hasabatyň çäklerinde «Türkmenistanyň Serhet institutynyň meseleleri hakynda» Kararyň taslamasy hödürlenildi.

Hormatly Prezidentimiz Gurbanguly Berdimuhamedow hasabaty diňläp, döwlet serhediniň goňşy ýurtlaryň ählisi bilen hemişe dostluk serhedi bolmalydygyny belledi. Mähriban halkymyzy şol ýurtlaryň halklary bilen köpasyrlyk dostluk we hyzmatdaşlyk gatnaşyklary baglanyşdyrýar. Milli Liderimiz serhet goşunlarynyň öňünde goýlan möhüm wezipeleri üstünlikli çözmäge ukyply ýokary hünärli işgärleri taýýarlamagyň häzirki döwrüň esasy talaplarynyň biridigini aýdyp, gullugyň ýolbaşçysyna anyk tabşyryklary berdi.

Mejlisiň dowamynda döwlet Baştutanymyz «Türkmenistanyň Serhet institutynyň meseleleri hakynda» Karara gol çekip, bu resminamanyň düzgünleriniň ýerine ýetirilişini berk gözegçilikde saklamagy tabşyrdy.

Soňra adalat ministri B.Muhamedow şu ýylyň birinji ýarymynda milli kanunçylyk binýadyny mundan beýläk-de hemmetaraplaýyn pugtalandyrmak boýunça ýerine ýetirilen işler, raýatlaryň arasynda kabul edilýän we hereket edýän kadalaşdyryjy hukuk namalarynyň maksady barada guralan düşündiriş çäreleri barada hasabat berdi.

Ýurdumyzyň Ýaragly Güýçleriniň Belent Serkerdebaşysy hasabaty diňläp, kanun çykaryjylyk babatda dünýä tejribesini öwrenmegiň wajypdygyny nygtady. Milli Liderimiz amala aşyrylýan döwlet syýasatynyň ileri tutulýan ugurlaryny nazara almak bilen, halkara hukugyň umumy ykrar edilen kadalaryny Türkmenistanyň Kanunlaryna ornaşdyrmagyň wajypdygyny belläp, kanunçylygy yzygiderli öwrenmegiň esasynda degişli teklipleri işläp taýýarlamagy tabşyrdy.

Soňra Döwlet gümrük gullugynyň başlygy M.Hudaýkulyýew ýolbaşçylyk edýän düzümlerindäki işleriň ýagdaýy, şu ýylyň alty aýynda ýerine ýetirilen işleriň netijeleri hem-de işgärleriň hünär derejesini ýokarlandyrmak boýunça amala aşyrylýan toplumlaýyn çäreler barada hasabat berdi.

Hormatly Prezidentimiz Gurbanguly Berdimuhamedow hasabaty diňläp, edaralaryň işini mundan beýläk-de kämilleşdirmek hem-de olary tehniki taýdan döwrebaplaşdyrmak meselelerine ünsi çekip, gümrük kadalaşdyrylyşy babatda çäreleriň berjaý edilmegini berk gözegçilikde saklamagy tabşyrdy. Döwlet Baştutanymyz gullugyň edaralaryna dünýä tejribesinde giňden ulanylýan utgaşykly maglumat ulgamlaryny ornaşdyrmagy dowam etdirmegiň wajypdygyny aýtdy we anyk tabşyryklary berdi.

Döwlet migrasiýa gullugynyň başlygy B.Öwezow edaranyň işiniň netijeliligini üpjün etmek maksady bilen ýylyň başyndan bäri durmuşa geçirilen işler hem-de ýurdumyzyň Ýaragly Güýçleriniň Belent Serkerdebaşysynyň tabşyryklaryny ýerine ýetirmek boýunça görlen çäreler barada hasabat berdi.

Hormatly Prezidentimiz Gurbanguly Berdimuhamedow hasabaty diňläp, migrasiýa hyzmatlaryny hödürlemek işine döwrebap maglumat tehnologiýalaryny ornaşdyrmagyň hasabyna howpsuzlygy üpjün etmegiň derejesini ýokarlandyrmagy wajyp wezipeleriň hatarynda kesgitledi. Şunuň bilen baglylykda, bu ulgamda berk gözegçiligi ýola goýmak tabşyryldy.

Döwlet Baştutanymyz gullugyň ýolbaşçysyna bu ulgamda dünýäniň öňdebaryjy tejribesini öwrenmegi, işgärler kuwwatyny pugtalandyrmak bilen baglanyşykly meseleleri hemişe üns merkezinde saklamagy tabşyrdy.

Ministrler Kabinetiniň Başlygynyň orunbasary, Ýokary gözegçilik edarasynyň Başlygy S.Berdimuhamedow kanunçylyga laýyklykda döwlet eýeçiligini netijeli ulanmaga gözegçilik etmek boýunça alty aýyň dowamynda ýerine ýetirilen işler barada hasabat berdi. Wise-premýer, Ýokary gözegçilik edarasynyň ýolbaşçysy hormatly Prezidentimiziň ozal beren tabşyryklarynyň ýerine ýetirilişi barada aýdyp, sanly ulgamy ornaşdyrmak maksady bilen görülýän çäreler barada habar berdi.

Wise-premýer, Ýokary gözegçilik edarasynyň ýolbaşçysy Watanymyzyň mukaddes Garaşsyzlygynyň 30 ýyllygyna gabatlanylyp ulanylmaga berilmegi meýilleşdirilýän desgalaryň gurluşyk meýdançalaryndaky işleriň ýagdaýyna geçirilen seljermeleriň netijeleri barada hasabat berdi. Bellenilişi ýaly, alty aýyň netijeleri boýunça şanly sene mynasybetli açylmagy meýilleşdirilen binalaryň we desgalaryň birnäçesi üstünlikli ulanylmaga berildi. Geljekde hem bu ugurda degişli işler geçiriler.

Milli Liderimiz hasabaty diňläp, Türkmenistany dünýäniň senagat taýdan ösen döwletleriniň derejesine çykarmagyň häzirki döwürde döwleti ösdürmegiň strategiýasynyň esasy ugurlarynyň biridigini nygtap, kabul edilen maksatnamalaryň hem-de iri taslamalaryň durmuşa geçirilmeginiň munuň aýdyň subutnamasydygyny belledi.

Hormatly Prezidentimiz Gurbanguly Berdimuhamedow meýilleşdirilen işleriň bellenilen möhletlerde ýerine ýetirilmegine berk gözegçilik etmegiň zerurdygyny aýdyp, wise-premýere, Ýokary gözegçilik edarasynyň ýolbaşçysyna birnäçe anyk tabşyryklary berdi. Ähli ulgamlara sanly tehnologiýalaryň ornaşdyrylyşynyň barşyna yzygiderli seljerme bermek babatda degişli görkezmeler berildi.

Milli Liderimiz ýurdumyzyň Garaşsyzlygynyň 30 ýyllygy mynasybetli desgalary gurmak we ulanmaga bermek boýunça meýilnamalary üstünlikli amala aşyrmagyň ähmiýeti barada aýdyp, gurluşyk işleriniň ýokary hilini we desgalary ulanmaga bermegiň möhletlerini berjaý etmek meselelerini hemişe üns merkezinde saklamagy tabşyrdy. Hormatly Prezidentimiz Gurbanguly Berdimuhamedow bu ugurda mundan beýläk hem seljeriş işlerini dowam etdirmegiň zerurdygyny belledi.

Soňra Ministrler Kabinetiniň Başlygynyň orunbasary, Döwlet howpsuzlyk geňeşiniň sekretary Ç.Amanow 2021-nji ýylyň birinji ýarymynda ýurdumyzyň Ýaragly Güýçleriniň Belent Serkerdebaşysy tarapyndan başy başlanan giň gerimli harby özgertmeleri öňe ilerletmek, Milli goşunyň goranyş ukybyny pugtalandyrmak maksady bilen görlen çäreler barada hasabat berdi. Harby we hukuk goraýjy edaralaryň şahsy düzüminiň söweşjeň we hünär taýýarlygyny ýokarlandyrmak, harby gullukçylaryň durmuş meselelerini çözmek boýunça görülýän çäreler hasabatyň esasy meseleleriniň biri boldy.

Döwlet Baştutanymyz hasabaty diňläp, diňe goranyş häsiýetine eýe bolan harby-syýasy strategiýanyň Garaşsyz, hemişelik Bitarap Türkmenistanyň ählumumy howpsuzlyga we parahatçylyga berk ygrarlydygynyň hem-de ýurdumyzyň özüniň bähbitlerini goramak babatda aýgytly çykyş edýändiginiň aýdyň subutnamasydygyny belledi.

Hormatly Prezidentimiz Gurbanguly Berdimuhamedow harby we hukuk goraýjy edaralaryň öňünde durýan gaýragoýulmasyz wezipelere ünsi çekip, wise-premýere, Döwlet howpsuzlyk geňeşiniň sekretaryna gözegçilik edýän düzümleriniň ählisiniň göz öňünde tutulan işleri takyk ýerine ýetirmegini berk gözegçilikde saklamagy tabşyrdy.

Döwlet Baştutanymyz mejlisiň jemini jemläp, döwletimiziň ynsanperwerlik hem-de parahatçylyk söýüjilik ýörelgelerine laýyklykda alnyp barylýan Harby doktrinanyň esasynda mundan beýläk-de harby we hukuk goraýjy edaralaryň maddy-enjamlaýyn binýadyny pugtalandyrjakdygyny, harby gullukçylaryň gullugy, olaryň maşgala agzalarynyň ýaşaýyş-durmuşy üçin mynasyp şertleri döretmek barada alada etjekdigini belledi.

Soňra Döwlet howpsuzlyk geňeşiniň giňişleýin mejlisi Milli Geňeşiň Mejlisiniň we Halk Maslahatynyň ýolbaşçylarynyň, Ministrler Kabinetiniň Başlygynyň orunbasarlarynyň, welaýatlaryň hem-de Aşgabat şäheriniň häkimleriniň, syýasy partiýalaryň, jemgyýetçilik birleşikleriniň ýolbaşçylarynyň gatnaşmagynda dowam etdi. Mejlisiň gün tertibine ýurdumyzda jemgyýetçilik hukuk tertibini ýokary derejede berjaý edip, asuda we bagtyýar durmuşy üpjün etmäge, adamyň ömrüni, saglygyny goramaga degişli örän wajyp meseleler girizildi.

Hormatly Prezidentimiz Gurbanguly Berdimuhamedow ýygnananlara ýüzlenip, Esasy Kanunymyz bolan Konstitusiýamyzda bellenilişi ýaly, «Türkmenistanda jemgyýetiň we döwletiň iň ýokary gymmatlygy adamdyr» diýmek bilen, ykrar edilen şu kada görä döwletimizde adamyň ömrüni, saglygyny goramak, asuda, bagtyýar durmuşda ýaşamagyny üpjün etmek boýunça döwlet syýasatynyň yzygiderli durmuşa geçirilýändigini nygtady. Raýatlarymyzyň abadan we bagtyýar durmuşda ýaşamagy üçin asuda jemgyýeti döretmek hem-de jemgyýetçilik hukuk tertibini ýokary derejede üpjün etmek boýunça uly işler alnyp barylýar.

Siziň bilşiňiz ýaly, dürli jenaýatlaryň öňüni almak, olara şert döredýän ýagdaýlary hem-de sebäpleri ýüze çykarmak, seljermek, aradan aýyrmak, bu ugurda wagyz-nesihat, düşündiriş işleri bilen öňüni alyş çärelerini geçirmek harby we hukuk goraýjy edaralaryň, häkimlikleriň, geňeşleriň, jemgyýetçilik birleşikleriniň, beýleki guramalaryň örän möhüm wezipeleri bolup durýar diýip, milli Liderimiz sözüni dowam etdi. Degişli düzümler tarapyndan bu babatda görülýän çäreleriň bildirilýän talaplara laýyk gelmeýändigi bilen baglylykda, häzirki döwürde bu ugurda köp sanly kemçiliklere ýol berilýär diýip, döwlet Baştutanymyz aýtdy.

Hormatly Prezidentimiz Gurbanguly Berdimuhamedow sözüni dowam etdirip, ýurdumyzda abadan, parahat durmuşy üpjün etmek, jenaýatçylyklaryň öňüni almak maksady bilen, tutuş jemgyýetiň tagallalarynyň wajypdygyna mejlise gatnaşyjylaryň ünsüni çekdi.

Bu ýagdaýlaryň sebäplerini içgin seljerip, olaryň wagtynda öňüni almak üçin sazlaşykly işleri geçirmek zerurdyr. Biziň esasy maksadymyz yzygiderli ösýän, kämilleşýän asuda jemgyýeti kemala getirmekden ybaratdyr diýip, milli Liderimiz aýtdy.

Hukuk goraýjy edaralar edilen etmiş üçin diňe çäre görýän ýa-da jeza berýän edara bolmaly däldir. Bu düzümler durmuşda ýalňyşan adamlary dogry ýola gönükdirmäge, terbiýelemäge, jemgyýete gaýtaryp getirmäge işjeň gatnaşmalydyr diýip, döwlet Baştutanymyz nygtady hem-de harby we hukuk goraýjy edaralara bu ugurda öň hatarda bolmagy, öz işlerini mundan beýläk has-da güýçlendirmegi tabşyrdy.

Adamyň ykbalyna, jemgyýetiň nogsanlyklaryna biparh garalmaly däldir. Halkymyzyň abadan we bagtyýar durmuşda ýaşamagyna, jemgyýetimiziň kämilleşmegine ýardam bermek zerurdyr diýip, hormatly Prezidentimiz Gurbanguly Berdimuhamedow belledi.

Soňra Ministrler Kabinetiniň Başlygynyň orunbasary, Döwlet howpsuzlyk geňeşiniň sekretary Ç.Amanowa söz berildi. Ol garalýan mesele boýunça ýurdumyzdaky işleriň ýagdaýy hem-de harby we hukuk goraýjy edaralaryň öňünde durýan wezipeleri üstünlikli çözmek maksady bilen görülýän çäreler barada hasabat berdi.

Döwlet Baştutanymyz sözüni dowam etdirip, dürli hukuk bozulmalaryň öňüni almak maksady bilen, harby we hukuk goraýjy edaralar tarapyndan geçirilýän öňüni alyş işleriniň talaba laýyk gelmeýändigi bilen bagly birnäçe anyk mysallary getirdi. Şunuň bilen baglylykda, milli Liderimiz häkimlikleriň, geňeşlikleriň, jemgyýetçilik birleşikleriniň we beýleki guramalaryň ilatyň arasynda degişli terbiýeçilik çärelerine işjeň gatnaşmagynyň wajypdygyna ünsi çekdi. Şunuň bilen birlikde, tussaglykdan boşan adamlary hasaba almak, olary işe ýerleşdirmek meselelerini çözmek zerurdyr diýip, hormatly Prezidentimiz Gurbanguly Berdimuhamedow aýtdy.

Döwlet Baştutanymyz ýol hereketiniň kadalarynyň berk berjaý edilmegini üpjün etmek meselesine ünsi çekip, içeri işler ministri Ö.Hojanyýazowa birnäçe anyk tabşyryklary berdi.

Milli Liderimiziň belleýşi ýaly, ýurdumyzyň içeri işler edaralary hukuk tertibini üpjün etmek üçin, jemgyýetçilik pikirini içgin öwrenip, kriminalistik barlaglary güýçlendirmäge hem-de bu ugurdaky seljeriş işlerine aýratyn üns bermelidirler. Hormatly Prezidentimiz kanunçylyga laýyklykda, öňüni alyş taýdan täsir etmäge degişli raýatlary ýüze çykaryp, olaryň hasabyny ýöretmegi ileri tutulýan wezipeleriň hatarynda görkezip, olar bilen özbaşdak iş alyp barmagy, olaryň ýaşaýyş-durmuş meselelerini çözüp, gündelik durmuşa işjeň gatnaşmagyny gazanmagy tabşyrdy.

Döwlet Baştutanymyz Gurbanguly Berdimuhamedow durmuş ýagdaýy kynrak bolan adamlar barada aýdyp, olara hemmetaraplaýyn hemaýat etmegi hem-de hukuklaryny we azatlyklaryny goramaga ýardam bermegi tabşyrdy. Olara zähmet we durmuş taýdan goldaw bermäge gönükdirilen netijeli çäreleri yzygiderli geçirip durmak zerurdyr.

Milli Liderimiz şeýle hem tussaglykdan boşap gelen adamlar bilen degişli işleri geçirmegiň zerurdygyna ünsi çekdi. Hususan-da, olaryň jemgyýete goşulyp gitmegi, ýaşaýyş-durmuşyny ýola goýmagy üçin durmuş-ykdysady, terbiýeçilik, hukuk häsiýetli çäreleri geçirmegiň zerurdygy bellenildi. Ilkinji nobatda bolsa, olary iş bilen üpjün etmek üçin, häkimlikler bilen bilelikde zerur çäreler görülmelidir diýip, döwlet Baştutanymyz Gurbanguly Berdimuhamedow aýtdy.

Howply ýol-ulag hadysasynyň öňüni almaga gönükdirilen çäreleri has-da güýçlendirmäge aýratyn üns berildi. Şunuň bilen baglylykda, ýollarda hereket kadalarynyň, esasan hem, bellenen tizligiň berjaý edilişine berk gözegçilik etmek tabşyryldy.

Soňra döwlet Baştutanymyz prokuratura edaralarynyň işiniň ileri tutulýan ugurlaryna ünsi çekdi. Hormatly Prezidentimiziň belleýşi ýaly, bu edaralar kanunçylygyň ýerine ýetirilişine talabalaýyk gözegçilik etmeýärler.

Döwlet Baştutanymyz Baş prokuror B.Atdaýewe ýüzlenip, hukuk goraýjy, saglygy goraýyş, bilim edaralarynyň, häkimlikleriň we jemgyýetçilik guramalarynyň wekilleri bilen bilelikde ilat arasynda jenaýatçylyga garşy geçirilýän wagyz-nesihat, düşündiriş işlerini has-da güýçlendirmegi tabşyrdy.

Hukuk bozulmalarynyň öňüni almak üçin kanunçylygyň takyk we birmeňzeş berjaý edilişine gözegçiligi has-da ýokarlandyrmak gaýragoýulmasyz wezipeleriň hatarynda görkezildi. Harby we hukuk goraýjy edaralaryň jenaýatçylyga garşy göreşmek boýunça alyp barýan işlerini utgaşdyrmak, bu ugurda sazlaşykly iş alyp barmak zerurdyr.

Polisiýanyň we ýerli öz-özüňi dolandyryş edaralarynyň bu ugurdaky bilelikde alyp barmaly işlerini talabalaýyk ýerine ýetirmegine berk gözegçilik etmek hem-de bu işleri amala aşyrmaga olara ýakyndan ýardam berip durmak zerurdyr.

Mejlisiň dowamynda hormatly Prezidentimiz jenaýatçylygyň öňüni almakda kazyýet edaralarynyň üstüne hem uly wezipeleriň düşýändigini belläp, bu düzümiň işini talabalaýyk guramagyň ähmiýetine ünsi çekdi. Şunuň bilen baglylykda, Ýokary kazyýetiň başlygy G.Ussanepesowa anyk tabşyryklar berildi.

Hukuk bozulmalarynyň öňüni almak babatdaky kanunçylygy kämilleşdirmäge kazyýet edaralarynyň işjeň gatnaşmagy möhüm wezipeleriň hatarynda görkezildi. Döwlet Baştutanymyz şeýle hem jenaýat edilmegine şert döredýän sebäpleri düýpli seljerip, degişli taraplara duýdurmagy hem-de bu sebäpleriň öňüni almaga işjeň gatnaşmagy tabşyrdy. Milli Liderimiz Gurbanguly Berdimuhamedow adamlarda hukuk goraýjy edaralara ynamy artdyrmagy esasy wezipeleriň hatarynda kesgitledi.

Şeýle hem raýatlardan gelip gowuşýan arzalary öz wagtynda içgin öwrenip, olaryň kanuny çözgüdini üpjün etmegiň zerurdygy nygtaldy. Milli Liderimiz göçme kazyýet mejlislerini geçirmegi tejribä ornaşdyrmagyň wajypdygy barada aýdyp, ilat arasynda wagyz-nesihat, düşündiriş işlerini ýygy-ýygydan geçirip durmagyň zerurdygyny belledi.

Hormatly Prezidentimiz adalat ministri B.Muhamedowa ýüzlenip, bu ugurda alnyp barylýan işleri has-da güýçlendirmegi, hukuk bozulmalarynyň öňüni almak üçin kanunçylygy kämilleşdirmäge işjeň gatnaşmagy tabşyrdy. Şeýle hem ilatyň hukuk taýdan sowadyny artdyrmak, her bir raýatyň hukuklaryna we borçlaryna düýpli düşünmegini gazanmak üçin, wagyz-nesihat, düşündiriş işlerini yzygiderli geçirip durmak babatda görkezmeler berildi.

Döwlet Baştutanymyz Milli howpsuzlyk ministrliginiň öňünde durýan gaýragoýulmasyz wezipelere ünsi çekip, ministrligiň ýolbaşçysy G.Annaýewe degişli tabşyryklary berdi.

Hormatly Prezidentimiz Gurbanguly Berdimuhamedow öz ygtyýarlygyna degişli işler boýunça hukuk bozulmalaryny duýdurmak we olaryň öňüni almak üçin duýduryş-düşündiriş çärelerini ýygy-ýygydan geçirip durmagy işiň ileri tutulýan ugurlarynyň hatarynda görkezdi. Hukuk tertibine garşy gelýän hereketlere ýol bermezlik üçin, ilatyň, aýratyn-da, bilim edaralary bilen bilelikde kämillik ýaşyna ýetmedikleriň arasynda alnyp barylýan işleri has-da güýçlendirmek zerurdyr. Olara hukuklaryny hem-de ene-atanyň, döwletiň we jemgyýetiň öňündäki borçlaryny yzygiderli düşündirip durmak wajypdyr.

Soňra milli Liderimiz içerki migrasiýa meseleleri barada durup geçdi. Şunuň bilen baglylykda, Döwlet migrasiýa gullugynyň işini döwrüň talaplaryna laýyklykda alyp barmagyň wajypdygyny belledi.

Döwlet Baştutanymyz bu edaranyň ýolbaşçysy B.Öwezowa ýüzlenip, hemişelik ýaşaýan ýerinden başga ýere zähmet işini amala aşyrmak üçin ýa-da beýleki maksatlar bilen gidip, şol ýerde wagtlaýyn bolýan raýatlaryň bellige alynmagyna berk gözegçiligi üpjün etmegi tabşyrdy.

Milli Liderimiz Gurbanguly Berdimuhamedow mejlisi dowam edip, goranmak ministri B.Gündogdyýewe, Döwlet serhet gullugynyň başlygy Ý.Nuryýewe hem-de Döwlet gümrük gullugynyň başlygy M.Hudaýkulyýewe birnäçe anyk tabşyryklary berdi. Öz ýolbaşçylyk edýän edaralarynda şahsy düzümiň arasynda alnyp barylýan terbiýeçilik, durmuş-hukuk işlerini has-da güýçlendirmek, hukuk bozulmalarynyň öňüni almak üçin, harby düzgün-nyzam baradaky ýagdaýy yzygiderli seljerip durmak we onuň berk berjaý edilmegini üpjün etmek gaýragoýulmasyz wezipeleriň hatarynda görkezildi.

Soňra hormatly Prezidentimiz mejlise gatnaşyjylara ýüzlenip, hukuk bozulmalaryna garşy terbiýeçilik ähmiýetli wagyz-nesihat, düşündiriş işlerini geçirmekde bilim edaralarynyň, Kärdeşler arkalaşyklarynyň, Zenanlar birleşiginiň, Ýaşlar guramasynyň, Milli Geňeşiň Mejlisiniň we Halk Maslahatynyň komitetleriniň ornuny belledi. Şunuň bilen baglylykda, olaryň ýaşlary ylymly-bilimli, giň dünýägaraýyşly, watançy, zähmetsöýer, akylly-başly edip ýetişdirmek boýunça alnyp barylýan çärelere işjeň gatnaşmagyna üns çekildi.

Bu babatda bilim edaralaryna, jemgyýetçilik birleşiklerine, Mejlisiň we Halk Maslahatynyň komitetlerine her bir raýatyň öz hukuklaryny, borçlaryny düýpli düşünmegini gazanmak hem-de döwletiň, jemgyýetiň öňündäki borçlaryny düşündirmek üçin terbiýeçilik häsiýetli wagyz-nesihat işlerini yzygiderli geçirmek tabşyryldy.

Hormatly Prezidentimiz Gurbanguly Berdimuhamedow çykyşynyň dowamynda häkimlikler, geňeşler, ýerlerdäki hukuk goraýjy, bilim, saglygy goraýyş edaralary, jemgyýetçilik birleşikleri tarapyndan düzgün bozmalaryň öňüni almak boýunça işleriň geçirilmeginiň wajypdygyna mejlise gatnaşyjylaryň ünsüni çekdi. Bu edaralar ýagdaýa doly gözegçilik edip, öňüni alyş çärelerini yzygiderli geçirip durmalydyr diýip, döwlet Baştutanymyz aýtdy.

Biz tutuş jemgyýet bolup, jenaýatçylyga garşy sazlaşykly işläp, tutanýerli göreş alyp barsak, onda bu jenaýatçylygy azaldyp, hukuk tertibini has-da berkidip, jemgyýetimiziň asudalygyny pugtalandyryp bileris. Milli häsiýetli, belent ahlakly, watançy, halal ýaşlary terbiýeläp ýetişdirip bileris. Ata Watanymyzy dünýäniň öňdebaryjy döwletleriniň birine öwürmek, kämil jemgyýeti döretmek barada öňde goýan belent wezipelerimize ýetip bileris diýip, döwlet Baştutanymyz nygtady.

Biz şu kesgitlenen wezipeleri hem-de kanunçylykda bellenen beýleki kadalary birkemsiz ýerine ýetirip, jenaýatçylyga garşy berk göreşmelidiris. Ýurdumyzda hemişe asuda durmuşyň, ruhubelent jemgyýetiň berkarar bolmagyny gazanmalydyrys diýip, milli Liderimiz aýtdy.

Hormatly Prezidentimiz bu meseleleriň aýratyn gözegçilikde saklanjakdygyny belläp, ýokarda kesgitlenen wezipeleriň ählisiniň üstünlikli çözüljekdigine ynam bildirdi.

Mejlisiň ahyrynda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Gurbanguly Berdimuhamedow Döwlet howpsuzlyk geňeşiniň giňişleýin mejlisine gatnaşyjylara berk jan saglyk, rowaçlyk, maşgala abadançylygyny, halkymyzyň asuda we bagtyýar durmuşda ýaşamagy ugrunda alyp barýan jogapkärli işlerinde uly üstünlikleri arzuw etdi.

“Ar­ka­dag” myh­man­ha­na­sy — türk­men myh­man­sö­ýer­li­gi­niň döw­let de­re­je­si

Ga­dy­my ki­tap­lar­da: «Adam og­lu­nyň Ze­min­dä­ki baş bor­jy dün­ýä­ni gö­zel­leş­dir­mek­dir» di­ýil­ýär. Bu be­lent bor­juň ama­ly bol­sa ýa­şa­ýan ýe­ri­ňiýur­du­ňy gö­zel­leş­dir­mek­den baş­lan­ýar. Hor­mat­ly Pre­zi­den­ti­miz Gurbanguly Berdimuhamedowyň pa­ra­sat­ly baş­tu­tan­ly­gyn­da bitirilýän işler, gu­rul­ýan bi­na­lar bolsa di­ňe bir ýur­du­my­zy däl, gö­wün­le­ri­mi­zi, ömür­le­ri­mi­zi hem görk­len­dir­ýär. Mu­ny 29njy iýun­da paýtagtymyzda da­ba­ra­ly ýagdaýda ulanmaga berlen «Ar­ka­dag» myh­man­ha­na­sy­nyň my­sa­lyn­da hem nyg­tap bo­lar. Bu ka­şaň myh­man­ha­na ta­ry­hyň tä­ze sa­hy­pa­sy bo­lup açyl­dy. Türk­me­niň giň göw­ni, nu­ra­na dün­ýä­si bo­lup açyl­dy!

Türk­men myh­man­sö­ýer­li­gi! Gah­ry­man Ar­ka­da­gy­my­zyň “Türk­me­niň döw­let­li­lik ýö­rel­ge­si” at­ly ki­ta­byn­da gi­ňiş­le­ýin be­ýan edi­şi ýa­ly, mu­nuň özi öz­ba­şy­na uly sun­gat, uly mek­dep. Bu mek­de­biň düýp­lü­li­gi, be­ýik­li­gi hal­ky­my­zyň di­ňe “Taň­ry myh­ma­ny” di­ýen dü­şün­je­sin­de hem aýanaý­dyň be­ýan tap­ýar. Diý­mek, türk­men­de myh­man — Al­la­nyň we­ki­li.

Ça­gy­ryl­synça­gy­ryl­ma­syn, ta­nyşunä­ta­nyş bol­sun, par­hy ýok, hal­ky­myz­da myh­man öňün­den çy­ky­lyp, gar­şy alyn­ýar, oňa mü­rä­het edil­ýär. Otu­ran des­si­nede öňün­de duzçö­rek go­ýul­ýar. Bu ga­dy­my däp duzçö­re­giň ýag­şy ni­ýe­ti ber­ki­dip, ýa­man ni­ýe­te bö­wet bol­ýan­dy­gy bi­len bag­la­nyş­dy­ryl­ýar.

“Myh­man ataň­dan uly” di­ýen ež­dat­la­ry­myz öýü­ne ge­len ki­şä üç gi­jegün­diz hyz­mat edip, soň­ra ha­ba­ry­ny alyp­dyr­lar. As­lyn­da, türk­men he­mi­şe we is­len­dik pur­sat­da myh­man al­ma­ga taý­ýar­lyk­ly ýa­şa­ýan halk.

Gor­kut ata: “Myh­man gel­me­ýen öýüň bo­la­nyn­dan bol­ma­dy­gy ýeg” di­ýip­dir. Türk­men­de jaý gur­lan­da, myh­man ota­gy­na aý­ra­tyn äheňäh­mi­ýet be­ril­ýär. Myh­man ota­gy her bir öýüň esa­sy ýa­ra­şy­gy ha­sap­lan­ýar. Öý­de ta­gam taý­ýar­la­nan­da, hök­man myh­man pa­ýy hem göz öňün­de tu­tul­ýar.

Biz hä­zir­ki dö­wür­de Gah­ry­man Ar­ka­da­gy­my­zyň pa­ra­sat­ly baş­tu­tan­ly­gyn­da ýur­du­myz­da şol asyl­ly ýö­rel­ge­le­re nä­hi­li ýaý­raw ber­li­şi­ne gu­wan­mak gu­wan­ýa­rys. Türk­me­niň myh­man gar­şy­la­mak des­su­ry bu gün Ga­raş­syz döw­le­ti­miz­de sun­gat de­re­je­si­ne ýe­ti­ril­di. Türk­men öýü­niň myh­man otag­la­ry bu gün ber­ka­rar ýur­duň ka­şaň myh­man­ha­na­la­ry de­re­je­si­ne gö­te­ril­di. Uzak asyr­la­ryň do­wa­myn­da Be­ýik Ýü­pek ýo­lu­nyň ýü­re­gi bo­lan türk­men top­ra­gy­nyň ga­dy­my ker­wen­sa­raý­la­ryn­dan dün­ýä­de pa­ra­hat­çy­ly­gyň, yna­nyş­ma­gyň Wa­ta­ny, oňyn hyz­mat­daş­ly­gyň hal­ka­ra mer­ke­zi hök­mün­de ady­gan, he­mi­şe­lik Bi­ta­rap­ly­gy ja­han deg­re­sin­de iki gaý­ta yk­rar ta­pan döw­le­tiň ka­şaň myh­man­ha­na­la­ry­na çen­li ýol ge­çil­di.

***

Aş­ga­ba­dyň ka­şaň myh­man­ha­na­la­ry! San­ly­ja ýy­lyň için­de ola­ryň, gör, nä­çe­si­niň gur­lup ulan­ma­ga ber­le­ni­niň şa­ýa­dy bol­duk! Oguz ýur­du­nyň be­lent ho­wa­la­sy si­ňen “Oguz­kent” myh­man­ha­na­sy! Paý­tagt bi­len ady­bir “Aş­ga­bat” myh­man­ha­na­sy! Ýer­de do­gan ýyl­dyz deý lo­wur­dap otu­ran “Ýyl­dyz” myh­man­ha­na­sy! Alys­dan se­leň­läp gö­rün­ýän “Ar­ça­bil” myh­man­ha­na­sy! Olim­pi­ýa şä­her­çe­si­niň ýa­ra­şy­gy “Olim­pi­ýa”, “Sport” myh­man­ha­na­la­ry! Türk­men döw­let­li­li­gi ba­ra­da­ky ga­lyň di­wa­na ça­lym­daş “Di­wan” myh­man­ha­na­sy! Yn­ha, ýa­kyn gel­jek­de go­ja säh­ra­nyň tyl­la­ýy öwüş­gin­le­ri­ni özün­de jem­län “Ga­ra­gum” myh­man­ha­na­sy­nyň ulan­ma­ga be­ril­me­gi bol­sa “Ar­ka­dag” myh­man­ha­na­sy­nyň da­ba­ra­ly açy­ly­şy­nyň my­na­syp do­wa­my­na öw­rü­ler. Go­laý­da, 15nji iýun­da paý­tag­ty­my­za iş sa­pa­ry­ny ama­la aşy­ran hor­mat­ly Pre­zi­den­ti­mi­ziň Aş­ga­ba­dy ös­dür­me­giň tä­ze tas­la­ma­la­ry­nyň ha­ta­ryn­da “Nu­saý” myh­man­ha­na­sy­nyň gu­rul­ma­gy tek­lip edil­ýän ýer­le­ri­niň çyz­gy­la­ry­na, bi­na­nyň baş me­ýil­na­ma­sy­na we oňa de­giş­li bir­nä­çe tas­la­ma­la­ra ga­ran­dy­gy­nyda bel­län ýag­şy.

Bu sa­na­wy ýur­du­my­zyň we­la­ýat mer­kez­le­rin­de gur­lan myh­man­ha­na­la­ry ýat­lap, hasda uzal­dyp bo­lar­dy. Gö­zel Awa­za­nyň ýo­ka­ry de­re­je­li myh­man­ha­na­la­ry Ha­za­ryň türk­men ke­na­ry­na düýp­gö­ter tä­ze keşp, tä­ze dur­muş ba­gyş­la­dy. Ola­ryň äh­li­si bir­le­şip, Türk­me­nis­ta­nyň sy­ýa­hat­çy­lyk we myh­man­ha­na işe­wür­li­gi dü­zü­mi­niň kuw­wat­ly bin­ýa­dy­ny berk­den tut­ýar. Aş­ga­badyň Sy­ýa­hat­çy­lyk şä­her­le­ri­niň Bü­tin­dün­ýä fe­de­ra­si­ýa­sy­nyň ag­za­ly­gy­na ka­bul edil­me­gi bol­sa türk­men paý­tag­ty­nyň dün­ýä sy­ýa­hat­çy­ly­gyn­da aý­ra­tyn or­ny eýe­le­ýän şä­her­le­riň bi­ri­ne öw­rü­len­di­gi­ne gu­wanç­ly gü­wä­dir.

***

“Ar­ka­dag” myh­man­ha­na­sy­nyň tu­tu­my­nyňde­re­je­si­niň be­lent­li­gi­ni onuň adyn­dan aňy­ber­me­li­dir. Bu des­ga döw­rüň be­ýik Bi­na­gä­ri Gah­ry­man Ar­ka­da­gy­my­zyň gu­ru­jy­lyk ze­hi­ni­niň, dö­re­di­ji­lik paý­ha­sy­nyň ýe­nede bir mi­we­si. Myh­man­ha­na­nyň tas­la­ma­sy­nyň dü­zü­lip, tä gur­lu­şy­gy ta­mam­lan­ýan­ça, onuň döw­let Baş­tu­ta­ny­my­zyň ün­sün­de bo­lan­dy­gy­na, şun­da äh­li ba­bat­da mil­li Li­de­ri­mi­ziň gör­kez­me­dir mas­la­hat­la­ryn­dan ugur al­nan­dy­gy­na hem­mä­miz şa­ýat.

Gün­do­ga­ryň ga­dy­my er­te­ki­le­ri­ne gu­lak ge­riň, des­san­la­ra diň sa­lyň! Ulug şa­lyk­lar, pa­ty­şa­lyk­lar bagbak­ja­ly­gyň keş­bin­de wasp edil­ýän­dir. Söý­gi, bagt ba­gybos­san­lyk bi­len su­rat­lan­dy­ryl­ýan­dyr.

Tä­ze myh­man­ha­na­nyň deg­reda­şy­ny gur­şan gülgül­zar­ly­gyň, ýa­şyl bag­ly­gyň, ola­ry ara­lap geç­ýän eme­li der­ýa­nyň was­py­na nä­çe hoş sö­züň bol­sa, aýa­man aý­dy­ber­me­li.

Adat­ça, sa­par bi­len gel­ýän döw­let adam­la­ry­nyň her pur­sa­dy ha­sap­ly bol­ýar. Gys­ga wag­tyň, gys­by me­ýil­na­ma­nyň çä­gin­de şä­her bi­len do­ly ta­nyş­ma­ga sa­lym gal­ma­ýar. Ýö­ne ba­ha­ryň gör­ki bir gül­de, der­ýa­nyň ta­ga­my bir dam­ja­da açyl­ýar ahy­ry! Hal­ka­ra öl­çeg­de gur­lup, mil­li ruh­da sün­nä­le­nen “Ar­ka­dag” myh­man­ha­na­sy keş­bikeş­me­ri, gur­lu­şygur­şa­wy bi­len türk­men dün­ýä­si, türk­men top­ra­gy, türk­men paý­tag­ty, hal­ky­my­zyň şöh­rat­ly ta­ry­hy, şan­ly şu gü­ni ba­ra­da öz di­lin­de kän zat­la­ry gür ber­mä­ge ukyp­ly. Onuň be­lent­li­gin­den ser sa­lan­lar bol­sa bir gu­jak çe­men ýa­ly gül aç­ýan ak şä­he­ri­mi­ziň giňişliklerini inega­na syn­lap bi­ler­ler.

Ha­wa, bi­ziň döw­rü­miz­de “myh­man­ha­na” diý­mek di­ňe bir äh­li amat­lyk­la­ry bo­lan otag­la­ryň je­mi diý­mek däl. Ol sport meý­dan­ça­la­ryn­dan ýü­züş ho­wuz­ly SPA zo­lak­la­ry­na çen­li, amat­ly çaý­ha­na­lar­dan ka­şaň res­to­ran­la­ra, dü­kan­la­ra çen­li, in­ter­net ka­fe­le­rin­den hal­ka­ra tu­tum­ly mas­la­hat­la­r­dyr du­şu­şyk­la­ry ge­çir­mä­ge müm­kin­çi­lik­li zal­la­ra çen­li... dü­züm­le­ri özün­de jem­län, “do­ku­zy dü­züw” top­lum diý­mek!

Biz paý­tag­ty­my­zy “Ak şä­he­rim Aş­ga­bat” di­ýip söý­gü­le­ýä­ris. Şeý­le di­ýe­ni­miz­de, di­ňe bi­na­la­ryň jo­wur ak mer­mer­den wy­sal bo­la­ny­ny ýan­ja­ma­ýa­ny­myz bel­li. Aş­ga­ba­dyň ak­ly­gyn­da türk­me­niň ak ýo­ly, ulusiliň ak ar­zuw­la­ry, pä­ki­ze ni­ýet­le­ri, ne­sil­le­riň ak yk­bal­la­ry jem­le­nen­dir.

Hal­ky­myz öz ga­dy­my öýü­ne hem “ak öý” di­ýip­dir. Türk­me­niň ak öýi bu gün türk­men döw­let­li­li­gi­niň ny­şa­ny­na öw­rül­di. Ýur­du­my­zyň se­bit­le­ri­niň her bi­rin­de ka­şaň­dan ha­şam­ly, döw­let­lide­re­je­li “Türk­me­niň ak öýi” bi­na­sy­nyň gu­rul­ma­gy şo­ňa de­lil. Şu ýy­lyň 25nji ma­ýyn­da, baş şä­he­ri­mi­ziň 140 ýyl­ly­gy­nyň baý­ram edi­len gü­nün­de düý­bi tu­tu­lan hä­zir­ki za­man me­gatas­la­ma­sy “Aş­ga­batsi­ti­niň” esa­sy gi­rel­ge­si­nide ak öýüň şe­ki­lin­de gur­mak me­ýil­leş­di­ril­ýär. Ine, “Ar­ka­dag” myh­man­ha­na­sy­nyň aş­ha­na­sy­nyň hem ak öý görnüşinde bi­na edil­me­gi her nä­hi­li ka­şaň des­ga­la­ryň gur­lu­şy­gyn­dada göz­baş­la­ra, mil­li ýö­rel­ge­le­re we­pa­ly­ly­gyň ýe­nede bir my­sa­ly bo­lup­dyr.

Tä­ze myh­man­ha­na­nyň ýer­leş­ýän ýe­ride tä­sin. Kö­pet­da­gyň ete­gi. Se­leňser­gin ho­wa­ly kün­jek. Şu ýy­lyň aprelinde açy­lan Halk Mas­la­ha­ty­nyň Di­wa­ny­nyň, Mas­la­hat­lar mer­ke­zi­niň, Ka­bul ediş mer­ke­zi­niň, «Türk­men­ba­şy» döw­let tä­jir­çi­lik ban­ky­nyň we «Se­na­gat» paý­dar­lar tä­jir­çi­lik ban­ky­nyň bi­na­la­ry, yn­ha, in­di bol­sa “Ar­ka­dag” myh­man­ha­na­sy bi­ribi­ri bi­len tä­sin, sün­nä saz­la­şy­gy dö­re­dip, bu ýer­de Aş­ga­ba­dyň tä­ze, röw­şen keş­bi­ni eme­le ge­tir­ýär.

***

As­lyn­da, «şä­her» sö­zü­niň «şa» sö­zi bi­len bag­la­ny­şyk­ly­dy­gy­ny, «şa­nyň tagt gu­ran, hö­küm­dar­lyk ed­ýän ýe­ri» diý­me­gi aň­lad­ýan­dy­gy­ny aýd­ýar­lar. «Şanşöh­rat» sö­zide bu dü­şün­je­ler bi­len bir kök­den gaý­dyp­dyr.

Ha­wa, geç­miş­den şu gü­ne ýur­duň şa­lyk de­re­je­si onuň baş şä­he­rin­de açyl­ýar. Döw­rüň, döw­le­tiň şanşöh­ra­ty paý­tagt şä­her­den dün­ýä ýa­ýyl­ýar.

Mu­kad­des Ga­raş­syz­ly­gy­nyň şan­ly 30 ýyl­ly­gy­ny baý­ram ed­ýän Türk­me­nis­ta­nyň paý­tag­ty, göz­le­ri­mi­ziň öňün­de tä­ze keş­be bes­len­ýän Aş­ga­bat, Gah­ry­man Ar­ka­da­gy­my­zyň aý­dy­şy ýa­ly, hal­ky­my­zyň kal­by­nyň buý­san­jy­dyr, di­li­niň se­na­sy­dyr!

Ka­ka­my­rat RE­JE­BOW.

“Türk­me­nis­tan”. Surata düşürenler Arslan MÜLLIKOW, Maksat AKMÄMMEDOW.

Mukaddes Garaşsyzlygymyzyň şanly 30 ýyllyk toýuna barýan Watanymyzda hormatly Prezidentimiziň energetika howpsuzlygy, öňüni alyş diplomatiýasy, ekologiýa we suw diplomatiýasy, üstaşyr ulag mümkinçiliklerini döretmek babatdaky öňdengörüjilikli başlangyçlary üstünlikli durmuşa geçirilýär. Bu aýdylýanlar bilen bir hatarda, Türkmenistan ulag ulgamyny ösdürmegi ugur edinýän milli, şeýle hem sebit we halkara ähmiýetli giň mümkinçilikli taslamalary amala aşyrýar.

Hormatly Prezidentimiz bu ugurda sebit we dünýä ähmiýetli başlangyçlary, teklipleri öňe sürýär. Şonuň esasynda daşary ýurtly hyzmatdaşlar bilen bilelikde transmilli ulag-üstaşyr geçelgelerini döretmek boýunça giň gerimli taslamalar amala aşyrylýar. Ulag ulgamlarynyň batly depginlerde ösdürilmegi täze durmuş-ykdysady şertleriniň döredilmegine, işewür we özara bähbitli hyzmatdaşlygyň giňelmegine, goňşy ýurtlar, şeýle hem dünýäniň beýleki döwletleri we halklary bilen dostlukly gatnaşyklaryň berkemegine ýardam edýär.

Eziz Diýarymyzyň her bir üstünligi buýsanjymyza buýsanç, guwanjymyza guwanç goşýar. Sebäbi Türkmenistan Watanymyzda gazanylýan her bir üstünlik ýurdumyzyň abraýyna abraý, mertebesine mertebe, şöhratyna şöhrat goşýar. Hormatly Prezidentimiziň bimöçber tagallasy bilen adamzat taryhyna ýaň salan Beýik Ýüpek ýolunyň häzirki döwürde täze şertlerde gaýtadan dikeldilmegi dünýä ýalkym saçýar. Milli Liderimiziň öňdengörüjilikli taglymaty esasynda gadymy kerwen ýollary häzirki zaman awtomobil, howa, demir ýollary we gaz hem-de elektrik geçirijiler hökmünde täze nusga we derejä eýe boldy. Häzirki wagtda ýurdumyzda Aşgabat — Türkmenabat ýokary tizlikli awtomobil ýoly çalt depginde gurulýar. Bu gurluşyk dünýäde ulag ulgamynda ählumumy wezipeleri çözmek üçin tagallalary birleşdirmegiň zerurdygyna ähmiýet berýän, ulag diplomatiýasyny üstünlikli ösdürýän Türkmenistanyň ykdysady kuwwatynyň aýdyň güwäsidir.

Diýarymyzyň üstaşyr geçirmek mümkinçiliginiň amala aşyrylmagy goňşy ýurtlaryň ykdysady bähbitlerine-de kybap gelýär, yklymda berk logistik aragatnaşyklaryň ýola goýulmagyna, ynam bildirýän hyzmatdaşlyk gatnaşyklarynyň, deňhukuklylygyň we ösüşiň pugtalandyrylmagyna ýardam berýär. Goý, ýurdumyzy ösüşlerden-ösüşlere alyp barýan hormatly Prezidentimiziň jany sag, ömri uzak bolsun!

Çemen GURBANNAZAROWA,

Ýagşygeldi Kakaýew adyndaky Halkara nebit we gaz uniwersitetiniň mugallymy.