Ýur­du­myz­da hu­su­sy işe­wür­li­giň mil­li yk­dy­sa­dy­ýe­ti­miz­dä­ki or­ny bar­ha art­ýar. Te­le­ke­çi­li­ge döw­let ta­ra­pyn­dan yzy­gi­der­li gol­daw be­ril­me­gi bu pu­da­gyň bar­ha ös­me­gi­ne, dün­ýä ba­za­ryn­da ta­nal­ma­gy­na giň müm­kin­çi­lik­le­ri aç­ýar. Hor­mat­ly Pre­zi­den­ti­mi­ziň şu ýy­lyň 4-nji iýu­nyn­da ýur­du­my­zyň azyk howp­suz­ly­gy­ny üp­jün et­mek mak­sa­dy bi­len, te­le­ke­çi­le­re gol­daw hök­mün­de 150 mil­lion ame­ri­kan dol­la­ry­ny bö­lüp ber­mek ba­ra­da­ky Ka­ra­ra gol çek­me­gi türk­men te­le­ke­çi­le­rin­de uly buý­sanç duý­gu­sy­ny dö­ret­di. 

Düýn Türk­me­nis­ta­nyň Se­na­gat­çy­lar we te­le­ke­çi­ler bir­leş­me­si­niň mej­lis­ler za­lyn­da «Ar­ka­dag­ly Ser­da­ry­my­zyň azyk sy­ýa­sa­ty: hal­ky­my­zyň nu­ra­na gel­je­gi­niň ha­ty­ra­sy­na» at­ly ho­şal­lyk mas­la­ha­ty ge­çi­ri­lip, ýur­du­my­zyň işe­wür­le­ri döw­let Baş­tu­ta­ny­my­za çuň­ňur ho­şal­lyk­la­ry­ny be­ýan et­di­ler.  

— Hor­mat­ly Pre­zi­den­ti­mi­ziň guş­çu­ly­gyň oba ho­ja­ly­gy­nyň ok­gun­ly ös­ýän pu­dak­la­ry­nyň bi­ri­di­gi­ni nyg­tap: «Hä­zir­ki wagt­da ýur­du­myz­da guş eti we ýu­murt­ga, esa­san, Se­na­gat­çy­lar we te­le­ke­çi­ler bir­leş­me­si­niň ag­za­la­ry ta­ra­pyn­dan ön­dü­ril­ýär» di­ýip bel­le­me­gi bi­zi has-da buý­san­dyr­dy — di­ýip, «Al­tyn jüý­je» ho­ja­lyk jem­gy­ýe­ti­niň di­rek­to­ry Röw­şen Aman­sä­he­dow nygtady: — Dü­şe­wünt­li pu­dak­la­ryň bi­ri bo­lan guş­çu­ly­gyň önüm­çi­li­gi­ni tap­gyr­la­ýyn art­dyr­mak mak­sa­dy bi­len, iým­lik bug­da­ýy, mek­ge­jö­we­ni we so­ýa­ny ös­dü­rip ýe­tiş­dir­megiň hem-de bu ekin­le­ri ýe­tiş­dir­mä­ge is­leg bil­dir­ýän ta­rap­la­ra goş­ma­ça ýer bö­lek­le­ri­ni bö­lüp ber­me­giň tek­lip edil­me­gi ýer­li önüm­çi­li­giň art­dy­ryl­ma­gyn­da, içer­ki ba­za­ryň öz önüm­le­ri­miz bi­len üp­jün edil­me­gin­de örän äh­mi­ýet­li­dir. 

Ahal we­la­ýa­ty­nyň Gök­de­pe et­ra­by­nyň S.A.Ny­ýa­zow adyndaky daý­han bir­le­şi­gi­niň çä­gin­de ýyl­da 5 mil­lion jüý­je çy­kar­ma­ga müm­kin­çi­li­gi bo­lan in­ku­ba­tor top­lu­my­myz ýer­leş­ýär. Etrabyň «Türk­me­nis­tan» daý­han bir­le­şi­gi­niň çä­gin­de bol­sa sa­gat­da 10 ton­na ba­ra­bar de­ňag­ram­laş­dy­ry­lan iý­miň 7 gör­nü­şi ön­dü­ril­ýär. Şeý­le-de ýyl­da 1 mil­lion jüý­je sak­la­ma­ga müm­kin­çi­lik ber­ýän guş­çu­lyk fer­ma­myz­da her ýyl 1500 ton­na et ön­dü­ri­lip, hal­ky­my­za hö­dür­len­ýär. 

Ar­ka­dag­ly Ser­da­ry­my­zyň gol çe­ken Ka­ra­ry­na la­ýyk­lyk­da goý­be­ri­len uly möç­ber­dä­ki pul se­riş­de­si ila­ty­my­zy öz eko­lo­gik taý­dan aras­sa önüm­le­ri­miz bi­len üp­jün edip, ola­ryň da­şa­ry ýurt­lar­dan ge­ti­ril­ýän möç­ber­le­ri­ni ep-es­li azalt­ma­gy­myz­da uly gol­daw­dyr. Hor­mat­ly Pre­zi­den­ti­mi­ziň biz — te­le­ke­çi­le­re bil­di­ren ýo­ka­ry yna­my­ny öde­mek ug­run­da gel­jek­de-de yh­las-ba­şar­ny­gy­my­zy gaý­gyr­ma­rys. 

Mas­la­ha­tyň do­wa­myn­da edi­len çy­kyş­lar­da azyk howp­suz­ly­gy­ny pug­ta­lan­dyr­magyň, azyk bol­çu­ly­gy­ny üp­jün et­megiň, hor­mat­ly Pre­zi­den­ti­mi­ziň dur­mu­şa ge­çir­ýän yk­dy­sa­dy sy­ýa­sa­tyn­da mö­hüm ugur ha­sap­lan­ýan­dy­gy ba­ra­da buý­sanç bi­len bel­le­nil­di.  

Bil­şi­miz ýa­ly, ýur­du­my­zyň oba ho­ja­ly­gy top­lum­la­ýyn ös­dü­ril­ýär, oba ho­ja­lyk ugur­ly tä­ze ul­gam­la­ry dö­ret­mä­ge aý­ra­tyn üns be­ril­ýär. Or­ta we ki­çi te­le­ke­çi­li­giň gol­da­nyl­ma­gy bu ba­bat­da uly üs­tün­lik­le­riň ga­za­nyl­ma­gy­na ge­tir­ýär. Hu­su­sy eýe­çi­lik­de daý­han ho­ja­lyk­la­ry­nyň dö­re­dil­me­gi te­le­ke­çi­le­riň oba ho­ja­lyk ekin­le­ri­niň dür­li gör­nüş­le­ri­ni ös­dü­rip ýe­tiş­di­rip, bol ha­syl al­ma­gy­na, mal­dar­çy­lyk, guş­çu­lyk top­lum­la­ry­nyň gu­rul­ma­gy hal­ky­my­zyň et önüm­le­ri bi­len üp­jün­çi­li­gi­ne, içer­ki ba­zar­da azyk önüm­le­ri­niň bol­çu­ly­gy­ny dö­re­dip, eks­port müm­kin­çi­lik­le­ri­niň art­dy­ryl­ma­gy­na ge­tir­ýär.  

Ho­şal­lyk mas­la­ha­ty­na gat­na­şy­jy­lar Ga­raş­syz Di­ýa­ry­my­zyň azyk ga­raş­syz­ly­gy­ny üp­jün et­mä­ge, dün­ýä ba­za­ryn­da bäs­deş­li­ge ukyp­ly, eko­lo­gik taý­dan aras­sa, ýo­ka­ry hil­li oba ho­ja­lyk önüm­le­ri­ni ön­dü­rip, içer­ki ba­za­rlarda azyk bol­çu­ly­gy­ny art­dyr­ma­ga dö­re­dil­ýän giň müm­kin­çi­lik­ler, gol­daw-he­ma­ýat­lar üçin Ar­ka­dag­ly Ser­da­ry­my­za al­kyş aýt­dy­lar. 

Ke­ýik UMA­RO­WA.

«Türk­me­nis­tan».