Hormatly Prezidentimiziň «Garaşsyzlyk — bagtymyz» atly kitabynyň çapdan çykandygy bilen baglanyşykly şatlykly habar Sarahs etrabynyň bagtyýar ýaşaýjylarydyr zähmetkeşlerinde hem uly buýsanç duýgusyny döretdi. Şeýle bolansoň, Gahryman Arkadagymyzyň täze kitabynyň etrap derejesindäki tanyşdyrylyş dabarasyna bagtdan paýly ildeşlerimiz uly ruhubelentlikde gatnaşdy.
Etrap merkezindäki Medeniýet öýünde bolan tanyşdyrylyş dabarasyny etrap häkimligi, etrabyň jemgyýetçilik guramalary, etrap merkezi kitaphanasy hem-de etrabyň medeniýet bölümi bilelikde gurady. Bu dabara turuwbaşdan ýakymly täsirlere beslendi. Oňa gatnaşmaga ýygnanan halk hojalygynyň dürli pudaklarynyň işgärleri, mekdep mugallymlary, ýaşlar täsirli çykyşlary gyzyklanma bilen diňlediler. Jemgyýetçilik guramalarynyň wekilleriniň, öňdebaryjy bilim işgärleriniň we beýleki myhmanlaryň çykyşlarynda hormatly Prezidentimiziň jöwher paýhasynyň miwesi bolan «Garaşsyzlyk — bagtymyz» atly gymmatly kitabyň baý many-mazmuny barada gürrüň berildi. Täze kitabyň her bir bölüminiň üstünde aýratyn durlup geçilmegi çykyşlaryň täsirliligini artdyrdy.
Dabara gatnaşyjylar halkymyza täze eserini sowgat edendigi üçin hormatly Prezidentimiziň adyna ýürekden çykýan alkyşly sözlerini aýtdylar. Bezemen sahnada ýerine ýetirilen belent owazly aýdym-sazlar dabara ýygnananlaryň göwnüni has-da galkyndyrdy.
Mähri IŞANGULYÝEWA,
Türkmenistanyň Demokratik partiýasynyň Sarahs etrap komitetiniň partiýa guramaçysy.
* * *
Tanyşdyrylyş dabarasy
Babadaýhan etrabyndaky 19-njy orta mekdebiň mejlisler jaýynda hormatly Prezidentimiziň «Garaşsyzlyk — bagtymyz» atly kitabynyň tanyşdyrylyş dabarasy geçirildi. Etrap bilim bölüminiň, Ylym we bilim işgärleriniň kärdeşler arkalaşygynyň etrap Geňeşiniň bilelikde guramagynda geçirilen dabara etrapdaky orta mekdepleriň mugallymlary gatnaşdy.
Dabarada çykyş edenler hormatly Prezidentimiziň täze kitabynyň bilim işgärleri üçin aýratyn uly sowgat, gymmatly gollanmadygy barada buýsançly gürrüň berdiler. Bellenilişi ýaly, döwlet Baştutanymyzyň täze kitabynda mukaddes Garaşsyzlygymyzyň milli kökleri we taryhy ähmiýeti açylyp görkezilýär, häzirki döwrüň örän möhüm wezipelerini çözmekde Garaşsyz, baky Bitarap döwletimiziň halkara hukuk ýagdaýynyň orny öz beýanyny tapýar. Diýarymyzda gurlup, ulanylmaga berlen iri önümçilik desgalaryň ähmiýetini açyp görkezýän maglumatlar kitabyň mazmunyny has-da baýlaşdyrýar.
Dabara gatnaşyjylar täze gymmatly kitaby sowgat eden Gahryman Arkadagymyza päk ýürekden çykýan alkyşlaryny beýan etdiler.
Arzygül NEPESOWA,
Ylym we bilim işgärleriniň kärdeşler arkalaşygynyň Babadaýhan etrap Geňeşiniň başlygy.